ന​യ്റോ​ബി: കെ​നി​യ​യി​ലെ മു​ൻ പ്ര​ധാ​ന​മ​ന്ത്രി റെ​യ്‌​ല ഒ​ഡിം​ഗ​യു​ടെ നി​ര്യാ​ണ​ത്തി​ൽ വി​കാ​രാ​ധീ ന​രാ​യി അ​നു​യാ​യി​ക​ൾ.

കേ​ര​ള​ത്തി​ൽ​നി​ന്ന് ഇ​ന്ന​ലെ കെ​നി​യ​ൻ ത​ല​സ്ഥാ​ന​മാ​യ ന​യ്റോ​ബി​യി​ൽ എ​ത്തി​ച്ച മൃ​ത​ദേ​ഹം കാ​ണാ​ൻ അ​നു​യാ​യി​ക​ൾ തി​ക്കും​തി​ര​ക്കു​മു​ണ്ടാ​ക്കി​യ​ത് ഒ​ട്ടേ​റെ അ​നി​ഷ്ട സം​ഭ​വ​ങ്ങ​ൾ​ക്കി​ട​യാ​ക്കി.

പോ​ലീ​സ് ജ​ന​ത്തി​നു നേരേ ക​ണ്ണീ​ർ​വാ​ത​കം പ്ര​യോ​ഗി​ച്ചു. വെ​ടി​വ​ച്ച​താ​യും റി​പ്പോ​ർ​ട്ടു​ണ്ട്. എ​ന്നാ​ൽ യ​ഥാ​ർ​ഥ ബു​ള്ള​റ്റാ​ണോ റ​ബ​ർ ബു​ള്ള​റ്റാ​ണോ പ്ര​യോ​ഗി​ച്ച​ത് എ​ന്ന​തി​ൽ സ്ഥി​രീ​ക​ര​ണ​മി​ല്ല. ഒ​ട്ടേ​റെ​പ്പേ​ർ​ക്കു പ​രി​ക്കേ​റ്റി​ട്ടു​ണ്ട്.

ന​യ്റോ​ബി​യി​ലെ ജോ​മോ കെ​നി​യാ​ത്ത വി​മാ​നത്താ​വ​ള​ത്തി​ലെ​ത്തി​ച്ച മൃ​ത​ദേ​ഹം കാ​ണാ​ൻ അ​ദ്ദേ​ഹ​ത്തി​ന്‍റെ അ​നു​യാ​യി​ക​ൾ ഇ​ര​ച്ചു​ക​യ​റി​യ​തോ​ടെ വി​മാ​ന​ത്താ​വ​ള​ത്തി​ന്‍റെ പ്ര​വ​ർ​ത്ത​നം സ്തം​ഭി​ച്ചു. പ​ര​ന്പ​രാ​ഗ​ത രീ​തി​യി​ൽ മ​ര​ച്ചി​ല്ല​ക​ളും പ​ന​യോ​ല​ക​ളു​മാ​യി വി​ലാ​പ​പ്ര​ക​ടന​ത്തോ​ടെ എ​ത്തി​യ അ​നു​യാ​യി​ക​ൾ സു​ര​ക്ഷാ സം​വി​ധാ​ന​ങ്ങ​ൾ മ​റി​ക​ട​ന്ന് വി​മാ​ന​ത്താ​വ​ള​ത്തി​ൽ പ്ര​വേ​ശി​ക്കു​ക​യാ​യി​രു​ന്നു.


ഇ​തി​നു പി​ന്നാ​ലെ, ജ​ന​ബാ​ഹു​ല്യം ക​ണ​ക്കി​ലെ​ടു​ത്ത് പാ​ർ​ല​മെ​ന്‍റി​ൽ നി​ശ്ച​യി​ച്ചി​രു​ന്ന പൊ​തു​ദ​ർ​ശ​നം ന​യ്റോ​ബി​യി​ലെ സ്റ്റേ​ഡി​യ​ത്തി​ലേ​ക്കു മാ​റ്റി. മൃ​ത​ദേ​ഹം കാ​ണാ​ൻ സ്റ്റേ​ഡി​യ​ത്തി​ലെ​ത്തി​യ അ​നു​യാ​യി​ക​ൾ തി​ക്കും തി​ര​ക്കു​മു​ണ്ടാ​ക്കി​യ​തോ​ടെ​യാ​ണ് പോ​ലീ​സി​ന്‍റെ ഭാ​ഗ​ത്തു​നി​ന്ന് ക​ണ്ണീ​ർ​വാ​ത​ക പ്ര​യോ​ഗ​വും വെ​ടി​വ​യ്പും ഉ​ണ്ടാ​യ​ത്.

കൂ​ത്താ​ട്ടു​കു​ള​ത്ത് ചി​കി​ത്സ​യ്ക്കെ​ത്തി​യ ഒ​ഡിം​ഗ (80) ക​ഴി​ഞ്ഞ​ദി​വ​സം രാ​വി​ലെ പ്ര​ഭാ​ത ന​ട​ത്ത​ത്തി​നി​ടെ ഹൃ​ദ​യാ​ഘാ​തം മൂ​ലം കു​ഴ​ഞ്ഞു​വീ​ണു മ​രി​ക്കു​ക​യാ​യി​രു​ന്നു. ഇ​പ്പോ​ഴ​ത്തെ പ്ര​തി​പ​ക്ഷ നേ​താ​വു​കൂ​ടി​യാ​യ അ​ദ്ദേ​ഹ​ത്തി​നു കെ​നി​യ​യി​ൽ വ​ലി​യ ജ​ന​സ​മ്മ​തി​യു​ണ്ട്.

പ്ര​സി​ഡ​ന്‍റ് വി​ല്യം റൂ​ട്ടോ രാ​ജ്യ​ത്ത് ഏ​ഴു ദി​വ​സ​ത്തെ ദുഃ​ഖാ​ച​ര​ണം പ്ര​ഖ്യാ​പി​ച്ചു. പ്ര​ധാ​ന​മ​ന്ത്രി ന​രേ​ന്ദ്ര മോ​ദി അ​ട​ക്ക​മു​ള്ള ലോ​കനേ​താ​ക്ക​ൾ നേ​ര​ത്തേ അ​നു​ശോ​ച​നം അ​റി​യി​ച്ചി​രു​ന്നു.