ഗാര്‍ഹിക തൊഴിലാളികള്‍ക്കായി സമഗ്ര നിയമം നടപ്പാക്കണമെന്ന്
Tuesday, June 17, 2025 2:34 AM IST
കൊച്ചി: ഗാര്‍ഹിക തൊഴിലാളികളുടെ സുരക്ഷയും ക്ഷേമവും രാജ്യത്ത് ഉറപ്പാക്കുന്ന സമഗ്ര നിയമം നടപ്പാക്കണമെന്ന് കേരള ലേബര്‍ മൂവ്‌മെന്‍റിന്‍റെ നേതൃത്വത്തിലുള്ള ഗാര്‍ഹിക തൊഴിലാളി ഫോറം ആവശ്യപ്പെട്ടു.
അന്തരാഷ്‌ട്ര ഗാര്‍ഹിക തൊഴിലാളി ദിനത്തോടനുബന്ധിച്ച് പിഒസിയില്‍ സംഘടിപ്പിച്ച സമ്മേളനം കെഎല്‍എം അസോസിയേറ്റ് ഡയറക്ടര്‍ ജോസഫ് ജൂഡ് ഉദ്ഘാടനം ചെയ്തു. ഫോറം ജനറല്‍ സെക്രട്ടറി ശോഭ ആന്‍റണി അധ്യക്ഷത വഹിച്ചു.
ബാബു തണ്ണിക്കോട്, അഡ്വ. തോമസ് മാത്യു, ഡിക്‌സണ്‍ മനീക്ക്, ബെറ്റ്‌സി ബ്ലെയ്‌സ് എന്നിവര്‍ പ്രസംഗിച്ചു. ‘സാമൂഹിക, സാമ്പത്തിക യാഥാര്‍ഥ്യങ്ങളും സ്ത്രീ ശക്തീകരണവും’ എന്ന വിഷയത്തില്‍ ഡോ. ലിന്‍ഡ തെരേസ ലൂയീസ് ക്ലാസ് നയിച്ചു.