മും​​ബൈ: തു​​ട​​ർ​​ച്ച​​യാ​​യ മൂ​​ന്നു ദി​​വ​​സ​​ത്തെ ഇ​​ടി​​വി​​നു​​ശേ​​ഷം ആ​​ഴ്ച​​യു​​ടെ ആ​​ദ്യം മു​​ന്നേ​​റി​​യ ഇ​​ന്ത്യ​​ൻ ഓ​​ഹ​​രി സൂ​​ചി​​ക​​ക​​ൾ ര​​ണ്ടാം ദി​​നം താ​​ഴ്ന്നു.

ഇ​​ന്ന​​ലെ തു​​ട​​ക്ക​​ത്തി​​ലെ ഉ​​യ​​ർ​​ച്ച​​യ്ക്കു​​ശേ​​ഷം അ​​വ​​സാ​​ന മ​​ണി​​ക്കൂ​​റു​​ക​​ളി​​ൽ നി​​ക്ഷേ​​പ​​ക​​ർ ലാ​​ഭ​​മെ​​ടു​​പ്പി​​ലേ​​ക്കു മാ​​റി​​യ​​തോ​​ടെ​​യാ​​ണ് സൂ​​ചി​​ക​​ക​​ൾ താ​​ഴ്ന്ന​​ത്. ഇ​ന്ത്യ-​യു​എ​സ് ബ​ന്ധം വ​ഷ​ളാ​യ​തും ദു​ർ​ബ​ല​മാ​യ ആ​ഗോ​ള സൂ​ച​ന​ക​ളും വി​പ​ണി​ക്ക് തി​രി​ച്ച​ടി​യാ​യി.

ഇ​​ന്നും നാളെയുമായി നടക്കുന്ന ജി​​എ​​സ്ടി കൗ​​ണ്‍​സി​​ൽ മീ​​റ്റിം​​ഗി​​ലാണ് ഏവരുടെയും കണ്ണുകൾ. ബാ​​ങ്കിം​​ഗ്, ഫി​നാ​ൻ​ഷ്യ​ൽ, ഓ​​ട്ടോ​​മൊ​​ബൈ​​ൽ ഓ​​ഹ​​രി​​ക​​ളി​​ലാ​​ണ് ലാ​​ഭ​​മെ​​ടു​​പ്പ് ന​​ട​​ന്ന​​ത്. 600 പോ​​യി​​ന്‍റ് ഉ​​യ​​ർ​​ന്നു നി​​ന്ന​​ശേ​​ഷ​​മാ​​ണ് സെ​​ൻ​​സെ​​ക്സി​​ൽ ഇ​​ടി​​വു​​ണ്ടാ​​യ​​ത്.


ഇ​​ന്ന​​ലെ 206.61 പോ​​യി​​ന്‍റ് താ​​ഴ്ന്ന് 80157.88ലും ​​നി​​ഫ്റ്റി 45.45 പോ​​യി​​ന്‍റ് ന​​ഷ്ട​​ത്തി​​ൽ 24,579.60ലും ​​വ്യാ​​പാ​​രം പൂ​​ർ​​ത്തി​​യാ​​ക്കി. സെ​​ൻ​​സെ​​ക്സ് ഇ​​ൻ​​ട്രാ​​ഡേ വ്യാ​​പാ​​ര​​ത്തി​​ൽ സെ​​ൻ​​സെ​​ക്സ് 80761 പോ​​യി​​ന്‍റും നി​​ഫ്റ്റി 24,756 പോ​​യി​​ന്‍റും ഉ​​യ​​ർ​​ന്നി​​രു​​ന്നു.

നി​ഫ്റ്റി മി​ഡ്ക്യാ​പ് 0.57 ശ​ത​മാ​ന​വും സ്മോ​ൾ-​ക്യാ​പ് 0.39 ശ​ത​മാ​ന​വും ന​ഷ്ട​ത്തി​ലാ​യി.നി​ഫ്റ്റി റി​യ​ൽ​റ്റി 1.33 ശ​ത​മാ​ന​ത്തി​ന്‍റെ​യും ഓ​യി​ൽ ആ​ൻ​ഡ് ഗ്യാ​സ് 1.01 ശ​ത​മാ​ന​വും ഓ​ട്ടോ സൂ​ചി​ക 0.88 ശ​ത​മാ​നം ഇ​ടി​ഞ്ഞു.

നി​ഫ്റ്റി എ​ഫ്എം​സി​ജി 0.95 ശ​ത​മാ​നം നേ​ട്ട​ത്തോ​ടെ മു​ന്നി​ലെ​ത്തി, നി​ഫ്റ്റി മീ​ഡി​യ 0.35 ശ​ത​മാ​നം നേ​ട്ട​മു​ണ്ടാ​ക്കി.