രാ​ജ​കു​മാ​രി: ച​ക്ക​ക്കൊ​മ്പ​ൻ എ​ന്ന കാ​ട്ടാ​ന ജ​ന​വാ​സ മേ​ഖ​ല​ക​ളി​ൽ സ്ഥി​ര​മാ​യി എ​ത്തു​ന്നു. ആ​ന​യി​റ​ങ്ങ​ൽ, ചി​ന്ന​ക്ക​നാ​ൽ, തോ​ണ്ടി​മ​ല എ​ന്നീ ജ​ന​വാ​സ മേ​ഖ​ല​ക​ളി​ലേ​ക്കാ​ണ് കൂ​ടു​ത​ലാ​യി എ​ത്തു​ന്ന​ത്. വ്യാ​ഴാ​ഴ്ച ഉ​ച്ച​ക​ഴി​ഞ്ഞ് കൊ​ച്ചി - ധ​നു​ഷ്കോ​ടി ദേ​ശീ​യ​പാ​ത​യു​ടെ ഭാ​ഗ​മാ​യ പെ​രി​യ​ക​നാ​ലി​നു സ​മീ​പ​മു​ള്ള പ്ര​ദേ​ശ​ത്ത് റോ​ഡി​ൽ എ​ത്തി​യ ച​ക്ക​ക്കൊ​മ്പ​ൻ ഗ​താ​ഗ​ത ത​ടസം സൃ​ഷ്ടി​ച്ചി​രു​ന്നു.

ഇ​ന്ന​ലെ ആ​ന​യി​റ​ങ്ങ​ൽ ഡാ​മി​ന​രി​കി​ലാ​ണ് കാ​ട്ടാ​ന എ​ത്തി​യ​ത്. മ​ണി​ക്കൂ​റു​കൾക്കു
ശേഷമാണ് ഇവിടെനിന്ന് കാ​ട്ടാ​ന വ​ന​മേ​ഖ​ല​യി​ലേ​ക്ക് ക​ട​ന്ന​ത്. ഡാം ​കാ​ണാനെ​ത്തി​യ സ​ഞ്ചാ​രി​ക​ൾ​ക്ക് കാ​ട്ടാ​ന​യെ ക​ൺ​കു​ളി​ർ​ക്കെ കാ​ണു​വാ​ൻ സാ​ധി​ച്ചു.

മാ​സ​ങ്ങ​ൾ​ക്ക് മു​ൻ​പ് തോ​ണ്ടിമ​ല​യ്ക്ക് സ​മീ​പം ദേ​ശീ​യ​പാ​ത​യി​ൽ ഇ​റ​ങ്ങി​യ ച​ക്ക​ക്കൊ​മ്പ​നെ റോ​ഡി​ലൂ​ടെ എ​ത്തി​യ ഒ​രു കാ​ർ ഇ​ടി​ച്ച് അ​പ​ക​ട​ത്തി​ൽ​പ്പെ​ട്ടി​രു​ന്നു. ആ​ന​യ്ക്ക് പ​രി​ക്കൊ​ന്നും ഏ​റ്റി​രു​ന്നി​ല്ല. എ​ന്നാ​ൽ, കാ​ർ ഡ്രൈ​വ​ർ​ക്ക് പ​രി​ക്ക് പ​റ്റു​ക​യും ഇ​ദ്ദേ​ഹം മാ​സ​ങ്ങ​ളോ​ളം ചി​കി​ത്സ ന​ട​ത്തു​ക​യും ചെ​യ്തി​രു​ന്നു.

അ​തി​നു ശേ​ഷം ജ​ന​വാ​സ മേ​ഖ​ല​ക​ളി​ലേ​ക്ക് ച​ക്ക​ക്കൊ​മ്പ​ൻ എ​ത്തു​ന്ന​ത് കു​റ​വാ​യി​രു​ന്നു. ക​ഴി​ഞ്ഞ ഒ​രാ​ഴ്ച​ക്കാ​ല​മാ​യി ജ​ന​വാ​സ മേ​ഖ​ല​ക​ളി​ലൂ​ടെ​യാ​ണ് ച​ക്ക​ക്കൊ​മ്പ​ന്‍റെ ക​റ​ക്കം. ഇ​തു​വ​രെ​യും മ​റ്റ് നാ​ശ​ന​ഷ്ട​ങ്ങ​ൾ ഒ​ന്നും വ​രു​ത്തി​യി​ട്ടി​ല്ല.

കാ​ട്ടാ​ന​ക​ളെ നി​രീ​ക്ഷി​ക്കാ​നാ​യി ഈ ​മേ​ഖ​ല​യി​ലു​ള്ള ആ​ർആ​ർടി ​സം​ഘ​വും കാ​ര്യ​ക്ഷ​മ​മാ​യി പ്ര​വ​ർ​ത്തി​ക്കു​ന്നു​ണ്ട്. ഇ​വ​രു​ടെ നേ​തൃ​ത്വ​ത്തി​ലാ​ണ് ക​ഴി​ഞ്ഞ​ദി​വ​സം ച​ക്ക​ക്കൊ​മ്പ​നെ കാ​ട്ടി​ലേ​ക്ക് തു​ര​ത്തി​യ​ത്.