കൊ​ളം​ബോ: ക​ടു​ത്ത സാ​ന്പ​ത്തി​ക-​ഇ​ന്ധ​ന പ്ര​തി​സ​ന്ധി നേ​രി​ടു​ന്ന ശ്രീ​ല​ങ്ക​യോ​ട് വി​ദേ​ശക​ടം പു​നഃ​സം​ഘ​ടി​പ്പി​ക്കു​ന്ന​ത് വേ​ഗ​ത്തി​ലാ​ക്കാ​ൻ അ​ന്താ​രാ​ഷ്‌ട്ര നാ​ണ​യ നി​ധി(​ഐ​എം​എ​ഫ്) ആ​വ​ശ്യ​പ്പെ​ട്ടു. ഇ​ക്കാ​ര്യ​ത്തി​ൽ വ​രു​ത്തു​ന്ന കാ​ല​താ​മ​സം രാ​ജ്യ​ത്തി​ന്‍റെ ഏ​റ്റ​വും സാ​ന്പ​ത്തി​ക പ്ര​തി​സ​ന്ധി​യെ മ​റി​ക​ട​ക്കാ​നു​ള്ള ശ്ര​മ​ങ്ങ​ളെ ദു​ർ​ബ​ല​പ്പെ​ടു​ത്തു​മെ​ന്നും ഐ​എം​എ​ഫ് മു​ന്ന​റി​യി​പ്പ് ന​ൽ​കി.

ശ്രീ​ല​ങ്ക ആ​ഭ്യ​ന്ത​രക​ട​വും പു​നഃ​ക്ര​മീ​ക​രി​ക്ക​ണ​മെ​ന്നും ഐ​എം​എ​ഫ് നി​ർ​ദേ​ശി​ച്ചു. സെ​പ്റ്റം​ബ​റി​നു മു​ന്പു​ത​ന്നെ വി​ദേ​ശ​ക​ടം പു​ന​ക്ര​മീ​ക​ര​ണം പൂ​ർ​ത്തി​യാ​ക്ക​ണ​മെ​ന്നും ഐ​എം​എ​ഫ് ശ്രീ​ല​ങ്ക​യോ​ട് നി​ർ​ദേ​ശി​ച്ചു. ലോ​കം മു​ഴു​വ​ൻ സാ​ന്പ​ത്തി​ക മാ​ന്ദ്യ​ത്തി​ന്‍റെ നി​ഴ​ലി​ൽ ക​ഴി​യു​ന്ന സാ​ഹ​ച​ര്യ​ത്തി​ൽ ഇത് വളരെ അ ത്യാവശ്യമാണെന്നും ഐ​എം​എ​ഫ് ചൂണ്ടിക്കാട്ടി.

ക​ഴി​ഞ്ഞ വ​ർ​ഷം അ​വ​സാ​നം​ വ​രെ ശ്രീ​ല​ങ്ക​യു​ടെ പ്രാ​ദേ​ശി​ക ക​ടം ഏ​ക​ദേ​ശം 15,033 ബി​ല്യ​ണ്‍ രൂ​പ (50 ബി​ല്യ​ണ്‍ ഡോ​ള​ർ) ആ​ണെ​ന്നാ​ണ് ക​ണ​ക്കാ​ക്കു​ന്ന​ത്. വി​ദേ​ശക​ട​ങ്ങ​ൾ അ​ട​യ്ക്കു​ന്ന​തി​ൽ ശ്രീ​ല​ങ്ക വീ​ഴ്ച വ​രു​ത്തു​ക​യും പ്ര​തി​സ​ന്ധി പ​രി​ഹ​രി​ക്കാ​ൻ അ​ന്താ​രാ​ഷ്‌ട്ര സ​ഹാ​യം തേ​ടു​ക​യും ചെ​യ്തി​രു​ന്നു. ഇ​തും ഐ​എം​എ​ഫ് വി​ല​യി​രു​ത്തു​ന്നു​ണ്ട്. സാ​ന്പ​ത്തി​ക സ്ഥി​തി മെ​ച്ച​പ്പെ​ടു​ത്തു​ന്ന​തി​നു വി​ദേ​ശക​ടം പ​ര​മാ​വ​ധി കു​റ​യ്ക്ക​ണം.

കൂ​ടാ​തെ, ക​ടം ല​ഭ്യ​മാ​ക്കി​യി​രി​ക്കു​ന്ന രാ​ജ്യ​ങ്ങ​ളു​മാ​യി പ​ലി​ശ​യു​ടെ കാ​ര്യ​ത്തി​ലും തി​രി​ച്ച​ട​വു കാ​ലാ​വ​ധി​യി​ലും പു​തി​യ തീ​രു​മാ​ന​ങ്ങ​ളി​ലെ​ത്തേ​ണ്ട​തും വ​ള​രെ അ​ടി​യ​ന്ത​ര​മാ​യി പൂ​ർ​ത്തി​യാ​ക്ക​ണം. ഇ​ക്കാ​ര്യ​ത്തി​ൽ ത​ങ്ങ​ൾ​ക്ക് ചെ​യ്യാ​വു​ന്ന എ​ല്ലാ സ​ഹാ​യ​ങ്ങ​ളും ന​ൽ​കാ​ൻ ത​യാ​റാ​ണെ​ന്നും ഐ​എം​എ​ഫ് വ്യ​ക്ത​മാ​ക്കി​യി​ട്ടു​ണ്ട്.

ശ്രീ​ല​ങ്ക​യു​ടെ വാ​യ്പ​യു​ടെ 20 ശ​ത​മാ​ന​വും ചൈ​ന​യു​ടേ​താ​ണ്. 2017 ൽ, ​ക​ടം തി​രി​ച്ച​ട​യ്ക്കാ​ൻ വേ​ഗ​ത്തി​ൽ പ​ണം ല​ഭി​ക്കു​ന്ന​തി​നാ​യി ശ്രീ​ല​ങ്ക ഹ​ന്പ​ൻ​ടോ​ട്ട​യി​ലെ തു​റ​മു​ഖം ചൈ​ന​യ്ക്ക് പാ​ട്ട​ത്തി​ന് ന​ൽ​കി​യി​രു​ന്നു.

ചൈ​നീ​സ് പെ​ട്രോ​ളി​യം ക​ന്പ​നി​യു​മാ​യി ക​രാ​ർ

ഇ​തി​നി​ടെ, ഊ​ർ​ജ പ്ര​തി​സ​ന്ധി പ​രി​ഹ​രി​ക്കാ​ൻ ചൈ​നീ​സ് പെ​ട്രോ​ളി​യം ക​ന്പ​നി​യാ​യ സി​നോ​പെ​ക്കു​മാ​യി ക​രാ​ർ തി​ങ്ക​ളാ​ഴ്ച ഒ​പ്പു​വ​ച്ചി​രു​ന്നു. ശ്രീ​ല​ങ്ക​യു​ടെ റീ​ട്ടെ​യി​ൽ ഇ​ന്ധ​നവി​പ​ണി​യി​ൽ പ്ര​വേ​ശി​ച്ച് പെ​ട്രോ​ളി​യം ഉ​ത്പ​ന്ന​ങ്ങ​ൾ ഇ​റ​ക്കു​മ​തി ചെ​യ്യാ​നും സം​ഭ​രി​ക്കാ​നും വി​ത​ര​ണം ചെ​യ്യാ​നും വി​ൽ​ക്കാ​നും ഈ ​ക​രാ​ർ സി​നോ​പെ​ക്കി​ന് അ​വ​സ​ര​മൊ​രു​ക്കും. വി​ദേ​ശ​നാ​ണ്യ പ്ര​തി​സ​ന്ധി നേ​രി​ടു​ന്ന ശ്രീ​ല​ങ്ക ഊ​ർ​ജ പ്ര​തി​സ​ന്ധി പ​രി​ഹ​രി​ക്കാ​ൻ ക​രാ​ർ സ​ഹാ​യി​ക്കു​മെ​ന്നാ​ണ് ശ്രീ​ല​ങ്ക​ൻ ഭ​ര​ണ​കൂ​ടം പ്ര​തീ​ക്ഷി​ക്കു​ന്ന​ത്.


ക​രാ​ർ ഉ​പ​ഭോ​ക്താ​ക്ക​ൾ​ക്ക് ത​ട​സ​മി​ല്ലാ​തെ ഇ​ന്ധ​നവി​ത​ര​ണം ഉ​റ​പ്പാ​ക്കാ​ൻ സ​ഹാ​യി​ക്കു​മെ​ന്നാ​ണ് പ്ര​സി​ഡ​ന്‍റി​ന്‍റെ ഓ​ഫീ​സ് വാ​ർ​ത്താ​ക്കു​റി​പ്പി​ൽ അ​റി​യി​ച്ച​ത്.

ശ്രീ​ല​ങ്ക​യി​ൽ ചൈ​ന ന​ട​ത്തു​ന്ന ഇ​ട​പെ​ട​ലു​ക​ളെ ഇ​ന്ത്യ ആ​ശ​ങ്ക​യോ​ടെ​യാ​ണു കാ​ണു​ന്ന​ത്. ശ്രീ​ല​ങ്ക​യു​ടെ തു​റ​മു​ഖ​ങ്ങ​ളി​ലും ഊ​ർ​ജ​മേ​ഖ​ല​യി​ലും ചൈ​ന ന​ട​ത്തു​ന്ന നി​ക്ഷേ​പ​ങ്ങ​ളെ സം​ശ​യ​ദൃ​ഷ്ടി​യോ​ടെ​യാ​ണ് ഇ​ന്ത്യ വി​ല​യി​രു​ത്തു​ന്ന​ത്. ഇ​തി​നി​ടെ​യാ​ണ് സി​നോ​പെ​ക്കു​മാ​യി ശ്രീ​ല​ങ്ക പു​തി​യ ക​രാ​റി​ൽ ഏ​ർ​പ്പെ​ട്ടി​രി​ക്കു​ന്ന​ത്.

ശ്രീ​ല​ങ്ക​യു​മാ​യു​ള്ള ക​രാ​ർ പ്ര​കാ​രം, ശ്രീ​ല​ങ്ക​യി​ലെ സ​ർ​ക്കാ​ർ ഉ​ട​മ​സ്ഥ​ത​യി​ലു​ള്ള സി​ലോ​ണ്‍ പെ​ട്രോ​ളി​യം കോ​ർപറേ​ഷ​ന്‍റെ കീ​ഴി​ലു​ള്ള 150 ഇ​ന്ധ​ന സ്റ്റേ​ഷ​നു​ക​ൾ പ്ര​വ​ർ​ത്തി​പ്പി​ക്കു​ന്ന​തി​നും 50 പു​തി​യ ഇ​ന്ധ​ന സ്റ്റേ​ഷ​നു​ക​ൾ ആ​രം​ഭി​ക്കു​ന്ന​തി​നും സി​നോ​പെ​ക്കി​ന് 20 വ​ർ​ഷ​ത്തെ ലൈ​സ​ൻ​സ് ന​ൽ​കും. ലൈ​സ​ൻ​സ് ല​ഭി​ച്ച് 45 ദി​വ​സ​ത്തി​ന​കം സി​നോ​പെ​ക്കി​ന് ശ്രീ​ല​ങ്ക​യി​ൽ പ്ര​വ​ർ​ത്ത​നം ആ​രം​ഭി​ക്കാ​നാ​കും.

ക​ഴി​ഞ്ഞ വ​ർ​ഷം ശ്രീ​ല​ങ്ക​യി​ൽ സാ​ന്പ​ത്തി​ക പ്ര​തി​സ​ന്ധി രൂ​ക്ഷ​മാ​യ​പ്പോ​ൾ, ഇ​ന്ധ​നം ഇ​റ​ക്കു​മ​തി ചെ​യ്യാ​ൻ സ​ർ​ക്കാ​രി​ന് വി​ദേ​ശ ക​റ​ൻ​സി ക​ണ്ടെ​ത്താ​ൻ ക​ഴി​ഞ്ഞി​രു​ന്നി​ല്ല. ഇത്് ര​ണ്ടു മാ​സ​ത്തി​ലേ​റെ നീ​ണ്ടു​നി​ന്ന ക​ടു​ത്ത ഇ​ന്ധ​ന​ക്ഷാ​മ​ത്തി​നു കാ​ര​ണ​മാ​വു​ക​യും ചെ​യ്തി​രു​ന്നു. ഇ​തേ​ത്തു​ട​ർ​ന്നാണ് ശ്രീ​ല​ങ്ക റീ​ട്ടെ​യി​ൽ ഇ​ന്ധ​ന വി​പ​ണി വി​ദേ​ശ പെ​ട്രോ​ളി​യം ക​ന്പ​നി​ക​ൾ​ക്ക് തു​റ​ന്നു​കൊ​ടു​ക്കാ​ൻ തീ​രു​മാ​നി​ച്ചത്.

വി​ദേ​ശ നാ​ണ്യ​ത്തി​നാ​യി ശ്രീ​ല​ങ്ക​ൻ ബാ​ങ്കു​ക​ളെ ആ​ശ്ര​യി​ക്കാ​തെ ഇ​ന്ധ​നം വാ​ങ്ങാ​ൻ സ്വ​ന്തം ഫ​ണ്ട് ഉ​പ​യോ​ഗി​ക്കാ​നാ​ണ് ശ്രീ​ല​ങ്ക വി​ദേ​ശ പെ​ട്രോ​ളി​യം ക​ന്പ​നി​ക​ളോ​ട് ആ​വ​ശ്യ​പ്പെ​ട്ട​ത്. ഈ ​തീ​രു​മാ​ന​ത്തി​നു പി​ന്നാ​ലെ ഓ​സ്ട്രേ​ലി​യ​യു​ടെ യു​ണൈ​റ്റ​ഡ് പെ​ട്രോ​ളി​യം, യു​എ​സ് ക​ന്പ​നി​യാ​യ ആ​ർ​എം പാ​ർ​ക്സ് ഷെ​ല്ലു​മാ​യി സ​ഹ​ക​രി​ച്ച് ശ്രീ​ങ്ക​യി​ൽ പ്ര​വ​ർ​ത്തി​ക്കാ​ൻ ധാ​ര​ണ​യാ​യി​രു​ന്നു.