ഭൂ​പ​തി​വ് ഭേ​ദ​ഗ​തി അ​ട്ടി​മ​റി​ക്കാ​ൻ നീ​ക്കം: എ​ൽ​ഡി​എ​ഫ്
Monday, September 25, 2023 10:42 PM IST
തൊ​ടു​പു​ഴ: നി​യ​മ​സ​ഭ ഏ​ക​ക​ണ്ഠ​മാ​യി പാ​സാ​ക്കി​യ ഭൂ​പ​തി​വ് ഭേ​ദ​ഗ​തി​ക്ക് അം​ഗീ​കാ​രം ന​ൽ​ക​രു​തെ​ന്ന് ആ​വ​ശ്യ​പ്പെ​ട്ട് ലാ​ൻ​ഡ് ഫ്രീ​ഡം മൂ​വ്മെ​ന്‍റ് ഗ​വ​ർ​ണ​ർ​ക്ക് നി​വേ​ദ​നം ന​ൽ​കി​യ​ത് നി​യ​മം അ​ട്ടി​മ​റി​ക്കാ​നാ​ണെ​ന്ന് എ​ൽ​ഡി​എ​ഫ് നേ​താ​ക്ക​ൾ പ​ത്ര​സ​മ്മേ​ള​ന​ത്തി​ൽ ആ​രോ​പി​ച്ചു. ജി​ല്ല​യി​ലെ ഭൂ​പ്ര​ശ്നം സ​ങ്കീ​ർ​ണ​മാ​യി തു​ട​ര​ണ​മെ​ന്ന് ആ​ഗ്ര​ഹി​ക്കു​ന്ന ഇ​വ​ർ ക​ർ​ഷ​ക​രു​ടെ ശ​ത്രു​ക്ക​ളാ​ണ്. ഈ ​സം​ഘ​ട​ന കൈ​യേ​റ്റ​ മാ​ഫി​യ​യു​ടെ​യും അ​ന​ധി​കൃ​ത പ്ര​വ​ർ​ത്ത​ന​ങ്ങ​ൾ ന​ട​ത്തു​ന്ന​വ​രു​ടെ​യും താ​ത്പ​ര്യ​ങ്ങ​ളാ​ണ് സം​ര​ക്ഷി​ക്കു​ന്ന​ത്. നി​യ​മ​ത്തി​നാ​യി ച​ട്ട​ങ്ങ​ൾ രൂ​പ​പ്പെ​ടു​ത്തു​ന്ന​തി​നു മു​ന്പേ ഇ​തി​നെ​തി​രേ രം​ഗ​ത്തി​റ​ങ്ങി​യ​വ​രു​ടെ പൊ​ള്ള​ത്ത​രം ജ​ന​ങ്ങ​ൾ തി​രി​ച്ച​റി​യും.

മൂ​ന്നാ​ർ​മേ​ഖ​ല​യി​ൽ നി​ർ​മാ​ണ​ങ്ങ​ൾ​ക്ക് എ​ൻ​ഒ​സി വേ​ണ​മെ​ന്ന 2010-ലെ ​ഹൈ​ക്കോ​ട​തി ഉ​ത്ത​ര​വി​നെ​തി​രേ 2011-ൽ ​അ​ധി​കാ​ര​ത്തി​ലെ​ത്തി​യ യു​ഡി​എ​ഫ് സ​ർ​ക്കാ​ർ ഒ​രു ന​ട​പ​ടി​യും സ്വീ​ക​രി​ച്ചി​ല്ല. ഭൂ​പ​തി​വ് നി​യ​മം അ​ട്ടി​മ​റി​ക്കു​ന്ന​തി​നാ​യി യു​ഡി​എ​ഫ് ലാ​ൻ​ഡ് ഫ്രീ​ഡം​ മൂ​വ്മെ​ന്‍റ് ഉ​ൾ​പ്പെ​ടെ​യു​ള്ള​വ​രു​മാ​യി കൂ​ട്ടു​ചേ​ർ​ന്നി​രി​ക്കു​ക​യാ​ണ്.

ജി​ല്ല​യെ ത​മി​ഴ്നാ​ടി​നോടു ചേ​ർ​ക്ക​ണ​മെ​ന്ന് ആ​വ​ശ്യ​പ്പെ​ട്ട് വി​ഘ​ട​ന​വാ​ദ​ത്തി​ന് വി​ത്തു പാ​കി​യ​വ​രു​ടെ ഉ​ദ്ദേ​ശ്യ​ശു​ദ്ധി​യെ ചോ​ദ്യം ചെ​യ്യാ​തി​രി​ക്കാ​നാ​വി​ല്ല. അ​മ​രാ​വ​തി, അ​യ്യ​പ്പ​ൻ​കോ​വി​ൽ കു​ടി​യി​റ​ക്കും അ​തി​നെ​തി​രേ ന​ട​ന്ന സ​മ​ര​വും ജി​ല്ല​യി​ലെ ജ​ന​ങ്ങ​ൾ മ​റ​ന്നി​ട്ടി​ല്ല. ഇ​തു​വ​രെ ന​ൽ​കി​യ പ​ട്ട​യ​ങ്ങ​ളി​ലെ​യും ഇ​നി ന​ൽ​കാ​നു​ള്ള പ​ട്ട​യ​ങ്ങ​ളി​ലെ​യും കാ​ർ​ഷി​കേ​ത​ര ആ​വ​ശ്യ​ങ്ങ​ൾ​ക്ക് ഭൂ​മി വി​നി​യോ​ഗി​ക്കാ​ൻ അ​വ​കാ​ശം ന​ൽ​കു​ന്ന ഭേ​ദ​ഗ​തി​യു​ടെ ച​ട്ട​ങ്ങ​ൾ ഉ​ട​ൻ നി​ർ​മി​ക്കു​മെ​ന്നും നേ​താ​ക്ക​ൾ പ​റ​ഞ്ഞു.

പ​ത്ര​സ​മ്മേ​ള​ന​ത്തി​ൽ എ​ൽ​ഡി​എ​ഫ് ക​ണ്‍​വീ​ന​ർ കെ.​കെ.​ശി​വ​രാ​മ​ൻ, സി​പി​എം ജി​ല്ലാ സെ​ക്ര​ട്ട​റി സി.​വി.​വ​ർ​ഗീ​സ്, കേ​ര​ള കോ​ണ്‍​ഗ്ര​സ്-​എം ഉ​ന്ന​താ​ധി​കാ​ര സ​മി​തി​യം​ഗം പ്ര​ഫ.​കെ.​ഐ.​ആ​ന്‍റ​ണി, ജ​നാ​ധി​പ​ത്യ​കേ​ര​ള കോ​ണ്‍​ഗ്ര​സ് സം​സ്ഥാ​ന സെ​ക്ര​ട്ട​റി ജോ​ർ​ജ് അ​ഗ​സ്റ്റി​ൻ, കേ​ര​ള കോ​ണ്‍​ഗ്ര​സ്-​ബി സം​സ്ഥാ​ന സെ​ക്ര​ട്ട​റി പോ​ൾ​സ​ണ്‍ മാ​ത്യു, സ്ക​റി​യ തോ​മ​സ് വി​ഭാ​ഗം സം​സ്ഥാ​ന​സെ​ക്ര​ട്ടേ​റി​യ​റ്റം​ഗം സി.​ജ​യ​കൃ​ഷ്ണ​ൻ എ​ന്നി​വ​ർ പ​ങ്കെ​ടു​ത്തു.

Copyright @ 2022 , Rashtra Deepika Ltd.