പ്രതിപക്ഷത്തിനെതിരേ ശക്തമായ പോരിനു തയാറെടുക്കുക: നരേന്ദ്ര മോദി
Wednesday, March 29, 2023 12:56 AM IST
ന്യൂഡൽഹി: പ്രതിപക്ഷത്തിന്റെ ശക്തമായ പോരാട്ടത്തെ നേരിടാൻ തയാറെടുക്കണമെന്നു ബിജെപി പ്രവർത്തകരോട് പ്രധാനമന്ത്രി നരേന്ദ്ര മോദിയുടെ ആഹ്വാനം.
തെരഞ്ഞെടുപ്പുകളിൽ കൂടുതൽ ജയിക്കുംതോറും പ്രതിപക്ഷ പാർട്ടികളിൽനിന്നു കൂടുതൽ പ്രതിഷേധമുണ്ടാകുമെന്നും മോദി പറഞ്ഞു. പാർലമെന്റിൽ ഇന്നലെ രാവിലെ നടന്ന ബിജെപി എംപിമാരുടെ യോഗത്തിൽ പ്രസംഗിക്കുകയായിരുന്നു അദ്ദേഹം.
പാർലമെന്റ് സമ്മേളനം മുൻ നിശ്ചയിച്ചതുപോലെ അടുത്ത മാസം ആറുവരെ തുടർന്നേക്കുമെന്ന സൂചന മോദി നൽകിയതായി ബിജെപി എംപിമാർ അറിയിച്ചു.