കാ​​ർ​​ഷി​​ക കേ​​ര​​ളം ഓ​​ണ ല​​ഹ​​രി​​യി​​ലേ​​ക്ക്, മു​​ഖ്യ വി​​പ​​ണി​​ക​​ളി​​ൽ ഉ​​ത്പ​​ന്ന വ​​ര​​വു ചു​​രു​​ങ്ങി. മ​​ഴ​​മേ​​ഘ​​ങ്ങ​​ൾ വീ​​ണ്ടും റ​​ബ​​ർ ഉ​​ത്പാ​​ദ​​ക​​രു​​ടെ സ്വ​​പ്ന​​ങ്ങ​​ൾ​​ക്കു​​മേ​​ൽ ക​​ത്തി​​വ​​ച്ചു. ഉ​​ത്സ​​വ ഡി​​മാ​​ൻ​​ഡി​​ൽ ക​​റു​​ത്ത​​പൊ​​ന്ന് റി​​ക്കാ​​ർ​​ഡ് മ​​റി​​ക​​ട​​ക്കു​​മോ? ഒ​​രു വി​​ഭാ​​ഗം ഉ​​റ്റു​​നോ​​ക്കു​​ന്നു. ഉ​​ത്പാ​​ദ​​നം ഉ​​യ​​ർ​​ന്ന​​തി​​നൊ​​പ്പം ലേ​​ലകേ​​ന്ദ്ര​​ങ്ങ​​ളി​​ൽ ഏ​​ല​​ക്ക പ്ര​​വാ​​ഹം. ഊ​​ഹ​​ക്ക​​ച്ച​​വ​​ട​​ക്കാ​​രു​​ടെ ക​​ര​​ങ്ങ​​ളി​​ൽ​​നി​​ന്നു വെ​​ളി​​ച്ചെ​​ണ്ണ വി​​പ​​ണി​​യെ സ​​ർ​​ക്കാ​​ർ വ​​രു​​തി​​യി​​ലാ​​ക്കി. സ്വ​​ർ​​ണ​​ത്തി​​നു റി​​ക്കാ​​ർ​​ഡ് തി​​ള​​ക്കം.

വി​​ല്ല​​നാ​​യി മ​​ഴ

ന്യൂ​​ന​​മ​​ർ​​ദ ഫ​​ല​​മാ​​യി സം​​സ്ഥാ​​ന​​ത്തു വീ​​ണ്ടും മ​​ഴ​​മേ​​ഘ​​ങ്ങ​​ൾ ഉ​​രു​​ണ്ടു​​കൂ​​ടി​​യ​​തോ​​ടെ ടാ​​പ്പിം​​ഗി​​നു​​ള്ള അ​​വ​​സ​​രം കൈവി​​ട്ട നി​​രാ​​ശ​​യി​​ലാ​​ണ് ഉ​​ത്പാ​​ദ​​ന മേ​​ഖ​​ല. സം​​സ്ഥാ​​ന​​ത്തു​​മാ​​ത്ര​​മ​​ല്ല, ഇ​​ത​​ര ഉ​​ത്പാ​​ദ​​ന രാ​​ജ്യ​​ങ്ങ​​ളി​​ലും മ​​ഴ വി​​ല്ല​​നാ​​യ​​തോ​​ടെ ക​​ത്തി മ​​ട​​ക്കി ക​​ർ​​ഷ​​ക​​ർ തോ​​ട്ട​​ങ്ങ​​ളി​​ൽ​​നി​​ന്നു പി​​ന്തി​​രി​​യാ​​ൻ നി​​ർ​​ബ​​ന്ധി​​ത​​രാ​​യി. ചി​​ങ്ങം ആ​​ദ്യം മ​​ഴ​​യ്ക്ക് ശ​​മ​​നം ക​​ണ്ട​​തോ​​ടെ തു​​ട​​ർ​​ച്ച​​യാ​​യ ദി​​വ​​സ​​ങ്ങ​​ളി​​ൽ റ​​ബ​​ർ​​വെ​​ട്ടി​​ന് അ​​വ​​സ​​ര​​മൊ​​രു​​ങ്ങു​​മെ​​ന്ന നി​​ഗ​​മ​​ന​​ത്തി​​ലാ​​യി​​രു​​ന്നു ല​​ക്ഷ​​ക്ക​​ണ​​ക്കി​​നു വ​​രു​​ന്ന ന​​മ്മു​​ടെ റ​​ബ​​ർ ഉ​​ത്പാ​​ദ​​ക​​ർ. വാ​​ര​​ത്തി​​ന്‍റെ ആ​​ദ്യ​​ദി​​ന​​ങ്ങ​​ളി​​ൽ ക​​ർ​​ഷ​​ക​​ർ പു​​ല​​ർ​​ച്ചെ​​ത​​ന്നെ തോ​​ട്ട​​ങ്ങ​​ളി​​ൽ ഇ​​ടംപി​​ടി​​ച്ചു.

ഏ​​താ​​നും മാ​​സ​​ങ്ങ​​ളാ​​യി സം​​സ്ഥാ​​ന​​ത്ത് റ​​ബ​​ർ ടാ​​പ്പിം​​ഗ് മ​​ന്ദ​​ഗ​​തി​​യി​​ലാ​​യി​​രു​​ന്നു. എ​​ന്നാ​​ൽ ന്യൂ​​ന​​മ​​ർ​​ദ ഫ​​ല​​മാ​​യി മ​​ഴ​​മേ​​ഘ​​ങ്ങ​​ൾ വാ​​ര​​മ​​ധ്യ​​ത്തി​​ൽ പി​​ടി​​മു​​റു​​ക്കി​​യ സാ​​ഹ​​ച​​ര്യ​​ത്തി​​ൽ ഇ​​നി ഓ​​ണ​​ത്തി​​നു​​ശേ​​ഷ​​മേ മി​​ക​​ച്ച അ​​വ​​സ​​രം ഉ​​ത്പാ​​ദ​​ക​​ർ​​ക്കു മു​​ന്നി​​ൽ തു​​റ​​ക്കാ​​ൻ സാ​​ധ്യ​​ത​​യു​​ള്ളൂ. ട​​യ​​ർ നി​​ർ​​മാ​​താ​​ക്ക​​ൾ നാ​​ലാം ഗ്രേ​​ഡ് ഷീ​​റ്റ് വി​​ല കി​​ലോ 191 രൂ​​പ​​യാ​​യും അ​​ഞ്ചാം ഗ്രേ​​ഡ് 187 രൂ​​പ​​യാ​​യും ഇ​​ടി​​ച്ചാ​​ണു ശേ​​ഖ​​രി​​ച്ച​​ത്. വി​​പ​​ണി​​യി​​ലെ ച​​ല​​ന​​ങ്ങ​​ൾ വി​​ല​​യി​​രു​​ത്തി​​യാ​​ൽ വി​​ല വീ​​ണ്ടും ഉ​​യ​​രു​​മെ​​ന്ന പ്ര​​തീ​​ക്ഷ​​യി​​ലാ​​ണ് കാ​​ർ​​ഷി​​ക മേ​​ഖ​​ല.

അ​​തേ​​സ​​മ​​യം നി​​ര​​ക്ക് വീ​​ണ്ടും ഇ​​ടി​​ച്ചാ​​ൽ മു​​ൻ വ​​ർ​​ഷ​​ത്തെ പോ​​ലെ ഷീ​​റ്റ് നീ​​ക്കം നി​​യ​​ന്ത്രി​​ച്ച് വി​​പ​​ണി​​ക്കു പു​​ത്ത​​നു​​ണ​​ർ​​വു പ​​ക​​രാ​​നു​​ള്ള ത​​ന്ത്ര​​ങ്ങ​​ളും അ​​വ​​ർ ന​​ട​​ത്താം. രാ​​ജ്യാ​​ന്ത​​ര വി​​പ​​ണി​​യി​​ൽ റ​​ബ​​ർ കി​​ലോ 189ലേ​​ക്കു താ​​ഴ്ന്നു. ട​​യ​​ർ വ്യ​​വ​​സാ​​യി​​ക​​ളെ വി​​ദേ​​ശ​​ത്തെ ത​​ള​​ർ​​ച്ച ആ​​ക​​ർ​​ഷി​​ക്കാ​​നി​​ട​​യു​​ണ്ട്. പ്ര​​മു​​ഖ അ​​വ​​ധിവ്യാ​​പാ​​ര​​കേ​​ന്ദ്ര​​ങ്ങ​​ളി​​ലും ഉ​​ത്പ​​ന്ന​​ത്തി​​ന് മി​​ക​​ച്ച പ്ര​​ക​​ട​​നം കാ​​ഴ്ച്ച​​വ​​യ്ക്കാ​​നാ​​യി​​ല്ല.

കു​​രു​​മു​​ള​​കി​​നു പൊ​​ന്നും വി​​ല

ഇ​​ന്ത്യ​​ൻ വി​​പ​​ണി​​യി​​ൽ കു​​രു​​മു​​ള​​ക് റി​​ക്കാ​​ർ​​ഡ് പ്ര​​ക​​ട​​നം ഈ ​​സീ​​സ​​ണി​​ൽ കാ​​ഴ്ച്ച​​വ​​യ്ക്കു​​മെ​​ന്ന നി​​ഗ​​മ​​ന​​ത്തി​​ലാ​​ണ് ഒ​​രു​​വി​​ഭാ​​ഗം. ഉ​​ത്പാ​​ദ​​ന കേ​​ന്ദ്ര​​ങ്ങ​​ളി​​ൽ​​നി​​ന്നും ടെ​​ർ​​മി​​ന​​ൽ വി​​പ​​ണി​​യി​​ലേ​​യ്ക്കു​​ള്ള മു​​ള​​ക് നീ​​ക്കം ചു​​രു​​ക്കി വ​​ൻ വി​​ല കൈ​​പ്പി​​ടി​​യി​​ൽ ഒ​​തു​​ക്കാ​​നാ​​വു​​മെ​​ന്ന നി​​ഗ​​മ​​ന​​ത്തി​​ലാ​​ണ് അ​​വ​​ർ. ഇ​​തി​​നി​​ട​​യി​​ൽ ല​​ഭ്യ​​ത കു​​റ​​ഞ്ഞ​​തോ​​ടെ അ​​ന്ത​​ർ​​സം​​സ്ഥാ​​ന വാ​​ങ്ങ​​ലു​​കാ​​ർ നി​​ത്യേന 200 രൂ​​പ വീ​​തം ഉ​​യ​​ർ​​ത്തി. കൊ​​ച്ചി​​യി​​ൽ അ​​ൺഗാ​​ർ​​ബി​​ൾ​​ഡ് കു​​രു​​മു​​ള​​ക് വി​​ല 68,600 രൂ​​പ​​യി​​ൽ​​നി​​ന്നും 69,800 രൂ​​പ​​യാ​​യി.

അ​​ന്താ​​രാ​​ഷ്‌​​ട്ര വി​​പ​​ണി​​യി​​ൽ ഇ​​ന്ത്യ​​ൻ കു​​രു​​മു​​ള​​ക് വി​​ല ട​​ണ്ണി​​ന് 8300 ഡോ​​ള​​റി​​ലേ​​ക്കു ചു​​വ​​ടു​​വ​​ച്ചു. രൂ​​പ​​യു​​ടെ വി​​നി​​മ​​യ നി​​ര​​ക്കി​​ലെ റി​​ക്കാ​​ർ​​ഡ് ത​​ക​​ർ​​ച്ച മ​​ല​​ബാ​​ർ മു​​ള​​ക് വി​​ല​​യി​​ലും പ്ര​​തി​​ഫ​​ലി​​ച്ചു. ക്രി​​സ്​മ​​സ് - ന്യൂ ​​ഇ​​യ​​ർ ആ​​വ​​ശ്യ​​ങ്ങ​​ൾ​​ക്കു​​ള്ള ച​​ര​​ക്കു സം​​ഭ​​ര​​ണ​​ത്തി​​നു​​ള്ള നീ​​ക്ക​​ത്തി​​ലാ​​ണ് അ​​മേ​​രി​​ക്ക​​യി​​ലെ​​യും യൂ​​റോ​​പ്യ​​ൻ രാ​​ജ്യ​​ങ്ങ​​ളി​​ലെ​​യും വ​​ൻ​​കി​​ട സു​​ഗ​​ന്ധ​​വ്യ​​ഞ്ജ​​ന ഇ​​റ​​ക്കു​​മ​​തി​​ക്കാ​​ർ.


വി​​പ​​ണി​​പി​​ടി​​ച്ച് ഏ​​ലം

ഹൈ​​റേ​​ഞ്ചി​​ൽ ഏ​​ലം വി​​ള​​വെ​​ടു​​പ്പു പു​​രോ​​ഗ​​മി​​ച്ച​​തി​​നൊ​​പ്പം പു​​തി​​യ ച​​ര​​ക്കി​​ന്‍റെ ല​​ഭ്യ​​ത ഉ​​യ​​ർ​​ന്നു. സ്റ്റോ​​ക്കി​​സ്റ്റു​​ക​​ൾ ച​​ര​​ക്കു വി​​റ്റു​​മാ​​റാ​​ൻ ലേ​​ലകേ​​ന്ദ്ര​​ങ്ങ​​ളി​​ൽ ഉ​​ത്സാ​​ഹി​​ച്ചു. മ​​ധ്യ​​വ​​ർ​​ത്തി​​ക​​ളി​​ൽ​​നി​​ന്നു​​ള്ള ച​​ര​​ക്കു​​പ്ര​​വാ​​ഹ​​ത്തി​​നി​​ട​​യി​​ൽ ഒ​​രു ല​​ക്ഷം കി​​ലോ ഏ​​ല​​ക്ക​​വ​​രെ ഒ​​റ്റ ലേ​​ല​​ത്തി​​ൽ വി​​ല്പ​​ന​​യ്ക്കി​​റ​​ങ്ങി. ഒ​​റ്റ ദി​​വ​​സം ഇ​​ത്ര അ​​ധി​​കം ച​​ര​​ക്ക് ലേ​​ല​​ത്തി​​നി​​റ​​ങ്ങു​​ന്ന​​ത് ന​​ട​​പ്പു സീ​​സ​​ണി​​ൽ ആ​​ദ്യം.

ആ​​ഭ്യ​​ന്ത​​ര - വി​​ദേ​​ശ ഡി​​മാ​​ൻ​​ഡ് ഏ​​ല​​ത്തി​​നു മി​​ക​​വ് പ​​ക​​ർ​​ന്നു. കാ​​ർ​​ഷി​​ക​​മേ​​ഖ​​ല​​യി​​ലെ അ​​നു​​കൂ​​ല കാ​​ലാ​​വ​​സ്ഥ ക​​ർ​​ഷ​​ക​​ർ​​ക്ക് ആ​​ശ്വാ​​സം പ​​ക​​ർ​​ന്നു. ശ​​രാ​​ശ​​രി ഇ​​ന​​ങ്ങ​​ൾ കി​​ലോ 2,500 രൂ​​പ​​യി​​ൽ കൈ​​മാ​​റി.

ജാ​​തി​​ക്ക​​യ്ക്കും ഡി​​മാ​​ൻ​​ഡ്

ആ​​ഭ്യ​​ന്ത​​ര വ്യ​​വ​​സാ​​യി​​ക​​ളും ക​​യ​​റ്റു​​മ​​തി​​ക്കാ​​രും മി​​ക​​ച്ച​​യി​​നം ജാ​​തി​​ക്ക​​യി​​ൽ പി​​ടി​​മു​​റു​​ക്കി​​യ​​തു വി​​പ​​ണി​​യി​​ൽ ഉ​​ണ​​ർ​​വ് ഉ​​ള​​വാ​​ക്കി. ഉ​​ണ​​ക്ക് കൂ​​ടി​​യ ഇ​​ന​​ങ്ങ​​ൾ​​ക്ക് ആ​​ക​​ർ​​ഷ​​ക​​മാ​​യ വി​​ല ഉ​​റ​​പ്പുവ​​രു​​ത്താ​​നാ​​യി. ഹൈ​​റേ​​ഞ്ച് ജാ​​തി​​ക്ക പ​​രി​​പ്പ് കി​​ലോ 620 രൂ​​പ വ​​രെ​​യും ജാ​​തി​​ക്ക​​ തൊ​​ണ്ട​​ൻ 350 രൂ​​പ​​യി​​ലു​​മാ​​ണ് ഇ​​ട​​പാ​​ടു​​ക​​ൾ ന​​ട​​ക്കു​​ന്ന​​ത്.

ഇ​​ന്തോ​​നേ​​ഷ്യ​​ൻ ഇ​​റ​​ക്കു​​മ​​തി ചു​​രു​​ങ്ങി​​യ​​തും മി​​ക​​ച്ച ജാ​​തി​​ക്ക​​യു​​ടെ ല​​ഭ്യ​​ത​​ക്കു​​റ​​വും വ്യ​​വ​​സാ​​യി​​ക​​ളെ അ​​സ്വ​​സ്ഥ​​രാ​​ക്കു​​ന്നു. കാ​​ല​​ടി​​യി​​ൽ ജാ​​തി​​ക്ക തൊ​​ണ്ട​​ൻ കി​​ലോ 300 രൂ​​പ​​യി​​ലും ജാ​​തി​​പ​​രി​​പ്പ് 600 രൂ​​പ​​യി​​ലു​​മാ​​ണ്.

വെളിച്ചെണ്ണ വി​​റ്റു​​മാ​​റി വ​​ൻ​​കി​​ട​​ക്കാ​​ർ

നാ​​ളി​​കേ​​രോ​​ത്പ​​ന്ന​​ങ്ങ​​ളു​​ടെ വി​​ല​​യി​​ൽ മാ​​റ്റ​​മി​​ല്ല. ഓ​​ണ ഡി​​മാ​​ൻ​​ഡി​​ൽ എ​​ണ്ണ​​യ്ക്കൊ​​പ്പം കൊ​​പ്ര വി​​ല​​യും ക​​ത്തി​​ക്ക​​യ​​റു​​മെ​​ന്നു പ്ര​​തീ​​ക്ഷി​​ച്ച ഇ​​ട​​നി​​ല​​ക്കാ​​ർ സ​​മ്മ​​ർ​​ദ​​ത്തി​​ലാ​​ണ്. വി​​പ​​ണി​​യി​​ലെ മാ​​ന്ദ്യം ക​​ണ്ട് വ​​ൻ​​കി​​ട​​ക്കാ​​ർ സ്റ്റോ​​ക്ക് വി​​റ്റു​​മാ​​റു​​ന്നു.

കേ​​ര​​ള​​ത്തി​​ൽ​​നി​​ന്നും വ​​ൻ ഓ​​ർ​​ഡ​​റു​​ക​​ൾ ത​​മി​​ഴ്നാ​​ട്ടി​​ലെ മി​​ല്ലു​​കാ​​ർ പ്ര​​തീ​​ക്ഷി​​ച്ചെ​​ങ്കി​​ലും വെ​​ളി​​ച്ചെ​​ണ്ണ​​യു​​ടെ ഉ​​യ​​ർ​​ന്ന വി​​ല ചെ​​റു​​കി​​ട വി​​പ​​ണി​​ക​​ളി​​ൽ വി​​ല്പ​​ന​​യെ ബാ​​ധി​​ച്ചു. കൊ​​ച്ചി മാ​​ർ​​ക്ക​​റ്റി​​ൽ വെ​​ളി​​ച്ചെ​​ണ്ണ വി​​ല ക്വി​​ന്‍റ​​ലി​​ന് 36,800 രൂ​​പ​​യി​​ലും കൊ​​പ്ര 21,900 രൂ​​പ​​യി​​ലു​​മാ​​ണ്, കാ​​ങ്ക​​യ​​ത്ത് 21,300ൽ ​​കൊ​​പ്ര​​യു​​ടെ ഇ​​ട​​പാ​​ടു​​ക​​ൾ ന​​ട​​ന്നു. സം​​സ്ഥാ​​ന സ​​ർ​​ക്കാ​​ർ താ​​ഴ്ന്ന​​വി​​ല​​യ്ക്ക് എ​​ണ്ണ വി​​ല്പ​​ന​​യ്ക്കി​​റ​​ക്കു​​മെ​​ന്നു വ്യ​​ക്ത​​മാ​​യ​​താ​​ണ് ഒ​​രു വി​​ഭാ​​ഗം ഊ​​ഹ​​ക്ക​​ച്ച​​വ​​ട​​ക്കാ​​രെ സ്റ്റോ​​ക്ക് വി​​റ്റു​​മാ​​റാ​​ൻ പ്രേ​​രി​​പ്പി​​ച്ച​​ത്.

ആ​​ഭ​​ര​​ണ വി​​പ​​ണി​​ക​​ളി​​ൽ സ്വ​​ർ​​ണ​​ത്തി​​നു ത​​ങ്ക​​ത്തി​​ള​​ക്കം. പ​​വ​​ൻ 74,520 രൂ​​പ​​യി​​ൽ​​നി​​ന്ന് 75,760ലെ ​​മു​​ൻ റി​​ക്കാ​​ർ​​ഡ് ത​​ക​​ർ​​ത്ത് ച​​രി​​ത്ര​​ത്തി​​ലെ ഏ​​റ്റ​​വും ഉ​​യ​​ർ​​ന്ന നി​​ര​​ക്കാ​​യ 76,960 രൂ​​പ​​യി​​ൽ ശ​​നി​​യാ​​ഴ്ച വി​​പ​​ണ​​നം ന​​ട​​ന്നു. ഇ​​തോ​​ടെ ഒ​​രു ഗ്രാം ​​സ്വ​​ർ​​ണ വി​​ല 9,620 രൂ​​പ.