ചെറു​തോ​ണി: ഇ​ടു​ക്കി മെ​ഡി​ക്ക​ൽ കോ​ള​ജാ​ശു​പ​ത്രി​യു​ടെ സം​ര​ക്ഷ​ണ​ഭി​ത്തി ത​ക​ർ​ന്നുവീ​ഴാ​റാ​യ നി​ല​യി​ൽ. ജി​ല്ലാ ആ​ശു​പ​ത്രി​യു​ടെ ഭാ​ഗ​മാ​യി നി​ർ​മി​ച്ച പ​ഴ​യ കെ​ട്ടി​ട​ത്തി​ന്‍റെ സം​ര​ക്ഷ​ണഭി​ത്തി​യാ​ണ് ത​ക​രാ​റാ​യി​രി​ക്കു​ന്ന​ത്. ജ​ന​പ്ര​തി​നി​ധി​ക​ളും ജി​ല്ലാ ഭ​ര​ണ​കൂ​ട​വും തി​രി​ഞ്ഞുനോ​ക്കു​ന്നി​ല്ലെ​ന്നും ആ​ക്ഷേ​പം.

25 അ​ടി​യോ​ളം ഉ​യ​ര​മു​ള്ള ക​രി​ങ്ക​ൽ ഭി​ത്തി​യി​ൽ 20 അ​ടി​യി​ല​ധി​കം നീ​ള​ത്തി​ലാ​ണ് ക​ല്ലു​ക​ൾ ഇ​ള​കി പു​റ​ത്തേ​ക്ക് ത​ള്ളി നി​ൽ​ക്കു​ന്ന​ത്. ക​രി​ങ്ക​ൽ കെ​ട്ടി​നി​ട​യി​ലു​ള്ള കോ​ൺ​ക്രീ​റ്റ് ബെ​ൽ​റ്റി​​ന്‍റെ ബ​ല​ത്തി​ലാ​ണ് സം​ര​ക്ഷ​ണ​ഭി​ത്തി വീ​ഴാ​തെ നി​ൽ​ക്കു​ന്ന​ത്. ക​രി​ങ്ക​ൽ ക​ഷ​ണ​ങ്ങ​ളി​ൽ ഒ​രെ​ണ്ണം താ​ഴെ വീ​ണാ​ൽ ഭി​ത്തി മു​ഴു​വ​നാ​യും നി​ലം പ​തി​ക്കും.

ആ​ശു​പ​ത്രി​യി​ലേ​ക്കു​ള്ള ഏ​ക റോ​ഡി​ലേ​ക്കാ​ണ് സം​ര​ക്ഷ​ണ​ഭി​ത്തി ത​ക​ർ​ന്നുവീ​ഴു​ക. മെ​ഡി​ക്ക​ൽ കോ​ള​ജി​ലേ​ക്കും ചെ​റു​തോ​ണി അ​ണ​ക്കെ​ട്ടി​ലേ​ക്കും ഒ​രു സ്വ​കാ​ര്യ സ്കൂ​ളി​ലേ​ക്കു​മെ​ല്ലാം ആ​ളു​ക​ൾ സ​ഞ്ച​രി​ക്കു​ന്ന റോ​ഡാ​ണി​ത്. സ​ദാ സ​മ​യ​വും ഇ​തു​വ​ഴി വാ​ഹ​ന​ങ്ങ​ളി​ലും കാ​ൽ​ന​ട​യാ​യും ജ​ന​ങ്ങ​ൾ സ​ഞ്ച​രി​ക്കു​ന്ന​താ​ണ്. സം​ര​ക്ഷ​ണ​ഭി​ത്തി ത​ക​ർ​ന്നുവീ​ണാ​ൽ വ​ൻ ദു​ര​ന്തം ത​ന്നെ സം​ഭ​വി​ച്ചേ​ക്കാം.

മാ​ത്ര​മ​ല്ല നാ​ലു നി​ല​യി​ലാ​യി പ്ര​വ​ർ​ത്തി​ക്കു​ന്ന ആ​ശു​പ​ത്രി കെ​ട്ടി​ട​വും അ​പ​ക​ട​ത്തി​ലാ​യേ​ക്കാം. നി​ല​വി​ൽ ഈ ​കെ​ട്ടി​ട​ത്തി​ൽ സ്ത്രീ​ക​ളു​ടെ​യും കു​ട്ടി​ക​ളു​ടെ​യും വി​ഭാ​ഗ​വും ഐ​സി​യു, ഓ​പ്പ​റേ​ഷ​ൻ തി​യ​റ്റ​ർ തു​ട​ങ്ങി​യ​വ​യാ​ണ് പ്ര​വ​ർ​ത്തി​ക്കു​ന്ന​ത്. സം​ര​ക്ഷ​ണ​ഭി​ത്തി കാ​ടു​മൂ​ടി കി​ട​ന്നി​രു​ന്ന​തി​നാ​ലാ​ണ് ശ്ര​ദ്ധി​ക്കാ​തി​രു​ന്ന​ത്. നാ​ളു​ക​ൾ​ക്ക് മു​മ്പ് സ​ന്ന​ദ്ധ പ്ര​വ​ർ​ത്ത​ക​ർ കാ​ട് വെ​ട്ടിത്തെ​ളി​ച്ച​തോ​ടെ​യാ​ണ് വി​ണ്ടു​കീ​റി റോ​ഡി​ലേ​ക്ക് ത​ള്ളി നി​ൽ​ക്കു​ന്ന സം​ര​ക്ഷ​ണ​ഭി​ത്തി ശ്രദ്ധയിൽപ്പെട്ടത്.