യു​വാ​വി​നെ വീ​ടുക​യ​റി ആ​ക്ര​മി​ച്ച സം​ഭ​വ​ത്തി​ൽ ഭാ​ര്യ​യും മ​ക​നും അ​റ​സ്റ്റി​ൽ
Tuesday, September 19, 2023 11:21 PM IST
വണ്ടി​പ്പെ​രി​യാ​ർ: വ​ള്ള​ക്ക​ട​വി​ൽ അ​ർ​ധ​രാ​ത്രി​ യു​വാ​വി​നെ വീ​ടുക​യ​റി ആ​ക്ര​മി​ച്ച സം​ഭ​വ​ത്തി​ൽ ഇ​യാ​ളു​ടെ ഭാ​ര്യ​യും മ​ക​നും പി​ടി​യി​ൽ. വ​ള്ള​ക്ക​ട​വ് ക​രി​ക്കി​ണ്ണം വീ​ട്ടി​ൽ അ​ബ്ബാ​സി​നു നേരേയാ​ണ് ക​ഴി​ഞ്ഞ ശ​നി​യാ​ഴ്ച പു​ല​ർ​ച്ചെ 1.30 ഓ​ടെ ആ​ക്ര​മണമുണ്ടായത്.

ആ​ക്ര​മ​ണ​ത്തി​ൽ ത​ല​യ്ക്ക് ഗു​രു​ത​ര പ​രി​ക്കേ​റ്റ അ​ബ്ബാ​സി​നെ കോ​ട്ട​യം മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ൽ പ്ര​വേ​ശി​പ്പി​ച്ചു. ക്വ​ട്ടേ​ഷ​ൻ സം​ഘ​മാ​ണ് ത​ന്നെ ആ​ക്ര​മി​ച്ച​തെ​ന്ന് പ​രി​ക്കേ​റ്റ അ​ബ്ബാ​സ് പ​റ​ഞ്ഞി​രു​ന്നു. പോ​ലീ​സ് അ​ന്വേ​ഷ​ണ​ത്തി​ൽ അ​ബ്ബാ​സി​ന്‍റെ ഭാ​ര്യ ആ​ഷി​റ ബീ​വി(39), മ​ക​ൻ മു​ഹ​മ്മ​ദ് ഹ​സ​ൻ (19) എ​ന്നി​വ​ർ സം​ഭ​വ ദി​വ​സം വ​ണ്ടി​പ്പെ​രി​യാ​റി​ൽ എ​ത്തി​യി​രു​ന്ന​താ​യി വി​വ​രം ല​ഭി​ച്ചി​രു​ന്നു. തു​ട​ർ​ന്നു​ള്ള അ​ന്വേ​ഷ​ണ​ത്തി​ലാ​ണ് അ​ബ്ബാ​സിന്‍റെ ഭാ​ര്യ​യെ​യും മ​ക​നെ​യും പോ​ലീ​സ് പി​ടി​കൂ​ടി​യ​ത്.

സം​ഭ​വ​ത്തെ​ക്കു​റി​ച്ച് പോ​ലീ​സ് പ​റ​യു​ന്ന​ത്: ക​ഴി​ഞ്ഞ കു​റേ നാ​ളു​ക​ളാ​യി ഭാ​ര്യ ആ​ഷി​റ​യെ അ​ബ്ബാ​സ് ശാ​രീ​രി​ക​മാ​യും മാ​ന​സീ​ക​മാ​യും പീ​ഡി​പ്പി​ച്ചി​രു​ന്നു. ഇ​തി​ന്‍റെ പ്ര​തി​കാ​ര​മാ​ണ് ആ​ക്ര​മ​ണം. ആ​ഷി​റ​യു​ടെ അ​യ​ൽ​വാ​സി​യാ​യ ഷ​മീ​ർ എ​ന്ന​യാ​ളു​ടെ നേ​തൃ​ത്വ​ത്തി​ലു​ള്ള സം​ഘ​ത്തെ ഭാര്യയും മ​ക​നും ചേ​ർ​ന്ന് അ​ബ്ബാ​സി​നെ മ​ർ​ദി​ക്കു​ന്ന​തി​നാ​യി ചു​മ​ത​ല​പ്പെ​ടു​ത്തി.

ആ​ക്ര​മ​ണമു​ണ്ടാ​യ ദി​വ​സം ക്വ​ട്ടേ​ഷ​ൻ സം​ഘം സ്ഥ​ല​ത്ത് എ​ത്തി​യ​പ്പോ​ൾ അ​ബ്ബാ​സ് താ​മ​സി​ക്കു​ന്ന വീ​ട് കാ​ണി​ക്കു​ന്ന​തി​നാ​യി ആ​ഷി​റ​യും മ​ക​നും വ​ണ്ടി​പ്പെ​രി​യാ​ർ ടൗ​ണി​ൽ ഉ​ണ്ടാ​യി​രു​ന്നു. പി​ന്നീ​ട് ക്വ​ട്ടേ​ഷ​ൻ സം​ഘം എ​ത്തി​യ വാ​ഹ​ന​ത്തി​ൽ ഇ​വ​ർ​ക്കൊ​പ്പം ആ​ഷി​റ​യും മ​ക​നും വ​ള്ള​ക്ക​ട​വി​ൽ എ​ത്തി വീ​ട് കാ​ണി​ച്ചുകൊ​ടു​ത്തു.

ആ​ക്ര​മ​ണ​ത്തി​നു ശേ​ഷം ആ​ഷി​റ​യും മ​ക​നും തി​രി​കെ എ​റ​ണാ​കു​ള​ത്തെ ആ​ഷി​റ​യു​ടെ പി​താ​വി​ന്‍റെ വീ​ട്ടി​ലേ​ക്കു പോ​യി. അ​ബ്ബാ​സി​നു നേ​രേ ആ​ക്ര​മ​ണ​മു​ണ്ടാ​യ വി​വ​രം നാ​ട്ടു​കാ​ർ ആ​ഷി​റ​യെ അ​റി​യി​ച്ചു.

അ​ബ്ബാ​സി​നെ കോ​ട്ട​യം മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ൽ​നി​ന്ന് അ​ബ്ബാ​സി​ന്‍റെ നാ​ടാ​യ നെ​ടു​ങ്ക​ണ്ട​ത്തെ ആ​ശു​പ​ത്രി​യി​ലേ​ക്ക് മാ​റ്റി​യി​രു​ന്നു. ഈ ​സ​മ​യം അ​ബ്ബാ​സി​നെ ചി​കി​ൽ​സി​ക്കു​ന്ന​തി​ന് സ​ഹാ​യ​വു​മാ​യി ഭാ​ര്യ​യും മ​ക​നും എ​ത്തി. ഇ​തോ​ടെ പോ​ലീ​സ് ഇ​വ​രെ ക​സ്റ്റ​ഡി​യി​ൽ എ​ടു​ക്കു​ക​യാ​യ​ിരു​ന്നു. ആ​ഷി​റ​യു​ടെ സ​ഹോ​ദ​ര​ന​ട​ക്കം ഏ​ഴു പേ​ർ ആ​ക്ര​മ​ണ​ത്തി​നു പി​ന്നി​ൽ ഉ​ള്ള​താ​യി പോ​ലീ​സ് പ​റ​യു​ന്നു. പ്ര​തി​ക​ൾ​ക്കാ​യു​ള്ള തെര​ച്ചി​ൽ ആ​രം​ഭി​ച്ച​താ​യും വാ​ഹ​ന​മ​ട​ക്കം എ​ത്ര​യും വേ​ഗം പ്ര​തി​ക​ളെ പി​ടി​കൂ​ടു​മെ​ന്ന് പോ​ലീ​സ് അ​റി​യി​ച്ചു.

പീ​രു​മേ​ട് ഡി​വൈ​എ​സ്പി ജെ. ​കു​ര്യാ​ക്കോ​സി​ന്‍റെ നി​ർ​ദേ​ശ​പ്ര​കാ​രം വ​ണ്ടി​പ്പെ​രി​യാ​ർ എ​സ്എ​ച്ച്ഒ ഹേ​മ​ന്ദ് കു​മാ​ർ, എ​സ്ഐ മാ​രാ​യ അ​ജീ​ഷ്, ടി.​വി. രാ​ജ്മോ​ഹ​ൻ, എ​എ​സ്ഐ മാ​രാ​യ സു​ബൈ​ർ, കെ.​ജി. രാ​ജേ​ന്ദ്ര​ൻ, വ​നി​ത സി​പി​ഒ ലി​ജി​ത വി. ​തോ​മ​സ് എ​ന്നി​വ​ര​ട​ങ്ങു​ന്ന​സം​ഘ​മാ​ണ് പ്ര​തി​ക​ളെ പി​ടി​കൂ​ടി​യ​ത്. വ​ധ​ശ്ര​മ​ത്തി​ന് കേ​സ് ര​ജി​സ്റ്റ​ർ ചെ​യ്ത് പ്ര​തി​ക​ളെ കോ​ട​തി​യി​ൽ ഹാ​ജ​രാ​ക്കി റി​മാ​ൻ​ഡ് ചെ​യ്തു.

Copyright @ 2022 , Rashtra Deepika Ltd.