ADVERTISEMENT

ADVERTISEMENT

ഉന്നത വിജയികളെ ഓട്ടോ തൊഴിലാളികൾ അനുമോദിച്ചു

രാമപുരം: രാമപുരത്തെ മുഴുവൻ വിദ്യാർഥി പ്രതിഭകളെ ഓട്ടോ തൊഴിലാളികൾ അനുമോദിച്ചു.എൽഎസ്എസ്, യുഎസ്എസ്, എൻഎംഎംഎസ്, എസ്എസ്എൽസി, പ്ലസ്ടു തുടങ്ങിയ വിവിധ പൊതുപരീക്ഷകളിൽ മികച്ച നേട്ടം കൈവരിച്ച രാമപുരത്തെ നൂറോളം വിദ്യാർഥികളെയാണ് ഓട്ടോ സ്റ്റാൻഡ് പരിസരത്ത് വച്ച് ടൗണ്‍ സംയുക്ത ഓട്ടോ ഡ്രൈവേഴ്സ് യൂണിയന്‍റെ നേതൃത്വത്തിൽ അനുമോദിച്ചത്. രാമപുരം മഹല്ല് ഖാസി എം.ടി. ഹംസ ഫൈസി ഉദ്ഘാടനം ചെയ്തു.

ശ്രീരാമസ്വാമി ക്ഷേത്രം മേൽശാന്തി നാരായണ ഭട്ടതിരി, കൊളത്തൂർ പ്രസ് ഫോറം പ്രസിഡന്‍റ് ഷമീർ രാമപുരം, പ്രഫ. സി.നിയാഫ് രാമപുരം, അധ്യാപിക എ.ധന്യ, ടി.കെ. ഷൗക്കത്തലി മുസ്ലിയാർ എന്നിവർ പങ്കെടുത്തു. ഡ്രൈവേഴ്സ് യൂണിയൻ ഭാരവാഹികളായ എ. രാജു, എൻ.സക്കീർ, വി. പി. ലാലു, എൻ.ഗഫൂർ എന്നിവർ നേതൃത്വം നൽകി.

ADVERTISEMENT

ബൈക്കുകൾ കൂട്ടിയിടിച്ച് വിദ്യാർഥി മരിച്ചു

മഞ്ചേരി: ബൈക്കുകൾ കൂട്ടിയിടിച്ച് വിദ്യാർഥി മരിച്ചു. കുട്ടശേരി ജുമാ മസ്ജിദിന് സമീപം താമസിക്കുന്ന ഏറാൻതൊടി മുഹമ്മദ് എന്ന ബാപ്പുട്ടിയുടെ മകൻ ആദിൽ (19) ആണ് മരിച്ചത്. തിങ്കളാഴ്ച രാത്രി 10ന് ചെറുകുളത്താണ് അപകടം. ജോലി കഴിഞ്ഞു വരുന്ന സഹോദരനെ കൂട്ടിക്കൊണ്ടുവരാൻ പോകുന്നതിനിടെ മഞ്ചേരി കുട്ടിപ്പാറ ചാരങ്കാവ് ചെറുകോട് റൂട്ടിൽ ചെറുകുളം പാലത്തിന് സമീപമാണ് അപകടം ഉണ്ടായത്. എതിർ ദിശയിൽ നിന്ന് വന്ന ബൈക്കുമായി കൂട്ടിയിടിക്കുകയായിരുന്നു. ഗുരുതര പരിക്കുകളോടെ ആശുപത്രിയിൽ എത്തിച്ചെങ്കിലും രക്ഷിക്കാനായില്ല. എതിർദിശയിൽ വന്ന ബൈക്കിൽ സഞ്ചരിച്ച കുട്ടശേരി ചെറുവണ്ണൂർ ചുള്ളിക്കുളവൻ അലിയുടെ മകൻ അജ്മൽ ഗുരുതര പരിക്കേറ്റ് ആശുപത്രിയിൽ ചികിത്സയിലാണ്. പോസ്റ്റ്മോർട്ടത്തിനുശേഷം ആദിലിന്‍റെ മൃതദേഹം കുട്ടശേരി ജുമാ മസ്ജിദിൽ കബറടക്കി. കാരക്കുന്ന് ഗവണ്‍മെന്‍റ് ഹയർ സെക്കൻഡറി സ്കൂൾ പ്ലസ് ടു വിദ്യാർഥിയാണ് ആദിൽ. മാതാവ് : സൽമത്ത് (ചെറുകോട്). സഹോദരങ്ങൾ: സാലിം, മിസ്തഹ്, സഹ്‌ല, ദുആ ഫാത്തിമ.

ഭിന്നഭാവങ്ങളോടെ ജില്ലയിൽ പ്രവേശനോത്സവം

മലപ്പുറം: മധ്യവേനലവധി കഴിഞ്ഞ് വിദ്യാലയങ്ങൾ ഇന്നലെ വീണ്ടും സജീവമായി. മഴയില്ലാത്ത തെളിഞ്ഞ അന്തരീക്ഷത്തിലായിരുന്നു വിദ്യാലയങ്ങൾ ഉണർന്നത്. വർണബലൂണുകളും തോരണങ്ങളും കൊണ്ടലങ്കരിച്ച ക്ലാസ്മുറിയിലേക്ക് രക്ഷിതാക്കളുടെ കൈ പിടിച്ച് കുരുന്നുകൾ കാലെടുത്ത് വയ്ക്കുന്പോൾ കണ്ണിൽ അത്ഭുതവും സന്തോഷവും ഒപ്പം ചെറിയ ആശങ്കയും നിറഞ്ഞിരുന്നു. വരും നാളുകളിൽ ചങ്ങാതിക്കൂട്ടമാകാൻ പോകുന്ന കുരുന്നുകൾ പുതിയ ലോകത്തെത്തിയ പ്രതീതിയിലായിരുന്നു. പുത്തൻ യൂണിഫോമും ഡോറബുജി ചിത്രത്തോടുകൂടിയ ബാഗും തൂക്കി വളരെ ഉത്സാഹത്തോടെ സ്കൂൾ വരാന്തയിലൂടെ അച്ഛനും അമ്മയ്ക്കും ഒപ്പം വളരെ ഉത്സാഹത്തോടെയാണ് കുട്ടികളെത്തിയത്. സ്കൂൾ ഗേറ്റിൽ എത്തിയോടെ പൂക്കളും വെൽക്കം കാർഡുമായി എസ്പിസി, സ്കൗട്ട് ആൻഡ് ഗൈഡ്സ് ചേച്ചിമാരും ചേട്ടൻമാരും അവരെ വരവേറ്റു. വരാന്ത ക്ലാസിനോടടുക്കും തോറും തേങ്ങിയുള്ള കരച്ചിൽ കേൾക്കാൻ തുടങ്ങി. പിന്നീടങ്ങ് മുഖം മാറാൻ തുടങ്ങി. എല്ലാവരും ഒന്ന് സീരിയസ് ആയി ക്ലാസ് റൂമിലേക്ക് കടന്നു. എത്തിയപ്പോഴോ മത്സരിച്ചു കരയുന്ന കുറുന്പൻമാരും കുറുന്പികളും. അവരെ ആശ്വസിപ്പിക്കാൻ പാടുപെടുന്ന ടീച്ചർമാരും എസ്പിസി, സ്കൗട്ട് ആൻഡ് ഗൈഡ്സ് കുട്ടികളും. ബലൂണ്‍ കൊടുത്തും മിഠായി കൊടുത്തും ആശ്വസിപ്പിച്ചിട്ടും കരച്ചിൽ മാറുന്നില്ല. ജനൽകന്പിയിൽ പിടിച്ച് പുറത്തുനിൽക്കുന്ന രക്ഷിതാക്കളെ നിറകണ്ണുകളുമായി നോക്കി നിൽക്കുന്ന ഒരു കൂട്ടർ. ചിലരാകട്ടെ ബാഗിൽ നിന്ന് സ്ലേറ്റും പെൻസിലുമെടുത്ത് ചിത്രം വരയ്ക്കാൻ തുടങ്ങി. എന്നാൽ ഒന്നാം ക്ലാസിലെ കുട്ടികളുടെ കാഴ്ച തികച്ചും വ്യത്യസ്തമായിരുന്നു. വളരെ സ്മാർട്ടായി ക്ലാസിൽ ഇരുന്ന് ടീച്ചർ പറയുന്ന കഥ ശ്രദ്ധയോടെ കേൾക്കുന്നു. പുതുതായി സ്കൂളിൽ വരുന്ന കുട്ടികളെ വരവേൽക്കാൻ ഓരോ സ്കൂളും ഉത്സവാന്തരീക്ഷമാണ് സൃഷ്ടിച്ചത്. ജില്ലയിലെ എല്ലാ സ്കൂളുകളിലും പ്രവേശനോത്സവത്തിന് പ്രത്യേക പരിപാടികൾ നടത്തിയിരുന്നു.ജില്ലാതല പ്രവേശനോത്സവം മുതുവല്ലൂർ ഗവണ്‍മെന്‍റ് ഹയർസെക്കൻഡറി സ്കൂളിൽ നടന്നു. ജില്ലാ വിദ്യാഭ്യാസ ഉപഡയറക്ടർ പി.വി. റഫീഖ് ഉദ്ഘാടനം ചെയ്തു. ഓരോ വിദ്യാർഥിയുടെയും വ്യത്യസ്ത കഴിവുകൾ തിരിച്ചറിഞ്ഞ് അവർക്ക് ആവശ്യമുള്ള രീതിയിൽ നൈപുണ്യ വികാസത്തോടു കൂടിയുള്ള സമഗ്ര ഗുണമേൻമ വിദ്യാഭ്യാസ പദ്ധതിക്കാണ് ഇത്തവണ സ്കൂളുകളിൽ മുൻഗണന നൽകുന്നതെന്ന് അദ്ദേഹം പറഞ്ഞു. എസ്എസ്കെ മലപ്പുറം ഡിപിസി ടി.അബ്ദുൾ സലീം അധ്യക്ഷത വഹിച്ചു. സ്കൂളിൽ ഇത്തവണ പ്രീ പ്രൈമറിയിൽ 21 വിദ്യാർഥികളും ഒന്നാം ക്ലാസിൽ 43 വിദ്യാർഥികളും പ്രവേശനം നേടിയിട്ടുണ്ട്. പ്രവേശനോത്സവത്തോടനുബന്ധിച്ച് നവാഗതരായി സ്കൂളിൽ എത്തിയ വിദ്യാർഥികൾക്ക് പഠനോപകരണങ്ങൾ വിതരണം ചെയ്തു. സ്കൂളിലെ എൽഎസ്എസ്, യുഎസ്എസ്, എസ്എസ്എൽസി, പ്ലസ് ടു പരീക്ഷകളിൽ ഉന്നത വിജയം നേടിയ വിദ്യാർഥികളെ പരിപാടിയിൽ അനുമോദിച്ചു. ജില്ലയിൽ തെരഞ്ഞെടുപ്പ് പെരുമാറ്റച്ചട്ടം നിലനിൽക്കുന്നതിനാൽ ജനപ്രതിനിധികൾ ചടങ്ങിൽ പങ്കെടുത്തില്ല. മലപ്പുറം ഡിഇഒ ജോസ്മി ജോസഫ്, ഡയറ്റ് പ്രിൻസിപ്പൽ ഡോ. കെ. ബാബു വർഗീസ്, ജില്ലാ കോ ഓർഡിനേറ്റർ കെ. മുഹമ്മദ് ഷെരീഫ്, അരീക്കോട് ബിപിസി കെ. രഞ്ജിത്ത്, സ്കൂൾ ഹെഡ്മാസ്റ്റർ എം. അബൂബക്കർ, പിടിഎ പ്രസിഡന്‍റ് കെ. രാമകൃഷ്ണൻ, എസ്എംസി ചെയർമാൻ റഹ്മത്തുള്ള, പ്രിൻസിപ്പൽ വി. അബ്ദുൾ അസീസ് തുടങ്ങിയവർ പങ്കെടുത്തു. പരിയാപുരം: പരിയാപുരം സെന്‍റ് മേരീസ് ഹയർ സെക്കൻഡറി സ്കൂളിൽ പ്രവേശനോത്സവം വർണാഭമായി. കൊടിതോരണങ്ങളാലും ബലൂണുകളാലും അലംകൃതമായ സ്കൂൾ മുറ്റത്തേക്ക് അധ്യാപകർ നവാഗതരെ വരവേറ്റു. സ്കൂൾ മാനേജർ ഫാ.ജോർജ് കളപ്പുരക്കൽ പ്രവേശനോത്സവം ഉദ്ഘാടനം ചെയ്തു. പിടിഎ പ്രസിഡന്‍റ് സാജു ജോർജ് അധ്യക്ഷത വഹിച്ചു. പ്രധാനാധ്യാപകൻ പി.ടി.ബിജു, വിജയഭേരി കോ-ഓർഡിനേറ്റർ മനോജ് വീട്ടുവേലിക്കുന്നേൽ എന്നിവർ പ്രസംഗിച്ചു. എൻഎംഎംഎസ് നേടിയ കെ.നന്ദിക പ്രഭാത്കുമാർ, ജോസഫ് തോമസ്, കെ.ടി.ശ്രേയ സുനിൽ, മരിയ ബിജു എന്നിവർ ഉപഹാരങ്ങൾ ഏറ്റുവാങ്ങി. മധുരം വിതരണത്തോടെയാണ് പരിപാടികൾ സമാപിച്ചത്. എടക്കര: മരുത ഗവണ്‍മെന്‍റ് ഹൈസ്കൂളിൽ നടന്ന നിലന്പൂർ ഉപജില്ലാതല പ്രവേശനോത്സവം വണ്ടൂർ വിദ്യാഭ്യാസ ജില്ലാ ഓഫീസറുടെ ചുമതലയുള്ള നിലന്പൂർ എഇഒ കെ. പ്രേമാനന്ദൻ ഉദ്ഘാടനം ചെയ്തു. പിടിഎ പ്രസിഡന്‍റ് വി.പി. അനീഷ് അധ്യക്ഷത വഹിച്ചു. സ്കൂൾ പ്രവേശനോത്സവത്തിന്‍റെ സംസ്ഥാനതല ഉദ്ഘാടനത്തിന്‍റെ വീഡിയോ ചടങ്ങിൽ പ്രദർശിപ്പിച്ചു. എൽഎസ്എസ്, യുഎസ്എസ്, എസ്എസ്എൽസി പരീക്ഷകളിൽ മികച്ച വിജയം നേടിയവരെയും എസ്പിസി പുരസ്കാരം നേടിയ കേഡറ്റിനെയും ചടങ്ങിൽ അനുമോദിച്ചു. തുടർന്ന് ലഹരി വിരുദ്ധ പ്രതിജ്ഞയും നടത്തി. നിലന്പൂർ ബിപിസി എ. ജയൻ, ബിആർസി ട്രെയ്നർ ടി.പി. രമ്യ, പ്രധാനാധ്യാപകൻ എം.ടി. ജുനൈസ്, സ്റ്റാഫ് സെക്രട്ടറി സുധീർ അല്ലിപ്ര, ജനപ്രതിനിധികളായ പാത്തുമ്മ ഇസ്മായിൽ, സി.കെ. നാസർ, മുൻ പ്രധാനാധ്യാപകൻ വി.എൻ. രാജമ്മ, ലെനിൻ, സുലൈഖ, ഗോപൻ മരുത, സുരേന്ദ്രൻ എന്നിവർ പ്രസംഗിച്ചു. എടക്കര: പ്രവേശനോത്സവം പോത്തുകൽ മുണ്ടേരി ഗവണ്‍മെന്‍റ് ഹൈസ്കൂളിൽ ആഘോഷിച്ചു. കുരുന്നുകളെ നിറപ്പകിട്ടാർന്ന റാലിയോടെ സമ്മാനങ്ങളും മധുരവും നൽകി സ്വീകരിച്ചു. പിടിഎ പ്രസിഡന്‍റ് സെയ്തലവി വരിക്കോടൻ ഉദ്ഘാടനം ചെയ്തു. പ്രധാനാധ്യാപകൻ കെ. അബ്ദുൾ അസീസ് അധ്യക്ഷത വഹിച്ചു. സീനിയർ അസിസ്റ്റന്‍റ് എം.എ. അനുപേഷ്, അധ്യാപകരായ പി.വി. വിദ്യ, എം.സി. ശൈലജ, ബിന്ദു ജോണ്‍, എസ്എംസി ചെയർമാൻ ഷമീർ മണ്ണേത്ത്, എടിഎ വൈസ് പ്രസിഡന്‍റ് നൗഫൽ ചങ്ങരായി, സ്റ്റാഫ് സെക്രട്ടറി വി. റീജ എന്നിവർ പ്രസംഗിച്ചു. നവാഗതർക്ക് പഠനോപകരണ കിറ്റ് വിതരണം ചെയ്തു. എടക്കര മുസ്ലിം ഓർഫനേജ് ഇംഗ്ലീഷ് മീഡിയം സ്കൂളിലെ പ്രവേശനോത്സവം ജില്ലാ പഞ്ചായത്ത് വൈസ് പ്രസിഡന്‍റ് ഇസ്മായിൽ മൂത്തേടം ഉദ്ഘാടനം ചെയ്തു. കമ്മിറ്റി വൈസ് പ്രസിഡന്‍റ് കെ.എൻ.എസ്. സെയ്ദ് അധ്യക്ഷത വഹിച്ചു. വർക്കിംഗ് സെക്രട്ടറി കളത്തിങ്കൽ മജീദ്, സെക്രട്ടറി നാസർ കാങ്കട, യതീംഖാന മാനേജർ യാസർ, ഇംഗ്ലീഷ് മീഡിയം പ്രിൻസിപ്പൽ ഷിജു വർക്കി എന്നിവർ പ്രസംഗിച്ചു. പെരിന്തൽമണ്ണ: പാതായ്ക്കര എയുപി സ്കൂളിൽ പ്രവേശനോത്സവം മുൻ വിദ്യാഭ്യാസ മന്ത്രി നാലകത്ത് സൂപ്പി ഉദ്ഘാടനം ചെയ്തു. സ്കൂൾ മാനേജർ സുനിൽ ചെന്പത് അധ്യക്ഷത വഹിച്ചു. ചടങ്ങിൽ പുതിയ റോബോട്ടിക്സിന്‍റെ ഉദ്ഘാടനം പി.പി. വാസുദേവൻ നിർവഹിച്ചു. സി.സേതുമാധവൻ വിദ്യാർഥികൾക്ക് പഠന കിറ്റുകൾ നൽകി. പ്രധാനാധ്യാപകൻ എ.പി. ഷിബു, പിടിഎ പ്രസിഡന്‍റ് വിനോദ് പാവുംപാടത്ത്, എംടിഎ പ്രസിഡന്‍റ് ഫാത്തിമത്ത് ഷബ്ന, സ്റ്റാഫ് സെക്രട്ടറി അബ്ദുറഹീം ഫാറൂഖ് എന്നിവർ പ്രസംഗിച്ചു. പാറൽ: ആലിപ്പറന്പ് പഞ്ചായത്ത്തല പ്രവേശനോത്സവം പാറൽ വീട്ടിക്കാട് എഎംഎൽപി സ്കൂളിൽ പിടിഎ പ്രസിഡന്‍റ് പി.ടി. ഖമറുന്നിസ ഉദ്ഘാടനം ചെയ്തു. പെരിന്തൽമണ്ണ ബിആർസി ട്രെയിനർ അമൃത അധ്യക്ഷത വഹിച്ചു. വി.പി. ദീപ, കെ.പി. റഷീദ, വി.കെ. സനിയ, വി.പി. ഷബ്ന, ഹെഡ്മാസ്റ്റർ കെ.കെ. അബ്ദുൾ ലത്തീഫ്, സ്റ്റാഫ് സെക്രട്ടറി ഹുസൈൻ പാറൽ എന്നിവർ പ്രസംഗിച്ചു. അറിവിന്‍റെ ആദ്യാക്ഷരം നുകരാൻ മൂവർ സംഘം മഞ്ചേരി: ഒറ്റ പ്രസവത്തിൽ ജനിച്ച മൂവർ സംഘം അറിവിന്‍റെ ആദ്യാക്ഷരം നുകരാൻ വിദ്യാലയത്തിലേക്ക്. തൃക്കലങ്ങോട് ഹാജിയാർപടി സ്വദേശി നെടുവൻതൊടിക റഷീദ് - ജംഷിയ ദന്പതിമാരുടെ മക്കളായ ഫാത്തിമ, മറിയം, ആയിഷ എന്നിവരാണ് പ്രവേശനോത്സവത്തിൽ താരങ്ങളായത്.

മാനവേദൻ യുപി സ്കൂളിൽ എൽകെജി വിഭാഗത്തിലാണ് മൂവരും പ്രവേശനം നേടിയത്. പുതിയ ബാഗും പുസ്തകങ്ങളുമായി സ്കൂളിലേക്കെത്തിയ കുരുന്നുകളെ മധുരം നൽകിയും പാട്ടുപാടിയും അധ്യാപകർ സ്വീകരിച്ചു. 2020 മേയ് 30നാണ് മൂവരും ജനിച്ചത്. രണ്ട് സ്കൂളുകൾ അടച്ചുപൂട്ടാൻ നിർദേശം മഞ്ചേരി: മഞ്ചേരി സബ്ജില്ലയിൽ പ്രവർത്തിക്കുന്ന രണ്ട് അണ്‍എയ്ഡഡ് സ്കൂളുകൾ അടച്ചുപൂട്ടാൻ നിർദേശം. നെല്ലിക്കുത്ത് നാഷണൽ ഇംഗ്ലീഷ് മീഡിയം സ്കൂൾ, വെട്ടിക്കാട്ടിരി അൽ ഇർഫാൻ ഇംഗ്ലീഷ് മീഡിയം സ്കൂൾ എന്നിവയാണ് സർക്കാർ നിർദേശങ്ങൾ പാലിക്കാതെ പ്രവർത്തിച്ചു വരുന്നത്. സർക്കാരിന്‍റെയോ സിബിഎസ്ഇയുടെയോ അംഗീകാരം നേടാതെ പ്രവർത്തിക്കുന്ന സ്കൂളുകളുടെ കെട്ടിടത്തിന് ഫിറ്റ്നസ് സർട്ടിഫിക്കറ്റും ലഭിച്ചിട്ടില്ല. എൽകെജി മുതൽ ഏഴാം ക്ലാസ് വരെയുള്ള സ്കൂളുകളാണ് രണ്ടും. നെല്ലിക്കുത്ത് നാഷണൽ ഇംഗ്ലീഷ് മീഡിയം സ്കൂളിൽ 270 കുട്ടികളും വെട്ടിക്കാട്ടിരി അൽ ഇർഫാൻ ഇംഗ്ലീഷ് മീഡിയം സ്കൂളിൽ 150 കുട്ടികളുമാണ് നിലവിൽ അധ്യയനം നടത്തുന്നത്. ഈ കൂട്ടികൾക്ക് തൊട്ടടുത്ത് അംഗീകാരമുള്ള സ്കൂളുകളിലേക്ക് ടിസി നൽകണമെന്നാവശ്യപ്പെട്ടുള്ള കത്ത് ഇന്നലെ ഉപജില്ലാ വിദ്യാഭ്യാസ ഓഫീസർ എസ്. സുനിത നേരിട്ടെത്തി നൽകുകയായിരുന്നു.

തദ്ദേശ സ്ഥാപനങ്ങളെ ദ്രോഹിക്കുന്ന നടപടിക്കെതിരേ അങ്ങാടിപ്പുറം പഞ്ചായത്തിന്‍റെ "അതിജീവനം’ വാർത്താപത്രിക

അങ്ങാടിപ്പുറം: തദ്ദേശ സ്ഥാപനങ്ങളുടെ പ്രസക്തി നഷ്ടപ്പെടുത്തുന്ന വിധത്തിൽ പ്രാദേശിക സർക്കാരുകളെ ദ്രോഹിച്ചുകൊണ്ടിരിക്കുന്ന സർക്കാർ നടപടികൾ ജനങ്ങളെ അറിയിക്കുന്നതിന് അങ്ങാടിപ്പുറം പഞ്ചായത്ത് യുഡിഎഫ് "അതിജീവനം’ എന്ന പേരിൽ വാർത്താ പത്രിക പ്രസിദ്ധീകരിച്ചു. പഞ്ചായത്ത് വൈസ് പ്രസിഡന്‍റ് ഷബീർ കറുമുക്കിലിന് നൽകി മുസ്‌ലിം ലീഗ് ജില്ലാ വൈസ് പ്രസിഡന്‍റ് ഉമ്മർ അറക്കൽ വാർത്താപത്രിക പ്രകാശനം ചെയ്തു. അങ്ങാടിപ്പുറം പഞ്ചായത്തിൽ ജീവനക്കാരെ കൂട്ടത്തോടെ സ്ഥലം മാറ്റിയ നടപടി, എൻജിനിയറിംഗ് വിഭാഗത്തിൽ ഓവർസിയർ തസ്തിക വർഷങ്ങളായി ഒഴിച്ചിട്ട നടപടി, ട്രഷറിയിൽ നിന്ന് ബില്ലുകൾ പാസാക്കി നൽകാതെ മാർച്ച് 31നു ശേഷം ബില്ലുകൾ തിരിച്ചു നൽകിയ നടപടി, ഫണ്ട് യഥാസമയം ചെലവഴിച്ചില്ല എന്ന കാരണം പറഞ്ഞ് മാർച്ച് 31നു ശേഷം ഫണ്ട് തിരിച്ചുപിടിക്കുന്ന നടപടി, ബജറ്റിൽ പ്രഖ്യാപിച്ച പദ്ധതിവിഹിതം പൂർണമായും അനുവദിക്കാതിരിക്കുന്ന നിലപാട് തുടങ്ങി വിവിധ വിഷയങ്ങൾ ചൂണ്ടിക്കാട്ടിയാണ് അതിജീവനം വാർത്താപത്രികയുടെ ഉള്ളടക്കം. കെ.കെ.സി.എം. അബുതാഹിർ തങ്ങൾ അധ്യക്ഷത വഹിച്ചു. കുന്നത്ത് മുഹമ്മദ്, പാതാരി അമീർ, കളത്തിൽ ഹാരിസ്, പി.പി. സൈതലവി, വാക്കാട്ടിൽ സുനൽ ബാബു, കുന്നത്ത് ഷാഹിൽ, ഇ.കെ. കുഞ്ഞുമുഹമ്മദ്, ഹുസൈൻ ചോലയിൽ, അബ്ദുസലാം ആറങ്ങോടൻ, സി.ടി. അക്ബർ, ശിഹാബ് ചോലയിൽ, സമീർ ബാബു മൂന്നാക്കൽ തുടങ്ങിയവർ പ്രസംഗിച്ചു.

അടുത്ത നിയമസഭയിൽ സ്വരാജ് ഉണ്ടാകുമെന്ന് മന്ത്രി കെ. രാജൻ

എടക്കര: അടുത്ത നിയമസഭ ചേരുന്പോൾ എം. സ്വരാജ് സഭയിൽ ഉണ്ടാകുമെന്ന് മന്ത്രി കെ. രാജൻ. എൽഡിഎഫ് പോത്ത്കല്ല് പഞ്ചായത്ത് തെരഞ്ഞെടുപ്പ് കണ്‍വൻഷൻ ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. ഡിവൈഎഫ്ഐ സംസ്ഥാന പ്രസിഡന്‍റ് വി. വസീഫ്, സിപിഎം സംസ്ഥാന കമ്മിറ്റിയംഗം പി.കെ. സൈനബ, ജില്ലാ കമ്മിറ്റി അംഗം ടി. രവീന്ദ്രൻ, പി. ഷെബീർ, വി.ടി. സോഫിയ, സിപിഐ മണ്ഡലം സെക്രട്ടറി എം. മുജീബ് റഹ്മാൻ, എ.പി. രാജഗോപാൽ, സലിംകുമാർ, എം.വി. വിബീഷ്, എൽഡിഎഫ് നിയോജക മണ്ഡലം കമ്മിറ്റി അംഗങ്ങളായ പി. സെഹീർ, പി.വി. രാജു, പ്രജീഷ് കോടാലിപൊയിൽ, മുസ്തഫ പാക്കട, എം.എ. തോമസ് (കേരള കോണ്‍ഗ്രസ്-എം), ബേബി വെള്ളിമുറ്റം (എൻസിപി), പോത്ത്കല്ല് പഞ്ചായത്ത് പ്രസിഡന്‍റ് വിദ്യാരാജൻ എന്നിവർ പ്രസംഗിച്ചു. സംഘാടക സമിതി രൂപീകരിച്ചു. 1001 അംഗ കമ്മിറ്റിക്ക് രൂപം നൽകി. ഭാരവാഹികൾ: എം.വി. വിബീഷ് (ചെയർമാൻ), പി. സെഹീർ (കണ്‍വീനർ).

നിലന്പൂരിൽ ഷൗക്കത്തിന്‍റെ സേഫ് ലാൻഡിംഗ്: പി.കെ. കുഞ്ഞാലിക്കുട്ടി

നിലന്പൂർ: മക്കത്ത് നിന്ന് തങ്ങൾ വിളിച്ചപ്പോൾ ബഹളമൊന്നും നോക്കണ്ട, നിലന്പൂരിൽ ആര്യാടൻ ഷൗക്കത്തിന്‍റെ സേഫ് ലാൻഡിംഗ് ആയിരിക്കുമെന്ന് ഉറപ്പു നൽകിയിട്ടുണ്ടെന്ന് പ്രതിപക്ഷ ഉപനേതാവ് പി.കെ. കുഞ്ഞാലിക്കുട്ടി. കണ്‍വൻഷനിലെ സദസ് കണ്ടാലറിയാം നിലന്പൂരിൽ വിജയം യുഡിഎഫിനാണെന്ന്. ചില മാധ്യമങ്ങൾക്ക് മാത്രമാണ് വലിയ സംശയം. അതിന് മാധ്യമങ്ങൾ നേരെ നോക്കണമെന്നും അദ്ദേഹം പറഞ്ഞു. ഉപതെരഞ്ഞെടുപ്പ് വന്നത് കൊള്ളരുതാത്ത ഈ ഭരണം അവസാനിപ്പിക്കാനാണെന്ന് എല്ലാവർക്കും അറിയാം. എങ്കിൽ വോട്ടു ചെയ്യേണ്ടത് യുഡിഎഫിനാണ്. ഇവിടെ മത്സരിക്കുന്ന വല്ല സ്ഥാനാർഥിക്കും വോട്ടു ചെയ്തിട്ട് കാര്യമില്ല. നിലവിലുള്ള സ്ഥിതി മാറാൻ ഭരണമാറ്റമുണ്ടാകണം. അതിന് യുഡിഎഫിന് മാത്രമേ കഴിയൂ. എഴുതി വച്ചോളൂ, നിലന്പൂരിൽ ആര്യാടൻ ഷൗക്കത്ത് വിജയിക്കും. തൃക്കാക്കരയിലും പുതുപ്പള്ളിയിലും പാലക്കാട്ടുമൊക്കെ പലതും പറഞ്ഞിരുന്നു. എന്നാൽ കപ്പടിച്ചത് ഞങ്ങളാണ്. നിലന്പൂരിന്‍റെ മതേതര പാരന്പര്യം കാത്തു സൂക്ഷിച്ച ആര്യാടൻ ഷൗക്കത്ത് ചരിത്ര ഭൂരിപക്ഷത്തിൽ വിജയിക്കുമെന്നും കുഞ്ഞാലിക്കുട്ടി പറഞ്ഞു. നിലന്പൂരിൽ യുഡിഎഫ് തെരഞ്ഞെടുപ്പ് കണ്‍വൻഷനിൽ പ്രസംഗിക്കുകയായിരുന്നു അദ്ദേഹം.

കഞ്ചാവുമായി ഇതരസംസ്ഥാന തൊഴിലാളി പിടിയിൽ

നിലന്പൂർ: വിൽപ്പനക്കായി കൈവശം വച്ച മൂന്ന് കിലോ കഞ്ചാവുമായി ഇതരസംസ്ഥാന തൊഴിലാളിയെ ഡാൻസാഫ് ടീം അറസ്റ്റ് ചെയ്തു. വെസ്റ്റ് ബംഗാൾ സൗത്ത് 24 പർഗാന സ്വദേശി പിന്‍റു മണ്ഡൽ(34)നെയാണ് എസ്ഐ പി.ജയകൃഷ്ണൻ അറസ്റ്റ് ചെയ്തത്. നിലന്പൂർ കല്ലേന്പാടത്തുള്ള വാടക ക്വാർട്ടേഴ്സിൽ ഞായറാഴ്ച രാത്രി 11 മണിയോടെ നടത്തിയ പരിശോധനയിലാണ് പ്രതി പിടിയിലായത്. അവധിക്ക് നാട്ടിൽ പോകുന്ന ഇതരസംസ്ഥാന തൊഴിലാളികൾ അവിടെ നിന്ന് കുറഞ്ഞ വിലക്ക് കഞ്ചാവ് വാങ്ങി ജില്ലയിലെത്തിച്ച് വിൽപ്പന നടത്തിവരികയായിരുന്നു. നിലന്പൂർ ഉപതെരഞ്ഞെടുപ്പിനോടനുബന്ധിച്ചുള്ള പ്രത്യേക പരിശോധനയിലാണ് പ്രതിയെ പിടികൂടിയത്. ഇയാളെ നിലന്പൂർ കോടതിയിൽ ഹാജരാക്കി. ഡാൻസാഫ് അംഗങ്ങളായ സുനിൽ മന്പാട്, അഭിലാഷ് കൈപ്പിനി, ആശിഫ്അലി, ടി. നിബിൻദാസ്, ജിയോ ജേക്കബ് എന്നിവരും അന്വേഷണ സംഘത്തിലുണ്ടായിരുന്നു.

മൂന്നാം എൽഡിഎഫ് സർക്കാർ അധികാരത്തിൽ വരും: എം.വി. ജയരാജൻ

എടക്കര: മൂന്നാം എൽഡിഎഫ് സർക്കാർ കേരളത്തിൽ അധികാരത്തിൽ വരുമെന്നും നിലന്പൂരിൽ സ്വരാജിന്‍റെ ഉജ്ജ്വല വിജയത്തോടെ മണ്ഡലത്തിൽ വികസന തുടർച്ചയുണ്ടാകുമെന്നും സിപിഎം സംസ്ഥാന സെക്രട്ടറിയേറ്റ് അംഗം എം.വി. ജയരാജൻ പറഞ്ഞു. എടക്കര പഞ്ചായത്ത് തെരഞ്ഞെടുപ്പ് കണ്‍വൻഷൻ ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. സിപിഐ ലോക്കൽ സെക്രട്ടറി വിനയരാജൻ അധ്യക്ഷത വഹിച്ചു. സിപിഎം സംസ്ഥാന കമ്മിറ്റിയംഗങ്ങളായ എം.എച്ച്. ഷാരിയർ, സഫറുള്ള, കെ. അനിൽകുമാർ, ജില്ലാ സെക്രട്ടറിയേറ്റ് അംഗം അഡ്വ. കെ.പി. സുമതി, ജില്ലാ കമ്മിറ്റി അംഗങ്ങളായ കെ.പി. ശങ്കരൻ, മോഹൻദാസ്, സിപിഐ ജില്ലാ അസിസ്റ്റന്‍റ് സെക്രട്ടറി അഡ്വ. പി.പി. ബാലകൃഷ്ണൻ, സരിഗ സോമൻ (എൻസിപി), എം. ഉമ്മർ (സിപിഐ), എൽഡിഎഫ് നിയോജക മണ്ഡലം കമ്മിറ്റി അംഗങ്ങളായ പി.കെ. ജിഷ്ണു, അഡ്വ. ഷെറോണ റോയ്, പി. മോഹനൻ, മുൻ ഗ്രാമപഞ്ചായത്ത് പ്രസിഡന്‍റ് ജി. ശശിധരൻ എന്നിവർ പ്രസംഗിച്ചു. 1001 അംഗ തെരഞ്ഞെടുപ്പ് കമ്മിറ്റി രൂപീകരിച്ചു. ഭാരവാഹികൾ: വിനയരാജൻ (ചെയർമാൻ), പി.കെ. ജിഷ്ണു (കണ്‍വീനർ).

നിലന്പൂരിൽ വിജയം ഉറപ്പ്: എം. സ്വരാജ്

നിലന്പൂർ: നിലന്പൂരിൽ വിജയം ഉറപ്പെന്ന് എൽഡിഎഫ് സ്ഥാനാർഥി എം.സ്വരാജ്. ഇടതുപക്ഷ വോട്ടുകൾ മാത്രമല്ല, നാടിന്‍റെ നൻമ ആഗ്രഹിക്കുന്നവരുടെ വോട്ടുകളും ലഭിക്കും. സർക്കാരിന്‍റെ ജനക്ഷേമ, വികസന പ്രവർത്തനങ്ങൾക്ക് പൊതുജനപിന്തുണ കൂടി ലഭിക്കുമെന്നും സ്വരാജ്. പറഞ്ഞു. നിലന്പൂരിൽ മാധ്യമ പ്രവർത്തകരോട് സംസാരിക്കുകയായിരുന്നു അദ്ദേഹം. പവർകട്ട് ഇല്ലാതാക്കിയതും ക്ഷേമ പെൻഷനുകൾ നൽകുന്നതും റോഡ് വികസനം, പൊതുവിദ്യാലയങ്ങൾ, സർക്കാർ ആശുപത്രികൾ എന്നിവയുടെ അടിസ്ഥാന വികസനമെല്ലാം ജനങ്ങൾ കണ്ടുകൊണ്ടിരിക്കുകയാണ്. ആരുടെ സ്ഥാനാർഥിത്വവും എൽഡിഎഫിനെ ബാധിക്കില്ല. കേരളത്തിൽ നാലാം മുന്നണി വരുമെന്ന പി.വി. അൻവറിന്‍റെ പരാമർശത്തോട് അത് തനിക്ക് അറിയില്ലെന്നായിരുന്നു മറുപടി. നിലന്പൂരിൽ ശക്തമായ ചതുഷ്കോണ മത്സരമാണോ നടക്കുക എന്ന ചോദ്യത്തിന് എത്ര കോണാണെന്ന് അറിയില്ലെന്നായിരുന്നു പ്രതികരണം. മുഖ്യമന്ത്രിയുടെ വരവ് ഇടതു കേന്ദ്രങ്ങളിലും പൊതുസമൂഹത്തിലും എൽഡിഎഫിന് അനുകൂല സാഹചര്യമുണ്ടാക്കിയിട്ടുണ്ടെന്നും എം.സ്വരാജ് പറഞ്ഞു. എൻഡിഎ ഒറ്റക്കെട്ട്: തുഷാർ വെള്ളാപ്പള്ളി നിലന്പൂർ: നിലന്പൂരിൽ എൻഡിഎ ഒറ്റക്കെട്ടെന്ന് ബിഡിജഐസ് സംസ്ഥാന പ്രസിനഡന്‍റ് തുഷാർ വെള്ളാപ്പള്ളി. എൻഡിഎ സ്ഥാനാർഥിയുടെ നാമനിർദേശ പത്രികാ സമർപ്പണത്തിന് ശേഷം മാധ്യമ പ്രവർത്തകരോട് സംസാരിക്കുകയായിരുന്നു അദ്ദേഹം. അടുത്ത പഞ്ചായത്ത്, നിയമസഭ തെരഞ്ഞെടുപ്പുകളിലാണ് ബിഡിജഐസ് ശ്രദ്ധ കേന്ദ്രീകരിക്കുന്നതെന്നും അദ്ദേഹം പറഞ്ഞു. എൻഡിഎ സ്ഥാനാർഥിയെ രാജീവ് ചന്ദ്രശേഖർ ഉൾപ്പെടെയുള്ളവരുമായി ആലോചിച്ച് ഒറ്റക്കെട്ടായാണ് തീരുമാനിച്ചത്. യുഡിഎഫ്-എൽഡിഎഫ് സ്ഥാനാർഥികൾ ആരാണെന്നറിയാനാണ് കാത്തിരുന്നത്. മണ്ഡലത്തിൽ ബിഡിജഐസിന്‍റെ മുഴുവൻ വോട്ട് എൻഡിഎ സ്ഥാനാർഥിക്ക് തന്നെ ലഭിക്കുമെന്നും അദ്ദേഹം പറഞ്ഞു. നിലന്പൂരിൽ ചതുഷ്കോണ മത്സരം: ശോഭാ സുരേന്ദ്രൻ നിലന്പൂർ: നിലന്പൂരിൽ നടക്കുന്നത് ചതുഷ്കോണ മത്സരമാണെന്ന് ബിജെപി സംസ്ഥാന വൈസ് പ്രസിഡന്‍റ് ശോഭാ സുരേന്ദ്രൻ. പി.വി. അൻവർ മത്സര രംഗത്തെത്തിയതോടെ നിലന്പൂർ ഉപതെരഞ്ഞെടുപ്പ് ശക്തമായ ചതുഷ്കോണ മത്സരത്തിലേക്ക് മാറിയിരിക്കുകയാണ്. എൽഡിഎഫ് വിട്ടതോടെ പാപ്പരായി എന്നാണ് അൻവർ പറയുന്നത്. ദിവസം നാല് ഷർട്ട് ഇട്ടിരുന്ന അൻവറിന് ഇപ്പോൾ രണ്ട് ദിവസം ഒരു ഷർട്ട് ഇടേണ്ട അവസ്ഥയിലാണ്. സിപിഎം പണം ഒഴുക്കുന്ന പാർട്ടിയാണ്. സിപിഎമ്മിനൊപ്പം നിന്നപ്പോൾ അൻവറിന് സാന്പത്തിക പ്രതിസന്ധിയില്ലായിരുന്നു. മരുമകന്‍റെ ഉൾപ്പെടെയുള്ള അഴിമതിയാണ് ഇപ്പോൾ പിണറായി വിജയനെതിരെ അൻവർ ഉന്നയിക്കുന്നതെന്നും അവർ പറഞ്ഞു. നിലന്പൂരിൽ ഉൾപ്പെടെ സംസ്ഥാനത്ത് ഇന്ന് ഉണ്ടായിരിക്കുന്നത് കേന്ദ്ര സർക്കാർ ഫണ്ട് കൊണ്ടാണ്. കേന്ദ്ര സർക്കാരിന്‍റെ ആനുകൂല്യം എല്ലാ വിഭാഗങ്ങൾക്കും ലഭിക്കുന്നു. നിലന്പൂരിന്‍റെ വികസനമാണ് എൻഡിഎ ലക്ഷ്യമിടുന്നതെന്നും അവർ പറഞ്ഞു.

7.46 ലക്ഷം വിദ്യാർഥികൾ പഠനം നടത്തുന്നു; ഒന്ന് മുതൽ 10 വരെ പുതിയ പാഠ്യപദ്ധതി

മലപ്പുറം: പുതിയ അധ്യയന വർഷത്തെ വരവേറ്റ് വിദ്യാലയങ്ങൾ വീണ്ടും സജീവമായി. വിദ്യാഭ്യാസ രംഗത്ത് ഇത്തവണ ഒട്ടേറെ മാറ്റങ്ങൾ വന്നിരിക്കുകയാണ്. ഒന്ന് മുതൽ 10 വരെ ക്ലാസുകളിൽ ഇത്തവണ പുതിയ പാഠ്യപദ്ധതി അനുസരിച്ചുള്ള പുസ്തകങ്ങളാണ് പഠിപ്പിക്കുന്നത്. 10 വരെ വിദ്യാർഥികളെ എല്ലാം ക്ലാസുകളിലും ജയിപ്പിച്ചു വിടുന്ന ഓൾ പാസ് സന്പ്രദായം നിർത്തലാക്കി. എട്ടാം ക്ലാസിൽ എല്ലാ വിഷയങ്ങൾക്കും 30 ശതമാനം മാർക്ക് ലഭിച്ചവരെ മാത്രമേ അടുത്ത ഘട്ടത്തിലേക്ക് വിജയിപ്പിക്കുകയുള്ളൂ. സബ്ജക്ട് മിനിമം പദ്ധതി അഞ്ചു മുതൽ 10 വരെ ക്ലാസുകളിൽ നടപ്പാക്കും. പിന്നാക്കം നിൽക്കുന്ന വിദ്യാർഥികൾക്ക് രണ്ടാഴ്ചത്തെ ബ്രിഡ്ജ് കോഴ്സുകൾ നൽകും. ഇത്തവണ ഹൈസ്കൂൾ വിദ്യാർഥികളുടെ പഠനസമയത്തിൽ മാറ്റം വരുത്തിയിട്ടുണ്ട് രാവിലെ 9.45 മുതൽ വൈകുന്നേരം 4.15 വരെയായി പഠനസമയം ഉയർത്തി. യുപി ക്ലാസുകളിൽ രണ്ട് ശനിയാഴ്ചയും ഹൈസ്കൂൾ ക്ലാസുകളിൽ ആറ് ശനിയാഴ്ചയും അധിക ക്ലാസുകൾ എടുക്കും. ഇതോടൊപ്പം ഓണ പരീക്ഷ ഒഴിവാക്കി പകരം രണ്ട് ടേമുകളിലായി പരീക്ഷകൾ നടത്തും. എല്ലാ മാസവും കൃത്യമായി ടെസ്റ്റ് പേപ്പറുകൾ നടത്തി വിദ്യാർഥികളുടെ പഠന പുരോഗതി വിലയിരുത്തുകയും പിന്നാക്കം നിൽക്കുന്ന വിദ്യാർഥികളെ ഉയർത്തിക്കൊണ്ടുവരുന്നതിനുള്ള പ്രത്യേക ക്ലാസുകൾ നൽകുകയും ചെയ്യും. സ്കൂൾ തുറന്നു ഒരാഴ്ച കാലയളവിൽ വിവിധ സമയങ്ങളിലായി ലഹരി ഉപയോഗം, ട്രാഫിക് നിയമങ്ങൾ, വ്യക്തി ശുചിത്വം, നല്ല ഭക്ഷണം, പെരുമാറ്റം തുടങ്ങിയ വിഷയങ്ങളിൽ സൻമാർഗ പഠനം എന്ന പേരിൽ ക്ലാസുകൾ നൽകും. ജില്ലയിൽ ഇത്തവണ 61758 ഓളം പുതിയ വിദ്യാർഥികൾ വിവിധ വിദ്യാലയങ്ങളിലായി പ്രവേശനം നേടിയിട്ടുണ്ട്. 7.46 ലക്ഷം വിദ്യാർഥികൾ ജില്ലയിൽ പഠനം നടത്തുന്നു. മറ്റ് സംസ്ഥാനങ്ങൾക്ക് മാതൃകയാക്കാവുന്ന തരത്തിലുള്ള പ്രവർത്തനങ്ങളാണ് സംസ്ഥാനത്തെ പൊതുവിദ്യാലയങ്ങളിൽ നടന്നുവരുന്നത്. രക്ഷിതാക്കളും അധ്യാപകരും ഒരു പോലെ വിദ്യാർഥികളുടെ അക്കാഡമിക് നിലവാരം ഉയർത്തുന്നതിന് പരിശ്രമിക്കുന്നുണ്ട്. പ്രവൃത്തി പരിചയം കലാ-കായികം, നൈപുണ്യ വികസനം എന്നിവ അക്കാഡമിക് പ്രവർത്തനങ്ങളുമായി സംയോജിപ്പിച്ചായിരിക്കും സമഗ്ര ഗുണമേൻമ വിദ്യാഭ്യാസ പ്രവർത്തനത്തിലൂടെ കുട്ടികളിൽ എത്തിക്കുക. ഇതിനുള്ള പരിശീലനങ്ങൾ കഴിഞ്ഞ ആഴ്ചകളിൽ അധ്യാപകർക്ക് നൽകിയിട്ടുണ്ട്. കുട്ടികൾക്കായി പ്രത്യേകം വർക്ക് ബുക്കുകൾ തയാറാക്കി. വിദ്യാലയങ്ങളുടെ അടിസ്ഥാന സൗകര്യം ഉയർത്തുന്നതിൽ പൂർവവിദ്യാർഥികളും മികച്ച പിന്തുണ നൽകുന്നു.

ഫാത്തിമ യുപി സ്കൂൾ പ്ലാറ്റിനം ജൂബിലി പ്രഖ്യാപനം നടത്തി

പരിയാപുരം: പരിയാപുരം ഫാത്തിമ യുപി സ്കൂളിന്‍റെ പ്ലാറ്റിനം ജൂബിലി പ്രഖ്യാപനവും സ്കൂൾ പ്രവേശനോത്സവവും സമുചിതമായ പരിപാടികളോടെ സ്കൂൾ അങ്കണത്തിൽ നടത്തി. സ്കൂൾ കറസ്പോണ്ടന്‍റ് മാനേജർ ഫാ. സണ്ണി കളപ്പുരയ്ക്കൽ അധ്യക്ഷത വഹിച്ച് പ്ലാറ്റിനം ജൂബിലി ലോഗോ പ്രകാശനം ചെയ്തു. അസിസ്റ്റന്‍റ് കറസ്പോണ്ടന്‍റ് മാനേജർ ഫാ. ജോസഫ് വെട്ടുകല്ലേൽ സ്കൂൾ പ്രവേശനോത്സവം ഉദ്ഘാടനം ചെയ്തു. അങ്ങാടിപ്പുറം ഗ്രാമപഞ്ചായത്ത് പ്രസിഡന്‍റ് സഈദ അക്കാഡമിക മാസ്റ്റർപ്ലാൻ പ്രകാശനം ചെയ്തു. അങ്ങാടിപ്പുറം ഗ്രാമപഞ്ചായത്ത് മെന്പർ അനിൽ പുലിപ്ര, പിടിഎ പ്രസിഡന്‍റ് ഷാന്‍റോ തകിടിയേൽ, പിടിഎ വൈസ് പ്രസിഡന്‍റ് സൽമാൻ ഫാരിസ്, സിആർസി കോ ഓർഡിനേറ്റർ ലിജി, സ്കൂൾ ഹെഡ്മിസ്ട്രസ് അന്പിളി, സ്റ്റാഫ് സെക്രട്ടറി ക്ലമൻസി തോമസ് എന്നിവർ പ്രസംഗിച്ചു. കുട്ടികളുടെ കലാപരിപാടികളും അരങ്ങേറി.

അങ്കണവാടിക്ക് ഉപകരണങ്ങൾ നൽകി

പെരിന്തൽമണ്ണ: പെരിന്തൽമണ്ണ സർവീസ് സഹകരണ ബാങ്ക് അങ്കണവാടികൾക്ക് ഉപകരണങ്ങൾ നൽകി. കുട്ടിപ്പാറ അങ്കണവാടിയിലേക്കുള്ള ഉപകരണങ്ങൾ ബാങ്ക് പ്രസിന്‍റ് പച്ചീരി ഫാറൂഖാണ് കൈമാറിയത്. കൗണ്‍സിലർ സാറ സലീം, ഹബീബ് മണ്ണേങ്ങൽ, അങ്കണവാടി ടീച്ചർമാരായ നീനു,സുശീല എന്നിവർ പങ്കെടുത്തു.

‘കുഴികളടച്ച് ഗതാഗത കുരുക്ക് ഒഴിവാക്കണം’

പെരിന്തൽമണ്ണ: ഗതാഗതകുരുക്ക് മൂലം ബുദ്ധിമുട്ടുന്ന പെരിന്തൽമണ്ണ നഗരത്തിൽ റോഡിലെ കുഴികൾ അടച്ച് ഗതാഗത തടസം ഒഴിവാക്കണമെന്ന് പെരിന്തൽമണ്ണ മർച്ചന്‍റ്സ് അസോസിയേഷൻവ്യാപാര ഭവനിൽ ചേർന്ന സെക്രട്ടറിയോഗം ആവശ്യപ്പെട്ടു. കാലവർഷം തുടങ്ങിയതോടെ അങ്ങാടിപ്പുറം റെയിൽവേ മേൽപ്പാലം അവസാനിക്കുന്ന ഭാഗത്ത് വലിയ കുഴികൾ രൂപപ്പെട്ടത് വാഹനങ്ങൾ കടന്നുപോകുന്നതിന് പ്രയാസം നേരിടുന്നു. ഇരുഭാഗത്തു നിന്ന് വരുന്ന വാഹനങ്ങൾ ഗതാഗത കുരുക്കിൽപ്പെടുന്നതോടെ നഗരം സ്തംഭിക്കുന്ന അവസ്ഥയാണ്. ഇത് വ്യാപാര മേഖലയെയും ബാധിക്കുന്നു. യാത്രക്കാരും കഷ്ടപ്പെടുന്നു. അതിനാൽ റോഡിലെ കുഴികളടച്ച് ഗതാഗതം സുഗമമമാക്കണമെന്ന് യോഗം ആവശ്യപ്പെട്ടു. ഇത് സംബന്ധിച്ച് പെരിന്തൽമണ്ണ, മങ്കട എംഎൽഎമാർക്കും പൊതുമരാമത്ത് എൻജിനിയർക്കും പരാതി നൽകിയതായി ഭാരവാഹികളായ പ്രസിഡന്‍റ് പി.ടി.എസ്. മൂസു, ജനറൽ സെക്രട്ടറി സി.പി. മുഹമ്മദ് ഇക്ബാൽ, ട്രഷറർ ലത്തീഫ് എന്നിവർ അറിയിച്ചു.

സ്വരാജ് ചരിത്ര വിജയം നേടും: നാഷണൽ ലീഗ്

നിലന്പൂർ: മതനിരപേക്ഷ രാഷ്ട്രീയത്തിന്‍റെ ശക്തനായ പോരാളിയായ എം. സ്വരാജ് നിലന്പൂർ മണ്ഡലത്തിൽ ചരിത്രവിജയം നേടുമെന്ന് നാഷണൽ ലീഗ് ജില്ലാ ലീഡേഴ്സ് മീറ്റ് അഭിപ്രായപ്പെട്ടു. നിലന്പൂരിൽ നടക്കുന്നത് മതേതര ശക്തികളും മതാത്മക രാഷ്ട്രീയത്തിന്‍റെ മഴവിൽ സഖ്യവും തമ്മിലുള്ള നേർക്കുനേർ പോരാട്ടമാണ്. കലർപ്പില്ലാത്ത മതേതര നിലപാടുകളുടെ വിട്ടുവീഴ്ചയില്ലാത്ത പോരാളിയായി ജനമനസുകളിലിടം പിടിച്ച എം. സ്വരാജിലൂടെ മതേതര ചേരി അഭിമാനകരമായ വിജയം നേടുമെന്നും ലീഡേഴ്സ് മീറ്റ് ചൂണ്ടിക്കാട്ടി. തെരഞ്ഞെടുപ്പ് കാന്പയിന്‍റെ ഭാഗമായി നാഷണൽ ലീഗ് ജില്ലാ കമ്മിറ്റി നിലന്പൂരിൽ സംഘടിപ്പിച്ച ജില്ലാതല ലീഡേഴ്സ് മീറ്റ് സംസ്ഥാന പ്രസിഡന്‍റ് പ്രഫ. എ.പി. അബ്ദുൾ വഹാബ് ഉദ്ഘാടനം ചെയ്തു. സംസ്ഥാന സെക്രട്ടറിയേറ്റംഗം സി.എച്ച്. മുസ്തഫ അധ്യക്ഷത വഹിച്ചു. സംസ്ഥാന ജനറൽ സെക്രട്ടറി സി.പി. നാസർകോയ തങ്ങൾ തെരഞ്ഞെടുപ്പ് കാന്പയിൻ രൂപരേഖ അവതരിപ്പിച്ചു. എൽഡിഎഫ് സ്ഥാനാർഥി എം. സ്വരാജ്, എൻ.കെ. അബ്ദുൾഅസീസ്, സയ്യിദ് ഷബീൽ ഹൈദ്രോസി തങ്ങൾ, ജെയിംസ് കാഞ്ഞിരത്തിങ്കൽ, കെ. അബ്ദുല്ലത്തിഫ്, അഡ്വ. ഒ.കെ. തങ്ങൾ, സാലിഹ് മേടപ്പിൽ തുടങ്ങിയവർ പ്രസംഗിച്ചു.

എൻസിപി നേതൃയോഗം നടത്തി

നിലന്പൂർ: നിലന്പൂരിൽ ഇടതുപക്ഷ മുന്നണി സ്ഥാനാർഥി എം. സ്വരാജിന്‍റെ വിജയത്തിനായി മുഴുവൻ എൻസിപി പ്രവർത്തകരും മുന്നിട്ടിറങ്ങുവാൻ നിലന്പൂരിൽ ചേർന്ന നിയോജക മണ്ഡലം നേതൃയോഗം തീരുമാനിച്ചു. നിലന്പൂർ ഗ്രീൻ ആർട്ട് ഓഡിറ്റോറിയത്തിൽ നടത്തിയ യോഗം എൻസിപി-എസ് സംസ്ഥാന പ്രസിഡന്‍റ് തോമസ് കെ. തോമസ് എംഎൽഎ ഉദ്ഘാടനം ചെയ്തു. ബന്ധങ്ങൾ ഉപയോഗിച്ച് വോട്ട് വിഹിതം വർധിപ്പിക്കാൻ കഴിയണമെന്നും പൊതുജനങ്ങളുടെ വിഷയം പഠിച്ച് ഇടപെടാൻ കഴിയണമെന്നും അദ്ദേഹം പറഞ്ഞു. വനംമന്ത്രി എ.കെ. ശശീന്ദ്രൻ മുഖ്യപ്രഭാഷണം നടത്തി. ജില്ലാ പ്രസിഡന്‍റ് കെ.പി. രാമനാഥൻ അധ്യക്ഷത വഹിച്ചു. സംസ്ഥാന വർക്കിംഗ് പ്രസിഡന്‍റ് അഡ്വ. പി.എം. സുരേഷ് ബാബു, സംസ്ഥാന ജനറൽ സെക്രട്ടറിമാരായ പി.എ. റസാക്ക് മൗലവി, ടി.എൻ. ശിവശങ്കരൻ, പി.വി. അജ്മൽ, ഇ.എ. മജീദ്, മുക്കം മുഹമ്മദ്, പരുന്തൻ നൗഷാദ്, അഡ്വ. മോഹൻദാസ്, പി.ഷാഹുൽ ഹമീദ്, കെ.വി. തോമസ്, എം.സി. ഉണ്ണികൃഷ്ണൻ, യു.പി. സെബാസ്റ്റ്യൻ എന്നിവർ പ്രസംഗിച്ചു.

പരിസ്ഥിതി സംരക്ഷണ മാസാചരണം: വൃക്ഷത്തൈ നട്ടു

നെൻമേനി: താമരശേരി രൂപതയുടെ റൂബി ജൂബിലി ആഘോഷത്തിന്‍റ ഭാഗമായി ജൂണ്‍ മാസം പരിസ്ഥിതി സംരക്ഷണ മാസമായി ആഘോഷിക്കും. ഇതിന്‍റെ ഭാഗമായി നെൻമേനി സെന്‍റ് ജോസഫ് പള്ളി അങ്കണത്തിൽ വിശ്വാസ സമൂഹത്തിന്‍റെ സാന്നിധ്യത്തിൽ ഇടവക വികാരി ഫാ. ജോസഫ് അറക്കൽ ഫലവൃക്ഷത്തൈ നട്ട് പരിസ്ഥിതി സംരക്ഷണ മാസാചരണത്തിനു തുടക്കം കുറിച്ചു.

പ്രചാരണം ശക്തമാക്കി ആര്യാടൻ ഷൗക്കത്ത്

എടക്കര: നിലന്പൂർ മണ്ഡലം യുഡിഎഫ് സ്ഥാനാർഥി ആര്യാടൻ ഷൗക്കത്ത് പോത്തുകൽ, എടക്കര, വഴിക്കടവ്, മൂത്തേടം പഞ്ചായത്തുകളിൽ തെരഞ്ഞെടുപ്പ് പ്രചാരണം നടത്തി. ഉപ്പട, മരുത, മൂത്തേടം, തണ്ണിക്കടവ് തുടങ്ങിയ പ്രദേശങ്ങളിലായിരുന്നു പര്യടനം. ഞായറാഴ്ചയായതിനാൽ ഇന്നലെ പോത്തുകൽ പൂളപ്പാടം പള്ളിയിലായിരുന്നു ഷൗക്കത്തിന്‍റെ ആദ്യസന്ദർശനം. യൂത്ത് കോണ്‍ഗ്രസ് സംസ്ഥാന ജനറൽ സെക്രട്ടറി അബിൻ വർക്കി, പോത്തുകൽ മണ്ഡലം കോണ്‍ഗ്രസ് പ്രസിഡന്‍റ് രാജു തുരുത്തേൽ എന്നിവർ സ്ഥാനാർഥിക്കൊപ്പമുണ്ടായിരുന്നു. ഇടവക വികാരിയുമായി സംസാരിച്ച ശേഷം വിശ്വാസികളോട് ആര്യാടൻ ഷൗക്കത്ത് വോട്ട് അഭ്യർഥിച്ചു. തുടർന്ന് പാതാർ സെന്‍റ് ജോർജ് മലങ്കര സുറിയാനി കത്തോലിക്ക പള്ളി, മുണ്ടേരി ക്രിസ്തുരാജ മലങ്കര കത്തോലിക്ക പള്ളി വികാരിമാരെയും കണ്ട് അനുഗ്രഹം വാങ്ങിയ ശേഷം നെട്ടിക്കുളത്തെ ഫാമിലി ഓഡിറ്റോറിയത്തിലെത്തി. അവിടെ നടക്കുന്ന വിവാഹവേദിയിലും ഷൗക്കത്ത് ആളുകളോട് വോട്ട് അഭ്യർഥിച്ചു. തുടർന്ന് പാതിരിപ്പാടം സെന്‍റ് മേരീസ് കാത്തലിക് പള്ളിയിലെത്തിയ ഷൗക്കത്തിനെ വികാരി ഫാ. സണ്ണി കൊല്ലർത്തോട്ടം ഹൃദ്യമായി സ്വീകരിച്ചു. എസ്എസ്എൽസി, പ്ലസ് ടു വിജയികളുടെ അനുമോദനത്തിന്‍റെ ഭാഗമായി സ്ഥാനാർഥിക്കും അദ്ദേഹം കേക്ക് മുറിച്ച് നൽകി. തെരഞ്ഞെടുപ്പിലെ മികച്ച വിജയത്തിന് ആശംസകളും നേർന്നാണ് അദ്ദേഹം സ്ഥാനാർഥിയെ യാത്രയാക്കിയത്. പോത്തുകൽ പെന്തക്കോസ്തൽ മിഷൻ പ്രേയർ ഹാളിൽ എത്തുന്പോൾ അവിടെ ഡിസിസി പ്രസിഡന്‍റ് വി.എസ്. ജോയിയുടെ മാതാവ് ഉൾപ്പെടെയുള്ളവർ ഉണ്ടായിരുന്നു. ഷൗക്കത്തിന്‍റെ വിജയത്തിനു വേണ്ടി തലയിൽ കൈവച്ച് അനുഗ്രഹിച്ച് ജോയിയുടെ മാതാവ് മറിയാമ്മ പ്രാർഥിക്കുകയും ചെയ്തു. അടുത്ത് തന്നെയുള്ള ഗിൽഗാൽ അസംബ്ലീസ് ഓഫ് ഗോഡ് ചർച്ചിലെത്തിയ സ്ഥാനാർഥിയെ പാസ്റ്റർ സി.വി. വിൽസണ്‍ വിശ്വാസികളോടൊപ്പം വിജയത്തിന് വേണ്ടി പ്രാർഥന നടത്തിയ ശേഷമാണ് യാത്രയാക്കിയത്. തുർന്ന് ഉപ്പട, മരുത, തണ്ണിക്കടവ്, മൂത്തേടം എന്നിവിടങ്ങളിലും ഷൗക്കത്ത് പര്യടനം നടത്തി.

കോട്ടയം എക്സ്പ്രസ് ട്രെയിനിന് കൂടുതൽ സ്റ്റോപ്പുകളായില്ല

പെരിന്തൽമണ്ണ: ഷൊർണൂർ-നിലന്പൂർ റെയിൽവേ പാതയിൽ കോട്ടയം എക്സ്പ്രസ് ട്രെയിനിന് കൂടുതൽ സ്റ്റോപ്പുകൾ ഉടനില്ല. കോവിഡ് കാലത്തിന് മുന്പ് പാതയിലെ പ്രധാന സ്റ്റേഷനുകളിലെല്ലാം കോട്ടയം എക്സ്പ്രസ് ട്രെയിനിന് സ്റ്റോപ്പ് ഉണ്ടായിരുന്നു. അതേസമയം ട്രെയിൻ ഷൊർണൂർ പിന്നിട്ടാൽ പഴയ സ്റ്റോപ്പുകളെല്ലാം പുനഃസ്ഥാപിച്ചിട്ടുണ്ട്. പാതയിലെ വൈദ്യുതീകരണം പൂർത്തിയാക്കിയതിനാൽ ട്രെയിനുകളുടെ വേഗം വർധിക്കുകയും സമയം ഗണ്യമായി കുറയുകയും ചെയ്തിട്ടുണ്ട്. മേലാറ്റൂരിലെയും കുലുക്കല്ലൂരിലെയും പുതിയ ക്രോസിംഗ് സ്റ്റേഷനുകൾ കമ്മീഷൻ ചെയ്ത ശേഷം കൂടുതൽ സ്റ്റോപ്പുകൾ അനുവദിക്കാമെന്നാണ് അധികൃതരുടെ നിലപാട്. ഇവ പൂർത്തിയാകാൻ ഇനിയും ഒരു വർഷത്തോളമെടുക്കും. എറണാകുളം-ഷൊർണൂർ മെമു നിലന്പൂരിലേക്ക് നീട്ടുന്നതിനുള്ള പദ്ധതിയിലാണ് പ്രതീക്ഷ. കഴിഞ്ഞ15 ന് പാലക്കാട് ഡിവിഷനിൽ മേഖലയിലെ എംപിമാരുടെ യോഗം ദക്ഷിണ റെയിൽവേ ജനറൽ മാനേജരുടെ നേതൃത്വത്തിൽ വിളിച്ചു ചേർത്തിരുന്നു. യാത്രക്കാർ ഏറെ പ്രതീക്ഷ പുലർത്തിയെങ്കിലും ബന്ധപ്പെട്ട ജനപ്രതിനിധികൾ ഈ യോഗത്തിൽ പങ്കെടുത്തില്ല.

ഏഴ്കണ്ണി പാലത്തിനു സമീപത്തെ അണ്ടർപാസിന്‍റെ എസ്റ്റിമേറ്റ് അംഗീകരിച്ചു

പെരിന്തൽമണ്ണ: ഷൊർണൂർ -നിലന്പൂർ റെയിൽപാതയിലെ ഏഴ്കണ്ണി പാലത്തിന്‍റെ ഭാഗത്തായി അണ്ടർ പാസ് നിർമാണത്തിനായുള്ള 3,53,87,949 രൂപയുടെ എസ്റ്റിമേറ്റ് റെയിൽവേ അംഗീകരിച്ചു. ഡെപ്പോസിറ്റ് പ്രവൃത്തിയായി നടത്താൻ ഉദ്ദേശിക്കുന്ന ഈ പ്രവൃത്തിക്ക് അടവാക്കിയ 3,17,374 രൂപ കഴിച്ചുള്ള 3,50,70,575 രൂപ അടവാക്കുന്നതിന് അങ്ങാടിപ്പുറം പഞ്ചായത്ത് സെക്രട്ടറിക്ക് പാലക്കാട് ദക്ഷിണ റെയിൽവേ ഡിവിഷൻ എൻജിനിയർ കത്ത് നൽകി. 50 ലക്ഷം രൂപ അങ്ങാടിപ്പുറം പഞ്ചായത്ത് കഴിഞ്ഞ സാന്പത്തിക വർഷം വകയിരുത്തിയിരുന്നു. ബാക്കി തുക എംഎൽഎ ഫണ്ടിൽ നിന്നും എംപി ഫണ്ടിൽ നിന്നും വകയിരുത്താനാണ് ലക്ഷ്യം. മഞ്ഞളാംകുഴി അലി എംഎൽഎ, ഇ.ടി. മുഹമ്മദ് ബഷീർ എംപി എന്നിവർ ചാത്തനല്ലൂർ റസിഡൻസ് അസോസിയേഷൻ ഭാരവാഹികളുടെയും എട്ടാം വാർഡ് മെംബർ പി.പി. ശിഹാബിന്‍റെയും അഭ്യർഥന പ്രകാരം സ്ഥലത്ത് പരിശോധന നടത്തി റെയിൽവേ അധികൃതരുമായി ബന്ധപ്പെട്ടിരുന്നു. അണ്ടർപാസിന്‍റെ പ്രവൃത്തി പൂർത്തിയായാൽ പെരിന്തൽമണ്ണ ബൈപാസിൽ നിന്ന് ചിരട്ടമണ്ണയിലൂടെ അങ്ങാടിപ്പുറത്ത് കുറഞ്ഞ സമയം കൊണ്ട് എത്താം. മാത്രവുമല്ല അങ്ങാടിപ്പുറം റെയിൽവേ മേൽപ്പാലത്തിലെ ഗതാഗതക്കുരുക്കിന് ഒരു പരിധിവരെ പരിഹാരമാകും.

‘ബിജെപി സ്ഥാനാർഥി യുഡിഎഫിന്‍റെ സംഭാവന’

നിലന്പൂർ: നിലന്പൂരിലെ ബിജെപി സ്ഥാനാർഥി യുഡിഎഫ് സംഭാവന ചെയ്ത സ്ഥാനാർഥിയെന്ന് അഡ്വ. എം.സ്വരാജ്. യുഡിഎഫ് ഘടകകക്ഷിയുടെ സംസ്ഥാന കമ്മിറ്റി അംഗമാണെന്ന് അദ്ദേഹം തന്നെ പറഞ്ഞിട്ടുണ്ടെന്നും സ്വരാജ് മാധ്യമങ്ങളോട് പറഞ്ഞു. പി.വി. അൻവർ മത്സരിക്കുന്ന കാര്യം ശ്രദ്ധയിൽപ്പെടുത്തിയപ്പോൾ എല്ലാവർക്കും മത്സരിക്കാൻ അവകാശമുണ്ടെന്നും അത് ജനാധിപത്യത്തിന്‍റെ വിജയമാണെന്നും സ്വരാജ് വ്യക്തമാക്കി. മുഖ്യമന്ത്രി പിണറായി വിജയൻ എൽഡിഎഫിന്‍റെ മാത്രമല്ല കേരളത്തിലെ മുഴുവൻ ജനതയുടെയും നാഥനാണെന്നും ഏറ്റവും കൂടുതൽ കാലം തുടർച്ചയായി മുഖ്യമന്ത്രി സ്ഥാനത്ത് ഇരുന്നയാൾ കൂടിയാണ്. പിണറായി വിജയന്‍റെ വരവ് മണ്ഡലത്തിലെ തെരഞ്ഞെടുപ്പ് ആവേശത്തിന് ആക്കം കൂട്ടും. വി.എസ്.അച്യുതാനന്ദനുമായി ബന്ധപ്പെട്ട് അൻവർ ഉന്നയിച്ച ആരോപണത്തിന് 2016-ൽ വി.എസ് തന്നെ മറുപടി നൽകിയിട്ടുണ്ട്. രാഹുൽ മാങ്കൂട്ടവും പി.വി. അൻവറും തമ്മിൽ നടന്ന രഹസ്യചർച്ച ശ്രദ്ധയിൽപ്പെടുത്തിയപ്പോൾ അത് അവരുടെ കാര്യമെന്നും ഓരോരുത്തരും അവരുടെ നിലവാരത്തിന് അനുസരിച്ചല്ലേ പ്രവർത്തിക്കുകയെന്നും സ്വരാജ് മറുപടി നൽകി.

പുകയില വിരുദ്ധ ദിനാചരണം നടത്തി

പെരിന്തൽമണ്ണ: പുകയില വിരുദ്ധദിനത്തിനോടനുബന്ധിച്ച് അൽശിഫ കോളജ് ഓഫ് ഫാർമസി നാലാം വർഷ ഫാംഡി, ഒന്നാം വർഷ ഫാംഡി പിബി വിദ്യാർഥകളുടെ സഹകരണത്തോടെ പെരിന്തൽമണ്ണ ജില്ലാ ആശുപത്രിയിൽ പുകയില വിരുദ്ധദിനാചരണം സംഘടിപ്പിച്ചു. പുകയിലയുടെ ദൂഷ്യഫലങ്ങളെക്കുറിച്ച് എക്സിബിഷൻ, ലീഫ്‌ലെറ്റ് വിതരണം, സർവേ അടങ്ങുന്ന ബോധവത്കരണ കാന്പയിൻ എന്നിവ നടത്തി. അൽശിഫ ഫാർമസി കോളജ് പ്രിൻസിപ്പൽ ഡോ.സി. ദിലീപ് ഉദ്ഘാടനം ചെയ്തു. ജില്ലാ ആശുപത്രി പൾമണോളജി വിഭാഗം ഡോ. ജമാൽ അധ്യക്ഷത വഹിച്ചു. ഹെൽത്ത് ഇൻസ്പെക്ടർ സെന്തിൽകുമാർ സന്ദേശം നൽകി. അൽശിഫ ഫാർമസി പ്രാക്ടീസ് വിഭാഗം മേധാവി ഡോ. പി. ലിനു മോഹൻ, അധ്യാപകരായ ഡോ. സി. ഷിനു, ബിനയ് ശങ്കർ, നഴ്സിംഗ് സൂപ്രണ്ട് ഇൻചാർജ് സുജാത തുടങ്ങിയവർ പ്രസംഗിച്ചു.

അലങ്കാരങ്ങൾ തീർത്ത് സ്കൂളുകൾ : സ്കൂൾ പ്രവേശനോത്സവം മുതുവല്ലൂരിൽ

മലപ്പുറം: മധ്യവേനലവധി കഴിഞ്ഞ് വിദ്യാലയങ്ങൾ ഇന്ന് തുറക്കുകയായി. 2025 -26 അധ്യയന വർഷത്തെ വരവേൽക്കാൻ സ്കൂളുകളെല്ലാം ഒരുങ്ങി കഴിഞ്ഞു. കടലാസ് പൂക്കളും വർണാഭമായ ചിത്രങ്ങളും തോരണങ്ങളുമായി സ്കൂളുകൾ ആകർഷമായി കഴിഞ്ഞു. മലപ്പുറം ജില്ലാതല സ്കൂൾ പ്രവേശനോത്സവം ഇന്ന് മുതുവല്ലൂർ ജിഎച്ച്എസ്എസിൽ നടക്കും. രാവിലെ 10ന് നടക്കുന്ന ചടങ്ങ് ജില്ലാ കളക്ടർ വി.ആർ. വിനോദ് ഉദ്ഘാടനം ചെയ്യും. ജില്ലാ വിദ്യാഭ്യാസ ഉപഡയറക്ടർ പി.വി. റഫീഖ് അധ്യക്ഷത വഹിക്കും. പ്രവേശനോത്സവത്തോടനുബന്ധിച്ച് നവാഗതരായി സ്കൂളിൽ എത്തുന്ന വിദ്യാർഥികൾക്ക് പഠനോപകരണങ്ങൾ വിതരണം ചെയ്യും. സ്കൂളിലെ എൽഎസ്എസ്, യുഎസ്എസ്, എസ്എസ്എൽസി, പ്ലസ് ടു പരീക്ഷകളിൽ ഉന്നത വിജയം നേടിയ വിദ്യാർഥികളെ പരിപാടിയിൽ അനുമോദിക്കും. ജില്ലാതല സ്കൂൾ പ്രവേശനോത്സവത്തിനുള്ള എല്ലാ ഒരുക്കങ്ങളും പൂർത്തിയായതായി സ്കൂൾ അധികൃതർ അറിയിച്ചു. ചടങ്ങിൽ എസ്എസ്കെ മലപ്പുറം ഡിപിസി ടി. അബ്ദുൾസലീം, വൊക്കേഷണൽ ഹയർ സെക്കൻഡറി എഡിപി നവീന, ഡയറ്റ് പ്രിൻസിപ്പൽ ഡോ. ബാബു വർഗീസ്, വിദ്യാകരണം കോ ഓർഡിനേറ്റർ സുരേഷ് കൊളശേരി, കൈറ്റ് ജില്ലാ കോ ഓർഡിനേറ്റർ കെ. മുഹമ്മദ് ഷെരീഫ്, മലപ്പുറം ഡിഇഒ ജോസ്മി ജോസഫ്, കിഴിശേരി എഇഒ ഷൈനി ഓമന, അരീക്കാട് ബിപിസി പി.ടി. രാജേഷ്, സ്കൂൾ പ്രധാനാധ്യാപകൻ എം. അബൂബക്കർ, പിടിഎ പ്രസിഡന്‍റ് കെ. രാമകൃഷ്ണൻ, മറ്റ് അധ്യാപകർ, രക്ഷിതാക്കൾ തുടങ്ങിയവർ പങ്കെടുക്കും.

വിദ്യാലയത്തെ മികവിലേക്കുയർത്തി പ്രധാനാധ്യാപകൻ പടിയിറങ്ങി

മേലാറ്റൂർ: വിദ്യാലയത്തെ മികവിലേക്കുയർത്തി 32 വർഷത്തെ സേവനത്തിനുശേഷം പ്രധാനാധ്യാപകൻ കെ.ടി. നാരായണൻ മേലാറ്റൂർ ആർഎം ഹൈസ്കൂളിൽ നിന്ന് പടിയിറങ്ങി. 1992 നവംബറിലാണ് മേലാറ്റൂർ ആർഎം ഹൈസ്കൂളിൽ ഇംഗ്ലീഷ് അധ്യാപകനായി കെ.ടി. നാരായണൻ ജോലിയിൽ പ്രവേശിക്കുന്നത്. 2024 ൽ പ്രധാനാധ്യാപകനായി. വിദ്യാലയത്തിലെ പാഠ്യ, പാഠ്യേതര മേഖലകളിലെ വളർച്ചയിൽ നേതൃത്വപരമായ ഇടപെടലുകൾ നടത്താൻ കഴിഞ്ഞു. കലാ, കായിക, ശാസ്ത്ര, പ്രവൃത്തി പരിചയമേളകളിൽ സംസ്ഥാനതലത്തിൽ സ്കൂളിന്‍റെ പേരെത്തിച്ചു. വിദ്യാലയത്തിൽ ഡിജിറ്റൽ ലൈബ്രറി, സയൻസ് പാർക്ക്, നവീകരിച്ച ഡൈനിംഗ് ഹാൾ എന്നിങ്ങനെ സജ്ജമാക്കുന്നതിലും മുന്നിൽ നിന്നു പ്രവർത്തിച്ചു. എസ്എസ്എൽസിയിൽ നൂറ് ശതമാനം വിജയം നേടാനും യുഎസ്എസ് പരീക്ഷയിൽ 68 പ്രതിഭകൾക്ക് മിന്നുന്ന വിജയവും നേടിയെടുക്കാനും കഴിഞ്ഞതിന്‍റെ സന്തോഷത്തിലാണ് പ്രധാനാധ്യാപകന്‍റെ പടിയിറക്കം. അങ്ങാടിപ്പുറം പഞ്ചായത്ത് പ്രസിഡന്‍റ്, ബ്ലോക്ക് മെന്പർ സ്ഥാനങ്ങൾ വഹിച്ചിരുന്ന ഇദ്ദേഹം നിലവിൽ അങ്ങാടിപ്പുറം ഗ്രാമപഞ്ചായത്ത് വാർഡ് മെന്പർ കൂടിയാണ്.

വട്ടമലയിൽ അപകടം തുടർക്കഥ; നാട്ടുകാർ റോഡ് ഉപരോധിച്ചു

കരുവാരകുണ്ട്: കരുവാരകുണ്ട് വട്ടമലയിൽ സ്കൂട്ടർ താഴ്ചയിലേക്ക് മറിഞ്ഞ് മധ്യവയസ്കൻ മരിച്ച സംഭവത്തിൽ പ്രതിഷേധിച്ച് നാട്ടുകാർ റോഡ് ഉപരോധിച്ചു. നൂറുക്കണക്കിന് ആളുകളാണ് പ്രദേശത്ത് തടിച്ചുകൂടി വഴി തടസപ്പെടുത്തിയത്. തുടർന്ന് കരുവാരകുണ്ട് പോലീസ് എത്തി ബന്ധപ്പെട്ട അധികൃതരുടെ ശ്രദ്ധയിൽ പെടുത്താമെന്ന നിർദേശത്തെ തുടർന്നാണ് ഉപരോധം അവസാനിപ്പിച്ചത്. അപകടങ്ങൾ നിത്യസംഭവമായിട്ടും അധികൃതർ സുരക്ഷാക്രമീകരണങ്ങൾ ഒരുക്കുകയോ തെരുവുവിളക്കുകൾ സ്ഥാപിക്കുകയോ അപകടങ്ങൾ കുറയ്ക്കാനുള്ള നടപടികൾ ചെയ്യുന്നില്ലെന്നാണ് നാട്ടുകാരുടെ പരാതി. ഇന്നലെ പകൽ പിതാവും മകളും സഞ്ചരിച്ച സ്കൂട്ടർ അപകടത്തിൽപ്പെട്ട് വെള്ളിയഞ്ചേരി മടത്തൊടി ബഷീറിന്‍റെ ജീവനാണ് നഷ്ടപ്പെട്ടത്. മകൾ റിയ സാരമായ പരിക്കുകളോടെ ആശുപത്രിയിൽ ചികിത്സയിലാണ്. കഴിഞ്ഞ രണ്ട് വർഷത്തിനിടെ 25ലധികം അപകടങ്ങളും മൂന്ന് മരണങ്ങളുമാണ് ഇവിടെ സംഭവിച്ചത്. അപകടങ്ങൾ പതിവായിട്ടും സുരക്ഷാ സംവിധാനങ്ങളില്ലാത്തത് വലിയ പ്രതിഷേധങ്ങൾക്ക് വഴിവച്ചിരിക്കുകയാണ്. കഴിഞ്ഞ മാസം അങ്കണവാടി കുട്ടികൾ സഞ്ചരിച്ച ബസ് താഴചയിലേക്ക് മറിഞ്ഞ് കുട്ടികൾക്ക് പരിക്കേറ്റു. മുന്പ് മണ്ണാർക്കാട് നിന്ന് കരുവാരകുണ്ട് ഭാഗത്തേക്ക് വന്നിരുന്ന കോഴി വണ്ടിയും പാൽവണ്ടിയും വട്ടമലയിൽ മറിഞ്ഞ് മരണം സംഭവിച്ചിരുന്നു. കരുവാരകുണ്ടിലേക്ക് ഒറ്റമൂലി ചികിത്സക്കായി പാലക്കാട് നിന്ന് വന്നിരുന്ന കുടുംബം സഞ്ചരിച്ച ഓട്ടോറിക്ഷ വട്ടമലയിലെ ഇറക്കത്തിൽ മറിഞ്ഞ് ഗൃഹനാഥൻ മരണപ്പെടുകയും ചെയ്തിരുന്നു. കരുവാരകുണ്ടിൽ നിന്ന് എടത്തനാട്ടുകരയിലേക്ക് എത്താനുള്ള ദൂരം കുറഞ്ഞ മലന്പാതയാണിത്. മല മുകളിലൂടെയുള്ള യാത്ര ഹൃദ്യമായ അനുഭവമാണ്. എന്നാൽ ഇവിടെ വലിയ അപകടം പതിയിരിക്കുന്നുണ്ട്. ചെങ്കുത്തായ കയറ്റിറക്കങ്ങളും വളവുകളും ഒപ്പം റോഡിന്‍റെ വീതി കുറവുമെല്ലാം അപകടത്തെ ക്ഷണിച്ച് വരുത്തുന്നു. എടത്തനാട്ടുകരയിൽ നിന്ന് കരുവാരകുണ്ട് ഭാഗത്തേക്ക് വരുന്ന വാഹനങ്ങൾ വട്ടമലയിലെ ഇറക്കമിറങ്ങുന്പോഴാണ് അപകടങ്ങൾ സംഭവിക്കുന്നത്. വളവ് കുറച്ച് റോഡിന് വീതി കൂട്ടിയാൽ നിലവിലെ പ്രശ്നങ്ങൾക്കെല്ലാം ശാശ്വത പരിഹാരമായേക്കും.

ഉപതെരെഞ്ഞടുപ്പ്: 315 വോട്ടിംഗ് മെഷീനുകൾ തെരഞ്ഞെടുത്തു

മലപ്പുറം: നിലന്പൂർ ഉപതെരഞ്ഞെടുപ്പിൽ ഉപയോഗിക്കുന്നതിനായി 315 വോട്ടിംഗ് യന്ത്രങ്ങളും (315 വീതം കണ്‍ട്രോൾ- ബാലറ്റ് യൂണിറ്റുകൾ) 341 വിവിപാറ്റുകളും ഒന്നാംഘട്ട റാൻഡമൈസേഷൻ വഴി തെരഞ്ഞെടുത്തു. മണ്ഡലത്തിൽ 263 പോളിംഗ് ബൂത്തുകളാണുള്ളത്. കണ്‍ട്രോൾ- ബാലറ്റ് യൂണിറ്റുകൾ 20 ശതമാനവും വിവിപാറ്റുകൾ 30 ശതമാനവും റിസർവ് ഉൾപ്പെടെയാണ് മാറ്റിവച്ചത്. ജില്ലാ തെരഞ്ഞെടുപ്പ് ഓഫീസറായ കളക്ടർ വി.ആർ. വിനോദിന്‍റെ നേതൃത്വത്തിൽ രാഷ്ട്രീയപാർട്ടി പ്രതിനിധികളുടെ സാന്നിധ്യത്തിലാണ് ഇലക്ഷൻ കമ്മീഷന്‍റെ സോഫ്റ്റ് വെയർ വഴി വോട്ടിംഗ് യന്ത്രങ്ങൾ തെരഞ്ഞെടുത്തത്. സീരിയൽ നന്പറുകളുടെ അടിസ്ഥാനത്തിൽ ഇവിഎം കണ്‍ട്രോൾ യൂണിറ്റുകളും ബാലറ്റ് യൂണിറ്റുകളും വിവിപാറ്റുകളും തെരഞ്ഞെടുക്കുന്ന പ്രക്രിയയാണിത്. തുടർന്ന് വോട്ടിംഗ് ഉപകരണങ്ങൾ സൂക്ഷിച്ചിട്ടുള്ള വെയർ ഹൗസിൽ വച്ച് തെരഞ്ഞെടുത്ത മെഷീനുകൾ രാഷ്ട്രീയ പാർട്ടി പ്രതിനിധികളുടെ സാന്നിധ്യത്തിൽ മാറ്റിവച്ചു. രണ്ടാംഘട്ട റാൻഡമൈസേഷൻ വഴിയാണ് മണ്ഡലത്തിലെ ഓരോ ബൂത്തിലേക്കും ഏത് വോട്ടിംഗ് യന്ത്രം ഉപയോഗിക്കണമെന്ന് തീരുമാനിക്കുന്നത്.

ലോകപുകയിലവിരുദ്ധ ദിനാചരണം നടത്തി

മഞ്ചേരിയിൽ മാരത്തണ്‍ നടത്തി മഞ്ചേരി: തിമിർത്തു പെയ്യുന്ന മഴയയെ അവഗണിച്ച് പ്രായം ചെന്നവരടക്കം എഴുപതോളം പേർ പങ്കെടുത്ത മാരത്തണ്‍ ശ്രദ്ധേയമായി. ലോകപുകയിലവിരുദ്ധ ദിനത്തോടനുബന്ധിച്ച് മഞ്ചേരി എക്സൈസ് സർക്കിൾ ഓഫീസും ചുള്ളക്കാട് വാക്കിംഗ് എക്സസൈസ് യോഗ ക്ലബും സംയുക്തമായാണ് മാരത്തണ്‍ സംഘടിപ്പിച്ചത്. റണ്‍ എഗൈൻസ്റ്റ് ടുബാക്കോ ആൻഡ് ഡ്രഗ് എന്ന മുദ്രാവാക്യവുമായി സംഘടിപ്പിച്ച മാരത്തണ്‍ മഞ്ചേരി ഇന്ത്യൻ മാൾ പരിസരത്ത് എക്സൈസ് സർക്കിൾ ഇൻസ്പെക്ടർ ഇ. ജിനീഷ് ഫ്ളാഗ് ഓഫ് ചെയ്തു. ക്ലബ് പ്രസിഡന്‍റ് എം.പി. ഹംസ കുരിക്കൾ, വൈസ് പ്രസിഡന്‍റ് ഖാലിദ് മഞ്ചേരി, ട്രഷറർ അസ്കർ, കുഞ്ഞുമുഹമ്മദ് കുരിക്കൾ തുറക്കൽ എന്നിവർ നേതൃത്വം നൽകി. സമാപന ചടങ്ങിൽ മഞ്ചേരി പോലീസ് ഇൻസ്പെക്ടർ പ്രതാപ്കുമാർ, വിമുക്തി കോ ഓർഡിനേറ്റർ ഗാഥ എന്നിവർ പുകവലിയുടെ ദൂഷ്യഫലങ്ങളെക്കുറിച്ചും അപകടങ്ങളെക്കുറിച്ചും ക്ലാസെടുത്തു. അസിസ്റ്റന്‍റ് എക്സൈസ് ഇൻസ്പെക്ടർമാരായ വിജയൻ, പ്രദീപ്, സിവിൽ എക്സൈസ് ഓഫീസർമാരായ വിനിൽകുമാർ, എം.ടി. ഹരീഷ് ബാബു, ഇർഷാദ്, അതിര, അബ്ദുറഹിമാൻ എന്നിവർ സംസാരിച്ചു. റാലിയും പ്രദർശനവും നടത്തി പെരിന്തൽമണ്ണ: അന്താരാഷ്ട്ര പുകയില വിരുദ്ധദിനത്തോടനുബന്ധിച്ച് പെരിന്തൽമണ്ണ എക്സൈസ്, മെക് 7, വാക്കേഴ്സ് ക്ലബ്, ലഹരി വിരുദ്ധ കൂട്ടായ്മകൾ ചേർന്ന് ’റണ്‍ എഗെയിൻസ്റ്റ് ടുബാക്കോ ആൻഡ് ഡ്രഗ്സ് എന്ന പരിപാടി സംഘടിപ്പിച്ചു. പെരിന്തൽമണ്ണ ടൗണ്‍ സ്ക്വയറിൽ നിന്നരംഭിച്ച് ടൗണ്‍ ചുറ്റി കോടതിപ്പടിയിൽ അവസാനിപ്പിച്ച ചടങ്ങിന് പെരിന്തൽമണ്ണ എക്സൈസ് സർക്കിൾ ഇൻസ്പെക്ടർ വി. അനൂപ് ഫ്ളാഗ് ഓഫ് ചെയ്തു. ഡോ. നിലാർ മുഹമ്മദ്, ഡോ. അബ്ദുസലാം, ഡോ. നഹിം, കെ.ടി. ഹംസ, ഷംസു, എക്സൈസ് ഇൻസ്പെക്ടർ എം. യൂനസ് എന്നിവർ പ്രസംഗിച്ചു. ലഹരി വിരുദ്ധ പ്രതിജ്ഞയുമെടുത്തു. പെരിന്തൽമണ്ണ: പുകവലി വിരുദ്ധദിനത്തോടനുബന്ധിച്ച് മൗലാന കോളജ് ഓഫ് ഫാർമസി പോസ്റ്റർ പ്രദർശനം സംഘടിപ്പിച്ചു. പുകവലിയുടെ ഭവിഷ്യത്തിനെക്കുറിച്ച് സമൂഹത്തെ ബോധവത്കരിക്കുക എന്ന ലക്ഷ്യത്തോടെയാണ് പരിപാടി സംഘടിപ്പിച്ചത്. ഡിപ്പാർട്ട്മെന്‍റ് ഓഫ് ഫാർമസി പ്രാക്ടീസ്, എൻഎസ്എസ് യൂണിറ്റ് എന്നിവർ സംയുക്തമായി നടത്തിയ പ്രദർശനത്തിന് ഒന്നാം വർഷ ഡിഫാം വിദ്യാർഥികൾ നേതൃത്വം നൽകി. മൗലാന ഫാർമസി കോളജ് കാന്പസിൽ സംഘടിപ്പിച്ച പ്രദർശനം പെരിന്തൽമണ്ണ പാലിയേറ്റീവ് കോ ഓർഡിനേറ്റർ കുറ്റീരി മാനുപ്പ ഉദ്ഘാടനം ചെയ്തു. ഫാർമസി കോളജ് വൈസ് പ്രിൻസിപ്പൽ ഡോ. പി.പി.പി. നസീഫ് അധ്യക്ഷത വഹിച്ചു. ഫാർമസി പ്രാക്ടീസ് വകുപ്പ് മേധാവി ഡോ.സി. മുഹാസ്, എൻഎസ്എസ് പ്രോഗ്രാം കണ്‍വീനർ സൂര്യനാരായണൻ, ഡോ. കെ. അബ്ദുൾ വാജിദ്, കെ. റാഷിദ്,ഡോ.ടി.എസ്. കൃഷ്ണേന്ദു, എം.വി. ഷംസീത, കെ.കെ. ആയിശ ഹിബ, കെ.പി. സ്വാതി എന്നിവർ പ്രസംഗിച്ചു. പുകയില വിൽപ്പന കേന്ദ്രങ്ങളിൽ പരിശോധന നടത്തി മഞ്ചേരി: ലോക പുകയില വിരുദ്ധദിനത്തിന്‍റെ ഭാഗമായി നഗരസഭ, ഗവണ്‍മെന്‍റ് മെഡിക്കൽ കോളജ്, പോലീസ് എന്നിവയുടെ നേതൃത്വത്തിൽ പരിശോധന നടത്തി. മെഡിക്കൽ കോളജ് അടക്കമുള്ള വിവിധ വിദ്യാഭ്യാസ സ്ഥാപന പരിസരങ്ങളിൽ പുകയില ഉത്പന്നങ്ങൾ വിൽക്കുന്ന പത്തോളം സ്ഥാപനങ്ങളിൽ പരിശോധന നടത്തി. ഉത്പന്നങ്ങൾ പിടിച്ചെടുത്ത സ്ഥാപനങ്ങൾക്ക് പിഴ ഈടാക്കി. പരിശോധനയുടെ ഭാഗമായി മെഡിക്കൽ കോളജിൽ പുകയില വിരുദ്ധ ആരോഗ്യ ബോധവത്ക്കരണ ക്ലാസ് സംഘടിപ്പിച്ചു. മഞ്ചേരി നഗരസഭ ആരോഗ്യ വിഭാഗം ക്ലീൻസിറ്റി മാനേജർ ജെ.എ. നുജൂം, പബ്ലിക് ഹെൽത്ത് ഇൻസ്പെക്ടർമാരായ റെജി തോമസ്, സി. രതീഷ്, റിൽജു മോഹൻ, എസ്ഐ കെ. വിശ്വനാഥൻ, സിവിൽ പോലീസ് ഓഫിസർമാരായ മുഹമ്മദ് ഷാഫി, കൃഷ്ണദാസ്, രാജേഷ്, മെഡിക്കൽ കോളജ് സൂപ്രണ്ട് ഡോ. ആർ. പ്രഭുദാസ്, പിആർഒ സി. അലിബാപ്പു, ജഐച്ച്ഐമാരായ ഷിനോയ്, രേഷ്മ എന്നിവർ പരിശോധനക്ക് നേതൃത്വം നൽകി. പിടിച്ചെടുത്ത പുകയില ഉത്പന്നങ്ങൾ നശിപ്പിച്ചു.

കനത്ത മഴയിൽ സംസ്ഥാനപാതയിൽ വെള്ളക്കെട്ട് രൂക്ഷം

ചങ്ങരംകുളം: കനത്ത മഴ തുടരുന്നതിനിടെ സംസ്ഥാനപാതയിൽ വെള്ളക്കെട്ട് രൂക്ഷമായി. ചങ്ങരംകുളം ചിയ്യാനൂർപാടത്ത് റോഡരികിലെ കടകളിലും വീടുകളിലും വെള്ളം കയറിയിട്ടുണ്ട്. പാതയോരത്തെ ഡ്രൈനേജുകൾ പലതും മണ്ണും ചെളിയും മറ്റു മാലിന്യങ്ങളും വന്നടിഞ്ഞ് കിടക്കുകയാണ്. പലസ്ഥലത്തും മരങ്ങളും മരക്കൊന്പുകളും വീണ് വൈദ്യുതി ബന്ധങ്ങളും താറുമാറായി. താഴ്ന്ന പ്രദേശങ്ങൾ വെള്ളത്തിലാണ്. പലയിടത്തും മതിലുകളും കിണറുകളും ഇടിഞ്ഞ് വീണു. താഴ്ന്ന പ്രദേശങ്ങളിൽ താമസിക്കുന്നവർ ജാഗ്രത പാലിക്കണമെന്ന് അധികൃതർ മുന്നറിയിപ്പ് നൽകി. വയലുകളും തോടുകളും കരകവിഞ്ഞൊഴുകാൻ തുടങ്ങിയതോടെ ഗ്രാമീണ റോഡുകളിലും വെള്ളം കയറിയ അവസ്ഥയിലാണ്.

കിംസ് അൽശിഫയിൽ ഇന്‍റർവെൻഷണൽ റേഡിയോളജി വിഭാഗം തുടങ്ങി

പെരിന്തൽമണ്ണ: ശസ്ത്രക്രിയ കൂടാതെ അതിനൂതന ഇന്‍റർവെൻഷണൽ രീതികളുപയോഗിച്ച് അസുഖങ്ങൾ സുഖപ്പെടുത്തുന്ന സന്പൂർണ ഇന്‍റർവെൻഷണൽ റേഡിയോളജി വിഭാഗം പെരിന്തൽമണ്ണ കിംസ് അൽശിഫ ഹോസ്പിറ്റലിൽ പ്രവർത്തനമാരംഭിച്ചു. ഗർഭാശയ മുഴകൾ, ശരീരത്തിലെ വിവിധ ഭാഗങ്ങളിലുണ്ടാകുന്ന മുഴ, ഞരന്പുകളിലെ ബ്ലോക്ക് തുടങ്ങിയവ ശസ്ത്രക്രിയ കൂടാതെയും സങ്കീർണമായ ബയോപ്സി ടെസ്റ്റുകളും ഇതിലൂടെ ചെയ്യാവുന്നതാണ്. വേദന രഹിതവും കുറഞ്ഞ ആശുപത്രിവാസവും മറ്റു സങ്കീർണതകൾ ഇല്ലാതെയും രോഗിയെ ചികിത്സിക്കുക വഴി അടുത്ത ദിവസം തന്നെ ദൈനംദിന കാര്യങ്ങളിൽ ഏർപ്പെടാം. ഇതിനായി പ്രത്യേകം സജ്ജമാക്കിയ ഒപി ഡി പ്രൊസീജിയർ റൂം, കാത്ത്ലാബ്, അത്യാധുനിക ഉപകരണങ്ങൾ, ഈ രംഗത്ത് കഴിവ് തെളിയിച്ച നഴ്സിംഗ്, പാരാമെഡിക്കൽ സ്റ്റാഫുകളുടെ സേവനം ലഭ്യമാണ്. അൽശിഫ ഇന്‍റർവെൻഷണൽ റേഡിയോളജി വിഭാഗത്തിന്‍റെ ഉദ്ഘാടനം കിംസ് അൽശിഫ വൈസ് ചെയർമാൻ ഡോ. പി. ഉണ്ണീന്‍റെ അധ്യക്ഷതയിൽ പാണക്കാട് സയ്യിദ് മുനവറലി ശിഹാബ് തങ്ങൾ നിർവഹിച്ചു. നജീബ് കാന്തപുരം എംഎൽഎ ഡെന്‍റൽ എക്സ്-റേ ഒപിജി യൂണിറ്റിന്‍റെ ഉദ്ഘാടനവും നിർവഹിച്ചു. ഡയറക്ടർമാരായ പിലാക്കൽ ഹംസ, അബ്ദുൾ റസാക്ക്, ഡോ.അമീൻ, മുഹമ്മദ് ഫൈസൽ, ബ്ലോക്ക് പഞ്ചായത്ത് പ്രസിഡന്‍റ് എ.കെ. മുസ്തഫ, ഹോസ്പിറ്റൽ സിഇഒ കെ.സി. പ്രിയൻ, മെഡിക്കൽ സൂപ്രണ്ട് ഡോ. യഹിയ, ഡോ.ഇ.ജി.മോഹൻ കുമാർ, ഡോ.ഷാഹുൽ ഹമീദ്, ഡോ.കെ. സാജൻ, ഡോ. സയ്യിദ് മൊയ്നുള്ള, ഡോ.ഫെബിന, ഡോ. മുഹമ്മദ് ഇർഷാദ്, ഡോ. ജിതിൻ ബിനോയ് ജോർജ്, ഡോ. മൊയ്തീൻ ബാബു, ഡോ. അബ്ദുറഹിമാൻ, ഡോ.ഗണേശൻ, ഡോ.സൗമ്യ, ഡോ. മഹസൂമ എന്നിവർ പങ്കെടുത്തു. ഈ വിഭാഗത്തിന്‍റെ സേവനങ്ങൾക്ക് ഫോണ്‍: 8078777710.

മഞ്ചേരിയിൽ വാർഡ് വിഭജനം പൂർത്തിയായി; ഇനി 53 വാർഡുകൾ

മഞ്ചേരി: തദ്ദേശ സ്ഥാപനങ്ങളുടെ വാർഡ് വിഭജനം പൂർത്തിയാക്കി. മഞ്ചേരി നഗരസഭയിൽ ഇനി 53 വാർഡുകൾ. നിലവിൽ 50 വാർഡുകളുള്ള നഗരസഭയിൽ പുതുതായി മൂന്ന് വാർഡുകൾ കൂടി രൂപം കൊണ്ടു. മഞ്ചേരി, പയ്യനാട്, നറുകര എന്നീ മൂന്ന് വില്ലേജുകളിലായാണ് ഓരോ വാർഡുകൾ അധികരിച്ചത്. എട്ട് വാർഡുകളുടെ പേരുകളിൽ മാറ്റം വന്നു. നഗരസഭയിലെ മുഴുവൻ വാർഡുകളുടെയും അതിർത്തി പുനർനിർണയിച്ചു. വീടുകളുടെ എണ്ണം, ജനസംഖ്യ, ഭൂപ്രകൃതി എന്നിവ പരിഗണിച്ചാണ് വിഭജനം നടത്തിയത്. നേരത്തെ കരട് പ്രസിദ്ധീകരിച്ച് ആക്ഷേപങ്ങളും അഭിപ്രായങ്ങളും പരിഗണിച്ചാണ് വാർഡ് വിഭജനം പൂർത്തിയാക്കിയത്. പരാതിയുടെ അടിസ്ഥാനത്തിൽ മൂന്ന് വാർഡുകളുടെ അതിർത്തി മാറ്റി നിർണയിച്ചിരുന്നു. ഇതോടെ പൊന്നാനി നഗരസഭക്ക് പുറമെ മഞ്ചേരിയിലും 53 വാർഡുകളായി. സംസ്ഥാനത്ത് ഏറ്റവും കൂടുതൽ വാർഡുകളുള്ള മുനിസിപ്പാലിറ്റികളാണിത്. 1500 മുതൽ 2000 വരെയാണ് ഓരോ വാർഡിലെയും ജനസംഖ്യ നിശ്ചയിച്ചിട്ടുള്ളത്. 34-ാം വാർഡായ കോടതിപ്പടിയിലാണ് ഏറ്റവും കൂടുതൽ ജനസംഖ്യയുള്ളത്. 1994 പേരാണ് ഈ വാർഡിൽ ഉൾപ്പെട്ടിട്ടുള്ളത്. 47-ാം വാർഡായ പട്ടർകുളത്ത് 1982 പേരും ഇടംപിടിച്ചു. പത്താം വാർഡായ കോഴിക്കാട്ടുകുന്ന്, 23-ാം വാർഡായ കിഴക്കെകുന്ന് എന്നിവിടങ്ങളിലാണ് ഏറ്റവും കുറവ് ജനസംഖ്യ. 1678 പേരാണ് ഈ രണ്ട് വാർഡുകളിലുമുള്ളത്.

കടുവാഭീഷണി: മലയോര സംരക്ഷണ സമിതി പ്രതിഷേധ മാർച്ച് നടത്തി

കാളികാവ്: കാളികാവ് ബ്ലോക്ക് മലയോര സംരക്ഷണ സമിതി ജനകീയ പ്രതിഷേധ റാലിയും പൊതുയോഗവും സംഘടിപ്പിച്ചു. അടക്കാകുണ്ട് റാവുത്തൻകാട്ടിൽ ടാപ്പിംഗ് തൊഴിലാളിയെ അക്രമിച്ച് കൊലപ്പെടുത്തിയ കടുവയെ 15 ദിവസമായിട്ടും പിടികൂടാത്തതിൽ പ്രതിഷേധിച്ചാണ് മലയോര മേഖല സംരക്ഷണ സമിതി പ്രതിഷേധ മാർച്ചും സംഗമവും നടത്തിയത്. കാളികാവ് ബ്ലോക്ക് ഓഫീസ് പരിസരത്ത് നിന്നാരംഭിച്ച മാർച്ച് അങ്ങാടി ബസ് സ്റ്റാൻഡിൽ പ്രതിഷേധ സമ്മേളനത്തോടെ സമാപിച്ചു. കാളികാവ് ബ്ലോക്ക് പഞ്ചായത്ത് പ്രസിഡന്‍റ് കെ.തങ്കമ്മു ഉദ്ഘാടനം ചെയ്തു. വിവിധ മത, സാമൂഹിക, രാഷ്ട്രീയ പ്രവർത്തകർ അണിനിരന്ന പ്രതിഷേധ സംഗമത്തിൽ കിഫ സംസ്ഥാന സെക്രട്ടറി അഡ്വ.അലക്സ് ഒഴുകയിൽ മുഖ്യപ്രഭാഷണം നടത്തി. മലയോര സംരക്ഷണ സമിതി ചെയർമാൻ വാടയിൽ സക്കീർ അധ്യക്ഷത വഹിച്ചു. കാളികാവ് ഗ്രാമപഞ്ചായത്ത് വൈസ് പ്രസിഡന്‍റ് കെ.സുബൈദ, കരുവാരകുണ്ട് ഗ്രാമപഞ്ചായത്ത് വൈസ് പ്രസിഡന്‍റ് മഠത്തിൽ ലത്തീഫ്, ജോജി കെ. അലക്സ്, ജോഷി റാത്തപിള്ളി, റഷീദ് കാരയിൽ, സാജിത, അടക്കാകുണ്ട് സെന്‍റ് ജോർജ് പള്ളി വികാരി ഫാ. നിർമൽ, ഫാറൂഖ് വാഫി, എസ്.കെ. ശശികുമാർ, ശൈലേഷ് പട്ടിക്കാടൻ, സിപിഎം ലോക്കൽ സെക്രട്ടറി രാമചന്ദ്രൻ എന്ന കുട്ടൻ, അഷ്റഫ് ദോസ്ത്, കെ.അബ്ദുറഹ്മാൻ എന്നിവർ പ്രസംഗിച്ചു.

എസ്ഡിപിഐ സ്ഥാനാർഥി പത്രിക നൽകി

നിലന്പൂർ: എസ്ഡിപിഐ സ്ഥാനാർഥി അഡ്വ. സാദിഖ് നടുത്തൊടി നാമനിർദേശ പത്രിക സമർപ്പിച്ചു. ഇന്നലെ ഉച്ചക്ക് മൂന്നിന് സംസ്ഥാന ജനറൽ സെക്രട്ടറി റോയ് അറയ്ക്കൽ, ജില്ലാ പ്രസിഡന്‍റ് അൻവർ പഴഞ്ഞി, തെരഞ്ഞെടുപ്പ് കമ്മിറ്റി ചെയർമാൻ ഉസ്മാൻ കരുളായി എന്നിവർക്കൊപ്പമാണ് ഉപവരണാധികാരി നിലന്പൂർ തഹസിൽദാർ എം.പി. സിന്ധുവിന്‍റെ മുന്പാകെ പത്രിക സമർപ്പിച്ചത്. നിലന്പൂരിന്‍റെ രാഷ്ട്രീയ പശ്ചാത്തലത്തിൽ വോട്ടർമാർ അതൃപ്തരാണെന്നും രാഷ്ട്രീയവും വികസനവും ചർച്ചയായി ഉയർന്നു തുടങ്ങിയത് മണ്ഡലത്തിൽ വിചിന്തനത്തിന് വഴിയൊരുക്കാൻ സാധ്യതയുണ്ടെന്നും റോയ് അറക്കൽ പറഞ്ഞു. സ്ഥാനാർഥി അഡ്വ. സാദിഖ് നടുത്തൊടി ഇന്ന് വിവിധ പഞ്ചായത്തുകളിൽ നടക്കുന്ന കണ്‍വൻഷനുകളിൽ പങ്കെടുക്കും.

തെരഞ്ഞെടുപ്പ് പ്രചാരണം; അനുമതി ’സുവിധ’യിലൂടെ

നിലന്പൂർ: ഉപതെരഞ്ഞെടുപ്പുമായി ബന്ധപ്പെട്ട് വിവിധ അനുമതികൾക്ക് സുവിധ പോർട്ടൽ ഉപയോഗിക്കണമെന്ന് ജില്ലാ കളക്ടർ അറിയിച്ചു. തെരഞ്ഞെടുപ്പ് പൊതുയോഗങ്ങൾ, റാലികൾ, പ്രകടനങ്ങൾ എന്നിവ നടത്തുന്നതിനും ഉച്ചഭാഷിണി, പ്രചാരണത്തിനുള്ള വാഹനങ്ങൾ, ഹെലിപാഡുകൾ എന്നിവ ഉപയോഗിക്കുന്നതിനുള്ള ഏകജാലക ഓണ്‍ലൈൻ സംവിധാനമാണ് സുവിധ. അപേക്ഷ നൽകുന്നതിനായി suvidha.eci.gov. in വെബ്സൈറ്റിൽ രജിസ്റ്റർ ചെയ്ത് പ്രവേശിക്കണം. സുവിധ ആപ് വഴിയും സേവനങ്ങൾ ലഭിക്കും. എല്ലാ അപേക്ഷകളും 48 മണിക്കൂർ മുന്പ് നൽകണം. പോലീസ് സ്റ്റേഷനുകളിൽ നേരിട്ട് അപേക്ഷ നൽകിയാൽ മാത്രമേ മുൻകാലങ്ങളിൽ അനുമതി ലഭിച്ചിരുന്നുള്ളൂ. ഓണ്‍ലൈനായി രജിസ്റ്റർ ചെയ്താൽ വിവിധ ഓഫീസുകളിൽ നിന്ന് നടപടിക്രമങ്ങൾ പൂർത്തിയാക്കി ചുരുങ്ങിയ സമയത്തിനകം അനുമതി ലഭിക്കും. ഏതെങ്കിലും കാരണത്താൽ അപേക്ഷ നിരസിച്ചാൽ ആ വിവരവും പോർട്ടലിൽ അറിയാം. മൊബൈൽ നന്പർ നൽകിയാണ് രജിസ്റ്റർ ചെയ്യേണ്ടത്. അനുമതിക്കായി അപേക്ഷ സമർപ്പിക്കുന്നതിനൊപ്പം തന്നെ അനുബന്ധ രേഖകൾ അപ്ലോഡ് ചെയ്യാനും കഴിയും. അപേക്ഷ നൽകി അൽപ്പ സമയത്തിനകം അനുമതി നൽകിയോ നിരസിച്ചോ എന്ന് വെബ്സൈറ്റിൽ നിന്ന് അറിയാം.

തെരഞ്ഞെടുപ്പ്: ഗ്രീൻ പ്രോട്ടോക്കോൾ പാലിക്കണം

നിലന്പൂർ: നിലന്പൂർ ഉപതെരഞ്ഞെടുപ്പുമായി ബന്ധപ്പെട്ട എല്ലാ പ്രവർത്തനങ്ങളിലും പ്രചാരണങ്ങളിലും ഗ്രീൻ പ്രോട്ടോക്കോൾ കർശനമായി പാലിക്കണമെന്ന് ജില്ലാ തെരഞ്ഞെടുപ്പ് ഉദ്യോഗസ്ഥനായ കളക്ടർ വി.ആർ. വിനോദ് നിർദേശം നൽകി. പ്രചാരണ വസ്തുക്കളിൽ പ്ലാസ്റ്റിക്, പിവിസി തുടങ്ങിയവ അനുവദനീയമല്ലെന്നും പൂർണമായും റീസൈക്കിൾ ചെയ്യാൻ സാധിക്കുന്ന വസ്തുക്കൾ മാത്രമേ ഉപയോഗിക്കാൻ പാടുള്ളൂവെന്നും ഇത് സംബന്ധിച്ച് നടന്ന രാഷ്ട്രീയ പാർട്ടി പ്രതിനിധികളുടെ യോഗത്തിൽ കളക്ടർ നിർദേശം നൽകി. കൊടികൾ, തോരണങ്ങൾ തുടങ്ങിയവ പ്ലാസ്റ്റിക്കോ പിവിസിയോ ആകാൻ പാടില്ല. പരസ്യങ്ങൾ, ബോർഡുകൾ തുടങ്ങിയവ കോട്ടണ്‍, പേപ്പർ, പോളി എത്തിലീൻ തുടങ്ങിയവ കൊണ്ട് നിർമിച്ചത് വേണം. പ്ലാസ്റ്റിക്കിന്‍റെ അംശം ഉള്ളതോ പ്ലാസ്റ്റിക് കോട്ടിംഗ് ഉള്ളതോ ആയ പ്രചാരണ വസ്തുക്കളും ഉപയോഗിക്കരുത്. അതോടൊപ്പം സ്ഥാനാർഥിയുടെയോ രാഷ്ട്രീയ പാർട്ടികളുടെയോ ഓഫീസ് അലങ്കരിക്കുന്നതിനും പ്ലാസ്റ്റിക്, ഫ്ളക്സ് തുടങ്ങിയവ ഉപയോഗിക്കാൻ പാടില്ല. അംഗീകൃതമായി ഉപയോഗിക്കാവുന്ന പ്രചാരണ വസ്തുക്കളിൽ കൃത്യമായ ക്യൂർആർ കോഡ് ഉണ്ടായിരിക്കണം. ഈ കോഡ് സ്കാൻ ചെയ്യുന്പോൾ കേന്ദ്ര മലിനീകരണ നിയന്ത്രണ ബോർഡ് അനുവദിച്ച ലൈസൻസ് ലഭ്യമാകണം. അനുവദനീയമായതല്ലാത്ത പ്രചാരണ വസ്തുക്കൾ, ബോർഡുകൾ, കൊടി തോരണങ്ങൾ തുടങ്ങിയവ എൻഫോഴ്സ്മെന്‍റ് സ്കോഡുകൾ മുഖേന നീക്കം ചെയ്യുമെന്ന് ജില്ലാ കളക്ടർ അറിയിച്ചു. നടപടി സ്വാഗതാർഹമാണെന്നും നിരോധിത വസ്തുക്കൾ ഉപയോഗിച്ചുള്ള പ്രചാരണ സാമഗ്രികൾ ഉപയോഗിക്കില്ലെന്നും യോഗത്തിൽ പങ്കെടുത്ത എല്ലാ രാഷ്ട്രീയ പാർട്ടികളുടെയും പ്രതിനിധികൾ അറിയിച്ചു.

പോളിംഗ് ലൊക്കേഷനുകൾ കണ്ടെത്താൻ ജിഐഎസ് പോർട്ടൽ ’സുതാര്യം’

മലപ്പുറം: പോളിംഗ് ബൂത്തുകളുടെ ലൊക്കേഷനുകൾ ഉൾപ്പെടെയുള്ള വിവരങ്ങൾ എളുപ്പത്തിൽ കണ്ടെത്തുന്നതിനായി സംസ്ഥാന മുഖ്യതെരഞ്ഞെടുപ്പ് ഓഫീസറുടെ കാര്യാലയവും കേരള സ്റ്റേറ്റ് റിമോട്ട് സെൻസിംഗ് ആൻഡ് എൻവയോണ്‍മെന്‍റ് സെന്‍ററും ചേർന്ന് ’സുതാര്യം’ എന്ന പേരിൽ സംയോജിത ജിഐഎസ് പോർട്ടൽ തുടങ്ങി. പോർട്ടലിന്‍റെ ലോഞ്ചിംഗ് മുഖ്യതെരഞ്ഞെടുപ്പ് ഓഫീസർ ഡോ. രത്തൻ യു. കേൽകർ ഓണ്‍ലൈനായി നിർവഹിച്ചു. നിലന്പൂർ ഉപതെരഞ്ഞെടുപ്പിൽ പരീക്ഷണാടിസ്ഥാനത്തിൽ നടപ്പാക്കുന്ന പോർട്ടൽ 2026 നിയമസഭാ തെരഞ്ഞെടുപ്പിൽ സംസ്ഥാന വ്യാപകമായി നടപ്പാക്കാൻ ഉദ്ദേശിക്കുന്നതായി മുഖ്യതെരഞ്ഞെടുപ്പ് ഓഫീസർ പറഞ്ഞു. തെരഞ്ഞെടുപ്പ് പ്രക്രിയയുടെ സുതാര്യവും കാര്യക്ഷമവുമായ നിർവഹണം ഉറപ്പാക്കുകയാണ് പോർട്ടലിന്‍റെ പ്രാഥമിക ലക്ഷ്യം. ബൂത്ത് ലൊക്കേഷനുകൾ, വോട്ടർമാരുടെ എണ്ണം, ബൂത്തിനു സമീപമുള്ള സർക്കാർ ഓഫീസുകളുടെ വിവരം എന്നിവ പൊതുജനങ്ങൾക്ക് എളുപ്പത്തിൽ കണ്ടെത്താൻ കഴിയും. തെരഞ്ഞെടുപ്പ് ഉദ്യോഗസ്ഥർക്കും പൊതുജനങ്ങൾക്കും പോർട്ടൽ ഉപയോഗപ്രദമാകും. കളക്ടർ വി.ആർ. വിനോദ്, നിലന്പൂർ മണ്ഡലം വരണാധികാരി അപൂർവ ത്രിപാഠി എന്നിവരും ഓണ്‍ലൈനായി ചടങ്ങിൽ പങ്കെടുത്തു. താഴെ ലിങ്കും ക്യൂആർ കോഡും ഉപയോഗിച്ച് പോർട്ടലിൽ പ്രവേശിക്കാം. https://ksrec.in/sutharyam.

നിലന്പൂരിൽ റോഡ് ഷോയ്ക്കിടെ നേരിയ സംഘർഷം

നിലന്പൂർ: നിലന്പൂർ ഉപതെരഞ്ഞെടുപ്പിൽ യുഡിഎഫും എൽഡിഎഫും നേർക്കുനേർ പോരാട്ടം തുടങ്ങി. ഇന്നലെ ഇരുമുന്നണികളുടെയും റോഡ് ഷോക്കിടെ നഗരത്തിൽ നേരിയ സംഘർഷമുണ്ടായി. എൽഡിഎഫ് സ്ഥാനാർഥി എം. സ്വരാജിനെ നിലന്പൂർ റെയിൽവേ സ്റ്റേഷനിൽ നിന്ന് സ്വീകരിച്ചാനയിച്ച് എൽഡിഎഫ് നടത്തിയ പ്രകടനവും യുഡിഎഫ് സ്ഥാനാർഥി ആര്യാടൻ ഷൗക്കത്ത് നാമനിർദേശ പത്രിക സമർപ്പിക്കുന്നതിന് മുന്നോടിയായി നടത്തിയ റോഡ്ഷോയും കടന്നുപോയ ശേഷമാണ് നിലന്പൂർ ആശുപത്രി റോഡ് ജംഗ്ഷനിൽ നേരിയ സംഘർഷമുണ്ടായത്. പ്രകടനങ്ങൾ മുന്നോട്ട് പോയ ശേഷവും ജംഗ്ഷനിൽ നിലയുറപ്പിച്ച പ്രവർത്തകർ തമ്മിൽ ഉന്തും തള്ളുമുണ്ടാവുകയായിരുന്നു. ഇതോടെ നിലന്പൂർ സിഐ സുനിൽ പുളിക്കലിന്‍റെ നേതൃത്വത്തിലുള്ള പോലീസെത്തി രംഗം ശാന്തമാക്കി. ഈ സമയം ഇരുവിഭാഗത്തിന്‍റെയും പ്രചാരണ വാഹനങ്ങൾ റോഡിന്‍റെ വശങ്ങളിൽ നിർത്തിയിട്ട് അനൗണ്‍സ് ചെയ്തുകൊണ്ടിരുന്നു. അതിനിടെ എത്തിയ മറ്റു വാഹനങ്ങളും മുന്നോട്ട് പോകാനാകാതെ കുടുങ്ങി. പടക്കം പൊട്ടിച്ചും പൂക്കളെറിഞ്ഞും പ്രവർത്തകർ ഉത്സവാന്തരീക്ഷം തീർക്കുകയും ടൗണിന്‍റെ എല്ലാ ഭാഗങ്ങളിലും ഇരുവിഭാഗം പ്രവർത്തകർ നിറയുകയും ചെയ്തത്തോടെ നിലന്പൂർ നഗരം സ്തംഭിച്ചു. ഇരുമുന്നണികളും വിജയ പ്രതീക്ഷ പുലർത്തുന്ന മണ്ഡലത്തിൽ സംസ്ഥാന നേതാക്കളും സംസ്ഥാനത്തിന്‍റെ വിവിധ ഭാഗങ്ങളിൽ നിന്നുള്ള പ്രവർത്തകരും ക്യാന്പ് ചെയ്യുന്നുണ്ട്. എംപിമാരും എംഎൽഎമാരും ഉൾപ്പെടെ നിരവധി യുഡിഎഫ് നേതാക്കൾ ദിവസങ്ങളായി നിലന്പൂരിൽ താമസമാക്കിയിട്ടുണ്ട്. എൽഡിഎഫ് പ്രചാരണ കണ്‍വൻഷൻ ഉദ്ഘാടനം ചെയ്യാൻ ഇന്ന് മുഖ്യമന്ത്രി എത്തുന്നതോടെ എൽഡിഎഫ് ക്യാന്പ് കൂടുതൽ സജീവമാകും. മന്ത്രിമാരും എംഎൽഎമാരും തെരഞ്ഞെടുപ്പ് കഴിയും വരെ മണ്ഡലത്തിൽ ഉണ്ടാകും.

ദേശീയ പഞ്ചഗുസ്തിയിൽ കിരീടം

മങ്കട: ബംഗളുരൂവിൽ നടന്ന ബിസിഎ ദേശീയ പഞ്ചഗുസ്തി ചാന്പ്യൻഷിപ്പിൽ കേരളത്തിന് കിരീടം. ഷംസു മലപ്പുറമായിരുന്നു (ഷംസുദീൻ വലന്പൂർ) കേരള ടീമിന്‍റെ ക്യാപ്റ്റൻ. മാസ്റ്റേഴ്സ് ചാന്പ്യനായി സുഗീഷിനെ തെരഞ്ഞെടുത്തു. വിവിധ ജില്ലകളിൽ നിന്ന് പങ്കെടുത്ത താരങ്ങൾ 37 സ്വർണവും 26 വെള്ളിയും 17 വെങ്കലവും നേടി. 2017 മുതൽ നിരവധി സ്വർണ മെഡൽ കേരളത്തിന് വേണ്ടി നേടിയ ഷംസുദീൻ പെരിന്തൽമണ്ണ എംഇഎസ് ആർട്സ് ആൻഡ് സയൻസ് കോളജിലെജേർണലിസം വിദ്യാർഥിയായിരുന്നു. പട്ടിക്കാട് അൾട്ടിമേറ്റ് ഫിറ്റ്നസ് സെന്‍ററിൽ മാസ്റ്ററാണ്.

പുലിയെ തുറന്നുവിടാനുള്ള നീക്കത്തിൽ പ്രതിഷേധവുമായി എ.പി. അനിൽകുമാർ

നിലന്പൂർ:വനം വകുപ്പിന്‍റെ കൂട്ടിൽ കുടുങ്ങിയ പുലിയെ കരുളായി വനത്തിൽ വീടാനുള്ള നീക്കത്തിൽ പ്രതിഷേധവുമായി കെപിസിസി വർക്കിംഗ് പ്രസിഡന്‍റ് എ.പി.അനിൽകുമാർ എംഎൽഎ. കരുവാരക്കുണ്ട് സിടി എസ്റ്റേറ്റിൽ നരഭോജി കടുവയെ പിടികൂടാൻ സ്ഥാപിച്ച കൂട്ടിൽ കുടുങ്ങിയ പുലിയെ കരുളായി വനത്തിലെ നെടുങ്കയം വനമേഖലയിൽ വിടാനുള്ള നീക്കം ജനങ്ങളോടുള്ള വെല്ലുവിളിയാണെന്നും അനിൽകുമാർ പറഞ്ഞു. കഴിഞ്ഞ 15 നാണ് ടാപ്പിംഗ് തൊഴിലാളിയായ യുവാവിനെ കടുവ കടിച്ച് കൊന്നത്. ഇതേ തുടർന്ന് കടുവയെ പിടികൂടാൻ വനം വകുപ്പ് സ്ഥാപിച്ച കൂട്ടിലാണ് പുലി കുടങ്ങിയത്. കടുവക്ക് പുറമെ പുലി കൂടി എത്തിയതോടെ ജനങ്ങളുടെ ആശങ്ക വർധിച്ചിരിക്കുകയാണ്. വനംവകുപ്പിന്‍റെ കൂട്ടിൽ കുടങ്ങിയ പുലിയെയാണ് 15 കിലോമീറ്റർ മാത്രം അകലെയുള്ള വനമേഖലയിൽ വിടാൻ ഒരുങ്ങുന്നത്. വനം വകുപ്പിന്‍റെയും വകുപ്പ് മന്ത്രിയുടെയും നിഷേധാത്മക നിലപാടാണ് ഇതിന് പിന്നിലുള്ളത്. തൃക്കലങ്ങോട് നിന്നു പിടികൂടിയ പുലിയെ ഒരു മാസം മുന്പ് കരുളായി വനമേഖലയിൽ വിട്ടിരുന്നു. ഈ പുലിയാണോ കൂട്ടിൽ കുടുങ്ങിയതെന്ന് സംശയമുണ്ട്. അതിനാൽ കൂട്ടിൽ കുടുങ്ങിയ പുലിയെ മൃഗശാലയിലേക്ക് മാറ്റണമെന്നും നിലന്പൂരിൽ നടത്തിയ വാർത്താ സമ്മേളനത്തിൽ അനിൽകുമാർ എംഎൽഎ ആവശ്യപ്പെട്ടു. കൂട്ടിൽ കുടുങ്ങിയപ്പോൾ കാലിന് ഉൾപ്പെടെ ചെറിയ പരിക്കേറ്റ സാഹചര്യത്തിൽ ഡിഎഫ്ഒയുടെ നിർദേശ പ്രകാരം പുലിയെ അമരന്പലത്ത് വനം ആർആർടിയിൽ മൂന്ന് ദിവസം നീരീക്ഷണത്തിൽ വയ്ക്കും. പിന്നീട് മലപ്പുറം ജില്ലക്ക് പുറത്തുള്ള വന മേഖലയിലോ മൃഗശാലയിലോ വിടുകയെന്ന് വനം വകുപ്പ് തീരുമാനിക്കും.

അവധിക്കാലത്ത് കുട്ടികളെ ഡിജിറ്റൽ വായനക്കാരാക്കി ഷഫീഖ് മാഷ്

കുറുവ: അവധിക്കാലത്ത് കുട്ടികളിൽ വായനശീലം ഉറപ്പുവരുത്താൻ ഡിജിറ്റൽ വായന സാമഗ്രി ഒരുക്കി ഷഫീഖ് മാഷ്. കുഞ്ഞുവായന എന്ന പേരിൽ ആയിരത്തോളം വായന സാമഗ്രികളാണ് ഇദ്ദേഹം തയാറാക്കിയത്. ദിനംപ്രതി അയ്യായിരത്തിലധികം വായനക്കാരുണ്ട് മാഷിന്‍റെ ’കുഞ്ഞുവായന’ക്ക്. കുട്ടികളിൽ താൽപര്യമുണ്ടാക്കും വിധമുള്ള കുഞ്ഞുവായനകൾ തയാറാക്കി തന്‍റെ ഇൻസ്റ്റഗ്രാം വഴി പങ്കിടുന്നു. കേരളത്തിനകത്തും പുറത്തുമുള്ള വിദ്യാർഥികൾ, രക്ഷിതാക്കൾ, അധ്യാപകർ ഇതിന്‍റെ ഗുണഭോക്താക്കളാണ്. മലയാള ഭാഷാപഠനത്തിൽ ലേഖന, വായന മേഖലകളിൽ പിന്നാക്കാവസ്ഥ നേരിടുന്ന കുട്ടികൾക്കായാണ് ഇതാദ്യമായി തുടങ്ങിയത്. കുറുവ എയുപി സ്കൂളിലെ അധ്യാപകനാണ് . ഷഫീഖ്. പഠന റീലുകൾ ഒരുക്കി പങ്കിടുന്ന ഈ അധ്യാപകൻ സോഷ്യൽ മീഡിയകളിലെ താരവും അധ്യാപക അവാർഡ് ജേതാവുമാണ്. പരേതനായ തുളുവത്ത് അഹമ്മദ്കുട്ടിയുടെയും സഫിയയുടെയും മകനാണ്. അധ്യാപികയായ സഫ റസ്മ ഭാര്യയും ഷിമാസ് അയ്സൽ മകളുമാണ്.

കാട്ടാന ആക്രമണത്തിൽ പൊറുതിമുട്ടി കോടാലിപ്പൊയിൽ നിവാസികൾ

എടക്കര: കാട്ടാന ആക്രമണത്തിൽ പൊറുതിമുട്ടി കോടാലിപ്പൊയിൽ നിവാസികൾ. കാടിറങ്ങിയ ഒറ്റയാൻ നാശംവിതച്ചു. കേടാലിപ്പൊയിൽ പള്ളിപ്പടി അങ്ങാടിയോട് ചേർന്ന നായ്ക്കത്ത് ഹുസൈന്‍റെ മൂപ്പെത്താറായ വാഴകൾ, തെങ്ങ്, കമുക് എന്നിവയാണ് ഒറ്റയാൻ നശിപ്പിച്ചത്. രാത്രി പന്ത്രണ്ട് മണിയോടെയാണ് ആന കൃഷിയിടത്തിലെത്തിയത്. കഴിഞ്ഞ ദിവസം പള്ളിപ്പടി വടക്കുപാടം ഉമ്മർ ഹാജിയുടെ വീടിനോട് ചേർന്ന മതിൽ തകർക്കുകയും വ്യാപകമായി കൃഷി നശിപ്പിക്കുകയും ചെയ്തിരുന്നു. ചക്കക്കാലമായതോടെ ജനവാസസ കേന്ദ്രങ്ങളിലെ കൃഷിയിടങ്ങളിൽ നിന്ന് കാട്ടാനകൾ ഒഴിയുന്നില്ല. ആനകളെ തടയാൻ വനംവകുപ്പ് നടപടി സ്വീകരിക്കാത്തത് ജനങ്ങളെ ആശങ്കയിലാഴ്ത്തിയിരിക്കുകയാണ്. സന്ധ്യയായാൽ വീടിന് പുറത്തിറങ്ങാൻ പറ്റാത്ത അവസ്ഥയിലാണ് കോടാലിപ്പൊയിൽ നിവാസികൾ.

പികെസ് ധർണ നടത്തി

പെരിന്തൽമണ്ണ: പട്ടികജാതി ക്ഷേമ സമിതി പ്രവർത്തകർ പെരിന്തൽമണ്ണ താലൂക്ക് ഓഫീസ് മാർച്ചും ധർണയും നടത്തി. പട്ടികജാതി വിഭാഗക്കാരുടെ ജാതി തെളിയിക്കുന്ന സർട്ടിഫിക്കറ്റ് നൽകുന്നതിൽ ചില ഉദ്യോഗസ്ഥർ അടിസ്ഥാനരഹിതമായ കാരണങ്ങൾ കാണിച്ച് സർട്ടിഫിക്കറ്റ് നിഷേധിക്കുന്നു. ഇതിനെതിരെയാണ് പികഐസ് പ്രവർത്തകർ പ്രതിഷേധിച്ചത്. ധർണാ സമരം പികഐസ് ജില്ലാ ജോയിന്‍റ് സെക്രട്ടറി യു. അജയൻ ഉദ്ഘാടനം ചെയ്തു. ജില്ലാ കമ്മിറ്റിയംഗം കെ. ഷാജി അധ്യക്ഷനായിരുന്നു. ടി.പി. വിജയൻ, ടി.പി. രാമാനുജൻ, എം. ബാബു എന്നിവർ പ്രസംഗിച്ചു.

പെരിന്തൽമണ്ണയിൽ എലിപ്പനി ഗുളിക വിതരണവും ബോധവത്ക്കരണവും

പെരിന്തൽമണ്ണ: പെരിന്തൽമണ്ണ ജില്ലാ ആശുപത്രിയിലെ ശുചീകരണ തൊഴിലാളികൾക്ക് എലിപ്പനി രോഗ പ്രതിരോധ ഗുളികയായ ഡോക്സി സൈക്ലിൻ, ജനറൽ മെഡിസിൻ വിഭാഗംമേധാവി ഡോ. നോബി നെൽസണ്‍ വിതരണം ചെയ്ത് പരിപാടി ഉദ്ഘാടനം ചെയ്തു. മഴക്കാലത്ത് എലിപ്പനി രോഗ സാധ്യത കൂടുതലാണെന്നും ശുചീകരണ പ്രവർത്തനങ്ങളിൽ ഏർപ്പെടുന്നവർ ആഴ്ചയിലൊരിക്കൽ 100 മില്ലിഗ്രമിന്‍റെ രണ്ട് സോക്സി സൈക്ലിൻ ഗുളിക (ആഹാരത്തിന് ശേഷം) കഴിക്കണമെന്നും മലിനജലവുമായി സന്പർക്കത്തിൽ ഏർപ്പെടുന്നവർ വെള്ളം കയറാത്ത ഗംബൂട്ടുകൾ, കണ്ണടകൾ, കട്ടികൂടിയ തൊപ്പികൾ, കൈയുറകൾ ധരിക്കണമെന്നും ആവശ്യപ്പെട്ടു. പനി, തലവേദന, ക്ഷീണം, ശക്തമായ ശരീരവേദന, നടുവേദന, കാൽവണ്ണയിലെ പേശിവേദന, കണ്ണിനു മഞ്ഞനിറം അല്ലെങ്കിൽ ചുവപ്പുനിറം തുടങ്ങിയ ലക്ഷണങ്ങൾ അനുഭവപ്പെട്ടാൽ എലിപ്പനിയാണെന്ന് സംശയിക്കുകയും ഡോക്ടറെ സമീപിക്കുകയും വേണം. ഡോ.നസറുദ്ദീൻ ബോധവത്ക്കരണ ക്ലാസെടുത്തു. നഴ്സിംഗ് സൂപ്രണ്ട് ഇൻചാർജ് സുജാത, സീനിയർ നഴ്സിംഗ് ഓഫീസർ റോക്സി വർഗീസ്,ഹെൽത്ത് ഇൻസ്പെക്ടർ സെന്തിൽകുമാർ, എച്ച്ഐസി ഇൻചാർജ് സീനിയർ നഴ്സിംഗ് ഓഫീസർ ഷീബ എന്നിവർ പ്രസംഗിച്ചു.

വുഷു ചാന്പ്യൻഷിപ്പിൽ ഐഎസ്കെയും വാഴക്കാട് വുഷു ക്ലബും ജേതാക്കൾ

പുലാമന്തോൾ : ജില്ലാ ജൂണിയർ വുഷു ചാന്പ്യൻഷിപ്പ് ഐഎസ്കെ പുലാമന്തോളിൽ സംഘടിപ്പിച്ചു. ജില്ലയിലെ വിവിധ ക്ലബ്ലുകളിൽ നിന്ന് നൂറോളം വിദ്യാർഥികൾ പങ്കെടുത്തു. തൗലു വിഭാഗത്തിൽ 85 പോയിന്‍റുമായി ഐഎസ്കെ പുലാമന്തോൾ ജേതാക്കളായി. 21, 8 പോയിന്‍റുകളുമായി ആസ്ട്രിയ വുഷു ക്ലബും വൈറ്റ് ഡ്രാഗണ്‍ മലപ്പുറവും രണ്ടും മൂന്നും സ്ഥാനം നേടി. സാൻഷു വിഭാഗത്തിൽ വാഴക്കാട് വുഷു ക്ലബ് 42 പോയിന്‍റുമായി വിജയികളായി. 26,19 പോയിന്‍റുകളുമായി പൂക്കുളത്തൂർ വുഷു ക്ലബും വാഴയൂർ വുഷു ക്ലബും രണ്ടും മൂന്നും സ്ഥാനം സ്വന്തമാക്കി. ജില്ലാ സ്പോർട്സ് കൗണ്‍സിൽ അംഗം സുരേഷ് ഉദ്ഘാടനം ചെയ്തു. ജില്ലാ വുഷു അസോസിയേഷൻ പ്രസിഡന്‍റ് മുഹമ്മദലി ഐഎസ്കെ, ഫിറോസ് എന്നിവർ പ്രസംഗിച്ചു. ജൂണ്‍ രണ്ട്, മൂന്ന് തിയതികളിൽ തൃശൂരിൽ നടക്കുന്ന സംസ്ഥാന വുഷു ചാന്പ്യൻഷിപ്പിൽ ഈ വിജയികളെ പങ്കെടുപ്പിക്കുമെന്ന് അസോസിയേഷൻ സെക്രട്ടറി പി.എൻ. സുമേഷ് അറിയിച്ചു.

എടപ്പാളിൽ മണ്ണിടിഞ്ഞു വീണ് അപകടം

ചങ്ങരംകുളം: കനത്ത മഴയിൽ എടപ്പാളിൽ മണ്ണിടിഞ്ഞ് വീണ് അപകടം. പൊന്നാനി റോഡിലെ സ്വകാര്യ കെട്ടിടത്തിന് പിറകിലാണ് മണ്ണിടിഞ്ഞ് വീണത്. കെട്ടിടത്തിന് പിറകിൽ ഉയർന്നു നിൽക്കുന്ന സ്ഥലത്ത് നിന്നാണ് കൂറ്റൻ മണ്‍കൂന താഴേക്ക് പതിച്ചത്. അപകട സമയത്ത് താഴെ നിന്നവർ ഓടി മാറിയതിനാൽദുരന്തമൊഴിവായി. സമീപത്ത് നിർത്തിയിട്ട കാറുകൾക്ക് ചെറിയ രീതിയിൽ കേടുപാടുകൾ സംഭവിച്ചു. കഴിഞ്ഞ വർഷവും ഇതേ സ്ഥലത്ത് മണ്ണിടിഞ്ഞിരുന്നു. നിർത്താതെ പെയ്യുന്ന മഴ ആശങ്ക സൃഷ്ടിക്കുന്നുണ്ട്.

യുവതിയെ കഴുത്തറുത്ത് കൊലപ്പെടുത്തിയ സംഭവം : മഞ്ചേരി കോടതിയിൽ 12 വർഷത്തിന് ശേഷം വധശിക്ഷാവിധി

മഞ്ചേരി: യുവതിയെ കശാപ്പുശാലയിലെത്തിച്ച് കഴുത്തറുത്തു കൊലപ്പെടുത്തിയ ഭർത്താവിനെ മഞ്ചേരി അഡീഷണൽ ജില്ലാ സെഷൻസ് കോടതി (രണ്ട്) മരണം വരെ തൂക്കി കൊല്ലാൻ വിധിച്ച സംഭവം മഞ്ചേരി കോടതിയിൽ ഒരു വ്യാഴവട്ടക്കാലത്തിന്‍റെ ഇടവേളയെടുത്ത് വിധിക്കുന്ന വധശിക്ഷയാണ്. പരപ്പനങ്ങാടി ചുടലപ്പറന്പ് കൊടക്കാട് നെടുവ പഴയകത്ത് നജ്ബുദ്ദീൻ എന്ന ബാബു (44) വിനെയാണ് ജഡ്ജ് എ.വി ടെല്ലസ് ശിക്ഷിച്ചത്. 2017 ജൂലൈ 23നായിരുന്നു കേസിനാസ്പദമായ സംഭവം. സംശയം മൂലം ആദ്യഭാര്യയായ റഹീന(30)യെ പ്രതിയുടെ ഉടമസ്ഥതയിൽ അഞ്ചപ്പുര ബീച്ച് റോഡിലുള്ള ഇറച്ചിക്കടയിൽ കൊണ്ടുപോയി കഴുത്തറുത്ത് കൊലപ്പെടുത്തുകയായിരുന്നു. 12 വർഷം മുന്പ് ജില്ലാ സെഷൻസ് ജഡ്ജിയായിരുന്ന പി.കെ. ഹനീഫയായിരുന്നു മറ്റൊരു കേസിൽ ഇതിനുമുന്പ് വധശിക്ഷ വിധിച്ചത്. മകളുടെ കൂട്ടുകാരിയായ ഒന്പതുകാരിയെ ബലാൽസംഗം ചെയ്തു കൊലപ്പെടുത്തിയ പൂക്കോട്ടുംപാടം ചുള്ളിയോട് പൊന്നാംകല്ല് പാലപ്പറന്പത്ത് അബ്ദുൾനാസറിനെ മരണം വരെ തൂക്കി കൊല്ലാനായിരുന്നു . വിധിച്ചത്. 2013 ജൂലൈ 31നായിരുന്നു വിധി. വിധിക്കെതിരേ പ്രതി അപ്പീൽ നൽകിയെങ്കിലും 2018 ഫെബ്രുവരി 28ന് ഹൈക്കോടതിയും തുടർന്ന് സുപ്രീം കോടതിയും ശിക്ഷ ശരിവയ്ക്കുകയായിരുന്നു. ചാരിത്യ്രശുദ്ധിയിൽ സംശയം തോന്നിയ ഭാര്യ സുചിത്രയെ ഉളികൊണ്ട് കുത്തികൊലപ്പെടുത്തിയ കേസിൽ പ്രതിയായ ഭർത്താവ് വണ്ടൂർ കാരാട് കേലേന്പാടം വെള്ളില രാമചന്ദ്രനെ (40) മഞ്ചേരി അഡീഷണൽ ജില്ലാ സെഷൻസ് ജഡ്ജ് പിഎസ്. നസീർ അഹമ്മദ് മരണം വരെ തൂക്കി കൊല്ലാൻ വിധിച്ചിരുന്നു. 2010 ഒക്ടോബർ ഏഴിനായിരുന്നു ഈ വിധി. 2008 സെപ്റ്റംബർ 25ന് ഗർഭിണിയെ വെട്ടിക്കൊന്ന കേസിലെ പ്രതിക്ക് വധശിക്ഷ വിധിച്ചിരുന്നു. കൽപകഞ്ചേരി കൻമനം മയ്യേരി കുഞ്ഞിമൊയ്തീൻ എന്ന ബാബുവിന്‍റെ ഭാര്യ ഖദീജ (36)യെ വെട്ടി കൊലപ്പെടുത്തിയ കേസിൽ മഞ്ചേരി അഡീഷണൽ ജില്ലാ സെഷൻസ് കോടതി (ഒന്ന്) ആണ് പ്രതി മേനോത്തിൽ മോഹൻദാസ് എന്ന വിനീഷി (22)നെ മരണം വരെ തൂക്കി കൊല്ലാൻ ശിക്ഷിച്ചത്. മൂന്ന് കേസുകളിലും കൊല്ലപ്പെട്ടത് വനിതകളായിരുന്നുവെന്നതാണ് മറ്റൊരു പ്രത്യേകത.

ബിജുമോന്‍റെ സർവീസ് ജീവിതത്തിലെ ഫൈനൽ വിസിൽ ഇന്ന്

മലപ്പുറം: കൃത്യനിർവഹണത്തിനിടയിലും കാൽപ്പന്തുകളിയുടെ കടിഞ്ഞാണ്‍ കൈവിടാതിരുന്ന ജില്ലാ പിഎസ്‌സി ഓഫീസർ എം.എ.ബിജുമോന്‍റെ സർവീസ് ജീവിതത്തിലെ ഫൈനൽ വിസിൽ ഇന്ന് മുഴുങ്ങും. സന്തോഷ് ട്രോഫിയിൽ ഉൾപ്പെടെ ഒട്ടേറെ ഫുട്ബോൾ മത്സരങ്ങൾ നിയന്ത്രിച്ചിട്ടുള്ള നാഷണൽ റഫറി കൂടിയായ ബിജുമോൻ ഇന്ന് ഒൗദ്യോഗിക ജീവിതത്തിൽ നിന്ന് വിരമിക്കുകയാണ്. ഇക്കാലമത്രയും കാൽപ്പന്തു കളിയെ കൂടെ കൂട്ടിയ ഇദ്ദേഹത്തിന് സഹപ്രവർത്തകർ ഉചിതമായ യാത്രയയപ്പും നൽകി. പെരുമഴയത്ത് അദ്ദേഹത്തോടൊപ്പം മലപ്പുറം കൂട്ടിലങ്ങാടി ടർഫ് മൈതാനത്ത് പന്തു കളിച്ചായിരുന്നു യാത്രയയപ്പ്. 1997 ഏപ്രിൽ രണ്ടിന് പിഎസ്‌സിയിൽ അസിസ്റ്റന്‍റായി ജോലിയിൽ പ്രവേശിച്ച എം.എ.ബിജുമോൻ, ഡെപ്യൂട്ടി സെക്രട്ടറി റാങ്കിലിരുന്നാണ് സർക്കാർ സർവീസിൽ നിന്ന് ബൂട്ടഴിക്കുന്നത്. അതും കാൽപ്പന്തു കളിയുടെ ഹൃദയ ഭൂമികയായ മലപ്പുറത്ത് നിന്ന്. ഇരുപത്തെട്ടു വർഷം നീണ്ട സേവനകാലത്തിനിടെ കേരള പബ്ലിക് സർവീസ് കമ്മീഷന്‍റെ തിരുവനന്തപുരത്തെ ആസ്ഥാന ഓഫീസിലും പാലക്കാട്, തൃശൂർ, വയനാട് ജില്ലാ ഓഫീസുകളിലും ബിജുമോൻ ജോലി ചെയ്തു. 2024 ഏപ്രിലിലാണ് മലപ്പുറത്ത് ചുമതലയേൽക്കുന്നത്. പഠനകാലത്ത് പാലക്കാട് ഗവണ്‍മെന്‍റ് വിക്ടോറിയ കോളജ് ടീമിനു വേണ്ടിയും ജില്ലാ എ ഡിവിഷൻ ചാന്പ്യൻമാരായ പാലക്കാട് അത് ലറ്റിക്സ് ആൻഡ് ഫുട്ബോൾ ക്ലബിനു വേണ്ടിയും ഒട്ടേറെ മത്സരങ്ങൾ കളിച്ചിട്ടുള്ള അദ്ദേഹം 1993 ലാണ് റഫറിയിംഗ് രംഗത്തെത്തുന്നത്. ഓൾ ഇന്ത്യ ഫുട്ബോൾ ഫെഡറേഷന്‍റെ ക്ലാസ് ഫോർ റഫറിയായിട്ടായിരുന്നു തുടക്കം. 2005 ൽ നാഷണൽ റാങ്കിംഗ് കരസ്ഥമാക്കി 2013 വരെ റഫറിയിംഗ് രംഗത്ത് തുടർന്നു. ഇക്കാലയളവിൽ ഒട്ടേറെ സംസ്ഥാന, ദേശീയ മത്സരങ്ങൾ നിയന്ത്രിച്ചു. 2006 ൽ കോഴിക്കോടും 2012 ൽ തമിഴ്നാട്ടിലും നടന്ന സന്തോഷ് ട്രോഫി മത്സരങ്ങൾ നിയന്ത്രിക്കാനും അവസരം ലഭിച്ചു. ഐ ലീഗ് ജൂണിയർ ചാന്പ്യൻഷിപ്പിലും വിമണ്‍സ് സീനിയർ ചാന്പ്യൻഷിപ്പിലുമെല്ലാം ഇദ്ദേഹം മത്സരങ്ങൾ നിയന്ത്രിച്ചിട്ടുണ്ട്. പിന്നീട് റഫറിയിംഗ് രംഗത്തു നിന്ന് പിൻമാറിയെങ്കിലും ഇപ്പോഴും വെറ്ററൻസ് ഫുട്ബോൾ രംഗത്ത് സജീവമാണ്. പാലക്കാട് ജില്ലയിലെ മണ്ണാർക്കാട് സ്വദേശിയാണ് ബിജുമോൻ. പാലക്കാട് കൊഴിഞ്ഞന്പാറ സെന്‍റ് പോൾസ് ഹയർ സെക്കൻഡറി സ്കൂൾ അധ്യാപിക ജോളി മാനുവൽ ആണ് ഭാര്യ. മക്കൾ: ക്രിസ്റ്റി എം. അഗസ്റ്റിൻ, അലക്സ് അഗസ്റ്റിൻ (ഇരുവരും വിദ്യാർഥികൾ).

ജനങ്ങൾ യുഡിഎഫിനൊപ്പം: ഷാഫി പറന്പിൽ

നിലന്പൂർ: നിലന്പൂർ ഉപതെരഞ്ഞെടുപ്പിൽ ജനങ്ങൾ യുഡിഎഫിനൊപ്പമെന്ന് കെപിസിസി വർക്കിംഗ് പ്രസിഡന്‍റ് ഷാഫി പറന്പിൽ എംപി. മാധ്യമ പ്രവർത്തകരുടെ ചോദ്യങ്ങളോട് പ്രതികരിക്കുകയായിരുന്നു അദ്ദേഹം. എൽഡിഎഫ് സ്ഥാനാർഥി ആരാണെന്നത് യുഡിഎഫിനെ ബാധിക്കുന്ന വിഷയമല്ല. പിണറായി സർക്കാരിനെതിരെ കേരളത്തിലെ ജനങ്ങൾ ആഗ്രഹിക്കുന്ന ഫലം നിലന്പൂരിൽ ഉണ്ടാകും. ആശാ വർക്കർമാരുടെ സമരം, ദേശീയപാതയുടെ തകർച്ച, വന്യമൃഗശല്യം എല്ലാം ഈ തെരഞ്ഞെടുപ്പിൽ ജനങ്ങൾ വിലയിരുത്തുമെന്നും ഷാഫി പറന്പിൽ പറഞ്ഞു. രാഷ്ട്രീയ പോരാട്ടം നടന്നാൽ അതിന്‍റെ ഏറ്റവും വലിയ ഗുണം ലഭിക്കുക യുഡിഎഫിനാണ്. സിപിഎം പ്രവർത്തകർക്കു പോലും അംഗീകരിക്കാൻ കഴിയാത്ത അഴിമതി നാട്ടിൽ നടക്കുന്നുണ്ടെന്നും പിണറായി ഭരണം മാറണമെന്ന്് ആഗ്രഹിക്കുന്ന സിപിഎമ്മുകാർ പോലുമുണ്ട്. അവർ ഇക്കുറി യുഡിഎഫ് സ്ഥാനാർഥിക്ക് വോട്ടുചെയ്യും. പി.വി. അൻവർ യുഡിഎഫിനൊപ്പം ഉണ്ടാകുമെന്ന പ്രതീക്ഷയുണ്ടെന്നും അദ്ദേഹം പറഞ്ഞു. പിണറായിസത്തിനെതിരെയുള്ള പോരാട്ടത്തിൽ എല്ലാവരും ഉണ്ടാകും. സിപിഎമ്മിന് അവരുടെ സ്ഥാനാർഥിയെ നിർത്താനുള്ള സ്വാതന്ത്ര്യമുണ്ടെന്നും ഷാഫി പറന്പിൽ പറഞ്ഞു.

തെരഞ്ഞെടുപ്പ് പ്രവർത്തനങ്ങൾ അവലോകനം ചെയ്തു

മലപ്പുറം: ജില്ലയിലെ തെരഞ്ഞെടുപ്പ് പ്രവർത്തനങ്ങൾ അഡീഷണൽ ചീഫ് ഇലക്ട്രൽ ഓഫീസറുടെ നേതൃത്വത്തിൽ അവലോകനം ചെയ്തു. വോട്ടർ പട്ടിക പ്രസിദ്ധീകരണം, തെരഞ്ഞെടുപ്പ് പ്രവർത്തനങ്ങൾ, തെരഞ്ഞെടുപ്പ് ഉദ്യോഗസ്ഥരുടെ ചുമതലകൾ എന്നിവ സംബന്ധിച്ച് യോഗത്തിൽ ചർച്ച ചെയ്തു. ജില്ലാ തെരഞ്ഞെടുപ്പ് ഉദ്യോഗസ്ഥരുടെ പ്രവർത്തന രീതി, പാലിക്കേണ്ട കാര്യങ്ങൾ എന്നിവയും സംഘം വിലയിരുത്തി. നിലന്പൂർ ഉപതെരഞ്ഞെടുപ്പുമായി ബന്ധപ്പെട്ട പ്രവർത്തനങ്ങളും സംഘം വിലയിരുത്തി. അഡീഷണൽ മുഖ്യതെരഞ്ഞെടുപ്പ് ഓഫീസർ പി. കൃഷ്ണദാസൻ, സെക്ഷൻ ഓഫീസർ ആർ.വി. ശിവലാൽ, അസിസ്റ്റന്‍റ് സെക്ഷൻ ഓഫീസർ പി. ഉദയകുമാർ, അസിസ്റ്റന്‍റ് കെ.വി. ശിവപ്രസാദ്, ടെക്നിക്കൽ അസിസ്റ്റന്‍റ് ബിജി എന്നിവരാണ് സംഘത്തിലുണ്ടായിരുന്നത്. മലപ്പുറം കളക്ടറേറ്റ് കോണ്‍ഫറൻസ് ഹാളിൽ നടന്ന ചടങ്ങിൽ സബ് കളക്ടർ ദിലീപ് കെ. കൈനിക്കര, ഇലക്ഷൻ ഡെപ്യൂട്ടി കളക്ടർ സി.ആർ. ജയന്തി എന്നിവർ സംസാരിച്ചു. ഓഡിറ്റോറിയങ്ങളുടെ ബുക്കിംഗ് മുൻകൂട്ടി അറിയിക്കണം നിലന്പൂർ: നിലന്പൂർ ഉപതെരഞ്ഞെടുപ്പുമായി ബന്ധപ്പെട്ട് സ്ഥാനാർഥികളോ ഏജന്‍റുമാരോ രാഷ്ട്രീയ കക്ഷികളോ ഓഡിറ്റോറിയങ്ങൾ, കമ്മ്യൂണിറ്റി ഹാളുകൾ എന്നിവ ബുക്ക് ചെയ്യുന്ന പക്ഷം പരിപാടിയുടെ തിയതി, സമയം എന്നിവ മാനേജർമാർ തെരഞ്ഞെടുപ്പ് ഉപവരണാധികാരിയായ നിലന്പൂർ തഹസിൽദാരുടെ കാര്യാലയത്തിൽ ക്യാന്പ് ചെയ്തിട്ടുള്ള മണ്ഡലത്തിന്‍റെ ചുമതലയുളള അസിസ്റ്റന്‍റ് എക്സ്പെൻഡിച്ചർ ഒബ്സർവറെ രേഖാമൂലം അറിയിക്കണം. തെരഞ്ഞെടുപ്പ് കാലയളവിലുള്ള മറ്റ് ബുക്കിംഗ് വിവരങ്ങളും അറിയിക്കണം. വീഴ്ച വരുത്തുന്ന പക്ഷം 1951 ലെ ജനപ്രാതിനിധ്യ നിയമ പ്രകാരമുള്ള നടപടികൾ സ്വീകരിക്കുമെന്ന് ജില്ലാ ഇലക്ഷൻ ഓഫീസറായ കളക്ടർ അറിയിച്ചു.

നിലന്പൂരിൽ സിപിഎം പാർട്ടി ചിഹ്നത്തിൽ മത്സരിക്കുന്നത് 19 വർഷത്തിന് ശേഷം

നിലന്പൂർ:നിലന്പൂരിൽ സിപിഎം പാർട്ടി ചിഹ്നത്തിൽ മത്സരിക്കുന്നത് 19 വർഷത്തിന് ശേഷം. 2006 ൽ ഡിവൈഎഫ്ഐ അഖിലേന്ത്യ പ്രസിഡന്‍റ് പി.ശ്രീരാമകൃഷ്ണനാണ് പാർട്ടി ചിഹ്നത്തിൽ അവസാനമായി മത്സരിച്ചത്. അന്ന് യുഡിഎഫ് സ്ഥാനാർഥി ആര്യാടൻ മുഹമ്മദിനോട് കനത്ത പരാജയമാണ് ഏറ്റുവാങ്ങിയത്. 18000 ത്തിലേറെ വോട്ടുകൾക്കാണ് പരാജയപ്പെട്ടത്. പിന്നീട് സിപിഎം പൊതുസ്വതന്ത്രരുടെ പിന്നാലെ പോകുന്ന കാഴ്ചയാണ് കണ്ടത്. 2011 ൽ പ്രഫ. എം. തോമസ് മാത്യുവിനെയും 2016ലും 2011ലും പി.വി. അൻവറിനെയും മത്സരിപ്പിക്കുകയായിരുന്നു. 1987 ൽ ദേവാസ് പൊറ്റെക്കാട് സിപിഎം സ്ഥാനാർഥിയായി മത്സരിച്ച് പരാജയപ്പെട്ടതിനെ തുടർന്ന് 19 വർഷത്തിന് ശേഷമാണ് 2006 ൽ ശ്രീരാമകൃഷ്ണനെ പരീക്ഷിച്ചത്. ചരിത്ര നിയോഗം പോലെ വീണ്ടുമൊരു 19 വർഷത്തിന് ശേഷം എം. സ്വരാജിനെ പാർട്ടി ചിഹ്നത്തിൽ രംഗത്തിറക്കുന്പോൾ കുഞ്ഞാലിക്ക് ശേഷം പാർട്ടി ചിഹ്നത്തിൽ വിജയിപ്പിച്ച് ഒരംഗത്തെ നിയമസഭയിലേക്ക് അയക്കാമെന്ന പ്രതീക്ഷയിലാണ്് സിപിഎം. 1969-ൽ കുഞ്ഞാലി മരിച്ച 56 വർഷമായിട്ടും പിന്നീട് സിപിഎമ്മിന് നിലന്പൂരിൽ പാർട്ടി ചിഹ്നത്തിൽ ഒരാളെ വിജയിപ്പിക്കാനായിട്ടില്ല. സ്വരാജ് വെല്ലുവിളിയാകില്ല: എ.പി. അനിൽകുമാർ നിലന്പൂർ:പിണറായിസത്തിനെതിരെയുള്ള പോരാട്ടത്തിൽ പി.വി. അൻവർ ഒപ്പം ഉണ്ടാകുമെന്ന് കെപിസിസി വർക്കിംഗ് പ്രസിഡന്‍റ് എ.പി.അനിൽകുമാർ എംഎൽഎ. എം.സ്വരാജിന്‍റെ സ്ഥാനാർഥിത്വം യുഡിഎഫിന് വെല്ലുവിളിയാകില്ലെന്നും അനിൽകുമാർ നിലന്പൂരിൽ നടത്തിയ വാർത്താ സമ്മേളനത്തിൽ പറഞ്ഞു. അൻവർ എംഎൽഎ സ്ഥാനം രാജിവച്ചത് പിണറായി സർക്കാരിനെതിരെയുള്ള പോരാട്ടത്തിനാണ്. വന്യമ്യഗശല്യം, മലപ്പുറം ജില്ലയിലെ ന്യൂനപക്ഷങ്ങളോടുള്ള അവഗണന തുടങ്ങിയ വിഷയങ്ങളാണ് അൻവർ ഉയർത്തിയത്. അതിനാൽ യുഡിഎഫും അൻവറും ഒന്നിച്ചായിരിക്കും ഉപതെരഞ്ഞെടുപ്പ് പോരാട്ടത്തിൽ ഉണ്ടാവുക. പി.വി. അൻവറുമായി ഇതിനകം ആശയവിനമയം നടത്തി കഴിഞ്ഞു എന്ന സൂചനയും അനിൽകുമാർ നൽകി. രണ്ടു മാസമായി സ്ഥാനാർഥിക്കായി സിപിഎം തെരച്ചിലിലായിരുന്നു. സിപിഎം സമീപിച്ച നേതാക്കളുടെ പേരുകൾ എഴുതാൻ തന്നെ ഒരു ബുക്ക് വേണ്ടി വരും. മത്സരിക്കാനില്ലെന്ന് പറഞ്ഞ സ്വരാജിനെ തന്നെ മത്സരിപ്പിക്കേണ്ടി വന്നു എന്നത് വ്യക്തമായിരിക്കുകയാണ്. വന്യമ്യഗശല്യം, ദേശീയപാത തകർച്ച തുടങ്ങിയ ജനകീയ വിഷയങ്ങൾ ഉയർത്തിയാകും യുഡിഎഫ് പ്രചാരണം. നിലന്പൂർ മണ്ഡലത്തിൽ ചരിത്ര ഭൂരിപക്ഷത്തോടെ യുഡിഎഫ് ജയിക്കുമെന്നും എ.പി. അനിൽകുമാർ പറഞ്ഞു ആര്യാടൻ ഷൗക്കത്തിന്‍റെ പത്രിക സമർപ്പണം ഇന്ന് നിലന്പൂർ: നിലന്പൂർ ഉപതെരഞ്ഞെടുപ്പിലെ യുഡിഎഫ് സ്ഥാനാർഥി ആര്യാടൻ ഷൗക്കത്തിന്‍റെ നാമനിർദേശ പത്രിക സമർപ്പണം ഇന്ന്. രാവിലെ 11ന് നിലന്പൂരിൽ നിന്ന് ചന്തക്കുന്നിലേക്ക് റോഡ് ഷോ നടത്തിയ ശേഷം നിലന്പൂർ നിയോജകമണ്ഡലത്തിലെ ഉപവരണാധികാരിയായ തഹസിൽദാർ എം.പി. സിന്ധു മുന്പാകെ പത്രിക സമർപ്പിക്കും.

ജില്ലയിൽ വീണ്ടും മഴക്കെടുതി; കൂടുതൽ നാശനഷ്ടം

മഞ്ചേരി: ഏറനാട് താലൂക്ക് പരിധിയില്‍ ഇന്നലെയും മഴക്കെടുതികള്‍ തുടർക്കഥ. മരംവീണ് വീടുകള്‍ ഭാഗികമായി തകര്‍ന്നും കിണറിടിഞ്ഞും നാശനഷ്ടം സംഭവിച്ചു. ചെമ്പ്രശ്ശേരി വില്ലേജില്‍ ആര്‍പ്പിനിക്കുന്ന് കണിയംപാറ ജമീലയുടെ വീട്ടില്‍ കിണര്‍ ഇടിഞ്ഞു താഴ്ന്നു. ആളപായമില്ല. മഞ്ചേരിയില്‍ പുത്തന്‍പുരക്കല്‍ പി.പി. ശ്രീകൃഷ്ണന്‍റെ വീട്ടിലേക്ക് മതിലിടിഞ്ഞ് വീണ് വീടിന് ഭാഗികമായി നാശം സംഭവിച്ചു. കുന്നത്തുകൂഴിയില്‍ വേലുക്കുട്ടിയുടെ വീടിന്‍റെ ചുറ്റുമതില്‍ ഭാഗികമായി തകര്‍ന്ന് റോഡിലേക്ക് വീണു. തൃക്കലങ്ങോട് കുതിരാടത്ത് അമരക്കാട്ടില്‍ കൃഷ്ണന്‍റെ വീടിനു മുകളില്‍ തെങ്ങ് വീണ് ഭാഗികമായ നാശനഷ്ടം ഉണ്ടായി. പൂക്കോട്ടൂര്‍ മൂച്ചിക്കലില്‍ സുബ്രമണ്യന്‍റെ വീടിനുമുകളില്‍ തെങ്ങുവീണ് ഓടുകള്‍ തകര്‍ന്നു. ചെമ്പ്രശേരിയില്‍ രുഗ്മിണി പള്ളിപുറത്ത്, മൂത്തേടത്ത് കരുണാകരന്‍ എന്നിവരുടെ വീടിനുമുകളില്‍ മരം വീണ് ഭാഗിക ഭവനനാശം സംഭവിച്ചു. മലപ്പുറത്ത് സോപാനം വീട്ടില്‍ കെ. പ്രവീണിന്‍റെ വീടിനു പിന്നില്‍ ഉരുളന്‍ കല്ലുകള്‍ വീണു. സ്ഥലത്ത് മണ്ണിടിയാന്‍ സാധ്യതയുള്ളതിനാല്‍ സ്ഥലപരിശോധന നടത്തി നഗരസഭക്ക് വേണ്ട നിര്‍ദേശങ്ങള്‍ നല്‍കുന്നതിന് ജില്ലാ ജിയോളജി വകുപ്പിന് നിര്‍ദേശം നല്‍കി. കാവന്നൂര്‍ വില്ലേജില്‍ നിത്യാനന്ദന്‍ കോന്നന്‍കുഴിയുടെ കുടിവെള്ള കിണര്‍ താഴ്ന്നു. കൊമ്പന്‍ മുഹമ്മദ് വള്ളിതൊടുവിലിന്‍റെ വീടിനുമുകളില്‍ മരം വീണ് ഭാഗിക നാശനഷ്ടമുണ്ടായി. ഇരുമ്പുഴി ഹൈസ്‌കൂളിലേക്കുള്ള വഴി മണ്ണിടിഞ്ഞുവീഴാറായി അപകടകരമായ നിലയിലാണുള്ളത്. ഏറനാട് ഡെപ്യൂട്ടി തഹസില്‍ദാറായ വി.വി. ബാസ്റ്റിന്‍റെ നേതൃത്വത്തില്‍ റവന്യൂ ഉദ്യാഗസ്ഥര്‍ സ്ഥലം സന്ദര്‍ശിച്ച് സ്ഥിതിഗതികള്‍ വിലയിരുത്തി. മഴക്കാലദുരന്ത പ്രതിരോധ പ്രവര്‍ത്തനങ്ങള്‍ ചര്‍ച്ച ചെയ്യുന്നതിനായി പൂക്കോട്ടൂര്‍ വില്ലേജ് യോഗം പഞ്ചായത്ത് ഹാളിലും ചെമ്പ്രശേരി, പാണ്ടിക്കാട്, വെട്ടിക്കാട്ടിരി വില്ലേജുകളുടെ സംയുക്തയോഗം പാണ്ടിക്കാട് ഗ്രാമപഞ്ചായത്ത് സിഎച്ച് ഹാളിലും ചേര്‍ന്നു. പെരിന്തൽമണ്ണ: ശക്തമായ മഴയിൽ കുന്നപ്പള്ളിയിൽ താമസിക്കുന്ന മിൻപിടി അബ്ദുൾ അസീസിന്‍റെ വീടിന്‍റെ മുകളിലേക്ക് കടപുഴകി വീണ ഭീമൻ പുളിമരം മുറിച്ചു നീക്കി മലപ്പുറം ജില്ലാ ട്രോമാ കെയർ പെരിന്തൽമണ്ണ സ്റ്റേഷൻ യൂണിറ്റ് പ്രവർത്തകർ. റോഡ് സൈഡിൽ നിന്നാണ് മരം കടപുഴകി വീണത്. മലപ്പുറം ജില്ലാ ട്രോമാ കെയർ പെരിന്തൽമണ്ണ സ്റ്റേഷൻ യൂണിറ്റ് ലീഡർ ജബ്ബാർ ജൂബിലിയുടെ നേതൃത്വത്തിൽ,സുമേഷ് വലമ്പൂർ, ഫാറൂഖ് പൂപ്പലം, ജിൻഷാദ് പൂപ്പലം,സുബീഷ് പരിയാപുരം, ശ്യാം പാതായ്ക്കര, യധു പാതായ്ക്കര, അഭിൻ വിജയ് എന്നിവർ സ്ഥലത്തെത്തിയാണ് ഏറെ നേരത്തെ പരിശ്രമത്തിനൊടുവിൽ മരം മുറിച്ചു നീക്കിയത്. കരുവാരകുണ്ട്: കരുവാരകുണ്ട് ഗ്രാമപഞ്ചായത്തിന്‍റെ വിവിധ ഭാഗങ്ങളിൽ കഴിഞ്ഞദിവസമുണ്ടായ കനത്ത കാറ്റിലും മഴയിലും വ്യാപകമായ നാശനഷ്ടം. മരങ്ങൾ കടപുഴകിയും പൊട്ടിവീണും വീടുകൾക്കും സ്ഥാപനങ്ങൾക്കും കേടുപാടുകൾ സംഭവിച്ചു. ചിലയിടങ്ങളിൽ ഗതാഗതം മുടങ്ങി. വൈദ്യുതി കമ്പികൾക്കുമേൽ മരം പൊട്ടിവീണ് വൈദ്യുതി വിതരണവും മുടങ്ങി. പുന്നക്കാട്, പുൽവട്ട, കക്കറ, ചുള്ളിയോട്, കരിങ്കോണി, വട്ടമല, കുട്ടത്തി, തരിശ്, മുള്ളറ, മാമ്പുഴ, പൊടുവണ്ണി, ഭവനംപറമ്പ് ഇരിങ്ങാട്ടിരി എന്നിവിടങ്ങളിലാണ് നാശനഷ്ടങ്ങൾ ഏറെയും സംഭവിച്ചത്.

ഭിന്നശേഷിക്കാരനായ ജീവനക്കാരെ വഞ്ചിച്ചു പണം തട്ടിയതായി പരാതി

മഞ്ചേരി: ഭിന്നശേഷിക്കാരനായ ജീവനക്കാരെ വഞ്ചിച്ചു പണം തട്ടിയതായി പരാതി. മഞ്ചേരി ഗവ. ഗേള്‍സ് ഹയര്‍സെക്കന്‍ഡറി സ്‌കൂളിലെ ക്ലാര്‍ക്കായി ജോലി ചെയ്യുന്ന എം.പി. കമറുസ്സമാന്‍ ആണ് ജില്ലാകളക്ടര്‍ക്ക് പരാതി നല്‍കിയത്. 2018ല്‍ തിരൂരങ്ങാടി ഉപജില്ലാ വിദ്യാഭ്യാസ ഓഫിസില്‍ ജോലി ചെയ്യുന്ന സമയത്ത് ഓഫിസ് നടപടികളുടെ ഭാഗമായി സീനിയര്‍ ക്ലാര്‍ക്ക് എം. അശോക് ഏതാനും രേഖകളില്‍ കമറുസ്സമാനെക്കൊണ്ട് ഒപ്പിടുവിച്ചിരുന്നു. അവ ഉപയോഗിച്ച് തിരൂരങ്ങാടി താലൂക്ക് എംപ്ലോയീസ് കോ ഓപറേറ്റീവ് സൊസൈറ്റിയില്‍ നിന്നും നാല് ലക്ഷം രൂപ വായ്പ എടുത്തു. മൂന്ന് വര്‍ഷമായി തിരിച്ചടവില്ലാത്തതിനാല്‍ കമറുസ്സമാന്‍റെ ശമ്പളത്തില്‍ നിന്നും റിക്കവറി നടത്താന്‍ നോട്ടീസ് വന്നതോടെയാണ് പരാതിയുമായി ജില്ലാ കളക്ടറെ സമീപിച്ചത്. കേള്‍വി സംസാര വൈകല്യം ഉള്ള തനിക്ക് പലവിധ ശാരീരിക അസ്വസ്തകള്‍ കാരണം ഏറെ പ്രയാസമുണ്ടെന്നും പരാതിയില്‍ പറയുന്നു.

"പൊതുവിദ്യാലയങ്ങൾ സൗഹൃദങ്ങൾ ഉറപ്പ് വരുത്തുന്നു'

പാറൽ: പൊതുവിദ്യാലയങ്ങൾ മികവിനോടൊപ്പം സൗഹൃദങ്ങളും ഉറപ്പ് വരുത്തുന്നതായി നജീബ് കാന്തപുരം എംഎൽഎ പറഞ്ഞു. പാറൽ വീട്ടിക്കാട് എഎംഎൽപി സ്കൂൾ യാത്രയയപ്പ് സമ്മേളനവും സ്കൂൾ പ്രവേശന കവാടത്തിന്‍റെ ഉദ്ഘാടനവും നിർവഹിച്ച് സംസാരിക്കുകയായിരുന്നു അദ്ദേഹം. പഞ്ചായത്ത് പ്രസിഡന്‍റ് കെ.ടി. അഫ്സൽ അധ്യക്ഷത വഹിച്ചു. എഇഒ കെ.ടി. കുഞ്ഞുമൊയ്തു മുഖ്യപ്രഭാഷണം നടത്തി. മാനേജർ കെ.കെ. സെയ്ത് മുഹമ്മദ്, പിടിഎ പ്രസിഡന്‍റ് പി.ടി. ഖമറുന്നീസ, മുൻ എച്ച്എംമാരായ കെ.കെ. യൂസഫ്കുട്ടി, എം. സതീദേവി, പാറൽ റിലീഫ് സെന്‍റർ പ്രസിഡന്‍റ് വി.കെ. ഹംസ, പൊതുജന വായനശാല സെക്രട്ടറി എം. രവീന്ദ്ര മോഹൻ, സ്റ്റാഫ് സെക്രട്ടറി ഹുസൈൻ പാറൽ, പ്രോഗ്രാം കൺവീനർ കെ.കെ.അബ്ദുൽ ലത്തീഫ് എന്നിവർ പ്രസംഗിച്ചു. വിരമിക്കുന്ന അധ്യാപിക കെ.കെ. റൈഹാനത്ത് മറുപടി പ്രസഗം നടത്തി. സ്കൂളിൽ നിന്നും എൽഎസ്എസ് നേടിയ പ്രതിഭകളെ ചടങ്ങിൽ ആദരിച്ചു.

ADVERTISEMENT

ADVERTISEMENT

ADVERTISEMENT

ADVERTISEMENT

ADVERTISEMENT

ആമസോണ്‍ ഓഫറുകളറിയാന്‍
ലിങ്കില്‍ ക്ലിക്ക് ചെയ്യുക

ADVERTISEMENT

More from other section

ADVERTISEMENT

LATEST NEWS

ADVERTISEMENT

ADVERTISEMENT

Quick Links

About Us Deepika E-Paper E-Shopping Karshakan Rashtradeepika Movies Tech @ Deepika

Business Deepika Viral Tax Letters University News Auto Spot Cartoon Scope

Matrimonial Special News Special Feature Calendar Samskarikam Career Deepika English Edition

Deepika Charity Health Sthreedhanam Responses Daily Quiz Youth Special Court Notice

Kuttikalude Deepika Deepika News Videos Out of Range US News Gulf News Student Reporter Classifieds

Children's Digest Today's Story Religion Book Review Sunday Deepika Send your greetings Online Advertising

Rashtra Deepika LTD

Chairman - Dr. Francis Cleetus MD - Michael Vettickatt Chief Editor - George Kudilil

Tel: +91 481 2566706 ,2566707,2566708

Privacy policy Terms and conditions for online payment

Copyright © 2025 , RDL. All rights reserved To access reprinting rights, please contact [email protected]