ദീപക് റെഡ്ഢി മണപ്പുറം സിഇഒ
Friday, August 1, 2025 11:19 PM IST
തൃശൂർ: ബാങ്കിതര ധനകാര്യസ്ഥാപനമായ മണപ്പുറം ഫിനാൻസ് ലിമിറ്റഡിന്റെ പുതിയ ചീഫ് എക്സിക്യൂട്ടീവ് ഓഫീസറായി ദീപക് റെഡ്ഢി ചുമതലയേറ്റു.
വ്യവസായരംഗത്തു മൂന്നു പതിറ്റാണ്ടിലേറെ അനുഭവസന്പത്തുള്ള റെഡ്ഡി ബജാജ് ഫിൻസെർവിൽ 17 വർഷത്തെ സേവനത്തിനുശേഷമാണ് മണപ്പുറം ഫിനാൻസിൽ എത്തുന്നത്. നേരത്തേ അമേരിക്കൻ എക്സ്പ്രസിൽ വ്യക്തിഗത, ചെറുകിട ബിസിനസ് വായ്പാവിഭാഗം തലവനും പ്ലാറ്റിനം ക്രെഡിറ്റ് കാർഡ് ഡയറക്ടറുമായിരുന്നു. സ്റ്റാൻഡേഡ് ചാർട്ടേഡ് ബാങ്കിലും ഉയർന്ന പദവി വഹിച്ചിട്ടുണ്ട്.
പുതിയ സിഇഒ ആയി ദീപക് റെഡ്ഢിയെ സ്വാഗതംചെയ്യാൻ സന്തോഷമുണ്ടെന്നു മണപ്പുറം ഫിനാൻസ് ലിമിറ്റഡ് മാനേജിംഗ് ഡയറക്ടറും നിലവിലെ സിഇഒയുമായ വി.പി. നന്ദകുമാർ പറഞ്ഞു.