ഇ​ടു​ക്കി: ജി​ല്ല​യു​ടെ 41-ാമ​ത് ക​ള​ക്ട​റാ​യി വി. ​വി​ഘ്നേ​ശ്വ​രി ചു​മ​ത​ല​യേ​റ്റു. ജി​ല്ല​യി​ലെ ജ​ന​ങ്ങ​ളു​ടെ ജീ​വി​തം കൂ​ടു​ത​ൽ മെ​ച്ച​പ്പെ​ട്ട​താ​ക്കാ​ൻ പ​ര​മാ​വ​ധി പ്ര​യ​ത്നി​ക്കു​മെ​ന്ന് ക​ള​ക്ട​ർ പ​റ​ഞ്ഞു.

പ​രി​സ്ഥി​തി​യെ സം​ര​ക്ഷി​ച്ച് ജി​ല്ല​യി​ൽ വി​ക​സ​നം ഉ​റ​പ്പാ​ക്കാ​ൻ ശ്ര​മി​ക്കു​മെ​ന്നും അ​വ​ർ പ​റ​ഞ്ഞു. ഇ​ന്ന​ലെ രാ​വി​ലെ പ​ത്ത​ര​യോ​ടെ ക​ള​ക്ട​റേ​റ്റി​ൽ ഭ​ർ​ത്താ​വാ​യ എ​റ​ണാ​കു​ളം ജി​ല്ലാ ക​ള​ക്ട​ർ എ​ൻ.​എ​സ്.​കെ. ഉ​മേ​ഷി​നോ​ടും കു​ടും​ബാം​ഗ​ങ്ങ​ളോ​ടു​മൊ​പ്പം എ​ത്തി​യ ജി​ല്ലാ ക​ള​ക്ട​റെ ഇ​ടു​ക്കി സ​ബ് ക​ള​ക്ട​ർ ഡോ. ​അ​രു​ണ്‍ എ​സ്. നാ​യ​ർ, ദേ​വി​കു​ളം സ​ബ് ക​ള​ക്ട​ർ വി.​എം.​ ജ​യ​കൃ​ഷ്ണ​ൻ, എ​ഡി​എം ബി.​ ജ്യോ​തി, ക​ള​ക്ട​റേ​റ്റ് ജീ​വ​ന​ക്കാ​ർ എ​ന്നി​വ​ർ ചേ​ർ​ന്ന് സ്വീ​ക​രി​ച്ചു. പി​ന്നീ​ട് റ​വ​ന്യു വ​കു​പ്പി​ൽ അ​ഡീ​ഷ​ണ​ൽ സെ​ക്ര​ട്ട​റി​യാ​യി സ്ഥ​ലം​മാ​റ്റം ല​ഭി​ച്ച മു​ൻ ക​ള​ക്ട​ർ ഷീ​ബ ജോ​ർ​ജി​ൽനി​ന്ന് ചു​മ​ത​ല​യേ​റ്റെ​ടു​ത്തു.

പി​താ​വ് കെ.​ആ​ർ.​ വേ​ലൈ​ച്ചാ​മി, മാ​താ​വ് എം.​എ​സ്.​വി. ശാ​ന്തി, സ​ഹോ​ദ​രി ഡോ. ​വി. ഭു​വ​നേ​ശ്വ​രി, സ​ഹോ​ദ​രി​യു​ടെ മ​ക്ക​ളാ​യ ധ​നു​ശ്രീ, ഋ​ഷി​ക് ത​രൂ​ണ്‍ എ​ന്നി​വ​രും ക​ള​ക്ട​ർ​ക്കൊ​പ്പ​മു​ണ്ടാ​യി​രു​ന്നു. 2015 ബാ​ച്ച് കേ​ര​ള കേ​ഡ​ർ ഐ​എ​എ​സ് ഓ​ഫീ​സ​റാ​ണ് ത​മി​ഴ്നാ​ട് മ​ധു​ര സ്വ​ദേ​ശി​യാ​യ വി​ഘ്നേ​ശ്വ​രി. കെ​ടി​ഡി​സി എം​ഡി​യാ​യും കോ​ള​ജി​യ​റ്റ് എ​ഡ്യു​ക്കേ​ഷ​ൻ ഡ​യ​റ​ക്ട​റാ​യും പ്ര​വ​ർ​ത്തി​ച്ചി​ട്ടു​ണ്ട്. കോ​ട്ട​യം ജി​ല്ലാ ക​ള​ക്ട​ർ പ​ദ​വി​യി​ൽനി​ന്നാ​ണ് ഇ​ടു​ക്കി​യി​ലേ​ക്ക് എ​ത്തു​ന്ന​ത്.