കെ.ആര്‍. മോഹനചന്ദ്രന്‍ കെഎല്‍എം ആക്‌സിവ എക്‌സിക്യൂട്ടിവ് വൈസ് പ്രസിഡന്‍റ്
Tuesday, September 9, 2025 10:59 PM IST
കൊച്ചി: സംസ്ഥാനത്തെ മുന്‍നിര ധനകാര്യ സേവനദാതാക്കളായ കെഎല്‍എം ആക്‌സിവ ഫിന്‍വെസ്റ്റിന്‍റെ എക്‌സിക്യൂട്ടിവ് വൈസ് പ്രസിഡന്‍റായി കെ.ആര്‍. മോഹനചന്ദ്രന്‍ ചുമതലയേറ്റു.
കംപ്ലയന്‍സ്, റെഗുലേറ്ററി അഫയേഴ്‌സ് എന്നിവയുടെ ചുമതലയായിരിക്കും മോഹനചന്ദ്രന്‍ നിര്‍വഹിക്കുക. ഫെഡറല്‍ ബാങ്കില്‍ ചീഫ് ജനറല്‍ മാനേജറും ചീഫ് റിസ്‌ക് ഓഫീസറുമായിരുന്നു. ഇസാഫ് സ്‌മോള്‍ ഫിനാന്‍സ് ബാങ്കില്‍ സീനിയര്‍ വൈസ് പ്രസിഡന്‍റും ചീഫ് റിസ്‌ക് ഓഫീസറുമായി പ്രവര്‍ത്തിച്ചിട്ടുണ്ട്.
മൈക്രോ ഫിനാന്‍സ് സ്ഥാപനമായ ലഹന്തി ലാസ്റ്റ് മൈല്‍ സര്‍വീസസില്‍ മാനേജിംഗ് ഡയറക്ടറുമായിരുന്നു. ധനകാര്യ സേവന മേഖലയില്‍ ദീര്‍ഘകാല അനുഭവസമ്പത്തുള്ള കെ.ആര്‍. മോഹനചന്ദ്രന്‍റെ സേവനം കൂടുതല്‍ വിപുലീകരണത്തിനു തയാറെടുക്കുന്ന കെഎല്‍എം ആക്‌സിവയ്ക്ക് മുതല്‍ക്കൂട്ടാകുമെന്ന് ചെയര്‍മാൻ ടി.പി. ശ്രീനിവാസന്‍ പറഞ്ഞു.