തൊ​ടു​പു​ഴ: ക​ന​ത്ത മ​ഴ​യി​ൽ തൊ​ടു​പു​ഴ, കു​മ്മം​ക​ല്ല്, ഇ​ട​വെ​ട്ടി മേ​ഖ​ല​ക​ളി​ലു​ണ്ടാ​യ​ത് വ്യാ​പ​ക നാ​ശം. ബു​ധ​നാ​ഴ്ച വൈ​കു​ന്നേ​രം വീ​ശി​യ​ടി​ച്ച കാ​റ്റി​ൽ ന​ഗ​ര​ത്തി​ൽ പ​ല​യി​ട​ത്തും മ​ര​ങ്ങ​ളും വൈ​ദ്യു​തി പോ​സ്റ്റു​ക​ളും മ​റി​ഞ്ഞു വീ​ണു.

ഇ​തേത്തുട​ർ​ന്ന് പ്ര​ദേ​ശ​ത്തേ​ക്കു​ള്ള ഗ​താ​ഗ​തം സ്തം​ഭി​ച്ചു. കൂ​റ്റ​ൻ മ​രം റോ​ഡി​ലേ​ക്ക് മ​റി​ഞ്ഞുവീ​ണാ​ണ് പ്ര​ദേ​ശ​ത്തെ ഗ​താ​ഗ​വും വൈ​ദ്യു​തി​യു​മ​ട​ക്കം സ്തം​ഭി​ച്ച​ത്. 24 മ​ണി​ക്കൂ​ർ പി​ന്നി​ട്ടി​ട്ടും ഇ​തു വ​ഴി​യു​ള്ള ഗ​താ​ഗ​തം പു​ന​ഃസ്ഥാ​പി​ക്കാ​ത്ത​ത് യാ​ത്ര​ക്കാ​രെ ദു​രി​ത​ത്തി​ലാ​ക്കി. ഒ​ടി​ഞ്ഞ​ത് കൂ​റ്റ​ൻ​മ​ര​മാ​യ​തി​നാൽ വൈ​ദ്യു​തി പോ​സ്റ്റു​ക​ള​ട​ക്കം ത​ക​ർ​ന്നു. ഗ​താ​ഗ​ത​വും വൈ​ദ്യു​തി​യും പൂ​ർ​ണ​മാ​യും രാ​ത്രി​യോ​ടെ എല്ലാം പു​ന​ഃസ്ഥാ​പി​ക്കാ​നാ​ണ് ശ്ര​മം ന​ട​ത്തു​ന്ന​തെ​ന്ന് അ​ധി​കൃ​ത​ർ പ​റഞ്ഞു. പ്ര​ദേ​ശ​ത്തെ നി​ര​വ​ധി വീ​ടു​ക​ളി​ലേ​ക്കും മ​രം വീ​ണ് നാ​ശം സം​ഭ​വി​ച്ചി​ട്ടു​ണ്ട്.

കോ​ടി​ക്കു​ളം ചെ​റു​തോ​ട്ടി​ൻക​ര​യി​ൽ ഇ​ന്ന​ലെ വൈ​കു​ന്നേ​രം 5.45 ഓ​ടെ​യു​ണ്ടാ​യ ശ​ക്ത​മാ​യ കാ​റ്റി​ലും മ​ഴ​യി​ലും മ​ര​ങ്ങ​ൾ വീ​ണ് ഗ​താ​ഗ​തം ത​ട​സ​പ്പെ​ടു​ക​യും വൈ​ദ്യു​തി ബ​ന്ധം ത​ക​രാ​റി​ലാ​കു​ക​യും ചെ​യ്തു. കോ​ടി​ക്കു​ളം, ത​ട്ട​ക്കു​ഴ എ​ന്നി​വി​ട​ങ്ങ​ളി​ലും മ​രം വീ​ണ് ഗ​താ​ഗ​തം ത​ട​സ​പ്പെ​ട്ടു. ഫ​യ​ർ​ഫോ​ഴ്സി​ന്‍റെ​യും പോ​ലീ​സി​ന്‍റെ​യും നാ​ട്ടു​കാ​രു​ടെ​യും നേ​തൃ​ത്വ​ത്തി​ൽ മ​ര​ങ്ങ​ൾ മു​റി​ച്ചുനീ​ക്കി. ത​ട്ട​ക്കു​ഴ ശ്രീ ​മ​ഹാ​ദേ​വ ക്ഷേ​ത്ര​ത്തി​ലെ കൂ​റ്റ​ൻ ആ​ൽ​മ​രം ഇ​ന്ന​ലെ​യു​ണ്ടാ​യ കാ​റ്റി​ൽ ക​ട​പു​ഴ​കി വീ​ണു.