ADVERTISEMENT

ADVERTISEMENT

അകലക്കുന്നത്ത് ആന്‍റി ഡ്രഗ്സ് കോൺക്ലേവ്

പൂവത്തിളപ്പ്: അകലക്കുന്നം പഞ്ചായത്ത് ലഹരിവിരുദ്ധ ദിനത്തിൽ കരുതൽ-2025 കോൺക്ലേവ് സംഘടിപ്പിച്ചു. പള്ളിക്കത്തോട് പോലീസ്‌സ്റ്റേഷൻ എസ്എച്ച്ഒ റെയ്നോൾഡ് പി. ഫെർണാണ്ടസ്, അസിസ്റ്റന്‍റ് എക്സൈസ് ഓഫീസർ കെ.എൻ. അജിത് കുമാർ, മണലുങ്കൽ സ്കൂൾ മാനേജർ ഫാ. തോമസ് ആയിലുക്കുന്നേൽ,

താലൂക്ക് മെഡിക്കൽ ഓഫീസർ കെ.എ. മനോജ്, എഇഒ ഡോ. കെ.ആർ. ബിന്ദു, കൗൺസിലർ സിമി പീറ്റർ എന്നിവർ വിഷയാവതരണം നടത്തി. പഞ്ചായത്ത് വൈസ് പ്രസിഡന്‍റ് മാത്തുക്കുട്ടി ഞായർകുളം മോഡറേറ്ററായിരുന്നു.

പ്രസിഡന്‍റ് സിന്ധു അനിൽകുമാർ, ആർജിഎസ്എ കോഓർഡിനേറ്റർ ആശിഷ്, ആരോഗ്യ-വിദ്യാഭ്യാസ സ്റ്റാൻഡിംഗ് കമ്മിറ്റി ചെയർപേഴ്സൺ ജാൻസി ബാബു എന്നിവർ പ്രസംഗിച്ചു.

ADVERTISEMENT

സൗഹൃദ ലഹരി ടോക്ക്‌ഷോ നടത്തി

ചങ്ങനാശേരി: ലോക ലഹരിവിരുദ്ധ ദിനത്തോടനുബന്ധിച്ച് ജില്ലാ തദ്ദേശ സ്വയംഭരണ വകുപ്പ്, ചങ്ങനാശേരി നഗരസഭ, രാഷ്‌ട്രീയ ഗ്രാമസ്വരാജ് അഭിയാന്‍ എന്നിവയുടെ സംയുക്താഭിമുഖ്യത്തില്‍ റേഡിയോ മീഡിയ വില്ലേജില്‍ സൗഹൃദ ലഹരി ടോക് ഷോ സംഘടിപ്പിച്ചു. നഗരസഭാ പരിധിയിലെ വിവിധ കോളജുകളില്‍നിന്നുള്ള വിദ്യാര്‍ഥി പ്രതിനിധികള്‍ പങ്കെടുത്ത പരിപാടി നഗരസഭാ ചെയര്‍പേഴ്‌സണ്‍ കൃഷ്ണകുമാരി രാജശേഖരന്‍ ഉദ്ഘാടനം ചെയ്തു. ഹെല്‍ത്ത് സ്റ്റാന്‍ഡില്‍ നഗരസഭാ ചെയര്‍പേഴ്‌സണ്‍ എല്‍സമ്മ ജോബ്, എക്‌സൈസ് പ്രിവന്‍റീവ് ഓഫീസര്‍ കെ. രാജേഷ്, പോലീസ് ഉദ്യോഗസ്ഥരായ ആര്‍.പി. ടിനു, ആര്‍. രാജേഷ്, ബി. വിമല, വേണു ഡി. നായര്‍, നഗരസഭാ ക്ലീന്‍ സിറ്റി മാനേജര്‍ എം. മനോജ് എന്നിവര്‍ പ്രസംഗിച്ചു.

ഫിലാഡല്‍ഫിയയില്‍ അപകടത്തില്‍ മരിച്ച യുവാവിന്‍റെ മൃതദേഹം നാട്ടിലെത്തിക്കും

ചങ്ങനാശേരി: അമേരിക്കയിലെ ഫിലാഡല്‍ഫിയയില്‍ കാര്‍ അപകടത്തില്‍ മരിച്ച ചങ്ങനാശേരി പറാല്‍ ചിക്കു മന്ദിറില്‍ ചിക്കു എം. രഞ്ജിത്തിന്‍റെ (39) മൃതദേഹം നാട്ടിലെത്തിക്കാൻ നടപടികൾ ആരംഭിച്ചു. ജൂണ്‍ ഒന്നിനാണ് അപകടമുണ്ടായത്. ചിക്കുവിനെ ആശുപത്രിയിലെത്തിച്ചെങ്കിലും മരിച്ചിരുന്നു. ഇന്‍ഫോസിസ് ഉദ്യോഗസ്ഥയായ ഭാര്യ രമ്യയ്ക്കും രണ്ടു മക്കള്‍ക്കും അപകടത്തില്‍ പരിക്കേറ്റിരുന്നു. രമ്യ അപകടനില തരണം ചെയ്തു. മക്കളുടെ പരിക്ക് ഗുരുതരമല്ല. ഇവര്‍ സഞ്ചരിച്ച കാറിലേക്ക് അമിതവേഗത്തിലെത്തിയ മറ്റൊരു കാര്‍ ഇടിക്കുകയായിരുന്നു. ചിക്കുവിന്‍റെ പിതാവ് എം.ആര്‍. രഞ്ജിത്ത്, അമ്മ: ധനികമ്മ. സഹോദരന്‍: ചിന്‍റു എം.രഞ്ജിത്.

ക്രിസ്റ്റിന്‍ ആന്‍റണിയുടെ വിയോഗം താങ്ങാനാകാതെ കണ്ണങ്കോട്ടാല്‍ വീട്

ചങ്ങനാശേരി: പായിപ്പാട് കൊച്ചുപള്ളി കണ്ണങ്കോട്ടാല്‍ വീട്ടില്‍ ക്രിസ്റ്റിന്‍ ആന്‍റണിയുടെ(37) ആകസ്മിക നിര്യാണം താങ്ങാനാകാതെ കുടുംബം. കഠിനാധ്വാനത്തിലൂടെ ജീവിതം കരുപ്പിടിപ്പിക്കുന്നതിനിടെയാണ് ക്രിസ്റ്റിനെ വിധി കവര്‍ന്നെടുത്തത്. പായിപ്പാട് കേന്ദ്രമാക്കി സെന്‍റ് ജോര്‍ജ് ഗ്രൂപ്പ് എന്ന പേരില്‍ കാറ്ററിംഗ്, ടെമ്പോ ട്രാവലര്‍ സര്‍വീസ് തുടങ്ങിയ സ്ഥാപനങ്ങൾ നടത്തിവരികയായിരുന്നു. ഇടക്കാലത്ത് ഏതാനുംവര്‍ഷം വിദേശത്ത് ജോലി ചെയ്ത ക്രിസ്റ്റിന്‍ തിരികെയെത്തിയശേഷമാണ് ബിസിനസ് സംരംഭം വിപുലമാക്കിയത്. ചങ്ങനാശേരി മാര്‍ക്കറ്റില്‍ ബോട്ട് ജെട്ടിക്കു സമീപം നിര്‍ത്തിയിട്ടിരുന്ന കാറിനുള്ളില്‍ കഴിഞ്ഞ വ്യാഴാഴ്ച രാത്രി ഏഴിനാണ് കാറ്ററിംഗ് സര്‍വീസ് ഉടമയായ ക്രിസ്റ്റിന്‍ ആന്‍റണിയെ മരിച്ച നിലയില്‍ കണ്ടെത്തിയത്. കാറ്ററിംഗ് ആവശ്യത്തിനുള്ള സാധനങ്ങള്‍ വാങ്ങാനെത്തിയതായിരുന്നു ക്രിസ്റ്റിന്‍. ഹൃദയാഘാതമാണു മരണകാരണമെന്നു കോട്ടയം മെഡിക്കല്‍ കോളജ് ആശുപത്രിയില്‍ നടത്തിയ പോസ്റ്റുമോര്‍ട്ടം റിപ്പോര്‍ട്ടില്‍ പറയുന്നു. ഓള്‍ കേരള കാറ്ററിംഗ് അസോസിയേഷന്‍ ചങ്ങനാശേരി താലൂക്ക് ട്രഷററായ ക്രിസ്റ്റിന്‍ കഴിഞ്ഞ ദിവസം ഏറ്റുമാനൂരില്‍ നടന്ന കാറ്ററിംഗ് അസോസിയേഷന്‍റെ ജില്ലാ സമ്മേളനത്തിന്‍റെ നേതൃനിരയില്‍ പ്രവര്‍ത്തിച്ചിരുന്നു. ഭാര്യ രശ്മി സക്കറിയ കൈനകരി സെന്‍റ് മേരീസ് യുപി സ്‌കൂള്‍ അധ്യാപികയാണ്. ക്രിസ്ബന്‍ (പായിപ്പാട് എസ്എച്ച് സ്‌കൂളിലെ എല്‍കെജി വിദ്യാര്‍ഥി), ഡെല്‍സണ്‍(രണ്ടുമാസം) എന്നിവരാണ് മക്കള്‍. കണ്ണങ്കോട്ടാല്‍ പരേതനായ ആന്‍റണിയാണ് പിതാവ്. അമ്മ ജസി ആന്‍റണി പായിപ്പാട് ഗ്രാമപഞ്ചായത്ത് മുന്‍ അംഗവും ഇപ്പോള്‍ പായിപ്പാട് സെന്‍ട്രല്‍ സഹകരണബാങ്ക് ഭരണസമിതിയംഗവുമാണ്. യുകെയില്‍ നഴ്‌സായ സഹോദരി ക്രിസ്റ്റി സഹോദരന്‍റെ മരണവിവരം അറിഞ്ഞ് നാട്ടിലെത്തി. ക്രിസ്റ്റിന്‍റെ സംസ്‌കാരം ഇന്ന് മൂന്നിന് പായിപ്പാട് ലൂര്‍ദ്മാതാ പള്ളിയില്‍ നടക്കും.

ജിമ്പയര്‍ വായനോത്സവം സമാപിച്ചു

ചങ്ങനാശേരി: ജിമ്പയറിന്‍റെ നേതൃത്വത്തില്‍ ചങ്ങനാശേരിയിലെ പ്രൈമറി സ്‌കൂളുകളില്‍ നടത്തിയ ഒരു ലക്ഷം രൂപയുടെ സൗജന്യ പുസ്തക വിതരണ പദ്ധതി സെന്‍റ് ജോസഫ് പ്രൈമറി സ്‌കൂളില്‍ സമാപിച്ചു. ഹെഡ്മിസ്ട്രസ് സിസ്റ്റര്‍ ഷൈനി പി. മാത്യുവിന്‍റെ അധ്യക്ഷതയില്‍ കൂടിയ യോഗം ഡോ.ജോര്‍ജ് പടനിലം ഉദ്ഘാടനം ചെയ്തു. സിസ്റ്റര്‍ ക്രിസ്റ്റി മരിയ, ജോണ്‍ ജെ. പുതുച്ചിറ എന്നിവര്‍ ചേര്‍ന്നു സ്‌കൂളിലെ എല്ലാ കുട്ടികള്‍ക്കും ബാലസാഹിത്യ ഗ്രന്ഥങ്ങള്‍ കൈമാറി.

വേമ്പനാട് കായലിനും കുട്ടനാടിനും സംരക്ഷണ പദ്ധതി

കോട്ടയം: വേമ്പനാട് കായല്‍ ശുചീകരണത്തിന്‍റെ ഭാഗമായി ജില്ലയെ ആലപ്പുഴ ജില്ലയുമായി മുന്പ് ജലമാര്‍ഗം ബന്ധിച്ചിരുന്ന ആലപ്പുഴ-ചങ്ങനാശേരി കനാലിലെ മാലിന്യവും പോളയും നീക്കാന്‍ വിപുലമായ പദ്ധതി. ഒന്നാംഘട്ടമായി രാമങ്കരി പഞ്ചായത്തു പരിധിയില്‍ ഒരു കിലോമീറ്റര്‍ ദൂരം കനാലില്‍നിന്നു യന്ത്രസഹായത്തോടെ പോള വാരാന്‍ തുടങ്ങി. ഇതിനായി പഞ്ചായത്ത് 1.12 ലക്ഷം രൂപ അനുവദിച്ചു. കായല്‍ ശുചീകരണം തുടങ്ങിയതിനുശേഷം ഒരു വര്‍ഷത്തിനുള്ളില്‍ രണ്ടു ഘട്ടമായി 28.72 ടണ്‍ പ്ലാസ്റ്റിക് കായലില്‍നിന്നു വാരിമാറ്റി. വേമ്പനാട് കായല്‍ വിപുലമായ രീതിയില്‍ ശുചീകരിക്കാനുള്ള വലിയൊരു പദ്ധതി ആലപ്പുഴ ജില്ലാ ഭരണകൂടം സര്‍ക്കാരിനു സമര്‍പ്പിച്ചിട്ടുണ്ട്. 188.25 കോടിയുടെ പദ്ധതി വിദഗ്ധരുടെ സമിതിയാണു തയാറാക്കിയത്. ജൈവവേലി, മണ്‍ ബണ്ട്, ജൈവസംരക്ഷണം അധിനിവേശ സസ്യങ്ങളുടെ നിര്‍മാര്‍ജനം തുടങ്ങി ഒട്ടേറെ പദ്ധതികളാണു വിഭാവനം ചെയ്യുന്നത്. ഘട്ടംഘട്ടമായി കുട്ടനാടിനെ ജൈവകൃഷിയിലേക്കു മാറ്റാനും പദ്ധതി നിര്‍ദേശിക്കുന്നു. നെല്ല്, മത്സ്യം, താറാവ്, പച്ചക്കറി, ഭക്ഷ്യവിളകള്‍ എന്നിങ്ങനെ ബഹുവിഭവകൃഷി ആരംഭിക്കാനും കാര്‍ഷിക കലണ്ടറിനു രൂപം നല്‍കാനും കാലാവസ്ഥാ വ്യതിയാനത്തെ ചെറുക്കുന്ന കൃഷിരീതി തുടങ്ങാനുമാണു മറ്റൊരു നിര്‍ദേശം. ലവണാംശം കുറയ്ക്കാനും മലിന ജലം കളയാനും വടയാറിനെ വഴിതിരിച്ച് വെള്ളം എത്തിക്കാനും നിര്‍ദേശിക്കുന്നു. കിഴക്കന്‍ പ്രളയത്തെ ചെറുക്കാനുള്ള സാധ്യതകളും ആരായുന്നു.

ലഹരിവിരുദ്ധ കാമ്പയിനു തുടക്കം

ചങ്ങനാശേരി: റേഡിയോ മീഡിയാ വില്ലേജും ഡിസിഎല്‍ ചങ്ങനാശേരി മേഖലയും സംയുക്തമായി സംഘടിപ്പിച്ച ലഹരിവിരുദ്ധ ദിനാചരണ പരിപാടിയും നോ പറയാം ഡിസിഎല്‍ കിക്ക് ഔട്ട് ബ്രിഗേഡ് പ്രവര്‍ത്തന വര്‍ഷവും മീഡിയാ വില്ലേജ് തിയറ്ററില്‍ നടന്നു. അതിരൂപതാ വികാരി ജനറാള്‍ മോണ്‍.ആന്‍റണി എത്തയ്ക്കാട്ട് ഉദ്ഘാടനം ചെയ്തു. ലഹരിവിരുദ്ധ കാമ്പയിന്‍റെ ലോഗോ ഡിസിഎല്‍ മേഖല ഓര്‍ഗൈനസര്‍ ജോഷി കൊല്ലാപുരത്തിനു നല്‍കി അദ്ദേഹം പ്രകാശനം ചെയ്തു. മീഡിയാ വില്ലേജ് എക്‌സിക്യൂട്ടീവ് ഡയറക്ടര്‍ ഫാ. ജോഫി പുതുപ്പറമ്പ് അധ്യക്ഷനായിരുന്നു. ഡിസി എല്‍ നാഷണല്‍ കോ-ഓര്‍ഡിനേറ്റര്‍ വര്‍ഗീസ് കൊച്ചുകുന്നേല്‍ ലഹരിവിരുദ്ധ പ്രതിജ്ഞ ചൊല്ലിക്കൊടുത്തു. ആന്‍സി മേരി ജോണ്‍, കെ. വിപിന്‍ രാജ്, പരിമള്‍ ആന്‍റണി, റോയി തോമസ്, അല്‍ഫോന്‍സ ജോസഫ് എന്നിവര്‍ പ്രസംഗിച്ചു. സെന്‍റ് ആന്‍സ് സ്‌കൂള്‍ ഗായകസംഘം ലഹരി വിരുദ്ധ തീം സോംഗ് അവതരിപ്പിച്ചു.

എന്നു തീരും ഈ ദുരിതം : തുരുത്തി-മുളയ്ക്കാംതുരുത്തി-വീയപുരം റോഡ് നിര്‍മാണം വൈകുന്നു

ചങ്ങനാശേരി: നിര്‍മാണ നടപടികള്‍ നീളുന്ന തുരുത്തി-മുളയ്ക്കാംതുരുത്തി-വീയപുരം റോഡിലെ കാല്‍നടയാത്രയും വാഹനസഞ്ചാരവും അപകടഭീഷണിയില്‍. വലിയ കുഴികളിൽ കെഎസ്ആര്‍ടിസി ബസുകള്‍ ചാഞ്ഞും ചരിഞ്ഞും സഞ്ചരിക്കുന്നത് വാഹന, കാൽനട യാത്രക്കാരെ ഭീതിയിലാഴ്ത്തുകയാണ്. യാത്രക്കാരുടെ സുരക്ഷ മാനിച്ച് നിര്‍മാണ നടപടികള്‍ വേഗത്തിലാക്കണമെന്നാണു നാട്ടുകാരുടെ ആവശ്യം. 2018ലെ പ്രളയദിനങ്ങളില്‍പോലും വെള്ളക്കെട്ടുണ്ടായിട്ടില്ലാത്ത റോഡിന്‍റെ ഇരുവശങ്ങളിലും ഉയര്‍ത്തി ഓട നിര്‍മിച്ചതോടെ റോഡിന്‍റെ വീതി കുറഞ്ഞു നിലവിലുണ്ടായിരുന്ന സൗകര്യങ്ങള്‍ നഷ്ടപ്പെടുകയായിരുന്നു. വാലടി പോലുള്ള പ്രദേശങ്ങളില്‍ കുട്ടനാടന്‍ ഭൂപ്രകൃതിക്ക് ഒട്ടും അനുയോജ്യമല്ലാത്ത രീതിയിൽ റോഡ് നിര്‍മാണം നടന്നപ്പോള്‍ പലരും പരാതികളുന്നയിച്ചെങ്കിലും അധികൃതർ അതൊന്നും ഗൗനിച്ചതേയില്ലെന്നാണ് നാട്ടുകാര്‍ പറയുന്നത്. മഴക്കാലത്ത് പാടശേഖരങ്ങളിലെ വെള്ളക്കെട്ടില്‍ മുങ്ങാറുള്ള റോഡുകള്‍ക്കെന്തിനാണ് ഓട എന്നുള്ള ചോദ്യത്തിന് ഉത്തരമുണ്ടായില്ലെന്നും നാട്ടുകാര്‍ വിമര്‍ശനം ഉന്നയിക്കുന്നു. അശാസ്ത്രീയ രൂപകല്പനയ്ക്കു പിന്നില്‍ അഴിമതിയാണെന്ന ആക്ഷേപം പദ്ധതി ആരംഭിച്ച കാലം മുതല്‍ നാട്ടുകാരും മാധ്യമങ്ങളും ഉന്നയിച്ചിരുന്നെങ്കിലും വിഷയം ഏറ്റെടുക്കാന്‍ മുഖ്യധാരാ രാഷ്‌ട്രീയ പാര്‍ട്ടികളൊന്നും തയാറായില്ലെന്നതും ചര്‍ച്ചാവിഷയമാണ്. പ്രതീക്ഷയോടെ നാട്ടുകാര്‍ പഴയ കരാറുകാരനെ ടെര്‍മിനേറ്റു ചെയ്തതിനുശേഷം പുതിയ കരാറുകാരനു കഴിഞ്ഞദിവസം സെലക്ഷന്‍ നോട്ടീസ് നല്‍കിയതോടെ മുടങ്ങിക്കിടക്കുന്ന റോഡു നവീകരണ പ്രവര്‍ത്തനങ്ങള്‍ വൈകാതെ പുനരാരംഭിക്കുമെന്ന പ്രതീക്ഷ നാട്ടുകാര്‍ക്കുണ്ട്. ലെവല്‍സ് എടുത്ത് നടപടിക്രമങ്ങള്‍ പൂര്‍ത്തീകരിച്ചശേഷമാണ് സാധാരണഗതിയില്‍ നിര്‍മാണ പ്രവര്‍ത്തനങ്ങള്‍ ആരംഭിക്കാറുള്ളത്. ഇതിനായി മഴക്കാലം കഴിഞ്ഞു വെള്ളമിറങ്ങുന്നതുവരെ കാത്തിരുന്നാല്‍ ഇപ്പോള്‍തന്നെ കുഴിയില്‍ച്ചാടി നടുവൊടിഞ്ഞുകൊണ്ടിരിക്കുന്ന യാത്രക്കാരുടെ ദുരിതങ്ങള്‍ ഇനിയും ഏറെക്കാലം നീണ്ടുനിന്നേക്കും. കെഎസ്ആര്‍ടിസി സര്‍വീസുകള്‍ പ്രതിസന്ധിയില്‍ റോഡിലെ ഗതാഗതം താറുമാറായതോടെ കെഎസ്ആര്‍ടിസി ജീവനക്കാര്‍ ഈ റൂട്ടില്‍ സര്‍വീസ് നടത്തുന്നതിനോടു വിമുഖത പ്രകടിപ്പിക്കുന്നതായി സൂചനകളുണ്ട്. തകര്‍ന്ന റോഡിലൂടെ യഥാസമയം ബസുകള്‍ക്ക് ഓടിയെത്താനാകുന്നില്ലെന്നും കെഎസ്ആര്‍ടിസി ജീവനക്കാര്‍ പറയുന്നു. ബസ് സര്‍വീസ് മുടങ്ങിയാല്‍ ഈ റൂട്ടിലെ യാത്രക്കാരുടെ കാര്യം കഷ്ടത്തിലാകും. കെഎസ്ടിപി പദ്ധതിയുടെ പരിധിയിലുള്ളതല്ലെങ്കിലും തുരുത്തിയില്‍നിന്നും കാവാലത്തേക്കുള്ള റോഡില്‍ നാരകത്തറ മുതല്‍ കൃഷ്ണപുരം വരെയുള്ള ഭാഗം കോഴിച്ചാല്‍ പാടശേഖരത്തിലെ വെള്ളക്കെട്ടില്‍ മുങ്ങിക്കിടക്കുന്നതിനാല്‍ നാരകത്തറയിലെത്തി ബസുകള്‍ മടങ്ങുകയാണ്. കൃഷ്ണപുരം ഭാഗത്തു റോഡുയര്‍ത്തുന്നതിനുള്ള അനുമതിയായെങ്കിലും ജോലികള്‍ തുടങ്ങിയിട്ടില്ല. ഏതാനും പാടശേഖരങ്ങളിലെ ജലനിരപ്പ് ആവശ്യാനുസരണം ക്രമീകരിക്കുന്നതിനുള്ള നടപടികളെടുത്താല്‍ നിര്‍മാണപ്രവര്‍ത്തനങ്ങള്‍ ആരംഭിക്കാനും അത്യാവശ്യം കുഴികളെങ്കിലുമടച്ച് ബസ് സര്‍വീസുകള്‍ തുടരാനും സാധിക്കുമെന്നാണ് നാട്ടുകാര്‍ ചൂണ്ടിക്കാട്ടുന്നത്. ജനപ്രതിനിധികളും അധികൃതരും ഇതിനുള്ള ഇടപെടലുകള്‍ നടത്തണമെന്നാണവര്‍ ആവശ്യപ്പെടുന്നത്.

അതിദാരിദ്ര്യരഹിത ജില്ലാ പ്രഖ്യാപനം നാടകമെന്നു ബിജെപി

കോട്ടയം: അതിദാരിദ്ര്യ രഹിത ജില്ലാ പ്രഖ്യാപനം ജനങ്ങളുടെ കണ്ണില്‍ പൊടിയിടാനുള്ള തന്ത്രമാണെന്ന് ബിജെപി കോട്ടയം വെസ്റ്റ് ജില്ലാ പ്രസിഡന്‍റ് ജി. ലിജിന്‍ ലാല്‍. രാജ്യത്താകമാനം മോദി സര്‍ക്കാരിന്‍റെ സമയബന്ധിത പരിപാടികളിലൂടെ ദാരിദ്ര്യം നിര്‍മാര്‍ജനം ചെയ്തുവരികയാണ്. നരേന്ദ്രമോദി സര്‍ക്കാരിന്‍റെ ദീര്‍ഘവീക്ഷണത്തോടെയുള്ള പദ്ധതികളുടെ ഗുണഫലമാണ് കോട്ടയത്തും പ്രതിഫലിക്കുന്നതെന്ന് പറഞ്ഞ അദ്ദേഹം ക്രെഡിറ്റ് സ്വന്തമാക്കുന്നതിനായി നടത്തുന്ന കണ്‍കെട്ടു വിദ്യയാണ് ഇപ്പോള്‍ അരങ്ങേറുന്നതെന്നും ആരോപിച്ചു. കോട്ടയം: ദാരിദ്ര്യനിർമാർജനം എന്നത് ഇടതു ഗവൺമെന്‍റിന്‍റെ കൺകെട്ടു വിദ്യയെന്ന് ബിജെപി കോട്ടയം ഈസ്റ്റ് ജില്ലാ പ്രസിഡന്‍റ് റോയി ചാക്കോ. ജില്ലയെ ആദ്യത്തെ അതിദാരിദ്ര്യരഹിത ജില്ലയായി പ്രഖ്യാപിച്ച മാനദണ്ഡം സർക്കാർ പുറത്തുവിടണമെന്നും അദേഹം ആവശ്യപ്പെട്ടു.

ലഹരിവിരുദ്ധ ദിനത്തിൽ സൈക്ലത്തോൺ

കോട്ടയം: ലഹരിവിരുദ്ധ ദിനത്തിന്‍റെ ഭാഗമായി കോട്ടയം ഹോളി ഫാമിലി ഹയർ സെക്കൻഡറി സ്കൂളിലെ സ്കൗട്ട് ആൻഡ് ഗൈഡ് കുട്ടികൾ ലഹരി വിരുദ്ധ സന്ദേശ സൈക്ലത്തോൺ നടത്തി. കോട്ടയം ഈസ്റ്റ് സിഐ ശ്രീജിത്ത് ഫ്ലാഗ് ഓഫ് ചെയ്തു. പ്രിൻസിപ്പൽ അന്നമ്മ ഏബ്രഹാം, ഗൈഡ് ക്യാപ്റ്റൻ ഫ്രിങ്കിൽ ജോസഫ്, റോവർ സ്കൗട്ട് ലീഡർ സിജു ഇട്ടിച്ചെറിയ എന്നിവർ നേതൃത്വം നൽകി.

സ്വച്ഛ് സർവേഷൺ റീൽസ് മത്സരം: രജിസ്ട്രേഷൻ രണ്ടുദിവസംകൂടി

കോട്ടയം: “എന്‍റെ കരുതൽ എന്‍റെ പരിസ്ഥിതിക്കായി’’ എന്ന പരിപാടിയുടെ ഭാഗമായി ശുചിത്വ മിഷന്‍റെ നേതൃത്വത്തിൽ നടത്തുന്ന സംസ്ഥാനതല റീൽസ് മത്സരത്തിൽ പങ്കെടുക്കാൻ 30 വരെ അവസരം. താത്പര്യമുള്ളവർ എന്‍റെ കരുതൽ എന്‍റെ പരിസ്ഥിതിക്കായി എന്ന വിഷയത്തെ ആസ്പദമാക്കി ചിത്രീകരിക്കുന്ന വീഡിയോ 30നകം നൽകണം. റീൽസ് ചിത്രീകരിച്ച വ്യക്തി അത് സ്വന്തം സോഷ്യൽ മീഡിയ പേജിൽ പോസ്റ്റ് ചെയ്ത ലിങ്ക്, എംപി4 അല്ലെങ്കിൽ എവിഐ വീഡിയോ ഫോർമാറ്റുകൾ [email protected] എന്ന മെയിൽ ഐഡിയിലേക്ക് അയയ്ക്കണം. വീഡിയോയുടെ കൂടെ suchitwamission kottayam, ssg2025, swachchsurvekshan grameen2025 എന്നീ ടാഗുകൾ ഉപയോഗിക്കണം. മത്സരാർഥികൾ ജില്ലാ ശുചിത്വമിഷന്‍റെ സോഷ്യൽ മീഡിയ പേജുകൾ ഫോളോ ചെയ്യണം. കാമറയോ മൊബൈൽ ഫോണോ ഉപയോഗിച്ചു വീഡിയോ എടുക്കാം. വീഡിയോകൾ സ്വന്തം ആശയം ആയിരിക്കണം. ഒരു മിനിറ്റിൽ താഴെയുള്ള വീഡിയോ 9:16 പോർട്ടറേറ്റ് എന്ന അനുപാതത്തിൽവേണം എടുക്കേണ്ടത്. റീൽസുകൾ മലയാളത്തിൽ ആയിരിക്കണം. കുറ്റകരമോ അപകീർത്തികരമോ വെറുപ്പുളവാക്കുന്നതോ ആയ ഉള്ളടക്കം ഉണ്ടാകാൻ പാടില്ല. സംസ്ഥാനതലത്തിൽ തെരഞ്ഞെടുക്കപ്പെടുന്ന മികച്ച 10 റീൽസുകൾക്ക് 10,000 രൂപ വീതം സമ്മാനം നൽകും. ഫോൺ: 0481-2573606.

പേവിഷബാധ ബോധവത്കരണ കാമ്പയിൻ ജില്ലാതല ഉദ്ഘാടനം നാളെ

കോട്ടയം: ആരോഗ്യ കുടുംബക്ഷേമ വകുപ്പ്, വിദ്യാഭ്യാസ വകുപ്പ് എന്നിവയുടെ നേതൃത്വത്തിൽ സ്‌കൂൾ വിദ്യാർഥികൾക്കായി പേവിഷബാധ ബോധവത്കരണ കാമ്പയിൻ നടത്തും. പേവിഷബാധയുമായി ബന്ധപ്പെട്ട് സ്‌കൂൾ അധികൃതരും വിദ്യാർഥികളും ചെയ്യേണ്ട കാര്യങ്ങളിൽ അവബോധം സൃഷ്ടിക്കുകയാണ് കാമ്പയിനിലൂടെ ലക്ഷ്യമിടുന്നത്. ജില്ലാതല ഉദ്ഘാടനം കോട്ടയം ഗവൺമെന്‍റ് മോഡൽ ഹയർ സെക്കൻഡറി സ്‌കൂളിൽ നാളെ നടക്കും. രാവിലെ 10ന് ജില്ലാ കളക്ടർ ജോൺ വി. സാമുവൽ ഉദ്ഘാടനം നിർവഹിക്കും. ജില്ലാ മെഡിക്കൽ ഓഫീസർ ഡോ. എൻ. പ്രിയ അധ്യക്ഷത വഹിക്കും. കാമ്പയിന്‍റെ ലക്ഷ്യം * സ്‌കൂൾ കോമ്പൗണ്ടിൽ തെരുവുനായ്ക്കൾ പെരുകുന്നത് തടയുന്നതിനായി സ്‌കൂൾ പരിസരം ശുചീകരിച്ച് ഭക്ഷണ അവശിഷ്ടങ്ങൾ ശാസ്ത്രീയമായി സംസ്‌കരിക്കൽ. * രോഗം പരത്തുന്ന മൃഗങ്ങൾ, പകരുന്ന രീതി എന്നിവയേക്കുറിച്ച് വിദ്യാർഥികളിൽ അവബോധം വളർത്തൽ. * മൃഗങ്ങളുടെ കടി, മാന്തൽ, പോറൽ എന്നിവ ഏറ്റാൽ രക്ഷിതാക്കളേയോ അധ്യാപകരേയോ ഉടനടി വിവരമറിയിക്കാൻ കുട്ടികളെ പ്രാപ്തരാക്കൽ. * സ്‌കൂളിലേക്കു വരുന്ന വഴിയിൽ തെരുവുനായ ആക്രമിച്ചാൽ നിർബന്ധമായും സ്‌കൂൾ ടീച്ചറോട് പറയേണ്ടതിന്‍റെ ആവശ്യകത കുട്ടികളെ ബോധ്യപ്പെടുത്തൽ. * പ്രഥമശുശ്രൂഷ നൽകിയശേഷം എത്രയും വേഗം കുട്ടിയെ ആശുപത്രിയിൽ എത്തിച്ചു വാക്‌സിൻ നൽകൽ. * സ്‌കൂളിൽ പ്രഥമശുശ്രൂഷ കിറ്റ് കരുതേണ്ടതിന്‍റെയും അതിൽ കൈയുറ നിർബന്ധമായും ഉണ്ടായിരിക്കേണ്ടതിന്‍റെയും ആവശ്യകത ബോധ്യപ്പെടുത്തൽ.

അദാലത്തിൽ ഒന്പത് പരാതികൾ തീർപ്പാക്കി

കോട്ടയം: സംസ്ഥാന യുവജന കമ്മീഷന്‍ ജില്ലാ അദാലത്തില്‍ ഒന്പതു പരാതികള്‍ തീര്‍പ്പാക്കി. കമ്മീഷന്‍ ചെയര്‍മാന്‍ എം. ഷാജറിന്‍റെ അധ്യക്ഷതയില്‍ കളക്ടറേറ്റിലെ തൂലിക ഹാളില്‍ നടന്ന അദാലത്തില്‍ 20 കേസുകളാണു പരിഗണിച്ചത്. 11 എണ്ണം അടുത്ത സിറ്റിംഗിലേക്കു മാറ്റി. മഞ്ചേരി ആസ്ഥാനമായി പ്രവര്‍ത്തിക്കുന്ന ഒരു വിദ്യാഭ്യാസ സ്ഥാപനം ചങ്ങനാശേരി സ്വദേശിയായ വിദ്യാര്‍ഥിയുടെ എസ്എല്‍എസ്‌സി സര്‍ട്ടിഫിക്കറ്റ് തടഞ്ഞുവച്ച സംഭവത്തില്‍ കമ്മീഷന്‍ ഇടപ്പെട്ടു. ഇന്‍റേണ്‍ഷിപ്പ് ചെയ്തില്ലെന്ന കാരണത്താലാണ് സര്‍ട്ടിഫിക്കറ്റ് തടഞ്ഞതെന്നുള്ള സ്ഥാപനത്തിന്‍റെ മറുപടി കമ്മീഷന്‍ തള്ളി. ആ കാരണത്താല്‍ എസ്എല്‍എസ്‌സി സര്‍ട്ടിഫിക്കറ്റ് തടഞ്ഞുവയ്ക്കാന്‍ കഴിയില്ലെന്നും സര്‍ട്ടിഫിക്കറ്റ് വിദ്യാര്‍ഥിക്ക് ലഭ്യമാക്കാനും കമ്മീഷന്‍ ഉത്തരവിട്ടു. കമ്മീഷന്‍ അംഗം അബേഷ് അലോഷ്യസ്, കമ്മീഷന്‍ സെക്രട്ടറി ഡി. ലീന ലിറ്റി, അഡ്മിനിസ്‌ട്രേറ്റീവ് ഓഫീസര്‍ കെ. ജയകുമാര്‍, ലീഗല്‍ അഡ്വൈസര്‍ ബാലമുരളി, കമ്മീഷന്‍ അസിസ്റ്റന്‍റ് അഭിഷേക് പി. നായര്‍ എന്നിവര്‍ പങ്കെടുത്തു.

ട്രെയിനില്‍നിന്നു മൊബൈല്‍ഫോൺ മോഷ്‌ടിച്ച അസം സ്വദേശി പിടിയിൽ

കോട്ടയം: ട്രെയിനില്‍നിന്നു മൊബൈല്‍ ഫോണ്‍ മോഷ്ടിച്ച കേസില്‍ അസം സ്വദേശിയായ 20 വയസുകാരനെ കോട്ടയം റെയില്‍വേ പോലീസ് പിടികൂടി. അസം സ്വദേശിയായ അമിനുള്‍ ഇസ്‌ലാമിനെയാണു ചെങ്ങന്നൂര്‍ ആര്‍പിഎഫിന്‍റെ സഹായത്തോടെ കോട്ടയം റെയില്‍വേ പോലീസ് എസ്എച്ച്ഒ റെജി പി. ജോസഫിന്‍റെ നേതൃത്വത്തിലുള്ള സംഘം പിടികൂടിയത്. ഇന്നലെ രാവിലെ ചെന്നൈ-തിരുവനന്തപുരം എക്‌സ്പ്രസ് ട്രെയിനിലെ യാത്രക്കാരുടെ മൊബൈല്‍ ഫോണാണ് ഇയാള്‍ മോഷ്ടിച്ചത്. ചെങ്ങന്നൂര്‍ സ്റ്റേഷനില്‍ എത്തിയപ്പോള്‍ ഒന്നാം നമ്പര്‍ പ്ലാറ്റ്‌ഫോമില്‍നിന്നു മൂന്നാം നമ്പര്‍ പ്ലാറ്റ്‌ഫോമിലുള്ള പരശുറാം എക്‌സ്പ്രസിലേക്ക് ഇയാള്‍ ഓടിക്കയറുകയായിരുന്നു. ഈ സമയം പ്ലാറ്റ്‌ഫോമില്‍ ഡ്യൂട്ടിയില്‍ ഉണ്ടായിരുന്ന ആര്‍പിഎഫ് എസ്‌ഐ കെ.ഐ. ജോസ്, ആര്‍പിഎഫ് എഎസ്‌ഐ ഗിരികുമാര്‍, ആര്‍പിഎഫ് എച്ച്‌സി ദിലീപ് കുമാര്‍, ആര്‍പിഎഫ് കോട്ടയം ഷാനു എന്നിവരുടെ നേതൃത്വത്തില്‍ പ്രതിയെ പിടികൂടുകയായിരുന്നു. കോട്ടയത്ത് എത്തിച്ച പ്രതിയെ റെയില്‍വേ പോലീസ് എസ്എച്ച്ഒ റെജി പി. ജോസഫ് അറസ്റ്റ് ചെയ്ത് കോടതിയില്‍ ഹാജരാക്കി റിമാന്‍ഡ് ചെയ്തു. ട്രെയിനുകള്‍ കേന്ദ്രീകരിച്ച് മുമ്പും സമാനമായ രീതിയില്‍ ഇയാള്‍ മോഷണം നടത്തിയിരുന്നതായി പോലീസ് പറഞ്ഞു.

അന്തർസർവകലാശാലാ സ്പോർട്സ് ചാന്പ്യൻഷിപ്: കോളജുകളെയും വിദ്യാർഥികളെയും ആദരിക്കൽ നാളെ

അതിരമ്പുഴ: അഖിലേന്ത്യ അന്തര്‍ സര്‍വകലാശാലാ സ്‌പോര്‍ട്‌സ് ചാമ്പ്യന്‍ഷിപ്പുകളില്‍ മെഡല്‍ നേടിയ വിദ്യാര്‍ഥികളെയും കായികമേഖലയില്‍ മികവു പുലര്‍ത്തിയ കോളജുകളെയും എംജി യൂണിവേഴ്‌സിറ്റി നാളെ ആദരിക്കും. രാവിലെ 10.30ന് സര്‍വകലാശാല അസംബ്ലി ഹാളില്‍ നടക്കുന്ന ചടങ്ങ് മന്ത്രി വി.എന്‍. വാസവന്‍ ഉദ്ഘാടനം ചെയ്യും. വൈസ് ചാന്‍സലര്‍ ഡോ. സി.ടി. അരവിന്ദകുമാര്‍ അധ്യക്ഷത വഹിക്കും. രാജ്യാന്തര മുന്‍ കായികതാരങ്ങളായ ഷൈനി വിത്സണും വിത്സന്‍ ചെറിയാനും വിശിഷ്ടാതിഥികളായി പങ്കെടുക്കും. സിന്‍ഡിക്കറ്റ് അംഗം റെജി സഖറിയ മുഖ്യപ്രഭാഷണം നടത്തും. സിന്‍ഡിക്കറ്റ് അംഗങ്ങളായ പി. ഹരികൃഷ്ണന്‍, ഡോ. ബിജു തോമസ്, ഡോ. ജോജി അലക്‌സ്, സര്‍വകലാശാലാ രജിസ്ട്രാര്‍ ഡോ. ബിസ്മി ഗോപാലകൃഷ്ണന്‍, സ്‌കൂള്‍ ഓഫ് ഫിസിക്കല്‍ എഡ്യുക്കേഷന്‍ ആന്‍ഡ് സ്‌പോര്‍ട്‌സ് സയന്‍സസ് ഡയറക്ടര്‍ ഡോ. ബിനു ജോര്‍ജ് വര്‍ഗീസ്, സര്‍വകലാശാലാ യൂണിയന്‍ ചെയര്‍പേഴ്‌സണ്‍ എം.എസ്. ഗൗതം, ഫിസിക്കല്‍ എഡ്യുക്കേഷന്‍ ടീച്ചേഴ്‌സ് അസോസിയേഷന്‍ പ്രസിഡന്‍റ് ജോസ് സേവ്യര്‍, കെ.കെ. സ്വാതി എന്നിവര്‍ പ്രസംഗിക്കും.

നാഗമ്പടം എസ്എച്ച് മെഡിക്കല്‍ സെന്‍റർ ഹോസ്പിറ്റൽ ദിനം ആഘോഷിച്ചു

കോട്ടയം: നാഗമ്പടം എസ്എച്ച് മെഡിക്കല്‍ സെന്‍ററിന്‍റെ 56-ാമത് ഹോസ്പിറ്റല്‍ ദിനം ആഘോഷിച്ചു. സമ്മേളനവും പുതുതായി ആരംഭിച്ച എംആര്‍ഐ സ്‌കാനറും മന്ത്രി റോഷി അഗസ്റ്റിന്‍ ഉദ്ഘാടനം ചെയ്തു. ഹോസ്പിറ്റലിന്റെ 56 വര്‍ഷത്തെ ചരിത്രം ഉള്‍ക്കൊള്ളുന്ന ഡോക്യുമെനന്‍ററിയുടെ പ്രകാശനം ഫ്രാന്‍സിസ് ജോര്‍ജ് എംപിയും നവീകരിച്ച ലേബര്‍ റൂമിന്‍റെ ഉദ്ഘാടനം തിരുവഞ്ചൂര്‍ രാധാകൃഷ്ണന്‍ എംഎല്‍എയും നിര്‍വഹിച്ചു. സെന്‍റ് മാത്യൂസ് പ്രോവിന്‍സ് പ്രൊവിന്‍ഷ്യല്‍ സിസ്റ്റര്‍ കാതറിന്‍ നെടുന്പുറം അധ്യക്ഷത വഹിച്ചു. മദര്‍ ജനറല്‍ സിസ്റ്റര്‍ ഉഷ മരിയ എസ്എച്ച് അനുഗ്രഹപ്രഭാഷണം നടത്തി. എസ്എച്ച് ഹോസ്പിറ്റല്‍ ഡയറക്ടര്‍ സിസ്റ്റര്‍ ജീന റോസ് എസ്എച്ച്, റവ.ഡോ. മാണി പുതിയിടം, ലൂര്‍ദ് ഫൊറോന വികാരി ഫാ. ജേക്കബ് വട്ടക്കാട്ട്, സിസ്റ്റര്‍ ലിറ്റില്‍ ഫ്‌ളവര്‍ എസ്എച്ച്, നഗരസഭാ വൈസ്‌ചെയര്‍മാന്‍ ബി. ഗോപകുമാര്‍ തുടങ്ങിയവര്‍ പ്രസംഗിച്ചു.

ഈ വഴിയിലെ ലൈറ്റുകൾ പ്രകാശിപ്പിക്കുമോ?

ഏറ്റുമാനൂർ: ബസ്‌സ്റ്റാൻഡുകളെ തമ്മിൽ ബന്ധിപ്പിക്കുന്ന റോഡിൽ വെളിച്ചമില്ലാത്തത് യാത്രക്കാരെ വലയ്ക്കുന്നു. കെഎസ്ആർടിസി ബസ് സ്റ്റാൻഡിനെയും പ്രൈവറ്റ് ബസ്‌സ്റ്റാൻഡിനെയും ബന്ധിപ്പിക്കുന്ന റോഡിലാണ് വെളിച്ചമില്ലാത്തത്. ഒരു ബസ്‌സ്റ്റാൻഡിൽ ഇറങ്ങി അടുത്ത ബസ് സ്റ്റാൻഡിൽ എത്തി യാത്ര തുടരുന്ന ഒട്ടേറെ യാത്രക്കാരുണ്ട്. അവർ ഉപയോഗിക്കുന്ന റോഡാണിത്. വെളിച്ചമില്ലാത്ത ഈ റോഡിലൂടെ സ്ത്രീ യാത്രക്കാർ ഭയന്നാണ് സഞ്ചരിക്കുന്നത്. മദ്യപാനികൾ ഉൾപ്പെടെ സാമൂഹികവിരുദ്ധരുടെ സാന്നിധ്യവും ഇവിടെയുണ്ട്. മുമ്പ് റോഡിൽ സോളാർ ലൈറ്റുകൾ ഉണ്ടായിരുന്നു. നാളുകളായി അവ കേടായ നിലയിലാണ്. റോഡിൽ വൈദ്യുതി വിളക്കുകൾ പ്രകാശിപ്പിക്കാൻ നഗരസഭ അടിയന്തരമായി നടപടി സ്വീകരിക്കണം.

അതിദാരിദ്ര്യ നിര്‍മാര്‍ജനത്തില്‍ കോട്ടയം വഴികാട്ടി: മന്ത്രി രാജേഷ്

കോട്ടയം: കേരളത്തെ അതിദരിദ്രരില്ലാത്ത സംസ്ഥാനമായി മാറ്റുകയെന്ന സംസ്ഥാന സര്‍ക്കാരിന്‍റെ ലക്ഷ്യം കൈവരിക്കുന്നതില്‍ കോട്ടയം ജില്ല വഴികാട്ടിയായിരിക്കുകയാണെന്ന് മന്ത്രി എം.ബി. രാജേഷ്. ജില്ലാ ആസൂത്രണ സമിതി മന്ദിരത്തില്‍ നടന്ന ചടങ്ങില്‍ സംസ്ഥാനത്തെ അതിദരിദ്രരില്ലാത്ത ആദ്യജില്ലയായി കോട്ടയത്തെ പ്രഖ്യാപിച്ച് പ്രസംഗിക്കുകയായിരുന്നു മന്ത്രി രാജേഷ്. മന്ത്രി വി.എന്‍. വാസവന്‍ അധ്യക്ഷത വഹിച്ചു. അതിദാരിദ്ര്യ നിര്‍മാര്‍ജനത്തില്‍ ജില്ലയുടെ നേട്ടങ്ങള്‍ വിശദീകരിക്കുന്ന സ്മരണിക മന്ത്രി എം.ബി. രാജേഷ്, മന്ത്രി വി.എന്‍. വാസവനു നല്‍കി പ്രകാശനം ചെയ്തു. ജില്ലാ കളക്ടര്‍ ജോണ്‍ വി. സാമുവല്‍, ചീഫ് വിപ്പ് ഡോ.എന്‍. ജയരാജ്, എംഎല്‍എമാരായ സെബാസ്റ്റ്യന്‍ കുളത്തുങ്കല്‍, സി.കെ. ആശ, ജില്ലാ പഞ്ചായത്ത് പ്രസിഡന്‍റ് ഹേമലത പ്രേം സാഗര്‍, വൈസ് പ്രസിഡന്‍റ് ജോസ് പുത്തന്‍കാലാ, പഞ്ചായത്ത് അസോസിയേഷന്‍ പ്രസിഡന്‍റ് അജയന്‍ കെ. മേനാന്‍, ബ്ലോക്ക് പഞ്ചായത്ത് അസോസിയേഷന്‍ പ്രസിഡന്‍റ് മുകേഷ് കെ. മണി, തദ്ദേശ സ്വയംഭരണവകുപ്പ് അഡീഷണല്‍ ഡയറക്ടര്‍ പി.സി. ബാലഗോപാല്‍, ജോയിന്‍റ് ഡയറക്ടര്‍ ബിനു ജോണ്‍, ഡെപ്യൂട്ടി ഡയറക്ടര്‍ വി.ആര്‍. രാജീവ്, അസിസ്റ്റന്‍റ് ഡയറക്ടര്‍ സജ്ന സത്താര്‍, എഡിഎം എസ്. ശ്രീജിത്ത്, തദ്ദേശ സ്വയം ഭരണവകുപ്പ്, ദാരിദ്ര്യ ലഘൂകരണ വിഭാഗം പ്രോജക്ട് ഡയറക്ടര്‍ ബെവിന്‍ ജോണ്‍ വര്‍ഗീസ് എന്നിവര്‍ പ്രസംഗിച്ചു. അതിദരിദ്രരില്ലാത്ത ജില്ലയായി കോട്ടയം മാറിയതിങ്ങനെ രണ്ടാം പിണറായി സര്‍ക്കാരിന്‍റെ ആദ്യ തീരുമാനമായിരുന്നു അതിദാരിദ്ര്യ നിര്‍മാര്‍ജന പ്രക്രിയ. അഞ്ചു വര്‍ഷത്തിനുള്ളില്‍ അതിദാരിദ്ര്യം പൂര്‍ണമായി തുടച്ചുനീക്കാനാണ് സര്‍ക്കാര്‍ ലക്ഷ്യമിട്ടത്. വിവരശേഖരണ പ്രക്രിയ 2021 ഒക്‌ടോബറില്‍ ആരംഭിച്ചു. 1344 എന്യൂമറേഷന്‍ സംഘങ്ങള്‍ സര്‍വേയില്‍ പങ്കാളികളായി. 2688 എന്യുമറേറ്റര്‍മാര്‍ പങ്കെടുത്തു. അനുബന്ധമായി ഫോക്കസ് ഗ്രൂപ്പ് ചര്‍ച്ചകളും ഗ്രാമസഭാ ചര്‍ച്ചകളും നടന്നു. ഭക്ഷണം, ആരോഗ്യം, വരുമാനം, വാസസ്ഥലം (വീടില്ലാത്തവര്‍, വീടും സ്ഥലവും ഇല്ലാത്തവര്‍) എന്നീ ക്ലേശഘടകങ്ങള്‍ അടിസ്ഥാനമാക്കിയാണ് അതിദാരിദ്ര്യം നിര്‍ണയിച്ചത്. 2022 ജനുവരി 10ന് അതിദാരിദ്ര്യ നിര്‍ണയ പ്രക്രിയ സംസ്ഥാനത്ത് ആദ്യമായി പൂര്‍ത്തീകരിച്ച ജില്ലയായി കോട്ടയം. 1071 പേരെ സര്‍വേയില്‍ കണ്ടെത്തി. അന്തിമപട്ടികയില്‍ 903 പേരെ അതിദരിദ്രരായി കണ്ടെത്തി. അതിദരിദ്രരുടെ പുനരധിവാസത്തിനും ഉപജീവനത്തിനുമായി 2022 ഓഗസ്റ്റില്‍ 978 മൈക്രോപ്ലാനുകള്‍ തയാറാക്കി. 2022 ഒക്ടോബറില്‍ നിര്‍വഹണം ആരംഭിച്ചു. തദ്ദേശ സ്വയംഭരണ സ്ഥാപന തലത്തില്‍ തയാറാക്കിയ മൈക്രോപ്ലാന്‍ പ്രകാരം ഭക്ഷണം, മരുന്നുകള്‍, പാലിയേറ്റീവ് കെയര്‍, ആരോഗ്യ സഹായ ഉപകരണങ്ങള്‍ എന്നിങ്ങനെയുള്ള ആരോഗ്യസേവനങ്ങളും ആവശ്യമുള്ള മുഴുവന്‍ കുടുംബങ്ങള്‍ക്കും ലഭ്യമാക്കിയായിരുന്നു നിര്‍വഹണം. ഭക്ഷണത്തിനു ബുദ്ധിമുട്ടു നേരിട്ട കുടുംബങ്ങള്‍ക്ക് ഭക്ഷ്യകിറ്റ് വിതരണം ചെയ്യല്‍, ആഹാരം പാകം ചെയ്യാന്‍ സാധിക്കാത്ത കുടുംബങ്ങള്‍ക്ക് പാകം ചെയ്ത ഭക്ഷണം നല്‍കല്‍ തുടങ്ങിയവ ലഭ്യമാക്കി തുടര്‍ന്നുവരുന്നുണ്ട്. ഇത്തരത്തില്‍ 605 കുടുംബങ്ങള്‍ക്കാണു സേവനം നല്‍കുന്നത്. മരുന്നുകള്‍ ആവശ്യമുള്ള 693 കുടുംബങ്ങള്‍ക്ക് അതും ലഭ്യമാക്കി. പാലിയേറ്റീവ് കെയര്‍ സേവനങ്ങള്‍ ആവശ്യമായിരുന്ന 206 കുടുംബങ്ങള്‍ക്കും ആരോഗ്യസുരക്ഷാ സാമഗ്രികള്‍ ആവശ്യമായിരുന്ന ആറു കുടുംബങ്ങള്‍ക്കും വരുമാനമാര്‍ഗം ഒരുക്കിക്കൊടുക്കേണ്ടിയിരുന്ന 155 കുടുംബങ്ങള്‍ക്ക് അതിനുള്ള സൗകര്യമൊരുക്കി. കുടുംബശ്രീ-ഉജ്ജീവനം പദ്ധതി വഴി 140 കുടുംബങ്ങള്‍ക്കും തദ്ദേശ സ്വയംഭരണ സ്ഥാപനങ്ങള്‍ വഴി ആറു കുടുംബങ്ങള്‍ക്കും മറ്റു വകുപ്പുകള്‍ വഴി അഞ്ചു കുടുംബങ്ങള്‍ക്കും സ്വകാര്യ സ്ഥാപനങ്ങള്‍ വഴി അഞ്ചു കുടുംബങ്ങള്‍ക്കും വരുമാനമാര്‍ഗങ്ങള്‍ ലഭ്യമാക്കി. ഭവനരഹിതരും, ഭൂരഹിത ഭവനരഹിതരും ആയ മുഴുവന്‍ പേര്‍ക്കും സുരക്ഷിത വാസസ്ഥലങ്ങള്‍ ഉറപ്പാക്കി. അതിദരിദ്ര കുടുംബങ്ങളിൽ വീട് മാത്രം ആവശ്യമായ 67 കുടുംബങ്ങളാണുണ്ടായിരുന്നത്. അവര്‍ക്ക് വീട് ഉറപ്പാക്കി. വീടും വസ്തുവും ആവശ്യമായിട്ടുള്ള 50 കുടുംബങ്ങള്‍ക്ക് ഭൂമിയും വീടും ഉറപ്പാക്കി. 22 കുടുംബങ്ങളെ വാടകവീടുകളിലേക്ക് മാറ്റി. 490 ഗുണഭോക്താക്കള്‍ക്ക് ആധാര്‍, റേഷന്‍ കാര്‍ഡ്, ബാങ്ക് അക്കൗണ്ട്, മറ്റു തിരിച്ചറിയല്‍ കാര്‍ഡുകള്‍ അടക്കമുള്ള അവകാശ രേഖകള്‍ ലഭ്യമാക്കി. 55 വിദ്യാര്‍ഥികള്‍ക്കു സൗജന്യ ബസ് പാസും പഠനോപകരണങ്ങളും ഒരുക്കി. അലഞ്ഞുതിരിഞ്ഞു നടക്കുന്നവര്‍, മാനസികവെല്ലുവിളി നേരിടുന്നവര്‍ എന്നിവരെ പുനരധിവസിപ്പിക്കാനും ചികിത്സയ്ക്കുമുള്ള നടപടികള്‍ സ്വീകരിച്ചു. അതിദരിദ്രരില്ലാത്ത സംസ്ഥാനത്തെ ആദ്യജില്ലയായി കോട്ടയത്തെ പ്രഖ്യാപിച്ചതോടെ ഇന്ത്യയിലെതന്നെ ആദ്യ അതിദരിദ്രരില്ലാത്ത ജില്ലയായി കോട്ടയം മാറിയെന്ന് മന്ത്രി വാസവന്‍ പറഞ്ഞു.

സിപിഎം ഏരിയാ കമ്മിറ്റികള്‍ പുനഃസംഘടിപ്പിച്ചു ; പാലായിലും പൂഞ്ഞാറിലും പുതിയ സെക്രട്ടറിമാര്‍

കോട്ടയം: സംഘടനാ പ്രവര്‍ത്തനം കൂടുതല്‍ എളുപ്പവും ശക്തവുമാക്കുന്നതിനായി ഏരിയാ കമ്മിറ്റികള്‍ പുനഃസംഘടിപ്പിച്ചതോടെ സിപിഎമ്മിനു പാലായിലും പൂഞ്ഞാറിലും പുതിയ സെക്രട്ടറിമാര്‍. ജില്ലാ കമ്മിറ്റിയംഗവും വെളിയന്നൂര്‍ പഞ്ചായത്ത് പ്രസിഡന്‍റുമായ സജേഷ് ശശി പാലായിലും ടി.എസ്. സിജു പൂഞ്ഞാറിലും സെക്രട്ടറിമാരായി തെരഞ്ഞെടുക്കപ്പെട്ടു. പാലാ ഏരിയാ കമ്മിറ്റിയില്‍ ഉള്‍പ്പെട്ടിരുന്ന മരങ്ങാട്ടുപള്ളി ലോക്കല്‍ കമ്മിറ്റി കടുത്തുരുത്തി ഏരിയയിലേക്കും കടപ്ലാമറ്റം ലോക്കല്‍ കമ്മിറ്റി അയര്‍ക്കുന്നം ഏരിയ കമ്മിറ്റിയിലേക്കും മാറ്റി. നിലവില്‍ കടപ്ലാമറ്റം ലോക്കലില്‍നിന്നുള്ള പി.എം. ജോസഫായിരുന്നു പാലായില്‍ ഏരിയാ സെക്രട്ടറി. പി.എം. ജോസഫും കടപ്ലാമറ്റം ലോക്കല്‍ സെക്രട്ടറി ബേബി വര്‍ക്കിയും ഇനി അയര്‍ക്കുന്നം ഏരിയ കമ്മിറ്റിയംഗങ്ങളാകും. മരങ്ങാട്ടുപിള്ളി ലോക്കല്‍ സെക്രട്ടറി കെ.സി. ബിനീഷ് കടുത്തുരുത്തി കമ്മിറ്റിയില്‍ എത്തി. സ്ഥലവിസ്തൃതിയില്‍ ജില്ലയിലെ ഏറ്റവും വലിയ ഏരിയാ കമ്മിറ്റിയായ പൂഞ്ഞാര്‍ ഏരിയായിലുണ്ടായിരുന്ന കടനാടും ഭരണങ്ങാനവും ഇനി പാലായ്ക്കു കീഴിലായിരിക്കും. ഇതോടെ കടനാട് ലോക്കല്‍ കമ്മിറ്റിയംഗമായ നിലവിലെ പൂഞ്ഞാര്‍ ഏരിയാ സെക്രട്ടറി കുര്യാക്കോസ് ജോസഫിന് സ്ഥാനം നഷ്ടമായി. പകരം പൂഞ്ഞാര്‍ തെക്കേക്കരയില്‍നിന്നുള്ള ടി.എസ്. സിജുവിനെ സെക്രട്ടറിയാക്കി. പൂഞ്ഞാറിനു കീഴിലുള്ള തിടനാട് ലോക്കല്‍ ഇനി കാഞ്ഞിരപ്പള്ളി ഏരിയയ്ക്കു കീഴിലായിരിക്കും. കടനാട്, ഭരണങ്ങാനം എന്നിവിടങ്ങളില്‍നിന്നുള്ള കുര്യാക്കോസ് ജോസഫ്, സി.എം. സിറിയക്, ടി.എസ്. ശിവദാസ് എന്നീ ഏരിയാ കമ്മിറ്റിയംഗങ്ങള്‍ പാലായില്‍ കമ്മിറ്റിയംഗങ്ങളുമായി. കാഞ്ഞിരപ്പള്ളി ഏരിയായ്ക്കു കീഴിലുള്ള എലിക്കുളം വാഴൂര്‍ ഏരിയയിലേക്കും കടുത്തുരുത്തി ഏരിയയ്ക്കു കീഴിലുള്ള കല്ലറ ലോക്കല്‍ തലയോലപ്പറമ്പിലേക്കും മാറി. ഇതനുസരിച്ച് ഏരിയ കമ്മിറ്റിയംഗങ്ങളെയും മാറ്റിയിട്ടുണ്ട്. പാലായില്‍ നടന്ന യോഗത്തില്‍ സംസ്ഥാന കമ്മിറ്റിയംഗം കെ. അനില്‍കുമാര്‍, ജില്ലാ സെക്രട്ടറി ടി.ആര്‍. രഘുനാഥന്‍, കെ.എം. രാധാകൃഷ്ണന്‍, കെ. രാജേഷ്, പി.വി. സുനില്‍, ലാലിച്ചന്‍ ജോര്‍ജ് എന്നിവര്‍ പങ്കെടുത്തു.

മഴ ശക്തിപ്പെട്ടതോടെ റബര്‍ ഉത്പാദനം നിലച്ചു

കോട്ടയം: മഴ കനത്തതോടെ മഴമറയിട്ട തോട്ടങ്ങളിലും റബര്‍ ടാപ്പിംഗ് നിലച്ചു. റബര്‍ ഷീറ്റിനും ലാറ്റക്‌സിനും വില ഒരേ നിരക്കിലായതിനാല്‍ ഏറെ കര്‍ഷകരും ഷീറ്റ് സംസ്‌കരണത്തില്‍നിന്ന് പിന്മാറിയതോടെ മാര്‍ക്കറ്റില്‍ ഷീറ്റിന് ക്ഷാമമുണ്ട്. ലാറ്റക്‌സിന് 202 രൂപയും ഷീറ്റിന് 201 രൂപയുമാണ് ഇന്നലെ മാര്‍ക്കറ്റ് വില. പുകപ്പുരകളില്‍ ഒരു കിലോ ഷീറ്റ് ഉണക്കാന്‍ ആറു രൂപ ചെലവും വാഹനക്കൂലിയും മുടക്കണമെന്നതിനാല്‍ കര്‍ഷകര്‍ ലാറ്റക്‌സ് വില്‍ക്കാന്‍ താത്പര്യപ്പെടുന്നു. വ്യവസായികള്‍ക്ക് റബര്‍ ഷീറ്റും ലാറ്റക്‌സും കാര്യമായി സ്റ്റോക്കില്ലാത്ത സാഹചര്യത്തില്‍ അടുത്തയാഴ്ച വില കുറെക്കൂടി മെച്ചപ്പെടുമെന്നാണ് മാര്‍ക്കറ്റ് സൂചന. കിഴക്കന്‍ മലയോരമേഖലയില്‍ വന്യമൃഗ ശല്യത്തെത്തുടര്‍ന്ന് നിരവധി തോട്ടങ്ങളില്‍ ടാപ്പിംഗ് തുടങ്ങിയിട്ടില്ല. ഒട്ടേറെ തോട്ടങ്ങളില്‍ കാട്ടുപന്നി സ്ഥിരവാസമാക്കിയത് റബര്‍ മേഖലയ്ക്ക് ആഘാതമായി.

ജില്ലയിൽ എട്ട് പോലീസ് ഉദ്യോഗസ്ഥർക്ക് ബാഡ്ജ് ഓഫ് ഓണർ പുരസ്കാരം

കോട്ടയം: ജില്ലയിൽ എട്ട് പോലീസ് ഉദ്യോഗസ്ഥർക്ക് സംസ്ഥാന പോലീസ് മേധാവിയുടെ ബാഡ്ജ് ഓഫ് ഓണർ പുരസ്കാരം. ഇന്നലെ തിരുവനന്തപുരത്തു നടന്ന ചടങ്ങിൽ സംസ്ഥാന പോലീസ് മേധാവി ഷെയ്ഖ് ദർവേഷ് സാഹിബ് പുരസ്കാരങ്ങൾ വിതരണം ചെയ്തു. ചിങ്ങവനത്തെ സ്വകാര്യ പണമിടപാടു സ്ഥാപനത്തിൽനിന്നും നാലു കിലോ സ്വർണവും എട്ടു ലക്ഷം രൂപയും കവർന്ന കേസിലെ പ്രതികളെ പിടിച്ച അന്വേഷണ മികവിനാണ് അംഗീകാരം. കോട്ടയം അഡീഷണൽ എസ്പി എ.കെ. വിശ്വനാഥൻ, ചിങ്ങവനം ഇൻസ്പെക്ടർ വി.എസ്. അനിൽകുമാർ, മുൻ ചിങ്ങവനം ഇൻസ്പെക്ടർ എസ്. ബിനു, കോട്ടയം വെസ്റ്റ് സ്റ്റേഷൻ അസിസ്റ്റന്‍റ് സബ് ഇൻസ്‌പെക്ടർ പി.സി. സന്തോഷ്, ചങ്ങനാശേരി സ്റ്റേഷൻ എസ്‌സിപിഒ തോമസ് സ്റ്റാൻലി, കോട്ടയം സ്പെഷൽ ബ്രാഞ്ച് എസ് സിപിഒ ശ്യാം എസ്. നായർ, ചങ്ങനാശേരി ട്രാഫിക് സിപിഒ എം.എ. നിയാസ്, കോട്ടയം ക്രൈംബ്രാഞ്ച് സിപിഒ പി.എ. സതീഷ്കുമാർ എന്നിവർക്കാണ് പുരസ്കാരം ലഭിച്ചത്. 2023 ഓഗസ്റ്റിലാണ് ചിങ്ങവനത്തെ സ്വകാര്യപണമിടപാടു സ്ഥാപനത്തിൽ മോഷണം നടന്നത്.

പകർച്ചവ്യാധി ഭീഷണിയിൽ കാഞ്ഞിരപ്പള്ളി

കാഞ്ഞിരപ്പള്ളി: മഴക്കാലമെത്തിയതോടെ പകർച്ചവ്യാധി ഭീഷണിയിൽ കാഞ്ഞിരപ്പള്ളി. രോഗങ്ങള്‍ പടരുന്ന സാഹചര്യത്തിലും ആരോഗ്യവകുപ്പ് നടപടി സ്വീകരിക്കുന്നില്ലെന്ന് ആരോപണം. ബസ് സ്റ്റാൻഡിലും ടൗണിലുമടക്കം മലിനജലം പരന്നൊഴുകുകയാണ്. സ്റ്റാൻഡിൽ കംഫർട്ട് സ്റ്റേഷനിലെ മലിനജലമാണ് പരന്നൊഴുകുന്നതെങ്കിൽ ടൗണിൽ ഓടസംവിധാനങ്ങള്‍ ശരിയാക്കാത്തതാണ് പ്രശ്നങ്ങൾ സൃഷ്ടിക്കുന്നത്. ടൗണിൽ ചെറുതും വലുതുമായ നിരവധി വെള്ളക്കെട്ടുകളുണ്ട്. നിരവധി യാത്രക്കാരും വിവിധ ആവശ്യങ്ങള്‍ക്കെത്തുന്നവരും മലിനജലത്തില്‍ ചവിട്ടിയാണ് നടക്കുന്നത്. ഇത് രോഗങ്ങള്‍ക്ക് കാരണമാകുമെന്ന് പ്രദേശത്തെ വ്യാപാരികളടക്കം പറയുന്നു. വാഹനങ്ങൾ കടന്നു പോകുന്പോൾ തെറിക്കുന്ന ചെളിവെള്ളം ദേഹത്ത് പതിച്ചാൽ കനത്ത ചൊറിച്ചിൽ അനുഭവപ്പെടുന്നതായി യാത്രക്കാർ പറയുന്നു. സ്റ്റാൻഡിലൂടെ ഒഴുകുന്നത് കംഫർട്ട് സ്റ്റേഷനിൽനിന്നുള്ള മലിനജലമാണെന്ന് അറിയാതെയാണ് ഭൂരിഭാഗം ആൾക്കാരും ഇതിൽ ചവിട്ടി നടക്കുന്നത്. പഞ്ചായത്തിന്‍റെ പലയിടങ്ങളിലും ഡെങ്കിപ്പനി റിപ്പോർട്ട് ചെയ്തിട്ടുണ്ട്. മഴക്കാലപൂര്‍വ ശുചീകരണ പ്രവര്‍ത്തനങ്ങള്‍ നടത്താത്തതും മലിനജലം കെട്ടിക്കിടക്കുന്നതും രോഗവ്യാപനത്തിനു കാരണങ്ങളായി കണ്ടെത്തിയിട്ടും ആരോഗ്യവകുപ്പ് നടപടി സ്വീകരിക്കുന്നില്ലെന്ന് ആരോപണമുണ്ട്. കൊതുക് നശീകരണത്തിന് ഫോഗിംഗ്, ഉറവിട മാലിന്യ സംസ്‌കരണം, ബോധവത്കരണം എന്നിവ നടത്തിയെന്നാണ് ആരോഗ്യവകുപ്പ് അറിയിച്ചത്. വാര്‍ഡുതല സമിതികള്‍ക്ക് ബ്ലോക്ക് പഞ്ചായത്ത് പരിശീലവും നല്‍കിയിരുന്നു. തോട്ടപ്രദേശങ്ങളില്‍ കൊതുക് നശീകരണത്തിന് ഫോഗിംഗ് നടത്തിയെങ്കിലും പാതയോരങ്ങളിലടക്കം കാടുപിടിച്ചുകിടക്കുന്നത് തെളിക്കാന്‍ നടപടി സ്വീകരിച്ചില്ല. മഴക്കാലം ശക്തമായതോടെ അടിയന്തര നടപടികൾ അധികൃതർ കൈക്കൊണ്ടില്ലെങ്കിൽ പകർച്ചവ്യാധികൾ പടർന്നുപിടിച്ചേക്കുമെന്നു നാട്ടുകാർ പറയുന്നു.

ഡ്രൈവിംഗ് പഠനത്തിനിടെ കാർ നിയന്ത്രണംവിട്ട് ബസ് ഡ്രൈവറെ ഇടിച്ചു

എരുമേലി: പാർക്കിംഗ് ഗ്രൗണ്ടിൽ ഡ്രൈവിംഗ് പഠിക്കുന്നതിനിടെ മാരുതി ഓൾട്ടോ കാർ നിയന്ത്രണംവിട്ട് അപകടം. ഗ്രൗണ്ടിൽ പുല്ല് ചെത്തിക്കൊണ്ടിരുന്ന സ്കൂൾ ബസ് ഡ്രൈവറെ കാർ ഇടിച്ചുവീഴ്ത്തുകയായിരുന്നു. പുല്ല് ചെത്തിക്കൊണ്ടിരിക്കുകയായിരുന്ന എരുമേലി വാവർ സ്കൂൾ ബസിന്‍റെ ഡ്രൈവർ മുഹമ്മദ്‌ കുഞ്ഞി (മമ്മൂഞ്ഞ് അണ്ണൻ)നെയാണ് കാർ ഇടിച്ചത്. നിലത്തുവീണ മുഹമ്മദ്‌ കുഞ്ഞിന്‍റെ ശരീരത്തിലൂടെ കാർ കയറിയിറങ്ങി. ഒപ്പമുണ്ടായിരുന്ന ഭാര്യക്കും പരിക്കു പറ്റി. ഗുരുതരമായി പരിക്കേറ്റ മുഹമ്മദ്‌ കുഞ്ഞിനെ കോട്ടയം മെഡിക്കൽ കോളജ് ആശുപത്രിയിൽ പ്രവേശിപ്പിച്ചു. ഇന്നലെ ഉച്ചയ്ക്ക് എരുമേലി വലിയമ്പലത്തിന് എതിർവശത്തുള്ള ദേവസ്വം ബോർഡിന്‍റെ പാർക്കിംഗ് ഗ്രൗണ്ടിലേക്കുള്ള പ്രവേശന റോഡിലാണ് അപകടം.

കുരുമുളക് കൃഷി കോൺക്രീറ്റ് തൂണുകളിലേക്ക്

എലിക്കുളം: കുരുമുളക് കൃഷി ചെയ്യാൻ വൃക്ഷശിഖരങ്ങളോ മറ്റു കാർഷിക വസ്തുക്കളോ കിട്ടാതെ കൃഷി ഉപേ‍ക്ഷിച്ചവർക്ക് എലിക്കുളത്തെത്തിയാൽ ഒരു വ്യത്യസ്ത മാതൃക കാണാം. എലിക്കുളം നാട്ടുചന്ത പ്രസിഡന്‍റ് വി.എസ്. സെബാസ്റ്റ്യൻ വെച്ചൂർ എന്ന കർഷകനാണ് കോൺക്രീറ്റ് തൂണുകളിൽ കുരുമുളക് കൃഷി നടത്തി മാതൃകയാകുന്നത്. അഞ്ഞൂറു രൂപയോളം ചെലവാണ് ഒരു കോൺക്രീറ്റ് തൂണിനുള്ളത്. ഇത്തരത്തിൽ അറുപതിലേറെ തൂണുകൾ ഇദ്ദേഹം സ്ഥാപിച്ചിട്ടുണ്ട്. കരിമുണ്ട ഇനത്തിൽപ്പെട്ട കുരുമുളകാണ് ഇദ്ദേഹം കൃഷി ചെയ്യുന്നത്. എലിക്കുളം നാട്ടുചന്തയുടെ സഹകരണത്തോടെയാണ് കുരുമുളക് കൃഷിയിലെ പുതിയ ശൈലി പരീക്ഷിക്കുന്നത്. കുരുമുളകുതൈകളുടെ നടീലിനോടനുബന്ധിച്ച് നടന്ന യോഗത്തിൽ വാർഡംഗം മാത്യൂസ് പെരുമനങ്ങാട് അധ്യക്ഷത വഹിച്ചു. എലിക്കുളം നാട്ടുചന്ത സെക്രട്ടറി രാജു അമ്പലത്തറ, ലിസി ബേബി, കുമാരി ഭാസ്‌കരൻ തുടങ്ങിയവർ പ്രസംഗിച്ചു.

ആനിക്കാട് റീജണൽ ഫാർമേഴ്സ് സഹകരണബാങ്ക് സപ്തതി ആഘോഷങ്ങൾക്ക് തുടക്കം

പള്ളിക്കത്തോട്: ആനിക്കാട് റീജണൽ ഫാർമേഴ്സ് സർവീസ് സഹകരണബാങ്കിന്‍റെ ഒരു വർഷം നീണ്ടുനിൽക്കുന്ന സപ്തതി ആഘോഷങ്ങൾക്ക് തുടക്കമായി. ചീഫ് വിപ്പ് ഡോ. എൻ. ജയരാജ് ഉദ്ഘാടനം ചെയ്തു. ബാങ്ക് പ്രസിഡന്‍റ് സി.കെ. വിജയകുമാർ അധ്യക്ഷത വഹിച്ചു. മുൻ പ്രസിഡന്‍റ് കെ. ഗോപകുമാർ മുഖ്യപ്രഭാഷണം നടത്തി. വൈസ് പ്രസിഡന്‍റ് ഡി. സന്തോഷ്, എസ്ബിഐ ഡിജിറ്റൽ ഓഫീസർ അവിരാച്ചൻ തോമസ്, എ.ആർ. രാജശേഖരൻ കർത്താ, ജോസഫ് ജോൺ, ജോൺസൺ ജോസഫ്, എം.എസ്. സജീവ്, ജോജി മാത്യു, ജോസ് പി. ജോൺ, ദിപിൻ കെ. സുകുമാർ, രാജീവ്, ജോസ് വെള്ളാപ്പള്ളിൽ, ബി. രാധാകൃഷ്ണൻ, റെജിമോൾ ഫിലിപ്പ് എന്നിവർ പ്രസംഗിച്ചു. എസ്ബിഐയുമായി സഹകരിച്ച് ഇടനിലക്കാരില്ലാത്ത പേയ്മെന്‍റ് സംവിധാനം, നേത്ര പരിശോധനാ ക്യാമ്പ്, കാൻസർ പരിശോധനാ ക്യാമ്പ്, സീനിയർ സിറ്റിസൺ ആയുർവേദ ചികിത്സാ വായ്പ, പ്രവാസിസംഗമം എന്നീ പരിപാടികളും സംഘടിപ്പിക്കും.

മേരിക്വീൻസിൽ സമ്പൂർണ അസ്ഥി, ത്വക്ക് രോഗനിർണയ ക്യാമ്പ്

കാഞ്ഞിരപ്പള്ളി: മേരിക്വീൻസ് മിഷൻ ആശുപത്രിയിലെ ഓർത്തോപീഡിക്, ജോയിന്‍റ് റീപ്ലേസ്മെന്‍റ് സർജറി ആൻഡ് സ്പോർട്സ് ഇഞ്ചുറീസ് വിഭാഗം, ഡെർമറ്റോളജി വിഭാഗം എന്നിവയുടെ ആഭിമുഖ്യത്തിൽ സമ്പൂർണ അസ്ഥിരോഗ, സർജറി നിർണയ ക്യാമ്പ്, ത്വക്ക് രോഗനിർണയ ക്യാമ്പ് എന്നിവ 30, ജൂലൈ ഒന്ന്, രണ്ട് തീയതികളിൽ രാവിലെ ഒന്പതുമുതൽ വൈകുന്നേരം നാലുവരെ നടക്കും. ക്യാമ്പിൽ പങ്കെടുക്കുന്നവർക്ക് സൗജന്യ ഡോക്ടർ കൺസൾട്ടേഷൻ, സൗജന്യ ഡിജിറ്റൽ എക്സ്റേ, എംആർഐ, സിടി സ്കാൻ അടക്കമുള്ള റേഡിയോളജി സേവനങ്ങൾക്കും വിവിധ ലാബ് പരിശോധനകൾക്കും പ്രത്യേക നിരക്കിളവ്, തുടർ ചികിത്സകൾക്കും സർജറികൾക്കും പ്രത്യേക നിരക്കിളവ് എന്നിവയും ലഭ്യമാകും. കൂടാതെ അർഹരായ ആളുകൾക്ക് മുട്ട്, ഇടുപ്പ്, ഷോൾഡർ എന്നിവ മാറ്റിവയ്ക്കുന്നതിനും വിവിധ കീ ഹോൾ സർജറികൾക്കും (ആർത്രോസ്കോപ്പി), സ്പോർട്സ് മൂലമുണ്ടാകുന്ന പരിക്കുകളുടെ ചികിത്സ തുടങ്ങിയവയ്ക്കും പ്രത്യേക നിരക്കിളവും ലഭ്യമാകും. ക്യാമ്പിൽ പങ്കെടുക്കാൻ മുൻകൂർ ബുക്കിംഗ് നിർബന്ധമാണ്. ഫോൺ: 8714608594, 9188228226.

ലോയേഴ്‌സ് കോൺഗ്രസ്-എം കാഞ്ഞിരപ്പള്ളി മേഖലാ കൺവൻഷൻ

പൊൻകുന്നം: ലോയേഴ്‌സ് കോൺഗ്രസ്-എം കാഞ്ഞിരപ്പള്ളി മേഖലാ കൺവൻഷൻ സെബാസ്റ്റ്യൻ കുളത്തുങ്കൽ എംഎൽഎ ഉദ്ഘാടനം ചെയ്തു. അഭിഭാഷക ക്ഷേമനിധി പത്തു ലക്ഷം എന്നത് അപര്യാപ്തമാണെന്നും 25 ലക്ഷമാക്കി ഉയർത്തുന്നതിന് നിയമസഭയിൽ ആവശ്യമുന്നയിക്കുമെന്നും എംഎൽഎ പറഞ്ഞു. അഡ്വ. തോമസ് കുര്യൻ അധ്യക്ഷത വഹിച്ചു. സംസ്ഥാന ജനറൽ സെക്രട്ടറി ജസ്റ്റിൻ ജേക്കബ്, ജില്ലാ പ്രസിഡന്‍റ് സണ്ണി ചാത്തുകുളം, സാജൻ കുന്നത്ത്, സുമേഷ് ആൻഡ്രൂസ്, ഏബ്രഹാം പറമ്പിൽ, ജോബി ജോസ്, റഫീഖ് ഇസ്മായിൽ, ജോളി ജയിംസ്, അലോഷ്യസ് ജോൺ, സാജൻ അഞ്ചനാടൻ, ജിൻസി ജോസഫ്, എബിൻ കുര്യൻ, ഡാർലി എം. സെബാസ്റ്റ്യൻ, ജോർജുകുട്ടി തടത്തിലാങ്കൽ എന്നിവർ പ്രസംഗിച്ചു.

മസ്റ്ററിംഗ്: അക്ഷയ കേന്ദ്രങ്ങളിൽ ജനത്തിരക്ക്

എരുമേലി: സാമൂഹ്യ സുരക്ഷാ പെന്‍ഷന്‍ വാങ്ങുന്നവർക്കുള്ള നിർബന്ധിത മസ്റ്ററിംഗ് അക്ഷയ കേന്ദ്രങ്ങളിൽ ആരംഭിച്ചതോടെ ജനത്തിരക്ക്. ഇക്കഴിഞ്ഞ 25 മുതലാണ് മസ്റ്ററിംഗ് ആരംഭിച്ചത്. മസ്റ്ററിംഗ് നടത്താൻ അടുത്ത ഓഗസ്റ്റ് 28 വരെ സാവകാശമുണ്ടെങ്കിലും ദിവസവും വൻ ജനത്തിരക്കാണ് അക്ഷയ കേന്ദ്രങ്ങളിൽ. മുന്‍ വര്‍ഷങ്ങളില്‍നിന്ന് വ്യത്യസ്തമായി ഇത്തവണ ആധാര്‍ നമ്പര്‍ നൽകുമ്പോൾ പെൻഷണർ ഐഡി ഓട്ടോമാറ്റിക്കായി ഫെച്ച് ആവുന്ന വിധത്തിലാണ് പോര്‍ട്ടല്‍ തയാറാക്കിയിട്ടുള്ളത്. തിരക്ക് കുറയ്ക്കാൻ ജൂലൈ 15നു ശേഷം ക്യാമ്പുകള്‍‌ ആരംഭിക്കാവുന്നതാണന്ന് ജില്ലാ ഭരണകൂടം അറിയിച്ചിട്ടുണ്ട്. മസ്റ്ററിംഗിനായി പ്രത്യേക കൗണ്ടറുകള്‍ ഒരുക്കണമെന്നും ഗുണഭോക്താക്കള്‍ പ്രായമുള്ളവരും ക്ഷീണിതരുമായതിനാല്‍ കൂടുതല്‍ സമയം കാത്തുനിൽക്കാത്ത വിധത്തില്‍ ടോക്കണ്‍ സംവിധാനം കൂടി ഒരുക്കണമെന്നും ഗുണഭോക്താക്കളോട് ഏറ്റവും സൗമ്യമായി പെരുമാറണമെന്നും നിർദേശിച്ചിട്ടുണ്ട്. അക്ഷയ കേന്ദ്രത്തിലെ ജീവനക്കാർക്ക് മസ്റ്ററിംഗ് സംബന്ധിച്ച പരിശീലനം നൽകണമെന്നും നിർദേശമുണ്ട്. സേവനത്തിനുള്ള ഫീസ് 30 രൂപയാണെന്നും കിടപ്പുരോഗികള്‍ക്ക് 50 രൂപ ഈടാക്കാമെന്നും അധിക ചാര്‍ജ് ഈടാക്കുന്നത് കുറ്റകരമാണെന്നും നിർദേശിച്ചിട്ടുണ്ട്.

ഏഴാച്ചേരി മൈലയ്ക്കല്‍ പാലം അപകടാവസ്ഥയില്‍

രാമപുരം: പഞ്ചായത്തിലെ ജിവി സ്‌കൂള്‍ ഏഴാം വാര്‍ഡിനെയും കടനാട് പഞ്ചായത്തിനെയും ബന്ധിപ്പിക്കുന്ന മൈലയ്ക്കല്‍ പാലം അപകടാവസ്ഥയില്‍. ളാലം തോടിന് കുറുകെയുള്ള ഈ പാലത്തിലൂടെ നിരവധി സ്‌കൂള്‍ വിദ്യാര്‍ഥികളും നൂറുകണക്കിന് വാഹനങ്ങളും ദിവസേന കടന്നുപോകുന്നുണ്ട്. പാലത്തിന്‍റെ കൈവരിയും അപ്രോച്ച് റോഡും തകര്‍ന്ന് ഗതാഗതയോഗ്യമല്ലാതായിത്തീര്‍ന്നിരിക്കുകയാണ്. പാലത്തിന്‍റെ സംരക്ഷണഭിത്തി വാഹനങ്ങള്‍ കയറുന്നതിനനുസരിച്ച് തോട്ടിലേക്ക് ഇടിയുന്നുണ്ട്. മഴ കനത്തതോടെ തോട്ടിലെ ജലനിരപ്പും വലിയതോതില്‍ ഉയര്‍ന്നു. വരും ദിവസങ്ങളില്‍ മഴ ശക്തി പ്രാപിച്ചാല്‍ പാലത്തിന്‍റെ സംരക്ഷണഭിത്തി തോട്ടിലേക്ക് ഇടിഞ്ഞുതാഴാന്‍ സാധ്യതയുണ്ടെന്ന് നാട്ടുകാര്‍ പറഞ്ഞു. ഏഴാച്ചേരി ഹോമിയോ ഡിസ്പെന്‍സറി, അങ്കണവാടി, ആരാധനാലയങ്ങള്‍ എന്നിവിടങ്ങളിലേക്ക് എത്തിച്ചേരാന്‍ നിരവധി ആളുകള്‍ ഈ പാലത്തെയാണ് ആശ്രയിക്കുന്നത്. പുനലൂര്‍-മൂവാറ്റുപുഴ സംസ്ഥാന പാതയിലേക്ക് പ്രവേശിക്കാനുള്ള പ്രധാന വഴിയും ഇതാണ്. പ്രശ്നപരിഹാരത്തിനായി അധികൃതർ അടിയന്തരമായി ഇടപെടണമെന്ന് നാട്ടുകാർ ആവശ്യപ്പെട്ടു.

പാലാ ജനറല്‍ ആശുപത്രിക്ക് 3.5 കോടിയുടെ പദ്ധതിയുമായി എംഎല്‍എ

പാലാ: ജനറല്‍ ആശുപത്രിയുടെ നവീകരണത്തിനായി 3.5 കോടി രൂപ അനുവദിച്ചതായി മാണി സി. കാപ്പന്‍ എംഎല്‍എ അറിയിച്ചു.15 വര്‍ഷം പഴക്കമുള്ള പ്രവര്‍ത്തനരഹിതമായ രണ്ട് ലിഫ്റ്റുകള്‍ മാറുന്നതിനും 96 ലക്ഷം രൂപ മുടക്കി സോളാര്‍ പാനലുകള്‍ സ്ഥാപിക്കുന്നതിനുമാണ് ഫണ്ട് അനുവദിച്ചിരിക്കുന്നത്. മാസംതോറും മൂന്നു ലക്ഷം രൂപയാണ് ആശുപത്രിയുടെ വൈദ്യുതി ബില്‍. ആശുപത്രിയുടെ ചുറ്റുമതില്‍ നിര്‍മാണത്തിനായി രണ്ടു കോടി രൂപ കൂടി അനുവദിച്ചതായി എംഎല്‍എ അറിയിച്ചു. ബജറ്റില്‍ എംഎല്‍എയുടെ നിര്‍ദേശമനുസരിച്ച് നേരത്തേ ഒന്നരക്കോടി രൂപ അനുവദിച്ചിരുന്നു. ഈ ആവശ്യങ്ങളുന്നയിച്ച് ആശുപത്രി സൂപ്രണ്ട് ഡോ. ടി.പി. അഭിലാഷ്, ആര്‍എംഒമാരായ ഡോ. എം. അരുണ്‍, ഡോ. രേഷ്മ സുരേഷ് എന്നിവര്‍ നിവേദനം നല്‍കിയിരുന്നു. അവരുമായി നടത്തിയ ചര്‍ച്ചയെത്തുടര്‍ന്നാണ് തീരുമാനമെടുത്തതെന്ന് അദ്ദേഹം അറിയിച്ചു. നവകേരള സദസിന്‍റെ ഭാഗമായി കേരളത്തിലെ 140 നിയോജകമണ്ഡലങ്ങള്‍ക്കും ഏഴു കോടി രൂപ വീതം അനുവദിച്ചിരുന്നു. ഇത് അതതു നിയോജകമണ്ഡലത്തിലെ എംഎല്‍എമാര്‍ക്ക് രണ്ട് പ്രോജക്‌ടുകള്‍ക്കായി ചെലവഴിക്കാമെന്ന് സര്‍ക്കാര്‍ നിര്‍ദേശിച്ചിരുന്നു. തുടര്‍ന്ന് 3.5 കോടി ജനറല്‍ ആശുപത്രിക്കും ബാക്കി 3.5 കോടി രൂപ മേലുകാവിലെ കാഞ്ഞിരംകവലയില്‍നിന്ന് ആരംഭിച്ച് കോലാനി, വാളകം, മേച്ചാല്‍ വഴി ഇലവീഴാപൂഞ്ചിറയില്‍ എത്തുന്ന റോഡിനായും അനുവദിച്ചു. രണ്ടേകാല്‍ കിലോമീറ്റര്‍ ദൈര്‍ഘ്യമുള്ള ഈ റോഡ് നേരത്തേ 11 കോടി ചെലവില്‍ പണി പൂര്‍ത്തീകരിച്ച റോഡുമായി ബിഎംബിസി നിലവാരത്തില്‍ ടാറിംഗ് നടത്തി ബന്ധിപ്പിക്കുന്നതു വഴി ഇലവീഴാപൂഞ്ചിറയുടെ വികസനക്കുതിപ്പിന് സഹായകമാകുമെന്ന് മാണി സി. കാപ്പന്‍ പറഞ്ഞു. നവകേരള സദസിലൂടെ ലഭിച്ച ഏഴു കോടിയില്‍ 6.75 കോടി രൂപ സ്റ്റേഡിയം ഗാലറി നിര്‍മാണത്തിനും 25 ലക്ഷം രൂപ രാമപുരം പഞ്ചായത്തിലെ ഒരു റോഡിനുമായി ജില്ലാ കളക്ടര്‍ ആവശ്യപ്പെട്ടതനുസരിച്ച് കത്തു നല്‍കിയിരുന്നു. ഗാലറി നിര്‍മാണത്തിന് ഉമ്മന്‍ ചാണ്ടി സര്‍ക്കാര്‍ അനുവദിച്ച പണം വകമാറ്റി കുടിവെള്ള പദ്ധതിക്ക് നല്‍കിയെന്ന് ആക്ഷേപമുന്നയിച്ചവര്‍ തന്നെ ഗാലറിക്കുള്ള പണം ആശുപത്രിക്കു വേണമെന്ന് നഗരസഭയില്‍ പ്രമേയം അവതരിപ്പിക്കുകയും തനിക്ക് നിവേദനം നല്‍കുകയും ചെയ്തു. നാടിന്‍റെ വികസനത്തില്‍ രാഷ്‌ട്രീയമില്ലാത്തതുകൊണ്ട് കൗണ്‍സിലര്‍മാരുടെ ആവശ്യവും പരിഗണിച്ചതായി മാണി സി. കാപ്പന്‍ അറിയിച്ചു. രാമപുരം പഞ്ചായത്തിലെ റോഡിന് മറ്റൊരു ഫണ്ടിലൂടെ 25 ലക്ഷം അനുവദിക്കുമെന്നും എംഎല്‍എ പറഞ്ഞു. മുനിസിപ്പല്‍ സ്റ്റേഡിയത്തിലെ പൊട്ടിപ്പൊളിഞ്ഞ സിന്തറ്റിക് ട്രാക് നവീകരണത്തിന് എംഎല്‍എയുടെ ബജറ്റ് നിര്‍ദേശത്തിന്‍റെ അടിസ്ഥാനത്തില്‍ ഏഴു കോടി രൂപ അനുവദിക്കുകയും ടെന്‍ഡര്‍ നടപടികള്‍ പൂര്‍ത്തിയാക്കി നിര്‍മാണ ജോലികള്‍ ആരംഭിക്കുകയുമാണ്. നാളെ വൈകുന്നേരം നാലിന് കായികമന്ത്രി വി.അബ്ദുറഹ്‌മാന്‍ ഉദ്ഘാടനം നിര്‍വഹിക്കുമെന്നും മാണി സി. കാപ്പന്‍ പറഞ്ഞു.

നാലമ്പല തീര്‍ഥാടനം: വിപുലമായ ക്രമീകരണം

രാമപുരം: നാലമ്പലങ്ങളിലേക്കു പോകുന്ന റോഡുകളുടെ ഇരു സൈഡിലെയും ഓടകളിൽ കെട്ടിക്കിടക്കുന്ന മാലിന്യങ്ങളും റോഡ് സൈഡിലുള്ള കല്ലുകളും തടികളും നീക്കം ചെയ്യാനും റോഡുകളിലെ വഴിവിളക്കുകള്‍ തെളിക്കുന്നതിനും വിവിധ വകുപ്പുകളുടെ പ്രവര്‍ത്തനം ഊര്‍ജിതമാക്കാനും ആലോചനാ യോഗത്തില്‍ തീരുമാനം. ജൂലൈ 17 മുതല്‍ ആരംഭിക്കുന്ന ഈ വര്‍ഷത്തെ നാലമ്പല തീര്‍ഥാടനത്തിന് മുന്നോടിയായി ഏര്‍പ്പെടുത്തേണ്ട ക്രമീകരണങ്ങളെക്കുറിച്ച് ആലോചിക്കുന്നതിന് ചേര്‍ന്ന ജനപ്രതിനിധികളുടെയും വിവിധ സര്‍ക്കാര്‍ വകുപ്പുകളിലെ ഉദ്യോഗസ്ഥരുടെയും യോഗത്തിലാണ് തീരുമാനം. രാമപുരം പഞ്ചായത്ത് കോണ്‍ഫറന്‍സ് ഹാളില്‍ നടത്തിയ യോഗത്തില്‍ മാണി സി. കാപ്പന്‍ എംഎല്‍എ അധ്യക്ഷത വഹിച്ചു. പഞ്ചായത്ത് പ്രസിഡന്‍റ് ലി സമ്മ മത്തച്ചന്‍, പാലാ ആര്‍ഡിഒ കെ.പി. ദീപ, തഹസില്‍ദാര്‍ ലി റ്റിമോള്‍ തോമസ്, പഞ്ചായത്ത് മെംബര്‍മാര്‍, സെക്രട്ടറി എന്നിവര്‍ യോഗത്തില്‍ പങ്കെടുത്തു. തീര്‍ഥാടന കാലമായ ഒരു മാസക്കാലം രാമപുരം ഗവണ്‍മെന്‍റ് ആശുപത്രിയില്‍ ഞായറാഴ്ച ഉള്‍പ്പെടെയുള്ള അവധി ദിവസങ്ങളിലും വൈകുന്നേരം വരെ ഡോക്ടര്‍മാരുടെ സേവനം ഉറപ്പുവരുത്തണമെന്ന് ക്ഷേത്രം ഭാരവാഹികള്‍ ആവശ്യപ്പെട്ടു.

കാർഷികമേഖലയുടെ പുരോഗതി കാർഷിക വികസന ബാങ്കിലൂടെ: സെബാസ്റ്റ്യൻ കുളത്തുങ്കൽ

കാഞ്ഞിരപ്പള്ളി: കാർഷികമേഖലയുടെ പുരോഗതി സഹകരണ കാർഷിക വികസന ബാങ്കുകളിലൂടെയെ സാധ്യമാകുകയുള്ളൂവെന്ന് സെബാസ്റ്റ്യൻ കുളത്തുങ്കൽ എംഎൽഎ. കാഞ്ഞിരപ്പള്ളി കാർഷിക വികസനബാങ്ക് ഹെഡ് ഓഫീസിൽ പുതിയതായി ആരംഭിച്ച സ്വർണപ്പണയ വായ്പയും എസ്എസ്എൽസി, പ്ലസ് ടു പരീക്ഷകളിൽ ഉന്നത വിജയം കൈവരിച്ച വിദ്യാർഥികൾക്കുള്ള കാഷ് അവാർഡ് വിതരണവും ഉദ്ഘാടനം ചെയ്തു പ്രസംഗിക്കുകയായിരുന്നു അദ്ദേഹം. ബാങ്ക് പ്രസിഡന്‍റ് സാജൻ തൊടുക അധ്യക്ഷത വഹിച്ചു. വൈസ് പ്രസിഡന്‍റ് സാജൻ കുന്നത്ത്, ജില്ലാ പഞ്ചായത്ത് മെംബർ ജെസി ഷാജൻ, ബ്ലോക്ക് പഞ്ചായത്ത് പ്രസിഡന്‍റ് അജിത രതീഷ്, ജോർജുകുട്ടി അഗസ്തി, ഷാജി പാമ്പൂരി, കെ.പി. ജോസഫ്, ബിജോയ്‌ ജോസ്, സണ്ണിക്കുട്ടി അഴകംപ്രായിൽ, പി.സി. ജേക്കബ്, സുമേഷ് ആൻഡ്രൂസ്, അജി ഏബ്രഹാം, പി.പി. സുകുമാരൻ, കെ.എൻ. ദാമോദരൻ, സെലിൻ സിജോ, ലിസി പോൾ, ഗ്രേസി ജോണി, ബാങ്ക് സെക്രട്ടറി കെ. അജേഷ് കുമാർ എന്നിവർ പ്രസംഗിച്ചു.

വെള്ളപ്പൊക്ക നിയന്ത്രണ പദ്ധതികൾ: സിമ്പോസിയം നാളെ

പാലാ: വെള്ളപ്പൊക്കം നിയന്ത്രിക്കുന്നതിനുള്ള പദ്ധതികളെക്കുറിച്ച് ചര്‍ച്ച ചെയ്യുന്നതിനായി സിമ്പോസിയം നടത്തും. കേരള കോണ്‍ഗ്രസ്-എം ജില്ലാ കമ്മിറ്റിയുടെ നേതൃത്വത്തില്‍ നടത്തുന്ന മേഖലാതല സിമ്പോസിയം നാളെ ഉച്ചകഴിഞ്ഞ് രണ്ടിന് മീനച്ചില്‍ താലൂക്ക് സഹകരണ എംപ്ലോയീസ് കോണ്‍ഫറന്‍സ് ഹാളില്‍ നടക്കും. നിയോജകമണ്ഡലം പ്രസിഡന്‍റ് ടോബിന്‍ കെ. അലക്‌സിന്‍റെ അധ്യക്ഷതയില്‍ ചേരുന്ന യോഗത്തിൽ ജോസ് കെ. മാണി എംപി സിന്പോസിയം ഉദ്ഘാടനം ചെയ്യും. ജലസേചന വകുപ്പ് എന്‍ജിനിയര്‍ സാം പോള്‍ ഏബ്രഹാം, മുനിസിപ്പല്‍ ചെയര്‍മാന്‍ തോമസ് പീറ്റര്‍, സെന്‍റര്‍ ഫോര്‍ കണ്‍സ്യൂമര്‍ എഡ്യൂക്കേഷന്‍ ഡയറക്ടര്‍ ജയിംസ് വടക്കന്‍, വ്യാപാരി വ്യവസായി നേതാക്കന്മാരായ ഔസേപ്പച്ചന്‍ തകടിയേല്‍, അനൂപ് ജോര്‍ജ്, ബ്രില്യന്‍റ് സ്റ്റഡി സെന്‍റര്‍ ഡയറക്ടര്‍ സെബാസ്റ്റ്യന്‍ ജി. മാത്യു തുടങ്ങിയവര്‍ പങ്കെടുക്കും.

തെരുവുനായ്ക്കൾക്ക് വാക്‌സിനേഷനുമായി പാലാ നഗരസഭ

പാലാ: നഗരസഭയിലെ മുഴുവന്‍ തെരുവുനായ്ക്കള്‍ക്കും പേവിഷബാധയ്ക്കെതിരേ കുത്തിവയ്പ് നല്‍കാന്‍ കൗണ്‍സില്‍ യോഗത്തില്‍ തീരുമാനമായി. ജൂലൈ ഒന്നിന് മൃഗാശുപത്രിയുമായി ചേര്‍ന്ന് അലഞ്ഞുതിരിഞ്ഞു നടക്കുന്ന നായ്ക്കളെ കണ്ടുപിടിച്ച് വാക്‌സിനേഷന്‍ നടപ്പിലാക്കും. ആലോചനാ യോഗത്തില്‍ വൈസ് ചെയര്‍പേഴ്സൺ ബിജി ജോജോ, വികസന സ്റ്റാന്‍ഡിംഗ് കമ്മിറ്റി ചെയര്‍മാന്‍ സാവിയോ കാവുകാട്ട്, വെറ്ററിനറി ഡോക്ടര്‍ ജോജി മാത്യു, ഹെല്‍ത്ത് വിഭാഗം മേധാവി ആറ്റ്‌‌ലി പി. ജോണ്‍ തുടങ്ങിയവര്‍ പങ്കെടുത്തു. നായ്ക്കളുള്ള സ്ഥലങ്ങള്‍ മൃഗാശുപത്രിയില്‍ അറിയിക്കുന്നതിന് കൗണ്‍സിലര്‍മാരെ ചുമതലപ്പെടുത്തിയതായി യോഗത്തില്‍ ചെയര്‍മാന്‍ തോമസ് പീറ്റർ അറിയിച്ചു. നഗരസഭാ പരിധിയില്‍ എബിസി പ്രോഗ്രാമും വളര്‍ത്തുനായ്ക്കള്‍ക്കുള്ള വാക്‌സിനേഷനും നടത്തും.

വോളി: അരുവിത്തുറ കോളജ് ജേതാക്കൾ

അരുവിത്തുറ: സംസ്ഥാന സാമൂഹ്യനീതി വകുപ്പിന്‍റെ ആഭിമുഖ്യത്തിൽ കോട്ടയം ജില്ലാ സ്പോർട്സ് കൗൺസിലിന്‍റെ സഹകരണത്തോടെ കോട്ടയത്ത് ഇൻഡോർ സ്റ്റേഡിയത്തിൽ നടന്ന ഇന്‍റർ കൊളീജിയറ്റ് വോളിബോൾ ടൂർണമെന്‍റിൽ പുരുഷ വിഭാഗത്തിൽ അരുവിത്തുറ സെന്‍റ് ജോർജ് കോളജും വനിതാ വിഭാഗത്തിൽ ചങ്ങനാശേരി അസംപ്ഷൻ കോളജും ജേതാക്കളായി. സെമിഫൈനലിൽ നേരിട്ടുള്ള സെറ്റുകൾക്ക് കോട്ടയം സിഎംഎസ് കോളജിനെയും അഞ്ചു സെറ്റ് നീണ്ടുനിന്ന ഫൈനലിൽ പാലാ സെന്‍റ് തോമസ് കോളജിനെയുമാണ് സെന്‍റ് ജോർജ് കോളജ് പരാജയപ്പെടുത്തിയത്. വനിതാ വിഭാഗത്തിൽ ഒന്നിനെതിരേ മൂന്ന് സെറ്റുകൾക്ക് പാലാ അൽഫോൻസ കോളജിനെ പരാജയപ്പെടുത്തിയാണ് അസംപ്ഷൻ കോളജ് ജേതാക്കളായത്. വിജയികൾക്കുള്ള ട്രോഫിയും മെഡലും കാഷ് പ്രൈസും കോട്ടയം ജില്ലാ കളക്ടറുടെയും തിരുവഞ്ചൂർ രാധാകൃഷ്ണൻ എംഎൽഎയുടെയും സാന്നിധ്യത്തിൽ സാമൂഹ്യനീതി വകുപ്പിന്‍റെ ആഭിമുഖ്യത്തിൽ കോട്ടയം എംഡി സെമിനാരി സ്കൂളിൽ നടക്കുന്ന ചടങ്ങിൽ നൽകും.

മെറിറ്റ് ദിനാഘോഷം

പാലാ: പുലിയന്നൂര്‍ ഗായത്രി സെന്‍ട്രല്‍ സ്‌കൂളിലെ മെറിറ്റ് ദിനാഘോഷം കേന്ദ്ര സഹമന്ത്രി ജോർജ് കുര്യൻ ഉദ്ഘാടനം ചെയ്തു. സിബിഎസ്ഇ പത്ത്, പ്ലസ് ടു വിജയികള്‍ക്ക് സ്‌കൂളിന്‍റെ ആദരവും സ്മരണിക വിതരണവും അദ്ദേഹം നിര്‍വഹിച്ചു. ചാണ്ടി ഉമ്മന്‍ എംഎല്‍എ അധ്യക്ഷത വഹിച്ചു. മുത്തോലി പഞ്ചായത്ത് പ്രസിഡന്‍റ് രണ്‍ജിത്ത് ജി. മീനാഭവന്‍, വാര്‍ഡ് മെംബർ എന്‍.കെ. ശശികുമാര്‍, പ്രിന്‍സിപ്പല്‍ എസ്. കാര്‍ത്തിക്, ബിജെപി ജില്ലാ പ്രസിഡന്‍റ് ലിജിന്‍ ലാല്‍, പിടിഎ പ്രസിഡന്‍റ് പി. മനോജ്, സ്‌കൂള്‍ സമിതി ട്രഷറർ കെ.എന്‍. വാസുദേവന്‍, മാനേജര്‍ അഞ്ജലി ഗണേഷ്‌കുമാര്‍ എന്നിവര്‍ പ്രസംഗിച്ചു.

നിയമ ബോധവത്കരണ ക്ലാസ്

ഈരാറ്റുപേട്ട: പാലാ സബ് ഡിവിഷന്‍തല എസ്‌സി, എസ്ടി നിയമ ബോധവത്കരണ ക്ലാസ് ഈരാറ്റുപേട്ട റോട്ടറി ക്ലബ് ഓഡിറ്റോറിയത്തില്‍ നടത്തി. സബ് ഡിവിഷനിലെ ഏഴ് പോലിസ് സ്റ്റേഷന്‍ പരിധികളിലെ എസ്‌സി, എസ്ടി സമിതി അംഗങ്ങള്‍ ഉള്‍പ്പെടെ 108 പേര്‍ പങ്കെടുത്തു. കാഞ്ഞിരപ്പള്ളി ഡിവൈഎസ്പി സാജു വര്‍ഗീസ് ഉദ്ഘാടനം നിര്‍വഹിച്ചു. കേരള ഹൈക്കോടതി മുന്‍ ഗവണ്‍മെന്‍റ് പ്ലീഡര്‍ അഡ്വ. പ്രേംശങ്കര്‍ ക്ലാസെടുത്തു.

പരിക്കേറ്റു

പാലാ: കാറും ബൈക്കും കൂട്ടിയിടിച്ചു പരിക്കേറ്റ ബൈക്ക് യാത്രികന്‍ അമയന്നൂര്‍ സ്വദേശി ആഷിഷ് കുര്യാക്കോസിനെ (30) ചേര്‍പ്പുങ്കല്‍ മാര്‍ സ്ലീവാ മെഡിസിറ്റിയില്‍ പ്രവേശിപ്പിച്ചു. ഇന്നലെ ഉച്ചയ്ക്ക് ഒന്നോടെ മണര്‍കാട്-ഏറ്റുമാനൂര്‍ ബൈപാസില്‍ പേരൂരിനു സമീപമായിരുന്നു അപകടം. പാലാ: സ്‌കൂട്ടര്‍ നിയന്ത്രണംവിട്ട് മറിഞ്ഞ് പരിക്കേറ്റ ആലപ്പുഴ സ്വദേശികളായ അഞ്ജു (21), ശ്രീനന്ദ (16) എന്നിവരെ ചേര്‍പ്പുങ്കല്‍ മാര്‍ സ്ലീവാ മെഡിസിറ്റിയില്‍ പ്രവേശിപ്പിച്ചു.ഇന്നലെ വൈകുന്നേരം അഞ്ചോടെ കുമ്മണ്ണൂരിലായിരുന്നു അപകടം.

വചനപ്രഘോഷണവും ദിവ്യകാരുണ്യ ആരാധനയും

പാലാ: ബൈബിള്‍ പ്രീച്ചേഴ്‌സ് സൊസൈറ്റിയുടെ ആഭിമുഖ്യത്തില്‍ ഇന്ന് ഉച്ചയ്ക്ക് 12.30 മുതല്‍ വൈകുന്നേരം 4.15 വരെ പാലാ സെന്‍റ് തോമസ് സ്‌കൂള്‍ ഓഡിറ്റോറിയത്തില്‍ വചനപ്രഘോഷണവും ദിവ്യകാരുണ്യ സൗഖ്യാരാധനയും നടക്കും. ഫാ. ജിന്‍സ് ചീങ്കല്ലേല്‍ വചനപ്രഘോഷണം നടത്തും. ഫാ. ജോസഫ് അരിമറ്റത്ത്, ഫാ. തോമസ് പുതുപ്പറമ്പില്‍, സാബു മൂന്നുതൊട്ടിയില്‍ എന്നിവര്‍ ശുശ്രൂഷകള്‍ക്ക് നേതൃത്വം നല്‍കും.

ടിഇസിവിഎ വാർഷിക പൊതുയോഗം

കോട്ടയം: ടെക്നിക്കൽ വാല്യുവേഴ്‌സ് അസോസിയേഷൻ (ടിഇസിവിഎ) കോട്ടയം-ഇടുക്കി ചാപ്റ്ററിന്‍റെ വാർഷിക പൊതുയോഗം നടത്തി. വെട്ടൂർ ഗ്രീൻ വ്യൂ ഗസ്റ്റ് ഹൗസിൽ നടന്ന യോഗത്തിൽ പ്രസിഡന്‍റ് ഉമ്മൻ സി. വേങ്ങൽ അധ്യക്ഷത വഹിച്ചു. ബാങ്കുകളിൽ ഈടായി നൽകുന്ന വസ്തുക്കളുടെ മൂല്യനിർണയം കൃത്യതയുള്ളതും കുറ്റമറ്റതുമാകണമെങ്കിൽ ബാങ്കുകൾ മതിയായ രേഖകൾ സമാഹരിച്ചു നൽകേണ്ടതാണെന്ന് അസോസിയേഷൻ ആവശ്യപ്പെട്ടു. ജനറൽ സെക്രട്ടറി മിനി ആന്‍റണി, പ്രെറ്റി വർഗീസ്, ഡോ. വിവീഷ് തോമസ്, പ്രിൻസ് മാത്യു പാലത്തറ, കെ.എ. തോമസ്, ദീപ വിവീഷ്, ഏബ്രഹാം പി. തോമസ്, ജോസ് ചാക്കോ എന്നിവർ പ്രസംഗിച്ചു.

ക്യാപ്‌സ് സംസ്ഥാന കമ്മിറ്റി ഓഫീസ് ഉദ്ഘാടനം

കോട്ടയം: മാറിയ സാമൂഹ്യ സാഹചര്യങ്ങളില്‍ പ്രഫഷണല്‍ സോഷ്യല്‍ വര്‍ക്കേഴ്‌സ് നാടിന്‍റെ അനിവാര്യതയായി മാറിയിട്ടുണ്ടെന്ന് ഗവണ്‍മെന്‍റ് ചീഫ് വിപ്പ് ഡോ.എന്‍. ജയരാജ്. കേരള അസോസിയേഷന്‍ ഓഫ് പ്രഫഷണല്‍ സോഷ്യല്‍ വര്‍ക്കേഴ്‌സ് (ക്യാപ്‌സ്) സിറിള്‍സ് ടവറില്‍ സ്ഥാപിച്ച സംസ്ഥാന കമ്മിറ്റി ഓഫീസിന്‍റെ ഉദ്ഘാടനത്തോടനുബന്ധിച്ചുള്ള പൊതുസമ്മേളനം ഹോട്ടല്‍ ഫ്‌ളോറല്‍ പാലസില്‍ ഉദ്ഘാടനം ചെയ്യുകയായിരുന്നു ഡോ. ജയരാജ്. പ്രഫഷണല്‍ സാമൂഹ്യപ്രവര്‍ത്തകര്‍ക്ക് കൂടുതല്‍ മെച്ചപ്പെട്ട പരിഗണന ഉണ്ടാകേണ്ടതുണ്ടെന്നും അദ്ദേഹം പറഞ്ഞു. ക്യാപ്‌സ് സംസ്ഥാന പ്രസിസന്‍റ് ഡോ. ചെറിയാന്‍ പി. കുര്യന്‍ അധ്യക്ഷത വഹിച്ചു. ക്യാപ്‌സ് ഇസാഫ് ഫൗണ്ടേഷനുമായി സഹകരിച്ച് നടപ്പാക്കുന്ന ലഹരിവിരുദ്ധ പരിശീലന പരിപാടി തിരുവഞ്ചൂര്‍ രാധാകൃഷ്ണന്‍ എംഎല്‍എ ഉദ്ഘാടനം ചെയ്തു. സമാപന സമ്മേളനവും കര്‍മപരിപാടികളും കെ. ഫ്രാന്‍സിസ് ജോര്‍ജ് എംപി ഉദ്ഘാടനം ചെയ്തു. ഇന്ത്യാ നെറ്റ് വര്‍ക്ക് ഓഫ് പ്രഫഷണല്‍ സോഷ്യല്‍ വര്‍ക്കേഴ്‌സ് അസോസിയേഷന്‍സ് പ്രസിഡന്‍റ് ഡോ. ഗാന്ധി ദോസ്, ദേശീയ ജനറല്‍ സെക്രട്ടറി ഡോ. ഐപ്പ് വര്‍ഗീസ്, ക്യാപ്‌സ് വര്‍ക്കിംഗ് പ്രസിഡന്‍റ് ഡോ. എം.പി. ആന്‍റണി, ജനറല്‍ സെക്രട്ടറി സേവ്യര്‍ കുട്ടി, ട്രഷറര്‍ ഡോ. ഫ്രാന്‍സിസ് സേവ്യര്‍ തുടങ്ങിയവര്‍ പ്രസംഗിച്ചു. ലഹരിവിരുദ്ധ ശില്പശാലയില്‍ ഡോ. ജോവാന്‍ ചുങ്കപ്പുര, ഫ്രാന്‍സിസ് മൂത്തേടന്‍, സോണി സില്‍വി, ഡോ. കെ.ആര്‍. അനീഷ്, ഡോ. ബ്രദര്‍ ചാരുപ്ലാക്കല്‍, ഡോ. ഷാലി, ഡോ. എലിസബത്ത് അലക്‌സാണ്ടര്‍, മെറീനാ ജോസഫ് എന്നിവര്‍ സെഷനുകള്‍ നയിച്ചു.

റബര്‍ വിലസ്ഥിരതാ പദ്ധതിയിലേക്ക് അപേക്ഷിക്കാം

കോട്ടയം: റബര്‍ വിലസ്ഥിരതാ പദ്ധതിയില്‍ കര്‍ഷകര്‍ക്കുള്ള സഹായത്തിന് അടുത്ത സീസണിലേക്കുള്ള അപേക്ഷ ക്ഷണിച്ചു. നിലവില്‍ പദ്ധതിയിലുള്ളവര്‍ പഴയ അപേക്ഷ പുതുക്കണം. പദ്ധതിയില്‍ പുതുതായി ചേരാനും ഇപ്പോള്‍ സാധിക്കും. നിലവില്‍ ഒരു കിലോ റബറിന് 180 രൂപയാണ് അടിസ്ഥാന വില. കഴിഞ്ഞ ബജറ്റില്‍ 500 കോടി രൂപ പദ്ധതിയിലേക്ക് വകയിരുത്തിയെങ്കിലും റബര്‍ വില നിശ്ചിത പരിധിക്ക് മുകളിലായിരുന്നതിനാല്‍ പണം കാര്യമായി ചെലവഴിക്കേണ്ടിവന്നില്ല. 2023ലെ കുടിശികയുണ്ടായിരുന്ന 40 കോടി രൂപ മാത്രമേ കഴിഞ്ഞ വര്‍ഷത്തെ ഫണ്ടില്‍നിന്ന് കൊടുത്തുള്ളൂ. അതായത്, കഴിഞ്ഞ സാമ്പത്തികവര്‍ഷം പദ്ധതിയില്‍ 460 കോടി രൂപ ബാക്കിവന്നു. ഒരു കിലോ റബറിന് 250 രൂപ അടിസ്ഥാന വിലയാക്കുമെന്ന് തെരഞ്ഞെടുപ്പു പത്രികയില്‍ പറഞ്ഞെങ്കിലും 170 രൂപയില്‍നിന്ന് 180 രൂപയായി നിരക്ക് വര്‍ധിപ്പിച്ചതല്ലാതെ സര്‍ക്കാര്‍ അധികമായ ഒരു സഹായവും ചെയ്തില്ല. വിലസ്ഥിരതാ പദ്ധതി ആരംഭിച്ചു പത്തുവര്‍ഷം പിന്നിടുമ്പോള്‍ ഒരു വര്‍ഷം പോലും വിഹിതം പൂര്‍ണമായി കര്‍ഷകര്‍ക്ക് വിതരണം ചെയ്തിട്ടില്ല. വര്‍ഷം 500 കോടി രൂപ ഇതിലേക്ക് മാറ്റിവയ്ക്കുന്നുണ്ട്. ഇത്തരത്തില്‍ ഇതോടകം 2500 കോടി രൂപയിലേറെ ഖജനാവില്‍ മിച്ചം വന്നിട്ടുണ്ട്. ഈ സാഹചര്യത്തില്‍ ഒരു കിലോ റബറിന് 300 രൂപ അടിസ്ഥാനവിലയായി നല്‍കിയാലും സര്‍ക്കാരിന് ബാധ്യതയുണ്ടാവില്ല.

ഓര്‍മകളിൽ പൂത്തുലഞ്ഞ് അസംപ്ഷന്‍ അലുമ്‌നി സമ്മേളനം

ചങ്ങനാശേരി: കോളജ് കാമ്പസിലെ ഓര്‍മകള്‍ പങ്കുവച്ച് അസംപ്ഷന്‍ കോളജ് അസോസിയേഷന്‍ ഓഫ് അസംപ്ഷന്‍ അലുമ്‌നി (ആശ) വാര്‍ഷിക സമ്മേളനം. പൂര്‍വവിദ്യാര്‍ഥിനിയും കേരള സ്റ്റേറ്റ് പ്ലാനിംഗ് ബോര്‍ഡ് അഡ്വൈസറുമായ ഡോ. എം.ടി. സിന്ധു സമ്മേളനം ഉദ്ഘാടനം ചെയ്തു. മിലിട്ടറി നഴ്‌സിംഗ് എഡിജിപിയായി ഉയര്‍ത്തപ്പെട്ട മേജര്‍ ജനറല്‍ പി.വി. ലിസമ്മയ്ക്ക് മികച്ച പൂര്‍വവിദ്യാര്‍ഥിനിക്കുള്ള ഈ വര്‍ഷത്തെ അവാര്‍ഡ് നല്‍കി ആദരിച്ചു. ആശ പ്രസിഡന്‍റ് അഡ്വ. ഡെയ്‌സമ്മ ജയിംസ് അധ്യക്ഷത വഹിച്ചു. പ്രിന്‍സിപ്പല്‍ ഡോ. റാണി മരിയ തോമസ്, സംഘടന സെക്രട്ടറി സ്മിത മാത്യൂസ് എന്നിവര്‍ പ്രസംഗിച്ചു.

തുരുത്തി-മന്നത്തുകടവ് റോഡിന്‍റെ ശോച്യാവസ്ഥ പരിഹരിക്കണം

ചങ്ങനാശേരി: മഴയെത്തുടര്‍ന്ന് വെള്ളം കയറിയതുമൂലം ഒരു മാസത്തിനിടെ മൂന്നാം തവണ തുരുത്തി -മന്നത്തുകടവ് റോഡില്‍ യാത്ര തടസപ്പെട്ടു. ഇളങ്കാവ്, അമ്പലക്കോടി, മന്നത്തുകടവ് പ്രദേശങ്ങളില്‍ താമസിക്കുന്ന നൂറുകണക്കിന് ആളുകള്‍ ആശ്രയിക്കുന്ന റോഡിലെ മാലിന്യം കലര്‍ന്ന വെള്ളക്കെട്ടിലൂടെ നീന്തിയാണ് ആളുകള്‍ ഇപ്പോള്‍ യാത്ര ചെയ്യുന്നത്. തൊട്ടടുത്തുള്ള തരിശുപാടത്ത് സാമൂഹികവിരുദ്ധര്‍ നിക്ഷേപിച്ച കുട്ടികളുടെ ഡയപ്പറുകള്‍ ഉള്‍പ്പെടെയുള്ള മാലിന്യങ്ങള്‍ റോഡിലേക്ക് ഒഴുകിയെത്തുന്നുണ്ട്. മലിനജലത്തിലൂടെ നടക്കുന്നതുമൂലം പകര്‍ച്ചവ്യാധികള്‍ പിടിപെടുമോ എന്ന ആശങ്കയിലാണ് ജനം. ഇവിടെയുള്ള കുളത്തിന്‍റെ വശത്ത് മണ്ണിട്ടുയര്‍ത്തിയത് മൂലം റോഡിലൂടെ വെള്ളം ഒഴുകിപ്പോകാത്ത സ്ഥിതിയാണ്. ഗതാഗതം സ്തംഭിച്ചതുമൂലം പ്രദേശവാസികള്‍ക്ക് രോഗികളെ ആശുപത്രിയില്‍പ്പോലും എത്തിക്കാന്‍ കഴിയാത്ത അവസ്ഥയാണ്. വാഴപ്പള്ളി പഞ്ചായത്ത് പരിധിയിലുള്ള റോഡിന്‍റെ ഭാഗമുയര്‍ത്തി കലുങ്ക് നിര്‍മിച്ച ശേഷം വെള്ളം തോട്ടിലേക്ക് ഒഴുകിപ്പോകാന്‍ ഓട നിര്‍മിച്ചെങ്കിലേ വെള്ളക്കെട്ടിന് ശാശ്വത പരിഹാരമാകൂ. ഒപ്പം, കുറിച്ചി പഞ്ചായത്തിന്‍റെ പരിധിയിലുള്ള റോഡിന്‍റെ ഭാഗവും ഉയര്‍ത്തി പണിയണം. തുരുത്തി-മന്നത്തുകടവ് റോഡ് അടിയന്തരമായി ഉയര്‍ത്തിപ്പണിത് തോട്ടിലേക്ക് വെള്ളമൊഴുകാന്‍ സംവിധാനമൊരുക്കണമെന്ന് എഴുത്തുകാരനും സാമൂഹിക പ്രവര്‍ത്തകനുമായ ഡോ. സെബിന്‍ എസ്. കൊട്ടാരം ആവശ്യപ്പെട്ടു.

ഓര്‍മകളിൽ പൂത്തുലഞ്ഞ് അസംപ്ഷന്‍ അലുമ്‌നി സമ്മേളനം

ചങ്ങനാശേരി: കോളജ് കാമ്പസിലെ ഓര്‍മകള്‍ പങ്കുവച്ച് അസംപ്ഷന്‍ കോളജ് അസോസിയേഷന്‍ ഓഫ് അസംപ്ഷന്‍ അലുമ്‌നി (ആശ) വാര്‍ഷിക സമ്മേളനം. പൂര്‍വവിദ്യാര്‍ഥിനിയും കേരള സ്റ്റേറ്റ് പ്ലാനിംഗ് ബോര്‍ഡ് അഡ്വൈസറുമായ ഡോ. എം.ടി. സിന്ധു സമ്മേളനം ഉദ്ഘാടനം ചെയ്തു. മിലിട്ടറി നഴ്‌സിംഗ് എഡിജിപിയായി ഉയര്‍ത്തപ്പെട്ട മേജര്‍ ജനറല്‍ പി.വി. ലിസമ്മയ്ക്ക് മികച്ച പൂര്‍വവിദ്യാര്‍ഥിനിക്കുള്ള ഈ വര്‍ഷത്തെ അവാര്‍ഡ് നല്‍കി ആദരിച്ചു. ആശ പ്രസിഡന്‍റ് അഡ്വ. ഡെയ്‌സമ്മ ജയിംസ് അധ്യക്ഷത വഹിച്ചു. പ്രിന്‍സിപ്പല്‍ ഡോ. റാണി മരിയ തോമസ്, സംഘടന സെക്രട്ടറി സ്മിത മാത്യൂസ് എന്നിവര്‍ പ്രസംഗിച്ചു.

നിരണം മാര്‍ തോമാശ്ലീഹാ തീര്‍ഥാടന കേന്ദ്രത്തില്‍ ദുക്റാനത്തിരുനാൾ

നിരണം: വിശുദ്ധ തോമാശ്ലീഹായുടെ പാദസ്പര്‍ശത്താല്‍ അനുഗൃഹീതമായ നിരണം മാര്‍ത്തോമാ ശ്ലീഹാ തീര്‍ഥാടന കേന്ദ്രത്തില്‍ ദുക്റാനത്തിരുനാളും 19-ാമത് നിരണം തീര്‍ഥാടനവും ജൂലൈ രണ്ടു മുതല്‍ ആറു വരെ നടത്തും. രണ്ടിനു വൈകുന്നേരം 4.30ന് കൊടിയേറ്റ്, അഞ്ചിനു വിശുദ്ധ കുര്‍ബാന: പ്രോട്ടോ സിഞ്ചെള്ളൂസ് മോൺ. ആന്‍റണി എത്തയ്ക്കാട്ട്. മൂന്നിനു രാവിലെ എഴിനു വിശുദ്ധ കുര്‍ബാന, സന്ദേശം: ആര്‍ച്ച്ബിഷപ് മാര്‍ തോമസ് തറയില്‍. 12.45ന് എടത്വാ ഫൊറോനയില്‍നിന്നുള്ള തീര്‍ഥാടനം എത്തിച്ചേരും. പ്രാർഥന: ഫാ. ഫിലിപ്പ് വൈക്കത്തുകാരന്‍വീട്ടില്‍. സന്ദേശം: റവ.ഡോ. വര്‍ഗീസ് പുത്തന്‍പുരയ്ക്കല്‍. തുടര്‍ന്നു നേര്‍ച്ചക്കഞ്ഞി. നാലിനു വൈകുന്നേരം അഞ്ചിനു വിശുദ്ധ കുര്‍ബാന, സന്ദേശം: വികാരി ജനറാള്‍ മോൺ. മാത്യു ചങ്ങങ്കരി. അഞ്ചിനു വൈകുന്നേരം അഞ്ചിനു വിശുദ്ധ കുര്‍ബാന, സന്ദേശം ഫാ. ജയിംസ് മാളേയ്ക്കല്‍, രാത്രി ഏഴിനു കലാസന്ധ്യ. ആറിനു രാവിലെ എഴിനു വിശുദ്ധ കുര്‍ബാന, സന്ദേശം: ആര്‍ച്ച്ബിഷപ് മാര്‍ ജോസഫ് പെരുന്തോട്ടം. ഉച്ചകഴിഞ്ഞു ഒന്നിന് ചങ്ങനാശേരി അതിരൂപത യുവദീപ്തി-എസ്എംവൈഎമ്മിന്‍റെ നേതൃത്വത്തിലുള്ള തീര്‍ഥാടനം എത്തിച്ചേരും. പ്രാർഥന, സന്ദേശം: ഡയറക്ടര്‍ റവ.ഡോ. സാവിയോ മാനാട്ട്, തുടര്‍ന്നു നേര്‍ച്ചക്കഞ്ഞി. വൈകുന്നേരം മൂന്നിന് കൊടിയിറക്ക്. റെക്ടര്‍ ഫാ. ജോര്‍ജ് മൂലംകുന്നം, ഫാ. ജോര്‍ജ് വല്ലയില്‍, ജനറല്‍ കണ്‍വീനര്‍ കെ.പി. ജോസഫ്, പബ്ലിസിറ്റി കണ്‍വീനര്‍ ഷിജോ ജോസ് പയ്യപ്പള്ളി തുടങ്ങിയവരുടെ നേതൃത്വത്തില്‍ വിവിധ കമ്മിറ്റികള്‍ പ്രവര്‍ത്തിക്കുന്നു.

രാജമറ്റം തിരുഹൃദയ ഇടവക സുവര്‍ണജൂബിലി ആഘോഷങ്ങൾക്കു നാളെ തുടക്കം

രാജമറ്റം: തിരുഹൃദയ ഇടവക സുവര്‍ണജൂബിലി ആഘോഷം നാളെ രാവിലെ വിശുദ്ധകുര്‍ബാനമധ്യേ കര്‍ദിനാള്‍ മാര്‍ ജോര്‍ജ് ആലഞ്ചേരി ഉദ്ഘാടനം ചെയ്യും. 1976 ജൂണ്‍ 20നാണ് ഈ ഇടവകയ്ക്കു തുടക്കംകുറിച്ചത്. വികാരി ഫാ. ബെന്നി കുഴിയടിയില്‍, ഫാ. മോന്‍സി കൈപ്പടശേരി എന്നിവര്‍ വിശുദ്ധ കുര്‍ബാനയില്‍ സഹകാര്‍മികരായിരിക്കും. സുവര്‍ണ ജൂബിലി സ്മാരക ജീവകാരുണ്യനിധിയുടെയും പുതുതായി ആരംഭിക്കുന്ന പാലിയേറ്റീവ് കെയര്‍ യൂണിറ്റിന്‍റെയും ഉദ്ഘാടനവും കര്‍ദിനാള്‍ നിര്‍വഹിക്കും. 1976ല്‍ ഇടവക പ്രഖ്യാപനം അന്നത്തെ ആര്‍ച്ച്ബിഷപ് മാര്‍ ആന്‍റണി പടിയറയാണ് നിര്‍വഹിച്ചത്. 132 കുടുംബങ്ങളുമായി ആരംഭിച്ച ഇടവകയില്‍ ഇപ്പോള്‍ 350 കുടുംബങ്ങളുണ്ട്. സെമിനാരി പ്രഫസറായിരുന്ന ദിവംഗതനായ റവ.ഡോ. തോമസ് കയ്യാലപ്പറമ്പിലാണ് ഇടവകയുടെ സ്ഥാപകന്‍. ഫാ. സിറിൾ‍ ചേപ്പിലയുടെ നേതൃത്വത്തിലാണ് ഇപ്പോഴുള്ള പള്ളി നിര്‍മിച്ചത്. ഫാ. ബെന്നി കുഴിയടിയിലാണ് ഇപ്പോഴത്തെ വികാരി. ജൂബിലിയോടനുബന്ധിച്ച് ഇടവകയിലെ വിവിധ പ്രസ്ഥാനങ്ങളുടെ നേതൃത്വത്തില്‍ സെമിനാര്‍, സിന്പോസിയം, ധ്യാനം, തീര്‍ഥാടനങ്ങള്‍, വിവിധ മാസാചരണങ്ങള്‍ തുടങ്ങി വൈവിധ്യമാര്‍ന്ന പരിപാടികള്‍ ആസൂത്രണം ചെയ്തിട്ടുണ്ട്. പരിപാടികള്‍ക്ക് കൈക്കാരന്മാരായ മോനിച്ചന്‍ തടത്തില്‍പ്പുരയിടം, സിബിച്ചന്‍ കല്ലുകുഴിയില്‍, ഷാജന്‍ കൊണ്ടോടി, പാരിഷ് കൗണ്‍സില്‍ അംഗങ്ങള്‍, ഡോട്ടേഴ്‌സ് ഓഫ് സെന്‍റ് ജോസഫ് സമര്‍പ്പിത സമൂഹത്തിലെ സിസ്റ്റേഴ്‌സ്, കുടുംബ കൂട്ടായ്മ ലീഡേഴ്‌സ്, വിവിധ സംഘടനാ ഭാരവാഹികള്‍ തുടങ്ങിയവര്‍ നേതൃത്വം നല്‍കും.

കിടങ്ങറ ഈസ്റ്റ്-കോമങ്കേരിച്ചിറ-മേപ്രാല്‍ റോഡിൽ വെള്ളക്കെട്ട്; നിരവധി പ്രദേശങ്ങൾ‍ ഒറ്റപ്പെട്ടു

ചങ്ങനാശേരി: ചങ്ങനാശേരി-ആലപ്പുഴ റോഡിലെ കിടങ്ങറ ഈസ്റ്റ് മേപ്രാല്‍മുക്കില്‍നിന്നു രണ്ട് പതിറ്റാണ്ടുമുമ്പ് കോമങ്കേരി -മേപ്രാല്‍ വഴി തിരുവല്ലയ്ക്ക് പുതിയ റോഡ് തുറന്നപ്പോള്‍ നാട്ടുകാര്‍ക്ക് ഏറെ പ്രതീക്ഷയും ആഹ്ലാദവുമായിരുന്നു. ചങ്ങനാശേരി നിയോജകമണ്ഡലത്തിന്‍റെ പരിധിയില്‍ ഈ റോഡിന്‍റെ ദൈര്‍ഘ്യം 3.750 കിലോമീറ്ററാണ്. റോഡ് നിര്‍മിക്കുന്നതിനുമുമ്പ് പൂവം പാടശേഖരത്തിന്‍റെ ബണ്ടിലൂടെയായിരുന്നു നാട്ടുകാരുടെ യാത്ര. നാട്ടുകാരുടെ നിരന്തരമായ ആവശ്യത്തെത്തുടര്‍ന്നാണ് എംഎല്‍എയായിരുന്ന സി.എഫ്. തോമസ് മുന്‍കൈ എടുത്ത് ഈ റോഡിന്‍റെ നിര്‍മാണം പൂര്‍ത്തീകരിച്ചത്. ഇപ്പോള്‍ ഒരു മഴ പെയ്യുമ്പോഴേ ഈ റോഡിന്‍റെ ഭൂരിഭാഗവും വെള്ളക്കെട്ടിലകപ്പെട്ട് പ്രദേശവാസികള്‍ ഒറ്റപ്പെടുകയാണ്്. ചങ്ങനാശേരി-ആലപ്പുഴ റോഡിനെ നീരേറ്റുപുറം, കാവുംഭാഗം, പെരിങ്ങര, അഴിയിടത്തുചിറ, ഇടിഞ്ഞില്ലം, എടത്വ, തിരുവല്ല പ്രദേശങ്ങളുമായി ബന്ധിപ്പിക്കുന്ന റോഡാണിത്. പായിപ്പാട് പഞ്ചായത്തിലെ ഒന്നാം വാര്‍ഡില്‍പ്പെട്ട കോമങ്കേരിച്ചിറ, അറുനൂറില്‍ പുതുവല്‍, മൂലേപുതുവല്‍ എന്നിവിടങ്ങളിലേക്കും മണിമലയാറു മുറിച്ചുകടന്നാല്‍ മുട്ടാര്‍ പഞ്ചായത്തിലേക്കും എളുപ്പത്തില്‍ ഈ റോഡിലൂടെ എത്താം. അംബേദ്കര്‍ കോളനിയുടെ പുരോഗതിയും ലക്ഷ്യമായിരുന്നു കോമങ്കേരിച്ചിറ, അറുനൂറില്‍ പുതുവല്‍, മൂലേപുതുവല്‍ പ്രദേശങ്ങളെ സംസ്ഥാന സര്‍ക്കാര്‍ നാല്പതു വര്‍ഷംമുമ്പ് അംബേദ്കര്‍ ഗ്രാമമായി പ്രഖ്യാപിച്ചിരുന്നു. ഹരിജന്‍ സെറ്റില്‍മെന്‍റ് കോളനിയായും ഇതു പ്രഖ്യാപിക്കപ്പെട്ടിട്ടുണ്ട്. അഞ്ഞൂറോളം കുടുംബങ്ങളാണ് ഇവിടെ കഴിയുന്നത്. കൃഷി, കൂലിവേല, ചങ്ങനാശേരിയിലെ വിവിധ സ്ഥാപനങ്ങളിലെ ജോലി എന്നിവയാണ് ഉപജീവനമാര്‍ഗം. ഇവരുടെ പുരോഗതിയും റോഡ് നിര്‍മാണത്തിലെ ലക്ഷ്യമായിരുന്നു. പാടശേഖരങ്ങള്‍ക്കും സഹായകമാകുന്ന റോഡ് പൂവം പാടം, എട്ടിയാകരി, മൂലആലഞ്ചേരിവാക്ക, കൈപ്പുഴാക്കല്‍ പുതുക്കാട് തുടങ്ങി 1500 ഏക്കർ കൃഷിയിടങ്ങളിലേക്ക് വിത്തും വളവും എത്തിക്കാനും പാടശേഖരങ്ങളില്‍ ഉത്പാദിപ്പിക്കുന്ന നെല്ല് ലോറിയില്‍ കൊണ്ടുപോകുന്നതിനുമായി നാനൂറോളം കര്‍ഷകര്‍ ആശ്രയിക്കുന്ന റോഡുകൂടിയാണിത്. ഇവിടുത്തെ 95 ശതമാനം വിദ്യാര്‍ഥികളും ചങ്ങനാശേരിയിലെ വിദ്യാഭ്യാസ സ്ഥാപനങ്ങളിലാണ് പഠിക്കുന്നത്. വിദ്യാര്‍ഥികളും ഈ റോഡ് തന്നെയാണ് ഉപയോഗിക്കുന്നത്. കാന്‍സർ രോഗികളും വയോജനങ്ങളും ശ്വാസംമുട്ടലിനെത്തുടര്‍ന്ന് ഓക്‌സിജന്‍ സിലിണ്ടറിനെ ആശ്രയിക്കുന്നവരും ഈ പ്രദേശങ്ങളിലുണ്ട്. നിർമിച്ച അന്നുതൊട്ടെ ഈ റോഡില്‍ വെള്ളം കയറുന്നത് പതിവായിരുന്നു. ഈ വിഷയം പരിഗണിച്ച് സി.എഫ്. തോമസ് എംഎല്‍എ ഈ റോഡിന്‍റെ തുടക്കംമുതല്‍ ദൈവപ്പറമ്പുവരെയുള്ള ഒരു കിലോമീറ്റര്‍ ഉയര്‍ത്തുന്നതിന് ഫണ്ട് അനുവദിച്ച് റോഡ് ഉയര്‍ത്തിയിരുന്നു. ബാക്കിയുള്ള ഒന്നരക്കിലോമീറ്റര്‍ ദൂരം ഉയര്‍ത്തുന്നതിന് രണ്ടു കോടിയോളം രൂപ അനുവദിക്കുകയും ചെയ്തിരുന്നു. കരാറുകാരന്‍ നിര്‍മാണത്തിനായി മെറ്റലും മറ്റും ഇറക്കിയെങ്കിലും സര്‍ക്കാരില്‍നിന്നു ഫണ്ട് ലഭിക്കാതെ വന്നതോടെ നിര്‍മാണം മുടങ്ങി. രണ്ടേമുക്കാല്‍ കിലോമീറ്ററും വെള്ളത്തിൽ; വീടുകളില്‍ ദുരിതവും പട്ടിണിയും ഇപ്പോള്‍ ഒരു നല്ല മഴ പെയ്താല്‍ രണ്ടേമുക്കാല്‍ കിലോമീറ്ററോളം റോഡ് വെള്ളത്തിലാകുക പതിവാണ്. ഇക്കഴിഞ്ഞ മേയ് അവസാനവാരം മുതലുള്ള മഴയില്‍ ഈ റോഡ് വെള്ളത്തിലകപ്പെപ്പെട്ടിരിക്കുകയാണ്. വള്ളമുള്ളവര്‍ക്കു മാത്രമേ പുറംനാട്ടിലേക്കു കടക്കാനാകൂ. വിദ്യാര്‍ഥികള്‍ക്കും തൊഴിലാളികള്‍ക്കും കച്ചവടക്കാര്‍ക്കും മറ്റു സ്ഥലത്തേക്ക് പോകാനും പറ്റുന്നില്ല. മുഴുവന്‍ വീടുകളും വെള്ളത്തിലാണ്. പല വീടുകളിലും രോഗവും ദാരിദ്ര്യവും കടന്നുകൂടിയിട്ടുണ്ട്. അപ്പര്‍കുട്ടനാടിനും ദുരിതാശ്വാസ പരിഗണന വേണം മഴക്കെടുതിയില്‍ കുട്ടനാടിന് ആനുകൂല്യങ്ങള്‍ ലഭിക്കുമ്പോഴും വെള്ളത്താല്‍ ചുറ്റപ്പെട്ടുകിടക്കുന്ന അപ്പര്‍ കുട്ടനാട് മേഖലയായ കോമങ്കേരിച്ചിറ, നക്രാല്‍ പുതുവല്‍, അറുനൂറില്‍ പുതുവല്‍, മൂലേല്‍പുതുവല്‍, എസി കോളനി, കാവാലിക്കരി, പൂവം, കാവാലിക്കരി, തെങ്ങനോടി, വെട്ടിത്തുരുത്ത്, പറാല്‍ പ്രദേശങ്ങള്‍ക്ക് ഈ ആനുകൂല്യങ്ങള്‍ ലഭിക്കുന്നില്ല. കുട്ടനാടിനു സമാനമായ എല്ലാ യാതനകളും അനുഭവിക്കുന്ന തങ്ങള്‍ക്കും ദുരിതാശ്വാസ ആനുകൂല്യങ്ങള്‍ ലഭിക്കണമെന്നാണ് ഇവരുടെ ആവശ്യം. ഈ ആവശ്യം ഉന്നയിച്ച് രാഷ്‌ട്രീയ കക്ഷി ഭേദമില്ലാതെ നിവേദനങ്ങളും സമരങ്ങളുമായി രംഗത്തിറങ്ങാന്‍ നാട്ടുകാര്‍ സംഘടിക്കുന്നുണ്ട്. വിനയായി എസി റോഡിന്‍റെ അശാസ്ത്രീയ നിര്‍മാണവും എസി റോഡിന്‍റെ അശാസ്ത്രീയ നിര്‍മാണത്തോടെയാണ് ഈ റോഡും സമീപ പ്രദേശങ്ങളും വെള്ളക്കെട്ടില്‍ അകപ്പെട്ടതെന്നാണ് അംബേദ്കര്‍ കോളനി പ്രദേശവാസികള്‍ ചൂണ്ടിക്കാട്ടുന്നത്. എസി റോഡില്‍ നിര്‍മിച്ച പതിമൂന്നു കലുങ്കുകളില്‍ മൂന്നു കലുങ്കുകള്‍ ഒഴിച്ചുള്ളവ തുറക്കാത്തതും എസി കനാലില്‍ പോളയും മാലിന്യങ്ങളും തിങ്ങിനിറഞ്ഞതും ഈ പ്രദേങ്ങളെ വെള്ളക്കെട്ടില്‍ അകപ്പെടുത്തുകയാണെന്നു നാട്ടുകാര്‍ ചൂണ്ടിക്കാട്ടുന്നു. കിടങ്ങറ വലിയപാലത്തിന്‍റെയും കിടങ്ങറ ഈസ്റ്റ് പാലത്തിന്‍റെയും തൂണുകളില്‍ കിഴക്കന്‍ വെള്ളത്തില്‍ വന്നുചേര്‍ന്ന മുളയും ചപ്പുചവറും പ്ലാസ്റ്റിക് കുപ്പികളും അടിഞ്ഞുകൂടിയതും ഒഴുക്കിനു വിഘാതമാകുന്നുണ്ട്. കോമങ്കേരിച്ചിറ റോഡിന് സംരക്ഷണ ഭിത്തി വേണം; 3.750 കി.മി. റോഡും ഉയര്‍ത്തിനിര്‍മിക്കണം കിടങ്ങറഈസ്റ്റ് മേപ്രാല്‍മുക്കില്‍നിന്നാരംഭിച്ച് കോമങ്കേരി -മേപ്രാല്‍ വഴി തിരുവല്ലയ്ക്കുള്ള റോഡിന്‍റെ ആറ്റുമാലി കലുങ്കുവരെയുള്ള 3.750 കിലോമീറ്റര്‍ ദൂരം റോഡ് ഉയര്‍ത്തിയെങ്കിലേ റോഡിലെ വെള്ളക്കെട്ടിനു പരിഹാരമാകൂവെന്ന് നാട്ടുകാർ പറ‍യുന്നു. ഇങ്ങനെ മാത്രമേ മഴക്കാലത്ത് റോഡിലെ യാത്ര സുഗമമാക്കാന്‍ സാധിക്കൂ. ഇതിന് സര്‍ക്കാര്‍ പ്രത്യേക പദ്ധതി തയാറാക്കി ഫണ്ട് അനുവദിക്കണം. അപ്പര്‍കുട്ടനാടിന്‍റെ പരിസ്ഥിതിയില്‍ റോഡ് നിര്‍മിക്കുമ്പോള്‍ നാട്ടുകാരുടെ അഭിപ്രായങ്ങൾക്കൂടി മാനിക്കപ്പെടണം. ഈ റോഡിന് ടാറിംഗ് ഉള്‍പ്പെടെ എട്ടുമീറ്റര്‍ വീതിയാണുള്ളത്. ഇരുവശങ്ങളിലും പാടശേഖരമായതിനാല്‍ റോഡ് ഉയര്‍ത്തുന്നതിനൊപ്പം ഇരുവശങ്ങളിലും സംരക്ഷണ ഭിത്തി കെട്ടി ഉറപ്പുവരുത്തിയെങ്കിലേ ബലവത്താകുകയുള്ളൂ. ഇക്കാര്യത്തിന് സത്വര നടപടികള്‍ ഉണ്ടാകണമെന്നാണ് നാട്ടുകാരുടെ ആവശ്യം.

നിരണം മാര്‍ തോമാശ്ലീഹാ തീര്‍ഥാടന കേന്ദ്രത്തില്‍ ദുക്റാനത്തിരുനാൾ

നിരണം: വിശുദ്ധ തോമാശ്ലീഹായുടെ പാദസ്പര്‍ശത്താല്‍ അനുഗൃഹീതമായ നിരണം മാര്‍ത്തോമാ ശ്ലീഹാ തീര്‍ഥാടന കേന്ദ്രത്തില്‍ ദുക്റാനത്തിരുനാളും 19-ാമത് നിരണം തീര്‍ഥാടനവും ജൂലൈ രണ്ടു മുതല്‍ ആറു വരെ നടത്തും. രണ്ടിനു വൈകുന്നേരം 4.30ന് കൊടിയേറ്റ്, അഞ്ചിനു വിശുദ്ധ കുര്‍ബാന: പ്രോട്ടോ സിഞ്ചെള്ളൂസ് മോൺ. ആന്‍റണി എത്തയ്ക്കാട്ട്. മൂന്നിനു രാവിലെ എഴിനു വിശുദ്ധ കുര്‍ബാന, സന്ദേശം: ആര്‍ച്ച്ബിഷപ് മാര്‍ തോമസ് തറയില്‍. 12.45ന് എടത്വാ ഫൊറോനയില്‍നിന്നുള്ള തീര്‍ഥാടനം എത്തിച്ചേരും. പ്രാർഥന: ഫാ. ഫിലിപ്പ് വൈക്കത്തുകാരന്‍വീട്ടില്‍. സന്ദേശം: റവ.ഡോ. വര്‍ഗീസ് പുത്തന്‍പുരയ്ക്കല്‍. തുടര്‍ന്നു നേര്‍ച്ചക്കഞ്ഞി. നാലിനു വൈകുന്നേരം അഞ്ചിനു വിശുദ്ധ കുര്‍ബാന, സന്ദേശം: വികാരി ജനറാള്‍ മോൺ. മാത്യു ചങ്ങങ്കരി. അഞ്ചിനു വൈകുന്നേരം അഞ്ചിനു വിശുദ്ധ കുര്‍ബാന, സന്ദേശം ഫാ. ജയിംസ് മാളേയ്ക്കല്‍, രാത്രി ഏഴിനു കലാസന്ധ്യ. ആറിനു രാവിലെ എഴിനു വിശുദ്ധ കുര്‍ബാന, സന്ദേശം: ആര്‍ച്ച്ബിഷപ് മാര്‍ ജോസഫ് പെരുന്തോട്ടം. ഉച്ചകഴിഞ്ഞു ഒന്നിന് ചങ്ങനാശേരി അതിരൂപത യുവദീപ്തി-എസ്എംവൈഎമ്മിന്‍റെ നേതൃത്വത്തിലുള്ള തീര്‍ഥാടനം എത്തിച്ചേരും. പ്രാർഥന, സന്ദേശം: ഡയറക്ടര്‍ റവ.ഡോ. സാവിയോ മാനാട്ട്, തുടര്‍ന്നു നേര്‍ച്ചക്കഞ്ഞി. വൈകുന്നേരം മൂന്നിന് കൊടിയിറക്ക്. റെക്ടര്‍ ഫാ. ജോര്‍ജ് മൂലംകുന്നം, ഫാ. ജോര്‍ജ് വല്ലയില്‍, ജനറല്‍ കണ്‍വീനര്‍ കെ.പി. ജോസഫ്, പബ്ലിസിറ്റി കണ്‍വീനര്‍ ഷിജോ ജോസ് പയ്യപ്പള്ളി തുടങ്ങിയവരുടെ നേതൃത്വത്തില്‍ വിവിധ കമ്മിറ്റികള്‍ പ്രവര്‍ത്തിക്കുന്നു.

വൈക്കത്ത് തെരുവുനായശല്യം രൂക്ഷം

വൈക്കം: വൈക്കം നഗരത്തിലും ഉൾപ്രദേശങ്ങളിലും തെരുവുനായ്ക്കളുടെ ശല്യം രൂക്ഷമാകുന്നു. വൈക്കം മഹാദേവക്ഷേത്രത്തിന്‍റെ ഗോപുര നടകൾ, ആറാട്ടുകുളങ്ങര, കെഎസ്ആർടിസി ബസ് സ്റ്റാൻഡ്, ദളവാക്കുളം ബസ് ടെർമിനൽ, വലിയകവല, ലിങ്ക് റോഡ് തുടങ്ങിയ സ്ഥലങ്ങളിലാണ് തെരുവുനായ ശല്യം രൂക്ഷമായിരിക്കുന്നത്. ദിനംപ്രതി പെരുകുന്ന തെരുവുനായ്ക്കൾ ജനജീവിതത്തിന് കടുത്ത ഭീഷണിയാകുകയാണ്. നിർധന കുടുംബങ്ങൾ അധികവരുമാനത്തിനായി വളർത്തുന്ന ആട്, കോഴി, താറാവ് തുടങ്ങിയവയെ തെരുവുനായ്ക്കൾ ആക്രമിച്ചു കൊന്നുതിന്നുന്നത് പതിവായിരിക്കുകയാണ്. കടുത്ത ജനരോഷം ഉയർന്നിട്ടും പഞ്ചായത്ത് അധികൃതർ ഇക്കാര്യത്തിൽ നടപടി സ്വീകരിക്കുന്നില്ലെന്ന് നാട്ടുകാർ കുറ്റപ്പെടുത്തുന്നു. മാലിന്യങ്ങളിൽനിന്ന് ഭക്ഷണം ലഭിക്കുന്നതാണ് നായ്ക്കൾ നഗരത്തിൽ പെരുകാൻ കാരണമെന്ന് നാട്ടുകാർ ആരോപിക്കുന്നു. തെരുവുനായ ശല്യത്തിനെതിരെ രാഷ്്‌ട്രീയപാർട്ടികൾ, റസിഡന്‍റ്സ് അസോസിയേഷൻ എന്നിവരുടെ നേതൃത്വത്തിൽ പലതവണ ഇതിനകം പ്രതിഷേധസമരം നടന്നു. എബിസി പദ്ധതി നടപ്പാക്കി തെരുവുനായശല്യമൊഴിവാക്കാൻ അധികൃതർ നടപടി സ്വീക രിക്കണമെന്നാണ് നാട്ടുകാരുടെ ആവശ്യം.

കിടങ്ങറ ഈസ്റ്റ്-കോമങ്കേരിച്ചിറ-മേപ്രാല്‍ റോഡിൽ വെള്ളക്കെട്ട്; നിരവധി പ്രദേശങ്ങൾ‍ ഒറ്റപ്പെട്ടു

ചങ്ങനാശേരി: ചങ്ങനാശേരി-ആലപ്പുഴ റോഡിലെ കിടങ്ങറ ഈസ്റ്റ് മേപ്രാല്‍മുക്കില്‍നിന്നു രണ്ട് പതിറ്റാണ്ടുമുമ്പ് കോമങ്കേരി -മേപ്രാല്‍ വഴി തിരുവല്ലയ്ക്ക് പുതിയ റോഡ് തുറന്നപ്പോള്‍ നാട്ടുകാര്‍ക്ക് ഏറെ പ്രതീക്ഷയും ആഹ്ലാദവുമായിരുന്നു. ചങ്ങനാശേരി നിയോജകമണ്ഡലത്തിന്‍റെ പരിധിയില്‍ ഈ റോഡിന്‍റെ ദൈര്‍ഘ്യം 3.750 കിലോമീറ്ററാണ്. റോഡ് നിര്‍മിക്കുന്നതിനുമുമ്പ് പൂവം പാടശേഖരത്തിന്‍റെ ബണ്ടിലൂടെയായിരുന്നു നാട്ടുകാരുടെ യാത്ര. നാട്ടുകാരുടെ നിരന്തരമായ ആവശ്യത്തെത്തുടര്‍ന്നാണ് എംഎല്‍എയായിരുന്ന സി.എഫ്. തോമസ് മുന്‍കൈ എടുത്ത് ഈ റോഡിന്‍റെ നിര്‍മാണം പൂര്‍ത്തീകരിച്ചത്. ഇപ്പോള്‍ ഒരു മഴ പെയ്യുമ്പോഴേ ഈ റോഡിന്‍റെ ഭൂരിഭാഗവും വെള്ളക്കെട്ടിലകപ്പെട്ട് പ്രദേശവാസികള്‍ ഒറ്റപ്പെടുകയാണ്്. ചങ്ങനാശേരി-ആലപ്പുഴ റോഡിനെ നീരേറ്റുപുറം, കാവുംഭാഗം, പെരിങ്ങര, അഴിയിടത്തുചിറ, ഇടിഞ്ഞില്ലം, എടത്വ, തിരുവല്ല പ്രദേശങ്ങളുമായി ബന്ധിപ്പിക്കുന്ന റോഡാണിത്. പായിപ്പാട് പഞ്ചായത്തിലെ ഒന്നാം വാര്‍ഡില്‍പ്പെട്ട കോമങ്കേരിച്ചിറ, അറുനൂറില്‍ പുതുവല്‍, മൂലേപുതുവല്‍ എന്നിവിടങ്ങളിലേക്കും മണിമലയാറു മുറിച്ചുകടന്നാല്‍ മുട്ടാര്‍ പഞ്ചായത്തിലേക്കും എളുപ്പത്തില്‍ ഈ റോഡിലൂടെ എത്താം. അംബേദ്കര്‍ കോളനിയുടെ പുരോഗതിയും ലക്ഷ്യമായിരുന്നു കോമങ്കേരിച്ചിറ, അറുനൂറില്‍ പുതുവല്‍, മൂലേപുതുവല്‍ പ്രദേശങ്ങളെ സംസ്ഥാന സര്‍ക്കാര്‍ നാല്പതു വര്‍ഷംമുമ്പ് അംബേദ്കര്‍ ഗ്രാമമായി പ്രഖ്യാപിച്ചിരുന്നു. ഹരിജന്‍ സെറ്റില്‍മെന്‍റ് കോളനിയായും ഇതു പ്രഖ്യാപിക്കപ്പെട്ടിട്ടുണ്ട്. അഞ്ഞൂറോളം കുടുംബങ്ങളാണ് ഇവിടെ കഴിയുന്നത്. കൃഷി, കൂലിവേല, ചങ്ങനാശേരിയിലെ വിവിധ സ്ഥാപനങ്ങളിലെ ജോലി എന്നിവയാണ് ഉപജീവനമാര്‍ഗം. ഇവരുടെ പുരോഗതിയും റോഡ് നിര്‍മാണത്തിലെ ലക്ഷ്യമായിരുന്നു. പാടശേഖരങ്ങള്‍ക്കും സഹായകമാകുന്ന റോഡ് പൂവം പാടം, എട്ടിയാകരി, മൂലആലഞ്ചേരിവാക്ക, കൈപ്പുഴാക്കല്‍ പുതുക്കാട് തുടങ്ങി 1500 ഏക്കർ കൃഷിയിടങ്ങളിലേക്ക് വിത്തും വളവും എത്തിക്കാനും പാടശേഖരങ്ങളില്‍ ഉത്പാദിപ്പിക്കുന്ന നെല്ല് ലോറിയില്‍ കൊണ്ടുപോകുന്നതിനുമായി നാനൂറോളം കര്‍ഷകര്‍ ആശ്രയിക്കുന്ന റോഡുകൂടിയാണിത്. ഇവിടുത്തെ 95 ശതമാനം വിദ്യാര്‍ഥികളും ചങ്ങനാശേരിയിലെ വിദ്യാഭ്യാസ സ്ഥാപനങ്ങളിലാണ് പഠിക്കുന്നത്. വിദ്യാര്‍ഥികളും ഈ റോഡ് തന്നെയാണ് ഉപയോഗിക്കുന്നത്. കാന്‍സർ രോഗികളും വയോജനങ്ങളും ശ്വാസംമുട്ടലിനെത്തുടര്‍ന്ന് ഓക്‌സിജന്‍ സിലിണ്ടറിനെ ആശ്രയിക്കുന്നവരും ഈ പ്രദേശങ്ങളിലുണ്ട്. നിർമിച്ച അന്നുതൊട്ടെ ഈ റോഡില്‍ വെള്ളം കയറുന്നത് പതിവായിരുന്നു. ഈ വിഷയം പരിഗണിച്ച് സി.എഫ്. തോമസ് എംഎല്‍എ ഈ റോഡിന്‍റെ തുടക്കംമുതല്‍ ദൈവപ്പറമ്പുവരെയുള്ള ഒരു കിലോമീറ്റര്‍ ഉയര്‍ത്തുന്നതിന് ഫണ്ട് അനുവദിച്ച് റോഡ് ഉയര്‍ത്തിയിരുന്നു. ബാക്കിയുള്ള ഒന്നരക്കിലോമീറ്റര്‍ ദൂരം ഉയര്‍ത്തുന്നതിന് രണ്ടു കോടിയോളം രൂപ അനുവദിക്കുകയും ചെയ്തിരുന്നു. കരാറുകാരന്‍ നിര്‍മാണത്തിനായി മെറ്റലും മറ്റും ഇറക്കിയെങ്കിലും സര്‍ക്കാരില്‍നിന്നു ഫണ്ട് ലഭിക്കാതെ വന്നതോടെ നിര്‍മാണം മുടങ്ങി. രണ്ടേമുക്കാല്‍ കിലോമീറ്ററും വെള്ളത്തിൽ; വീടുകളില്‍ ദുരിതവും പട്ടിണിയും ഇപ്പോള്‍ ഒരു നല്ല മഴ പെയ്താല്‍ രണ്ടേമുക്കാല്‍ കിലോമീറ്ററോളം റോഡ് വെള്ളത്തിലാകുക പതിവാണ്. ഇക്കഴിഞ്ഞ മേയ് അവസാനവാരം മുതലുള്ള മഴയില്‍ ഈ റോഡ് വെള്ളത്തിലകപ്പെപ്പെട്ടിരിക്കുകയാണ്. വള്ളമുള്ളവര്‍ക്കു മാത്രമേ പുറംനാട്ടിലേക്കു കടക്കാനാകൂ. വിദ്യാര്‍ഥികള്‍ക്കും തൊഴിലാളികള്‍ക്കും കച്ചവടക്കാര്‍ക്കും മറ്റു സ്ഥലത്തേക്ക് പോകാനും പറ്റുന്നില്ല. മുഴുവന്‍ വീടുകളും വെള്ളത്തിലാണ്. പല വീടുകളിലും രോഗവും ദാരിദ്ര്യവും കടന്നുകൂടിയിട്ടുണ്ട്. അപ്പര്‍കുട്ടനാടിനും ദുരിതാശ്വാസ പരിഗണന വേണം മഴക്കെടുതിയില്‍ കുട്ടനാടിന് ആനുകൂല്യങ്ങള്‍ ലഭിക്കുമ്പോഴും വെള്ളത്താല്‍ ചുറ്റപ്പെട്ടുകിടക്കുന്ന അപ്പര്‍ കുട്ടനാട് മേഖലയായ കോമങ്കേരിച്ചിറ, നക്രാല്‍ പുതുവല്‍, അറുനൂറില്‍ പുതുവല്‍, മൂലേല്‍പുതുവല്‍, എസി കോളനി, കാവാലിക്കരി, പൂവം, കാവാലിക്കരി, തെങ്ങനോടി, വെട്ടിത്തുരുത്ത്, പറാല്‍ പ്രദേശങ്ങള്‍ക്ക് ഈ ആനുകൂല്യങ്ങള്‍ ലഭിക്കുന്നില്ല. കുട്ടനാടിനു സമാനമായ എല്ലാ യാതനകളും അനുഭവിക്കുന്ന തങ്ങള്‍ക്കും ദുരിതാശ്വാസ ആനുകൂല്യങ്ങള്‍ ലഭിക്കണമെന്നാണ് ഇവരുടെ ആവശ്യം. ഈ ആവശ്യം ഉന്നയിച്ച് രാഷ്‌ട്രീയ കക്ഷി ഭേദമില്ലാതെ നിവേദനങ്ങളും സമരങ്ങളുമായി രംഗത്തിറങ്ങാന്‍ നാട്ടുകാര്‍ സംഘടിക്കുന്നുണ്ട്. വിനയായി എസി റോഡിന്‍റെ അശാസ്ത്രീയ നിര്‍മാണവും എസി റോഡിന്‍റെ അശാസ്ത്രീയ നിര്‍മാണത്തോടെയാണ് ഈ റോഡും സമീപ പ്രദേശങ്ങളും വെള്ളക്കെട്ടില്‍ അകപ്പെട്ടതെന്നാണ് അംബേദ്കര്‍ കോളനി പ്രദേശവാസികള്‍ ചൂണ്ടിക്കാട്ടുന്നത്. എസി റോഡില്‍ നിര്‍മിച്ച പതിമൂന്നു കലുങ്കുകളില്‍ മൂന്നു കലുങ്കുകള്‍ ഒഴിച്ചുള്ളവ തുറക്കാത്തതും എസി കനാലില്‍ പോളയും മാലിന്യങ്ങളും തിങ്ങിനിറഞ്ഞതും ഈ പ്രദേങ്ങളെ വെള്ളക്കെട്ടില്‍ അകപ്പെടുത്തുകയാണെന്നു നാട്ടുകാര്‍ ചൂണ്ടിക്കാട്ടുന്നു. കിടങ്ങറ വലിയപാലത്തിന്‍റെയും കിടങ്ങറ ഈസ്റ്റ് പാലത്തിന്‍റെയും തൂണുകളില്‍ കിഴക്കന്‍ വെള്ളത്തില്‍ വന്നുചേര്‍ന്ന മുളയും ചപ്പുചവറും പ്ലാസ്റ്റിക് കുപ്പികളും അടിഞ്ഞുകൂടിയതും ഒഴുക്കിനു വിഘാതമാകുന്നുണ്ട്. കോമങ്കേരിച്ചിറ റോഡിന് സംരക്ഷണ ഭിത്തി വേണം; 3.750 കി.മി. റോഡും ഉയര്‍ത്തിനിര്‍മിക്കണം കിടങ്ങറഈസ്റ്റ് മേപ്രാല്‍മുക്കില്‍നിന്നാരംഭിച്ച് കോമങ്കേരി -മേപ്രാല്‍ വഴി തിരുവല്ലയ്ക്കുള്ള റോഡിന്‍റെ ആറ്റുമാലി കലുങ്കുവരെയുള്ള 3.750 കിലോമീറ്റര്‍ ദൂരം റോഡ് ഉയര്‍ത്തിയെങ്കിലേ റോഡിലെ വെള്ളക്കെട്ടിനു പരിഹാരമാകൂവെന്ന് നാട്ടുകാർ പറ‍യുന്നു. ഇങ്ങനെ മാത്രമേ മഴക്കാലത്ത് റോഡിലെ യാത്ര സുഗമമാക്കാന്‍ സാധിക്കൂ. ഇതിന് സര്‍ക്കാര്‍ പ്രത്യേക പദ്ധതി തയാറാക്കി ഫണ്ട് അനുവദിക്കണം. അപ്പര്‍കുട്ടനാടിന്‍റെ പരിസ്ഥിതിയില്‍ റോഡ് നിര്‍മിക്കുമ്പോള്‍ നാട്ടുകാരുടെ അഭിപ്രായങ്ങൾക്കൂടി മാനിക്കപ്പെടണം. ഈ റോഡിന് ടാറിംഗ് ഉള്‍പ്പെടെ എട്ടുമീറ്റര്‍ വീതിയാണുള്ളത്. ഇരുവശങ്ങളിലും പാടശേഖരമായതിനാല്‍ റോഡ് ഉയര്‍ത്തുന്നതിനൊപ്പം ഇരുവശങ്ങളിലും സംരക്ഷണ ഭിത്തി കെട്ടി ഉറപ്പുവരുത്തിയെങ്കിലേ ബലവത്താകുകയുള്ളൂ. ഇക്കാര്യത്തിന് സത്വര നടപടികള്‍ ഉണ്ടാകണമെന്നാണ് നാട്ടുകാരുടെ ആവശ്യം.

തലയോലപ്പറന്പ് ഗവ. ജൂണിയർ ഹെൽത്ത് നഴ്സ് ട്രെയിനിംഗ് സെന്‍ററിലെ വൈദ്യുതി പുനഃസ്ഥാപിച്ചു

തലയോലപ്പറമ്പ്: വൈദ്യുതിബിൽ കുടിശികയെത്തുടർന്ന് കഴിഞ്ഞ ദിവസം വിച്ഛേദിച്ച തലയോലപ്പറമ്പ് ഗവൺമെന്‍റ് ജൂണിയർ ഹെൽത്ത് നഴ്സ് ട്രെയിനിംഗ് സെന്‍ററിലെ വൈദ്യുതി കെഎസ്ഇബി അധികൃതർ പുനഃസ്ഥാപിച്ചു. ആറു മാസത്തെ ബിൽ തുകയായ 68,200 രൂപ കുടിശികയായ തിനെത്തുടർന്ന് കെഎസ്ഇബി അധികൃതർ കഴിഞ്ഞ ചൊവ്വാഴ്ച രാവിലെയാണ് ഇവിടുത്തെ വൈദ്യുതി വിച്ഛേദിച്ചത്. ഇതോടെ ക്ലാസ് മുറികളും ഓഫീസും ഹോസ്റ്റലും വെള്ളവും വെളിച്ചവുമില്ലാതെ ദുരിതത്തിലാവുകയായിരുന്നു. ഇതേത്തുടർന്ന് ഹോസ്റ്റലിൽ നിന്ന് പഠിക്കുന്ന വിദ്യാർഥികളെ അവരുടെ വീടുകളിലേക്ക് പറഞ്ഞുവിട്ട് ക്ലാസുകൾ ഓൺലൈനായി നടത്തുകയായിരുന്നു. ഇന്നലെ രാവിലെ 39,000 രൂപ കെഎസ്ഇബിക്ക് ട്രാൻസ്ഫർ ചെയ്ത് നൽകുകയും ബാക്കി തുക അടുത്ത ദിവസം അടയ്ക്കാമെന്ന് രേഖാമൂലം നഴ്സിംഗ് പ്രിൻസിപ്പൽ കത്ത് നൽകുകയും ചെയ്തതിനെത്തുടർന്ന് കെഎസ്ഇ ബി അധികൃതർ വൈദ്യുതി പുനഃസ്ഥാപിക്കുകയായിരുന്നു.

വൈക്കത്ത് തെരുവുനായശല്യം രൂക്ഷം

വൈക്കം: വൈക്കം നഗരത്തിലും ഉൾപ്രദേശങ്ങളിലും തെരുവുനായ്ക്കളുടെ ശല്യം രൂക്ഷമാകുന്നു. വൈക്കം മഹാദേവക്ഷേത്രത്തിന്‍റെ ഗോപുര നടകൾ, ആറാട്ടുകുളങ്ങര, കെഎസ്ആർടിസി ബസ് സ്റ്റാൻഡ്, ദളവാക്കുളം ബസ് ടെർമിനൽ, വലിയകവല, ലിങ്ക് റോഡ് തുടങ്ങിയ സ്ഥലങ്ങളിലാണ് തെരുവുനായ ശല്യം രൂക്ഷമായിരിക്കുന്നത്. ദിനംപ്രതി പെരുകുന്ന തെരുവുനായ്ക്കൾ ജനജീവിതത്തിന് കടുത്ത ഭീഷണിയാകുകയാണ്. നിർധന കുടുംബങ്ങൾ അധികവരുമാനത്തിനായി വളർത്തുന്ന ആട്, കോഴി, താറാവ് തുടങ്ങിയവയെ തെരുവുനായ്ക്കൾ ആക്രമിച്ചു കൊന്നുതിന്നുന്നത് പതിവായിരിക്കുകയാണ്. കടുത്ത ജനരോഷം ഉയർന്നിട്ടും പഞ്ചായത്ത് അധികൃതർ ഇക്കാര്യത്തിൽ നടപടി സ്വീകരിക്കുന്നില്ലെന്ന് നാട്ടുകാർ കുറ്റപ്പെടുത്തുന്നു. മാലിന്യങ്ങളിൽനിന്ന് ഭക്ഷണം ലഭിക്കുന്നതാണ് നായ്ക്കൾ നഗരത്തിൽ പെരുകാൻ കാരണമെന്ന് നാട്ടുകാർ ആരോപിക്കുന്നു. തെരുവുനായ ശല്യത്തിനെതിരെ രാഷ്്‌ട്രീയപാർട്ടികൾ, റസിഡന്‍റ്സ് അസോസിയേഷൻ എന്നിവരുടെ നേതൃത്വത്തിൽ പലതവണ ഇതിനകം പ്രതിഷേധസമരം നടന്നു. എബിസി പദ്ധതി നടപ്പാക്കി തെരുവുനായശല്യമൊഴിവാക്കാൻ അധികൃതർ നടപടി സ്വീക രിക്കണമെന്നാണ് നാട്ടുകാരുടെ ആവശ്യം.

ചെന്പ് സെന്‍റ് തോമസ് പള്ളിയിൽ ദുക്റാന തിരുനാൾ

ചെമ്പ്: ചെമ്പ് സെന്‍റ് തോമസ് കത്തോലിക്കാ പള്ളിയിൽ വിശുദ്ധതോമ്മാശ്ലീഹയുടെ ദുക്റാന തിരുനാളിന് നാളെ കൊടിയേറും. നാളെ രാവിലെ ഏഴിന് വിശുദ്ധ കുർബാന, തുടർന്ന് ആരാധന. വൈകുന്നേരം 5.30ന് കൊടിയേറ്റ്: മാർ ആന്‍റണി കരിയിൽ. തുടർന്ന് വിശുദ്ധകുർബാന: ഫാ.സെബാസ്റ്റ്യൻ കോനുപ്പറമ്പൻ. 30നു വൈകുന്നേരം 5.30ന് മരിച്ചവർക്കു വേണ്ടി റാസ: വൈക്കം ഫെറോന വികാരി റവ.ഡോ.ബെർക്കുമെൻസ് കൊടക്കൽ. ജൂലൈ ഒന്നിനു രാവിലെ 6.30ന് ലൈത്തോരന്മാരുടെ വാഴ്ച,വിശുദ്ധ കുർബാന, വൈകുന്നേരം 5.30ന് സ്ഥാനക്കാരുടെ വാഴ്ച, വിശുദ്ധകുർബാന: റവ.ഡോ.അഗസ്റ്റിൻ തോട്ടക്കര സിഎംഐ. ജൂലൈ രണ്ടിനു രാവിലെ ഏഴിനും പത്തിനും വിശുദ്ധകുർബാന: ഫാ.ജോഷി ചിറക്കൽ. തുടർന്ന് വിദ്യാരംഭം,കുരുന്നുകൾക്ക് ഊട്ട്നേർച്ച. വൈകുന്നേരം അഞ്ചിന് തിരിവെഞ്ചരിപ്പ്,വേസ്പര: ഫാ. ജൂബി കളത്തിപ്പറമ്പിൽ, പ്രസംഗം: റവ.ഡോ.ബിജു പെരുമായൻ.തുടർന്ന് പ്രദിക്ഷണം. തിരുനാൾ ദിനമായ മൂന്നിനു രാവിലെ അഞ്ച്, 6.30, 7.30, 8.30 വിശുദ്ധകുർബാന, 10.30ന് തിരുനാൾ കുർബാന ഫാ. മെൽവിൻ ചിറ്റിനപ്പിള്ളി, പ്രസംഗം: ഫാ. ജസ്റ്റിൻ കൈപ്രമ്പാടൻ. തുടർന്ന് പ്രദക്ഷിണം. വൈകുന്നേരം 7.30ന് വിശുദ്ധകുർബാന: ഫാ.ടോണി കോട്ടയ്ക്കൽ. നാലിന് പൂർവിക അനുസ്മരണദിനം.

തലയോലപ്പറന്പ് ഗവ. ജൂണിയർ ഹെൽത്ത് നഴ്സ് ട്രെയിനിംഗ് സെന്‍ററിലെ വൈദ്യുതി പുനഃസ്ഥാപിച്ചു

തലയോലപ്പറമ്പ്: വൈദ്യുതിബിൽ കുടിശികയെത്തുടർന്ന് കഴിഞ്ഞ ദിവസം വിച്ഛേദിച്ച തലയോലപ്പറമ്പ് ഗവൺമെന്‍റ് ജൂണിയർ ഹെൽത്ത് നഴ്സ് ട്രെയിനിംഗ് സെന്‍ററിലെ വൈദ്യുതി കെഎസ്ഇബി അധികൃതർ പുനഃസ്ഥാപിച്ചു. ആറു മാസത്തെ ബിൽ തുകയായ 68,200 രൂപ കുടിശികയായ തിനെത്തുടർന്ന് കെഎസ്ഇബി അധികൃതർ കഴിഞ്ഞ ചൊവ്വാഴ്ച രാവിലെയാണ് ഇവിടുത്തെ വൈദ്യുതി വിച്ഛേദിച്ചത്. ഇതോടെ ക്ലാസ് മുറികളും ഓഫീസും ഹോസ്റ്റലും വെള്ളവും വെളിച്ചവുമില്ലാതെ ദുരിതത്തിലാവുകയായിരുന്നു. ഇതേത്തുടർന്ന് ഹോസ്റ്റലിൽ നിന്ന് പഠിക്കുന്ന വിദ്യാർഥികളെ അവരുടെ വീടുകളിലേക്ക് പറഞ്ഞുവിട്ട് ക്ലാസുകൾ ഓൺലൈനായി നടത്തുകയായിരുന്നു. ഇന്നലെ രാവിലെ 39,000 രൂപ കെഎസ്ഇബിക്ക് ട്രാൻസ്ഫർ ചെയ്ത് നൽകുകയും ബാക്കി തുക അടുത്ത ദിവസം അടയ്ക്കാമെന്ന് രേഖാമൂലം നഴ്സിംഗ് പ്രിൻസിപ്പൽ കത്ത് നൽകുകയും ചെയ്തതിനെത്തുടർന്ന് കെഎസ്ഇ ബി അധികൃതർ വൈദ്യുതി പുനഃസ്ഥാപിക്കുകയായിരുന്നു.

നിര്‍മാണത്തിൽ അപാകത; റോഡ് തകര്‍ന്നു

പെരുവ: മാസങ്ങള്‍ക്കു മുമ്പ് ടാര്‍ ചെയ്ത റോഡ് തകർന്നു. മുളക്കുളം പഞ്ചായത്ത് പതിനഞ്ചാം വാര്‍ഡിലെ കല്ലുമട-കാരിക്കോട് റോഡില്‍ കാരിക്കോട് മഹാദേവ ക്ഷേത്രത്തിനു സമീപമാണ് ടാറിംഗ് ഇളകിത്തുടങ്ങിയത്. വര്‍ഷങ്ങളായി തകര്‍ന്നുകിടന്ന റോഡ് നാട്ടുകാരുടെ നിരന്തര അഭ്യര്‍ഥനയെ ത്തുടര്‍ന്ന് എംഎല്‍എ ഫണ്ടില്‍നിന്നു പണം അനുവദിച്ചാണ് ടാറിംഗ് പൂര്‍ത്തിയാക്കിയത്. റോഡിന്‍റെ പല ഭാഗങ്ങളിലും കനം കുറച്ചാണ് ടാറിംഗ് നടത്തിയതെന്ന് നാട്ടുകാര്‍ ആരോപിക്കുന്നു. റോഡ് നിര്‍മാണത്തിലെ അപാകത പരിഹരിക്കണമെന്ന് നാട്ടുകാര്‍ ആവശ്യപ്പെട്ടു.

ചെന്പ് സെന്‍റ് തോമസ് പള്ളിയിൽ ദുക്റാന തിരുനാൾ

ചെമ്പ്: ചെമ്പ് സെന്‍റ് തോമസ് കത്തോലിക്കാ പള്ളിയിൽ വിശുദ്ധതോമ്മാശ്ലീഹയുടെ ദുക്റാന തിരുനാളിന് നാളെ കൊടിയേറും. നാളെ രാവിലെ ഏഴിന് വിശുദ്ധ കുർബാന, തുടർന്ന് ആരാധന. വൈകുന്നേരം 5.30ന് കൊടിയേറ്റ്: മാർ ആന്‍റണി കരിയിൽ. തുടർന്ന് വിശുദ്ധകുർബാന: ഫാ.സെബാസ്റ്റ്യൻ കോനുപ്പറമ്പൻ. 30നു വൈകുന്നേരം 5.30ന് മരിച്ചവർക്കു വേണ്ടി റാസ: വൈക്കം ഫെറോന വികാരി റവ.ഡോ.ബെർക്കുമെൻസ് കൊടക്കൽ. ജൂലൈ ഒന്നിനു രാവിലെ 6.30ന് ലൈത്തോരന്മാരുടെ വാഴ്ച,വിശുദ്ധ കുർബാന, വൈകുന്നേരം 5.30ന് സ്ഥാനക്കാരുടെ വാഴ്ച, വിശുദ്ധകുർബാന: റവ.ഡോ.അഗസ്റ്റിൻ തോട്ടക്കര സിഎംഐ. ജൂലൈ രണ്ടിനു രാവിലെ ഏഴിനും പത്തിനും വിശുദ്ധകുർബാന: ഫാ.ജോഷി ചിറക്കൽ. തുടർന്ന് വിദ്യാരംഭം,കുരുന്നുകൾക്ക് ഊട്ട്നേർച്ച. വൈകുന്നേരം അഞ്ചിന് തിരിവെഞ്ചരിപ്പ്,വേസ്പര: ഫാ. ജൂബി കളത്തിപ്പറമ്പിൽ, പ്രസംഗം: റവ.ഡോ.ബിജു പെരുമായൻ.തുടർന്ന് പ്രദിക്ഷണം. തിരുനാൾ ദിനമായ മൂന്നിനു രാവിലെ അഞ്ച്, 6.30, 7.30, 8.30 വിശുദ്ധകുർബാന, 10.30ന് തിരുനാൾ കുർബാന ഫാ. മെൽവിൻ ചിറ്റിനപ്പിള്ളി, പ്രസംഗം: ഫാ. ജസ്റ്റിൻ കൈപ്രമ്പാടൻ. തുടർന്ന് പ്രദക്ഷിണം. വൈകുന്നേരം 7.30ന് വിശുദ്ധകുർബാന: ഫാ.ടോണി കോട്ടയ്ക്കൽ. നാലിന് പൂർവിക അനുസ്മരണദിനം.

വൈക്കത്തെ താഴ്ന്ന പ്രദേശങ്ങളിൽ വെള്ളപ്പൊക്കദുരിതം

ഉദയനാപുരം: കനത്ത മഴയെത്തുടർന്ന് ഒരുമാസത്തിനിടയിൽ മൂന്നാം തവണയും ഉദയനാപുരം പഞ്ചായത്തിന്‍റെ കിഴക്കൻ മേഖലയിൽ വീടുകളിൽ വെള്ളം കയറി. ഇതോടെ ജനജീവിതം ദുരിതപൂർണമായി. വാഴമന - വൈക്കം റോഡ് ഉൾപ്പെടെ ഉൾപ്രദേശത്തെ പല റോഡുകളിലും വെള്ളത്തിൽ മുങ്ങി. വാഴമന പുത്തൻപാലം - കൊടിയാട് റോഡ് 300 മീറ്ററിലധികം ദൂരം വെള്ളത്തിൽ മുങ്ങി.റോഡ് വെള്ളത്തിൽ മുങ്ങിയതോടെ ഇരുചക്ര വാഹനങ്ങൾക്ക് ഇതുവഴി കടന്നുപോകാനാത്ത സ്ഥിതിയാണ്. കനത്ത മഴയും മൂവാറ്റുപുഴയാറിലെ ജലനിരപ്പ് ഉയർന്നതും വൈക്കത്തെ താഴ്ന്ന പ്രദേശങ്ങളിലെ ജനങ്ങളെ വീണ്ടും ദുരിതത്തിലാക്കുകയാണ്. മൂവാറ്റുപുഴയാർ പലയിടങ്ങളിലും കരകവിഞ്ഞതോടെ വടയാർ, വാഴമന പ്രദേശങ്ങൾ വെള്ളപ്പൊക്ക ഭീഷണിയിലാണ്. വൈക്കത്ത്‌ പലയിടങ്ങളിലായി 200 വീടുകൾ വെള്ളകെട്ടിലാണ്. ഉദയനാപുരം പഞ്ചായത്തിൽ പടിഞ്ഞാറേക്കര, വൈക്കപ്രയാർ, മുട്ടുങ്കൽ, കൊടിയാട്,തലയാഴം -വെച്ചൂർ പഞ്ചായത്തുകളിലെ താഴ്ന്ന പ്രദേശങ്ങളും വെള്ളപൊക്ക ഭീഷണിയിലാണ്. വെള്ളം കയറിയതിനെത്തുടർന്ന് പലരും ബന്ധുവീടുകളിലേക്കും മറ്റും താമസം മാറ്റിയിട്ടുണ്ട്. ജലനിരപ്പ് വീണ്ടും ഉയർന്നാൽ ശനിയാഴ്ചയോടെ ക്യാമ്പുകൾ ആരംഭിക്കുന്നതിന് ആവശ്യമായ നടപടികൾ സ്വീകരിച്ചു വരികയാണെന്ന് ഉദയനാപുരം പഞ്ചായത്ത് പ്രസിഡന്റ് പി.കെ. ആനന്ദവല്ലി പറഞ്ഞു.

നിര്‍മാണത്തിൽ അപാകത; റോഡ് തകര്‍ന്നു

പെരുവ: മാസങ്ങള്‍ക്കു മുമ്പ് ടാര്‍ ചെയ്ത റോഡ് തകർന്നു. മുളക്കുളം പഞ്ചായത്ത് പതിനഞ്ചാം വാര്‍ഡിലെ കല്ലുമട-കാരിക്കോട് റോഡില്‍ കാരിക്കോട് മഹാദേവ ക്ഷേത്രത്തിനു സമീപമാണ് ടാറിംഗ് ഇളകിത്തുടങ്ങിയത്. വര്‍ഷങ്ങളായി തകര്‍ന്നുകിടന്ന റോഡ് നാട്ടുകാരുടെ നിരന്തര അഭ്യര്‍ഥനയെ ത്തുടര്‍ന്ന് എംഎല്‍എ ഫണ്ടില്‍നിന്നു പണം അനുവദിച്ചാണ് ടാറിംഗ് പൂര്‍ത്തിയാക്കിയത്. റോഡിന്‍റെ പല ഭാഗങ്ങളിലും കനം കുറച്ചാണ് ടാറിംഗ് നടത്തിയതെന്ന് നാട്ടുകാര്‍ ആരോപിക്കുന്നു. റോഡ് നിര്‍മാണത്തിലെ അപാകത പരിഹരിക്കണമെന്ന് നാട്ടുകാര്‍ ആവശ്യപ്പെട്ടു.

വൈക്കത്തെ താഴ്ന്ന പ്രദേശങ്ങളിൽ വെള്ളപ്പൊക്കദുരിതം

ഉദയനാപുരം: കനത്ത മഴയെത്തുടർന്ന് ഒരുമാസത്തിനിടയിൽ മൂന്നാം തവണയും ഉദയനാപുരം പഞ്ചായത്തിന്‍റെ കിഴക്കൻ മേഖലയിൽ വീടുകളിൽ വെള്ളം കയറി. ഇതോടെ ജനജീവിതം ദുരിതപൂർണമായി. വാഴമന - വൈക്കം റോഡ് ഉൾപ്പെടെ ഉൾപ്രദേശത്തെ പല റോഡുകളിലും വെള്ളത്തിൽ മുങ്ങി. വാഴമന പുത്തൻപാലം - കൊടിയാട് റോഡ് 300 മീറ്ററിലധികം ദൂരം വെള്ളത്തിൽ മുങ്ങി.റോഡ് വെള്ളത്തിൽ മുങ്ങിയതോടെ ഇരുചക്ര വാഹനങ്ങൾക്ക് ഇതുവഴി കടന്നുപോകാനാത്ത സ്ഥിതിയാണ്. കനത്ത മഴയും മൂവാറ്റുപുഴയാറിലെ ജലനിരപ്പ് ഉയർന്നതും വൈക്കത്തെ താഴ്ന്ന പ്രദേശങ്ങളിലെ ജനങ്ങളെ വീണ്ടും ദുരിതത്തിലാക്കുകയാണ്. മൂവാറ്റുപുഴയാർ പലയിടങ്ങളിലും കരകവിഞ്ഞതോടെ വടയാർ, വാഴമന പ്രദേശങ്ങൾ വെള്ളപ്പൊക്ക ഭീഷണിയിലാണ്. വൈക്കത്ത്‌ പലയിടങ്ങളിലായി 200 വീടുകൾ വെള്ളകെട്ടിലാണ്. ഉദയനാപുരം പഞ്ചായത്തിൽ പടിഞ്ഞാറേക്കര, വൈക്കപ്രയാർ, മുട്ടുങ്കൽ, കൊടിയാട്,തലയാഴം -വെച്ചൂർ പഞ്ചായത്തുകളിലെ താഴ്ന്ന പ്രദേശങ്ങളും വെള്ളപൊക്ക ഭീഷണിയിലാണ്. വെള്ളം കയറിയതിനെത്തുടർന്ന് പലരും ബന്ധുവീടുകളിലേക്കും മറ്റും താമസം മാറ്റിയിട്ടുണ്ട്. ജലനിരപ്പ് വീണ്ടും ഉയർന്നാൽ ശനിയാഴ്ചയോടെ ക്യാമ്പുകൾ ആരംഭിക്കുന്നതിന് ആവശ്യമായ നടപടികൾ സ്വീകരിച്ചു വരികയാണെന്ന് ഉദയനാപുരം പഞ്ചായത്ത് പ്രസിഡന്റ് പി.കെ. ആനന്ദവല്ലി പറഞ്ഞു.

പരിഹാരമില്ലാതെ മുണ്ടാറിൽ വെള്ളക്കെട്ട്

കടുത്തുരുത്തി: കല്ലറ മുണ്ടാറിലെ വെള്ളക്കെട്ടിനു പരിഹാരമില്ല. ഒരു മാസമായി ഇവിടെ ജനജീവിതം ദുഷ്‌കരമായി തുടരുന്നു. കല്ലറ പഞ്ചായത്തിലെ ഒന്നാം വാര്‍ഡും രണ്ടാം വാര്‍ഡിലെ കുറച്ചു ഭാഗവും ചേര്‍ന്ന് വെള്ളത്താല്‍ ചുറ്റപ്പെട്ട അപ്പര്‍കുട്ടനാടിന്‍റെ ഭാഗമായ പ്രദേശമാണ് മുണ്ടാര്‍. മുണ്ടാറിന് ചുറ്റുമുള്ള കരിയാറിലും കെവി കനാലിലും മറ്റു തോടുകളിലും ജലനിരപ്പ് ഉയര്‍ന്നു നില്‍ക്കുകയാണ്. മുണ്ടാറിന് നടുവിലൂടെ പോകുന്ന കല്ലുപുര-വാക്കേത്തറ റോഡിലെ മുണ്ടാര്‍-110 പാലം മുതല്‍ കളത്തറ പാലംവരെയുള്ള നാലു കിലോമീറ്റര്‍ ദൂരം വെള്ളം കയറി മുങ്ങി. ചെറിയ റോഡുകളും വെള്ളത്തിനടിയിലായി. തോണിയാത്ര മാത്രമാണ് മുണ്ടാറിലെ ഭൂരിപക്ഷം ആളുകള്‍ക്കും പുറംലോകവുമായി ബന്ധപ്പെടാനുള്ള ഏകമാര്‍ഗം. കിഴക്കന്‍ വെള്ളത്തിന്‍റെ വരവ് ശക്തമായതോടെ പലയിടത്തും പാടശേഖരങ്ങളുടെ പുറംബണ്ട് കവിഞ്ഞ് പാടശേഖരങ്ങള്‍തന്നെ വെള്ളത്തില്‍ മുങ്ങിയിരിക്കുകയാണ്. പാടശേഖരങ്ങളിലെ ബണ്ടുകളിലും മറ്റ് കരപ്രദേശങ്ങളിലുമാണ് ഇവിടുത്തെ വീടുകളിലധികവും. മഴ മാറിയതിനെത്തുടര്‍ന്ന് ജലനിരപ്പ് കുറഞ്ഞുവന്നതാണ്. കഴിഞ്ഞ ദിവസങ്ങളില്‍ പെയ്ത ശക്തമായ മഴയില്‍ വീടുകളില്‍ വീണ്ടും വെള്ളം കയറി. മഴ കുറഞ്ഞാല്‍പോലും വെള്ളം പൂര്‍ണമായും ഇറങ്ങാന്‍ ദിവസങ്ങള്‍ കഴിയണം. മുണ്ടാര്‍ ഒന്നാം ബ്ലോക്കിലെ താമസക്കാരനായ ആറാം നമ്പര്‍ വീട്ടില്‍ കെ.ഉദയകുമാറും കുടുംബവും കഴിഞ്ഞ 29ന് വടയാറിലുള്ള സഹോദരന്‍റെ വീട്ടിലേക്ക് താമസം മാറിയതാണ്. ആദ്യതവണ കയറിയ വെള്ളം ഇറങ്ങിയ സമയത്ത് ചെളിയും മണ്ണും നിറഞ്ഞ വീട് കഴുകി വൃത്തിയാക്കി. വീട്ടിലേക്ക് തിരികെ വരാമെന്നു കരുതിയിരിക്കെ മഴ വീണ്ടും ശക്തമാവുകയും വീട് വെള്ളത്തിലാകുകയും ചെയ്തു. ഇതു മൂന്നാം തവണയാണ് ഒരു മാസത്തിനിടെ വീടിനുള്ളില്‍ വെള്ളം കയറുന്നതെന്ന് ഉദയകുമാര്‍ പറഞ്ഞു. മുണ്ടാറിൽ ഇരുനൂറിലധികം കുടുംബങ്ങളാണ് വെള്ളക്കെട്ടിന്‍റെ പ്രതിസന്ധി നേരിടുന്നത്. നൂറിലധികം കുടുംബങ്ങളും ബന്ധുവീടുകളിലേക്കും വാടകവീടുകളിലേക്കും താമസം മാറിയിരിക്കുകയാണ്. കന്നുകാലികളും വളര്‍ത്തുമൃഗങ്ങളും കോഴി, താറാവ് എന്നിവയുള്ളവരും അടുത്ത പ്രദേശത്ത് ബന്ധുക്കളില്ലാത്തവരുമാണ് ഇവിടെ താമസിക്കുന്നതെന്ന് നടുത്തറയില്‍ അരുണ്‍ പറഞ്ഞു. വീടിനകത്ത് വെള്ളം കയറിയതിനാല്‍ പലരും പുറംബണ്ടിലെ ഉയരമുള്ള ഭാഗങ്ങളില്‍ താത്കാലിക കുടിലുകള്‍ കെട്ടിയാണ് കഴിയുന്നത്. പരിഹാരം വേണം പുല്ലും പായലും പോളയും മരങ്ങളും വീണു കിടക്കുന്നതിനാല്‍ തോടുകളിലെയും പുഴകളിലെയും നീരൊഴുക്ക് തടസപ്പെട്ടിരിക്കുകയാണ്. വേമ്പനാട്ട് കായലിലേക്കാണ് ഇവിടെനിന്ന് വെള്ളം ഇറങ്ങിപ്പോകേണ്ടത്. അടിയന്തരമായി തോടുകളിലെ പുല്ലും പായലും നീക്കി ആഴം കൂട്ടിയില്ലെങ്കില്‍ വെള്ളം ഇറങ്ങാന്‍ കാലതാമസം നേരിടുമെന്ന് ബിനോയ്ഭവനില്‍ പി.ജി. വാസുദേവന്‍ പറഞ്ഞു. പല പാടശേഖരങ്ങളുടെയും പുറംബണ്ടുകള്‍ തുടര്‍ച്ചയായുണ്ടായ വെള്ളപ്പൊക്കത്തില്‍ നശിച്ചിട്ടുണ്ട്. പാടശേഖരങ്ങളുടെ പുറംബണ്ട് ഉയരംകൂട്ടി ബലപ്പെടുത്തുന്നതിനൊപ്പം തോടുകളിലെ നീരൊഴുക്കും സുഗമമക്കിയാല്‍ മാത്രമേ വീടുകളില്‍ വെള്ളം കയറുന്നത് തടയാനാകൂ. എന്നാല്‍ മാത്രമേ ഇക്കൊല്ലം വര്‍ഷകൃഷി നടത്താനും സാധിക്കുകയുള്ളൂവെന്ന് പുത്തന്‍പുരയില്‍ പ്രമീള പറയുന്നു. ഇതിനായി സര്‍ക്കാരും കൃഷിവകുപ്പും ത്രിതല പഞ്ചായത്തുകളും ഇടപെടണമെന്നും ആവശ്യമുയർന്നു.

പ്രതിഭാസംഗമം-2025 ഇന്ന്

കോട്ടയം: വനിതാ-ശിശു വികസന വകുപ്പിന്‍റെ കീഴില്‍ ബാലനീതി നിയമപ്രകാരം രജിസ്റ്റര്‍ ചെയ്തു പ്രവര്‍ത്തിക്കുന്ന ശിശു സംരക്ഷണ സ്ഥാപനങ്ങളില്‍ കഴിയുന്ന കുട്ടികളില്‍ എസ്എസ്എല്‍സി, പ്ലസ് ടു പരീക്ഷകളില്‍ വിജയം കൈവരിച്ച കുട്ടികള്‍ക്ക് അനുമോദനം നല്‍കുന്ന പ്രതിഭാസംഗമം-2025 ഇന്നു രാവിലെ 11.30ന് മാങ്ങാനം ക്രൈസ്തവാശ്രമ ഗുരുകുല്‍ ഹാളില്‍ മന്ത്രി വി.എന്‍. വാസവന്‍ ഉദ്ഘാടനം ചെയ്യും. തിരുവഞ്ചൂര്‍ രാധാകൃഷ്ണന്‍ എംഎല്‍എ അധ്യക്ഷത വഹിക്കും. ജില്ലാ ശിശു സംരക്ഷണ ഓഫീസര്‍ സി.ജെ. ബീന, സംസ്ഥാന ബാലാവകാശ സംരക്ഷണ കമ്മീഷന്‍ അംഗം അഡ്വ. ജലജ ചന്ദ്രന്‍, ശിശുക്ഷേമ സമിതി അധ്യക്ഷന്‍ ഡോ. അരുണ്‍ കുര്യന്‍, പി.എന്‍. ശ്രീദേവി, കെ.എം. സോഫി തുടങ്ങിയവർ പങ്കെടുക്കും.

പള്ളിക്കത്തോട്ടിൽ കോൺഗ്രസ് പോലീസ്‌സ്റ്റേഷൻ മാർച്ച് നടത്തി

പള്ളിക്കത്തോട്: പള്ളിക്കത്തോട്ടിൽ മയക്കുമരുന്നിന് അടിമയായ മകൻ അമ്മയെ വെട്ടിക്കൊലപ്പെടുത്തിയ സംഭവത്തിൽ ലഹരി മാഫിയകളെ അടിച്ചമർത്തണമെന്ന് ആവശ്യപ്പെട്ട് കോൺഗ്രസ് പള്ളിക്കത്തോട് മണ്ഡലം കമ്മറ്റിയുടെ നേതൃത്വത്തിൽ പോലീസ്‌സ്റ്റേഷൻ മാർച്ച് നടത്തി. ഡിസിസി പ്രസിഡന്‍റ് നാട്ടകം സുരേഷ് ഉദ്ഘാടനം ചെയ്തു. മണ്ഡലം പ്രസിഡന്‍റ് ജോജി മാത്യു അധ്യക്ഷത വഹിച്ചു. തോമസ് കല്ലാടൻ, പി.എ. സലിം, പ്രഫ. റോണി കെ. ബേബി, ജിജി അഞ്ചാനി, അഡ്വ. ജി രാജ്, ഷിൻസ് പീറ്റർ, സുനിൽ മാത്യു തുടങ്ങിയവർ പ്രസംഗിച്ചു.

എംഡിഎംഎയുമായി രണ്ടു യുവാക്കൾ പിടിയിൽ

ഗാന്ധിനഗർ: എംഡിഎംഎയുമായി രണ്ടു യുവാക്കൾ ഗാന്ധിനഗർ പോലീസിന്‍റെ പിടിയിൽ. അയ്മനം, മരിയതുരുത്ത് ജിഷ്ണു (34), ആർപ്പൂക്കര പൊങ്ങംകുഴി പി.കെ. അമൽ ( 25) എന്നിവരെയാണ് പോലീസ് പിടികൂടിയത്. വില്പനയ്ക്കായി പ്ലാസ്റ്റിക് കവറിൽ സൂക്ഷിച്ച എംഡിഎംഎ ഇവരുടെ കൈയിൽനിന്നു പോലീസ് പിടിച്ചെടുത്തു. ഇന്നലെ ഉച്ചയോടെ എസ്ഐ എം.പി. പ്രശാന്തിന്‍റെ നേതൃത്വത്തിലുള്ള പോലീസ് സംഘം പട്രോളിംഗ് നടത്തി വരവെ മണ്ണൊത്തുകവല ഭാഗത്തെ ബസ്‌സ്റ്റോപ്പിൽ ഇരുന്ന യുവാക്കളെ സംശയം തോന്നി ചോദ്യം ചെയ്തപ്പോഴാണ് ഇവരുടെ പക്കൽ നിന്നും എംഡിഎംഎ കണ്ടെത്തിയത്. പ്രതിയായ അമൽ ഗാന്ധിനഗർ സ്റ്റേഷനിലെ ആന്‍റി സോഷ്യൽ ലിസ്റ്റിൽ പെട്ടയാളാണ്. ഇവരിൽനിന്നും 1.29 ഗ്രാം എംഡിഎംഎയാണ് പിടികൂടിയത്.

ബിസിഎം കോളജില്‍ ബിരുദദാനച്ചടങ്ങ് സംഘടിപ്പിച്ചു

കോട്ടയം: ബിസിഎം കോളജില്‍നിന്നു ഡിഗ്രി, പിജി പഠനം പൂര്‍ത്തിയാക്കിയ വിദ്യാര്‍ഥികളുടെ ബിരുദദാനച്ചടങ്ങ് സംഘടിപ്പിച്ചു. വിദ്യാര്‍ഥികളുടെ സര്‍ട്ടിഫിക്കറ്റുകളുടെ വിതരണം ഡെന്‍റ്കെയര്‍ ദന്തല്‍ ലാബ് ചെയര്‍മാന്‍ ജോണ്‍ കുര്യാക്കോസ് നിര്‍വഹിച്ചു. കോട്ടയം അതിരൂപതാ വികാരി ജനറാള്‍ ഫാ. തോമസ് ആനിമൂട്ടില്‍, അതിരൂപത കോര്‍പറേറ്റ് എഡ്യൂക്കേഷണല്‍ സെക്രട്ടറി ഫാ. ഫില്‍മോന്‍ കളത്ര, കോളജ് പ്രിന്‍സിപ്പല്‍ ഡോ. കെ.വി. തോമസ്, ഡോ. ടി.എം. ജോസഫ്, വൈസ് പ്രിന്‍സിപ്പല്‍മാരായ ഡോ. അന്നു തോമസ്, പ്രിയ തോമസ് തുടങ്ങിയവര്‍ പ്രസംഗിച്ചു.

എംസി റോഡിലെ കുഴിയിൽ വാഴ നട്ട് പ്രതിഷേധിച്ചു

ഏറ്റുമാനൂർ: എംസി റോഡിൽ പട്ടിത്താനം റൗണ്ടാന ജംഗ്ഷനിൽ ഇരുചക്ര വാഹനങ്ങൾ ഉൾപ്പെടെയുള്ള വാഹനങ്ങൾക്ക് ഭീഷണിയായി രൂപപ്പെട്ട കുഴി നികത്താത്തതിൽ പ്രതിഷേധിച്ച് കോൺഗ്രസ്‌ ഏറ്റുമാനൂർ മണ്ഡലം ഒന്നാം വാർഡ് കമ്മിറ്റിയുടെ നേതൃത്വത്തിൽ പ്രവർത്തകർ കുഴിയിൽ വാഴനട്ട് പ്രതിഷേധിച്ചു. ഈ കുഴിയിൽ വീണ് നിരവധി ഇരുചക്രവാഹന യാത്രക്കാർക്ക് പരിക്കു പറ്റിയിട്ടുണ്ട്. പൊതുമരാമത്ത് വകുപ്പ് അധികൃതർക്ക് പരാതി നൽകിയിട്ടും കുഴിയടയ്ക്കാത്തതിൽ പ്രതിഷേധിച്ചാണ് പ്രവർത്തകർ റോഡിലെ കുഴിയിൽ വാഴ നട്ടത്. പ്രതിഷേധ സംഗമം കോൺഗ്രസ്‌ ഏറ്റുമാനൂർ മണ്ഡലം പ്രസിഡന്‍റ പി.വി. ജോയി പൂവംനിൽക്കുന്നതിൽ ഉദ്ഘാടനം ചെയ്തു. വാർഡ് പ്രസിഡന്‍റ് ഗോപൻ പാടകശേരി, നഗരസഭ മുൻ ചെയർമാൻ ജയിംസ് തോമസ് പ്ലാക്കിത്തൊട്ടിയിൽ, വിഷ്ണു ചെമ്മുണ്ടവള്ളി, ഐസക് എന്നിവർ പ്രസംഗിച്ചു.

ചൈതന്യ അവാര്‍ഡുദാനം ഇന്ന്

കോട്ടയം: ചൈതന്യ എക്‌സലന്‍സ് അവാര്‍ഡുകള്‍ ഇന്നു മൂന്നിന് തെള്ളകം ചൈതന്യ പാസ്റ്ററല്‍ സെന്‍ററില്‍ നടക്കുന്ന ചടങ്ങില്‍ സമ്മാനിക്കും. ടി.കെ. ജോസ്, സ്റ്റീഫന്‍ ജോര്‍ജ്, ഡോ. പി.ടി. ബാബുരാജ്, ഷേര്‍ളി സക്കറിയാസ്, ജോര്‍ജ് കുര്യന്‍ പാണ്ടവത്ത് എന്നിവര്‍ക്ക് 20,001 രൂപയും മെമന്‍റോയുമാണ് പുരസ്‌കാരം. മന്ത്രി വി.എന്‍. വാസവന്‍ ഉദ്ഘാടനം നിര്‍വഹിക്കും. ആര്‍ച്ച്ബിഷപ് മാര്‍ മാത്യു മൂലക്കാട്ട് അധ്യക്ഷത വഹിക്കും. ചീഫ്‌വിപ്പ് ഡോ.എന്‍. ജയരാജ്, എംപിമാരായ ജോസ് കെ. മാണി, ഫ്രാന്‍സിസ് ജോര്‍ജ്, വികാരി ജനറാള്‍ ഫാ. തോമസ് ആനിമൂട്ടില്‍, എംഎല്‍എമാരായ തിരുവഞ്ചൂര്‍ രാധാകൃഷ്ണന്‍, മോന്‍സ് ജോസഫ്, മാണി സി. കാപ്പന്‍, ചാണ്ടി ഉമ്മന്‍, കളക്ടര്‍ ജോണ്‍ വി. സാമുവേല്‍, തോമസ് ചാഴികാടന്‍, കെഎസ്എസ്എസ് ഡയറക്ടര്‍ ഫാ. സുനില്‍ പെരുമാനൂര്‍, അസിസ്റ്റന്‍റ് ഡയറക്ടര്‍ ഫാ. ജെഫിന്‍ ഒഴുങ്ങാലില്‍ എന്നിവര്‍ പ്രസംഗിക്കും.

നിരണം മാർത്തോമ്മാശ്ലീഹാ തീർഥാടനം ജൂലൈ രണ്ടുമുതൽ

നിരണം: വിശുദ്ധ തോമ്മാശ്ലീഹയുടെ പാദസ്പര്‍ശത്താല്‍ അനുഗ്രഹീതമായ നിരണം മാർത്തോമ്മാശ്ലീഹാ തീര്‍ഥാടന കേന്ദ്രത്തില്‍ ദുക്റാനത്തിരുനാളും 19-ാമത് നിരണം തീര്‍ഥാടനവും ജൂലൈ രണ്ടു മുതല്‍ ആറു വരെ നടത്തും. രണ്ടിനു വൈകുന്നേരം 4.30ന് കൊടിയേറ്റ്, അഞ്ചിനു വിശുദ്ധ കുര്‍ബാന: പ്രോട്ടോ സിഞ്ചള്ളൂസ് മോൺ. ആന്‍റണി എത്തയ്ക്കാട്ട്. മൂന്നിനു രാവിലെ എഴിനു വിശുദ്ധ കുര്‍ബാന, സന്ദേശം ആര്‍ച്ച്ബിഷപ് മാര്‍ തോമസ് തറയില്‍. 12.45ന് എടത്വാ ഫൊറോനയില്‍നിന്നുള്ള തീര്‍ഥാടനം എത്തിച്ചേരും. പ്രാർഥന: ഫാ. ഫിലിപ്പ് വൈക്കത്തുകാരന്‍വീട്ടില്‍. സന്ദേശം: റവ.ഡോ. വര്‍ഗീസ് പുത്തന്‍പുരയ്ക്കല്‍. തുടര്‍ന്നു നേര്‍ച്ചക്കഞ്ഞി. നാലിനു വൈകുന്നേരം അഞ്ചിനു വിശുദ്ധകുര്‍ബാന, സന്ദേശം: വികാരി ജനറാള്‍ മോൺ. മാത്യു ചങ്ങങ്കരി. അഞ്ചിനു വൈകുന്നേരം അഞ്ചിനു വിശുദ്ധ കുര്‍ബാന, സന്ദേശം ഫാ. ജയിംസ് മാളേയ്ക്കല്‍, രാത്രി ഏഴിനു കലാസന്ധ്യ. ആറിനു രാവിലെ എഴിനു വിശുദ്ധ കുര്‍ബാന, സന്ദേശം: ആര്‍ച്ച്ബിഷപ് മാര്‍ ജോസഫ് പെരുന്തോട്ടം. ഉച്ചകഴിഞ്ഞു ഒന്നിന് ചങ്ങനാശേരി അതിരൂപത യുവദീപ്തി- എസ്എംവൈഎമ്മിന്‍റെ നേതൃത്വത്തിലുള്ള തീര്‍ഥാടനം എത്തിച്ചേരും. പ്രാർഥന, സന്ദേശം: ഡയറക്ടര്‍ റവ.ഡോ. സാവിയോ മാനാട്ട്, തുടര്‍ന്നു നേര്‍ച്ചക്കഞ്ഞി. വൈകുന്നേരം മൂന്നിന് കൊടിയിറക്ക്. റെക്ടര്‍ ഫാ. ജോര്‍ജ് മൂലംകുന്നം, ഫാ. ജോര്‍ജ് വല്ലയില്‍, ജനറല്‍ കണ്‍വീനര്‍ കെ.പി. ജോസഫ്, പബ്ലിസിറ്റി കണ്‍വീനര്‍ ഷിജോ ജോസ് പയ്യപ്പള്ളി തുടങ്ങിയവരുടെ നേതൃത്വത്തില്‍ വിവിധ കമ്മിറ്റികള്‍ പ്രവര്‍ത്തിക്കുന്നു.

കോട്ടയത്തുണ്ട്; ആര്‍ക്കും വേണ്ടാത്ത സ്റ്റേഡിയം

കോട്ടയം: ആര്‍ക്കും വേണ്ടാത്ത സ്‌റ്റേഡിയമുണ്ട് കോട്ടയം നഗരത്തില്‍, അതാണ് നാഗമ്പടം നെഹ്‌റു സ്റ്റേഡിയം. ഒരു കാലത്ത് നിരവധി കായികതാരങ്ങളെ സമ്മാനിച്ച സ്റ്റേഡിയത്തിലേക്ക് ഇപ്പോള്‍ ആരും തിരിഞ്ഞുനോക്കാറില്ല. ഒരു മാസത്തോളമായി സ്‌റ്റേഡിയം വെള്ളത്തിലാണ്. ഗ്രൗണ്ടിലാകെ കാട് വളര്‍ന്നിരിക്കുന്നു. ഇളകിവീഴറായ ഗാലറികള്‍, തറയില്‍ പാകിയിരിക്കുന്ന ടൈലുകള്‍ പൊട്ടിപ്പൊളിഞ്ഞു, പുറമേ ലഹരി മാഫിയകളുടെ താവളവും. ഒറ്റ മഴയില്‍ത്തന്നെ പത്ത് ഏക്കര്‍ വിസ്തൃതിയുള്ള സ്റ്റേഡി യം മുഴുവൻ വെള്ളക്കെട്ടിലാകും. ചുറ്റും 148 കടമുറികള്‍. പലതും ഒഴിഞ്ഞുകിടക്കുന്നു. ഗാലറിയും കെട്ടിടത്തിലെ കടമുറികളും വിണ്ടുകീറി അപകടാവസ്ഥയിലായിട്ടു വര്‍ഷങ്ങളായി. പലപ്പോഴും സിമന്‍റ് പാളികള്‍ അടര്‍ന്നുവീണ് അപകടമുണ്ടായിട്ടുണ്ട്. നഗരസഭയുടെ ശുചീകരണ വിഭാഗം ഇടയ്ക്കു കാട് വെട്ടിത്തെളിക്കാറുണ്ട്. ഇവിടെയും സമീപത്തുമുള്ള സൗരോര്‍ജ വിളക്കുകള്‍ ബാറ്ററി സഹിതം മോഷണം പോയിട്ടു നാളുകളായി. ഇപ്പോള്‍ തെരുവു വിളക്കുകളുമില്ല. ഇതോടെ സ്റ്റേഡിയത്തിന്‍റെ പരിസരപ്രദേശങ്ങൾ രാപകല്‍ വ്യത്യാസമില്ലാതെ ലഹരിമാഫിയയുടെ താവളമായിരിക്കുന്നു. മഴവെള്ളം ഒഴുകിപ്പോകാന്‍ ഓവുചാല്‍ നിര്‍മിച്ചാല്‍ വെള്ളക്കെട്ട് ഒഴിവാക്കാം. എന്നാല്‍ അതിനു നഗരസഭയ്ക്കു സമയമില്ല. നിരവധിത്തവണ സ്റ്റേഡിയത്തിന്‍റെ അവസ്ഥ നഗരസഭാ കൗണ്‍സിലില്‍ ചര്‍ച്ചയായിട്ടും ശോച്യാവസ്ഥ പരിഹരിക്കാന്‍ യാതൊരു നടപടികളും ഉണ്ടായിട്ടില്ല. സ്റ്റേഡിയം നവീകരിക്കാന്‍ പല പദ്ധതികളും തയാറാക്കിയെങ്കിലും ഒന്നും ഫലംകണ്ടില്ല. നാളുകള്‍ക്കു മുമ്പുവരെ സ്റ്റേഡിയത്തില്‍ ധാരാളംപേർ‍ പ്രഭാത നടത്തത്തിന് എത്തിയിരുന്നു. എന്നാല്‍ സ്റ്റേഡിയത്തില്‍ വെള്ളം നിറഞ്ഞതോടെ പ്രഭാത സവാരിക്കാരും എത്താതായി. നഗരസഭയുടെ സാമ്പത്തിക പരിമിതിയില്‍നിന്നു സ്റ്റേഡിയം നവീകരിക്കാന്‍ കഴിയില്ലെന്നും രാജ്യാന്തര നിലവാരത്തില്‍ പുതുക്കിപ്പണിയുന്നതിനു കേന്ദ്ര-സംസ്ഥാന സര്‍ക്കാരുകള്‍ ഫണ്ട് അനുവദിക്കണമെന്നുമാണ് നഗരസഭയുടെ നിലപാട്.

ദേവമാതായിൽ അന്തർദേശീയ ശില്പശാല ഇന്നു സമാപിക്കും

കുറവിലങ്ങാട്: സാഹിത്യ ഗവേഷണത്തിലെ നൂതന പ്രവണതകളെ വിശകലനം ചെയ്യുന്ന ത്രിദിന അന്തർദേശീയ സെമിനാർ കുറവിലങ്ങാട് ദേവമാതാ കോളജിൽ ഇന്ന് സമാപിക്കും. കോളജിലെ റിസർച്ച് ആൻഡ് ഡെവലപ്മെന്‍റ് സെല്ലിന്‍റെ നേതൃത്വത്തിൽ ഇംഗ്ലീഷ്, മലയാളം ഗവേഷണകേന്ദ്രങ്ങളുടെ സഹകരണത്തോടെയാണ് സെമിനാർ സംഘടിപ്പിക്കുന്നത്. കോളജ് മാനേജർ ആർച്ച്പ്രീസ്റ്റ് റവ. ഡോ. തോമസ് മേനാച്ചേരിയുടെ അധ്യക്ഷതയിൽ ചേർന്ന സമ്മേളനത്തിൽ ബാംഗ്ളൂർ ക്രൈസ്റ്റ് യൂണിവേഴ്സിറ്റിയിലെ ഫിലോസഫി പ്രഫസർ ഡോ. കുര്യൻ കാച്ചപ്പള്ളി സിഎംഐ സെമിനാറിന്‍റെ ഉദ്ഘാടനം നിർവഹിച്ചു. പ്രിൻസിപ്പൽ ഡോ. സുനിൽ സി. മാത്യു, വൈസ് പ്രിൻസിപ്പൽ ഫാ. ഡിനോയ് മാത്യു, ബർസാർ ഫാ. ജോസഫ് മണിയഞ്ചിറ, സെമിനാർ കോ-ഓർഡിനേറ്റർമാരായ ഡോ. സി. ഫാൻസി പോൾ, ഡോ. ജോബിൻ ജോസ് എന്നിവർ പ്രസംഗിച്ചു. ഡോ. രവിശങ്കർ നായർ, ഡോ. കെ.എം. വേണുഗോപാൽ എന്നിവർ സെഷനുകൾ നയിച്ചു.

സ്‌കൂള്‍ കെട്ടിടം ശോച്യാവസ്ഥയില്‍

പാലാ: മഹാത്മാഗാന്ധി ഗവൺമെന്‍റ് സ്‌കൂളിന്‍റെ പഴയ കെട്ടിടം ശോചനീയാവസ്ഥയില്‍. 90 വര്‍ഷത്തോളം പഴക്കമുള്ള കോണ്‍ക്രീറ്റ് കെട്ടിടമാണ് ശോചനീയാവസ്ഥയിലായത്. പുതിയ ബഹുനില മന്ദിരം വന്നതോടെ ക്ലാസുകള്‍ ഈ കെട്ടിടത്തില്‍ നടക്കുന്നില്ലെങ്കിലും കുട്ടികള്‍ ഈ കെട്ടിടത്തിന്‍റെ ഭാഗത്ത് വിശ്രമിക്കുന്നുണ്ട്. കെട്ടിടത്തിന്‍റെ മേല്‍ഭാഗത്തെ സിമന്‍റുപാളികള്‍ അടര്‍ന്നുവീണ് കമ്പികള്‍ കാണാവുന്ന അവസ്ഥയിലാണ്. ഇരുമ്പുഷീറ്റ് കൊണ്ടുള്ള മേല്‍ക്കൂരയും തുരുമ്പെടുത്തു നശിച്ചു. കെട്ടിടത്തിന് ശോചനീയാവസ്ഥ കാരണം വിദ്യാര്‍ഥികളും അധ്യാപകരും ആശങ്കയിലാണ്. പഴയ കെട്ടിട്ടം പൊളിച്ചുനീക്കി ഓഡിറ്റോറിയം നിര്‍മിക്കണമെന്നാണ് സ്‌കൂള്‍ ജാഗ്രതാസമിതിയും അധ്യാപകരും രക്ഷാകര്‍ത്താക്കളും ആവശ്യപ്പെടുന്നത്.

അരുവിത്തുറ കോളജിൽ രക്തദാന ക്യാമ്പ്

അരുവിത്തുറ: സെന്‍റ് ജോർജ് കോളജ് കൊമേഴ്സ് വിഭാഗത്തിന്‍റെയും സ്റ്റേറ്റ് ബാങ്ക് ഓഫ് ഇന്ത്യ പാലാ റീജണൽ ഓഫീസിന്‍റെയും തൊടുപുഴ ഐഎംഎ ബ്ലഡ് ബാങ്കിന്‍റെയും ആഭിമുഖ്യത്തിൽ മഹാ രക്തദാന ക്യാമ്പ് സംഘടിപ്പിച്ചു. സ്റ്റേറ്റ് ബാങ്ക് ഓഫ് ഇന്ത്യയുടെ എഴുപതാം സ്ഥാപക ദിനവുമായി ബന്ധപ്പെട്ട് എഴുപതിനായിരം യൂണിറ്റ് രക്തം സന്നദ്ധ രക്തദാനത്തിലൂടെ ദാനം ചെയ്യുന്നതിന്‍റെ ഭാഗമായാണ് സെന്‍റ് ജോർജ് കോളജിലെ വിദ്യാർഥികളും സ്റ്റാഫ് അംഗങ്ങളും ഉൾപ്പെടെ അമ്പതിലധികം പേർ രക്തദാനം നടത്തിയത്. കോളജ് ബർസാർ ആൻഡ് കോഴ്സ് കോ-ഓർഡിനേറ്റർ ഫാ. ബിജു കുന്നക്കാട്ട്, വൈസ് പ്രിൻസിപ്പൽ ഡോ. ജിലു ആനി ജോൺ, എസ്ബിഐ പാലാ റീജണൽ ചീഫ് മാനേജർ ദിലീപ് ചെറിയാൻ, ഈരാറ്റുപേട്ട ടൗൺ ബ്രാഞ്ച് മാനേജർ ജി. ലക്ഷ്മി, ദിലീപ് വാസുദേവൻ നായർ, ഷെറിൻ എലിസബത്ത് ജോൺ, ഡോ. മിഥുൻ ജോൺ, റോണി തോമസ് തുടങ്ങിയവർ പരിപാടിക്കു നേതൃത്വം നൽകി.

വാഗമൺ റോഡിൽ അപകടഭീഷണിയായി കല്ലുകൾ

തീക്കോയി: വാഗമൺ റോഡിൽ അപകടഭീഷണിയായി കൂറ്റൻ കല്ലുകൾ. കാലവർഷം ശക്തി പ്രാപിച്ചതോടെ ഈ റൂട്ടിലുള്ള യാത്ര അപകടഭീഷണി ഉയർത്തുന്നു. വ്യാപക മണ്ണിടിച്ചിൽ ഇവിടെ സാധാരണ സംഭവമാണ്. നിരവധിത്തവണ മണ്ണിടിച്ചിലുണ്ടായി ഗതാഗതം മണിക്കൂറുകളോളം മുടങ്ങിയിട്ടുണ്ട്. ഇന്നലെ കല്ലം കവലയ്ക്കു സമീപം വലിയ കല്ല് റോഡിലേക്കു പതിച്ചു. ഇതിനു സമീപത്തായി ഒരു വലിയ കല്ലുകൂടി എതു നിമിഷവും റോഡിലേക്കു വീഴുന്ന സ്ഥിതിയിലാണ്. അപകടാവ സ്ഥയിൽ നിലകൊള്ളുന്ന കല്ലുകൾ പെട്ടിച്ചുമാറ്റാൻ അധികൃതർ എത്രയുംവേഗം തയാറാകണമെന്നാണ് നാട്ടുകാരുടെ ആവശ്യം.

കോയിപ്പള്ളി തോട്ടിലെ വെള്ളം മലിനപ്പെടുത്തുന്നു

പൊൻകുന്നം: കോയിപ്പള്ളിയിലെ തോട്ടിൽ രാസമാലിന്യവും പാഴ്‌വസ്തുക്കളും തള്ളുന്നു. കഴിഞ്ഞ ദിവസം രാസമാലിന്യം കലർന്ന് തോട്ടിലെ വെള്ളം നീലനിറത്തിലായിരുന്നു. കോയിപ്പള്ളിയിലെ ചില സ്ഥാപനങ്ങളിൽനിന്ന് തള്ളുന്നതാണ് മാലിന്യമെന്ന് പ്രദേശവാസികൾ പരാതിപ്പെട്ടു. പഴയ റെഫ്രിജറേറ്റർ പൊളിക്കുന്നതിന്‍റെ പാഴ്‌വസ്തുക്കളും ഒഴുക്കുന്നുണ്ട്. ഇവയത്രയും കോയിപ്പള്ളി തോട്ടിലൂടെ മാന്തറ തോട്ടിലും തുടർന്ന് കാഞ്ഞിരപ്പള്ളിയിലെ ചിറ്റാർ പുഴയിലുമെത്തുന്നുണ്ട്. കോയിപ്പള്ളി തോട്ടിലെ മാലിന്യപ്രശ്‌നം മൂലം മാന്തറ തോട്ടിലും കുളിക്കുന്നതിനും മറ്റും ആൾക്കാർ മടിക്കുകയാണ്.

ക്രാഷ് ബാരിയർ റെഡി: എരുമേലി റോഡിലെ അപകടഭീതി ഒഴിയുന്നു

എരുമേലി: ടൗണിൽനിന്ന് കാഞ്ഞിരപ്പള്ളി റോഡിലേക്ക് പോകുമ്പോൾ സെന്‍റ് തോമസ് സ്കൂൾ ജംഗ്ഷൻ കഴിഞ്ഞുള്ള ആമക്കുന്ന് പാലം ഭാഗത്ത് വാഹനങ്ങൾ തോട്ടിൽ മറിയുമെന്ന ആശങ്ക ഇനി വേണ്ട. മുൻകാല ശബരിമല സീസണുകളിൽ നേരിട്ട ഈ അപകടം ഇനിയുള്ള സീസണിൽ ഒഴിയും. തോടും റോഡും തമ്മിൽ ചേരുന്ന ഈ ഭാഗത്ത്‌ സുരക്ഷ ഉറപ്പാക്കാൻ ക്രാഷ് ബാരിയറിന്‍റെ നിർമാണം കഴിഞ്ഞദിവസം പൂർത്തിയായി. ഇക്കഴിഞ്ഞ ശബരിമല സീസണിൽ ഈ ഭാഗത്ത് റോഡിന്‍റെ അറ്റകുറ്റപ്പണികൾ നടത്തി ടാർ ചെയ്തപ്പോൾ തോടിനോട് ചേർന്നുള്ള ഭാഗത്ത്‌ റോഡ് ഇടിഞ്ഞിരുന്നു. തുടർന്ന് അപകടസാധ്യത മുന്നറിയിപ്പ് സ്ഥാപിച്ചെങ്കിലും അപകടങ്ങൾ ഒഴിവാക്കാനുള്ള ക്രമീകരണം നടത്താൻ കഴിഞ്ഞിരുന്നില്ല. ഇപ്പോൾ ക്രാഷ് ബാരിയർ നിർമാണം പൂർത്തിയായതോടെ അപകടങ്ങൾ ഒഴിയുമെന്ന് പ്രതീക്ഷിക്കാം.`

കോരുത്തോട് പഞ്ചായത്ത് ഭരണസമിതിക്കെതിരേ അവിശ്വാസപ്രമേയം; പ്രചാരണം അടിസ്ഥാനരഹിതമെന്ന്

മുണ്ടക്കയം: കോരുത്തോട് പഞ്ചായത്ത് ഭരണസമിതിക്കെതിരേ കോണ്‍ഗ്രസ് അംഗങ്ങള്‍ അവിശ്വാസപ്രമേയം അവതരിപ്പിക്കുമെന്നുള്ള പ്രചാരണം അടിസ്ഥാനരഹിതമാണന്ന് പഞ്ചായത്ത് പ്രസിഡന്‍റ് ജാന്‍സി സാബു പത്രസമ്മേളനത്തില്‍ അറിയിച്ചു. ഇതു സംബന്ധിച്ചുണ്ടായ ആരോപണങ്ങളെല്ലാം വ്യാജമാണ്. ആശുപത്രിയില്‍ നഴ്‌സ് നിയമനത്തില്‍ ഏകപക്ഷീയമായി പ്രവര്‍ത്തിച്ചിട്ടില്ല. അത് സംബന്ധിച്ച് ഇന്‍റര്‍വ്യൂ ബോര്‍ഡ് നല്‍കിയ റിപ്പോര്‍ട്ട് ജനറല്‍കമ്മിറ്റിയില്‍ ഇതുവരെയായി വച്ചിട്ടില്ല. അതിനുശേഷമേ നിയമനം നടത്തുകയുളളൂ. തനിക്ക് ഇഷ്ടക്കാരിയായ ആളെ നിമിച്ചുവെന്നു ചിലര്‍ കള്ളം പ്രചരിപ്പിക്കുകയാണ്. കൂടാതെ പുഞ്ചവയല്‍ 504 കോളനി അങ്കണവാടിയുടെ ഫിറ്റ്‌നസ് സംബന്ധിച്ചുള്ള റിപ്പോര്‍ട്ട് ഐസിഡിഎസാണ് തങ്ങള്‍ക്ക് കൈമാറേണ്ടത്. എന്നാല്‍, ഇതുവരെയായി അത്തരം റിപ്പോര്‍ട്ടുകളൊന്നു ലഭിച്ചിട്ടില്ല. വാര്‍ഡ് മെംബറോട് ആലോചിക്കാതെ ഫിറ്റ്‌നസ് രേഖപ്പെടുത്തിയെന്നുള്ള പ്രചാരണവും അവാസ്തവമാണ്. ഇതിന്‍റെയെല്ലാം പേരില്‍ കോരുത്തോട് പഞ്ചായത്തില്‍ ഭരണകക്ഷിയംഗങ്ങള്‍ അവിശ്വാസം രേഖപ്പെടുത്തി ഭരണം അട്ടിമറിക്കുന്നതായ വാര്‍ത്ത തെറ്റാണന്നും പഞ്ചായത്ത് ഭരണം സുഗമമായി മുന്നോട്ടു പോകുകയാണെന്നും മറിച്ചുള്ള പ്രചാരണം വസ്തുതാവിരുദ്ധമാണന്നും ജാന്‍സി പറഞ്ഞു. പത്രസമ്മേളനത്തില്‍ പഞ്ചായത്ത് മുൻ പ്രസിഡന്‍റ് ശ്രീജ ഷൈൻ, വൈസ് പ്രസിഡന്‍റ് പി.എൻ. സുകുമാരൻ എന്നിവരും പങ്കെടുത്തു.

കാഞ്ഞിരപ്പള്ളിയിൽ വെള്ളക്കെട്ട് രൂക്ഷം

കാഞ്ഞിരപ്പള്ളി: മഴ ശക്തമായതോടെ റോഡുകളിൽ വെള്ളക്കെട്ട് രൂക്ഷമായിരിക്കുകയാണ്. കാഞ്ഞിരപ്പള്ളി ടൗണിൽ പല ഭാഗങ്ങളിലായി രൂപപ്പെട്ടിരിക്കുന്ന വെള്ളക്കെട്ട് കാൽനട യാത്രക്കാരെ ഏറെ ബുദ്ധിമുട്ടിലാക്കുന്നു. ‌‌‌ഓടകള്‍ ശുചീകരിക്കാത്തതിനാലാണ് വെള്ളക്കെട്ടുകള്‍ രൂപപ്പെടുന്നത്. മഴവെള്ളം ഒഴുകിപ്പോകാന്‍ മാര്‍ഗമില്ലാതെ റോഡില്‍ കെട്ടിക്കിടക്കുകയാണെന്നും വെള്ളക്കെട്ട് ഒഴിവാക്കാന്‍ അധികൃതർ നടപടികളൊന്നും സ്വീകരിക്കുന്നില്ലെന്നും യാത്രക്കാർ ആരോപിച്ചു. കാഞ്ഞിരപ്പള്ളി-മണിമല റോഡില്‍ കുരിശുങ്കലിന് സമീപം, ദേശീയപാതയിൽ പേട്ടക്കവലയിൽ ഇന്ത്യൻ ഓയിൽ പമ്പിന് സമീപം, കാഞ്ഞിരപ്പള്ളി-തന്പലക്കാട് റോഡിൽ കടമപ്പുഴ ആശുപത്രിക്ക് മുൻവശം, ബസ് സ്റ്റാൻഡിന് മുൻവശം തുടങ്ങിയ ഇടങ്ങളിലാണ് വെള്ളക്കെട്ട് രൂക്ഷമായിരിക്കുന്നത്. കാഞ്ഞിരപ്പള്ളി-മണിമല റോഡില്‍ കുരിശുങ്കലിന് സമീപമുള്ള വെള്ളക്കെട്ട് വാഹനയാത്രക്കാരെ‍‍യും കാല്‍നടയാത്രക്കാരെയും ഒരുപോലെയാണ് ദുരിതത്തിലാക്കുന്നത്. ദേശീയപാതയിൽ പേട്ടക്കവലയിൽ ഇന്ത്യൻ ഓയിൽ പമ്പിനു സമീപത്തും രൂക്ഷമായ വെള്ളക്കെട്ടാണുള്ളത്. മഴ കഴി‍ഞ്ഞ് രണ്ടു ദിവസം കഴിഞ്ഞാലും ഇവിടത്തെ വെള്ളക്കെട്ട് മാറില്ല. വെള്ളം കെട്ടിക്കിടന്ന് ദേശീയപാതയോരത്ത് ചെളി നിറഞ്ഞ അവസ്ഥയാണ്. റോഡിലാകെ നിരന്നു വെള്ളം കിടക്കുന്നതിനാൽ വെള്ളത്തിൽ ചവിട്ടിയാണ് ഇവിടെ കാൽനടയാത്രക്കാർ സഞ്ചരിക്കുന്നത്. വാഹനങ്ങൾ കടന്നുപോകുമ്പോൾ കാൽനട യാത്രികരുടെ മേലും കടകളിലേക്കും വെള്ളം തെറിച്ചുവീഴുന്ന സ്ഥിതിയുമുണ്ട്. മഴവെള്ളത്തിനൊപ്പം പുത്തനങ്ങാടി റോഡിൽനിന്നുള്ള മാലിനജലവും കലർന്നാണ് ബസ് സ്റ്റാന്‍ഡിന് മുന്‍വശത്തെ റോഡിലൂടെ ഒഴുകുന്നത്. മഴ പെയ്തു തീര്‍ന്നാലും ദിവസങ്ങൾ കഴിഞ്ഞേ ഇവിടത്തെ വെള്ളക്കെട്ട് ഒഴിവാകുകയുള്ളൂ. എല്ലാ കാലവര്‍ഷങ്ങളിലും ഈ റോഡുകളിൽ വെള്ളക്കെട്ട് നിത്യസംഭവമാണ്. എന്നാൽ ഇതുവരെയായിട്ടും വെള്ളക്കെട്ടിനുള്ള പരിഹാരം അധികൃതർ കണ്ടെത്തിയിട്ടില്ല. ഓടകൾ ശുചീകരിച്ച് വെള്ളക്കെട്ട് ഒഴിവാക്കാനുള്ള നടപടികൾ അധികൃതർ സ്വീകരിക്കണമെന്ന് കാൽനട യാത്രക്കാരും ടാക്സി ഡ്രൈവർമാരും ആവശ്യപ്പെട്ടു.

നിർധന രോഗികളുടെ ചികിത്സ: ധനസമാഹരണത്തിനായി നാട് ഒരുമിക്കുന്നു

കൂട്ടിക്കൽ: നിർധന രോഗികളായ രണ്ടു പേരുടെ ജീവൻ രക്ഷിക്കുന്നതിനായി കൂട്ടിക്കൽ പഞ്ചായത്ത് ജീവൻ രക്ഷാസമിതി ധനസമാഹരണത്തിന് ഒരുങ്ങുന്നു. 11-ാം വാർഡിൽ തേൻപുഴ ഭാഗത്ത് ചെങ്ങനാരിപറമ്പിൽ സിജോയുടെ ഭാര്യ ജെസി (32), മൂന്നാം വാർഡിൽ മാത്തുമല കൊച്ചുകുന്നേൽ പ്രിൻസ് മാത്യു (28) എന്നിവർക്കായി നാളെ രാവിലെ ഒന്പതുമുതൽ പഞ്ചായത്തിന്‍റെ എല്ലാ വാർഡുകളിലും ധനസമാഹരണം നടത്തുമെന്ന് കൂട്ടിക്കൽ പഞ്ചായത്ത് പ്രസിഡന്‍റ് ബിജോയി ജോസ് പത്രസമ്മേളനത്തിൽ അറിയിച്ചു. ലക്ഷത്തിൽ ഒരാൾക്കു മാത്രം ബാധിക്കുന്ന പ്രത്യേകതരം അപസ്മാര രോഗത്താൽ ജെസിയെന്ന യുവതി ചേർപ്പുങ്കലിലെ സ്വകാര്യ ആശുപത്രിയിൽ ചികിത്സയിലാണ്. ആറു വയസും നാലു മാസവും പ്രയമുള്ള കുട്ടികൾ അടങ്ങിയ കുടുംബം ഇതോടെ ദുരിതത്തിലായി. വെന്‍റിലേറ്ററിലും ഐസിയുവിലുമായി ജെസിയുടെ ജീവൻ നിലനിർത്തി വരികയാണ്. ഇപ്പോൾത്തന്നെ 12 ലക്ഷത്തോളം രൂപയുടെ ചികിത്സ നൽകി. തലച്ചോറിൽ കട്ടപിടിച്ച രക്തം നീക്കം ചെയ്താൽ മാത്രമേ ജെസിയുടെ ജീവൻ രക്ഷിക്കാൻ കഴിയൂ. മാതാപിതാക്കളോ സഹോദരങ്ങളോ ഇല്ലാത്ത പ്രിൻസ് മാത്യുവിന് കുടൽ സംബന്ധമായ രോഗത്തെത്തുടർന്ന് വൻകുടൽ നീക്കം ചെയ്യാനുള്ള ശസ്ത്രക്രിയ നടത്തേണ്ടതുണ്ട്. വളരെ നാളുകളായി യുവാവ് ചികിത്സയിലാണ്. ഉറ്റവർ ഇല്ലാതെ തനിച്ച് താമസിക്കുന്ന പ്രിൻസിന് തുടർചികിത്സയ്ക്കായി 10 ലക്ഷത്തോളം രൂപ വേണ്ടിവരും. രണ്ടു പേർക്കുമായുള്ള ചികിത്സാച്ചെലവിനു തുക സമാഹരിക്കുകയെന്നതാണ് പഞ്ചായത്തിന്‍റെ ലക്ഷ്യം. ആദ്യ ഘട്ടത്തിൽ ഇത്രയും തുക ലഭ്യമായില്ലെങ്കിൽ രണ്ടാം ഘട്ടമായി സമീപ പഞ്ചായത്തുകളിലും ധനസമാഹരണം നടത്താനാണ് നീക്കമെന്ന് ബ്ലോക്ക് പഞ്ചായത്തംഗം അനു ഷിജു, ജീവൻ രക്ഷാസമിതി ചെയർമാൻ പി.കെ. സണ്ണി, കൺവീനർ ജിജോ കാരയ്ക്കാട്ട് എന്നിവർ പറഞ്ഞു. ജീവൻ രക്ഷാസമിതിയുടെ പേരിൽ മീനച്ചിൽ ബാങ്കിൽ ആരംഭിച്ച അക്കൗണ്ട് നമ്പർ -8370031000010041, ഐഎഫ്എസ്ഇ - FDRL01MEUCB.

ഏന്തയാർ ഈസ്റ്റ് പാലം താത്കാലികമായി തുറന്നു

ഏന്തയാർ: കോട്ടയം ജില്ലയുടെ കിഴക്കൻ മലയോര മേഖലയിൽ മഹാദുരന്തം നടന്ന് നാലു വർഷത്തോടടുക്കുമ്പോൾ പ്രളയ ബാധിത മേഖലയ്ക്ക് ആശ്വാസം. കോട്ടയം, ഇടുക്കി ജില്ലകളെ ബന്ധിപ്പിക്കുന്ന പ്രധാന പാലമായ ഏന്തയാർ ഈസ്റ്റ് പാലം ചെറു വാഹനങ്ങൾക്കും കാൽനട യാത്രക്കാർക്കും കടന്നുപോകാവുന്ന രീതിയിൽ താത്കാലികമായി തുറന്നുനൽകി. പാലത്തിന്‍റെ നിർമാണം അവസാന ഘട്ടത്തിലേക്ക് എത്തി നിൽക്കുകയാണ്. അപ്രോച്ച് റോഡിന്‍റെ നിർമാണമാണ് ഇനി പൂർത്തിയാകാനുള്ളത്. നിർമാണ പ്രവർത്തനങ്ങൾ പൂർണമായും പൂർത്തിയാക്കിയതിനുശേഷം ഔദ്യോഗിക ഉദ്ഘാടനം പിന്നീട് ആഘോഷമായി നടത്താനാണ് തീരുമാനം. കാലവർഷം ശക്തമായി തുടരുന്ന സാഹചര്യത്തിൽ ഉരുൾപൊട്ടൽ അടക്കമുള്ള പ്രകൃതി ദുരന്തങ്ങൾ ഉണ്ടായാൽ കൊക്കയാർ പഞ്ചായത്തിന്‍റെ മലയോര മേഖലയിലെ ആളുകൾക്ക് കിലോമീറ്ററുകൾ ചുറ്റി സഞ്ചരിക്കണം. കൂടാതെ സ്കൂൾ തുറന്നതോടെ വിദ്യാർഥികളടക്കമുള്ളവരുടെ യാത്രാക്ലേശവും വലുതാണ്. ഇത് മുൻനിർത്തിയാണ് ഔദ്യോഗിക ഉദ്ഘാടനത്തിന് മുമ്പുതന്നെ പാലം താത്കാലികമായി തുറന്നു കൊടുത്തിരിക്കുന്നത്. പ്രളയത്തിൽ തകർന്ന പാലത്തിന് പകരം 4.7 കോടി രൂപ മുടക്കിയാണ് പുതിയ പാലം നിർമിച്ചത്. പ്രളയത്തിൽ തകർന്ന മറ്റു രണ്ട് പ്രധാനപ്പെട്ട പാലങ്ങളായ ഇളംകാട്, കൊക്കയാർ പാലങ്ങളുടെ നിർമാണവും പുരോഗമിക്കുകയാണ്. ഈ പാലങ്ങളുടെ കൂടി നിർമാണം പൂർത്തിയാകുന്നതോടെ പ്രളയത്തിൽ ദുരന്തം വിതച്ച പ്രധാന പാലങ്ങളുടെ എല്ലാം നിർമാണം പൂർത്തിയായി മേഖലയിലേക്കുള്ള യാത്രാസൗകര്യം പൂർണമായും പുനഃസ്ഥാപിക്കാനാകും.

കടം കയറിയാലും തീരുന്നതല്ല വള്ളംകളിയുടെ ആവേശാരവം

കോട്ടയം: വള്ളംകളി സീസണിലേക്ക് ഒരു ടീമിനു വേണ്ടിവരുന്നത് ഒരു കോടി രൂപ വരെ. പരിശീലനം നേടി മത്സരം കാഴ്ചവയ്ക്കാന്‍ ചില്ലറയല്ല ചെലവ്. വള്ളംകളി സംഘാടകരില്‍നിന്നു കിട്ടുന്ന വിഹിതംകൊണ്ടൊന്നും പരിശീലനം പൂര്‍ത്തിയാക്കാനാവില്ല. കഴിഞ്ഞ നെഹ്റു ട്രോഫി വള്ളംകളിയുടെ വിഹിതം അഞ്ചു ലക്ഷം രൂപ ടീമുകള്‍ക്ക് ലഭിച്ചത് കഴിഞ്ഞ മാസമാണ്. ടൂറിസം വകുപ്പിന്‍റെ ചാമ്പ്യന്‍സ് ബോട്ട് ലീഗ് വള്ളംകളിയുടെ കഴിഞ്ഞ വര്‍ഷത്തെ വിഹിതം മൂന്നു ലക്ഷം രൂപ പുതിയ സീസണ്‍ അടുത്തിട്ടും ലഭിച്ചില്ല. ചമ്പക്കുളം മൂലം വള്ളംകളിയില്‍ തുടങ്ങി നെഹ്റു ട്രോഫിയും പിന്നിട്ട് ചാമ്പ്യന്‍സ് ബോട്ട് ലീഗോടെയാണ് സീസണ്‍ സമാപിക്കുക. തുഴച്ചില്‍കാര്‍ക്ക് ഇക്കാലത്ത് ഒരു മാസത്തേക്ക് അന്‍പതിനായിരം രൂപയുടെ പാക്കേജാണ്. കൂടാതെ താമസസൗകര്യവും നാലു നേരം ഭക്ഷണവും നല്‍കണം. കാഷ്മീര്‍, ആസാം, ഡല്‍ഹി ഉള്‍പ്പെടെ സംസ്ഥാനങ്ങളില്‍നിന്ന് കുമരകത്ത് തുഴച്ചില്‍കാര്‍ വരുന്നുണ്ട്. ഇവര്‍ക്ക് വിമാന ടിക്കറ്റ് ഉള്‍പ്പെടെ സ്‌പെഷല്‍ പാക്കേജാണ്. ഒരു ചുണ്ടന്‍വള്ളത്തില്‍ തുഴക്കാരും അമരക്കാരും താളക്കാരും മറ്റുമായി നൂറോളം പേരുണ്ടാകും. കൂടാതെ സംഘാടകരും കമ്മിറ്റിയും ഉള്‍പ്പെടെ വേറെയും നൂറു പേര്‍ സജീവമായി കൂടെ നില്‍ക്കണം. വള്ളംകളി മത്സരം തുടങ്ങുന്നതിന് 10 ദിവസം മുമ്പ് മുതലാണ് മത്സരത്തില്‍ പങ്കെടുക്കുന്ന ചുണ്ടന്‍വള്ളത്തില്‍ പരിശീലനം നടത്തുക. അതുവരെയുള്ള പരിശീലനത്തിന് ചുണ്ടന്‍ വാടകയ്ക്കെടുക്കണം. ഒരു ചുണ്ടന് എട്ട് ലക്ഷം രൂപവരെയാകും വാടക. മൂന്നാഴ്ച നീളുന്ന പരിശീലനത്തിന്‍റെ തുടക്കവും ഒടുക്കവും വള്ളം മിനുക്കി പെയിന്‍റ് ചെയ്ത് എണ്ണയിടുന്നതില്‍ ഭാരിച്ച ചെലവുണ്ട്. ഇതിനു പുറമെയാണ് നയമ്പും മറ്റും വാങ്ങാനുള്ള ചെലവുകള്‍. വള്ളംസമിതിയുടെയും സ്പോണ്‍സര്‍മാരുടെയുമെല്ലാം സഹായംകൊണ്ടാണ് മിക്ക ചുണ്ടൻ വള്ളങ്ങളും മത്സരത്തിനെത്തുന്നത്. വള്ളംകളി പ്രേമികള്‍ വിഹിതമെടുത്തും നാട്ടുകാരുടെ സഹകരണം തേടിയുമാണ് ബോട്ട് ക്ലബ്ബുകള്‍ ഓളപ്പരമ്പിലെ ഒളിമ്പിക്‌സില്‍ മത്സരിക്കാന്‍ ടീമുകളെ ഒരുക്കുക. കുമരകത്തുനിന്നും ഇക്കൊല്ലം രണ്ടു ടീമുകള്‍ നെഹ്റു ട്രോഫി വള്ളംകളിയില്‍ പങ്കെടുക്കാനൊരുങ്ങുകയാണ്. ഓഗസ്റ്റ് മുപ്പതിന് വള്ളകളിക്കു പോകാന്‍ ജൂലൈ അവസാനം പരിശീലനം തുടങ്ങും. ഓരോ വര്‍ഷവും ടീമുകള്‍ ഭീമമായ കടക്കെണിയിലാണ് സീസണ്‍ കഴിഞ്ഞ് വള്ളം കരയില്‍ കയറ്റുക.

ഫാമിലെ 450ഓളം കോഴികളെ തെരുവുനായ്ക്കൾ കടിച്ചുകൊന്നു

മറവൻതുരുത്ത്: കൂട്ടമായി എത്തിയ തെരുവുനായ്ക്കൾ കോഴിഫാമിലെ 450 ഓളം കോഴികളെ കടിച്ചു കൊന്നു. വെള്ളിയാഴ്ച പുലർച്ചെ 3.30ഓടെ മറവൻതുരുത്ത് വാഴേകാട് കുരിയാത്തുംവേലിൽ കെ.ആർ.സുകുമാരന്‍റെ ഉടമസ്ഥതയിലുള്ള കോഴിഫാമിലാണ് തെരുവുനായ്ക്കളുടെ ആക്രമണത്തിൽ കോഴികൾ കൂട്ടത്തോടെ ചത്തത്. കോഴിഫാമിന്‍റെ ഒരു വശത്തെ തൂണ് തകർത്ത ശേഷം പൊക്കിയിട്ടിരുന്ന മണ്ണ് മാന്തി കുഴിച്ച് അകത്ത് കടന്നാണ് പകുതി വളർച്ചയെത്തിയ കോഴികളെ തെരുവുനായ്ക്കൾ കടിച്ചുകൊന്നത്. 1000 കോഴികളെയാണ് ഫാമിൽ വളർത്തിയിരുന്നത്. കോഴികളുടെ ബഹളം കേട്ട് വീട്ടുകാർ ഓടിയെത്തിയതോടെ തെരുവുനായ്ക്കൾ ഓടിമറഞ്ഞു. ചത്ത കോഴികളെ സമീപത്തുതന്നെ കുഴിയെടുത്ത് മറവ് ചെയ്തു. പ്രദേശം തെരുവുനായ്ക്കളുടെ വിഹാര കേന്ദ്രമാണെന്ന് പ്രദേശവാസികൾ ആരോപിക്കുന്നു. കൂട്ടംകൂടിയെത്തുന്ന തെരുവുനായ്ക്കൾ വളർത്തുമൃഗങ്ങളെയും മറ്റും ആക്രമിക്കുന്നത് പതിവാണെന്നും ബന്ധപ്പെട്ടവരെ അറിയിച്ചിട്ടും രൂക്ഷമായ നായശല്യത്തിന് പരിഹാരമില്ലെന്നും പ്രദേശവാസികൾ കുറ്റപ്പെടുത്തുന്നു. മൂന്ന് ലക്ഷം രൂപയുടെ നഷ്ടം ഉണ്ടായതായി ഫാം ഉടമ സുകുമാരൻ പറഞ്ഞു.

ADVERTISEMENT

ADVERTISEMENT

ADVERTISEMENT

ADVERTISEMENT

ADVERTISEMENT

ആമസോണ്‍ ഓഫറുകളറിയാന്‍
ലിങ്കില്‍ ക്ലിക്ക് ചെയ്യുക

ADVERTISEMENT

More from other section

ADVERTISEMENT

LATEST NEWS

ADVERTISEMENT

ADVERTISEMENT

Quick Links

About Us Deepika E-Paper E-Shopping Karshakan Rashtradeepika Movies Tech @ Deepika

Business Deepika Viral Tax Letters University News Auto Spot Cartoon Scope

Matrimonial Special News Special Feature Calendar Samskarikam Career Deepika English Edition

Deepika Charity Health Sthreedhanam Responses Daily Quiz Youth Special Court Notice

Kuttikalude Deepika Deepika News Videos Out of Range US News Gulf News Student Reporter Classifieds

Children's Digest Today's Story Religion Book Review Sunday Deepika Send your greetings Online Advertising

Rashtra Deepika LTD

Chairman - Dr. Francis Cleetus MD - Michael Vettickatt Chief Editor - George Kudilil

Tel: +91 481 2566706 ,2566707,2566708

Privacy policy Terms and conditions for online payment

Copyright © 2025 , RDL. All rights reserved To access reprinting rights, please contact [email protected]