ചൈതന്യ അവാര്‍ഡുദാനം ഇന്ന്
1571057
Saturday, June 28, 2025 6:55 AM IST
കോട്ടയം: ചൈതന്യ എക്‌സലന്‍സ് അവാര്‍ഡുകള്‍ ഇന്നു മൂന്നിന് തെള്ളകം ചൈതന്യ പാസ്റ്ററല്‍ സെന്‍ററില്‍ നടക്കുന്ന ചടങ്ങില്‍ സമ്മാനിക്കും. ടി.കെ. ജോസ്, സ്റ്റീഫന്‍ ജോര്‍ജ്, ഡോ. പി.ടി. ബാബുരാജ്, ഷേര്‍ളി സക്കറിയാസ്, ജോര്‍ജ് കുര്യന്‍ പാണ്ടവത്ത് എന്നിവര്‍ക്ക് 20,001 രൂപയും മെമന്‍റോയുമാണ് പുരസ്കാരം.
മന്ത്രി വി.എന്‍. വാസവന്‍ ഉദ്ഘാടനം നിര്‍വഹിക്കും. ആര്‍ച്ച്ബിഷപ് മാര്‍ മാത്യു മൂലക്കാട്ട് അധ്യക്ഷത വഹിക്കും. ചീഫ്‌വിപ്പ് ഡോ.എന്‍. ജയരാജ്, എംപിമാരായ ജോസ് കെ. മാണി, ഫ്രാന്‍സിസ് ജോര്‍ജ്, വികാരി ജനറാള്‍ ഫാ. തോമസ് ആനിമൂട്ടില്‍,
എംഎല്‍എമാരായ തിരുവഞ്ചൂര്‍ രാധാകൃഷ്ണന്‍, മോന്‍സ് ജോസഫ്, മാണി സി. കാപ്പന്‍, ചാണ്ടി ഉമ്മന്‍, കളക്ടര്‍ ജോണ്‍ വി. സാമുവേല്‍, തോമസ് ചാഴികാടന്‍, കെഎസ്എസ്എസ് ഡയറക്ടര്‍ ഫാ. സുനില്‍ പെരുമാനൂര്‍, അസിസ്റ്റന്‍റ് ഡയറക്ടര്‍ ഫാ. ജെഫിന്‍ ഒഴുങ്ങാലില്‍ എന്നിവര്‍ പ്രസംഗിക്കും.