ചെല്ലാനം തീരത്ത് വീപ്പ കരയ്ക്കടിഞ്ഞത് പരിഭ്രാന്തി പരത്തി
Tuesday, June 17, 2025 2:34 AM IST
പള്ളുരുത്തി: ചെല്ലാനത്ത് കടലിലൂടെ വീപ്പ ഒഴുകിയെത്തിയത് പരിഭ്രാന്തി സൃഷ്ടിച്ചു. ഇന്നലെ പുലർച്ചെ ചെല്ലാനം മാലാഖപ്പടിയിൽ ടെട്രാപോഡിന് സമീപത്തായാണ് വീപ്പ കണ്ടെത്തിയത്.
മുങ്ങിയ കപ്പലിൽനിന്ന് എത്തിപ്പെട്ടതാണെന്ന് സമൂഹ മാധ്യമങ്ങളിൽ പ്രചാരണം പരന്നതോടെയാണ് ജനങ്ങൾ പരിഭ്രാന്തരായത്. സംഭവമറിഞ്ഞ് കസ്റ്റംസ് ഉദ്യോഗസ്ഥർ എത്തി വീപ്പ പരിരോധിച്ചപ്പോൾ കാലിയാണെന്ന് മനസിലായി. വീപ്പ കസ്റ്റംസ് യാർഡിലേക്ക് മാറ്റി.