യുക്മ ഈസ്റ്റ് ആൻഡ് വെസ്റ്റ് മിഡ്ലാൻഡ്സ് റീജിയണൽ കലാമേള സമാപിച്ചു
രാജപ്പൻ വർഗീസ്
Tuesday, October 21, 2025 3:25 PM IST
കവൻട്രി: യുക്മ ഈസ്റ്റ് ആൻഡ് വെസ്റ്റ് മിഡ്ലാൻഡ്സ് റീജിയണൽ കലാമേള സമാപിച്ചു. ലെസ്റ്റർ (എൽകെസി) അസോസിയേഷൻ 191 പോയിന്റോടെ ഒന്നാം സ്ഥാനവും വാൽമ (വാർവിക് & ലെമിംഗ്ടൺ) അസോസിയേഷൻ രണ്ടാം സ്ഥാനവും 73 പോയിന്റോടെ കവൻട്രി (സികെസി) അസോസിയേഷൻ മൂന്നാം സ്ഥാനവും കരസ്ഥമാക്കി.
കലാതിലകമായി വാർവിക് ആൻഡ് ലെമിംഗ്ടൺ അസോസിയേഷന്റെ (വാൽമ) അദ്വൈത പ്രശാന്തനും കലാപ്രതിഭയായി ലെസ്റ്റർ കേരള കമ്മ്യൂണിറ്റിയുടെ കലേഷ് ടി. രമണിയും പുരസ്കാരങ്ങൾ കരസ്ഥമാക്കി. കവൻട്രിയിൽ നടന്ന കലാമേളയിൽ മിഡ്ലാൻഡ്സ് റീജിയണൽ പ്രസിഡന്റ് അഡ്വ. ജോബി പുതുകുളങ്ങര നേതൃത്വം വഹിച്ചു.
കവൻട്രി കേരള കമ്യൂണിറ്റി ആതിഥേയത്വം വഹിച്ച കലാമേള യുക്മ നാഷണൽ സെക്രട്ടറി ജയകുമാർ നായർ ഉദ്ഘാടനം ചെയ്തു. ചടങ്ങിൽ നാഷനൽ വൈസ് പ്രസിഡന്റും കലാമേള കോഓർഡിനേറ്ററുമായ വർഗീസ് ഡാനിയേൽ, നാഷനൽ വൈസ് പ്രസിഡന്റ് സ്മിത തോട്ടം, നാഷണൽ ജോയിന്റ് സെക്രട്ടറി സണ്ണിമോൻ മത്തായി, ദേശീയ നിർവാഹക സമിതി അംഗം ജോർജ് തോമസ് എന്നിവർ മുഖ്യാതിഥികളായിരുന്നു.
റീജിയണൽ സെക്രട്ടറി ലൂയിസ് മേനാച്ചേരി സ്വാഗതവും ട്രഷറർ പോൾ ജോസഫ് നന്ദിയും പറഞ്ഞു. കിഡ്സ് വിഭാഗത്തിൽ ലെസ്റ്റർ കേരള കമ്യൂണിറ്റിയിൽ നിന്നുള്ള രേവതി അജീഷ്, സബ്ജൂണിയർ വിഭാഗത്തിൽ വാൽമ (വാർവിക് & ലെമിംഗ്ടൺ) അസോസിയേഷനിൽ നിന്നുള്ള അമേയ കൃഷ്ണ നിധീഷ്, ജൂണിയർ വിഭാഗത്തിൽ ഇതേ അസോസിയേഷനിൽ നിന്നുള്ള അദ്വൈത പ്രശാന്ത് എന്നിവർ വ്യക്തിഗത വിഭാഗത്തിൽ ചാമ്പ്യന്മാരാകുകയും സീനിയർ വിഭാഗത്തിൽ ലെസ്റ്റർ കേരള കമ്യൂണിറ്റിയിൽ നിന്നുള്ള അഞ്ജന രമ്യയും കവൻട്രി കേരള കമ്യൂണിറ്റിയിൽ നിന്നുള്ള ഐശ്വര്യ വിനു നായരും വ്യക്തിഗത ചാമ്പ്യന്മാരായി തെരഞ്ഞെടുക്കപ്പെട്ടു.
സമാപന സമ്മേളനത്തിൽ നാഷണൽ പ്രസിഡന്റ് അഡ്വ. എബി സെബാസ്റ്റ്യൻ സമ്മാനദാനം നിർവഹിച്ചു. റീജിയണൽ കലാമേള കോഓർഡിനേറ്റർ രേവതി അഭിഷേക്, റീജിയണൽ വൈസ് പ്രസിഡന്റുമാരായ ജോസ് തോമസ്, സോമി കുരുവിള, റീജിയണൽ ജോയിന്റ് സെക്രട്ടറിമാരായ രാജീവ് ജോൺ, അനിത മധു, റീജിയണൽ ജോയിന്റ് ട്രഷറർ ജോർജ് മാത്യു, റീജിയണൽ പിആർഒ രാജപ്പൻ വർഗീസ്, റീജിയണൽ മീഡിയ കോഓർഡിനേറ്റർ അരുൺ ജോർജ്, റീജിയണൽ നഴ്സസ് ഫോറം കോഓർഡിനേറ്റർ സനൽ ജോസ്, വിമൻസ് ഫോറം കോഓർഡിനേറ്റർ ബെറ്റി തോമസ്, മുൻ നാഷണൽ ട്രഷറർമാരായ ഡിക്സ് ജോർജ്, അനീഷ് ജോൺ, മുൻ നാഷണൽ വൈസ് പ്രസിഡന്റ് ബീന സെൻസ്, മുൻ സ്പോർട്സ് കോഓർഡിനേറ്റർ സെൻസ് ജോസ് എന്നിവരും
സികെസി പ്രസിഡന്റ് ബാബു എബ്രാഹം, സെക്രട്ടറി രേവതി നായർ, യുക്മ മിഡ്ലാൻഡ്സ് അംഗ അസോസിയേഷൻ പ്രസിഡന്റുമാർ, സെക്രട്ടറിമാർ, അസോസിയേഷൻ ഭാരവാഹികൾ, അസോസിയേഷന്റെ യുക്മ പ്രതിനിധികൾ, ഓഫീസ് ഭാരവാഹികളായ ബൈജു തോമസ്, അജയ് പെരുമ്പലത്തു, സൂരജ് തോമസ്, സുനിൽ ഡാനിയേൽ, ജോഷി മാത്യു, ബിജു തോമസ്, ലൈറ്റ് & സൗണ്ട് നൽകിയ ബിജു കൊച്ചുതള്ളിയിൽ, പ്രധാന വേദി നിയന്ത്രിച്ച ജിനോ സെബാസ്റ്റ്യൻ, ബാക്കി വേദികൾ നിയന്ത്രിച്ച ബിനു ഏലിയാസ്, അജിത് ബാലകൃഷ്ണൻ, അജീഷ് നായർ, ഷൈനി ബിജോയ്, സോമി കുരുവിള, റ്റിജോ ജോസഫ്, സജീവൻ വൂസ്റ്റർ, ഡിനു വർഗീസ്, സാബു വടക്കേൽ, ബെന്നി വർഗീസ്, സിജി മാത്യു, ആഷ്ലി മാത്യു, മിഥു ജെയിംസ് എന്നിവരും ഏകദേശം 26 അസോസിയേഷനിൽ നിന്നായി എണ്ണൂറോളം മത്സരാർഥികളും 1500-ൽ അധികം കാണികളും കലാമേളയിൽ പങ്കാളികളായി.