ടിവിഎസ് എന്‍ടോര്‍ക് 150 അവതരിപ്പിച്ചു
Monday, September 8, 2025 10:58 PM IST
കൊച്ചി: ഇരുചക്ര- മുച്ചക്ര വാഹന നിര്‍മാണ രംഗത്തെ ആഗോള മുന്‍നിര കമ്പനിയായ ടിവിഎസ് മോട്ടോര്‍ കമ്പനി (ടിവിഎസ്എം) ഇന്ത്യയിലെ ഏറ്റവും വേഗമേറിയ ഹൈപ്പര്‍ സ്പോര്‍ട്ട് സ്കൂട്ടറായ ടിവിഎസ് എന്‍ടോര്‍ക് 150 വിപണിയില്‍ അവതരിപ്പിച്ചു.
സ്റ്റെല്‍ത്ത് വിമാനങ്ങളുടെ രൂപകല്പനയില്‍ നിന്ന് പ്രചോദനം ഉള്‍ക്കൊണ്ട ഈ സ്കൂട്ടറിന് 149.7 സിസി റേസ് ട്യൂണ്‍ ചെയ്ത എൻജിനാണുള്ളത്.
പുതു തലമുറയിലെ റൈഡര്‍മാരെ ലക്ഷ്യമിട്ട് ഉയര്‍ന്ന പ്രകടനവും സ്പോര്‍ട്ടി സൗന്ദര്യവും അത്യാധുനിക സാങ്കേതികവിദ്യയും സമന്വയിപ്പിച്ചാണ് ടിവിഎസ് എന്‍ടോര്‍ക് 150 രൂപകല്പന ചെയ്തിരിക്കുന്നത്. 1,19,000 രൂപ എക്സ്ഷോറൂം പ്രത്യേക പ്രാരംഭ വിലയില്‍ പുതിയ എന്‍ടോര്‍ക് മോഡല്‍ ലഭ്യമാകും.
മള്‍ട്ടി-പോയിന്‍റ് പ്രൊജക്ടര്‍ ഹെഡ്‌ലാ‌ംബുകള്‍, സ്പോര്‍ട്ടി ടെയില്‍ ലാംബുകള്‍, എയ്റോഡൈനാമിക് വിംഗ്‌ലെറ്റുകള്‍, സിഗ്നേച്ചര്‍ ശബ്ദത്തോടുകൂടിയ സ്റ്റബ്ബി മഫ്ളര്‍, കളേര്‍ഡ് അലോയ് വീലുകള്‍ എന്നിവ സജ്ജീകരിച്ചിട്ടുണ്ടെന്ന് ടിവിഎസ് മോട്ടോര്‍ സീനിയര്‍ വൈസ് പ്രസിഡന്‍റ് അനിരുദ്ധ ഹല്‍ദര്‍ പറഞ്ഞു.