ഫെഡറല്‍ ബാങ്ക് ഗ്രൂപ്പ് പ്രസിഡന്‍റ് കെ.എന്‍. സുനില്‍കുമാറിന് ലൈഫ് ടൈം അച്ചീവ്‌മെന്‍റ് അവാര്‍ഡ്
Thursday, September 11, 2025 12:03 AM IST
മുംബൈ: ഫിനാന്‍ഷല്‍ ക്രൈം കംപ്ലയന്‍സ് രംഗത്തെ ലൈഫ് ടൈം അച്ചീവ്‌മെന്‍റ് അവാര്‍ഡ് ഫെഡറല്‍ ബാങ്ക് ഗ്രൂപ്പ് പ്രസിഡന്‍റും ചീഫ് കംപ്ലയന്‍സ് ഓഫീസറുമായ കെ.എന്‍. സുനില്‍കുമാര്‍ കരസ്ഥമാക്കി. മുംബൈയില്‍ നടന്ന ചടങ്ങില്‍ കേന്ദ്ര ധനമന്ത്രാലയം എഫ്എടിഎഫ് സെല്‍ ജോയിന്‍റ് ഡയറക്ടര്‍ കനിക വാധവന്‍ പുരസ്‌കാരം സമ്മാനിച്ചു.
കംപ്ലയന്‍സ് മേഖലയിൽ 26 വര്‍ഷത്തിലേറെ പ്രവൃത്തിപരിചയമുള്ള സുനില്‍കുമാര്‍ റിസര്‍വ് ബാങ്ക് ഉള്‍പ്പെടെ നിരവധി പ്രമുഖ ബാങ്കുകളില്‍ ഉന്നതസ്ഥാനങ്ങള്‍ അലങ്കരിച്ചിട്ടുണ്ട്.
ഇന്ത്യയെ എഫ്എടിഎഫ് മൂല്യനിര്‍ണയത്തില്‍ പ്രതിനിധീകരിച്ച അഞ്ച് ബാങ്കുകളില്‍ ഒന്നായി ഫെഡറല്‍ ബാങ്കിനെ ഉയര്‍ത്താന്‍ കഴിഞ്ഞത് അദ്ദേഹത്തിന്‍റെ നേതൃപാടവത്തിന്‍റെ ഫലമായാണ്.