ചെറു​തോ​ണി: ഭൂ​മി​യാം​കു​ള​ത്ത് മോ​ഷ​ണ പ​ര​മ്പ​ര. കു​ന്ന​പ്പി​ള്ളി​യി​ൽ ജി​ൻ​സി​ന്‍റെ വീ​ട്ടി​ൽ അ​ല​മാ​ര​യി​ൽ സൂ​ക്ഷി​ച്ചി​രു​ന്ന ര​ണ്ട​ര പ​വ​​ന്‍റെ​യും ഒ​ന്ന​ര പ​വ​​ന്‍റെ​യും സ്വ​ർ​ണ​മാ​ല​ക​ൾ അ​പ​ഹ​രി​ച്ചു. വീ​ട്ടി​ൽ ആ​രു​മി​ല്ലാ​തി​രു​ന്ന പ​ക​ൽസ​മ​യ​ത്താ​ണ് മോ​ഷ​ണം ന​ട​ന്ന​ത്.

ക​ത​കി​​ന്‍റെ പൂ​ട്ടു​കു​ത്തി​ത്തു​റ​ന്ന് അ​ക​ത്തു ക​യ​റി​യ മോ​ഷ്ടാ​വ് അ​ല​മാ​ര​യു​ടെ മു​ക​ളി​ൽ സൂ​ക്ഷി​ച്ചി​രു​ന്ന താ​ക്കോ​ലെ​ടു​ത്ത് അ​ല​മാ​ര​തു​റ​ന്ന് മാ​ല എ​ടു​ത്ത ശേ​ഷം സ്ഥ​ലം വി​ടു​ക​യാ​യി​രു​ന്നു. വൈ​കു​ന്നേ​രം വീ​ട്ടി​ലെ​ത്തി​യ​പ്പോ​ഴാ​ണ് വീ​ട്ടു​കാ​ർ മോ​ഷ​ണ വി​വ​രം അ​റി​യു​ന്ന​ത്.

ജി​ൻ​സി​​ന്‍റെ പ​രാ​തി​യി​ൽ ഇ​ടു​ക്കി​പോ​ലീ​സെ​ത്തി അ​ന്വേ​ഷ​ണം ആ​രം​ഭി​ച്ചു. ഭൂ​മി​യാം​കു​ള​ത്ത് ഒ​രു മാ​സ​ത്തി​നു​ള്ളി​ൽ ന​ട​ക്കു​ന്ന സ​മാ​ന രീ​തി​യി​ലു​ള്ള മൂ​ന്നാ​മ​ത്തെ മോ​ഷ​ണ​മാ​ണി​ത്. കു​മ്പി​ളി​മൂ​ട്ടി​ൽ ജ​നി സാ​ബു, പു​ളി​ക്ക​ക്കു​ന്നേ​ൽ മേ​രി ഏ​ബ്ര​ഹാം എ​ന്നി​വ​രു​ടെ വീ​ട്ടി​ൽനി​ന്നും സ്വ​ർ​ണ മാ​ല മോ​ഷ്ടി​ക്ക​പ്പെ​ട്ടി​രു​ന്നു. ഇ​വ​രു​ടെ അ​ല​മാ​ര​യി​ൽ സ്വ​ർ​ണ​മാ​ല​യോ​ടൊ​പ്പം വ​ച്ചി​രു​ന്ന പ​ണം മോ​ഷ്ടി​ക്ക​പ്പെ​ട്ടി​രു​ന്നി​ല്ല. എ​ല്ലാ​യി​ട​ത്തും മോ​ഷ​ണം ന​ട​ന്നി​രി​ക്കു​ന്ന​ത് പ​ക​ലാ​ണ്.

മു​രി​ക്കാ​ശേ​രി പോ​ലീ​സ് സ്‌​റ്റേ​ഷ​ൻ അതി​ർ​ത്തി​യി​ലെ മേ​ലേ​ചി​ന്നാ​റി​ൽ ക​ഴി​ഞ്ഞ രാ​ത്രി മൂ​ന്നു ക​ട​ക​ളി​ലും മോ​ഷ​ണം ന​ട​ന്നു. ക​ഴി​ഞ്ഞ ഏ​ഴി​ന് ഇ​ടു​ക്കി​യി​ലു​ള്ള ഫ്ര​ണ്ട്സ് ബേ​ക്ക​റി​യി​ൽനി​ന്ന് 9,500 രൂ​പ​യും 2,000 രൂ​പ​യു​ടെ ബേ​ക്ക​റി സാ​ധ​ന​ങ്ങ​ളും മോ​ഷ​ണം പോ​യി. അ​തി​നു മു​ൻ​പ് കീ​രി​ത്തോ​ട്ടി​ൽ ഒ​റ്റ​രാ​ത്രി അ​ഞ്ചു ക​ട​ക​ളി​ൽ മോ​ഷ​ണ ശ്ര​മം ന​ട​ന്നു.