പാ​രി​പ്പ​ള്ളി : അ​പ്ര​തീ​ക്ഷി​ത​മാ​യി പെ​യ്ത ശ​ക്ത​മാ​യ മ​ഴ​യി​ൽ പാ​രി​പ്പ​ള്ളി, ക​ല്ലു​വാ​തു​ക്ക​ൽ ജം​ഗ്ഷ​നു​ക​ൾ ന​ദി​ക്ക് സ​മാ​ന​മാ​യി വെ​ള്ളം ഉ​യ​ർ​ന്നു ഒ​ഴു​കി. പാ​രി​പ്പ​ള്ളി ജം​ഗ്ഷ​നി​ൽ അ​ര​യ്ക്കൊ​പ്പ​മാ​ണ് വെ​ള്ളം ഉ​യ​ർ​ന്ന​ത്. നാ​ട്ടു​കാ​ർ വെ​ള്ള​ത്തി​ലി​റ​ങ്ങി നീ​ന്തു​ക​യും അ​ഭ്യാ​സ പ്ര​ക​ട​ന​ങ്ങ​ൾ ന​ട​ത്തു​ക​യും ചെ​യ്തു.

രോ​ഗി​ക​ളു​മാ​യി പോ​യ ആം​ബു​ല​ൻ​സു​ക​ൾ ഉ​ൾ​പ്പെ​ടെ പ​കു​തി​യോ​ളം വെ​ള്ള​ത്തി​ൽ മു​ങ്ങി ഒ​ച്ചിഴയും വേ​ഗ​ത്തിലാ​ണ് മു​ന്നോ​ട്ട് നീങ്ങിയത്.

പ​ഞ്ചാ​യ​ത്തിന്‍റെ പു​തി​യ ഷോ​പ്പിം​ഗ് കോം​പ്ല​ക്സി​ലെ ക​ട​ക​ളി​ൽ വെ​ള്ളം ഇ​ര​ച്ചു​ക​യ​റി. ദേ​ശീ​യ പാ​ത​യി​ലെ മേ​ൽ​പ്പാ​ല​ത്തി​ന് ചു​റ്റും വെ​ള്ള​ക്കെട്ടാ​യി​രു​ന്നു. സ​ർ​വീ​സ് റോ​ഡും ഓ​ട​യും നി​ർ​മി​ച്ചു ക​ഴി​ഞ്ഞെ​ങ്കി​ലും വെ​ള്ളം ഒ​ഴു​കി​പ്പോ​യി​ല്ല. ഓ​ട​യു​ടെ മേ​ൽമൂടി​യാ​യ കോ​ൺ​ക്രീ​റ്റ് പാ​ളി​ക​ളി​ലെ ദ്വാ​ര​ങ്ങ​ൾ അ​ട​ഞ്ഞി​രു​ന്ന​തും വെ​ള്ളം ഒ​ഴു​കി​പ്പോ​കാ​ൻ മ​റ്റ് സം​വി​ധാ​ന​ങ്ങ​ളി​ല്ലാ​തി​രു​ന്ന​തും വെ​ള്ള​ക്കെ​ട്ട് രൂ​ക്ഷ​മാ​കാ​ൻ ഇ​ട​യാ​ക്കി.

ഉ​ച്ച​യ്ക്ക് ശേ​ഷം പെ​യ്ത മ​ഴ ജ​ന​ജീ​വി​തം ദു​രി​ത​മാ​ക്കി. പാ​രി​പ്പ​ള്ളി ജം​ഗ്ഷ​ന് സ​മാ​ന​മാ​യ അ​വ​സ്ഥ​യാ​യി​രു​ന്നു ക​ല്ലു​വാ​തു​ക്ക​ൽ ജം​ഗ്ഷ​നി​ലെ അ​ണ്ട​ർ​പാ​സേ​ജി​ലും ചു​റ്റു​വ​ട്ട​ത്തും. ഇ​വി​ടെ​യും വാ​ഹ​ന​ങ്ങ​ൾ ദു​രി​ത​ത്തി​ലാ​യി വ്യാ​പാ​രി​ക​ളും കാ​ൽ​ന​ട​യാ​ത്ര​ക്കാ​രും ഏ​റെ ബു​ദ്ധി​മു​ട്ട​നു​ഭ​വി​ച്ചു. ചാ​ത്ത​ന്നൂ​ർ ജം​ഗ്ഷ​നി​ൽ വെ​ള്ള​ക്കെ​ട്ടു​ണ്ടാ​യി​ല്ലെ​ങ്കി​ലും നി​ർ​മാ​ണം ന​ട​ന്നു കൊ​ണ്ടി​രി​ക്കു​ന്ന റോ​ഡ് ഇ​ടി​ഞ്ഞു വീ​ണു തു​ട​ങ്ങി.

അ​ശാ​സ്ത്രീ​യ​മാ​യ റോ​ഡ് നി​ർ​മാ​ണം മൂ​ലം മ​ഴ​വെ​ള്ളം ഒ​ഴി​ച്ചു പോ​കാ​ൻ ക​ഴി​യാ​ത്ത​താ​ണ് പാ​രി​പ്പ​ള്ളി ജം​ഗ്ഷ​നി​ലെ വെ​ള്ള​ക്കെ​ട്ടി​ന് കാ​ര​ണ​മെന്ന് ​പാ​രി​പ്പ​ള്ളി വി​ക​സ​ന സ​മി​തി ആ​രോ​പി​ച്ചു.​പു​തി​യ ഷോ​പ്പിം​ഗ് കോം​പ്ല​ക്സി​ന് മു​ൻ​വ​ശ​ത്ത് ക​ട​ക​ളി​ൽ വെ​ള്ളം ക​യ​റി നാ​ശ​ന​ഷ്‌ടങ്ങ​ൾ ഉ​ണ്ടാ​വു​ക​യും വ്യാ​പാ​രി​ക​ൾ ക​ട അ​ട​ച്ചി​ടേ​ണ്ട സ്ഥി​തി​യി​ലേ​ക്ക് എ​ത്തു​ക​യും ചെ​യ്തു.​യാ​തൊ​രു ഉ​ത്ത​ര​വാ​ദി​ത്വ​വു​മി​ല്ലാ​തെ​യാ​ണ് റോ​ഡ് നി​ർ​മാ​ണം ന​ട​ത്തു​ന്ന​ത്. റോ​ഡ് സു​ര​ക്ഷ​യ്ക്ക് അ​ടി​യ​ന്ത​ര ന​ട​പ​ടി ഉ​ണ്ടാ​വ​ണ​മെ​ന്ന് പാ​രി​പ്പ​ള്ളി വി​ക​സ​ന സ​മി​തി ആ​വ​ശ്യ​പ്പെ​ട്ടു.