ADVERTISEMENT

ADVERTISEMENT

വര്‍ണക്കൂടാരം ഉദ്ഘാടനം ചെയ്തു

നെയ്യാറ്റിന്‍കര: ചുണ്ടവിളാകം ഗവ. എല്‍പി സ്കൂളില്‍ നിര്‍മിച്ച വര്‍ണക്കൂടാരം കെ. ആന്‍സലന്‍ എംഎല്‍എ ഉദ്ഘാടനം ചെയ് തു. അതിയന്നൂർ പഞ്ചായത്ത് പ്രസിഡന്‍റ് വി.പി. സുനിൽകുമാർ അധ്യക്ഷത വഹിച്ചു.

ഡിപിസി ഡോ. ബി. നജീബ് പദ്ധതി വിശദീകരണം നടത്തി. അതിയന്നൂർ ബ്ലോക്ക് വൈസ് ചെയർപേഴ്സൺ സുനിതാ റാണി, അതിയന്നൂർ പഞ്ചായത്ത് ആരോഗ്യ -വിദ്യാഭ്യാസ സ്റ്റാൻഡിംഗ് കമ്മറ്റി ചെയർമാൻ കൊടങ്ങാവിള വിജയകുമാർ, വാർഡ് മെമ്പർ എം.കെ പ്രേംരാജ്, പ്രഥമാധ്യാപകൻ എം.ആര്‍. സുധീർ, ഡി.പി.ഒ ബിന്ദു ജോൺസ്, ബിആർസി കോ-ഓർഡിനേറ്റർ അനീഷ്, പി.ജെ. സൗമ്യ, ബിആർസി കോ-ഓഡിനേറ്റർ ജയ, പിടിഎ പ്രസിഡന്‍റ് ഷെമി അനിൽ, കെ. സുധ, റാണി എന്നിവര്‍ പങ്കെടുത്തു പ്രസംഗിച്ചു.

ADVERTISEMENT

മഹിളാ കോണ്‍ഗ്രസ് നടത്തിയ സെക്രട്ടേറിയറ്റ് മാര്‍ച്ചില്‍ സംഘര്‍ഷം

തിരുവനന്തപുരം: കോട്ടയം മെഡിക്കല്‍ കോളജ് ദുരന്തത്തെക്കുറിച്ച് ജുഡീഷ്യല്‍ അന്വേഷണം നടത്തണമെന്നും മന്ത്രി വീണാ ജോര്‍ജ് രാജി വയ്ക്കണമെന്നും ആവശ്യപ്പെട്ട് മഹിളാ കോണ്‍ഗ്രസ് സംസ്ഥാന കമ്മിറ്റിയുടെ നേതൃത്വത്തില്‍ നടത്തിയ സെക്രട്ടേറിയറ്റ് മാര്‍ച്ചില്‍ സംഘര്‍ഷം. പോലീസുമായുള്ള ഉന്തിലും തള്ളിലും മൂന്നു പ്രവര്‍ത്തകര്‍ക്കു പരുക്കേറ്റു. ബാരിക്കേഡിനു മുകളില്‍ കയറി സെക്രട്ടേറിയറ്റ് വളപ്പിലേക്ക് കടക്കാന്‍ പ്രവര്‍ത്തകര്‍ ശ്രമിച്ചു. പ്രവര്‍ത്തകരെ പിരിച്ചുവിടാന്‍ പോലീസ് അഞ്ചു തവണ ജലപീരങ്കി പ്രയോഗിച്ചു. രക്തസാക്ഷി മണ്ഡപത്തില്‍ നിന്ന് ഇന്നലെ ഉച്ചയ്ക്ക് പന്ത്രണ്ടോടെയാണ് മാര്‍ച്ച് ആരംഭിച്ചത്. സെക്രട്ടേറിയറ്റിനു മുന്നില്‍ സമാധാനപരമായി ആരംഭിച്ച മാര്‍ച്ച് പെട്ടെന്ന് അക്രമാസക്തമായി. ഒരു പ്രവര്‍ത്തകയെ പോലീസ് ഷീല്‍ഡ് ഉപയോഗിച്ച് മര്‍ദിച്ചെന്ന് ആരോപിച്ചാണ് പോലീസും പ്രവര്‍ത്തകരും തമ്മില്‍ ആദ്യം സംഘര്‍ഷമുണ്ടായത്. പിന്നാലെ ഏതാനും പ്രവര്‍ത്തകര്‍ ബാരിക്കേഡിനു മുകളില്‍ കയറി പ്രതിഷേധിച്ചു. പല തവണ ജലപീരങ്കി പ്രയോഗിച്ചിട്ടും പിരിഞ്ഞു പോകാന്‍ പ്രവര്‍ത്തകര്‍ തയാറായില്ല. മാര്‍ച്ച് കോണ്‍ഗ്രസ് നേതാവ് കെ. മുരളീധരന്‍ ഉദ് ഘാടനം ചെയ്തു. മന്ത്രി വീണാ ജോര്‍ജ് രാജിവച്ച് വാര്‍ത്ത വായിക്കാന്‍ പോകുകയോ സീരിയലില്‍ അഭിനയിക്കാന്‍ പോകുകയോ ചെയ്യണമെന്ന് അദ്ദേഹം പറഞ്ഞു. മന്ത്രി വി.എന്‍. വാസവന്‍ പരിചയ സമ്പന്നനായ രാഷ്ട്രീയ പ്രവര്‍ത്തകനാണെന്നും അദ്ദേഹം എന്തിനാണു വീണമീട്ടുന്നതിന് അനുസരിച്ച് ആടുന്നതെന്നും മുരളീധരന്‍ ചോദിച്ചു. വീട്ടിലും മന്ത്രിസഭയിലുമുള്ള രണ്ടു വീണമാര്‍ മുഖ്യമന്ത്രി പിണറായി വിജയനു ബാധ്യതയാണ്. അമേരിക്കയിലെ മയോ ക്ലിനിക് കേരള സര്‍ക്കാരിന്‍റെ വകയായതുകൊണ്ടാണോ മുഖ്യമന്ത്രി അവിടെ ചികിത്സയ്ക്ക് പോയതെന്നും അദ്ദേഹം ചോദിച്ചു. ആരോഗ്യ രംഗത്തെ മോര്‍ച്ചറിയിലാക്കിയ വീണാ ജോര്‍ജ് കേരളത്തിന് അപമാനമാണെന്നു മഹിള കോണ്‍ഗ്രസ് സംസ്ഥാന പ്രസിഡന്‍റ് ജെബി മേത്തര്‍ എംപി പറഞ്ഞു. ദുരന്തമുഖത്ത് രക്ഷാപ്രവര്‍ത്തനത്തിനു നേതൃത്വം നല്‍കേണ്ട മന്ത്രി മൂന്നുദിവസം ഒളിവിലായിരുന്നു. മരണമടഞ്ഞ ബിന്ദുവിന്‍റെ വീട്ടില്‍ സ്വകാര്യ കാറില്‍ കൊച്ചുവെളുപ്പാന്‍ കാലത്തു ഡിവൈഎഫ്‌ഐ ഗുണ്ടകളുടെ അകമ്പടിയോടെയാണു മന്ത്രി പോയതെന്നും അവര്‍ കുറ്റപ്പെടുത്തി. മഹിള കോണ്‍ഗ്രസ് സംസ്ഥാന ഭാരവാഹികളായ ആര്‍. ലക്ഷ്മി, രജനി രമാനന്ദ്, വി.കെ. മിനിമോള്‍, യു. വഹീദ തുടങ്ങിയവര്‍ നേതൃത്വം നല്‍കി.

പ്രവര്‍ത്തകര്‍ ബാരിക്കേഡ് തകര്‍ത്തു; പോലീസുമായി ഉന്തും തള്ളും

നെയ്യാറ്റിന്‍കര: വിവിധ ആവശ്യങ്ങളുന്നയിച്ച് ബിജെപി സൗത്ത് ജില്ലാ കമ്മിറ്റിയുടെ നേതൃത്വത്തിൽ നെയ്യാറ്റിന്‍കര ജനറൽ ആശുപത്രിയിലേക്കു നടത്തിയ ബഹുജന മാർച്ച് പോലീസ് തടഞ്ഞു. പ്രവര്‍ത്തകര്‍ ബാരിക്കേഡ് തകര്‍ത്തു. പോലീസും പ്രവര്‍ത്തകരുമായി ഉന്തും തള്ളുമുണ്ടായി. സാധാരണക്കാരന്‍റെ ആശ്രയമായ നെയ്യാറ്റിന്‍കര ജനറൽ ആശുപത്രിയിൽ രോഗികളുടെയും കൂട്ടിരുപ്പുകാരുടെയും ജീവനു ഭീഷണിയായി നില്‍ക്കുന്ന, ഫിറ്റ്നസ് സർട്ടിഫിക്കറ്റ് ഇല്ലാത്ത കാലപ്പഴക്കം ചെന്ന കെട്ടിടങ്ങൾ ഉടൻ പൊളിച്ചു നീക്കം ചെയ്യുക, ഡോക്ടർമാരുടെ കുറവ് പരിഹരിക്കുക, ബ്ലഡ്‌ ബാങ്കിന്‍റെ പ്രവർത്തനം പുനഃസ്ഥാപിക്കുക തുടങ്ങി നിരവധി ആവശ്യങ്ങളുന്നയിച്ചായിരുന്നു മാർച്ച്. ആശുപത്രിയുടെ പ്രധാന കവാടത്തിനു മുന്നില്‍ പോലീസ് സ്ഥാപിച്ച ബാരിക്കേഡുകള്‍ വനിതകള്‍ ഉള്‍പ്പെട്ട പ്രവര്‍ത്തകര്‍ തള്ളി മറിച്ചിട്ടു. ബാരിക്കേഡിനു മുകളിലൂടെ ആശുപത്രി കവാടത്തിനപ്പുറത്തേയ്ക്ക് കടക്കാന്‍ ശ്രമിച്ചത് സംഘർഷം സൃഷ്ടിച്ചു. കവാടം ബന്ധിച്ച പോലീസ് പ്രവര്‍ത്തകരെ പ്രതിരോധിച്ചു. ഇതോടെ നെയ്യാറ്റിന്‍കര ഡിവൈഎസ്പി യുടെ നേതൃത്വത്തിലുള്ള പോലീസ് സംഘവും പ്രവര്‍ത്തകരുമായി ഉന്തും തള്ളും നടന്നു. തുടർന്നു പ്രവര്‍ത്തകര്‍ കവാടത്തിനു മുന്നില്‍ റോഡില്‍ കുത്തിയിരുന്നു മുദ്രാവാക്യം വിളിച്ചു. തുടര്‍ന്നു പോലീസ് പ്രവര്‍ത്തകരെ അറസ്റ്റ് ചെയ്ത് നീക്കാനെത്തി. നിലത്ത് കിടന്ന് മുദ്രാവാക്യം മുഴക്കിയ പ്രവര്‍ത്തകരും ചുറ്റും നിലയുറപ്പിച്ച പ്രവര്‍ത്തകരും ചേര്‍ന്ന് പോലീസിനെ അറസ്റ്റ് ചെയ്യുന്നതില്‍ തടയാന്‍ ശ്രമിച്ചതും സംഘര്‍ഷാവസ്ഥ സൃഷ്ടിച്ചു. ബിജെപി മേഖലാ പ്രസിഡന്‍റ് സോമൻ മാര്‍ച്ച് ഉദ്ഘാടനം ചെയ്തു. സൗത്ത് ജില്ലാ പ്രസിഡന്‍റ് മുക്കംപാലമൂട് ബിജു അധ്യക്ഷനായി. നഗരസഭ കൗൺസിലർ കൂട്ടപ്പന മഹേഷ്‌, സ്റ്റെഫിൻ സ്റ്റീഫൻ, ചൂണ്ടിക്കൽ ഹരി, മാണിനാട് സജി, അനന്തു നന്ദനം, നന്ദു, വിനീത, വാഴവിള വിഷ്ണു എന്നിവരെ അറസ്റ്റ് ചെയ്തു.

വസ്തുവും വീടും തട്ടിയെടുത്ത സംഭവം; മെറിന്‍ ജേക്കബിനെ തെളിവെടുപ്പിനെത്തിച്ചു

പേരൂര്‍ക്കട: വ്യാജ രേഖകള്‍ ഉണ്ടാക്കി വയോധികയുടെ വസ്തുവും വീടും തട്ടിയ സംഭവത്തില്‍ റിമാന്‍ഡിലായിരുന്ന യുവതിയെ മ്യൂസിയം പോലീസ് കസ്റ്റഡിയില്‍ വാങ്ങി തെളിവെടുപ്പിനെത്തിച്ചു. കൊല്ലം പുനലൂര്‍ അലയമണ്‍ കോടാലി പച്ച ഓയില്‍ ഫാം പഴയ ഫാക്ടറിക്കു പിറകുവശം പുതുപ്പറമ്പില്‍ വീട്ടില്‍ മെറിന്‍ ജേക്കബിനെയാണ് (27), ശാസ് തമംഗലം സബ്‌രജിസ്ട്രാര്‍ ഓഫീസിലും കിള്ളിപ്പാലത്തെ ആധാരമെഴുത്ത് ഓഫീസിലുമെത്തിച്ച് തെളിവെടുത്തത്. കവടിയാര്‍ ജവഹര്‍ നഗറിലെ ഡോറ അസറിയ ക്രിപ്‌സിന്‍റെ ഉടമസ്ഥതയിലുള്ള വസ്തുവും വീടുമാണ് മെറിനും ഡോറയോട് രൂപസാദൃശ്യമുള്ള കരകുളം സ്വദേശിനി വസന്ത (76) യെ ഉപയോഗിച്ച് തട്ടിയെടുത്തത്. ഇതിനായി വ്യാജ ഐഡി കാര്‍ഡുകളും മറ്റുരേഖകളും ഉപയോഗപ്പെടുത്തുകയായിരുന്നു. ആധാരം രജിസ്റ്റര്‍ ചെയ്തത് ശാസ്തമംഗലത്തെ സബ്‌ രജിസ്ട്രാര്‍ ഓഫീസിലായിരുന്നു. ഇവിടെ പോലീസ് രേഖകള്‍ പരിശോധിച്ച് തട്ടിപ്പു നടന്നതായി ഉറപ്പുവരുത്തി. കിള്ളിപ്പാലത്തെ ഒരു വെന്‍ഡറുടെ ആധാരമെഴുത്ത് സ്ഥാപനത്തിലും ഇവരെ എത്തിക്കുകയായിരുന്നു. വെന്‍ഡറാണ് മെറിനെ ഉപയോഗിച്ച് ഇത്തരത്തിലുള്ള തട്ടിപ്പിനു രേഖകള്‍ രജിസ്റ്റര്‍ ചെയ്യുന്നതിനുള്ള നടപടികള്‍ സ്വീകരിച്ചത്. മെറിന്‍ ജോലിചെയ്തിരുന്നതു ശാസ്തമംഗലം പൈപ്പിന്‍മൂടുള്ള ഒരു സ്ഥാപനത്തിലാണ്. ഈ സ്ഥാപനത്തെ ട്രസ്റ്റിനു കീഴിലാക്കുന്നതുമായി ബന്ധപ്പെട്ടു കാര്യങ്ങള്‍ക്ക് വെന്‍ഡര്‍ ഇവിടെയെത്തിയിട്ടുണ്ട്. അങ്ങനെയാണ് മെറിനുമായി പരിചയപ്പെടുന്നതെന്നു പോലീസ് പറഞ്ഞു. തുടര്‍ന്നാണു മെറിനെ ഒരു ഇടനിലക്കാരിയാക്കി മാറ്റി ഇവരുടെ പേരിലേക്ക് ഡോറയുടെ വസ്തുവും വീടും മാറ്റുന്നത്. അതേസമയം ഇതൊരു വലിയ തട്ടിപ്പാണെന്നും സ്വാധീനമുള്ള നിരവധി പേര്‍ ഇതിനു പിന്നിലുണ്ടെന്നും അവരിലേക്ക് അന്വേഷണം ഉണ്ടാകുമെന്നും മ്യൂസിയം എസ്ഐ അറിയിച്ചു. രണ്ടുദിവസത്തേക്കാണു മെറിന്‍ ജേക്കബിനെ പോലീസ് കസ്റ്റഡിയില്‍ വാങ്ങിയിരിക്കുന്നത്. ചൊവ്വാഴ്ച ഇവരെ കൊല്ലത്തെ വീട്ടിലേക്കു തെളിവെടുപ്പിനു കൊണ്ടുപോകും.

ടാങ്ക് ശുചീകരണവും വാല്‍വ് മാറ്റിസ്ഥാപിക്കലും; കുടിവെള്ളം മുടങ്ങി

പേരൂര്‍ക്കട: വാട്ടര്‍ അഥോറിറ്റി സെക്‌ഷന്‍ പരിധിയില്‍ ലോ അക്കാഡമിക്കു സമീപത്തെ കുടിവെള്ള ടാങ്കിന്‍റെ ശുചീകരണവും കുടപ്പനക്കുന്നിലെ വാല്‍വ് മാറ്റിസ്ഥാപിക്കലും മൂലം പേരൂര്‍ക്കടയില്‍ കുടിവെള്ള വിതരണം മുടങ്ങി. സെക്‌ ഷന്‍ പരിധിയില്‍ നിന്നു ജലം വിതരണം ചെയ്യുന്ന ഊന്നംപാറ, പൂമല്ലിയൂര്‍ക്കോണം, കുടപ്പനക്കുന്ന്, സിവില്‍സ്റ്റേഷന്‍ റോഡ്, ഇരപ്പുകുഴി, എംഎല്‍എ റോഡ്, പാതിരിപ്പള്ളി, ഇളയമ്പള്ളി, മഠത്തുനട തുടങ്ങിയ ഭാഗങ്ങളിലാണ് ഇന്നലെ രാവിലെ ആറു മുതല്‍ രാത്രി എട്ടുവരെ കുടിവെള്ള വിതരണം പൂര്‍ണമായും തടസപ്പെട്ടത്. അതേസമയം ഇതുസംബന്ധിച്ച് വാട്ടര്‍ അഥോറിറ്റി മുന്‍കൂട്ടി അറിയിപ്പ് നല്‍കാത്തത് പൊതുജനങ്ങളെ ഏറെ ബുദ്ധിമുട്ടിച്ചു. ഉടന്‍ കുടിവെള്ളം എത്തുമെന്നു കരുതി വീടുകളിലെ ടാങ്കുകളില്‍ കരുതിയിരുന്ന വെള്ളം ഉപയോഗിച്ചു തീര്‍ത്തവര്‍ക്കു ദൂരെസ്ഥലങ്ങളില്‍ നിന്നു വെള്ളം കൊണ്ടുവരേണ്ടി വന്നു. വാട്ടര്‍ അഥോറിറ്റി പേരൂര്‍ക്കട സെക്‌ഷന്‍ പരിധിയില്‍ മുന്‍കൂട്ടി അറിയിപ്പില്ലാതെ കുടിവെള്ളം ഇടയ്ക്കിടെ മുടങ്ങുന്നുണ്ടെന്നും ഇതു സംബന്ധിച്ച് അധികൃതരെ ഫോണില്‍ ബന്ധപ്പെട്ടാല്‍ കിട്ടാറില്ലെന്നും പ്രദേശവാസികള്‍ പറയുന്നു.

സിദ്ധ മെഡിക്കൽ പ്രാക്ടീഷണേഴ്സ് അസോ. വാർഷിക കൗണ്‍സിൽ

തിരുവനന്തപുരം: പുരാതന ചികിത്സാരീതിയിൽ സിദ്ധചികിത്സാ സന്പ്രദായത്തെ സംരക്ഷിക്കാൻ കേന്ദ്രസംസ്ഥാന സർക്കാരുകൾ നടപടി സ്വീകരിക്കണമെന്ന് സിദ്ധമെഡിക്കൽ പ്രാക്ടീഷണേഴ്സ് അസോസിയേഷൻ വാർഷിക കൗണ്‍സിൽ ആവശ്യപ്പെട്ടു. അസോസിയേഷൻ സംസ്ഥാന പ്രസിഡന്‍റ് എൻ. ബെൻസർ ഉദ്ഘാടനം ചെയ്തു. വൈസ് പ്രസിഡന്‍റ് കെ. ശിവശങ്കരൻ അധ്യക്ഷത വഹിച്ചു. സെക്രട്ടറി ഡി. അരുണ്‍കുമാർ റിപ്പോർട്ട് അവതരിപ്പിച്ചു. സിദ്ധ ചികിത്സയും രോഗശമനവും എന്ന വിഷയത്തിൽ ഡോ. പടന്താലുമ്മൂട് സുരേഷ് പ്രബന്ധം അവതരിപ്പിച്ചു. പുതിയ ഭാരവാഹികളായി എൻ. ബെൻസർ (തിരുവനന്തപുരം)-പ്രസിഡന്‍റ്, എസ്. രവി (പത്തനംതിട്ട) - വൈസ് പ്രസിഡന്‍റ്, ഷൈജു ജോസഫ് (തൃശൂർ) -ജനറൽ സെക്രട്ടറി, ജി. സുരേന്ദ്രൻ നായർ (കൊല്ലം), ഡി. അരുണ്‍കുമാർ (തിരുവനന്തപുരം), എം. ജയിംസ് വൈദ്യർ (തിരുവനന്തപുരം) - ജോയിന്‍റ് സെക്രട്ടറിമാർ.

ബസ് പെട്ടെന്നു മുന്നോട്ടെടുത്തെന്ന്; കെഎസ്ആര്‍ടിസി ബസില്‍ വാക്കേറ്റം

പേരൂര്‍ക്കട: കയറിയ ഉടന്‍തന്നെ ബസ് പെട്ടെന്നു മുന്നോട്ടെടുത്തെന്നാരോപിച്ച് കെഎസ്ആര്‍ടിസി ബസിനുള്ളില്‍ വാക്കേറ്റം. കഴിഞ്ഞദിവസം വൈകുന്നേരം ആറോടെ വഴയില ജംഗ്ഷനിലായിരുന്നു സംഭവം. ഇവിടെനിന്ന് ഒരു അമ്മയും മകളും തിരുവനന്തപുരത്തേക്ക് സര്‍വീസ് നടത്തുന്ന ബസില്‍ കയറിയിരുന്നു. ബസ് പെട്ടെന്നു മുന്നോട്ടെടുത്തെന്നാരോപിച്ച് ഇരുവരും കണ്ടക്ടറുമായി വാക്കേറ്റം തുടങ്ങി. ഇതിനിടെ സംഭവം നേരിട്ടുകണ്ട ബസിലെ യാത്രക്കാര്‍ കണ്ടക്ടറുടെ പക്ഷം പിടിച്ചു. ഇതിനിടെ കണ്ടക്ടറെ സപ്പോര്‍ട്ട് ചെയ്ത ഒരു യുവാവുമായി സ്ത്രീകള്‍ വാക്കുതര്‍ക്കം തുടങ്ങിയതോടെ അയാള്‍ ഉടന്‍തന്നെ ബസില്‍നിന്ന് പുറത്തേക്കിറങ്ങി. ഇതിനിടെ ബസ് പേരൂര്‍ക്കടയിലെത്തിയപ്പോള്‍ സ്ത്രീകള്‍ ഇറങ്ങുകയും പേരൂര്‍ക്കട സ്റ്റേഷനിലെത്തി പരാതി നല്‍കുകയുമായിരുന്നു. കണ്ടക്ടറെ അറസ്റ്റുചെയ്യണമെന്നതായിരുന്നു ഇവരുടെ ആവശ്യം. പരാതിയിന്മേല്‍ വിശദമായ അന്വേഷണത്തിനു മുന്നോടിയായി ഇരുകൂട്ടരെയും ചൊവ്വാഴ്ച സ്റ്റേഷനിലേക്കു വിളിപ്പിച്ചിരിക്കുകയാണ്. കണ്ടക്ടറുടെ ഭാഗത്തു തെറ്റുള്ളതായി കണ്ടെത്താന്‍ സാധിച്ചിട്ടില്ലെന്നും സംഭവത്തില്‍ കേസെടുത്തിട്ടുണ്ടെന്നും പേരൂര്‍ക്കട സിഐ അറിയിച്ചു.

കെ-ഡിസ്ക് സ്‌ട്രൈഡ് മേക്കർസ്‌പേസ് മത്സരം സമാപിച്ചു

തിരുവനന്തപുരം: ബഡ്സ്/ബിആർസി സ്കൂളുകളെ അസിസ്റ്റീവ് ഉപകരണ നിർമാണ സജ്ജമാകാനായി കേരള ഡെവലപ്പ്മെന്‍റ്് ആൻഡ് ഇന്നോവേഷൻ സ്ട്രാറ്റജിക് കൗൺസിലിന്‍റെ (കെ-ഡിസ്ക്) ആഭിമുഖ്യത്തിൽ നടന്നുവരുന്ന സ്‌ട്രൈഡ് മേക്കർസ്‌പേസ് ഡിസൈൻ കോൺടസ്റ്റ് അവസാനഘട്ട മത്സരം നടന്നു. ഡിസി സ്കൂൾ ഓഫ് ആർക്കിടെക്ചർ ആൻഡ് ഡിസൈനിന്‍റെ സഹകരണത്തോടെയായിരുന്നു മത്സരം സംഘടിപ്പിച്ചത്. സ്‌ട്രൈഡ് മേക്കർസ്‌പേസ് ഗ്രാൻഡ് ഫിനാലെ കെ-ഡിസ്ക് മെമ്പർ സെക്രട്ടറി ഡോ. പി.വി. ഉണ്ണികൃഷ് ണൻ ഉദ്ഘാടനം ചെയ്തു. സോഷ്യൽ എന്‍റർപ്രൈസസ് ആൻഡ് ഇൻക്ലൂഷൻ ഡിവിഷൻ എക്സിക്യൂട്ടീവ് ഡയറക്ടർ റോബിൻ ടോമി, ഹാബിറ്റാറ്റ് ടെക്നോളജി ഗ്രൂപ്പ് ഫൗണ്ടർ ചെയർമാൻ ഡോ. ആർക്കിടെക്ട് ജി. ശങ്കർ, കെടിയു മുൻ ഡയറക്ടർ പ്രഫ. ടി.എൽ. ഷാജി, കേരള ടൂറിസം ഇൻഫ്രാസ്ട്രക്ചർ ലിമിറ്റഡ് മാനേജിംഗ് ഡയറക്ടർ ഡോ. മനോജ് കുമാർ കിനി, സോഷ്യൽ ഇൻക്ലൂഷൻ ആൻഡ് സോഷ്യൽ ഡെവലപ്മെന്‍റ് വകുപ്പ് സ്റ്റേറ്റ് പ്രോഗ്രാം ഓഫീസർ ഡോ. ബി. ശ്രീജിത്ത് എന്നിവർ വേദിയിൽ സംവദിച്ചു. ഡിസി സ്കൂൾ ഡയറക്ടർ വേണി എൻ. നായർ അധ്യക്ഷയായി.

കരമനയിൽ ഫര്‍ണിച്ചറുകളുമായി പോയ ലോറിക്ക് തീപിടിച്ചു

പേരൂര്‍ക്കട: ഫര്‍ണിച്ചറുകള്‍ കയറ്റി പോകുകയായിരുന്ന ലോറിക്ക് തീപിടിച്ചു. ഉപകരണങ്ങള്‍ കത്തി നശിച്ചതിലൂടെ മൂന്നുലക്ഷം രൂപയുടെ നഷ്ടം കണക്കാക്കുന്നതായി ഫയര്‍ഫോഴ്‌സ് അധികൃതര്‍. തിങ്കളാഴ്ച പുലര്‍ച്ചെ ഒരുമണിയോടുകൂടി കളിയിക്കാവിള-കരമന ദേശീയപാതയില്‍ കരമന പാലത്തിനു സമീപമായിരുന്നു സംഭവം. കാരയ്ക്കാമണ്ഡപത്തില്‍നിന്ന് ഫര്‍ണിച്ചറുകള്‍ കയറ്റി കൊല്ലം ഭാഗത്തേക്കു പോകുകയായിരുന്ന ലോറിക്കാണ് തീ പിടിച്ചത്. കാരയ്ക്കാമണ്ഡപത്തിലെ ഒരു ബ്യൂട്ടിപാര്‍ലര്‍ കൊല്ലത്തേക്ക് ഷിഫ്റ്റ് ചെയ്യുന്നതുമായി ബന്ധപ്പെട്ടാണ് ഉപകരണങ്ങള്‍ ലോറിയില്‍ കയറ്റി യാത്ര ആരംഭിച്ചത്. കരമന പാലം എത്തുന്നതിന് അരകിലോമീറ്റര്‍ മുമ്പുതന്നെ ലോറിയില്‍നിന്നു തീയും പുകയും ഉയരുന്നുണ്ടായിരുന്നു. രണ്ടു ലോറികളിലായാണ് സാധനങ്ങള്‍ കൊണ്ടുപോയത്. മുന്നേ പോയ ലോറിക്കു പിറകില്‍ വന്ന ലോറിക്കാണ് തീ പിടിച്ചത്. ലോറിയെ പിന്തുടര്‍ന്നെത്തിയ വാഹന യാത്രികരാണ് തീ പിടിച്ച വിവരം അറിയിച്ചത്. ലോറിക്കുള്ളില്‍ കൊല്ലം സ്വദേശികളായ ഡ്രൈവറും സഹായിയുമാണ് ഉണ്ടായിരുന്നത്. ഇവര്‍ ഉടന്‍തന്നെ വാഹനം നിര്‍ത്തുകയും തിരുവനന്തപുരം ഫയര്‍ സ്റ്റേഷനില്‍ വിവരമറിയിക്കുകയുമായിരുന്നു. എസി, അലമാര, കസേരകള്‍ തുടങ്ങിയ നിരവധി സാധനങ്ങള്‍ കത്തിനശിച്ചവയില്‍ ഉള്‍പ്പെടുന്നു. മൂന്നുലക്ഷം രൂപയുടെ നഷ്ടം കണക്കാക്കുന്നതായി ഫയര്‍ഫോഴ്‌സ് അറിയിച്ചു. തിരുവനന്തപുരം ഫയര്‍ സ്റ്റേഷനില്‍നിന്നു സീനിയര്‍ ഫയര്‍ ആൻഡ് റെസ്‌ക്യൂ ഓഫീസര്‍ സജിയുടെ നേതൃത്വത്തില്‍ ഫയര്‍ ഓഫീസര്‍മാരായ അനില്‍കുമാര്‍, ഷമീര്‍, വിമല്‍, അഭിലാഷ്, ഫയര്‍ ആൻഡ് റെസ്‌ക്യൂ ഡ്രൈവര്‍മാരായ വിജിന്‍, ഷിബു, ഹോം ഗാര്‍ഡ് ഗോപാലകൃഷ്ണന്‍ എന്നിവര്‍ ചേര്‍ന്ന് ഏറെ നേരം പരിശ്രമിച്ചാണ് തീ കെടുത്തിയത്. ലോറിക്കുള്ളില്‍ രണ്ടു ഇന്‍വെര്‍ട്ടറുകള്‍ സുരക്ഷിതമല്ലാത്ത നിലയില്‍ സൂക്ഷിച്ചിരുന്നുവെന്നും ബാറ്ററിയില്‍ നിന്നുണ്ടായ ഷോര്‍ട്ട് സര്‍ക്യൂട്ടാണ് തീപിടിത്തത്തിന് കാരണമെന്നും ഫയര്‍ഫോഴ്‌സ് അറിയിച്ചു. ലോറിയുടെ പുറംഭാഗം കുറച്ചു കത്തിപ്പോയെങ്കിലും കാര്യമായ നാശനഷ്ടങ്ങള്‍ ഉണ്ടായില്ല. ലോറി സംഭവസ്ഥലത്തുനിന്നു നീക്കം ചെയ്തു.

ക്യാപ്റ്റൻ ജെറി പ്രേംരാജ് അനുസ്മരണം സംഘടിപ്പിച്ചു

കോവളം: സദ്ഗമയാ സാംസ്കാരിക വേദിയുടെ ആഭിമുഖ്യത്തിൽ ക്യാപ്റ്റൻ ജെറി പ്രേംരാജ് അനുസ്മരണവും പുഷ്പാർച്ചനയും നടത്തി. വെങ്ങാനൂരിലെ സ്മൃതികുടീരത്തിൽ സംഘടിപ്പിച്ച പരിപാടി മുൻ പ്രതിപക്ഷ നേതാവ് രമേശ് ചെന്നിത്തല ഉദ്ഘാടനം ചെയ്തു. സദ്ഗമയാ ചെയർമാൻ അഡ്വ. ആർ. പ്രാണകുമാർ അധ്യക്ഷത വഹിച്ചു. അഡ്വ. എം. വിൻസന്‍റ് എംഎൽഎ അനുസ്മരണ പ്രഭാഷണം നടത്തി. കെപിസിസി ജനറൽ സെക്രട്ടറി അഡ്വ. ജി സുബോധൻ, എക്സ് സർവീസ് കോൺഗ്രസ്‌ സംസ്ഥാന പ്രസിഡന്‍റ് ഭുവനചന്ദ്രൻ, നേതാക്കളായ കോളിയൂർ ദിവാകരൻനായർ, വെങ്ങാനൂർ ശ്രീകുമാർ, മുത്തുകൃഷ്ണൻ, കെ.വി. അഭിലാഷ്, ഉച്ചക്കട സുരേഷ്, കരുംകുളം ജയകുമാർ, ആന്‍റണി, സിസിലിപുരം ജയകുമാർ, എൻ.എസ്. നുസൂർ, മുജീബ് റഹ്മാൻ, വി.പി. വിഷ്ണു, ഷാബു ഗോപിനാഥ്, ബാലരാമപുരം സുധീർ, മുക്കോല ബിജു, അംബ്രോസ്, ഫ്രാൻസിസ് കരുംകുളം, എസ്.ആർ. സുജി, വള്ളംകോട് ചന്ദ്രമോഹനൻ, ശരത്, സി.ആർ. ആത്മകുമാർ, അനിഷാ സന്തോഷ്‌, അഫ്സൽ ബാലരാമപുരം, ബിനുകുമാർ, വിനായക്, ഷിബു , ബാബു, രതീഷ് തുടങ്ങിവർ പങ്കെടുത്തു.

പത്തംഗസംഘം വീടു കയറി ആക്രമിക്കാന്‍ ശ്രമിച്ചെന്നു പരാതി

വെള്ളറട: യുവാവിനെ വാഹനമിടിച്ചു കൊലപ്പെടുത്താന്‍ ശ്രമിച്ചതു ചോദ്യം ചെയ്തതിനു വീടുകയറി ആക്രമണം നടത്താൻ ശ്രമിച്ചതായി പരാതി. അമ്പൂരിയില്‍ കഴിഞ്ഞദിവസം രാത്രി 9.45 ഓടെ ബൈക്കില്‍ പോവുകയായിരുന്ന നജ്മൂദീ (45)നെ മാരുതി വാനിലെത്തിയ അഞ്ചംഗ സംഘം ഇടിച്ചുവീഴ്ത്തി കൊലപ്പെടുത്താന്‍ ശ്രമിച്ചുവെന്നാണ് പരാതി. അപ്പോള്‍ തന്നെ ബൈക്ക് ഒതുക്കി അവരോടു രോഷപ്രകടനം നടത്തിയ നജ്മുദീന്‍റെ വീട്ടിലേക്കു രാത്രി 10 മണിയോടെ അഞ്ചംഗ എത്തുകയായിരുന്നു. വീട്ടുമതിൽ ചാടിക്കടന്ന് ആക്രമിക്കാന്‍ ശ്രമിച്ച പ്രതികളിലൊരാളായ ഇജാസുമായി (22) നജുമുദീന്‍ വാക്കേറ്റത്തിലേർപ്പെട്ടു. ഇക്കാര്യം ഇജാസിന്‍റെ പിതാവ് ലത്തീഫിനോടു പറഞ്ഞിരുന്നു. ഇന്നലെ അമ്പൂരിലേക്കു പോകാന്‍ ബൈക്കില്‍ ഇറങ്ങിയ നജുമുദീനെ ലത്തീഫ് തടഞ്ഞുനിര്‍ത്തി ബൈക്കുൾപ്പെടെ ചവിട്ടി വീഴ്ത്തി ആക്രമിക്കാന്‍ ശ്രമിക്കുകയും ചെയ്തു. ഇജാസ്, ഇയാളുടെ പിതാവ് ലത്തീഫ് എന്നിവർക്കെതിരെയാണ് നജ്മൂദിൻ വെള്ളറട പോലീസിൽ പരാതി നൽകിയിരിക്കുന്നത്. വെള്ളറട പോലീസ് ആക്രമികള്‍ക്കെതിരെ അന്വേഷണം ആരംഭിച്ചിട്ടുണ്ട്.

ക്യാപ്റ്റൻ ജെറി പ്രേംരാജ് അനുസ്മരണം

വിഴിഞ്ഞം: കാർഗിൽ യുദ്ധത്തിൽ വീരചരമം പ്രാപിച്ച ക്യാപ്റ്റൻ ജെറി പ്രേംരാജിന്‍റെ 25-ാം വാർഷിക ദിനത്തിൽ ജനതാദൾ -എസ് കോവളം നിയോജക മണ്ഡലം കമ്മിറ്റിയുടെ ആഭിമുഖ്യത്തിൽ വെങ്ങാനൂർ സ്മൃതി മണ്ഡപത്തിൽ പുഷ്പാർച്ചന നടത്തി. നിയോജക മണ്ഡലം പ്രസിഡന്‍റ് കോളിയൂർ സുരേഷ്, വൈസ് പ്രസിഡന്‍റ് തെന്നൂർക്കോണം രാജേന്ദ്രൻ, സെക്രട്ടറിമാരായ മരപ്പാലം സുധീഷ് കുമാർ, ടി.എ. ചന്ദ്രമോഹൻ, എം.പി. ശരത് പ്രസാദ്, കൗൺസിലർ സിന്ധു വിജയൻ, റെജി ജോയി മൈലാടുംപാറ, എൻ. വിനുക്കുട്ടൻ, വി.എസ്. വിഷ്ണു എന്നിവർ പങ്കെടുത്തു.

പ്രവേശനോത്സവം സംഘടിപ്പിച്ചു

വിതുര: പൂട്ടലിന്‍റെ വക്കിലെത്തിയ മേത്തോട്ടി എൽപി സ്കൂളിന് പുതു ഉന്മേഷം നൽകി പ്രീ കെജിയിലേക്ക് ഏഴു കുട്ടികളെത്തി. തൊളിക്കോട് പഞ്ചായത്ത് വികസന സ്റ്റാൻഡിംഗ് കമ്മിറ്റി ചെയർപേഴ്സൺ ലിജു കുമാർ പ്രവേശനോത്സവം ഉദ്ഘാടനം ചെയ്തു. ഉരൂ മൂപ്പൻ ഭാർഗവൻകാണി അധ്യക്ഷത വഹിച്ചു. ആരോഗ്യ വിദ്യാഭ്യാസ സ്റ്റാൻഡിംഗ് കമ്മിറ്റി ചെയർമാൻ തോട്ടുമുക്ക് അൻസർ, വാർഡ് മെമ്പർ പ്രതാപൻ, പ്രധാനാധ്യാപകൻ രാജീവ്, ഫോറസ്റ്റ് ഓഫീസർ അനീഷ്, ടിഇഒ മിനി, പ്രമോട്ടർ സ്വാതി, മുൻ മെമ്പർമാരായ ഷിബു, ലിജി, സുമംഗല, ചെട്ടിയംപാറ ഊരുമൂപ്പൻ മോഹനൻ കാണി, രക്ഷകർത്താക്കൾ നാട്ടുകാർ തുടങ്ങിയവർ പങ്കെടുത്തു.

തെന്നല ബാലകൃഷ്ണപിള്ള അനുസ്മരണവും അനുമോദനവും

നെടുമങ്ങാട്: തെന്നല ബാലകൃഷ്ണപിള്ള അനുസ്മരണ സമ്മേളനവും എസ്എസ്എൽസി, പ്ലസ് ടു മികച്ച വിജയം കൈവരിച്ച വിദ്യാർഥികളെ ആദരിക്കലും സംഘടിപ്പിച്ചു. കോൺഗ്രസ് ചെറിയകൊണ്ണി മണ്ഡലം കമ്മിറ്റിയുടെ ആഭിമുഖ്യത്തിൽ ചെറിയ കൊണ്ണിയിൽ നടന്ന സമ്മേളനം മുൻ എംഎൽഎ കെ.എസ്. ശബരിനാഥൻ ഉദ്ഘാടനം ചെയ്തു. മണ്ഡലം പ്രസിഡന്‍റ് തോപ്പിൽ ശശിധരൻ അധ്യക്ഷത വഹിച്ചു. ബ്ലോക്ക് പ്രസിഡന്‍റ് വെള്ളനാട് ജ്യോതിഷ് കുമാർ, ബ്ലോക്ക് പഞ്ചായത്ത് പ്രസിഡന്‍റ് ഇന്ദുലേഖ, അരുവിക്കര മണ്ഡലം പ്രസിഡന്‍റ് മുണ്ടേല പ്രവീൺ, യുഡിഎഫ് ചെയർമാൻ വെള്ളൂർക്കോണം അനിൽകുമാർ, പഞ്ചായത്ത് മെമ്പർമാരായ സജാദ്, സതീശൻ, ജ്യോതി ശ്രീകുമാർ, കൃഷ്ണകുമാർ, ബാബുരാജ്, യൂത്ത് കോൺഗ്രസ് മണ്ഡലം പ്രസിഡന്‍റ് ആനന്ദ്, ഐഎൻടിയുസി മണ്ഡലം പ്രസിഡന്‍റ് വിജയകുമാർ, കോൺഗ്രസ് മണ്ഡലം പ്രസിഡന്‍റ് ആർ. ജ്യോതി, കെകെഎസ്എസ്പിഎ മണ്ഡലം പ്രസിഡന്‍റ് ഷാജഹാൻ, സേവാദൾ മണ്ഡലം പ്രസിഡന്‍റ് അജയഘോഷ്, മണ്ഡലം ഭാരവാഹികളായ ശശികുമാർ ഹരികുമാർ ഗണേശൻ ചെട്ടിയാർ, രമ അജയൻ,മോഹൻദാസ്, സണ്ണി, ജോയ് കുമാർ, ഹരീന്ദ്രകുമാർ, വാർഡ് പ്രസിഡന്‍റുമാരായ അശോകൻ പുഷ്പരാജ് കൃഷ്ണൻ, ജയൻ, രതീഷ് രാജേഷ്, ജയകുമാർ തുടങ്ങിയവർ സംസാരിച്ചു.

ഓണ വിളവെടുപ്പിനായി വെള്ളായണിയില്‍ നെല്‍വിത്ത് വിതയും പുഷ്പകൃഷിയും

നേമം: ഓണവിളവെടുപ്പിനായി വെള്ളായണി നിലമക്കരി പാടശേഖരത്തില്‍ നെല്‍ വിത്തുവിതയും പുഷ്പകൃഷിക്കും തുടക്കമായി. 20 ഹെക്ടറിലാണ് നെല്‍കൃഷിക്കായി വര്‍ഷ വിത്ത് വിതച്ചത്. പൂവ് കൃഷിക്കായി ജണ്ടുമല്ലി തൈകളാണു നട്ടത്. മന്ത്രി വി. ശിവന്‍കുട്ടി ഉദ്ഘാടനം ചെയ്തു. ടൂറിസ്റ്റ് വില്ലേജായി മാറിക്കൊണ്ടിരിക്കുന്ന നിലമക്കരി ഫാം ടൂറിസത്തിന്‍റെ ഹബ്ബായി മാറും. ഇത് ഇവിടത്തെ കര്‍ഷകരുടെ ജീവിതത്തില്‍ മാറ്റങ്ങള്‍ക്കു തുടക്കംകുറിക്കുമെന്ന് മന്ത്രി പറഞ്ഞു. കൗണ്‍സിലര്‍മാരായ എം.ആര്‍.ഗോപന്‍, ശ്രീദേവി, എല്‍. സൗമ്യ, യു.ദീപിക, കല്ലിയൂര്‍ പഞ്ചായത്ത് പ്രസിഡന്‍റ് എം. സോമശേഖരന്‍, വാര്‍ഡ് അംഗങ്ങളായ എസ്.ജെ. ആതിര, നേമം കൃഷി ഓഫീസര്‍ കെ.ജി. ബിനുലാല്‍, അസിസ്റ്റന്‍റ് കൃഷി ഓഫീസര്‍ വി.കെ. പ്രതിഭ, കൃഷി അസിസ്റ്റന്‍റ് ഉമ, നിലമക്കരി പാടശേഖരസമിതി പ്രസിഡന്‍റ് ബി.ആര്‍. ബിജു, സെക്രട്ടറി സനല്‍കുമാര്‍, ട്രഷറര്‍ എ. മോഹനന്‍ നാടാര്‍, പുഷപ്കൃഷി കണ്‍വീനര്‍ മധുപാലം വാമദേവന്‍, റസിഡന്‍റ്സ് അസോസിയേഷന്‍ ഭാരവാഹികള്‍ തുടങ്ങിയവര്‍ പങ്കെടുത്തു.

സാഹിതി സംഗമം സംഘടിപ്പിച്ചു

വെഞ്ഞാറമൂട്: സംസ്കാര സാഹിതി വാമനപുരം നിയോജക മണ്ഡലം കമ്മിറ്റി സംഘടിപ്പിച്ച സാഹിതി സംഗമം 2025 ഡിസിസി പ്രസിഡന്‍റ് പാലോട് രവി ഉദ്ഘാടനം ചെയ്തു. നിയോജക മണ്ഡലം ചെയർമാൻ ലാൽ വെള്ളാഞ്ചിറ അധ്യക്ഷത വഹിച്ചു. ഇ. ഷംസുദിൻ, ആനാട് ജയൻ, ഷാനവാസ് ആനക്കുഴി, സുധീർഷാ പാലോട്, ബിനു എസ്. നായർ, രാജേഷ് മണ്ണാമ്മൂല, പൂഴനാട് ഗോപൻ, ഒ.എസ്. ഗിരീഷ്, അനിൽ പിരപ്പൻകോട്, ഡോ. ശ്രീലാറാണി, രാജി രാജാറാം, സിദ്ദീഖ് പ്രിയദർശിനി, ഉണ്ണികൃഷ്ണൻ, ശ്രീകുമാരി തുടങ്ങിയവർ പ്രസംഗി ച്ചു. ചടങ്ങിൽ സംസ്കാര സാഹിതി നിയോജക മണ്ഡലം ജനറൽ സെക്രട്ടറിയും സംവിധായകനുമായ സന്തോഷ് മോഹൻ പാലോടിന്‍റെ സിനിമ "പോലീസ് ഡേ" യുടെ നിരൂപണവും ആദരവും നൽകി.

വായന പക്ഷാചരണം സമാപിച്ചു

തിരുവനന്തപുരം: ജില്ലാ ഇന്‍ഫര്‍മേഷന്‍ ഓഫീസിന്‍റെ നേതൃത്വത്തില്‍ നടത്തിയ വായന പക്ഷാചരണം സമാപിച്ചു. സമാപന സമ്മേളനം കാട്ടാക്കട കുളത്തുമ്മല്‍ ഹയര്‍സെക്കന്‍ഡറി സ്‌കൂളില്‍ ഐ.ബി. സതീഷ് എംഎല്‍എ ഉദ്ഘാടനം ചെയ്തു. സ്‌കൂളിലെ വിദ്യാര്‍ഥികള്‍ കവിതാലാപനം, കഥാ ആസ്വാദനം, പുസ്തക പരിചയം, ബഷീര്‍ അനുസ്മരണം എന്നിവ നടത്തി. പിടിഎ പ്രസിഡന്‍റ് അഭിലാഷ് കുമാര്‍ അധ്യക്ഷത വഹിച്ചു. പ്രിന്‍സിപ്പല്‍ എം.എസ്. രാജേഷ്, വൈസ് പ്രിന്‍സിപ്പല്‍ വിജിദേവി, ശ്രീകുമാര്‍, ജില്ലാ ഇന്‍ഫര്‍മേഷന്‍ ഓഫീസ് ഉദ്യോഗസ്ഥര്‍ എന്നിവര്‍ പങ്കെടുത്തു

താലൂക്ക് എൻഎസ്എസ് ബജറ്റ് സമ്മേളനം

നേമം: തിരുവനന്തപുരം താലൂക്ക് എൻഎസ്എസ് യൂണിയന്‍റെ 70-ാം വാർഷിക പൊതുയോഗവും ബജറ്റ് സമ്മേളനവും നടന്നു. എൻഎസ്എസ് വൈസ് പ്രസിഡന്‍റ് എം.സംഗീത് കുമാർ അധ്യക്ഷത വഹിച്ചു. യൂണിയൻ സെക്രട്ടറി വിജൂ വി. നായർ വാർഷിക റിപ്പോർട്ടും ബജറ്റും അവതരിപ്പിച്ചു. സാമുഹികക്ഷേമ പ്രവർത്തനങ്ങൾക്കു മുൻതൂക്കം നൽകി 7.31 കോടി രൂപ ബജറ്റിൽ വകയിരുത്തി. സുമംഗലിപദ്ധതിക്ക് 20 ലക്ഷം, ചികിത്സാ സഹായത്തിന് എ‌‌ട്ടുലക്ഷം, വിദ്യാഭാസ സഹായത്തിന് 21 ലക്ഷം, ഓണക്കിറ്റിന് 10 ലക്ഷം,ഭവന നിർമാണസഹായത്തിന് ഒന്പതുലക്ഷം, ബാലവികാസ് സെപ്ഷൽ സ്കൂളിന് 40 ലക്ഷം, വാർധക്യകാല പെൻഷന് ഏഴുലക്ഷം, സ്വയംതൊഴിൽ പദ്ധതിക്ക് ഒരു ലക്ഷം എന്നിങ്ങനെയാണ് നീക്കിവച്ചിരിക്കുന്നത്. തേവാരത്തുമന വിഷ്ണു നാഗരാജ ക്ഷേത്രം പുനരുദ്ധാരാണത്തിന് 20 ലക്ഷം വകയിരുത്തിയിട്ട് ഉണ്ട്. താലൂക്ക് യുണിയൻ ഭരണസമിതി അംഗങ്ങളും 178 കരയോഗങ്ങളിലെ പ്രതിനിധികളും പങ്കെടുത്തു. യുണിയൻ വൈസ് പ്രസിഡന്‍റ് എം. കാർത്തികേയൻ നായ, എൻഎസ്എസ് ഇൻസ്പെക്ടർ ആർ. മനോജ് എന്നിവർ പങ്കെടുത്തു.

സ്റ്റാമ്പിന്‍റെ താലൂക്കുതല പ്രകാശനം

നെടുമങ്ങാട്: അന്താരാഷ്ട്ര സഹകരണ ദിനത്തോടനുബന്ധിച്ചു സംസ്ഥാന സഹകരണ യൂണിയൻ പുറത്തിറക്കിയിട്ടുള്ള സ്റ്റാമ്പിന്‍റെ നെടുമങ്ങാട് താലൂക്കുതല പ്രകാശനം നെടുമങ്ങാട് താലൂക്ക് സർക്കിൾ സഹകരണ യൂണിയൻ ചെയർമാൻ എൻ.ആർ. ബൈജു സഹകരണ യൂണിയൻ ഭരണസമിതി അംഗം വട്ടപ്പാറ ചന്ദ്രനു നൽകിക്കൊണ്ട് നിർവഹിച്ചു. ഭരണസമിതി അംഗങ്ങളായ റയിസ്, എസ്.ആർ. ഷൈൻലാൽ, നൗഷാദ് ഖാൻ അസിസ്റ്റന്‍റ് രജിസ്ട്രാർ സജി കുമാർ എന്നിവർ പങ്കെടുത്തു.

മെഡിക്കല്‍ വിദ്യാര്‍ഥികള്‍ക്ക് തൊഴിലധിഷ്ഠിത കോഴ്‌സ്

വെള്ളറട: കാരക്കോണം ഡോ. സോമര്‍വെല്‍ സ്മാരക സിഎസ്ഐ മെഡിക്കല്‍ കോളജില്‍ പാറശാല ഫാത്തിമ പബ്ലിക് സ്‌കൂള്‍ വിദ്യാർഥികള്‍ക്ക് തൊഴിലധിഷ്ഠിത പരിശീലനം ആരംഭിച്ചു. 10 ദിവസം നീണ്ടുനില്‍ക്കുന്ന സേവന പരിശീലനം സെപ്തംബർ 20 വരെയുള്ള ശനിയാഴ്ചകളിൽ രാവിലെ മുതല്‍ വൈകുന്നേരം വരെ സംഘടിപ്പിക്കുമെന്ന് മെഡിക്കല്‍ കോളജ് ഡയറക്ടറും സമ്മേളന അധ്യക്ഷനുമായ ഡോ. ബെനറ്റ് ഏബ്രഹാം പറഞ്ഞു. ഫാത്തിമ സ്‌കൂള്‍ പ്രിന്‍സിപ്പാള്‍ ഷാനിയ ജോണ്‍ മുഖ്യാതിഥിയായിരുന്നു. ചീഫ് അഡ്മിനിസ്‌ട്രേറ്റര്‍ പി. രാജേന്ദ്ര ബാബു, മെഡിക്കല്‍ കോളജ് പ്രിന്‍സിപ്പൽ ഡോ. അനുഷ മര്‍ലിന്‍, നഴ്‌സിംഗ് കോളജ് അസോസിയേറ്റ് പ്രഫസര്‍ അഖില രാജ് എന്നിവര്‍ സംസാരിച്ചു.

വെല്‍ഫെയര്‍ സഹകരണ സംഘം വാര്‍ഷികം ആഘോഷിച്ചു

പാറശാല: വെല്‍ഫെയര്‍ സഹകരണ സംഘത്തിന്‍റെ വാര്‍ഷിക ആഘോഷ പരിപാടികള്‍ മുന്‍ ആരോഗ്യമന്ത്രി വി.എസ്. ശിവകുമാര്‍ ഉദ്ഘാടനം ചെയ്തു. തിരുമംഗലം സന്തോഷ് അധ്യക്ഷത വഹിച്ചു. സംഘം പ്രസിഡന്‍റ് അഡ്വ. മഞ്ചവിളാകം ജയന്‍, മുന്‍ ജില്ലാ ജഡ്ജിയും നിയമസഭാ സെക്രട്ടറിയുമായിരുന്ന അഡ്മിനിസ്‌ട്രേറ്റീവ് ട്രൈബ്യൂണല്‍ രജിസ്ട്രാര്‍ എസ്.വി. ഉണ്ണികൃഷ്ണന്‍ നായര്‍, നെയ്യാറ്റിന്‍കര സനല്‍, ജോസ് ഫ്രാങ്ക്‌ലിന്‍, ബാബുക്കുട്ടന്‍ നായര്‍, രാജീവ് ആദി കേശവ്, എസ്.കെ. ജയകുമാര്‍, ഹരി ഗോപാല്‍, സെക്രട്ടറി ആര്‍ എസ് പ്രദീപ്, വാട്‌സണ്‍ തുടങ്ങിയവര്‍ സംസാരിച്ചു. എസ്എസ്എല്‍സി,പ്ലസ്ടു പരീക്ഷകളിൽ ഉന്നത വിജയം നേടിയ വിദ്യാർഥികളെയും സര്‍ക്കാര്‍ സര്‍വീസില്‍ നിന്നും വിരമിച്ച സംഘം അംഗങ്ങളെയും മുതിര്‍ന്ന സഹകാരികളെയും ആദരിച്ചു. കേരള സര്‍ക്കാരിന്‍റെ ഗുരുശ്രേഷ്ഠ പുരസ്കാരം നേടിയ സീരിയല്‍-നാടകനടന്‍ പാറശാല വിജയനെയും യുആര്‍എഫ് വേള്‍ഡ് റിക്കാര്‍ഡ് നേടിയ ആര്‍ട്ടിസ്റ്റ് മഹേശിനെയും ചടങ്ങിൽ ആദരിചചു. ചികിത്സാ ധനസഹായം വിതരണവും ഉണ്ടായിരുന്നു.

മാർച്ചും ധർണയും സംഘടിപ്പിച്ചു

ആറ്റിങ്ങൽ: കോൺഗ്രസ് ആറ്റിങ്ങൽ വെസ്റ്റ് മണ്ഡലം കമ്മിറ്റിയുടെ നേതൃത്വത്തിൽ ആറ്റിങ്ങൽ നഗരസഭ ഓഫീസിലേക്ക് മാർച്ചും ധർണയും സംഘടിപ്പിച്ചു. കോൺഗ്രസ്‌ മണ്ഡലം പ്രസിഡന്‍റ് ആർ.എസ്. പ്രശാന്തിന്‍റെ നേതൃത്വത്തിൽ നടന്ന ധർണ യുഡിഎഫ് ചെയർമാൻ അഡ്വ. വി. ജയകുമാർ ഉദ് ഘാടനം ചെയ്തു. ജില്ലാ കോൺഗ്രസ് കമ്മിറ്റി ജനറൽ സെക്രട്ടറിയുമായി പി. ഉണ്ണികൃഷ്ണൻ, ടി. പി. അമ്പിരാജ, കൗൺസിലർമാരായ വി. മുരളിധരൻ, ഗ്രാമം ശങ്കർ, കെ. സതി, രാമാദേവി, ബ്ലോക്ക് കോൺഗ്രസ് കമ്മിറ്റി ഭാരവാഹിൾ, മണ്ഡലം കോൺഗ്രസ് കമ്മിറ്റി നേതാക്കന്മാർ, മഹിളാ കോൺഗ്രസ് ഭാരവാഹികൾ, യൂത്ത്കോൺഗ്രസ് ഭാരവാഹികൾ തുടങ്ങിയവർ നേതൃത്വം നൽകി.

ആർകെ വെഡ്ഡിംഗ് മാൾ 10ന് പ്രവർത്തനം ആരംഭിക്കും

തിരുവനന്തപുരം: ആർ.കെ വെഡ്ഡിംഗ് മാളിന്‍റെ എട്ടാമത്തെ ഷോറൂം വ്യാഴാഴ്ച തിരുവനന്തപുരം അട്ടക്കുളങ്ങരയിൽ പ്രവർത്തനം ആരംഭിക്കും. ഇന്ത്യയിലെ എറ്റവും വലിയ ചെറിയ വില ഷോറൂം എന്ന പ്രത്യേകതയുമായി ആരംഭിക്കുന്ന ഷോറൂം വ്യാഴാഴ്ച രാവിലെ 10.30ന് വിദ്യാഭ്യാസ മന്ത്രി വി. ശിവൻകുട്ടി ഉദ്ഘാടനം ചെയ്യും. ബോളിവുഡ് നടി സണ്ണി ലിയോണ്‍ വിശിഷ്ടാതിഥിയായി പങ്കെടുക്കും. ഏതൊരു സാധാരണക്കാരനും വാങ്ങാൻ സാധിക്കുന്ന വിലയിലുള്ള വസ്ത്രങ്ങൾ ഇവിടെ ലഭ്യമാക്കുമെന്ന് ഉടമകൾ വ്യക്തമാക്കുന്നു. എട്ടു നിലയുള്ള കെട്ടിടത്തിലാണ് വിവിധ വിഭാഗങ്ങളിലായി തുണിത്തരങ്ങൾ, വാച്ചുകൾ, ഫാൻസി ആഭരണങ്ങൾ, വാലറ്റുകൾ, ബാഗുകൾ, ചെരുപ്പുകൾ തുടങ്ങിയവ വിൽപനയ് ക്കായി ഒരുക്കിയിട്ടുള്ളതെന്നും മാനേജിംഗ് ഡയറക്ടർ എം.പി. നവാസ് പത്രസമ്മേളനത്തിൽ അറിയിച്ചു. മാനേജ്മെന്‍റ് പ്രതിനിധികളായ റാഫി മുഹമ്മദ്, മുഹമ്മദ് ഷമീം, ഷബിത നവാസ്, തസ്മി റാഫി, നൗഷാദ് എന്നിവരും പത്രസമ്മേളനത്തിൽ പങ്കെടുത്തു.

കാർഷിക കോളജിൽ ടെഡ് എക്സ് ടോക് ഷോ

തിരുവല്ലം: ആഗോള തലത്തിൽ ശ്രദ്ധ നേടിയ ടെഡ് എക്സ് ഇവന്‍റ് വെള്ളായണി കാർഷിക കോളജിൽ ഇന്നു നടക്കും. ഈ വർഷം ടെഡ് എക്സ് ടോക് ഷോ നടത്തുന്നതിനായി കേരളത്തിൽ അനുമതി ലഭിച്ച ആകെയുള്ള മൂന്ന് സ്ഥാപനങ്ങളിൽ ഒന്നാണ് കേരള കാർഷിക സർവകലാശാല. കാർഷിക സർവകലാശാല വൈസ് ചാൻസലർ ഡോ. ബി. അശോക് പരിപാടി ഉദ്ഘാടനം ചെയ്യും. കലാ-കായിക സാംസ്കാരിക മേഖലകളിൽ മികവ് തെളിയിച്ച പ്രമുഖ വ്യക്തികളായ ഡോ. അരുൺ എസ്. നായർ, കേണൽ‍ ഋഷി രാജലക്ഷ്മി, ഡോ. സഞ്ജയ് ബെഹാരി, ബാബു രാമചന്ദ്രൻ, അമൽ മനോജ്, സഞ്ജന ജോർജ് എന്നിവരാണ് പ്രഭാഷകർ. വെള്ളായണി കാർഷിക കോളജ് ഡീൻ ഡോ. റോയ് സ്റ്റീഫൻ, കാർഷിക വിജ്ഞാന വ്യാപന വിദ്യാഭ്യാസ വിഭാഗം മേധാവി ഡോ. അലൻ തോമസ്, അധ്യാപകരായ ഡോ. അർച്ചന ആർ. സത്യൻ, ഡോ. സഫീർ എം. എം, വിദ്യാർത്ഥി പ്രതിനിധികളായ മാളവിക. ജി, ആദർശ് ഷാജി എന്നിവർ പരിപാടിയിൽ പങ്കെടുക്കും.

ചികിത്സയിലുള്ള മകനെ കാണാനെത്തിയ പ്രവാസി കുഴഞ്ഞുവീണ് മരിച്ചു

വെള്ളറട: മകന്‍റെ അസുഖ വിവരമറിഞ്ഞ് നാട്ടിലെത്തിയ പ്രവാസി കുഴഞ്ഞു വീണു മരിച്ചു. പനച്ചമൂട് കൃഷ്ണാഭവന്‍ പനവിള പുത്തന്‍വീട്ടില്‍ അരുണ്‍ കൃഷ്ണ(42)യാണ് മരിച്ചത്. വിദേശത്തായിരുന്ന അരുണ്‍ കൃഷ്ണ പനിപിടിപ്പെട്ട് ചികിത്സയിലുള്ള മകനെ കാണാൻ ഏഴു ദിവസത്തെ ലീവിന് നാട്ടിലെത്തിയതായിരുന്നു. അടുത്തദിവസം തിരികെ പോകാനുമിരിക്കുകയായിരുന്നു. ആശുപത്രിയിൽ വച്ച് അരുണ്‍കൃഷ്ണയ്ക്കും പനിയുടെ അസ്വസ്ഥത അനുഭവപ്പെടുകയായിരുന്നു. തുടർന്ന് സ്വകാര്യ ആശുപത്രിയില്‍ നിന്ന് ഇഞ്ചക്ഷനും നല്‍കി. അസ്വസ്ഥത മൂർച്ചിച്ചതോടെ കാരക്കോണം മെഡിക്കല്‍ കോളജില്‍ പ്രവേശിപ്പിച്ചെഹ്കിലും രക്ഷിക്കാനായില്ല. കേരള -തമിഴ്‌നാട് അതിര്‍ത്തിയിൽ പനച്ചമൂട്ടിലെ സ്വകാര്യ ആശുപത്രിയിലായിരുന്നു സംഭവം. അശുപത്രിയുടെ കിത്സാപിഴവാണ് മരണകാരണമെന്ന് ന്ധുക്കള്‍ ആരോപണമുന്നയിച്ചതിനെ തുടർന്ന് വെള്ളറടപോലീസ് ആശുപത്രിയില്‍ പരിശോധന നടത്തി. ആശയാണ് അരുണ്‍ കൃഷ്ണയുടെ ഭാര്യ. മക്കള്‍‌: അശ്വിന്‍ കൃഷ്ണ, ആകാശ് കൃഷ്ണ.

ലീഡർ ജന്മദിന സദസ്

നെടുമങ്ങാട്: മുൻ മുഖ്യമന്ത്രി കെ. കരുണാകരന്‍റെ ജന്മവാർഷികത്തോടനുബന്ധിച്ച് നെടുമങ്ങാട് സാംസ്കാരിക വേദിയുടെ ആഭിമുഖ്യത്തിൽ കച്ചേരി നടയിൽ ജന്മദിന സദസ് സംഘടിപ്പിച്ചു. പനവൂർ പഞ്ചായത്ത് മുൻ പ്രസിഡന്‍റ് പനവൂർ രാജശേഖരൻ ഉദ്ഘാടനം ചെയ്തു. വേദി ചെയർമാൻ നെടുമങ്ങാട് ശ്രീകുമാർ അധ്യക്ഷത വഹിച്ചു. ബ്ലോക്ക് പഞ്ചായത്ത് മുൻ അംഗം ആനാട് ജയചന്ദ്രൻ സ്മൃതി പ്രഭാഷണം നടത്തി. നഗരസഭാ മുൻ ചെയർമാൻ കെ. സോമശേഖരൻ നായർ, മൂഴിയിൽ മുഹമ്മദ് ഷിബു, പുലിപ്പാറ യൂസഫ്, സി. രാജലക്ഷ്മി, മാണിക്യവിളാകം റഷീദ്, പനവൂർ ഹസൻ, കൊല്ലംകാവ് സജി, വെമ്പിൽ സജി, കുഴിവിള നിസാമുദ്ദീൻ, തോട്ടുമുക്ക് വിജയൻ, മഞ്ചയിൽ വിനോദ്, ഇല്യാസ് പത്താംകല്ല്, വലിയ മല മോഹനൻ, ചന്ദ്രൻ, മനോജ്‌ തുടങ്ങിയവർ സംസാരിച്ചു.

വീരസ്മൃതിയില്‍ ഗിഫ്റ്റഡ് ചില്‍ഡ്രന്‍ പ്രോഗ്രാമിന് തുടക്കം

പാറശാല: രണ്ടാം ലോക മഹായുദ്ധത്തില്‍ ജീവന്‍ നഷ്ടപ്പെട്ട ധീരന്മാരുടെ ഓർമയ്ക്കുമുന്നില്‍ പുഷ്പാര്‍പ്പണം നടത്തിയും യുദ്ധവിരുദ്ധ പ്രതിജ്ഞയെടുത്തും വിദ്യാഭ്യാസ ജില്ലാ ഗിഫ്റ്റഡ് ചില്‍ഡ്രന്‍ പ്രോഗ്രാം സര്‍ഗശാലകള്‍ക്ക് തുടക്കമായി. പൊതു വിദ്യാഭ്യാസ വകുപ്പ് നടപ്പാക്കുന്ന ഗിഫ്റ്റഡ് ചില്‍ഡ്രന്‍ പദ്ധതിയുടെ ഉദ്ഘാടനം ജില്ലാ പഞ്ചായത്ത് അംഗവും ആരോഗ്യ വിദ്യാഭ്യാസ സ്റ്റാൻഡിംഗ് കമ്മിറ്റി ചെയര്‍പേഴ്‌സണുമായ വി.ആര്‍. സലൂജ നിര്‍വഹിച്ചു. യുഎസ്എസ് പരീക്ഷയില്‍ ഏറ്റവും മികച്ച മാര്‍ക്കുനേടിയ 40 കുട്ടികള്‍ക്കായി വിവിധ വിഷയമേഖലകളുമായി ബന്ധപ്പെട്ട ക്ലാസുകള്‍ നല്‍കുന്നതിലൂടെ അവരെ കൂടുതല്‍ ശാക്തീകരിക്കുക എന്നതാണ് പദ്ധതിയുടെ ലക്ഷ്യം. മുതിര്‍ന്ന അധ്യാപകന്‍ വാഴാലി വേലുക്കുട്ടിപ്പിള്ള അധ്യക്ഷത വഹിച്ച സമ്മേളനത്തില്‍ മുന്‍ ബിപിസി എം. അയ്യപ്പന്‍, ഡോ. എസ്. പ്രദീപ്, പദ്ധതി കോ-ഓര്‍ഡിനേറ്റര്‍ ഡോ. രമേഷ് കുമാര്‍ എന്നിവര്‍ പങ്കെടുത്തു. സായൂജ്യ സ്വാഗതവും ഹരികൃഷ്ണന്‍ നന്ദിയും പറഞ്ഞു. തുടര്‍ന്ന് വീരസ്മൃതിയില്‍ നടന്ന പുഷ്പാര്‍പ്പണത്തിനും പ്രതിജ്ഞയ്ക്കും വി.ആര്‍. സലൂജ നേതൃത്വം നല്‍കി.

മന്ത്രീ വീണാ ജോർജിന്‍റെ രാജി ആവശ്യപ്പെട്ട് പ്രതിഷേധ പ്രകടനം

നെടുമങ്ങാട്: കോട്ടയം മെഡിക്കൽ കോളജ് ദുരന്തത്തിൽ നുണപ്രചാരണം നടത്തിയ മന്ത്രി വീണാ ജോർജിന്‍റെ രാജി ആവശ്യപ്പെട്ടു കോൺഗ്രസ് അരുവിക്കര മണ്ഡലം കമ്മിറ്റിയുടെ നേതൃത്വത്തിൽ അരുവിക്കര ജംഗ്ഷനിൽ പ്രതിഷേധ പ്രകടനം നടത്തി. ഡിസിസി മെമ്പർ കെ.പി. ഹരിശ്ചന്ദ്രൻ ഉദ്ഘാടനം ചെയ്തു. മുണ്ടേല പ്രവീൺ, തോപ്പിൽ ശശിധരൻ, രമേഷ് ചന്ദ്രൻ, സലാം വെള്ളൂർക്കോണം, അനിൽകുമാർ, സജിൻ വെള്ളൂർക്കോണം, സജ്ജാദ്, ഷാജഹാൻ, ആനന്ദ്, രജിതകുമാരി, സിന്ധു, ബിന്ദു, സുരേഷ് കുമാർ തുടങ്ങിയവർ പങ്കെടുത്തു.

ചുണ്ടവിളാകത്തെ വർണക്കൂടാരം ഇന്നു നാടിനു സമര്‍പ്പിക്കും

നെയ്യാറ്റിന്‍കര : അതിയന്നൂര്‍ പഞ്ചായത്തിലെ ചുണ്ടവിളാകം ഗവ. എല്‍പി സ്കൂളില്‍ നിര്‍മിച്ച വര്‍ണക്കൂടാരം ഇന്നു നാടിനു സമര്‍പ്പിക്കും. പ്രീ-പ്രൈമറി വിദ്യാഭ്യാസത്തെ അന്താരാഷ്ട്ര നിലവാരത്തിലേക്ക് ഉയർത്തുക എന്ന ലക്ഷ്യത്തോടെ സംസ്ഥാന സർക്കാർ സ്റ്റാർസ് പദ്ധതിയിൽ ഉൾപ്പെടുത്തിയാണ് വർണക്കൂടാരം നിര്‍മിച്ചിരിക്കുന്നത്. സമഗ്ര ശിക്ഷാ കേരളവും പൊതുവിദ്യാഭ്യാസ വകുപ്പും സംയുക്തമായി ബാലരാമപുരം ബിആർസിയുടെ നേതൃത്വത്തിൽ സാക്ഷാത്കരിച്ച വര്‍ണക്കൂടാരത്തിനു പത്തുലക്ഷം രൂപയാണ് നിര്‍മാണ ചെലവ്. ഇന്നു രാവിലെ 9.30ന് കെ. ആന്‍സലന്‍ എംഎല്‍എ വർണക്കൂടാരം ഉദ്ഘാടനം ചെയ്യും. അതിയന്നൂര്‍ പഞ്ചായത്ത് പ്രസിഡന്‍റ് വി.പി. സുനില്‍കുമാര്‍ അധ്യക്ഷനാകും. തിരുവനന്തപുരം എസ്എസ്കെ ഡിപിസി ഡോ. ബി. നജീബ് പദ്ധതി വിശദീകരിക്കും. ജനപ്രതിനിധികള്‍, സ്കൂള്‍ അധികൃതര്‍ എന്നിവര്‍ സംബന്ധിക്കും. കുട്ടികളുടെ കലാപരിപാടികള്‍, നെല്ലിമൂട് മുലയന്‍താന്നി ദേവിക്ഷേത്രത്തിലെ കാവിലമ്മ കലാവേദി മാതൃസംഘം അവതരിപ്പിക്കുന്ന കൈകൊട്ടികളി എന്നിവയും നടക്കും.

വയനാട് ദുരിതബാധിതര്‍ക്ക് ധനസഹായം കൈമാറി

പേരൂര്‍ക്കട: വയനാട് ചൂരല്‍മല, മുണ്ടക്കയം ദുരിതബാധിതര്‍ക്ക് കരമന മുസ്‌ലിം ജമാഅത്തിന്‍റെ നേതൃത്വത്തില്‍ ജമാഅത്ത് വെല്‍ഫെയര്‍ കമ്മിറ്റി സ്വരൂപിച്ച ധനസഹായം കൈമാറി. കല്‍പ്പറ്റ എംജിടി ഹാളില്‍ ടി. സിദ്ദീഖ് എംഎല്‍എ പരിപാടിയുടെ ഉദ്ഘാടനം നിർവഹിച്ചു. കരമന മുസ്‌ലിം ജമാഅത്ത് പ്രസിഡന്‍റ് എം.എ ജലീല്‍ കരമന അധ്യക്ഷത വഹിച്ചു. ചികിത്സാസഹായ ഫണ്ട് ഉദ്ഘാടനം വയനാട് ജില്ലാ പഞ്ചായത്ത് പ്രസിഡന്‍റ് ഷംസാദ് മരയ്ക്കാര്‍ നിര്‍വഹിച്ചു. മുണ്ടക്കയം ദുരിതത്തില്‍ ഇരകളായ 45-ഓളം കുടുംബങ്ങള്‍ക്കാണ് ചികിത്സാസഹായം കൈമാറിയത്. വെല്‍ഫെയര്‍ കമ്മിറ്റി ചെയര്‍മാന്‍ എ.എം.കെ നൗഫല്‍ സ്വാഗതം പറഞ്ഞു. ജനറല്‍ സെക്രട്ടറി പി. ഷാഹുല്‍ ഹമീദ്, ട്രഷറര്‍ എം. സെയ്ദാലി, വൈസ്പ്രസിഡന്‍റ് എ.പി.എം ഷംസുദ്ദീന്‍, സെക്രട്ടറിമാരായ ബി. റാഫി, ഒ.എസ്.എ.കെ റൂബി, എസ്. സക്കീര്‍ ഹുസൈന്‍, പൂജപ്പുര നൗഷാദ്, വെല്‍ഫെയര്‍ കമ്മിറ്റി ഭാരവാഹികളായ എം.എ. സലീം കരമന, ഒ.എം.എച്ച്. നസീര്‍, അനസ്, സലീം അബൂബക്കര്‍ തുടങ്ങിയവര്‍ പങ്കെടുത്തു.

പി.എസ്. ശ്രീധരൻപിള്ളയ്ക്ക് മഹാലക്ഷ്മി പുരസ്കാരം സമ്മാനിച്ചു

നെയ്യാറ്റിൻകര: മരുതത്തൂർ മഹാലക്ഷ്മി ക്ഷേത്രം ഏർപ്പെടുത്തിയ മഹാലക്ഷ്മി സാഹിത്യപുരസ്കാരം ഗോവ ഗവർണർ പി.എസ്. ശ്രീധരൻപിള്ളയ്ക്ക് സമ്മാനിച്ചു. സാഹിത്യരംഗത്തെ സമഗ്ര സംഭാവനകൾ പരിഗണിച്ചാണ് പുരസ്കാരം. മരുതത്തൂർ മഹാലക്ഷ്മി ക്ഷേത്ര ഉത്സവത്തോടനുബന്ധിച്ച് പ്രഖ്യാപിച്ച പുരസ്കാരം ക്ഷേത്ര ഭാരവാഹികളാണ് സമ്മാനിച്ചത്. ബിജെപി നേതാവ് അഡ്വ. ജെ.ആർ. പത്മകുമാർ, അഡ്വ. രഞ്ജിത്ത് ചന്ദ്രൻ, നഗരസഭ കൗൺസിലർ മഞ്ചത്തല സുരേഷ്, ഗാന്ധിമിത്ര മണ്ഡലം ചെയർമാൻ അഡ്വ. ജയചന്ദ്രൻനായർ എന്നിവർ സംബന്ധിച്ചു.

കല്ലറയിൽ അത്യാധുനിക മത്സ്യമാർക്കറ്റ് നിർമാണം തുടങ്ങി

കല്ലറ: വാമനപുരം മണ്ഡലത്തിൽ കല്ലറയിൽ നിർമിക്കുന്ന അത്യാധുനിക മത്സ്യമാർക്കറ്റിന്‍റെ നിർമാണ പ്രവർത്തനങ്ങൾ ആരംഭിച്ചു. 439 ലക്ഷം രൂപയാണ് മാർക്കറ്റ് നിർമാണത്തിന് കിഫ്ബി മുഖാന്തിരം അനുവദിച്ചിട്ടുള്ളത്. തീരദേശ വികസന കോർപ്പറേഷൻ മുഖാന്തിരം നടപ്പാക്കുന്ന മാർക്കറ്റിനായി 369 ലക്ഷം രൂപ നേരത്തേ അനുവദിച്ചിരുന്നു. എന്നാൽ പുതുക്കിയ ഡിഎസ്ആർ നിലവിൽ വന്നതിനാൽ അതനുസരിച്ച് എസ്റ്റിമേറ്റും ഡിസൈനും പുതുക്കി സമർപ്പിക്കാൻ കിഫ്ബി നിർദേശിച്ചതിനാലാണു സാങ്കേതികാനുമതി ലഭിക്കാൻ താമസിച്ചതെന്നു ഡി.കെ. മുരളി എംഎൽഎ പറഞ്ഞു. നിർമാണ പ്രവർത്തനങ്ങൾ നേരിട്ടെത്തി അദ്ദേഹം വിലയിരുത്തി. നിലവിലെ മാർക്കറ്റ് സ്ഥിതി ചെയ്യുന്ന ഒരേക്കർ സ്ഥലത്താണ് പുതിയതു നിർമിക്കുന്നത്. രണ്ടുനിലകളിലായി നിർമിക്കുന്ന മാർക്കറ്റിൽ മുപ്പതോളം ഫിഷ് സ്റ്റാളുകൾ, 15 കടമുറികൾ, ബയോഗ്യാസ് പ്ലാന്‍റ്, ലേല ഹാൾ, ശീതീകരണ സംവിധാനങ്ങൾ, ഐസ് സൂക്ഷിക്കുന്ന മുറി, ഓഫീസ് റൂം തുടങ്ങിയവ ഉൾപ്പെടുമെന്നും അദ്ദേഹം പറഞ്ഞു.

കലാപ്രേമി മാഹീന് ദോഹയില്‍ 10നു സ്വീകരണം

തിരുവനന്തപുരം : ഹൃസ്വ സന്ദര്‍ശനത്തിനായി ദോഹ ഖത്തറില്‍ എത്തുന്ന ഇന്‍ഡോ അറബ് ഫ്രണ്ട്ഷിപ്പ് സെന്‍റര്‍ ജനറല്‍ സെക്രട്ടറിയും കൃപ ചാരിറ്റീസ് ട്രഷററും കേരള പ്രവാസി ലീഗ് തിരുവനന്തപുരം ജില്ലാ ജനറല്‍ സെക്രട്ടറിയും കേരള മുസ്‌ലിം ജമാഅത്ത് കൗണ്‍സില്‍ സംസ്ഥാന വൈസ് പ്രസിഡന്‍റുമായ കലാപ്രേമി മാഹിന് 10ന് വൈകുന്നേരം ആറിനു ദോഹയിലെ പ്ലാസ ഹോട്ടലില്‍ സ്വീകരണം നല്‍കുമെന്ന് ഇന്‍ഡോ ഖത്തര്‍ ഫ്രണ്ട്ഷിപ്പ് സെന്‍റര്‍ ചെയര്‍മാന്‍ അമാനുള്ള വടകാങ്കര അറിയിച്ചു. പ്രവാസികാര്യ മുന്‍ മന്ത്രി എം.എം. ഹസന്‍ മുഖ്യാതിഥിയായി പങ്കെടുക്കും. ഫിറോസ് ആലുവ, മുസമ്മില്‍ കണ്ണൂര്‍, ആസിഫ് മുഹമ്മദ്, ബാദുഷ, നൗഫല്‍, നിയാസ് തുടങ്ങിയവര്‍ ചടങ്ങില്‍ പങ്കെടുക്കും.

ഉദ്ഘാടനം കഴിഞ്ഞിട്ടു നാലുമാസം : എന്നിട്ടും തുറക്കാതെ വിതുര ഗവ. താലൂക്ക് ആശുപത്രി കെട്ടിടം

വിതുര: ഉദ്ഘാടനം കഴിഞ്ഞു നാലുമാസം കഴിഞ്ഞിട്ടും പ്രവർത്തനം ആരംഭിക്കാതെ വിതുര ഗവ. താലൂക്കാശുപത്രി കെട്ടിടം. കിടത്തിച്ചികിത്സ ഉൾപ്പെടെയുള്ളവ തുടരുന്നതും ഈ കെട്ടിടത്തിൽതന്നെ. ഫർണിച്ചറുകൾ സ്ഥാപിക്കുന്നതുൾപ്പടെയുള്ള സൗകര്യങ്ങൾ ഒരുക്കാൻ വൈകുന്നതാണ് പുതിയ കെട്ടിടത്തിലേക്കു മാറുന്നതിനുള്ള കാരണമെന്നാണ് അധികൃതർ പറയുന്നത്. ഫെബ്രുവരി 24-നാണ് നാലു കോടിയോളം ചെലവിട്ട് നിർമാണം പൂർത്തിയാക്കിയ കെട്ടിടം മന്ത്രി വീണാ ജോർജ് ഓൺലൈനായി ഉദ്ഘാടനം ചെയ്തത്. അതിനുശേഷമാണ് വൈദ്യുത ബന്ധം ഉൾപ്പടെ സ്ഥാപിക്കുന്ന പണികൾ നടന്നത്. ആശുപത്രി പ്രവർത്തനത്തെക്കുറിച്ച് ഉയർന്ന പരാതികൾക്കൊടുവിൽ ജില്ലാപഞ്ചായത്താണ് കെട്ടിട നിർമാണത്തിന് തുടക്കമിട്ടത്. നിർമാണ പ്രവർത്തനങ്ങൾ പലപ്പോഴും പാതിവഴിയിൽ നിലച്ചതും പരാതികൾക്കു വഴി വച്ചു. 2020ൽ ആരംഭിച്ച പണി ഒടുവിൽ ഈ വർഷമാണ് ഏകദേശം പൂർത്തിയായത്. ആദിവാസി, തോട്ടം മേഖലകളിലെ ആളുകളുടെ ആശ്രയ കേന്ദ്രമായ ആശുപത്രിയിൽ ദിവസവും നൂറു കണക്കിന് രോഗികൾ എത്തുന്നുണ്ട്. പലപ്പോഴും ജില്ലാ ആശുപത്രിയിലേക്കോ മെഡിക്കൽ കോളജിലേക്കോ റഫർ ചെയ്യുകയാണ് പതിവെന്നും അവർ പറയുന്നു. ആവശ്യത്തിനു ഡോക്ടർമാരുടെയും മറ്റു ജീവനക്കാരുടേയും സേവനം ഉറപ്പാക്കാൻ അധികൃതർ ശ്രമിക്കുന്നില്ലെന്നും പരാതിയുണ്ട്. പ്രാഥമികാരോഗ്യകേന്ദ്രം എന്ന നിലയിൽനിന്ന് താലൂക്കാശുപത്രിയായി മാറിയെങ്കിലും ആവശ്യമായ സൗകര്യങ്ങളില്ല എന്ന പരാതിക്കൊടുവിലാണ് മേൽനോട്ടം ജില്ലാപഞ്ചായത്ത് ഏറ്റെടുത്തത്. ചെറിയ മുറികളിൽ നടത്തുന്ന പരിശോധനകൾക്കായെത്തുന്ന രോഗികൾ ഇടുങ്ങിയ ഇടനാഴികളിൽ കൂടിനിൽക്കുന്നതും പതിവു കാഴ്ചയാണ്. ഡോക്ടർമാരുടെ കുറവുമൂലം ഇവിടെ പലപ്പോഴും തിരക്കാണ്. എത്രയും വേഗം പുതിയ കെട്ടിടം തുറന്നു കൊടുക്കണമെന്ന ആവശ്യം ശക്തമാണ്.

ഞാറ്റുവേലച്ചന്ത

നെയ്യാറ്റിന്‍കര : നെയ്യാറ്റിൻകര നഗരസഭയുടെയും കൃഷിഭവന്‍റെയും സംയുക്താഭിമുഖ്യത്തിൽ നെയ്യാറ്റിൻകര നഗരസഭ കൃഷിഭവനിൽ ഞാറ്റുവേല ചന്തയുടെയും കർഷകസഭയുടെയും ഉദ്ഘാടനം കെ. ആന്‍സലന്‍ എംഎല്‍എ നിര്‍വഹിച്ചു. നഗരസഭ വൈസ് ചെയർപേഴ്സൺ പ്രിയ സുരേഷ് അധ്യക്ഷയായി. കെ.കെ ഷിബു, ഡോ. എം.എ സാദത്ത്, എൻ.കെ അനിതാകുമാരി, കൂട്ടപ്പന മഹേഷ്, കെ. സുനിൽ, ഗിരീഷ് പരുത്തിമഠം, അനിലകുമാരി, എൻ.എസ് അജയൻ തുട ങ്ങിയവർ പ്രസംഗിച്ചു.

അക്ഷരസ്നേഹിയായ വിദ്യാർഥിനിക്ക് ഹോം ലൈബ്രറി സമ്മാനിച്ച് ചരിത്രകാരന്‍

നെയ്യാറ്റിന്‍കര : അക്ഷരസ്നേഹിയും പുസ്തകവായനക്കാരിയുമായ അഞ്ചാം ക്ലാസുകാരിക്ക് അമ്മയുടെ ഓര്‍മനാളില്‍ പുസ്തകശേഖരം ഉള്‍പ്പെടുന്ന ഹോം ലൈബ്രറി സമ്മാനിച്ച് ചരിത്രകാരന്‍. കുളത്തൂർ ജിഎംയുപി സ് കൂളിലെ അഞ്ചാം ക്ലാസ് വിദ്യാര്‍ഥിനി അഫ്‌ലാഹ ഫാത്തിമയ്ക്കാണ് ബി. വാസന്തി സ്മാരക ഹോം ലൈബ്രറി പദ്ധതി ഇത്തവണ പ്രാപ്തമായത്. അമ്മയുടെ സ്മൃതിദിനത്തില്‍ ഇത്തരം തികച്ചും വ്യത്യസ്തമായൊരു പദ്ധതി നടപ്പിലാക്കിയത് അരുമാനൂര്‍ എംവി ഹയര്‍സെക്കന്‍ഡറി സ്കൂളിലെ‍ മലയാളം അധ്യാപകനും ചരിത്രഗവേഷകനും എഴുത്തുകാരനുമായ ഡോ. സി.വി സുരേഷാണ്. നാലുകൊല്ലം മുമ്പ് അടച്ചിരിപ്പിന്‍റെ ആരോഗ്യ അടിയന്തരാവസ്ഥക്കാലത്തായിരുന്നു കോവിഡ് ബാധിച്ച് അദ്ദേഹത്തിന്‍റെ അമ്മയുടെ വിയോഗം. പ്ലാമൂട്ടുക്കട നേതാജി ഗ്രന്ഥശാലയിൽ സെക്രട്ടറി കലാനാഥിന്‍റെ നേതൃത്വത്തില്‍ വേനലവധിക്കാലത്ത് സംഘടിപ്പിച്ച വായനായനം പദ്ധതിയിലൂടെയാണ് അഫ്‌ലാഹയെന്ന കൊച്ചുമിടുക്കിയെ കണ്ടെത്തിയത്. ലൈബ്രറിയില്‍ സംഘടിപ്പിച്ച അക്ഷര സായാഹ്നം പരിപാടിയില്‍ അഫ്‌ലാഹയ്ക്ക് ഡോ. സി.വി. സുരേഷും കുടും ബാംഗങ്ങളും ചേര്‍ന്നു ഹോം ലൈബ്രറി സമ്മാനിക്കുകയായിരുന്നു. ചടങ്ങില്‍ വിദ്യാഭ്യാസ ചിന്തകന്‍ പി.വി. പ്രേംജിത്ത്, റിട്ട. ഹെഡ്മാസ്റ്റര്‍ സെൽവരാജ് ജോസഫ്, മൈന്‍ഡ് പബ്ലിക്ക് എംഡി ഹരി ചാരുത, അഡ്വ. എസ്.എസ് ഷാജി, പ്രിയ, ദിവാകരൻ, കാക്കറവിള എല്‍എംഎസ് എല്‍പി സ്കൂളിലെയും കുളത്തൂർ ജിഎം യുപി സ്കൂളിലെയും അധ്യാപകർ എന്നിവര്‍ സംബന്ധിച്ചു.

കേരള വനിതാ കമ്മീഷൻ സംസ്ഥാനതല സെമിനാർ

നെടുമങ്ങാട്: സംസ്ഥാനത്തെ വിദ്യാർഥികൾക്കിടയിലും യുവതീ-യുവാക്കൾക്കിടയിലും ലിംഗ സമത്വത്തിന്‍റെ ആശയം വളർത്തിയെടുക്കുന്നതിനായി കേരള വനിതാ കമ്മീഷൻ "വ്യക്തി, സമൂഹം, സ്വാതന്ത്ര്യം: ലിംഗ വിവേചനങ്ങളുടെ കേരളീയ പശ്ചാത്തലം' എന്ന വിഷയത്തെ ആസ്പദമാക്കി സംസ്ഥാനതല സെമിനാർ സംഘടിപ്പിച്ചു. കേരള വനിതാ കമ്മിഷൻ ചെയർപേഴ്സൺ അഡ്വ. പി. സതീദേവി സെമിനാർ ഉദ്ഘാടനം ചെയ്തു. ബ്ലോക്ക് പഞ്ചായത്തു പ്രസിഡന്‍റ് വി. അമ്പിളി അധ്യക്ഷത വഹിച്ചു. ക്ഷേമകാര്യ സ്റ്റാൻഡിംഗ് കമ്മറ്റി ചെയർമാൻ വി.ആർ. ഹരിലാൽ സ്വാഗതം പറഞ്ഞു. ഡിടിപിസി മെമ്പർ ഗീത വിഷയാവതരണം നടത്തി. ചെയർമാൻമാരായ ടി.ആർ. ചിത്രലേഖ, ആർ. ശ്രീമതി, മെമ്പർമാരായ വിജയൻ നായർ, ടി. ശ്രീകുമാർ, ടി. ഗീത, പി. സുഷ, അനൂജ കണ്ണൻ, സിഡിപിഒമാരായ ആർ. പ്രീത, ഉഷാ സ്റ്റീഫൻ എന്നിവർ പ്രസംഗിച്ചു. ജോയിന്‍റ് ബിഡിഒ സുചിത്രൻ നന്ദി പറഞ്ഞു.

ദേശീയ പണിമുടക്ക് വിജയിപ്പിക്കും: യുഡിടിഎഫ് സംഘടനകൾ

തിരുവനന്തപുരം: രാജ്യവ്യാപകമായി കേന്ദ്ര ട്രേഡ് യൂണിയനുകൾ ഒന്പതിനു പ്രഖ്യാപിച്ചിരിക്കുന്ന പണിമുടക്ക് വൻ വിജയമാക്കാൻ ഐഎൻടിയുസി ഉൾപ്പെടെ യുഡിടിഎഫ് സംഘടനകൾ സംയുക്തമായി തീരുമാനിച്ചതായി യുഡിടിഫ് കൺവീനർ അഡ്വ: ബിന്നി, ജനറൽ കൺവീനർ വി.ആർ. പ്രതാപൻ എന്നിവർ പത്രക്കുറിപ്പിൽ അറിയിച്ചു. പണിമുടക്കിന്‍റെ സന്ദേശം അറിയിച്ചുള്ളവിളംബര ജാഥ ഇന്നു വൈകുന്നേരം ആറിന് ജിപിഒയിൽനിന്നും ആരംഭിച്ചു പാളയം രക്തസാക്ഷി മണ്ഡപ ത്തിൽ സമാപിക്കും. നാളെ വൈകുന്നേരം ആറിനു രക്തസാക്ഷി മണ്ഡപത്തിൽനിന്നും സമരകേന്ദ്രമായ പുളിമൂടുവരെ പന്തംകൊളുത്തി പ്രകടനം നടത്തും. പണി മുടക്കിനു മുന്നോടിയായി നടന്ന തൊഴിലാളി കൺവൻഷൻ ഐഎൻടിയുസി സംസ്ഥാന ജനറൽ സെക്രട്ടറി വി.ജെ. ജോസഫ് ഉദ്ഘാടനം ചെയ്തു. കൺവീനർ അഡ്വ. ബിന്നി അധ്യക്ഷത വഹിച്ചു. സമരസമിതി ജനറൽ കൺവീനർ വി.ആർ. പ്രതാപൻ സമര പരിപാടികൾ വിശദീകരിച്ചു. ജി. മാഹീൻ അബൂബക്കർ, കെ. ജയകുമാർ, ആനയറ രമേശ്, എസ്. ഉണ്ണികൃഷ്ണൻ, എം.എസ്. താജുദ്ദീൻ, കെ.എം. അബ്ദുൽ സലാം തുടങ്ങിയവർ സംസാരിച്ചു.

ഈ മഴക്കാലത്തും അവരെത്തി..!

എസ്. മഞ്ജുളാദേവി തിരുവനന്തപുരം: ഈ മഴക്കാലത്തും പതിവുപോലെ അവരെത്തി. കറുപ്പും മഞ്ഞയും ഇടകലർന്ന ചിറകുള്ള കഴുത്തിനു മുകളിൽ ചുവന്ന വരകളുള്ള സുന്ദരിയായ ഗരുഡ ശലഭം... പി ന്നെ ശ്രീകൃഷ്ണ നീലിമയും കറുപ്പും കലർന്ന ചിറകുകളുള്ള കൃഷ്ണശലഭം.... പ്രശസ്ത പ്രകൃതി-വന്യജീവി ഫോട്ടോഗ്രഫറായ ബിജു കാരക്കോണത്തിന്‍റെ കാരക്കോണത്തെ വസതിയിലാണ് പ്രകൃതി തന്നെ കുടഞ്ഞിട്ട ഈ സൗന്ദര്യറാണിമാർ പിന്നെയും പറന്നെത്തിയിരിക്കുന്നത്. വർണപ്പകിട്ടുള്ള ചിറകുവിടർത്തി കിരീടം പോലെ ഉയർന്നു നില്ക്കുന്ന കൃഷ്ണകിരീടപ്പൂകളുടെയും, ചെത്തിപ്പൂക്കളുടെയും ഇടയിൽ പാറിപ്പറക്കുന്പോൾ അവർക്കുറപ്പുണ്ട് ഫോട്ടോഗ്രഫർ തങ്ങളുടെ വേറിട്ട ലാവണ്യം ഇത്തവണയും പകർത്തുമെന്ന്..! കഴിഞ്ഞ മൂന്നുപതിറ്റാണ്ടുകളായി പ്രകൃതിയുടെ നിറവും സംഗീതവും സൗന്ദര്യവുംതേടി നടക്കുന്ന ബിജു കാരക്കോണത്തിന്‍റെ ശേഖരത്തിൽ നൂറോളം ചിത്രശലഭ ചിത്രങ്ങളുണ്ട്. ഇവയിൽ മഴനീർതുള്ളികൾക്കൊപ്പം വരുന്ന ഗരുഡശലഭത്തിന്‍റെയും കൃഷ്ണവർണമാർന്ന കൃഷ് ണശലഭത്തിന്‍റെയും പലവിധ ചിത്രങ്ങൾ ഏറെ ശ്രദ്ധേയം. ചുവന്ന ഉടലും ചിറകുകളിൽ ചുവന്ന പൊട്ടുകളുമുള്ള നാട്ടുറോസ് എന്ന ചിത്രശലഭ ചിത്രവും മനോഹരം തന്നെ. സാധാരണ പറന്പുകളിൽ കാണുന്ന കറുപ്പും മഞ്ഞയും ചുവപ്പും ഡിസൈനുകളുള്ള വിലാസിനി ശലഭത്തിന്‍റെയും (ജെസിബൽ) വ്യത്യസ്ത ഫോട്ടോകൾ കാണാം. മഴക്കാലങ്ങളിൽ മാത്രമാണ് പതിവുമുടക്കാതെ ഗരുഡശലഭവും കൃഷ്ണശലഭവും എത്തുന്നത്. വീട്ടുപരിസരത്ത് നിറയെ പൂക്കൾ ഉള്ളതു കൊണ്ടു മഴ സീസണിലും ചെറുശലഭങ്ങളും ഉണ്ട്. തീരെ ചെറിയ കിളിയെ പോലുള്ള ഹമ്മിംഗ് ബേർഡ് നിശാശലഭവും ബ്ലൂ ടൈഗർ നിശാശലഭവും പൂക്കൾ തേടി എത്തുന്നുണ്ടെന്നു ബിജു കാരക്കോണം പറയുന്നു. മഴക്കാല പൂന്പാറ്റുകളെന്നു പറഞ്ഞ് ഇവയെ നിസാാരവത്കരിക്കാൻ വരട്ടെ. ഇന്ത്യയിലെ രണ്ടാമത്തെ വലിയ ചിത്രശലഭവും കേരളത്തിലെ ഏറ്റവും വലിയ ചിത്രശലഭവുമാണ് പേരു സൂചിപ്പിക്കുന്നത് പോലെ ഈ വന്പൻ ഗരുഡശലഭം. സതേണ്‍ ബേർഡ്‌വിംഗ് എന്നാണ് ഇംഗ്ലീഷ് നാമം. 2016-ൽ കർണാടക സർക്കാർ ഗരുഡശലഭത്തിനു ഒൗദ്യോഗിക പദവി നല്കിയിട്ടുമുണ്ട്. ഇതുപോലെ പ്രകൃതിയുടെ സന്തുലിതാവസ്ഥയ് ക്ക് സഹായിക്കുന്ന ചിത്രശലഭങ്ങളെ ലോകം തന്നെ ശ്രദ്ധിക്കാൻ തുടങ്ങിയിട്ടുണ്ട് എന്നർഥം. കൃഷ്ണ ശലഭമാകട്ടെ കേരളത്തിലെ രണ്ടാമത്തെ വലിയ ചിത്രശലഭമാണ്. കാഷ്മീർ മുതൽ കന്യാകുമാരി വരെ യാത്ര ചെയ്ത് പ്രകൃതിയെ പകർത്തിയിട്ടുള്ള ബിജു കാരക്കോണത്തിനു മുന്നിൽ പ്രകൃതി തുറന്നുവച്ചത് വലിയ ജീവിത പാഠങ്ങൾ കൂടിയാണ്. ബിജുവിന്‍റെ വാക്കുകളിലേക്ക്.... ഇന്നു സമൂഹത്തിൽ കാണുന്ന പല വിപത്തുകൾക്കും പരിഹാരമാണ് പ്രകൃതിയിലേക്കുള്ള മടക്കം. മദ്യപാനം, മയക്കുമരുന്നിന്‍റെ ഉപയോഗം, ഡിജിറ്റൽ അഡിക്ഷൻ തുടങ്ങി പുതിയ തലമുറയെ വേട്ടയാടുന്ന പലശീലങ്ങൾക്കുമുള്ള പ്രതിരോധ മരുന്നാണ് പ്രകൃതി സഞ്ചാരം. പ്രകൃതി എന്ന ലഹരിയിലേക്കു വളർന്നുവരുന്ന തലമുറയെ എത്തിച്ചാൽ പിന്നെ മാരകങ്ങളായ ലഹരി അന്വേഷിച്ച് പോവില്ല. മുറ്റത്തും പറന്പിലും പാറിപ്പറക്കുന്ന പൂന്പാറ്റകളെയും കിളികളെയും കണ്ടും സ്നേഹിച്ചും വളരുന്ന ഒരു കുട്ടിയും കൂടപ്പിറപ്പിന്‍റെയും കൂട്ടുകാരന്േ‍റയും നെഞ്ചിലേക്കു കത്തി കയറ്റില്ല. ബിജു കാരക്കോണത്തിന്‍റെ വാക്കുകൾക്കു പ്രകൃതി അനുഭവത്തിന്‍റെ കരുത്തുണ്ട്. യുവത്വത്തിലേക്കു കടന്നുകഴിഞ്ഞവരെ മാറ്റുക എളുപ്പമല്ല. അതിനാൽ പ്രൈമറി ക്ലാസുകൾ മുതൽ പ്രകൃതി പാഠങ്ങൾ കുട്ടികളെ ശീലിപ്പിക്കണം എന്നും ഇദ്ദേഹം പറയുന്നു. വിലയേറിയ ഹൈബ്രിഡ് ചെടികൾക്കും അലങ്കാര സസ്യങ്ങൾക്കും പകരം ചിത്രശലഭങ്ങൾക്കു തേൻ നുകരുവാനും മുട്ടയിടുവാനും സഹായകമായ നാടൻ പുഷ്പ ചെടികൽ നട്ടുവളർത്തുവാനും കുട്ടികളെ പഠിപ്പിക്കുന്നത് നല്ലതായിരിക്കും. ചിത്രശലഭങ്ങൾ മുട്ടയിടുന്നത് പ്രത്യേക ചെടികളിലാണ്. രാസകീടനാശിനികളുടെ ഉപയോഗം മണ്ണിനെയും ശലഭങ്ങളുടെ ലാർവയെയും നശിപ്പിക്കും. തേനീച്ചകൾ ഭൂമിയിൽ നിന്നും അപ്രത്യക്ഷമായാൽ മനുഷ്യനു നാലുവർഷങ്ങൾ മാത്രമേ ആയുസുണ്ടാവൂ എന്നും തേനീച്ചകൾ പരാഗണം നടത്തിയില്ലെങ്കിൽ സസ്യങ്ങളോ, മൃഗങ്ങളോ, മനുഷ്യനോ ഭൂമിയിൽ നിലനില് ക്കില്ല എന്നും പറഞ്ഞത് ലോക പ്രശസ്ത ശാസ്ത്രജ്ഞൻ ആൽബർട്ട് ഐൻസ്റ്റീനാണ്. ഇതേ കുറിച്ചെല്ലാം വളർന്നുവരുന്ന തലമുറയെ പഠിപ്പിച്ചാൽ വലിയ നാശത്തിൽ നിന്നും ഭൂമിയെ രക്ഷിക്കാൻ കഴിയും.

പുലയനാര്‍ക്കോട്ട നെഞ്ചുരോഗ ആശുപത്രിയുടെ നില പരിതാപകരം

മെഡിക്കല്‍കോളജ്: പുലയനാര്‍ക്കോട്ട നെഞ്ചുരോഗാശുപത്രിയുടെ അവസ്ഥ പരിതാപകരമായി തുടരുന്നു. നവീകരണവും അറ്റകുറ്റപ്പണിയും നിലച്ചതോടെയാണു കഴിഞ്ഞ ഒരുവര്‍ഷമായി ആശുപത്രിയുടെ അവസ്ഥ പരിതാപകരമായിരിക്കുന്നതെന്ന് രോഗികളും കൂട്ടിരിപ്പുകാരും പറയുന്നു. ഒരുനൂറ്റാണ്ടിലേറെ പഴക്കം വരുന്ന ആശുപത്രിയില്‍ കെട്ടിടങ്ങളുടെ അവസ്ഥയും രോഗികളെ പാര്‍പ്പിച്ചിരിക്കുന്ന വാര്‍ഡുകളുടെ അവസ്ഥയും ഗതികേടിലാണ്. പരിസരമാകെ കാടുപിടിച്ചു കിടക്കുന്നു. 1870-ല്‍ ആരംഭിച്ച പേരൂര്‍ക്കട മാനസികാരോഗ്യ കേന്ദ്രത്തിന്‍റെ അത്രയും തന്നെ പഴക്കം വരുന്ന ആശുപത്രിയെ അധികാരികള്‍ അവഗണിച്ച മട്ടാണ്. ആശുപത്രിയിലേക്കു ചെല്ലുമ്പോള്‍ കാണാനാകുന്നതു പരിസരമാകെ കാടുകയറി കിടക്കുന്നതാണ്. ശുചീകരണം അടുത്തെങ്ങും ഇവിടേക്ക് നടത്തിയിട്ടില്ലെന്ന് ഒറ്റനോട്ടത്തില്‍ത്തന്നെ കാണാനാകും. ആശുപത്രിയിലെ 4, 5, 6 വാര്‍ഡുകളിലേക്കു ചേര്‍ന്നുനില്‍ക്കുന്ന വൃക്ഷത്തലപ്പുകള്‍, ആശുപത്രി കോമ്പൗണ്ടില്‍ എന്‍ട്രന്‍സ് ഭാഗം വരെ എത്തിനില്‍ക്കുന്ന കാട്, പൊട്ടിപ്പൊളിയാറായ നിലയിലുള്ള ആശുപത്രിയുടെ പിന്‍ഭാഗത്തെ കെട്ടിടം, കുടിവെള്ള പൈപ്പ് ലൈന്‍ കടന്നുപോകുന്ന ഭാഗംവരെ എത്തിനില്‍ക്കുന്ന കാട്ടുചെടികള്‍... ഇങ്ങനെ പോകുന്നു ഈ ആശുപത്രിയുടെ പരിതാപകരമായ അവസ്ഥ. രോഗികളെ പാര്‍പ്പിച്ചിരിക്കുന്ന ഭാഗത്ത് കെട്ടിടത്തിനു സമീപം ഇവര്‍ക്കു വസ്ത്രങ്ങള്‍ അലക്കി വിരിക്കാനുള്ള സംവിധാനങ്ങള്‍ വരെ ഇല്ലാതായിരിക്കുന്നു. കാട്ടിനിടയിലൂടെ നടന്നുവേണം ഇതു സാധിക്കാന്‍ എന്നതാണ് അവസ്ഥ. രോഗികളുടെ വാര്‍ഡുകളിലേക്കു കയറിപ്പോകുന്ന ഭാഗത്തും അവരെ എതിരേല്‍ക്കുന്നത് രണ്ടുവശത്തും കാടുമൂടിക്കിടക്കുന്ന ഭാഗമാണ്. വാര്‍ഷിക അറ്റകുറ്റപ്പണിയും കാടുവെട്ടിത്തെളിക്കലും ഇവിടെ നടക്കാറില്ലന്നു പേരു വെളിപ്പെടുത്താനാഗ്രഹിക്കാത്ത കുമാരപുരം സ്വദേശിയായ ഒരു 75-കാരന്‍ പറഞ്ഞു. പാമ്പുകളുടെയും പെരുച്ചാഴികളുടെയും താവളമാണ് ഇവിടമെന്നും രാത്രികാലങ്ങളില്‍ പുറത്തിറങ്ങുന്നതു ഭയപ്പെട്ടാണെന്നും ഇദ്ദേഹം വെളിപ്പെടുത്തി. മഴ പെയ്യുന്ന സമയങ്ങളില്‍ പാമ്പ് ആശുപത്രിക്കുള്ളിലേക്ക് കയറിവരുമെന്ന ആശങ്കവരെ ഇവിടത്തെ രോഗികള്‍ക്കുണ്ട്. പെരുച്ചാഴി ശല്യവും എലികളുടെയും ശല്യവും വേറെയും. കൊതുകുശല്യം പെരുകിയ അവസ്ഥയിലാണ്. ആരും പാതിപ്പെടാത്തതും ജനശ്രദ്ധയിലേക്ക് ഈ ആശുപത്രി എത്താത്തതുമാണ് ഇവിടെ പ്രവേശിപ്പിക്കപ്പെട്ടിട്ടുള്ള രോഗികളുടെ ദുരവസ്ഥയ്ക്കു കാരണം. ആശുപത്രിയുടെ ദുരവസ്ഥ കേട്ടറിയുന്നവര്‍ ഇവിടേക്ക് എത്താന്‍ മടിക്കുകയാണ്. ഇതു സര്‍ക്കാര്‍ ആശുപത്രിയുടെ പേരിന് കളങ്കവുമുണ്ടാക്കുന്നു. തിരുവനന്തപുരം ജില്ലയിലെ നിരവധി രോഗികള്‍ക്ക് പ്രയോജനപ്പെടുന്നതിനുള്ള ഒരു ആശുപത്രിയാണ് ഇത്തരത്തില്‍ അനാസ്ഥമൂലം നശിച്ചുകൊണ്ടിരിക്കുന്നത്.

ധന്യൻ മാർ ഈവാനിയോസിന്‍റെ ജീവിതവീക്ഷണം വഴികാട്ടിയാകണം: റവ. ഡോ. ജോൺ ക്രിസ്റ്റഫർ

മാർ ഈവാനിയോസ് അനുസ്മരണം തിരുവനന്തപുരം: എംസിഎ പാറശാല രൂപത സമിതിയുടെ ആഭിമുഖ്യത്തിൽ ധന്യൻ മാർ ഈവാനിയോസ് മെത്രാപ്പോലീത്ത യുടെ അനുസ്മരണ പ്രഭാഷണം സംഘടിപ്പിച്ചു. ഹോളിക്രോസ് മലങ്കര കത്തോലിക്കാ ദേവാലയം, ബാലരാമപുരം വൈദിക ജില്ലയിൽ നടത്തിയ അനുസ്മരണ യോഗം തിരുവനന്തപുരം നവജീവൻ വൈസ് പ്രൊവിൻഷാൾ റവ. ഡോ. ജോൺ ക്രിസ്റ്റഫർ ഒഐസി ഉദ്ഘാടനം ചെയ്തു. ധന്യൻ മാർ ഈവാനിയോസിന്‍റെ ജീവിതവീക്ഷണം എംസിഎ അം ഗങ്ങൾക്കു വഴികാട്ടിയാകണമെന്ന് അദ്ദേഹം ഉത്ബോധിപ്പിച്ചു. രൂപത സ്പിരിച്വൽ ഡയറക്ടർ തോമസ് പോറ്റപുരയിടം, യൂണിറ്റ് സ്പിരിച്വൽ ഡയറക്ടർ ഫാ.അബിൻ മുല്ലക്കൽ, രൂപത പ്രസിഡന്‍റ് സബീഷ് പീറ്റർ തിരുവല്ലം, രൂപത ജനറൽ സെക്രട്ടറി അനീഷ് വടകര, അഡ്വ. രാജയൻ, ബിനു ബാലരാമപുരം, ബ്രദർ സെൽവൻ, മേഴ്സി പോറ്റയിൽ, അനീഷ് പോറ്റയിൽ എന്നിവർ പങ്കെടുത്തു. രൂപത ഭാരവാഹികൾ, കാട്ടാക്കട, ബാലരാമപുരം, പാറശാല, നെയ്യാറ്റിൻകര, ചെമ്പൂര് ജില്ലകളിൽ നിന്നായി 200 ൽ അധികം പ്രതിനിധികളും പങ്കെടുത്തു.

നെയ്യാർ ഡാമിൽ കെഎസ്ആർടിസി ബസുകൾ കൂട്ടിയിടിച്ചു; 15 പേർക്ക് പരിക്ക്

നയ്യാർഡാം: നെയ്യാർ ഡാമിൽ കെഎസ്ആർടിസി ബസുകൾ കൂട്ടിയിടിച്ചു. 15 പേർക്കു പരിക്കേറ്റു. ഡ്രൈവർ മെഡിക്കൽ കോളജിൽ ചികിത്സയിൽ. ഞായറാഴ്ച രാവിലെ 7.30 ഓടെയായിരുന്നു അപകടം. കാട്ടാക്കടയിൽനിന്നു നെയ്യാർ ഡാമിലേക്കുപോയ ഓർഡിനറി ബസും ഡാമിൽനിന്നു തിരുവനന്തപുരത്തേക്കു പോയ ഫാസ്റ്റ് ബസും തമ്മിലാണ് നെയ്യാർഡാം തുണ്ടുനടയിൽ കൂട്ടിയിടിച്ചത്. ഓവർടേക്ക് ചെയ്യാനുള്ള ശ്രമത്തനിടെയാണ് അപകടമുണ്ടായതെന്നു ദൃക്സാ ക്ഷികൾ പറയുന്നു. ഇതിൽ ഓർഡിനറി ബസിന്‍റെ ഡ്രൈവറായ വിജയകുമാർ എന്ന മണികുട്ടൻ ബസിന്‍റെ സ്റ്റിയറിംഗിൽ കുടുങ്ങിപ്പോയി. പോലീസും അഗ്നിരക്ഷാസേനയും സ്ഥലത്തെത്തി ഒരു മണിക്കൂറോളം പരിശ്രമിച്ചശേഷമാണു വിജയകുമാറിനെ പുറത്തെടുക്കാൻ സാധിച്ചത്. പരിക്കേറ്റവരെ മലയിൻകീഴ് മണിയറവിള ആശുപത്രിയിൽ പ്രവേശിപ്പിച്ചു. പരിക്കേറ്റവരിൽ കൂടുതലും സ്ത്രീകളാണ്. ആരുടേയും പരിക്കു ഗുരുതരമല്ല എന്നാണ് പ്രാഥമികമായി ലഭിക്കുന്ന വിവരം. ഞായറാഴ്ച ആയതിനാൽ അധികം യാത്രക്കാർ ബസിൽ ഉണ്ടായിരുന്നില്ല. അതിനാൽ തന്നെ വൻ അപകട ദുരന്തം ഒഴിവായി. വൻ ഇടിയുടെ ആഘാതത്തിൽ യാത്രക്കാർക്കു കമ്പിയിലും മറ്റും ഇടിച്ചാണ് പരിക്കേറ്റത്. രണ്ടു ബസുകളുടേയും കൂട്ടയിടയിൽ യാത്രക്കാർ പരിഭ്രാന്തരായി ബഹളം വച്ചതോടെ നാട്ടുകാർ ഓ‌ടിയെത്തി. നാട്ടുകാർ വിവരം അറിയിച്ചതോടെ, ഇതിനിടെ കാട്ടാക്കട, നെയ്യാർഡാം എന്നിവിടങ്ങളിൽനിന്ന് ഫയർ ഫോഴ്‌സ് സംഘവും എത്തി. നാട്ടുകാരുടെ സഹായത്തോടെയാണ് രക്ഷാപ്രവർത്തനം പുരോഗമിച്ചത്. റോഡിൽ ട്രാഫിക്ക് സിസ്റ്റം ഇല്ല; അറിയിപ്പ് ബോർഡും ജില്ലയിലെ പ്രധാന വിനോദ സഞ്ചാര കേന്ദ്രമായ നെയ്യാർഡാമിലേയ്ക്കുള്ള പ്രധാന റോഡിണിത്. അടുത്തിടെ ഈ റോഡ് നവീകരിച്ചിരുന്നു. എന്നാൽ റോഡിൽ ട്രാഫിക്ക് സംവിധാ നം ഇല്ല. മാത്രമല്ല അറിയിപ്പ് ബോർഡുകളും സ്ഥാപിച്ചിട്ടില്ല. വൻ വളവുകളും കയറ്റവും ഉള്ള റോഡാണിത്. എന്നാൽ ഈ ഭാഗത്ത് അറിയിപ്പ് ബോർഡ് സ്ഥാപിച്ചിട്ടുമില്ല. നല്ല വേഗതയിൽ വരുന്ന വാഹനങ്ങൾ അപകടത്തിൽപ്പെടുന്നതു സ്ഥിരമായി മാറുന്നു. നെയ്യാർഡാം റോഡിന്‍റെ വശത്തുള്ളത് വൻ കുഴി കാട്ടാക്കട : നെയ്യാർഡാം റോഡിന്‍റെ വശത്ത് വൻ കുഴിയുണ്ട്. ഇതിനു സമീപത്തുകൂടിയാണ് നെയ്യാർ നദി കടന്നുപോകുന്നത്. അപകടം നടന്ന സ്ഥലത്തു നിന്നും കുറച്ചകലെയാണ് റോഡിനു സമീപത്തെ വൻ കുഴിയുണ്ടായിരുന്നത്. ഇതിൽ പെട്ടിരുന്നുവെങ്കിലും വൻ ദുരന്തം സംവിക്കുമായിരുന്നുവെന്ന് നാട്ടുകാർ ചൂണ്ടികാട്ടുന്നു. റോഡിൽ സംരക്ഷണ വേലി ഉൾപ്പടെ സ്ഥാപിക്കണമെന്നു പലവുരു നാട്ടുകാർ ആവശ്യപ്പെട്ടതാണ്. എന്നാൽ അതുണ്ടായില്ല. പൊതുമരാമത്ത് വകുപ്പും ഇറിഗേഷൻ വകുപ്പും തമ്മിലുള്ള ചേരിപ്പോരാണ് ഇതിനു പിന്നിലെന്നും അടിയന്തിരമായി സംരക്ഷണ വേലി സ്ഥാപിച്ചില്ലെങ്കിൽ വൻ സമരത്തിന് രൂപം നൽകുമെന്നു കള്ളിക്കാട് പഞ്ചായത്ത് പ്രസിഡൻന്‍റ് ശ്രീകുമാർ പറഞ്ഞു. ഈ ഭാഗത്ത് ഇതിനകം തന്നെ നിരവധി അപകടങ്ങൾ നടന്നുകഴിഞ്ഞു. കഴിഞ്ഞ മൂന്നു മാസത്തിനിടെ ഇവിടെ 20ളം അപകടങ്ങളാണ് നടന്നത്.

ബസ് ബൈക്കിലിടിച്ച് പാസ്റ്റർ മരിച്ചു

കാരക്കോണം: ബസ് ബൈക്കിലിടിച്ച് പരിക്കേറ്റ് ആശുപത്രിയിലായിരുന്ന പാസ്റ്റർ മരിച്ചു കള്ളിക്കാട് വാഴിച്ചൽ പേരേക്കോണം ആനക്കുഴി സ്വദേശി പാസ്റ്റർ ജോസ് പ്രകാശ് (48) ആണ് മരിച്ചത്. ഇന്ത്യ പെന്തകോസ്ത് ദൈവസഭ നെയ്യാറ്റിൻകര സെന്‍ററിലെ മുൻ സെക്രട്ടറിയാണ് പാസ്റ്റർ ജോസ് പ്രകാശ്. ബുധനാഴ്ച്ച വൈകുന്നേരം തന്‍റെ മകനെ സ്കൂളിൽ നിന്നും വിളിച്ച് കൊണ്ടുവരുന്ന വഴിയിൽ കാരക്കോണത്തിന് സമീപം മകൻ കടയിൽനിന്നും സാധനം വാങ്ങുവാൻ പോയപ്പോൾ ബൈക്കിൽ തമിഴ്നാട് ബസിടിച്ച് തെറിപ്പിക്കുകയും സമീപമുള്ള കോൺക്രീറ്റിൽ തലയിടിച്ച് വീഴുകയും ചെയ്തു. ഗുരുതരമായി പരിക്കേറ്റ ജോസ് പ്രകാശിനെ കാരക്കോണം മെഡിക്കല്‍ കോളജ് ആശുപത്രിയിലും തുടര്‍ന്ന് തിരുവനന്തപുരം മെഡിക്കല്‍ കോളജ് ആശുപത്രിയിലും പ്രവേശിപ്പിച്ചു. ചികിത്സയിലിരിക്കെ ഇന്നലെ പുലര്‍ച്ചെ മരിച്ചു. ഭാര്യ : ലിൻസി.

ബൈക്ക് നിയന്ത്രണം തെറ്റി മതിലിലിടിച്ച് യുവാവ് മരിച്ചു

നെയ്യാറ്റിന്‍കര : ബൈക്ക് നിയന്ത്രണം തെറ്റി പാതയോരത്തെ മതിലിലിടിച്ച് യാത്രികന്‍ മരിച്ചു. പ്രാവച്ചന്പലം അരിക്കടമുക്ക് മായംകോട് വയലില്‍ വീട്ടില്‍ ഓമനക്കുട്ടന്‍റെ മകന്‍ ഒ. എസ്. അഖില്‍ (21) ആണ് മരിച്ചത്. കഴിഞ്ഞദിവസം വൈകുന്നേരം നാലോടെ പെരുന്പഴുതൂര്‍ ആലംപൊറ്റയ്ക്ക് സമീപമായിരുന്നു അപകടം. ഗുരുതരമായി പരിക്കേറ്റ് റോഡില്‍ കിടന്ന അഖിലിനെ നെയ്യാറ്റിന്‍കര ജനറല്‍ ആശുപത്രിയിലെത്തിച്ചെങ്കിലും ജീവന്‍ രക്ഷിക്കാനായില്ല. മൃതദേഹം നെയ്യാറ്റിന്‍കര ജനറല്‍ ആശുപത്രി മോര്‍ച്ചറിയില്‍. നെയ്യാറ്റിന്‍കര പോലീസ് കേസെടുത്തു.

കിണറ്റിൽ വീണു മരിച്ചു

നേമം : ഓട്ടോ ഡ്രൈവര്‍ വീട്ടുവളപ്പിലെ കിണറ്റില്‍ വീണ് മരിച്ച നിലയില്‍. കല്ലിയൂര്‍ കാക്കമൂല വാറുവിള വീട്ടില്‍ അശോകന്‍ (57) ആണ് മരിച്ചത്. ഇന്നലെ വൈകുന്നേരം ആറിനായിരുന്നു സംഭവം. വിഴിഞ്ഞത്തുനിന്നുമെത്തിയ അഗ്നിരക്ഷാസംഘമാണ് കിണറ്റിലിറങ്ങി മൃതദേഹം പുറത്തെടുത്തത്. ഭാര്യ: ഷീല. മക്കള്‍: ശ്രീജിത്ത്, രഞ്ജിത. നേമം പോലീസ് മേല്‍നടപടികള്‍ സ്വീകരിച്ചു.

ബൈക്ക് പോസ്റ്റിലിടിച്ച് പ്ലസ് വൺ വിദ്യാർഥി മരിച്ചു

പൂവാർ: നിയന്ത്രണം വിട്ടബൈക്ക് ഇലക്ട്രിക് പോസ്റ്റിൽ ഇടിച്ച് പരിക്കേറ്റ് ചികിത്സയിലായിരുന്ന പ്ലസ് വൺ വിദ്യാർഥി മരിച്ചു. പൂവാർ എരിക്കലുവിള മദർ തെരേസാ നഗർ എൽഷെ ഡായിയിൽ ഷാബുവിന്‍റെയും ജോളിയുടെയും മകൻ ഡാരോൺ ഷാബു (17) ആണ് മരിച്ചത്. അരുമാനൂർ എംവി ഹയർ സെക്കൻഡറി സ്കൂളിലെ പ്ലസ് വൺ വിദ്യാർഥിയാണ്. കഴിഞ്ഞ 28ന് രാത്രിയിൽ 8.30 ന് കരുംകുളം കല്ലുമുക്കിന് സമീപത്തായിരുന്നു അപകടം. ബൈക്ക് പോസ്റ്റിലിടിച്ച് തെറിച്ച് വീണ് തലയ്ക്ക് ഗുരുതരമായി പരിക്കേറ്റ ഡാരോൺ ഷാബുവിനെ തിരുവനന്തപുരം മെഡിക്കൽ കോളജ് ആശുപത്രിയിൽ തീവ്രപരിചരണ വിഭാഗത്തിൽ പ്രവേശിപ്പിച്ചിരുന്നു. അവിടെ ചികിത്സയിലിരിക്കെ ഇന്നലെ മരണമടഞ്ഞു. സംസ്കാരം ഇന്ന് പൂവാർ സെന്‍റ് ബർത്തലോമിയോ പള്ളിയിൽ നടക്കും. സഹോദരി: സെൽബ സാബു. കാഞ്ഞിരംകുളം പോലീസ് കേസെടുത്തു.

"ടിനി ടോം മാപ്പ് പറയണം'

തിരുവനന്തപുരം: മലയാള സിനിമയെ വാണിജ്യവത്കരിക്കുകയും മലയാള സിനിമയെ ലോകസിനിമാ ഭൂപടത്തിലെത്തിക്കുകയും മലയാള സിനിമാ താരങ്ങള്‍ക്ക് ആദ്യത്തെ സംഘടന രൂപീകരിക്കുകയുംചെയ്ത നിത്യഹരിതനായകന്‍ പ്രേംനസീറിനെക്കുറിച്ച് നടന്‍ ടിനി ടോം നടത്തിയ പരാമര്‍ശങ്ങള്‍ക്ക് മാപ്പു പറയണമെന്നു പ്രേംനസീര്‍ സുഹൃത് സമിതി സംസ്ഥാന സെക്രട്ടറി തെക്കന്‍ സ്റ്റാര്‍ ബാദുഷ ആവശ്യപ്പെട്ടു. ടിനി ടോമിനെ അമ്മയെ പോലുള്ള സംഘടനയില്‍ വാഴിക്കുന്നത് നല്ലതല്ല. ടിനി ടോം മാപ്പുപറയാത്ത പക്ഷം ശക്തമായ പ്രതിഷേധം സംഘടിപ്പിക്കുമെന്നും തെക്കന്‍ സ്റ്റാര്‍ ബാദുഷ വ്യക്തമാക്കി.

കമലേശ്വരം കൺവന്‍ഷന്‍ സെന്‍റര്‍ ഉദ്ഘാടനം ചെയ്തു

പേരൂര്‍ക്കട: കമലേശ്വരം കണ്‍വെന്‍ഷന്‍ സെന്‍ററിന്‍റെ ഉദ്ഘാടനം മന്ത്രി വി. ശിവന്‍കുട്ടി നിര്‍വഹിച്ചു. മേയര്‍ ആര്യ രാജേന്ദ്രന്‍ അധ്യക്ഷത വഹിച്ചു. 1.60 കോടി ചെലവിട്ടാണ് 12,000 സ്‌ക്വയര്‍ ഫീറ്റില്‍ കെട്ടിടനിർമാണം പൂര്‍ത്തീകരിച്ചത്. 800 പേര്‍ക്ക് പങ്കെടുക്കാന്‍ സാധിക്കുന്ന എയര്‍ കണ്ടീഷന്‍ ഓഡിറ്റോറിയവും 300 പേര്‍ക്ക് ഒരേസമയം ഭക്ഷണം കഴിക്കാന്‍ സാധിക്കുന്ന സൈനിംഗ് ഹാളുമാണ് കണ്‍വന്‍ഷന്‍ സെന്‍ററിന്‍റെ പ്രത്യേകത. മണക്കാട്, കമലേശ്വരം, മുട്ടത്തറ, ശ്രീവരാഹം എന്നീ വാര്‍ഡുകളിലെ ജനങ്ങള്‍ക്ക് കണ്‍വന്‍ഷന്‍ സെന്‍ററിന്‍റെ പ്രയോജനം ലഭിക്കും.

കരുണാകരന്‍റെ ജന്മദിനം ആഘോഷിച്ചു

വെള്ളറട: കോണ്‍ഗ്രസ് മാരായമുട്ടം മണ്ഡലം കമ്മിറ്റിയുടെ നേതൃത്വത്തില്‍ കെ. കരുണാകരന്‍ 107-ാമത് ജന്മദിനം ആഘോഷിച്ചു. കെ. കരുണാകരന്‍റെ ഛായ ചിത്രത്തില്‍ പുഷ്പാര്‍ച്ചന നടത്തി. മാരായമുട്ടം മണ്ഡലം പ്രസിഡന്‍റ് ബിനില്‍ മണലുവിള അധ്യക്ഷത വഹിച്ച യോഗം കര്‍ഷക കോണ്‍ഗ്രസ് സംസ്ഥാന വൈസ് പ്രസിഡന്‍റ് എം.എസ്. അനില്‍ മാരായമുട്ടം ഉദ്ഘാടനം ചെയ്തു. കോണ്‍ഗ്രസ് ബ്ലോക്ക് സെക്രട്ടറി മാരായ മണ്ണൂര്‍ ശ്രീകുമാര്‍, അഡ്വ. മാരായമുട്ടം ജോണി, മണ്ഡലം വൈസ് പ്രസിഡന്‍റുമാരായ ശ്രീരാഗം ശ്രീകുമാര്‍, എം.എസ്. പാര്‍വതി, മണ്ഡലം ഭാരവാഹികളായ ജിബു കാക്കണം, തുളസീധരന്‍ ആശാരി, മാലകുളങ്ങര ലാലു, സുധാകുമാരി, കോട്ടയ്ക്കല്‍ വിനോദ്, തെള്ളുക്കുഴി അഖില്‍, കൃഷ്ണകുമാര്‍, ജെസ്റ്റിന്‍, തൃപ്പലവൂര്‍ ഹരിപ്രസാദ്, വിഷ്ണു, അലക്‌സ്, മോഹനന്‍ എന്നിവര്‍ നേതൃത്വം നല്‍കി.

പാറശാല സര്‍ക്കാര്‍ താലൂക്ക് ആശുപത്രിയില്‍ വിശ്രമയിടം

പാറശാല: പാറശാല ബ്ലോക്ക് പഞ്ചായത്ത് ഫണ്ട് ഉപയോഗിച്ച് പാറശാല സര്‍ക്കാര്‍ താലൂക്ക് ആസ്ഥാന ആശുപത്രിയില്‍ രോഗിക്കും കൂട്ടിരുപ്പുകാര്‍ക്കും വേണ്ടി വിശ്രമയിടം ആരംഭിച്ചു. ബ്ലോക്ക് പഞ്ചായത്ത് പ്രസിഡന്‍റ് അഡ്വ. എസ്.കെ. ബെന്‍ഡാര്‍വിന്‍ ഉദ്ഘാടനം നിര്‍വഹിച്ചു. ആശുപത്രി സൂപ്രണ്ടന്‍റ് ഡോ. നിത എസ്. നായര്‍ അധ്യക്ഷത വഹിച്ചു. ബ്ലോക്ക് പഞ്ചായത്ത് ക്ഷേമകാര്യ സ്ഥിരം സമിതി അധ്യക്ഷ വിനിത കുമാരി, ബ്ലോക്ക് അംഗം വൈ. സതീഷ്, പഞ്ചായത്ത് അംഗം എം. സുനില്‍, ആര്‍എംഒ ഡോ. ജെയിന്‍, നഴ്‌സിംഗ് സൂപ്രണ്ട് സുലേഖ, സ്റ്റാഫ് സെക്രട്ടറി ഷക്കീല ബീവി, എഡ്വിന്‍ ജയരാജ്, എം.എസ്. സന്തോഷ് കുമാര്‍ തുടങ്ങിയവര്‍ സംസാരിച്ചു.

ഇവിടെ പുസ്തകപ്പുഴയിലൂടെ വായന ഒഴുകുന്നു

വിതുര: വിദ്യാർഥികളിൽ മാത്രമല്ല മുതിർന്നവരിലും വായനാശീലം വളർത്തുക ലക്ഷ്യമിട്ട് കുട്ടിപ്പോലീസ് നടപ്പാക്കുന്ന പുസ്തകപ്പുഴ മാതൃകയാകുന്നു. പനയ്ക്കോട് വികെ കാണി ഗവ.എച്ച്എസിലെ സ്റ്റുഡന്‍റ് പോലീസ് കേഡറ്റുകൾ ജനത വായനശാലയുമായി ചേർന്നാണ് പദ്ധതി നടപ്പാക്കുന്നത്. സ്വയം വായന, അമ്മ വായന, അയൽപക്ക വായന എന്നിങ്ങനെ മൂന്നു ഘട്ടങ്ങളിലൂടെ ഓരോ പുസ്തകവും കടന്നു പോകും. വായനയിലൂടെ തയാറാക്കുന്ന ആസ്വാദനക്കുറിപ്പുകളിൽ മികച്ചവയ്ക്ക് സമ്മാനങ്ങളുമുണ്ട്. പഞ്ചായത്ത് പ്രസിഡന്‍റ് വി.ജെ. സുരേഷ്, പിടിഎ പ്രസിഡന്‍റ് കെ.ജെ. ശ്രീജിത്ത്, പ്രധാനാധ്യാപകൻ മുരളീധരൻപിള്ള, കമ്യൂണിറ്റി പോലീസ് ഓഫീസർ കെ. അഭിലാഷ്, സ്റ്റാഫ് സെക്രട്ടറി ടി. ടിപ്പു തുടങ്ങിയവരുടെ നേതൃത്വത്തിലാണ് പരിപാടി.

ADVERTISEMENT

ADVERTISEMENT

ADVERTISEMENT

ADVERTISEMENT

ADVERTISEMENT

ആമസോണ്‍ ഓഫറുകളറിയാന്‍
ലിങ്കില്‍ ക്ലിക്ക് ചെയ്യുക

ADVERTISEMENT

More from other section

ADVERTISEMENT

LATEST NEWS

ADVERTISEMENT

ADVERTISEMENT

Quick Links

About Us Deepika E-Paper E-Shopping Karshakan Rashtradeepika Movies Tech @ Deepika

Business Deepika Viral Tax Letters University News Auto Spot Cartoon Scope

Matrimonial Special News Special Feature Calendar Samskarikam Career Deepika English Edition

Deepika Charity Health Sthreedhanam Responses Daily Quiz Youth Special Court Notice

Kuttikalude Deepika Deepika News Videos Out of Range US News Gulf News Student Reporter Classifieds

Children's Digest Today's Story Religion Book Review Sunday Deepika Send your greetings Online Advertising

Rashtra Deepika LTD

Chairman - Dr. Francis Cleetus MD - Michael Vettickatt Chief Editor - George Kudilil

Tel: +91 481 2566706 ,2566707,2566708

Privacy policy Terms and conditions for online payment

Copyright © 2025 , RDL. All rights reserved To access reprinting rights, please contact [email protected]