ADVERTISEMENT

ADVERTISEMENT

റോഡ് നിർമാണോദ്ഘാടനം

എഴുകോൺ: ഇഎസ്ഐ, നെടുമ്പായിക്കുളം, ഇടയ്ക്കോട് റോഡിന്‍റെ നിർമാണോദ്ഘാടനം മന്ത്രി കെ .എൻ .ബാലഗോപാൽ നിർവഹിച്ചു. പഞ്ചായത്ത് പ്രസിഡന്‍റ് അഡ്വ. ബിജു ഏബ്രഹാം അധ്യക്ഷനായി.

ബ്ലോക്ക് പഞ്ചായത്ത് പ്രസിഡന്‍റ് എ. അഭിലാഷ് ,ജില്ലാ പഞ്ചായത്ത് അംഗം അഡ്വ. വി. സുമലാൽ ഗ്രാമപഞ്ചായത്ത് വൈസ് പ്രസിഡന്‍റ് സുഹർബാൻ , ബ്ലോക്ക് പഞ്ചായത്ത് അംഗങ്ങളായ മിനി അനിൽ , എം. ശിവപ്രസാദ് ,ഗ്രാമപഞ്ചായത്ത് അംഗങ്ങളായ ആർ. വിജയപ്രകാശ്, അഡ്വ. രതീഷ് കിളിത്തട്ടിൽ,സിപിഎം എഴുകോൺ ഈസ്റ്റ് ലോക്കൽ കമ്മിറ്റി സെക്രട്ടറി എം.പി. മനേക്ഷ,

ഇന്ത്യൻ നാഷണൽ കോൺഗ്രസ് ബ്ലോക്ക് പ്രസിഡന്‍റ് ജയപ്രകാശ് നാരായൺ, സിപിഐ വെസ്റ്റ് ലോക്കൽ കമ്മിറ്റി സെക്രട്ടറിഅഡ്വ. രഞ്ജി മത്തായി , സ്വാഗതസംഘം കൺവീനർ കെ. ഓമനക്കുട്ടൻ എന്നിവർ പ്രസംഗിച്ചു. 4.7കിലോമീറ്റർ റോഡിന് നാലുകോടി രൂപയാണ് അനുവദിച്ചിട്ടുള്ളത്.

ADVERTISEMENT

നിലമ്പൂരിലെ വിജയം; ആഹ്ലാദ പ്രകടനം നടത്തി

കല്ലുവാതുക്കൽ : മണ്ഡലം കോൺഗ്രസ് കമ്മിറ്റിയുടെ നേതൃത്വത്തിൽ നിലമ്പൂരിലെ യൂഡിഎഫി െന്‍റ വിജയത്തിൽ ആഹ്ലാദ പ്രകടനം നടത്തി. കല്ലുവാതുക്കൽ കിഴക്കേമുക്കിൽ നിന്നും ആരംഭിച്ച പ്രകടനം കല്ലുവാതുക്കൽ പഞ്ചായത്തിന് മുന്നിൽ അവസാനിച്ചു. കല്ലുവാതുക്കൽ മണ്ഡലം കോൺഗ്രസ് പ്രസിഡന്‍റ് വിഷ്ണു വിശ്വരാജൻ, വട്ടകുഴിക്കൽ മുരളി, അന്നമ്മ ചാക്കോ, കല്ലുവാതുക്കൽ അജയകുമാർ, പാറയിൽ രാജു, തോമസ്കുട്ടി, നീന റെജി, നിതിൻ കല്ലുവാതുക്കൽ, അശ്വതി, ലൈല, ഉഷാ രാജേന്ദ്രൻ, സാമുവേൽ കോടക്കയം, ജേക്കബ്, ഇടിക്കുള, രാജേഷ് കല്ലുവാതുക്കൽ തുടങ്ങിയവർ നേതൃത്വം നൽകി.

ഓണത്തെ വരവേൽക്കാൻ ചെണ്ടുമല്ലി കൃഷി

കൊട്ടാരക്കര: വെട്ടിക്കവല ബ്ലോക്ക് പഞ്ചായത്ത് 2025-26 വാർഷിക പദ്ധതിയിൽ ഉൾപ്പെടുത്തി കൃഷി സമൃദ്ധിയുടെ ഭാഗമായി പുഷ്പകൃഷിയിൽ ചെണ്ടുമല്ലികൃഷി ചെയ്യുന്നതി െ ന്‍റ ബ്ലോക്ക് തല ഉദ്ഘാടനം ബ്ലോക്ക് പ്രസിഡന്‍റ് എസ്.രഞ്ജിത്ത് നിർവഹിച്ചു. ബ്ലോക്ക് വൈസ് പ്രസിഡന്‍റ് ദിവ്യാ ചന്ദ്രശേഖർ അധ്യക്ഷയായിരുന്നു. അഗ്രികൾച്ചറൽ അസി.ഡയറക്ടർ വി.എസ്. സരിത പദ്ധതിയെ കുറിച്ച് വിശദീകരിച്ചു. ബ്ലോക്ക് സ്ഥിരം സമിതി അധ്യക്ഷൻ എ.അജി, ബ്ലോക്ക് അംഗങ്ങളായ അഡ്വ.ബെച്ചി ബി.മലയിൻ, എൻ.മോഹനൻ, ഒ.ബിന്ദു, പഞ്ചായത്ത് അംഗം വിജയനാഥ്, കൃഷ്ണകുമാർ, സന്ധ്യ, കുളക്കട കൃഷി ഓഫീസർ സതീഷ് കുമാർ, എന്നിവർ പ്രസംഗിച്ചു.ജെഎൽജി ഗ്രൂപ്പ് അംഗങ്ങളായ സുബിത്ത്, ബാലു തുടങ്ങിയവരും പങ്കെടുത്തു. കുളക്കട ഡിവിഷനിലെ പൂവറ്റൂർ പടിഞ്ഞാറ് ഏലായിലാണ് ബ്ലോക്ക് തല ഉദ്ഘാടനം നടന്നത്. ബ്ലോക്ക് പഞ്ചായത്ത് മൂന്നു ലക്ഷം രൂപ ഉൾപ്പെടുത്തി കുളക്കട, മൈലം, പവിത്രേശ്വരം, ഉമ്മന്നൂർ, മേലില, വെട്ടിക്കവല പഞ്ചായത്തുകളിലെ 120 ജെഎൽ ജി ഗ്രൂപ്പുകൾക്കാണ് ചെണ്ടുമല്ലി പൂക്കൾ കൃഷി ചെയ്യുന്നതിനുള്ള സഹായം ചെയ്യുന്നത്. ഓണത്തിന് ഇതി െ ന്‍റ വിളവെടുപ്പ് നടത്തി കുടുംബശ്രീയുടെ ഓണവിപണിയിലൂടെ വിപണനം നടത്തുന്നതിനാണ് ലക്ഷ്യമിട്ടിരിക്കുന്നത്.

നിയന്ത്രണംവിട്ട കാർ വർക്ക് ഷോപ്പിലേക്ക് ഇടിച്ചു കയറി

കൊല്ലം : നിയന്ത്രണംവിട്ട കാർ വീടിനോട് ചേർന്നുള്ള സ്കൂട്ടർ വർക്ക്ഷോപ്പിലേക്ക് ഇടിച്ചു കയറി വ്യാപക നാശം. തിങ്കൾ രാത്രി 11.30 ന് മൈനാഗപ്പള്ളി ഉദയാ ജംഗ്‌ഷന് സമീപം മാണിവിളയിൽ രാധാകൃഷ്ണ ന്‍റെ ലക്ഷ്മി വർക്ക്ഷോപ്പിലേക്കാണ് മാരുതി കാർ ഇടിച്ചു കയറിയത്. വീടും വീടിന്‍റെ മുൻഭാഗം വർക്ക് ഷോപ്പായി പ്രവർത്തിക്കുകയായിരുന്നു. മൈനാഗപ്പള്ളി ഭാഗത്തുനിന്നും വന്ന കാർ നിയന്ത്രണംവിട്ട് വർക്ക്ഷോപ്പ് പ്രവർത്തിച്ചിരുന്ന ഭാഗത്തെ നിർമിതിയും തകർത്ത് വീടിന് സമീപത്തേക്ക് പാഞ്ഞ് കയറുകയായിരുന്നു. അപകടത്തിൽ പണികൾ ചെയ്യുന്നതിന് വേണ്ടി ഇവിടെ സൂക്ഷിച്ചിരുന്ന പത്ത് സ്കൂട്ടറുകൾക്ക് സാരമായ തകരാർ പറ്റി. വീടിനും കേടുപാടുകൾ സംഭവിച്ചു. ശാസ്താംകോട്ട പോലീസ് സ്ഥലത്ത് എത്തി മേൽ നടപടികൾ സ്വീകരിച്ചു. അപകടത്തിൽപ്പെട്ട കാർ ഇന്നലെ ഉയർത്തി മാറ്റി. ഐസിഎസ് സ്വദേശിയായ യുവാവ് ഓടിച്ച കാറാണ് അപകടത്തിൽപ്പെട്ടത്.

മൂന്നര കിലോ കഞ്ചാവുമായി രണ്ടുപേർ പിടിയിൽ

കൊട്ടിയം: മൂന്നര കിലോ കഞ്ചാവുമായി രണ്ടുയുവാക്കൾ പിടിയിൽ. കൊട്ടിയം കൊട്ടുംപുറം വാഴവിള വീട്ടിൽ അഭിനവ് (24) കൊട്ടിയം കൊട്ടുംപുറം തടത്തിൽ വീട്ടിൽ ചിന്തു (24) എന്നിവരെയാണ് കൊട്ടിയം പോലീസും ഡാൻസാഫ് ടീമും ചേർന്ന് അറസ്റ്റ് ചെയ്തത്. കൊട്ടിയം ഹോളിക്രോസ് ആശുപത്രിക്ക് സമീപത്തെ വാടകവീട്ടിൽ നിന്നുമാണ് കഞ്ചാവുമായി പ്രതികളെ പിടികൂടിയത്. കഞ്ചാവും, അത് തൂക്കാൻ ഉപയോഗിക്കുന്ന ത്രാസും, 40,000 രൂപയും പോലീസ് പിടിച്ചെടുത്തിട്ടുണ്ട്. കൊട്ടിയത്ത് ഒരു യുവതി ഉൾപ്പെടെ ഏഴുപേരെ എംഡിഎംഎയുമായി കഴിഞ്ഞ ദിവസം പിടികൂടിയിരുന്നു. ഒഡീഷയിൽ നിന്നും കഞ്ചാവ് ഉൾപ്പെടെയുള്ള ലഹരി വസ്തുക്കൾ എത്തിക്കുന്ന സംഘത്തിൽപ്പെട്ടവരായിരുന്നു പ്രതികൾ. ഇവരുടെ കൂട്ടാളികളെ നിരീക്ഷിച്ച് വരികയായിരുന്നു. ഇവരെ കേന്ദ്രീകരിച്ച് നടത്തിയ അന്വേഷണത്തിലാണ് രണ്ട് യുവാക്കൾ കൂടി പിടിയിലായിരിക്കുന്നത്. ഇനിയും ഇതിലെ കണ്ണികളെ കിട്ടാനുണ്ടെന്നും അവർക്കായുള്ള തിരച്ചിൽ ആരംഭിച്ചിട്ടുണ്ടെന്നും കൊട്ടിയം സബ് ഇൻസ്പെക്ടർ നിതിൻ നളൻ പറഞ്ഞു.

കെഎംഎംഎൽ ജീവനക്കാരുടെ ശമ്പളപരിഷ്കരണ കരാർ നടപ്പാക്കണമെന്ന്

ചവറ : കെഎംഎംഎൽ ജീവനക്കാരുടെ പത്താം ശമ്പളപരിഷ്കരണ ദീർഘകാല കരാർ വേഗത്തിൽ നടപ്പിലാക്കണമെന്നു ആവശ്യപ്പെട്ട് കെഎംഎം ടൈറ്റാനിയം എംപ്ലോയീസ് യൂണിയൻ മന്ത്രി പി. രാജീവിന് നിവേദനം നൽകി. 2021 ജനുവരി ഒന്ന് മുതൽ നടപ്പിലാക്കേണ്ട ശമ്പളപരിഷ്കരണ ചർച്ചകൾ മാനേജ്മെന്‍റ് തലത്തിൽ നീണ്ടു പോയതിനെ തുടർന്നാണ് വ്യവയായ മന്ത്രിയെ കണ്ടു ചർച്ച നടത്തിയത്. പത്താം ദീർഘകാല കരാറി െ ന്‍റ ഫിറ്റ്മെന്‍റ് ബെനിഫിറ്റ് ശതമാനമുൾപ്പെടെ തീരുമാനിക്കുന്ന അവസാനഘട്ട ചർച്ച ഉടൻ തന്നെ വിളിക്കാമെന്ന ഉറപ്പ് യൂണിയന് മന്ത്രിയിൽ നിന്നും ലഭിച്ചിട്ടുണ്ട്. വർക്കിംഗ് പ്രസിഡന്‍റ ും സിഐടിയു ജില്ലാ സെക്രട്ടറിയുമായ എസ്. ജയമോഹൻ, യൂണിയൻ ജനറൽ സെക്രട്ടറി വി. സി. രതീഷ് കുമാർ, എം എസ് യൂണിറ്റ് ജനറൽ സെക്രട്ടറി ഗോപകുമാർ തുടങ്ങിയവർ ചർച്ചയിൽ പങ്കെടുത്തു.

പാലത്തറ സാമൂഹികാരോഗ്യകേന്ദ്രം അത്യാധുനിക സൗകര്യങ്ങളിലേക്ക്

കൊല്ലം: പാലത്തറ സാമൂഹികാരോഗ്യകേന്ദ്രം അത്യാധുനിക സൗകര്യങ്ങളോടെ പുതിയകെട്ടിടത്തിലേക്ക് മാറുന്നു. സര്‍ക്കാര്‍ നബാര്‍ഡി െ ന്‍റ 10 കോടി രൂപ ധനസഹായത്തോടെയുള്ള നിര്‍മാണ പ്രവര്‍ത്തനങ്ങള്‍ അതിവേഗത്തിൽ പുരോഗമിക്കുകയാണ്. ആധുനികസംവിധാനങ്ങളോടെയുള്ള മൂന്നുനില കെട്ടിടമാണ് ഉയരുക.നിര്‍മാണ പ്രവര്‍ത്തനങ്ങള്‍ അവസാനഘട്ട വയറിംഗ് ജോലികളിലേക്ക് കടന്നിട്ടുണ്ട്. ഡിസംബറോടുകൂടി ഇത് നാടിനു സമര്‍പ്പിക്കും. 1975 ലാണ് സാമൂഹികാരോഗ്യ കേന്ദ്രത്തിന്‍റെ തുടക്കം. ആര്‍ദ്രം പദ്ധതി പ്രകാരം 2020 മുതല്‍ അഞ്ച് പ്രാഥമികാരോഗ്യ കേന്ദ്രങ്ങളെ ബ്ലോക്ക് കുടുംബാരോഗ്യ കേന്ദ്രങ്ങളാക്കി. മയ്യനാട്, ഇളമ്പള്ളൂര്‍, തൃക്കോവില്‍വട്ടം, കൊറ്റങ്കര, ഇരവിപുരം പ്രാഥമികാരോഗ്യ കേന്ദ്രങ്ങളുടെ ഏകോപനമാണുള്ളത്. ജീവിതശൈലി രോഗങ്ങള്‍ക്കുള്ള എന്‍സിഡി ക്ലിനിക്ക് വഴി 4000 ത്തില്‍ അധികം പേര്‍ക്ക് ചികിത്സ ലഭ്യമാക്കുന്നു. വിവിധ പരിശോധനകള്‍ക്ക് കുറഞ്ഞ നിരക്കാണ് ഈടാക്കുന്നത്. വിപുലമായ സേവനം പുതിയ സംവിധാനങ്ങള്‍ വരുന്നതോടെ യാഥാര്‍ഥ്യമാകും. മൂന്നു നിലകളിലായി ഒരുക്കുന്ന കെട്ടിടത്തി െ ന്‍റ താഴത്തെ നിലയില്‍ നാല് ഒ പി കൗണ്ടറുകള്‍, കാഴ്ചപരിശോധന, ബ്രസ്റ്റ് ഫീഡിംഗ് റൂം, റിസപ്ഷന്‍, ടോയ്‌ലറ്റ് ബ്ലോക്ക്, പ്രീ ചെക്ക്അപ്പ് - ഡ്രസിങ് ഏരിയ, നെബുലൈസേഷന്‍ - ഇഞ്ചക്ഷന്‍ - ഒബ്‌സര്‍വേഷന്‍ റൂമുകളാണുള്ളത്. ഒന്നാമത്തെ നിലയില്‍ ഓഫീസ് റൂം, സ്റ്റാഫ് റൂം, സെര്‍വര്‍ റൂം, എ.സി- നോണ്‍ എ.സി ഫാര്‍മസി സ്റ്റോര്‍, മെഡിക്കല്‍ ഓഫീസറുടെ റൂം, റെക്കോര്‍ഡ് റൂം, എന്നിവ സജ്ജമാക്കും. രണ്ടാമത്തെ നിലയില്‍ പാലിയേറ്റീവ്, ഫിസിയോതെറാപ്പി, വാക്‌സിനേഷന്‍, വാക്‌സിന്‍ സൂക്ഷിക്കുന്ന മുറി, കോപ്പര്‍ - ടി റൂം, ജീവനക്കാര്‍ക്കായുള്ള മുറി എന്നിവയാണുള്ളത്. രക്തപരിശോധനകള്‍ മുതല്‍ കിഡ്‌നി, കരള്‍, കൊളസ്‌ട്രോള്‍ പരിശോധനകള്‍ വരെ നടത്തിവരുന്ന ലാബില്‍ പുതിയ കെട്ടിടം വരുന്നതോടെ തൈറോയ്ഡ്, വിറ്റാമിന്‍ ഡി-ത്രീ തുടങ്ങിയ പരിശോധനകള്‍ കൂടി ലഭ്യമാക്കാനാവും.100 പേര്‍ക്ക് ഇരിക്കാനുള്ള സൗകര്യം, കിടത്തിപരിശോധനാ സൗകര്യം എന്നിവയോടെയുള്ള ഒ.പി, ഭിന്നശേഷിസൗഹൃദ ശുചിമുറിയും ലിഫ്റ്റും കുടിവെള്ളവുമെല്ലാം സജ്ജമാക്കി രോഗീസൗഹൃദ അന്തരീക്ഷം കൂടുതല്‍ മെച്ചപ്പെട ുത്ത ു ം. ഡോക്ടറുടെ കുറിപ്പടി മുതല്‍ മരുന്നു വാങ്ങുന്ന വിവരങ്ങള്‍ വരെ പൂര്‍ണമായും പേപ്പര്‍രഹിതമാക്കി രോഗികള്‍ക്ക് ക്യൂ നില്‍ക്കാതെ അതിവേഗം മരുന്ന് വാങ്ങുന്നതിനായി ഇ-ഹെല്‍ത്ത് പദ്ധതിയും പൂര്‍ണതോതില്‍ സജ്ജമാക്കും. കൂടുതല്‍ മരുന്നുകള്‍ ശേഖരിച്ച്‌വയ്ക്കാന്‍ കഴിയുന്ന സൗകര്യമുള്ള എസി - നോണ്‍ എസി ഫാര്‍മസിയും ഫാര്‍മസി കൗണ്ടറും വരുന്നതോടെ മരുന്ന് ശേഖരണവും വിതരണവും കുറ്റമറ്റനിലയിലേക്കാകും. നിലവില്‍ നിരീക്ഷണ മുറി, ഫിസിയോതെറാപ്പി, ലാബ്, പാലിയേറ്റീവ് കെയര്‍, ഫാര്‍മസി, ഫീല്‍ഡ്തല പ്രതിരോധ പ്രവര്‍ത്തനങ്ങള്‍ എന്നിവ സജീവമായാണ് നടപ്പാക്കി വരുന്നത്. ആര്‍ദ്രം പദ്ധതി പ്രകാരം 2020 മുതല്‍ വൈകുന്നേരം ഒ പി സേവനവും നല്‍കുന്നുണ്ട്. രാവിലെ ഒമ്പത് മുതല്‍ വൈകുന്നേരം ആറുവരെ ഒപി, ലാബ്, ഫാര്‍മസി തുടങ്ങിയ സേവനങ്ങള്‍ ലഭ്യമാകും. ആഴ്ചയില്‍ മൂന്ന് ദിവസം ഫിസിയോതെറാപ്പി ഒപിയും ബാക്കിയുള്ള ദിവസങ്ങളില്‍ കിടപ്പിലായ രോഗികള്‍ക്ക് ഫീല്‍ഡ്തല ഫിസിയോ തെറാപ്പിയും നല്‍കുന്നു. പ്രൈമറി-സെക്കൻഡറി കെയര്‍ എന്നിങ്ങനെ രണ്ട് തലങ്ങളായി തിരിച്ചും പാലിയേറ്റീവ് രോഗികളെ പ്രധാനമായും മൂന്നായി തിരിച്ചുമാണ് സേവനങ്ങള്‍ നല്‍കിവരുന്നത്. തീരെ കിടപ്പിലായവര്‍, പുറത്തിറങ്ങി നടക്കാന്‍ കഴിയാത്തവര്‍, ദീര്‍ഘകാല രോഗങ്ങളാല്‍ ബുദ്ധിമുട്ടുന്നവര്‍, എന്നിങ്ങനെ രോഗികളെ തരം തിരിച്ചാണ് പരിചരണം. ആദ്യ വിഭാഗത്തിലെ ബെഡ് ബൗണ്ട് രോഗികളുടെ പരിശോധന മാസത്തില്‍ ഒരിക്കല്‍ പ്രൈമറി കെയര്‍ നഴ്‌സ് വീടുകളിലെത്തിയാണ് നിര്‍വഹിക്കുന്നത്. 2, 3 വിഭാഗങ്ങളിലെ രോഗികള്‍ക്ക് ചികിത്സ നല്‍കുന്നതിനായി ദേശീയ ആരോഗ്യ ദൗത്യത്തി ന്‍റെ മിഡില്‍ ലെവല്‍ സര്‍വീസ് പ്രൊവൈഡര്‍ സംഘവും ഒരു നഴ്‌സും ഉണ്ടായിരിക്കും.സെക്കൻഡറി പാലിയേറ്റീവ് കെയറില്‍ ഉണങ്ങാത്ത മുറിവുകളും പ്രശ്‌നങ്ങളുമുള്ള രോഗികള്‍ക്ക് ഒരു നഴ്‌സി െ ന്‍റയും ഫിസിയോതെറാപ്പിയുടെയും സേവനമാണ് നല്‍കുന്നത്. എല്ലാ ബുധനാഴ്ചകളിലും കുട്ടികള്‍ക്കായി വാക്‌സിനേഷന്‍ സൗകര്യങ്ങളും മാസത്തിലൊരിക്കല്‍ ഫീല്‍ഡ്തല വാക്‌സിനേഷനും നടപ്പാക്കി വരുന്നുണ്ട്. പുതിയ കെട്ടിടം പ്രവര്‍ത്തനം തുടങ്ങുന്നതോടെ പൊതുജനങ്ങള്‍ക്ക് അത്യാധുനിക സൗകര്യങ്ങളോടുകൂടിയ മികച്ച ചികിത്സയും സേവനങ്ങളും സൗജന്യമായി ലഭ്യമാകുമെന്ന് മെഡിക്കല്‍ ഓഫീസര്‍ ഡോ. ജി.നടാഷ പറഞ്ഞു.

രമേശ് ചെന്നിത്തലയുടെ വാക്കത്തൺ നാളെ

കൊല്ലം: ലോക ലഹരിവിരുദ്ധ ദിനമായ നാളെ മുൻ മന്ത്രി രമേശ് ചെന്നിത്തലയുടെ നേതൃത്വത്തിൽ കൊല്ലത്ത് ലഹരിവിരുദ്ധ സമൂഹ നടത്തം നടക്കും. ആശ്രാമം മൈതാനത്തുനിന്ന് രാവിലെ ആറിന് ആരംഭിക്കുന്ന സമൂഹ നടത്തം ചിന്നക്കടയിൽ സമാപിക്കും. തുടർന്ന് ആയിരങ്ങൾ ലഹരിവിരുദ്ധ പ്രതിജ്ഞ ചൊല്ലും. രമേശ് ചെന്നിത്തല മുഖ്യ രക്ഷാധികാരിയായ പ്രൗഡ് കേരള എന്ന സംഘടനയുടെ നേതൃത്വത്തിലാണ് പരിപാടി. ഈ സംഘടന കേരളത്തിൽ സംഘടിപ്പിക്കുന്ന മൂന്നാമത്തെ ലഹരിവിരുദ്ധ സമൂഹ നടത്തമാണിത്. സംഘടനയുടെ നേതൃത്വത്തിലുള്ള ആദ്യ സമൂഹ നടത്തം മേയ് 30ന് തിരുവനന്തപുരത്തും രണ്ടാമത്തേത് ജൂൺ 17നു പത്തനംതിട്ടയിലും നടത്തിയിരുന്നു. യുവാക്കൾക്കിടയിലെ ലഹരിമരുന്ന് ഉപയോഗത്തിനെതിരേ കക്ഷിരാഷ്്‌ട്രീയ വ്യത്യാസമില്ലാതെ ജനകീയ പ്രതിരോധം തീർക്കാനുള്ള ശ്രമമാണിതെന്ന് പ്രൗഡ് കേരള ചെയർമാൻ മലയിൻകീഴ് വേണുഗോപാൽ അറിയിച്ചു.

അഞ്ചൽ ഈസ്റ്റ്‌ ഹയർ സെക്കൻഡറി സ്കൂളിൽ ദീപിക നമ്മുടെ ഭാഷ പദ്ധതി

അഞ്ചൽ: വിദ്യാർഥികളിൽ വായനശീലം പ്രോത്സാഹിപ്പിക്കുന്ന ദീപിക നമ്മുടെ ഭാഷാപദ്ധതിക്ക് അഞ്ചൽ ഈസ്റ്റ്‌ ഹയർ സെക്കൻഡറി സ്കൂളിൽ തുടക്കമായി. ചങ്ങനാശേരി അതിരൂപത പാസ്റ്ററൽ കൗൺസിൽ അംഗം മാക്സ്മിലൻ പള്ളിപ്പുറത്ത്‌ കുട്ടികൾക്ക് ദീപിക ദിനപത്രം കൈമാറി സ്കൂളിൽ ദീപിക നമ്മുടെ ഭാഷ പദ്ധതിക്ക് തുടക്കം കുറിച്ചു. സ്കൂൾ ഹെഡ്മിസ്ട്രസ് എസ്.ഷീജ കുട്ടികളിൽ വായനശീലംവർധിപ്പിക്കുന്നതിനെ കുറിച്ചും ഇതുവഴി വിദ്യാർഥികൾക്ക് ലഭിക്കുന്ന അറിവുകൾ സമൂഹത്തിൽ ഉണ്ടാക്കുന്ന നേട്ടങ്ങളെക്കുറിച്ചും പ്രസംഗിച്ചു. പ്രിൻസിപ്പൽ അനസ് ബാബു, ദീപിക പുനലൂർ ഏരിയ മാനേജർ വർഗീസ് ജോസഫ്, ലേഖകൻ സുരേഷ് തുടങ്ങിയവർ നേതൃത്വം നൽകി.

കുമാരകോടിയിലേക്ക് സാഹിത്യയാത്ര നടത്തി

കൊല്ലം: കുമാരനാശാ െ ന്‍റ ചരമശതാബ്ദിയുടെ ഭാഗമായി കൊല്ലത്തു നിന്നും പല്ലന കുമാരകോടിയിലേക്ക് ജില്ലാ ലൈബ്രറി കൗണ്‍സിലിന്‍റെ നേതൃത്വത്തില്‍ ഗ്രന്ഥശാല പ്രവര്‍ത്തകരും എഴുത്തുകാരും സാഹിത്യയാത്ര നടത്തി. കുമാരനാശാന്‍ അന്ത്യവിശ്രമം കൊള്ളുന്ന പല്ലന കുമാരകോടിയില്‍ അവർ പുഷ്പാര്‍ച്ചന നടത്തി. പല്ലന കുമാരനാശാന്‍ സ്മാരകത്തില്‍ ചേര്‍ന്ന അനുസ്മരണ സമ്മേളനം ജില്ലാ പഞ്ചായത്ത് പ്രസിഡന്‍റ് ഡോ. പി.കെ.ഗോപന്‍ ഉദ്ഘാടനം ചെയ്തു. ജില്ലാ ലൈബ്രറി കൗണ്‍സില്‍ പ്രസിഡന്‍റ് കെ. ബി. മുരളീകൃഷ്ണന്‍ അധ്യക്ഷനായി. ഡോ. വള്ളിക്കാവ് മോഹന്‍ദാസ്, ഡോ. കെ. ബി. ശെല്‍വമണി എന്നിവര്‍ ആശാ െ ന്‍റ കാവ്യലോകം എന്ന വിഷയത്തെ മുന്‍നിര്‍ത്തി പ്രബന്ധങ്ങള്‍ അവതരിപ്പിച്ചു. ആശാ െന്‍റ ചണ്ഡാലഭിക്ഷുകി എന്ന കവിതയുടെ ദൃശ്യാവിഷ്‌കാരം ശുഭ വയനാടും സംഘവും അവതരിപ്പിച്ചു. ആശാന്‍ കവിതകളുടെ ആലാപനം ശശിധരന്‍ കുണ്ടറ, അപ്സര ശശികുമാര്‍, ആശ്രാമം ഓമനക്കുട്ടന്‍, ശിവരാജന്‍ കോവിലഴികം, ബിനീഷ്, ആര്‍. സുജാകുമാരി എന്നിവര്‍ നടത്തി. സംസ്ഥാന ലൈബ്രറി കൗണ്‍സില്‍ എക്സിക്യൂട്ടീവ് അംഗം ജി. കൃഷ്ണകുമാര്‍, ആലപ്പുഴ ജില്ലാ ലൈബ്രറി കൗണ്‍സില്‍ സെക്രട്ടറി ടി. തിലകരാജ്, ജില്ലാ ലൈബ്രറി കൗണ്‍സില്‍ സെക്രട്ടറി ഡി. സുകേശന്‍, കൊല്ലം താലൂക്ക് പ്രസിഡന്‍റ് പി. ഉഷാകുമാരി, സെക്രട്ടറി അഡ്വ. കെ. പി. സജിനാഥ്, കുന്നത്തൂര്‍ താലൂക്ക് സെക്രട്ടറി എസ്. ശശികുമാര്‍ എന്നിവര്‍ പ്രസംഗിച്ചു.

പോളിംഗ് സ്റ്റേഷന്‍ പുന:ക്രമീകരണം ഉടൻ പൂര്‍ത്തിയാക്കണമെന്ന് കളക്‌ടർ

കൊല്ലം: പോളിംഗ് സ്റ്റേഷനുകളില്‍ വോട്ടര്‍മാരുടെ എണ്ണം 1200 ആയി നിജപ്പെടുത്തിയുള്ള പുന:ക്രമീകരണ നടപടികള്‍ സമയബന്ധിതമായി പൂര്‍ത്തിയാക്കണമെന്ന് രാഷ്‌ട്രീയകക്ഷി പ്രതിനിധികളുടെ യോഗത്തില്‍ ജില്ലാ കളക്ടർ എന്‍. ദേവിദാസ്. വില്ലേജ് പോളിംഗ് ഓഫീസര്‍മാരുടെ നേതൃത്വത്തില്‍ ടീം രൂപീകരിച്ച് ഫീല്‍ഡ്തല പരിശോധന നടത്തി അന്തിമ റിപ്പോര്‍ട്ട് സമര്‍പ്പിക്കണം. പോളിങ് സ്റ്റേഷന്‍ പുനക്രമീകരണത്തി െ ന്‍റ രൂപരേഖ തയാറാക്കുന്നതിന് വില്ലേജ്തലത്തില്‍ നടക്കുന്ന ബി എല്‍ ഒ - ബി എല്‍ എ യോഗങ്ങളില്‍ ബൂത്ത് ലെവല്‍ ഏജന്‍റ ുമാര്‍ പങ്കെടുക്കുന്നുണ്ടെന്ന് രാഷ്ട്രീയപാര്‍ട്ടികള്‍ ഉറപ്പാക്കണം. ഒരു ലൊക്കേഷനില്‍ നിന്നുള്ള വോട്ടര്‍മാരെ ഒരു പോളിംഗ് സ്റ്റേഷനില്‍ തന്നെ ക്രമീകരിക്കുന്നതിനും ഒരു കുടുംബത്തിലെ എല്ലാ വോട്ടര്‍മാരും ഒരേ പോളിംഗ് സ്റ്റേഷനില്‍ ഉള്‍പ്പെടുന്നുവെന്നും ബി എല്‍ എ ഉറപ്പു വരുത്തണമെന്നും കളക്‌ടർ നിർദേശിച്ചു. ഒരേ പ്രദേശത്തുള്ള ഒന്നില്‍ കൂടുതല്‍ പോളിംഗ് സ്റ്റേഷനുകളില്‍ 1100-ല്‍ അധികമുള്ള വോട്ടര്‍മാരെ അതേ ലൊക്കേഷനിലെ എണ്ണംകുറവുള്ള ബൂത്തുകളിലേക്ക് മാറ്റിക്രമീകരിക്കാനുള്ള സാധ്യത പരിശോധിച്ചു വരികയാണ്. അല്ലെങ്കില്‍ നിലവിലെ ലൊക്കേഷനില്‍ പുതിയ പോളിംഗ് സ്റ്റേഷന്‍ സജ്ജമാക്കും. ബൂത്ത് ലെവല്‍ ഓഫീസര്‍മാര്‍ക്ക് പരിശീലനം നല്‍കുന്നതിനായി മാസ്റ്റര്‍ ട്രെയിനര്‍മാര്‍ക്കും ഡല്‍ഹി ഐ ഐ ഐ ഡി ഇ എം-ല്‍ പരിശീലനം ലഭിച്ച ബിഎല്‍ഒ മാര്‍ക്കും 27ന് കളക്‌ടറേറ്റ് കോണ്‍ഫറന്‍സ് ഹാളില്‍ ശില്‍പശാല നടത്തും. ജൂലൈ നാലു മുതല്‍ 17 വരെ നിയോജക മണ്ഡലാടിസ്ഥാനത്തില്‍ ബി എല്‍ ഒ മാര്‍ക്കുള്ള ദേശീയ പരിശീലന പരിപാടിയും സംഘടിപ്പിക്കും. സബ് കള ക്‌ടര്‍ നിഷാന്ത് സിഹാര, ഡപ്യൂട്ടി കളക്‌ടര്‍മാര്‍, വി.കെ. അനിരുദ്ധന്‍ (സിപിഎം), വിനിത വിന്‍സെന്‍റ്(സിപിഐ), ചന്ദ്രഭാനു (ആര്‍എസ്പി), പി.എസ്. ശാലു (ബിജെപി), വിപിന്‍ കണികോണത്ത് (ബിഎസ്പി), ലിയ എയ്ഞ്ചല്‍ (ആം ആദ്മി), ഈച്ചംവീട്ടീല്‍ നയാസ് മുഹമ്മദ്( കെസി-ജെ) തുടങ്ങിയവര്‍ പങ്കെടുത്തു.

എൽഡിഎഫിന്‍റെ തകർച്ച ആരംഭിച്ചു:തൊടിയൂർ രാമചന്ദ്രൻ

ചാത്തന്നൂർ: നിലമ്പൂർ ഉപതെരഞ്ഞെടുപ്പ് ഫലം പുറത്തുവന്നതോടെ എൽഡിഎഫിന്‍റെ തകർച്ചയ്ക്ക് തുടക്കമായെന്ന് കെപിസിസി സെക്രട്ടറി തൊടിയൂർ രാമചന്ദ്രൻ. കല്ലുവാതുക്കൽ പഞ്ചായത്തിലെ വരിഞ്ഞം വാർഡ് കോൺഗ്രസ് കമ്മിറ്റി സംഘടിപ്പിച്ച മഹാത്മാഗാന്ധി കുടുംബ സംഗമം ഉദ്‌ഘാടനം ചെയ്തു പ്രസംഗിക്കുകയായിരുന്നു അദ്ദേഹം. വരുന്ന ത്രിതല പഞ്ചായത്ത്‌ തെരഞ്ഞെടുപ്പിൽ യു ഡി എഫ് ചരിത്ര വിജയം നേടുമെന്നും അദ്ദേഹം കൂട്ടിച്ചേർത്തു. ഡിസിസി അംഗം അഡ്വ. ആർ. എസ്. മിനിയുടെ വസതിയിൽ നൂറോളം പേർ പങ്കെടുത്ത യോഗത്തിൽ വാർഡ് മെമ്പർ പി. പ്രമീള അധ്യക്ഷത വഹിച്ചു. ഡിസിസി അംഗം വട്ടക്കുഴിക്കൽ മുരളി, ബ്ലോക്ക്‌ കോൺഗ്രസ് പ്രസിഡന്‍റ് അഡ്വ. ലതാ മോഹൻദാസ്, പഞ്ചായത്ത്‌ പ്രസിഡന്‍റ് എൻ. ശാന്തിനി, പഞ്ചായത്ത് വൈസ് പ്രസിഡന്‍റ് പി. പ്രതീഷ് കുമാർ ,കോൺഗ്രസ് മണ്ഡലം പ്രസിഡന്‍റ് വിഷ്ണു വിശ്വരാജൻ, ഡോ. നടയ്ക്കൽ ശശി, കല്ലുവാതുക്കൽ അജയകുമാർ, അന്നമ്മ ചാക്കോ, പാറയിൽ രാജു, തോമസ്കുട്ടി, സാമുവേൽ കോടക്കയം, രാജേഷ് കല്ലുവാതുക്കൽ, അജിത് ലാൽ, ഏറം സന്തോഷ്‌, ഡോ. രാജശേഖരൻ നായർ, യൂത്ത് കോൺഗ്രസ് മണ്ഡലം പ്രസിഡന്‍റ് നിതിൻ കല്ലുവാതുക്കൽ, മഹിളാകോൺഗ്രസ് മണ്ഡലം പ്രസിഡന്‍റ് നീന റെജി, ബ്ലോക്ക്‌ പഞ്ചായത്ത്‌ അംഗം ആശ, പേഴുംകാട് വിജയൻ, വരിഞ്ഞം ഉണ്ണി, ബാബുരാജൻ തുടങ്ങിയവർ പ്രസംഗിച്ചു. മുതിർന്ന കോൺഗ്രസ് പ്രവർത്തകരെ ആദരിക്കുകയും ഉന്നത വിജയം നേടിയ വിദ്യാർഥികളെ അനുമോദിക്കുകയും ചെയ്തു.

‘ഓണക്കനി നിറപൊലിമ’

കുണ്ടറ : കിഴക്കേ കല്ലട ഗ്രാമ പഞ്ചായത്തിൽ കുടുംബശ്രീ സിഡിഎസി െന്‍റ നേതൃത്വത്തിൽ ഓണത്തിന് വിളവെടുക്കുന്നതിന് വേണ്ടി ‘ഓണക്കനി നിറപൊലിമ’എന്ന പേരിൽ പച്ചക്കറി, ചെണ്ടുമല്ലി എന്നിവയുടെ തൈകൾ നട്ടു. പഞ്ചായത്ത് വൈസ് പ്രസിഡന്‍റ് രാജു ലോറൻസ് ഉദ്ഘാടനം ചെയ്തു. വാർഡ് മെമ്പർ പ്രദീപ് കുമാർ അധ്യക്ഷത വഹിച്ചു. ക്ഷേമകാര്യ സമിതി ചെയർമാൻ എ. സുനിൽകുമാർ, കൃഷി ഓഫീസർ അനഘ, സിഡിഎസ് ചെയർപേഴ്സൺ രശ്മി, കർഷക വി. ആർ.സച്ചു, അശ്വതി, ബെസി തോമസ്, ആർ.പി.ചിത്ര, ജെ എൽ ജി ഗ്രൂപ്പ് അംഗങ്ങൾ തുടങ്ങിയവർ പ്രസംഗിച്ചു.

നോർക്ക നെയിം പദ്ധതി: തൊഴിലുടമകൾക്ക് ശമ്പളവിഹിതത്തിനായി രജിസ്റ്റര്‍ ചെയ്യാം

കൊല്ലം: പ്രവാസി പുനരധിവാസ പദ്ധതിയായ നോർക്കാ അസിസ്റ്റന്‍റ് ആന്‍റ് മൊബിലൈസ്ഡ് എംപ്ലോയ്‌മെന്‍റ് അഥവ ‘നെയിം’പദ്ധതിപ്രകാരം പ്രവാസികൾക്ക് ജോലി നൽകിയിട്ടുള്ള തൊഴിലുടമകള്‍ക്ക് ശമ്പളവിഹിതം ലഭ്യമാക്കുന്നതിനായി ഇപ്പോള്‍ രജിസ്റ്റര്‍ ചെയ്യാം. തിരിച്ചെത്തിയ പ്രവാസി കേരളീയര്‍ക്ക് നാട്ടിലെ സംരംഭങ്ങളിൽ തൊഴിൽ ലഭ്യമാക്കുന്നതിന് ലക്ഷ്യമിട്ട് സംസ്ഥാന സര്‍ക്കാര്‍ നോര്‍ക്ക റൂട്ട്സ് മുഖേന നടപ്പിലാക്കുന്ന പദ്ധതിയാണ് നെയിം. പദ്ധതി ആരംഭിച്ച 2024 ഒക്‌ടോബറിനു ശേഷം പ്രവാസികൾക്ക് ജോലി നൽകിയിട്ടുള്ള തൊഴലുടമകൾ നോർക്ക റൂട്ട്സി െന്‍റ വെബ്സൈറ്റിൽ രജിസ്റ്റർ ചെയ്യണം. ചുരുങ്ങിയത് രണ്ട് വർഷമെങ്കിലും വിദേശത്ത് ജോലി ചെയ്ത് തിരികെയെത്തിയ പ്രവാസികൾക്ക് ജോലി നൽകിയിട്ടുള്ള തൊഴിൽ ഉടമകൾക്കാണ് ശമ്പളവിഹിതത്തിന് അർഹത. വെബ്‌സൈറ്റ് സന്ദർശിക്കുകയോ 0471-2770523 ഫോൺ നമ്പറിൽ പ്രവൃത്തി ദിനങ്ങളില്‍, ഓഫീസ് സമയത്ത് ബന്ധപ്പെടുകയോ ചെയ്യാം. അർഹരായവക്ക് എത്രയും പെട്ടെന്ന് രജിസ്റ്റർ ചെയ്ത് ഈ ആനുകൂല്യം പ്രയോജനപ്പെടുത്താം. പ്രവാസികളെ നിയമിക്കുന്ന തൊഴിലുടമയ്ക്ക് നിബന്ധനകളുടെ അടിസ്ഥാനത്തിൽ ഒരു വര്‍ഷത്തേയ്ക്ക് പരമാവധി 100 ദിനങ്ങളിലെ ശമ്പളവിഹിതം പദ്ധതി വഴി ലഭിക്കും. ഒരു സ്ഥാപനത്തിന് പരമാവധി 50 പേരെ വരെ ശമ്പളവിഹിതം ലഭ്യമാക്കി നെയിം പദ്ധതിപ്രകാരം നിയമിക്കാനാകും. പ്രവാസികളുടെ തൊഴില്‍ നൈപുണ്യവും അനുഭവപരിചയവും സംരംഭങ്ങൾക്ക് പ്രയോജനകരമാകുന്നതിനൊപ്പം തിരികെയെത്തിയ പ്രവാസികൾക്ക് കൂടുതൽ തൊഴിലവസരങ്ങള്‍ ലഭ്യമാക്കുന്നതിനാണ് നെയിം പദ്ധതി. രണ്ടുവര്‍ഷത്തിലധികം വിദേശരാജ്യത്ത് ജോലിചെയ്തശേഷം നാട്ടില്‍ തിരിച്ചെത്തി ആറു മാസം കഴിഞ്ഞ, സാധുവായ വിസ ഇല്ലാത്ത പ്രവാസികൾക്കാണ് അപേക്ഷിക്കാന്‍ കഴിയുക. കൂടുതല്‍ വിവരങ്ങള്‍ക്ക് 24 മണിക്കൂറും പ്രവര്‍ത്തിക്കുന്ന നോര്‍ക്ക ഗ്ലോബല്‍ കോണ്‍ടാക്‌ട് സെന്‍ററി െ ന്‍റ ടോള്‍ ഫ്രീ നമ്പറായ 1800 425 3939 ലേക്ക് ഇന്ത്യയില്‍ നിന്നും +91-8802 012 345 നമ്പറിലേക്ക് വിദേശത്തുനിന്നും, മിസ്ഡ് കോള്‍ സര്‍വീസിൽ ബന്ധപ്പെടാവുന്നതാണ്.

ഹരിത പന്തൽ നിർമാണം

ആര്യങ്കാവ്: സെന്‍റ് മേരീസ് ഹൈസ്കൂളിൽ അടുക്കള തോട്ടത്തി ന്‍റെ ഭാഗമായി ഹരിത പന്തൽ നിർമാണത്തിന് വിദ്യാർഥികളും അധ്യാപകരും തുടക്കം കുറിച്ചു. സ്കൂൾ ഉച്ചഭക്ഷണ പദ്ധതിയിലേക്ക് പച്ചക്കറികൾ ലഭ്യമാക്കുന്നതിനായിട്ടാണ് സ്കൂളിൽ ഹരിത പന്തൽ ഒരുക്കുന്നത്. മുൻവർഷങ്ങളിലും പച്ചക്കറി കൃഷികൾ സ്കൂളിൽ ഉണ്ടായിരുന്നെങ്കിലും വന്യജീവികൾ നശിപ്പിക്കുന്നതിനാൽ വിളവെടുപ്പ് സാധ്യമായിരുന്നില്ല. സ്കൂളിന് വന്യജീവികളിൽ നിന്ന് സംരക്ഷണം നൽകുന്നതിന് സംരക്ഷണ വേലി വേണമെന്ന ആവശ്യം ശക്തമാണ്. സ്കൂളിൽ പച്ചക്കറി തോട്ടം ഒരുക്കുന്നതിന് ഹെഡ്മാസ്റ്റർ ഷാനിൽ ജോസഫ്, അധ്യാപകരായ ജോസഫ് തോമസ്, കെ.എ.ബിജു, സോഫിയ മരിയ ജോസഫ്, തുടങ്ങിയവർ നേതൃത്വം നൽകി.

ജലാശയ അപകടങ്ങൾ കുറയ്ക്കാൻ കുട്ടികൾക്ക് നീന്തൽ പരിശീലനം നൽകും: മന്ത്രി ജെ.ചിഞ്ചുറാണി

കൊല്ലം: ജലാശയങ്ങള ിൽ വീണുള്ള അപകടങ്ങൾ കുറയ്ക്കാൻ കുട്ടികൾക്ക് നീന്തൽ പരിശീലനം ലഭ്യമാക്കുമെന്ന് മന്ത്രി ജെ. ചിഞ്ചുറാണി. ജില്ലാ അക്വാട്ടിക്ക് അസോസിയേഷൻ സംഘടിപ്പിച്ച ജില്ലാതല ജൂണിയർ - സബ് ജൂണിയർ നീന്തൽ ചാമ്പ്യൻഷിപ്പ് ഉദ്ഘാടനം ചെയ്ത പ്രസംഗിക്കുകയായിരുന്നു മന്ത്രി. ശാരീരിക ആരോഗ്യം മെച്ചപ്പെടുത്താൻ നീന്തൽ മികച്ച ഉപാധിയാണ്. ലാൽ ബഹദൂർ സ്റ്റേഡിയത്തിലെ സ്വിമ്മിംഗ് പൂളി െ ന്‍റ നിർമാണം പുനരാരംഭിക്കും. നീന്തലിനോടൊപ്പം ജില്ലയിലെ മറ്റ് കായിക ഇനങ്ങൾക്കും മികച്ച പശ്ചാത്തല സൗകര്യങ്ങൾ ഒരുക്കും. ആശ്രാമം മൈതാനത്തിനടുത്ത് ക്രിക്കറ്റ്‌ പരിശീലനത്തിന് സൗകര്യമൊരുക്കി. ക്രിക്കറ്റ്‌ അസോസിയേഷ െ ന്‍റ നേതൃത്വത്തിൽ കൊട്ടാരക്കരയിൽ ഉയരുന്ന സ്റ്റേഡിയത്തിനായി 50 ഏക്കർ സ്ഥലം ഏറ്റെടുത്തു. ഹോക്കി സ്റ്റേഡിയവും നിർമിക്കും. കേരളത്തിൽ നിന്ന് ദേശീയ ഗെയിംസ്, ഒളിമ്പിക്സ്, ഏഷ്യൻ ഗെയിംസ് തുടങ്ങിയ രാജ്യാന്തര മത്സരങ്ങളിൽ മികച്ച പ്രകടനം നടത്തിയ 350 ലധികം കായിക താരങ്ങൾക്ക് സർക്കാർ തൊഴിൽ നൽകിയെന്നും മന്ത്രി പറഞ്ഞു. ജില്ലാ സ്പോർട്സ് കൗൺസിൽ പ്രസിഡന്‍റ് എക്സ്. ഏണസ്റ്റ് അധ്യക്ഷനായി. ജില്ലാ അക്വാട്ടിക് അസോസിയേഷൻ പ്രസിഡന്‍റ് എൻ. ജയലാൽ, സെക്രട്ടറി ആസാദ് അബ്ദുൽ കലാം, ടി ഐ എ സി മാനേജർ ആർ. രതീഷ്കുമാർ, മുൻ രാജ്യാന്തര സ്വിമ്മർ എസ്. മണമയിൽ തുടങ്ങിയവർ പങ്കെടുത്തു.

ജില്ലയിൽ മൊബൈൽ സെപ്റ്റേജ് ട്രീറ്റ്മെന്‍റ് യൂണിറ്റ് തുടങ്ങുന്നു

കൊല്ലം: മാലിന്യ സംസ്‌കരണ രംഗത്തെ ഒരു പുതിയ മാതൃകയുമായി ജില്ലാ പഞ്ചായത്ത്. ജില്ലാ പഞ്ചായത്തി െ ന്‍റ നേതൃത്വത്തിൽ കൊല്ലത്ത് മൊബൈൽ സെപ്റ്റേജ് ട്രീറ്റ്‌മെന്‍റ് യൂണിറ്റ് പ്രവർത്തനം ആരംഭിക്കുകയാണ്. യൂണിറ്റ് സമർപ്പണം മന്ത്രി എം.ബി. രാജേഷ് നിർവഹിക്കും. 27ന് ഉച്ചകഴിഞ്ഞ് മൂന്നിന് ആശ്രാമം ജില്ലാ ആയുർവേദ ആശുപത്രി ഗ്രൗണ്ടിലാണ് സമർപ്പണം നടക്കുന്നത്. പരിപാടിയിൽ ജില്ലാ പഞ്ചായത്ത് പ്രസിഡന്‍റ് ഡോ. പി. കെ. ഗോപൻ അധ്യക്ഷത വഹിക്കും. കേരളത്തിൽ ആദ്യമായി ഒരു ജില്ലാ പഞ്ചായത്ത് നടപ്പിലാക്കുന്ന പദ്ധതിയാണിത്. ഗ്രാമ-നഗര മേഖലകളിൽ സെപ്റ്റിക് മാലിന്യങ്ങൾ ശാസ്ത്രീയമായി ശേഖരിച്ച് സംസ്കരിക്കുന്ന സംവിധാനമാണ് മൊബൈൽ സെപ്റ്റേജ് ട്രീറ്റ്മെന്‍റ് യൂണിറ്റ്. പരിസ്ഥിതിയെ സംരക്ഷിക്കുകയും പൊതുജനാരോഗ്യ സുരക്ഷ ഉറപ്പാക്കുകയും ചെയ്യുക എന്നതാണ് പദ്ധതിയുടെ മുഖ്യലക്ഷ്യം. പ്രവർത്തന സംവിധാനംപൂർണമായി സജ്ജീകരിച്ച മൊബൈൽ യൂണിറ്റുകൾ പഞ്ചായത്തുകളിലേക്കും നഗരപ്രദേശങ്ങളിലേക്കും എത്തുന്നു. ശുചിത്വമിഷ െ ന്‍റ അംഗീകാരമുള്ള ഭൗമ എൻവിറോ ടെക് പ്രൈവറ്റ് ലിമിറ്റഡി െ ന്‍റ സാങ്കേതിക സഹായത്തോടെ ആധുനികമായി സജീകരിച്ചിട്ടുള്ള മൊബൈൽ യൂണിറ്റാണിത്. വീടുകളിലും സ്ഥാപനങ്ങളിലുമുള്ള സെപ്റ്റിക് മാലിന്യങ്ങൾ സുരക്ഷിതമായി ശേഖരിച്ച് ശാസ്ത്രീയമായി ശുദ്ധീകരിക്കുന്ന സമഗ്രമായ സംവിധാനമാണ്. തുടക്കത്തിൽ രണ്ട് വാഹനമാണ് ക്രമീകരിച്ചിട്ടുള്ളത്. പിന്നീട് ഒന്നുകൂടി ഏർപ്പെടുത്തും. ഒരു വാഹനത്തിന്‍റെ ചെലവ് 50 ലക്ഷം രൂപയാണ്.സംരംഭത്തിന്‍റെ പ്രാധാന്യം കേരളത്തിൽ സുസ്ഥിര ശുചിത്വം ഉറപ്പാക്കുന്ന പുതിയ ശൈലിയാണിത്. കൂടാതെ വാട്ടർബോഡികൾ, കിണറുകൾ എന്നിവയുടെ മലിനീകരണം തടയുന്നു. പൊതുജനങ്ങൾക്ക് നിശ്ചിത തുക അടച്ച് ഓൺലൈൻ ബുക്കിംഗ് ചെയ്തു ഈ സേവനം ഉപയോഗപ്പെടുത്താം. കേന്ദ്ര ഗവൺമെന്‍റി െന്‍റ വാഷ് ഇൻസ്റ്റിറ്റ്യൂട്ടി െ ന്‍റ സാങ്കേതികവിദ്യ ഉപയോഗപ്പെടുത്തി ഈ യൂണിറ്റ് ഡിസൈൻ ചെയ്തതും തുടർ പ്രവർത്തനങ്ങൾ നിർവഹിക്കുന്നതും ശുചിത്വമിഷൻ അംഗീകാരമുള്ള ഭൗമ എൻവിറോ ടെക് എന്ന സ്ഥാപനമാണ്. സുസ്ഥിര വികസന ലക്ഷ്യങ്ങളുമായി യോജിച്ച സമീപനം കൂടിയാണിത്. ഉദ്ഘാടനം കഴിഞ്ഞ് അടുത്ത ദിവസം മുതൽ യൂണിറ്റുകൾ പ്രവർത്തിക്കും. ഏറ്റവും കുറഞ്ഞ വാടക 5000 രൂപയാണ് നിശ്ചയിച്ചിട്ടുള്ളത്. ദൂരത്തിന് അനുസരിച്ച് നിരക്കിൽ വ്യത്യാസവും ഉണ്ടാകും.

ഗവര്‍ണറുടെ സുരക്ഷ: ഡിവൈഎഫ്ഐ നേതാക്കളെ കരുതല്‍ തടങ്കലിലാക്കി പോലീസ്

അഞ്ചല്‍ : പൊതുപരിപാടിയില്‍ പങ്കെടുത്ത് തിരുവനന്തപുരത്തേക്ക് മടങ്ങുന്ന ഗവര്‍ണര്‍ക്കെതിരേ പ്രതിഷേധ സാധ്യതയുണ്ടെന്ന വിവരത്തെ തുടര്‍ന്നു ഡിവൈഎഫ്ഐ നേതാക്കളെ പോലീസ് കരുതല്‍ തടങ്കലിലാക്കി. ഡിവൈഎഫ്ഐ അഞ്ചല്‍ ബ്ലോക്ക് കമ്മിറ്റി സെക്രട്ടറിയും ഏരൂര്‍ പഞ്ചായത്ത് സ്ഥിരം സമിതി അധ്യക്ഷനുമായ ഷൈന്‍ ബാബു, നസ്‌ലിം, ബുഹാരി, അക്ഷയ് ഉള്‍പ്പടെ നാലുപേരെയാണ് അഞ്ചല്‍ സര്‍ക്കിള്‍ ഇന്‍സ്പെക്ടര്‍ ഹരീഷിന്‍റെ നേതൃത്വത്തിലുള്ള പോലീസ് സംഘം ബൈപാസ് പരിസരത്ത് നിന്നുമാണ് ഇവരെ കസ്റ്റഡിയിലെടുത്തത്. എന്നാല്‍ ഡിവൈഎഫ്ഐ സംസ്ഥാന, ജില്ലാ, പ്രാദേശിക നേതൃത്വം യാതൊരുവിധ പ്രതിഷേധത്തിനും ആഹ്വാനം ചെയ്യുകയോ തീരുമാനിക്കുകയോ ചെയ്തിട്ടില്ലെന്നും അങ്ങനെയുള്ളപ്പോള്‍ അനാവശ്യമായി ജനപ്രതിനിധി ഉള്‍പ്പെടെയുള്ളവരെ പോലീസ് കസ്റ്റഡിയില്‍ എടുക്കുകയായിരുന്നുവെന്നും ആരോപിച്ചു സിപിഎം, ഡിവൈഎഫ്ഐ, എസ്എഫ്ഐ നേതാക്കളും പ്രവര്‍ത്തകരും അഞ്ചല്‍ പോലീസ് സ്റ്റേഷന്‍ പരിസരത്ത് സംഘടിച്ചത് നാടകീയ രംഗങ്ങള്‍ക്കിടയാക്കി. ഇതിനിടയില്‍ നേതാക്കളെ കസ്റ്റഡിയില്‍ എടുത്ത നടപടിയില്‍ പ്രതിഷേധിച്ചു ഒരു സംഘം പ്രവര്‍ത്തകര്‍ ഗവര്‍ണര്‍ കടന്നു പോകുന്നതിനിടെ അഞ്ചല്‍ ബൈപാസില്‍ പ്രതിഷേധിച്ചു. ഗവര്‍ണര്‍ കടന്നുപോയതിന് പിന്നാലെ കസ്റ്റഡിയില്‍ എടുത്ത നേതാക്കളെ വിട്ടയക്കാന്‍ സിഐ നിര്‍ദേശിച്ചു. എന്നാല്‍ പുറത്തുപോകില്ലെന്നു ഷൈന്‍ ബാബു ഉള്‍പ്പെടെയുള്ളവര്‍ നിലപാട് എടുത്തതോടെ സ്റ്റേഷന്‍ പരിസരം സംഘര്‍ഷഭരിതമായി. കസ്റ്റഡിയില്‍ എടുത്തത്തിന്‍റെ കാരണം വ്യക്തമാക്കണ മെന്നും സ്റ്റേഷനില്‍ എത്തിയപ്പോള്‍ പോലീസുകാര്‍ അപമര്യാദയായി പെരുമാറിയെന്നും ആരോപിച്ച് പ്രവർത്തകർ പോലീസുമായി വാക്കേറ്റം നടത്തി. ഇതിനിടെ പുറത്തുനിന്ന പ്രവര്‍ത്തകര്‍ സ്റ്റേഷനുള്ളിലേക്ക് തള്ളിക്കയറാനുള്ള ശ്രമം നടത്തിയെങ്കിലും പോലീസ് തടഞ്ഞു. അപമര്യാദയായി പെരുമാറിയെന്ന പരാതി അന്വേഷിക്കുമെന്നു സിഐ ഉറപ്പ് നൽകിയതോടെയാണ് പ്രതിഷേധം അവസാനിച്ചത്. അന്യായമായി കസ്റ്റഡിയില്‍ എടുക്കുകയും അപമര്യാദയായി പെരുമാറി എന്നതും ചൂണ്ടിക്കാട്ടി റൂറല്‍ പോലീസ് മേധാവിക്കും മുഖ്യമന്ത്രിക്കും പരാതി നല്കുമെന്ന് ഷൈന്‍ ബാബു പറഞ്ഞു.

കാറുകൾ കൂട്ടിയിടിച്ച് ഏഴുപേർക്ക് പരിക്ക്

കുണ്ടറ : കാറുകൾ കൂട്ടിയിടിച്ച് ഉണ്ടായ അപകടത്തിൽ ഏഴ് പേർക്ക് പരിക്കേറ്റു . ഒരാളുടെ നില ഗുരുതരം. മടത്തറ - കടയ്ക്കൽ പാതയിൽ ഐരക്കുഴി ജംഗ്ഷനിൽ കഴിഞ്ഞ ദിവസം രാത്രിയിൽ ചിതറ നിന്നും കടയ്ക്കലിൽ നിന്നും വന്ന കാറുകൾ തമ്മിൽ കൂട്ടിയിടിച്ചാണ് അപകടമുണ്ടായത്. മങ്കാട് നിലമേൽ സ്വദേശിനി ഷൈല (42) , കുമ്മിൾ സംമ്പ്രമം സ്വദേശിനി ജസ്ന (35), പുതുക്കോട് സ്വദേശി ഷുഹൈബ് (30), സംമ്പ്രമം സ്വദേശിനി നസ്രിയ (13), ചിതറ കിഴക്കുംഭാഗം സ്വദേശികളായ ആദിൽ (22),ലുബിന സിയാദ് (44) , എന്നിവരെ കടയ്ക്കൽ താലൂക്ക് ആശുപത്രിയിലും, ഗുരുതരമായി പരിക്കേറ്റ മങ്കാട് നിലമേൽ സ്വദേശിനി അൽഫിയ (21) യെ തിരുവനന്തപുരം മെഡിക്കൽ കോളജ് ആശുപത്രിയിലും പ്രവേശിപ്പിച്ചു. അപകടത്തിൽ ഇരു കാറുകളും പൂർണമായും തകർന്നു.

അമ്മമാർക്ക് സദ്യ ഒരുക്കി റിട്ടയർമെന്‍റ് ചടങ്ങ്

കൊട്ടിയം: അസീസി വിനയാലത്തിലെ അമ്മമാർക്ക് വിഭവ സമൃദ്ധമായ സദ്യ ഒരുക്കി റിട്ടയർമെന്‍റ് ചടങ്ങ് വേറിട്ടതാക്കി സബ് ഇൻസ്പെക്‌ടർ. 33 വർഷത്തെ സേവനത്തിന് ശേഷം കൊട്ടിയം പോലീസ് സ്റ്റേഷനിൽ നിന്നും വിരമിച്ച വടക്കേവിള മണക്കാട് സ്വദേശിയായ ഗിരീഷനാണ് വിരമിക്കലിന്‍റെ ഭാഗമായി കൊട്ടിയം അസീസി വിനയാലയത്തിലെ അമ്മമാർക്ക് സദ്യ ഒരുക്കി റിട്ടയർമെന്‍റ് വേറിട്ടതാക്കിയത്. ഭാര്യയും ഏകമകനുമായെത്തി അമ്മമാർക്ക് സദ്യ വിളമ്പിയ ശേഷം അവരോടൊപ്പം സദ്യയും കഴിച്ചാണ് വിരമിക്കൽ ചടങ്ങ് നടത്തിയത്. ആദിച്ചനല്ലൂർ പഞ്ചായത്ത് പ്രസിഡന്‍റ് രേഖ എസ്.ചന്ദ്രനും പോലീസിലെ ഏതാനും സഹപ്രവർത്തകരും സുഹൃത്തുക്കളും ചടങ്ങിൽ പങ്കെ ടുത്തു. സർവീസിലുള്ളപ്പോൾ ഓണക്കാലത്ത് ഇവിടുത്തെ അമ്മമാർക്ക് സദ്യ ഒരുക്കുക പതിവായിരുന്നു. അതാണ് വിരമിക്കലിന്‍റെ ഭാഗമായി അമ്മമാർക്ക് സദ്യ ഒരുക്കാൻ പ്രേരണയായത്.

ഗിന്നസ് നേട്ടത്തില്‍ യാമി അനിത് സൂര്യ

കൊല്ലം: കടയ്ക്കലിലെ ഗിന്നസ് വാലി വീട്ടിലേക്ക് 10വയസുകാരി യാമി അനിത് സൂര്യയിലൂടെ രണ്ടാമത്തെ ഗിന്നസ് വേള്‍ഡ് റെക്കോര്‍ഡ്. ഗണിതശാസ്ത്രത്തിലെ ഓയിലര്‍ (Euler's) നമ്പറിന്‍റെ ആദ്യത്തെ 560 ഡെസിമല്‍ സ്ഥാനങ്ങള്‍ ഓര്‍ത്തു പറയുകയും അതിനോടൊപ്പം മൂന്നു ബോളുകള്‍ അമ്മാനമാടിയുമാണ് യാമി ഗിന്നസ് റിക്കോര്‍ഡ് നേടിയത്. 500 സ്ഥാനങ്ങള്‍ ഓര്‍ത്തുപറയാന്‍ നിര്‍ദേശിച്ച ഗിന്നസ് കമ്മിറ്റി അംഗങ്ങളുടെ മുന്നില്‍ രണ്ടാം ശ്രമത്തില്‍ മാത്രം അഞ്ച് മിനിറ്റ് 41.09 സെക്കന്‍ഡുകള്‍ കൊണ്ട് 560 സ്ഥാനങ്ങള്‍ കൃത്യമായി പറഞ്ഞാണ് യാമി ചരിത്രമെഴുതിയത്. ഈ വിഭാഗത്തില്‍ ഗിന്നസിന്‍റെ ആദ്യത്തെ റെക്കോര്‍ഡ് ടൈറ്റില്‍ ഹോള്‍ഡറാണ് യാമി. 2024 ഒക്ടോബര്‍ ആറിന് കടയ്ക്കല്‍ ഗവ. ടൗണ്‍ എല്‍പിഎസില്‍ ഗിന്നസ് അധികൃതര്‍ നിര്‍ദേശിച്ച ഒഫിഷ്യൽസിന്‍റെ മുന്നില്‍ നടത്തിയ പ്രകടനത്തില്‍ എട്ട് മാസത്തെ പരിശോധനകള്‍ക്ക് ശേഷമാണ് ഗിന്നസ് വേള്‍ഡ് റെക്കോര്‍ഡ് സര്‍ട്ടിഫിക്കറ്റ് ലഭിച്ചത്. ഗണിതവുമായി ബന്ധപ്പെട്ട പ്രകടനം ആയതിനാല്‍ പ്രൈമറി വിറ്റ്‌നസ് ഗണിതശാസ്ത്ര മേഖലയിലുള്ളവര്‍ ആയിരിക്കണമെന്ന് കര്‍ശന നിര്‍ദേശം ഉണ്ടായിരുന്നു. ഹയര്‍സെക്കന്‍ഡറി അധ്യാപികയും മാത്തമാറ്റിഷ്യനുമായ ഡോ. എസ്.എസ് .ആര്‍ച്ച, ഹെഡ്മാസ്റ്ററും ഗണിതശാസ്ത്ര സ്റ്റേറ്റ് റിസോഴ്‌സ് ഗ്രൂപ്പിലെ അംഗവുമായ ടി. വിജയകുമാര്‍ എന്നിവരായിരുന്നു പ്രകടനത്തിന്‍റെ പ്രാഥമിക സാക്ഷികള്‍. ഗവ.ടൗണ്‍ എല്‍പിഎസിലെ ഹെഡ്മിസ്ട്രസ് ജി.എസ് ഗീതാകുമാരി, അധ്യാപകൻ അജിത്ത് കെ. ബാബു, അധ്യാപിക ഡോ. വൈ.എസ്.രജിത എന്നിവര്‍ സഹായ സാക്ഷികളായിരുന്നു. അധ്യാപകരായ സന്തോഷ് പി. തോമസ്, സുനോജ് സുഗതന്‍ എന്നിവര്‍ സമയപാലകരായിരുന്നു. ഇവരുടേയും ജനപ്രതിനിധികൾ, മാധ്യമപ്രവര്‍ത്തകർ, അധ്യാപകർ, വിദ്യാര്‍ഥികൾ എന്നിവരുടെ സാന്നിധ്യത്തിലായിരുന്നു യാമിയുടെ പ്രകടനം. മൂന്ന് മാസത്തെ പരിശലീനത്തിലൂടെയാണ് ഓര്‍മശക്തി, ശരീര നിയന്ത്രണം, ജാഗ്രത എന്നിവയെല്ലാം ഒരേസമയം പരീക്ഷിച്ച ഈ റെക്കോര്‍ഡ് നേട്ടത്തിലേക്ക് എത്താന്‍ യാമിക്ക് സാധിച്ചത്. തുടര്‍ പരിശീലനത്തിലൂടെ ഓര്‍മശക്തിയുമായി ബന്ധപ്പെട്ട് പുതിയ റിക്കോര്‍ഡുകള്‍ സ്വന്തമാക്കുന്നതിനായുള്ള പരിശീലനത്തിലാണ് യാമി. യാമിയുടെ ഈ വിജയം, 'ഗിന്നസ് വാലി' എന്ന പേരില്‍ അറിയപ്പെടുന്ന വീട്ടിന്‍റെ പേരിന് മാറ്റുകൂട്ടി. ഈ വീട്ടിലെ രണ്ടാമത്തെ ഗിന്നസ് റെക്കോര്‍ഡ് നേട്ടമാണിത്. 2017-ല്‍ ഒരു മിനിറ്റില്‍ 45 വസ്തുക്കളെ ഓര്‍ത്തെടുത്ത് യാമിയുടെ അമ്മയും മെമ്മറി പെര്‍ഫോമറും പരിശീലകയുമായ ശാന്തി സത്യന്‍ ഗിന്നസ് റെക്കോര്‍ഡ് നേടിയിരുന്നു. അമ്മയും സൈക്കോളജിക്കല്‍ കൗണ്‍സിലറായ പിതാവ് അനിത് സൂര്യയുമാണ് യാമിയുടെ പരിശീലകര്‍. യാനി, യാന്‍വി എന്നിവര്‍ സഹോദരങ്ങളാണ്.

സ്നേഹസ്പര്‍ശം 16-ാം ഘട്ടം; ചണ്ണപ്പേട്ടയില്‍ ആറ് കുടുംബത്തിന് 60 ലക്ഷം നൽകി

അഞ്ചല്‍ : ഒപ്പമുള്ളവരെ കൈവിടില്ലെന്നും എപ്പോഴും കൂടെയുണ്ടാകുമെന്ന വലിയ സന്ദേശം നല്‍കുന്ന കേരള വ്യാപാരി വ്യവസായി ഏകോപന സമിതിയുടെ ജില്ലാ കമ്മിറ്റി ആവിഷ്കരിച്ച സ്നേഹസ്പര്‍ശം കുടുംബ സഹായ പദ്ധതിയുടെ പതിനാറാം ഘട്ടം ചണ്ണപ്പേട്ടയില്‍ നടന്നു. സംഘടനയില്‍ അംഗമായിരിക്കെ മരണപ്പെട്ട ആറ് കുടുംബങ്ങള്‍ക്ക് പത്തുലക്ഷം രൂപ വീതം 60 ലക്ഷം രൂപയാണ് സഹായ ധനമായി കൈമാറിയത്. ചണ്ണപ്പേട്ട ജംഗ്ഷനില്‍ സംഘടിപ്പിച്ച ചടങ്ങ് വ്യാപാരി വ്യവസായി ഏകോപന സമിതി ജില്ലാ പ്രസിഡന്‍റ് എസ് .ദേവരാജന്‍റെ അധ്യക്ഷതയില്‍ മന്ത്രി ജെ. ചിഞ്ചു റാണി ഉദ്ഘാടനം ചെയ്തു. ചടങ്ങില്‍ ചണ്ണപ്പേട്ട യൂണിറ്റില്‍ പുതുതായി അംഗത്വം എടുത്തവര്‍ക്കുള്ള സര്‍ട്ടിഫിക്കറ്റുകളും വിതരണം ചെയ്തു. ജില്ലാ ജനറല്‍ സെക്രട്ടറി ജോജോ കെ എബ്രഹാം, ട്രഷറര്‍ എസ്. കബീര്‍, കെപിസിസി ജനറല്‍ സെക്രട്ടറി എം.എം. നസീര്‍, ഗ്രാമപഞ്ചായത്ത് വൈസ് പ്രസിഡന്‍റ് ജി. പ്രമോദ്, വാര്‍ഡ് അംഗം ബിനു സി ചാക്കോ, പുത്തയം ബിജു, ചാര്‍ളി കൊലത്ത്, ദിലീപ്, അജില്‍ ചന്ദ്രന്‍, വ്യാപാരി വ്യവസായി ഏകോപന സമിതി ചണ്ണപ്പേട്ട യൂണിറ്റ് പ്രസിഡന്‍റ് എം.എസ്. ശോഭനേന്ദ്രന്‍, സെക്രട്ടറി സി.എസ്. ബാബുരാജ്, വൈസ് പ്രസിഡന്‍റ് സുരേഷ്കുമാര്‍ ഉള്‍പ്പടെ നിരവധിപേര്‍ പ്രസംഗിച്ചു. സംഘടനയിലെ അംഗമായിരിക്കെ മരണപ്പെട്ട ചണ്ണപ്പേട്ട സ്വദേശി സന്തോഷ്, ഓച്ചിറ സ്വദേശി ബെല്‍ജി, നെടുമന്‍കാവ് സ്വദേശിനി നസീമ, തഴവ കുറ്റിപ്പുറം സ്വദേശിനി സഫിയത്ത്, നെടുമ്പായിക്കുളം സ്വദേശിനി തങ്കമ്മ മാത്യു, പുന്നല സ്വദേശിനി നൂര്‍ജഹാന്‍ എന്നിവരുടെ കുടുംബത്തിനാണ് 10 ലക്ഷം രൂപ വീതം നൽകിയത്. 2023 നവംബറില്‍ ആരംഭിച്ച സ്നേഹസ്പര്‍ശം കുടുംബ സുരക്ഷാ പദ്ധതിയിലൂടെ 16 ഘട്ടങ്ങളിലായി എട്ടുകോടിയിലധികം രൂപയാണ് നല്‍കിയിട്ടുള്ളത്.

മന്ന - പൊതിച്ചോറ് പദ്ധതി ഉദ്ഘാടനം ചെയ്തു

കുളത്തൂപ്പുഴ : ഭാരതീപുരം കാർമൽഗിരി സെൻട്രൽ സ്കൂളിൽ അനാഥരും നിരാശ്രയരുമായ സഹോദരങ്ങളോട് കുട്ടികൾക്ക് കരുണയും പ്രതിബദ്ധതയും വർധിപ്പിക്കുന്നതിനായി ‘മന്ന പൊതിച്ചോറ്’ പദ്ധതിക്കു തുടക്കമിട്ടു. മൂല്യ ശോഷണം വർധിച്ചു വരുന്ന പുതുതലമുറയിൽ, വിദ്യാഭ്യാസത്തോടൊപ്പം നിസ്വാർഥ മനോഭാവവും സാമൂഹിക പ്രതിബദ്ധതയുമുള്ള ഉത്തമ പൗരന്മാരായി വളർന്നു വരുന്നതിനു ഉതകുന്ന രീതിയിൽ ഓരോ പ്രവർത്തനങ്ങളും തുടരണം എന്ന് ഉദ്ബോധിപ്പിച്ചുകൊണ്ട് സ്കൂൾ ബർസാർ ഫാ.ജോഷ്വാ കൊച്ചുവിളയിൽ പദ്ധതി ഉദ്ഘാടനം ചെയ്തു. "നമ്മുടെ ആഹാരം വിശക്കുന്ന സഹോദരങ്ങൾക്ക് പങ്കിടുമ്പോഴാണ് അതിന് സ്വാദേറുന്നതെന്ന് സ്കൂൾ പ്രിൻസിപ്പൽ ഷാലി സേവ്യർ പറഞ്ഞു. പദ്ധതി ഈ ഒരു വിദ്യാഭ്യാസ വർഷം മുഴുവനും തുടരുന്നതിന് കുട്ടികൾ തീരുമാനിച്ചു. സ്കൂളിലെ ഏഴാം ക്ലാസ്‌ വിദ്യാർഥികളുടെ മേൽനോട്ടത്തിൽ എല്ലാ അധ്യാപകരും വിദ്യാർഥികളും മാതാപിതാക്കളും പങ്കാളികളായി.

ഹോം അപ്ലൈൻസ് കടയിൽ മോഷണ ശ്രമം; പ്രതി പിടിയിൽ

കുണ്ടറ : ഹോം അപ്ലൈൻസ് കടയിൽ മോഷണശ്രമം നടന്ന് മണിക്കൂറുകൾക്കുള്ളിൽ പ്രതി പിടിയിൽ. ഓക്സിജന്‍റെ പത്തനാപുരം ഷോറൂമിൽ ആണ് സംഭവം . കഴിഞ്ഞദിവസം പുലർച്ചേ രണ്ടിനും നാലിനുമിടയിലാണ് സ്ഥാപനത്തിന്‍റെ പിറകുവശത്തുള്ള ഷട്ടർ പൊളിച്ചുള്ള മോഷണശ്രമം നടന്നത്. ഷട്ടർ പൊളിച്ചെങ്കിലും മറ്റു സുരക്ഷാ സംവിധാനം ഉണ്ടായിരുന്നതിനാൽ മോഷ്‌ടാവിന് അകത്ത് പ്രവേശിക്കാൻ കഴിഞ്ഞില്ല. പോലീസിൽ വിവരം അറിയിച്ചതിനെ തുടർന്ന് ഡോഗ് സ്ക്വാഡും വിരലടയാള വിദഗ്ധരും സ്ഥലത്തെത്തി തെളിവുകൾ ശേഖരിച്ചു. പ്രതിയുടെ സിസിടിവി ദൃശ്യങ്ങൾ ലഭ്യമായെങ്കിലും ഹെൽമെറ്റ് ധരിച്ചിരുന്നതിനാൽ ആളെ വ്യക്തമായിരുന്നില്ല. തുടർന്ന് നടത്തിയ അന്വേഷണത്തിൽ നടുക്കുന്നു ഭാഗത്ത് പ്രവർത്തിക്കുന്ന ഒരു സ്ഥാപനത്തിലെ ജോലിക്കാരനായ ആലപ്പുഴ വിരിപ്പാല അരുൺ നിവാസിൽ അരുൺ(27) ആണ് മോഷ്‌ടാവ് എന്ന് വ്യക്തമായി. തുടർന്ന് പോലീസ് സർവീസ് സ്റ്റേഷനിൽ നിന്നും ഇയാളെ പിടികൂടുകയായിരുന്നു. ഇൻസ്പെക്്‌ടർ ബിജുവിന്‍റെ നേതൃത്വത്തിലാ എസ്ഐ ശരലാൽ, ഗ്രേഡ് എസ് ഐ ദിലീപ് ഖാൻ എന്നിവർ അടങ്ങിയ സംഘമാണ് പ്രതിയെ പിടികൂടിയത്. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു. ഇത്തരം കുറ്റകൃത്യങ്ങൾ വർധിച്ചു വരുന്നതിനാൽ പോലീസ് ക്ലിയറൻസ് സർട്ടിഫിക്കറ്റ് നിർബന്ധമാക്കുമെന്ന് പത്തനാപുരം എസ് ഐ ശരലാല്‍ അറിയിച്ചു.

ജനദ്രോഹ നയങ്ങൾക്കെതിരേയുള്ള വിധിയെഴുത്ത്: എന്‍.കെ. പ്രേമചന്ദ്രന്‍ എംപി

കൊല്ലം: നിലമ്പൂരിലെ തിളക്കമാര്‍ന്ന തെരഞ്ഞെടുപ്പ് വിജയം പിണറായി വിജയന്‍ സര്‍ക്കാരിന്‍റെ ജനദ്രോഹ നയങ്ങള്‍ക്കെതിരെയുളള വിധിയെഴുത്താണെന്ന് എന്‍.കെ. പ്രേമചന്ദ്രന്‍ എംപി. എല്‍ഡിഎഫും അന്‍വറും ഉയര്‍ത്തിയ പ്രതിരോധത്തെ അതിജീവിച്ച് വിജയം കൈവരിച്ചത് കെട്ടുറപ്പോടും ആത്മാര്‍ഥതയോടും കൂടി യുഡിഎഫ് നടത്തിയ പ്രവര്‍ത്തനമാണ്. എല്‍ഡിഎഫ് സ്ഥാനാര്‍ഥിയുടെ വോട്ടും ഇതര സ്ഥാനാര്‍ഥികളുടെ വോട്ടും താരത്മ്യം ചെയ്യുമ്പോള്‍ ഭരണവിരുദ്ധ ജനവികാരം അതിശക്തമാണെന്ന് വസ്തുത ബോധ്യപ്പെടും. മൂന്നാം പിണറായി സര്‍ക്കാര്‍ ഉണ്ടാകുമെന്ന എല്‍ഡിഎഫിന്‍റെ നാലാം വാര്‍ഷിക പ്രഖ്യാപനങ്ങള്‍ നിഷ്പ്രഭമാക്കുന്നതാണ് ജനവിധി. മുഖ്യമന്ത്രിയും മന്ത്രിമാരും മണ്ഡലത്തില്‍ തന്നെ തമ്പടിച്ച് പ്രചരണം നടത്തി. മുഖ്യമന്ത്രി തന്നെ ചെറുപ്രാദേശിക യോഗങ്ങളില്‍ പങ്കെടുത്തു. ഭരണസംവിധാനത്തെ പൂര്‍ണമായും തെരഞ്ഞെടുപ്പ് വിജയത്തിനായി ദുരുപയോഗം ചെയ്തു. ആവനാഴിയിലെ ആയുധങ്ങള്‍ പൂര്‍ണമായും എടുത്തു പ്രയോഗിച്ചിട്ടും എല്‍ഡിഎഫ് ദയനീയമായി പരാജയപ്പെട്ടത് അതിശക്തമായ ഭരണവിരുദ്ധ വികാരം കാരണമാണ്. 2026 ലെ തെരഞ്ഞെടുപ്പില്‍ നൂറിലധികം സീറ്റുകളുമായി യുഡിഎഫ് അധികാരത്തില്‍ തിരിച്ചു വരുമെന്നുളളതിന്‍റെ വ്യക്തമായ സന്ദേശമാണ് നിലമ്പൂര്‍ തെരഞ്ഞെടുപ്പ് വിധിയെന്നും എന്‍.കെ. പ്രേമചന്ദ്രന്‍ എംപി പ്രസ്താവനയിൽ പറഞ്ഞു.

നിലമ്പൂർ ജനത പിണറായിക്ക് ക്യാപിറ്റൽ പണിഷ്മെന്‍റാണ് നൽകിയത്: പി.രാജേന്ദ്രപ്രസാദ്

കൊല്ലം: നിലമ്പൂർ ജനത പിണറായിക്ക് ക്യാപിറ്റൽ പണിഷ്മെന്‍റാണ് നൽകിയിരിക്കുന്നതെന്ന് ഡിസിസി പ്രസിഡന്‍റ് പി.രാജേന്ദ്രപ്രസാദ് . 2026-ൽ നടക്കുന്ന നിയമസഭാ തെരഞ്ഞെടുപ്പിൽ യുഡിഎഫ് 100 സീറ്റ് നേടി വിജയിക്കും എന്നത് അരക്കിട്ട് ഉറപ്പിച്ചിരിക്കുകയാണെന്നും അദ്ദേഹം പറഞ്ഞു. നിലമ്പൂർ ഉപതെരഞ്ഞെടുപ്പ് വിജയത്തിൽ ആഹ്ലാദം പ്രകടിപ്പിച്ചുകൊണ്ട് കൊല്ലത്ത് കോൺഗ്രസ് പ്രവർത്തകർ നടത്തിയ പ്രകടനവും മധുര വിതരണവും ഉദ്ഘാടനം ചെയ്ത് പ്രസംഗിക്കുകയായിരുന്നു അദ്ദേഹം. ഡി .ഗീതാകൃഷ്ണൻ അധ്യക്ഷത വഹിച്ചു. യോഗത്തിൽ കെപിസിസി രാഷ്‌ട്രീയകാര്യ സമിതി അംഗം അഡ്വ .ബിന്ദു കൃഷ്ണ, നടുക്കുന്നിൽ വിജയൻ, സൂരജ് രവി, എസ് .വിപിനചന്ദ്രൻ, എൻ.ഉണ്ണികൃഷ്ണൻ, എം.എം.സഞ്ജീവ് കുമാർ, അഡ്വ .വിഷ്ണു സുനിൽ പന്തളം, അഡ്വ .ഫേബ സുദർശൻ, യു .വഹീദ, പാലത്തറ രാജീവ്‌, ആഷിക്ക് ബൈജു, കെ .ബി .ഷഹാൽ, കുരീപ്പുഴ യഹിയ, സലാഹുദീൻ, ജി .ചന്ദ്രൻ തുടങ്ങിയവർ പ്രസംഗിച്ചു.

പുറ്റിംഗൽ വെടിക്കെട്ട് ദുരന്ത കേസ്: വിചാരണ നടപടികൾ വേഗത്തിലാക്കും

കൊല്ലം: പരവൂർ പുറ്റിങ്ങൽ വെടിക്കെട്ട് ദുരന്ത കേസിൽ വിചാരണ നടപടികൾ വേഗത്തിലാക്കുന്നു. ഇതിന്‍റെ ഭാഗമായി 28 മുതൽ എല്ലാ ശനിയാഴ്ചകളിലും പ്രത്യേക കോടതിയിൽ കേസിന്‍റെ വിചാരണ നടക്കും. വിചാരണയ്ക്കായി കൊല്ലം മൂന്നാം അഡീഷണൽ സെഷൻസ് ജഡ്ജി ആന്‍റണിയെ ഹെെക്കോടതി താത്കാലികമായി നിർദേശിച്ചു. കേസിൽ പിടികിട്ടാപ്പുള്ളിയായി പ്രഖ്യാപിച്ച 30-ാം പ്രതി അടൂർ ഏറത്ത് രാജ് ഭവനിൽ അനുരാജിന്‍റെ (അനു) ജാമ്യക്കാർക്ക് പിഴത്തുക കെട്ടിവക്കുന്നത് സംബന്ധിച്ച് ഉത്തരവായതിന്‍റെ അടിസ്ഥാനത്തിൽ ഒന്നാം ജാമ്യക്കാരി പെരുങ്കുഴി മല്ലപ്പാലം കൈലാസിൽ അജിത തുക അടച്ചു. രണ്ടാം ജാമ്യക്കാരനായ കരുനാഗപ്പള്ളി മണപ്പള്ളി ഗോകുൽ ഭവനിൽ ഗോപിനാഥൻ തുക അടയ്ക്കുന്നതിന് നിർവാഹമില്ലെന്ന് കാണിച്ച് അപേക്ഷ സമർപ്പിച്ചു. കേസ് പിഴ തുക അടയ്ക്കുന്നതിലേക്ക് 28 ന് വീണ്ടും പരിഗണിക്കും. കേസിൽ പ്രതികളെല്ലാം ഈ ദിവസം ഹാജരാകാനും കോടതി നിർദേശം നൽകി. അതേ സമയം കേസിന്‍റെ വിചാരണയ്ക്ക് സ്ഥിരം ജഡ്ജിയെ ഹൈക്കോടതി ഉടൻ നിയമിക്കുമെന്നും സൂചനയുണ്ട്. പ്രോസിക്യൂഷനു വേണ്ടി കേസിലെ സ്പെഷൽ പബ്ലിക് പ്രോസിക്യൂട്ടർ കെ.പി .ജബ്ബാർ, അഡ്വ. അമ്പിളി ജബ്ബാർ എന്നിവർ കോടതിയിൽ ഹാജരായി.

യോഗദിനം ആചരിച്ചു

ആര്യങ്കാവ് : സെന്‍റ് മേരീസ് ഹൈസ്കൂളിൽ അന്താരാഷ്ട്ര യോഗ ദിനം വിപുലമായി ആചരിച്ചു. എച്ച്എം ഷാനിൽ ജോസഫ് യോഗദിന സന്ദേശം നൽകി. ഫിസിക്കൽ ട്രെയിനർ ജോസഫ് തോമസ് യോഗ ദിനാചരണത്തിന് നേതൃത്വം നൽകി. അഞ്ചൽ: അഞ്ചൽ സെന്‍റ് ജോൺസ് കോളജിൽ എൻ എസ് എസും എൻ സി സിയും സംയുക്തമായി അന്താരാഷ്ട്ര യോഗ ദിനം ആചരിച്ചു. കോളജ് പ്രിൻസിപ്പൽ നിഷ തോമസ് ഉദ്ഘാടനം നിർവഹിച്ചു. എൻഎസ്എസ് പ്രോഗ്രാം ഓഫീസർമാരായ തോമസ് മോഹൻ, സുനിത ഗ്രേസ് സക്കറിയ, അസോസിയേറ്റ് എൻസിസി ഓഫീസർ അരുൺ, ഫിസിക്കൽ എഡ്യൂക്കേഷൻ ഡയറക്‌ടർ ജോർജ് വി. തോമസ് എന്നിവർ പ്രസംഗിച്ചു. അഖിലേന്ത്യ ഇന്‍റർ യൂണിവേഴ്സിറ്റി യോഗ പാർട്ടിസിപ്പന്‍റ് അഖിൽ നാഥ്‌ യോഗ പരിശീലനത്തിന് നേതൃത്വം നൽകി. കൊല്ലം: അന്താരാഷ്‌ട്ര യോഗദിനത്തിൽ യോഗ പരിശീലിച്ച് ടിടി ഐയിലെ വിദ്യാർഥികൾ. രോഗരഹിതവും സുദൃഡവുമായ ശരീരമാണ് പ്രവൃത്തി ചെയ്യുന്നതിന് ആവശ്യമായ ഘടകമെന്നും പോഷകപൂര്‍ണവും ക്രമവുമായ ആഹാരംപോലെ തന്നെ പ്രധാനമാണ് വ്യായാമമെന്നും അതിന് ഉത്തമമായ ഭാരതത്തനിമയുള്ള വ്യായാമ ശാസ്‌ത്രമാണ് യോഗയെന്നും പ്രിൻസിപ്പൽ ഇ.ടി.സജി പറഞ്ഞു. ബുദ്ധിവികാസത്തിനും കാര്യശേഷിവര്‍ധിപ്പിക്കുന്നതിനും ശരീരത്തിലെ രക്‌തചംക്രമണം കുറ്റമറ്റതായി നടക്കാനും യോഗ ഫലപ്രദമാണെന്ന്‌ ക്ലാസ് നൽകിയ അധ്യാപിക സി.പി. ഗീതാകുമാരി പറഞ്ഞു. മനുഷ്യന്‍റെ ഏറ്റവും വലിയ ധനം ആരോഗ്യമുള്ള മനസും ആരോഗ്യമുള്ള ശരീരവുമാണ് ജീവിതത്തിലെ പ്രതിസന്ധി ഘട്ടങ്ങളിൽ തളരാത്ത മനക്കരുത്തുള്ള തലമുറയെ വാർത്തെടുക്കുക എന്നതാണ് യോഗ പരിശീലനത്തിലൂടെ ലക്ഷ്യം വെക്കുന്നത്. പരിപാടിക്ക് അധ്യാപകരായ പി.കെ.ഷാജി, എസ്.ധനലക്ഷ്മി, രാജേശ്വരൻ എന്നിവർ നേതൃത്വം നൽകി.

അഴീക്കൽ കുടുംബാരോഗ്യ കേന്ദ്രത്തിന് 15 ലക്ഷം രൂപയുടെ ധനസഹായം

കൊല്ലം: കെ.സി. വേണുഗോപാൽ എംപിയുടെ അഭ്യർഥനപ്രകാരം ഐആർഇ സാമൂഹ്യ സുരക്ഷ ഫണ്ടിൽ നിന്നും അഴീക്കൽ കുടുംബാരോഗ്യ കേന്ദ്രത്തിന് 15 ലക്ഷം രൂപയുടെ ധനസഹായം അനുവദിച്ചു. കുടുംബാരോഗ്യ കേന്ദ്രത്തിലെ അടിസ്ഥാന സൗകര്യങ്ങൾ മെച്ചപ്പെടുത്തുന്നതിനും ചികിത്സാ ഉപകരണങ്ങൾ വാങ്ങുന്നതിനുമായാണ് തുക അനുവദിച്ചത്. സാമൂഹ്യ സുരക്ഷാ ഫണ്ടിൽ നിന്നും ധനസഹായം ആവശ്യപ്പെട്ട് കെ.സി.വേണുഗോപാൽ എംപി ഐആർഇക്ക് നേരത്തെ കത്തു നൽകിയിരുന്നു. ഇതിന്‍റെ അടിസ്ഥാനത്തിലാണ് തുക അനുവദിച്ചത്. സ്തനാർബുദ പരിശോധനയ്ക്കുള്ള ഉപകരണത്തിനായി ആറ് ലക്ഷം രൂപയും, അഞ്ച് ഓക്സിജൻ കോൺസൺട്രേറ്ററുകൾക്കായി 4,25,000 രൂപയും നെബുലൈസർ, വാട്ടർ ബെഡ്, ഗ്ലൂക്കോമീറ്റർ ,സ്ട്രിപ്പ് എന്നീ മെഡിക്കൽ ഉപകരണങ്ങൾക്കായി 46,900 രൂപയും വകയിരുത്തിയിട്ടുണ്ട്. ശേഷിക്കുന്ന തുക കുടുംബാരോഗ്യ കേന്ദ്രത്തിലേക്കുള്ള ലാപ്ടോപ്പുകൾക്കും ഓഫീസ് ഉപകരണങ്ങൾക്കുമായി വകയിരുത്തി. അഴീക്കൽ കുടുംബാരോഗ്യ കേന്ദ്രത്തെ ആശ്രയിക്കുന്ന പ്രദേശവാസികളുടെ ആരോഗ്യ പരിരക്ഷ മെച്ചപ്പെടുത്തുന്നതിന് ഈ തുക കൂടുതൽ സഹായകരമാകും. ആശുപത്രികളുടെ നവീകരണം, ആരോഗ്യ മേഖലയിൽ മെച്ചപ്പെട്ട ചികിത്സ സൗകര്യങ്ങൾ ഒരുക്കുക തുടങ്ങിയ ആവശ്യങ്ങൾക്കായി ഇത്തരത്തിൽ കൂടുതൽ പൊതുമേഖലാ സ്ഥാപനങ്ങളിൽ നിന്ന് സാമൂഹ്യ സുരക്ഷാ ഫണ്ടുകൾ ലഭ്യമാക്കുന്നതിന് ആവശ്യമായ നടപടികൾ സ്വീകരിക്കുമെന്നും കെ.സി.വേണുഗോപാൽ എംപി പറഞ്ഞു.

റീല്‍സ് ചെയ്ത് സമ്മാനം നേടാം

കൊല്ലം : ‘എന്‍റെകരുതല്‍ എന്‍റെ പരിസ്ഥിതിയ്ക്കായി’ എന്ന പരിസ്ഥിതിദിന കാമ്പയിന്‍റെ ഭാഗമായി സംസ്ഥാന ശുചിത്വ മിഷന്‍ പ്രായഭേദമന്യേ റീല്‍സ് മത്സരം സംഘടിപ്പിക്കുന്നു. പരമാവധി ഒരു മിനിട്ട് ദൈര്‍ഘ്യമുളള റീലുകളാണ് മത്സരത്തിന് തയാറാക്കേണ്ടത്. റീലുകള്‍ എംപി നാല് അല്ലെങ്കില്‍ എവിഐ ഫോര്‍മാറ്റില്‍ 9:16 പോര്‍ട്രേറ്റ് ഫോര്‍മാറ്റിലാണ് നിര്‍മിക്കേണ്ടത്. ശുചിത്വ മിഷന്‍റെ ആശയങ്ങളുമായി പൊരുത്തപ്പെടുന്ന മികച്ച 10 റീലുകള്‍ക്ക് 10000 രൂപാ വീതം സമ്മാനം നല്‍കും. റീലുകള്‍ മലയാളത്തില്‍ തയാറാക്കി 28ന് മുമ്പ് 9495559792 എന്ന വാട്സ് ആപ്പ് നമ്പരില്‍ പേരും അഡ്രസും ചേര്‍ത്ത് അയക്കണം. വിശദ വിവരങ്ങള്‍ക്കും പ്രസ്തുത നമ്പരില്‍ ബന്ധപ്പെടാം.

കൊട്ടിയത്ത് രണ്ടുകിലോ കഞ്ചാവ് പിടിച്ചു

ചാത്തന്നൂർ:വില്പനയ്ക്കായി മോട്ടോർ ബൈക്കിൽ കടത്തുകയായിരുന്ന രണ്ട് കിലോ കഞ്ചാവ് എക്സൈസ് സംഘം പിടിച്ചെടുത്തു. ബൈക്കിലുണ്ടായിരുന്ന രണ്ടുപേർ ബൈക്ക് ഉപേക്ഷിച്ച് ഓടിരക്ഷപ്പെട്ടു. കറുത്ത പൾസർ ബൈക്ക് എക്സൈസ് സംഘം കസ്റ്റഡിയിലെടുത്തിട്ടുണ്ട്. കെഎൽ 2 ബി ജി4907 എന്നാണ് ബൈക്കിലെ നമ്പർ. ഇത് യഥാർഥ രജിസ്റ്റർ നമ്പറാ ണോയെന്ന് സംശയമുണ്ടെന്ന് എക്സൈസ് പറഞ്ഞു. പാരിപ്പള്ളി കരിമ്പാലൂർ കല്ലുവിള വീട്ടിൽ ഉല്ലാസിനെയും മറ്റൊരാളെയും പ്രതികളാക്കി എക്സൈസ് കേസെടുത്തു. കഴിഞ്ഞദിവസം കൊട്ടിയം ഒറ്റപ്ലാമൂടിന് സമീപത്തു നിന്നാണ് കഞ്ചാവ് പിടിച്ചെടുത്തത്. കഞ്ചാവുമായി ബൈക്കിലെത്തിയവർ എക്സൈസ് സംഘത്തെ കണ്ട് ബൈക്ക് ഉപേക്ഷിച്ച് ഓടി രക്ഷപ്പെടുകയായിരുന്നു. സർക്കിൾ ഇൻസ്പെക്ടർ കൃഷ്ണകുമാറിന്‍റെ നേതൃത്വത്തിലുള്ള എക്സൈസ് സംഘം സ്ഥലത്തെത്തി. ചാത്തന്നൂർ റെയ്ഞ്ചിലെ പ്രിവന്‍റീവ് ഓഫീസർ എമേഴ്സൺ, നഹാസ്, സിഇഒ ഗിരീഷ്, തുടങ്ങിയവരടങ്ങിയ സംഘമാണ് കഞ്ചാവ് പിടിച്ചെടുത്തത്.

റാങ്ക് ജേതാവിനെ അനുമോദിച്ചു

പാരിപ്പള്ളി: കേരള യൂണിവേഴ്സിറ്റിയിൽ നിന്നും ബിഎ പൊളിറ്റിക്സ് പരീക്ഷയിൽ അഞ്ചാം റാങ്ക് നേടിയ കിഴക്കനേല കിഴക്ക് ശ്രീമഹാദേവ എൻഎസ്എസ് കരയോഗ അംഗം ബിജു കിഴക്കനേലയുടെ മകൾ അമൃത ബി .പിള്ളയെ കരയോഗം അനുമോദിച്ചു. എൻഎസ്എസ് ചാത്തന്നൂർ താലൂക്ക് യൂണിയൻ പ്രസിഡന്‍റ്ചാത്തന്നൂർ മുരളി പൊന്നാട അണിയിച്ചു ആദരിച്ചു. വൈസ് പ്രസിഡന്‍റ് പരവൂർ മോഹൻദാസ്, സെക്രട്ടറി പി.എം. പ്രകാശ് കുമാർ, എക്സിക്യൂട്ടീവ് അംഗം വിജയൻ പിള്ള , വനിതാ സമാജം പ്രസിഡന്‍റ് സുജ, കരയോഗം പ്രസിഡന്‍റ് പാരിപ്പള്ളി വിനോദ്, സെക്രട്ടറി അനിൽകുമാർ, യൂണിയൻ പ്രതിനിധി ജി .ആർ .നായർ, ജോ .സെക്രട്ടറി ജയചന്ദ്ര ബാബു, മിനി കൃഷ്ണൻ , ആർ. വൃന്ദ, രമ്യ അനിൽ എന്നിവർ പ്രസംഗിച്ചു.

ചെറുവക്കൽ വൈഎംസിഎ സംവത്സര കർമപദ്ധതികൾ ഉദ്ഘാടനം ചെയ്തു

ആയൂർ: ചെറുവക്കൽ വൈഎംസിഎ സംവത്സര കർമപദ്ധതികളുടെ ഉദ്ഘാടനവും പ്രതിഭാ സംഗമവും ഇളമാട് സെന്‍റ് തോമസ് ഓർത്തഡോക്സ് പള്ളിയിൽനടന്നു. സംസ്ഥാന ചെയർമാൻ പ്രഫ.അലക്സ് തോമസ് ഉദ്ഘാടനം ചെയ്തു. പ്രസിഡന്‍റ് എ.കെ.സന്തോഷ് ബേബി അധ്യക്ഷത വഹിച്ചു.നാഷണൽ എക്സിക്യൂട്ടീവ് മുൻ അംഗം കെ.ഒ.രാജുക്കുട്ടി വിദ്യാജ്യോതി പ്രോജക്‌ടിന്‍റെ ഉദ്ഘാടനം നിർവഹിച്ചു. സാമുവേൽ മാത്യു കോർ എപ്പിസ്കോപ്പ, ഫാ.വി.കെ.തോംസൺ, ഫാ.ഫിലിപ്പ് ഐസക്, ഫാ.ഷിനോ.കെ. തോമസ്, ഫാ.അരുൺ ഏറത്ത്,പഞ്ചായത്തംഗം ലെവി മനോജ്, അഡ്വ.സി. ബേബി പുഞ്ചക്കോണം, ഭാരവാഹികളായ സി.അലക്സ്, അഡ്വ.ഒ.ജോൺസൺ,ജോൺ തോമസ്, ഫേബ ജോൺസൺ, ജെയിംസ് ജോർജ്, ടി.ജെ.ബാബുജി,ബാബു വർഗീസ്,കെ.ജി.രാജു കല്ലുപാലക്കുന്നിൽ,റോയിസ് കുഞ്ഞപ്പി,പി. യോഹന്നാൻ,എ.മിനി, റിനി ജോൺസൺ എന്നിവർ പ്രസംഗിച്ചു. പരിസ്ഥിതി മാസാചരണ ഭാഗമായി പുഞ്ചക്കോണം ട്രസ്റ്റിന്‍റെ ആഭിമുഖ്യത്തിൽ 50 കുടുംബങ്ങൾക്ക് വിയറ്റ്നാം ഏർളി പ്ലാവിൻ തൈകളുടെ വിതരണം, പ്രതിഭകളെ ആദരിക്കൽ,പഠനോപകരണ വിതരണം എന്നിവയും നടന്നു.

മഹാത്മാഗാന്ധി കുടുംബസംഗമം

പാരിപ്പള്ളി : ജവഹർ ജംഗ്ഷൻ വാർഡ് കോൺഗ്രസ് കമ്മിറ്റിയുടെ ആഭിമുഖ്യത്തിൽ മഹാത്മാഗാന്ധി കുടുംബസംഗമവും വിദ്യാഭ്യാസ പുരസ്കാരദാനവും നടത്തി. കുടുംബസംഗമം കെപിസിസി മെമ്പർ നെടുങ്ങോലം രഘു ഉദ്ഘാടനം ചെയ്തു. ഉന്നത വിജയം നേടിയ വിദ്യാർഥികൾ, സ്പോർട്സ് താരങ്ങൾ എന്നിവരെ ആദരിച്ചു. മുതിർന്ന കോൺഗ്രസ്‌ നേതാക്കൾക്കും ആദരവ് നൽകി . മണ്ഡലം പ്രസിഡന്‍റ്‌ ആർ. ഡി. ലാൽ അധ്യക്ഷത വഹിച്ചു. വാർഡ് മെമ്പർ ഉഷാകുമാരി, ബ്ലോക്ക്‌ കോൺഗ്രസ് ഭാരവാഹികളായ എം. എ. സത്താർ, സുനിത ജയകുമാർ, പി. രവീന്ദ്രകുറുപ്പ്, മനു. ജി കിഴക്കനേല, ഉഷാരാജൻ, കെ മുരളീധരൻ, എം. സുദേവൻ, സുധർമിണി ,ആദർശ് എന്നിവർ പ്രസംഗിച്ചു.

തേവലക്കര ഗവ.എസ്എംവി എൽപി സ്കൂളിൽ സായാഹ്ന ഭക്ഷണം

തേവലക്കര: ഗവ. എസ്എംവി എൽപി സ്കൂളിൽ സായാഹ്ന ഭക്ഷണം നൽകി തുടങ്ങി. ചവറ നൂൺമീൽ ഓഫീസർ ഗോപകുമാർ ഉദ്ഘാടനം ചെയ്തു. ജില്ലയിൽ ആദ്യമായി സായാഹ്ന ഭക്ഷണം തുടങ്ങിയ സ്കൂളാണിത്. കഴിഞ്ഞ മൂന്ന് വർഷമായി രക്ഷിതാക്കളുടെ പിന്തുണയോടെ സ്കൂളിൽ സായാഹ്ന ഭക്ഷണം നടത്തിവരുന്നു. പഞ്ചായത്ത് മെമ്പർ രാധാമണി മുഖ്യപ്രഭാഷണം നടത്തി. എസ്എംസി ചെയർപേഴ്സൺ ദീപ അധ്യക്ഷത വഹിച്ചു. യോഗത്തിൽ പ്രധാന അധ്യാപകൻ ടി.ബിജു , അധ്യാപകൻ രതീവ് ,എം.പിടിഎ പ്രസിഡന്‍റ് രമ്യ എന്നിവർ പ്രസംഗിച്ചു. തെരളി, കൊഴുക്കട്ട, ഇലയട എന്നിങ്ങനെ ആവിയിൽ വേവിച്ചവയാണ് സായാഹ്ന ഭക്ഷണമായി നൽകുന്നത്.

വനിതാസംഘം വാർഷിക പൊതുയോഗം

ചാത്തന്നൂർ:എസ്എൻഡിപി യോഗം മൈലക്കാട് തഴുത്തല ശാഖയിൽ വനിതാ സംഘത്തിന്‍റെ വാർഷിക പൊതുയോഗവും പുതിയ ഭരണസമിതി തെരഞ്ഞെടുപ്പും നടന്നു. പൊതുയോഗം ചാത്തന്നൂർ യൂണിയൻ പ്രസിഡന്‍റ്ബി. ബി. ഗോപകുമാർ ഉദ്ഘാടനം ചെയ്തു. ശാഖാ പ്രസിഡന്‍റ് ബൈജു അധ്യക്ഷനായിരുന്നു. പുതിയ ഭരണസമിതി ഭാരവാഹികളായി ബിന്ദു അനിൽ -പ്രസിഡന്‍റ്, അസിത -വൈസ് പ്രസിഡന്‍റ് ,ദിവ്യ ശ്രീ -സെക്രട്ടറി , സിന്ധു -ട്രഷറർ, ചിത്ര മോഹൻദാസ്,സുജ മധു, പ്രതിഭ -യൂണിയൻ പ്രതിനിധികൾ എന്നിവരെ തെരഞ്ഞെടുത്തു. യോഗത്തിൽ യൂണിയൻ അസിസ്റ്റന്‍റ്സെക്രട്ടറി കെ. നടരാജൻ, ശാഖാ സെക്രട്ടറി സുദർശനൻ, ചിത്ര മോഹൻദാസ്, ശ്രീരംഗൻ,അരുൺ, രാജു, മോഹൻദാസ്, തമ്പി രാജ് എന്നിവർ പ്രസംഗിച്ചു.

വായന പക്ഷാചരണം; വിദ്യാര്‍ഥികൾക്കായി കെഎംഎംഎല്‍ - ടെര്‍ക് രചനാ മത്സരം

ചവറ : വായന പക്ഷാചരണത്തോടനുബന്ധിച്ച് സ്‌കൂള്‍ വിദ്യാര്‍ഥികള്‍ക്കായി ടെര്‍ക് (ടൈറ്റാനിയം എംപ്ലോയീസ് റിക്രിയേഷന്‍ ക്ലബ്) രചനാ മത്സരങ്ങള്‍ സംഘടിപ്പിക്കുന്നു. പന്‍മന, ചവറ പഞ്ചായത്തുകളിലെ വിദ്യാര്‍ഥികള്‍ക്കും കെ എം എം എല്‍ ജീവനക്കാരായ ടെര്‍ക് അംഗങ്ങളുടെ മക്കള്‍ക്കുമാണ് മത്സരത്തില്‍ പങ്കെടുക്കാന്‍ അവസരം. എല്‍പി, യുപി, എട്ട്, ഒന്പത് ക്ലാസുകളിലെ വിദ്യാര്‍ഥികള്‍ക്ക് 'വായന: കരുത്തും സൗന്ദര്യവും' എന്ന വിഷയത്തില്‍ ആസ്വാദന കുറിപ്പും, 10, ഹയര്‍സെക്കൻഡറി വിദ്യാര്‍ഥികള്‍ക്ക് 'ഒരു പുസ്തകം വായിക്കേണ്ടതെങ്ങനെ' എന്ന വിഷയത്തില്‍ ഉപന്യാസവും, ഡിഗ്രി, പിജി വിദ്യാര്‍ഥികള്‍ക്ക് വായനയുടെ സൗന്ദര്യശാസ്ത്രം എന്ന വിഷയത്തില്‍ ഉപന്യാസത്തിലുമാണ് മത്സരം. രചനകള്‍ അയക്കുന്നവര്‍ പേര്, ക്ലാസ്, സ്‌കൂള്‍, ഫോണ്‍ നമ്പര്‍ എന്നിവ രചനകളില്‍ തന്നെ രേഖപ്പെടുത്തി terckmml @gmail.com എന്ന മെയില്‍ ഐഡിയിലേക്ക് ജൂലൈ 15ന് മുന്‍പ് അയക്കണം. കൂടുതല്‍ വിവരങ്ങള്‍ക്ക് 8547952985 -സെക്രട്ടറി, ടെര്‍ക്, 9645213141 -കണ്‍വീനര്‍ ലൈബ്രറി എന്ന നമ്പറുകളില്‍ ബന്ധപ്പെടേണ്ടതാണ്.

യോഗദിനം ആചരിച്ചു

അഞ്ചൽ: പാലമുക്ക് എം എസ് സി എൽ പി സ്കൂളിൽ അന്താരാഷ്ട്ര യോഗാദിനത്തോടനുബന്ധിച്ച് സ്പെഷൽ അസംബ്ലി നടത്തി. യോഗ ചെയ്യുന്നതിന്‍റെ പ്രാധാന്യത്തെക്കുറിച്ച് പ്രഥമാധ്യാപകൻ ജി .സജി കുട്ടികൾക്ക് ബോധവത്കരണ ക്ലാസ് എടുത്തു. തുടർന്ന് അധ്യാപകർ കുട്ടികൾക്ക് കായിക പരിശീലനവും യോഗ പരിശീലനവും നൽകി. സുംബ ഡാൻസും അവതരിപ്പിച്ചു.

ഡോ. ഡി.ഷൈൻകുമാർ മൃഗസംരക്ഷണ ഓഫീസർ

കൊല്ലം: മൃഗസംരക്ഷണ വകുപ്പിൽ കൊല്ലം ജില്ലാ മൃഗസംരക്ഷണ ഓഫീസറായി ഡോ. ഡി.ഷൈൻകുമാർ ചുമതലയേറ്റു.തിരുവനന്തപുരം കുടപ്പനക്കുന്ന് മൃഗസംരക്ഷണ പരിശീലന കേന്ദ്രത്തിലെ പ്രിൻസിപ്പൽ ട്രെയിനിംഗ് ഓഫീസറുടെ അധികപൂർണ ചുമതലയുണ്ട്. തിരുവനന്തപുരം ജില്ലാ മൃഗസംരക്ഷണ ഓഫീസർതസ്തികയിലും സേവനമനുഷ്ഠിച്ചിട്ടുണ്ട്.കാർഷിക മൃഗസംരക്ഷണ ഗ്രന്ഥങ്ങളുടെ രചയിതാവും വിവിധ ചാനലുകളിൽ കാർഷിക പരിപാടികളുടെ അവതാരകനുമാണ്. മികച്ച കാർഷിക പത്രപ്രവർത്തകനുള്ള സംസ്ഥാന സർക്കാരിന്‍റെ കർഷക ഭാരതി പുരസ്കാരം,മികച്ച അവതാരകനുള്ള രാജീവ് ഗാന്ധി സ്റ്റഡിസെന്‍റർ പുരസ്കാരം എന്നിവ നേടിയിട്ടുണ്ട്. കൊല്ലം മങ്ങാട് സ്വദേശിയാണ്. ഭാര്യ: വി.എസ്. രേഖ .മക്കൾ എസ്. അനന്ത പദ്മനാഭൻ, എസ്. അനന്തകൃഷ്ണൻ .

കൊല്ലത്ത് ഒളിമ്പിക് റൺ സംഘടിപ്പിച്ചു

കൊല്ലം: അന്താരാഷ്ട്ര ഒളിമ്പിക് ദിനാചാരണത്തോട് അനുബന്ധിച്ച് ജില്ലാ ഒളിമ്പിക് അസോസിയേഷന്‍റെ നേതൃത്വത്തിൽ കൊല്ലം നഗരത്തിൽ ഒളിമ്പിക് റണ്ണും ഘോഷയാത്രയും സംഘടിപ്പിച്ചു. ഇതോടനുബന്ധിച്ച് ചിന്നക്കടയിൽ നടന്ന യോഗം മന്ത്രി ജെ .ചിഞ്ചു റാണി ഉദ്ഘാടനം ചെയ്തു. എം .നൗഷാദ് എംഎൽഎ അധ്യക്ഷത വഹിച്ചു. ഒളിമ്പിക് റൺ ജില്ലാ കളക്ടർ ദേവിദാസ് ഫ്ലാഗ് ഓഫ് ചെയ്തു. റസ്റ്റ് ഹൗസ് പരിസരത്ത് നിന്ന് ആരംഭിച്ച റൺ ലാൽ ബഹാദൂർ സ്റ്റേഡിയത്തിൽ സമാപിച്ചു. റിട്ട. പോലീസ് സുപ്രണ്ട് ഷാജഹാൻ ഫിറോസ് പ്രതിജ്ഞ ചൊല്ലിക്കൊടുത്തു. ജില്ലാ ഒളിമ്പിക് അസോസിയേഷൻ സീനിയർ വൈസ് പ്രസിഡന്‍റ് ഡോ. കെ രാമഭദ്രൻ, ജില്ലാ സെക്രട്ടറി ആർ.ജയകൃഷ്ണൻ എന്നിവർ പ്രസംഗിച്ചു.ജില്ലയിലെ കായിക താരങ്ങൾ, കായിക രംഗത്തെ പ്രമുഖർ,കായിക സംഘടനാ പ്രതിനിധികൾ തുടങ്ങിയവർ റാലിയിൽ പങ്കെടുത്തു. കരുതൽ അക്കാദമി ഭാരവാഹി ജോസ്ഫൈന്‍റ നേതൃത്വത്തിൽ സുമ്പാ ഫിറ്റ്നസ് പ്രദർശനവും നടന്നു. ജില്ലാ ഒളിമ്പിക് അസോസിയേഷൻ വൈസ് പ്രസിഡന്‍റ്ക്യാപ്റ്റൻ ക്രിസ്റ്റഫർ ഡികോസ്റ്റ, രാധാകൃഷ്ണൻ, ജയരാജ്, വിജയൻ, ജയലാൽ,ഡി.ഗീതാകൃഷ്‌ണൻ ,ശശിധരൻ എന്നിവർ പങ്കെടുത്തു.

സ്കൂട്ടർ യാത്രികന് തെരുവുനായയുടെ കടിയേറ്റു

കുണ്ടറ : സ്കൂട്ടർ യാത്രയ്ക്കിടെ തെരുവുനായയുടെ കടിയേറ്റ യുവാവ് കുണ്ടറ താലൂക്ക് ആശുപത്രിയിൽ ചികിത്സ തേടി. നെടുമ്പായിക്കുളം മുക്കൂട് സ്കൂളിന് സമീപത്ത് വെച്ചാണ് സ്കൂട്ടറിൽ യാത്ര ചെയ്യവേ തെരുവുനായ സ്കൂട്ടറിന് പിറകെ ഓടി യുവാവിനെ കടിച്ചത് . മുക്കൂട് സ്വദേശി സുധീഷിനാണ് കടിയേറ്റത്. ഇന്നലെ രാത്രി 10നാണ് സംഭവം. ബൈക്കിൽ നിന്ന് മറിഞ്ഞുവീണ് സുധീഷിന് പരിക്കേൽക്കുകയും ചെയ്തു.

സിഐടിയു ഏരിയ സമ്മേളനം

ചവറ : ഷോപ്സ് തൊഴിലാളികളുടെ ഇരിപ്പിട അവകാശം ഉറപ്പാക്കുവാൻ ലേബർ ഡിപ്പാർട്ട്മെന്‍റ് അടിയന്തിരമായി ഇടപെടണമെന്ന് ഷോപ്സ് ആൻഡ് കോമേഴ്സ്യൽ എംപ്ലോയീസ് യൂണിയൻ -സിഐടിയു ഏരിയാ സമ്മേളനം പ്രമേയത്തിലൂടെ ആവശ്യപ്പെട്ടു. ടൈറ്റാനിയം ജംഗ്ഷനിൽ നടന്ന സമ്മേളനം യൂണിയൻ സംസ്ഥാന ജനറൽ സെക്രട്ടറി പി .സജി ഉദ്ഘാടനം ചെയ്തു. ഏരിയ പ്രസിഡന്‍റ് എച്ച് .നൗഷാദ് അധ്യക്ഷനായി. എസ്എസ്എൽസി ,പ്ലസ് ടു ഉന്നത വിജയികളെ പ്രഫ. വസന്തകുമാർ സാംബശിവൻ ആദരിച്ചു.ഷോപ്സ് യൂണിയൻ ജില്ലാ പ്രസിഡന്‍റ് എഴുകോൺ സന്തോഷ്, ജില്ല വൈസ് പ്രസിഡന്‍റ് ഷീന പ്രസാദ്, സുധീർ, കെ .ബി .ചന്ദ്രൻ,ജി .ജയകുമാർ , ജി .ആനന്ദൻ, ആർ .രവീന്ദ്രൻ,ആർ .സുരേന്ദ്രൻ പിള്ള, എം വി പ്രസാദ്, ജി .ആർ .ഗീത, ചിത്തിര ബാബു എന്നിവർ പ്രസംഗിച്ചു. ഭാരവാഹികളായി എച്ച് .നൗഷാദ്- പ്രസിഡന്‍റ്, അജയൻ, ശരത് ചന്ദ്രൻ, -വൈസ് പ്രസിഡന്‍റുമാർ,കെ .ബി .ചന്ദ്രൻ- സെക്രട്ടറി, ജയകുമാർ, ചിത്തിര ബാബു, അലിയാരു കുട്ടി- ജോയിന്‍റ് സെക്രട്ടറിമാർ, ഷീനാ പ്രസാദ്-ട്രഷറർ എന്നിവരെ തെരഞ്ഞെടുത്തു.

വായനദിനാഘോഷം

അഞ്ചല്‍ : അലയമണ്‍ സര്‍ക്കാര്‍ ന്യൂ എല്‍പി സ്കൂളില്‍ വായനദിനം വിവിധ പരിപാടികളോടെ സംഘടിപ്പിച്ചു. സ്കൂളില്‍ ചേര്‍ന്ന പ്രത്യേക അസംബ്ലിയില്‍ പിടിഎ പ്രസിഡന്‍റ് പി. സനില്‍കുമാറിന്‍റെ അധ്യക്ഷതയില്‍ എച്ച്എം ബി.എസ്. സീമ വായനാദിന സന്ദേശം നല്‍കി. തുടര്‍ന്നു കവി പരിചയം, അക്ഷരമരം ഒരുക്കല്‍, പതിപ്പ് പ്രകാശനം, പോസ്റ്റര്‍ പ്രകാശനം, കഥാവായന, വായനാ മത്സരം, പ്രസംഗം ഉള്‍പ്പടെ വിവിധങ്ങളായ പരിപാടികള്‍ സംഘടിപ്പിച്ചു. വരും ദിവസങ്ങളില്‍ ലൈബ്രറി പരിചയപ്പെടുത്തല്‍ വായനാ കോര്‍ണര്‍ ഉദ്ഘാടനം ഉൾപ്പെടെ നടത്തുമെന്ന് എച്ച് എം പറഞ്ഞു. സീനിയര്‍ അസിസ്റ്റന്‍റ് ഷാഹിന, സ്റ്റാഫ് സെക്രട്ടറി മറിയം തുടങ്ങിയവര്‍ പ്രസംഗിച്ചു.

കെഎസ്ടിഎ പ്രതിഷേധ ധർണ നടത്തി

ചവറ : എസ് എസ് കെ ജീവനക്കാർക്ക് ശമ്പളം നിഷേധിക്കുന്ന കേന്ദ്ര നിലപാടിനെതിരേ കെഎസ്ടിഎ ചവറ സബ്ജില്ലാ കമ്മിറ്റി പ്രതിഷേധ ധർണ നടത്തി. സംസ്ഥാന കമ്മിറ്റി അംഗം എം. എസ്. ഷിബു സമരം ഉദ്ഘാടനം ചെയ്തു. ഉപജില്ലാ വൈസ് പ്രസിഡന്‍റ് സിമി .വൈ. ബുഷ്റ അധ്യക്ഷയായി. സബ്ജില്ല സെക്രട്ടറി എസ്. ഷൈൻകുമാർ, ജില്ലാ എക്സിക്യുട്ടീവ് അംഗങ്ങളായ ടി. ബിജു, ജി. എസ്. സരിത, കിഷോർ .കെ. കൊച്ചയ്യം, ട്രഷറർ സി. എസ്. പ്രദീപ്, ലിബു, അമീന എന്നിവർ പ്രസംഗിച്ചു.

കെഎംഎംഎല്ലിലെ കരാർ ജീവനക്കാരുടെ ‍ വേതന പരിഷ്‌കരണത്തിന് തീരുമാനമായി

ചവറ : കെഎംഎംഎല്ലിലെ നേരിട്ടുള്ള കരാര്‍ ജീവനക്കാരുടെ (ഡിസിഡബ്ല്യു) വേതന പരിഷ്‌കരണവുമായി ബന്ധപ്പെട്ട് രണ്ട് മാസത്തിലധികമായി നിലനിന്നിരുന്ന വ്യാവസായിക തർക്കം പരിഹരിച്ചു. റീജണല്‍ ലേബര്‍ കമ്മീഷണര്‍ ഡോ. രോഹിത് മണി തിവാരിയുടെ മുമ്പാകെ നടന്ന ചര്‍ച്ചകള്‍ക്ക് ശേഷമാണ് വ്യാവസായിക തര്‍ക്കത്തിന് പരിഹാരമായത്. തിരുവനന്തപുരം റീജണല്‍ ലേബര്‍ കമ്മീഷണറുടെ ഓഫീസില്‍ കെഎംഎംഎല്‍ ഉദ്യോഗസ്ഥരും യൂണിയൻ പ്രതിനിധികളും തമ്മില്‍ തുടർന്ന് മെമ്മോറാണ്ടം ഓഫ് സെറ്റില്‍മന്‍റ് ഒപ്പവെച്ചു. 2024 ജനുവരി ഒന്ന് മുതല്‍ മൂന്ന് വര്‍ഷത്തേക്കാണ് എഗ്രിമെന്‍റ്. 617 ഓളം നേരിട്ടുള്ള കരാര്‍ തൊഴിലാളികളുടെ വേതനപരിഷ്‌കരണവുമായി ബന്ധപ്പെട്ട് നിരവധി തവണ കെ എം എം എല്ലില്‍ ചര്‍ച്ചകള്‍ നടന്നിരുന്നെങ്കിലും സ്ഥിരപ്പെടുത്തണം എന്ന ആവശ്യവുമായി ജീവനക്കാര്‍ പണിമുടക്ക് സമരം ആരംഭിക്കുകയായിരുന്നു. ചര്‍ച്ചകള്‍ക്ക് ശേഷം വേതനപരിഷ്‌കരണ വ്യവസ്ഥകള്‍ എല്ലാം തന്നെ യൂണിയനുകൾ അംഗീകരിച്ചെങ്കിലും ഒരുവിഭാഗം ജീവനക്കാര്‍ സ്ഥിരപ്പെടുത്തണം എന്ന ആവശ്യത്തിന് മേൽ പണിമുടക്ക് സമരം തുടര്‍ന്നു. പന്നീട് വ്യവസായ മന്ത്രിയുടെ അധ്യക്ഷതയില്‍ നടന്ന ചർച്ചയിൽ ഡിസിഡബ്ല്യു ജീവനക്കാരെ സ്ഥിരം, കാഷ്വല്‍ തൊഴിലാളികളായി സ്ഥിരപ്പെടുത്താനുള്ള സാധ്യത പരിശോധിക്കുന്നതിനായി യൂണിയനുകള്‍ക്കും മാനേജ്മെന്‍റിനും സ്വീകാര്യനായ ഒരു ലീഗല്‍ കണ്‍സള്‍ട്ടന്‍റിനെ നിയമിക്കാന്‍ തീരുമാനിച്ചിരുന്നു. ഇതോടെ പ്രശ്‌നത്തിന് യോഗത്തില്‍ സമവായം ഉണ്ടായെങ്കിലും ഒരുവിഭാഗം ജീവനക്കാര്‍ സമരം തുടരുകയായിരുന്നു.

ആനക്കുളം യുപി സ്കൂളിൽ സമഗ്ര പച്ചക്കറി കൃഷിക്ക് തുടക്കം

അഞ്ചല്‍ : അലയമൺ പഞ്ചായത്തിലെ സമഗ്ര പച്ചക്കറി യജ്ഞം പദ്ധതിയുടെ ഭാഗമായി പഞ്ചായത്തുതല പച്ചക്കറി കൃഷിക്ക് ആനക്കുളം യുപി സ്കൂളിൽ തുടക്കം കുറിച്ചു. ഹരിത കർമ കൃഷിക്കൂട്ടം അംഗങ്ങളുടെ നേതൃത്വത്തിലാണ് കൃഷി ആരംഭിച്ചത്. പിന്തുണയുമായി കൃഷിഭവനും പഞ്ചായത്തും ഒപ്പമുണ്ടാകും. പഞ്ചായത്ത് വൈസ് പ്രസിഡന്‍റ് ജി. പ്രമോദി െ ന്‍റ അധ്യക്ഷതയിൽ നടന്ന ചടങ്ങിൽ പഞ്ചായത്ത് പ്രസിഡന്‍റ് എം. ജയശ്രീ പദ്ധതി ഉദ്ഘാടനം ചെയ്തു. സ്ഥിരം സമിതി അധ്യക്ഷന്‍മാരായ ഗീത കുമാരി, മുരളി, ഗ്രാമപഞ്ചായത്ത് അംഗങ്ങളായ ശോഭന, ജേക്കബ് മാത്യൂ, ബിനു ചാക്കോ, അമ്പിളി കൃഷി അസിസ്റ്റന്‍റ് ശിൽപ, ഹരിത കർമ്മ സേന കോർഡിനേറ്റർ രാഹുൽ, ഹരിത കർമ കൃഷിക്കൂട്ടം അംഗങ്ങൾ തുടങ്ങിയവര്‍ പങ്കെടുത്തു. പഞ്ചായത്ത് തലത്തിൽ പച്ചക്കറി ഉത്പാദനം പ്രോത്സാഹിപ്പിക്കാനും, ജൈവ കാർഷിക രീതികൾ പ്രചരിപ്പിക്കാനും ലക്ഷ്യമിട്ടാണ് പദ്ധതിക്ക് തുടക്കം കുറിച്ചിരിക്കുന്നത്.

എംഡിഎംഎയുമായി യുവതി ഉൾപ്പെടെ 11 പേര്‍ പിടിയിൽ

കൊട്ടിയം: രാസലഹരിയുമായി യുവതി അടക്കം 11 പേരെ കൊട്ടിയത്ത് പോലീസ് അറസ്റ്റ് ചെയ്തു. ഇവരിൽ നിന്നും 8.76 ഗ്രാം എംഡിഎംഎ പിടിച്ചെടുത്തു. ജില്ലയില്‍ വീണ്ടും വന്‍ ലഹരിവേട്ടയാണ് നടന്നിരിക്കുന്നത്. അഞ്ചാലൂംമൂട്, കൊട്ടിയം, കരുനാഗപ്പള്ളി പോലീസ് സ്റ്റേഷന്‍ പരിധികളിലാണ് പ്രതികള്‍ പോലീസി െ ന്‍റ വലയിലായത്. കൊട്ടിയം പൊലിസ് സ്റ്റേഷന്‍ പരിധിയിൽ 2.3 ഗ്രാം എം ഡി എം എയുമായി യുവതിയടക്കം ഏഴു പേരാണ് പിടിയിലായത്. വര്‍ക്കല സ്വദേശികളായ പുതിയ വീട്ടില്‍ താരിഖ് (20), മുള്ളില്‍ വീട്ടില്‍ തസ് ലിം (23), മന്ത്രി വിളകം വീട്ടില്‍ മാഹീന്‍ (28), ഉമയനല്ലൂര്‍ ഷിബിന മന്‍സിലില്‍ ഷാനു (27), ചാത്തന്നൂര്‍ അനിഴം വീട്ടില്‍ സൂരജ്(27), പാരിപ്പള്ളി ആശാരി വിളയില്‍ ഗോകുല്‍ (32), തിരുവനന്തപുരം പാലോട് മയിലാടും പുത്തന്‍ വീട്ടില്‍ അന്‍സിയ(35) എന്നിവരെയാണ് കൊട്ടിയം പൊലിസ് അറസ്റ്റ് ചെയ്തത്. സബ് ഇന്‍സ്‌പെക്ടര്‍ നിതിന്‍ നള െ ന്‍റ നേതൃത്വത്തില്‍ കൊട്ടിയം ഹോളിക്രോസ് ആശുപത്രിക്ക് സമീപത്തെ റോഡില്‍ പാര്‍ക്ക് ചെയ്തിരുന്ന രണ്ട് കാറുകളില്‍ നടത്തിയ പരിശോധനയിലാണ് ഇവര്‍ എംഡിഎംഎയുമായി പിടിയിലായത്. പുലര്‍ച്ചെ കൊട്ടിയത്ത് ഒഴിഞ്ഞ സ്ഥലത്ത് രണ്ട് കാറുകള്‍ നിര്‍ത്തിയിട്ടിരിക്കുന്നത് ശ്രദ്ധയില്‍പ്പെട്ടതിനെ തുടര്‍ന്ന് പോലീസ് പരിശോധന നടത്തുകയായിരുന്നു.കാറിൽ ഇരുന്നായിരുന്നു ഇവരുടെ കച്ചവടം. പ്രതികളില്‍ ചിലര്‍ മുമ്പും ലഹരി കേസുകളില്‍ ഉള്‍പ്പെട്ടവരാണ്. നിലവില്‍ പ്രതികള്‍ക്കെതിരേ കേസെടുത്ത് അന്വേഷണം പുരോഗമിക്കുകയാണ്. ലഹരിമരുന്ന് വിതരണവുമായി ബന്ധപ്പെട്ട കൂടുതല്‍ വിവരങ്ങള്‍ ശേഖരിക്കാനുള്ള ശ്രമത്തിലാണ് കൊട്ടിയം പൊലിസ്. പുന്നക്കുളം ഷംനാ മന്‍സിലില്‍ ഷംനാസ് (34), കടത്തൂര്‍ എന്‍.എന്‍ ക്വാര്‍ട്ടേസില്‍ നിയാസ്(39) എന്നിവരെയാണ് കരുനാഗപ്പള്ളി പൊലിസ് പിടികൂടിയത്. ഇവരുടെ പക്കല്‍ നിന്ന് 4.14 ഗ്രാം എംഡിഎംഎ പിടിച്ചെടുത്തു. കരുനാഗപ്പള്ളി ഇന്‍സ്‌പെക്ടര്‍ ബിജുവി െ ന്‍റ നേതൃത്വത്തില്‍ ഷംനാസി െന്‍റ വീട്ടില്‍ നടത്തിയ പരിശോധനയില്‍ നിയാസ് വില്‍പനക്കായി എത്തിച്ച എംഡിഎംഎയാണ് കണ്ടെത്തുന്നത്.അഞ്ചാലുംമൂട് പോലീസി െ ന്‍റ നേതൃത്വത്തില്‍ നടത്തിയ പരിശോധനയില്‍ 2.32 ഗ്രാം എംഡിഎംഎയുമായി രണ്ടുപേരാണ് പിടിയിലായത്. നീരാവില്‍ കരിക്കല്‍ വീട്ടില്‍ അതുല്‍ (25), പനയം പാലഴി വീട്ടില്‍ ഗിരീഷ്(47) എന്നിവരെയാണ് അഞ്ചാലൂമൂട് സബ് ഇന്‍സ്‌പെക്ടര്‍ ഗിരീഷി െ ന്‍റ നേതൃത്വത്തിലുള്ള സംഘം എസ്ബിഐ ബാങ്കിന് സമീപത്ത് നിന്ന് പിടികൂടിയത്. ഡാന്‍സാഫ് എസ്ഐ മാരായ അനീഷ്, കണ്ണന്‍, സായിസേനന്‍ എന്നിവരുടെ നേതൃത്വത്തിലുള്ള സംഘാംഗങ്ങളും പരിശോധനാ സംഘത്തിലുണ്ടായിരുന്നു. തുടര്‍ന്നും ലഹരി വില്‍പന സംഘങ്ങള്‍ക്കെതിരേ ശക്തമായ നടപടികള്‍ സ്വീകരിക്കുമെന്ന് പോലീസ് അറിയിച്ചു.

വായനമുറി ഉദ്ഘാടനം ചെയ്തു

ആര്യങ്കാവ്: വായനവാരാചരണത്തോടനുബന്ധിച്ച് സെന്‍റ് മേരീസ് ഹൈസ്കൂളിൽ വായന മുറിയും നവീകരിച്ച ഗ്രന്ഥശാലയും സ്കൂൾ മാനേജറും ആര്യങ്കാവ് സെന്‍റ്മേരീസ് ഇടവക വികാരിയുമായ ഫാ.ഫിലിപ്പ് തയ്യിൽ ഉദ്ഘാടനം ചെയ്തു. കുട്ടികൾക്ക് സ്കൂൾ സമയത്ത് ഇരുന്നു പുസ്തകങ്ങൾ വായിക്കത്തക്ക രീതിയിലാണ് വായനാമുറിയും ഗ്രന്ഥശാലയും സജ്ജീകരിച്ചിരിക്കുന്നത്. വിവിധ വർത്തമാനപത്രങ്ങളും മാസികകളും റഫറൻസ് ഗ്രന്ഥങ്ങളും കുട്ടികൾക്കായി ലഭ്യമാക്കിയിട്ടുണ്ട്.

കിഴക്കേത്തെരുവ് സെന്‍റ് മേരീസ് സ്കൂളിൽ വായന വാരാചരണം

കൊട്ടാരക്കര: കിഴക്കേക്കര സെന്‍റ്മേരീസ് സ്കൂളിൽ വായനവാരാചരണത്തിന് തുടക്കം കുറിച്ചു. യുപി, ഹൈസ്കൂൾ വിഭാഗങ്ങളിലായി ആയിരത്തോളം കുട്ടികൾ പങ്കെടുത്തു. സാഹിത്യകാരനും ഗായകനുമായ പിടിഎ പ്രസിഡന്‍റ് ജോർജ് ജേക്കബ് ഫ.ഗീവർഗീസ് എഴിയത്തിന് പുസ്തകം നൽകി ഉദ്ഘാടനം നിർവഹിച്ചു. പ്രിൻസിപ്പൽ ടി .ടി .ജോമി, ഹെഡ്മാസ്റ്റർ ടി .രാജു, സ്റ്റാഫ്‌ സെക്രട്ടറി ബിനിൽ ജോൺ എന്നിവർ പ്രസംഗിച്ചു. വിദ്യാർഥി പ്രതിനിധികളായ ഹെലൻ, അൽജിൻ, ഷാർലെറ്റ്‌ എന്നിവർ പി. എൻ .പണിക്കർ അനുസ്മരണം നടത്തി. കുട്ടികൾ നൽകിയ 49 പുസ്തകങ്ങൾ സ്കൂൾ ലൈബ്രറിക്ക് കൈമാറി. കോർഡിനേറ്റർമാരായ അനീഷ് കെ.ഏബ്രഹാം, ഡി.സുജ, അധ്യാപകരായ റോസ്മേരി, കോശി കെ.ബാബു, ഷാജിമോൻ, ബിന്ദു ജോർജ് എന്നിവർ നേതൃത്വം നൽകി.

ബ്രൂക്ക് ഇന്‍റർനാഷണൽ സ്കൂളിൽ വായനവാരാചരണവും യോഗദിനവും ആചരിച്ചു

ശാസ്താംകോട്ട : രാജഗിരി ബ്രൂക്ക് ഇന്‍റർനാഷണൽ സ്കൂളിലെ വായന വരാചരണവും യോഗദിനവും ആഘോഷമായപ്പോൾ കുട്ടികൾക്ക് അത് വേറിട്ടൊരു അനുഭവമായി. ബ്രൂക്ക് ഓഡിറ്റോറിയത്തിൽ നടന്ന ചടങ്ങ് എഴുത്തുകാരനും കേന്ദ്ര സാഹിത്യ അക്കാദമി അവാർഡ് ജേതാവുമായ ഉണ്ണി അമ്മയമ്പലം ഉദ്ഘാടനം ചെയ്തു. വായിച്ചു വളരുന്നതിനൊപ്പം വിവേകത്തോടെ ജീവിക്കേണ്ടതിന്‍റെ ആവശ്യകത ചൂണ്ടിക്കാണിച്ച അദ്ദേഹം പുസ്തകങ്ങളെ കൂട്ടുകാരാക്കേണ്ടതിന്‍റെആവശ്യകതയെ ഓർമിപ്പിച്ചു. സ്കൂൾ ഡയറക്ടർ ഫാ. ഏബ്രഹാം തലോത്തിൽ അധ്യക്ഷത വഹിച്ച ചടങ്ങിന് പ്രിൻസിപ്പൽ ബോണി ഫെസിയ വിൻസെന്‍റ്, അഡ്മിനിസ്ട്രേറ്റർ കൊച്ചുമോൾ ,സെക്രട്ടറി ജോജി ടി.കോശി എന്നിവർ നേതൃത്വം നൽകി.

ദുർഗാപുരി മാടൻ കോവിലിൽ പൊങ്കാല ഇന്ന്

കൊല്ലം: ഉമയനല്ലൂർ പന്നിമൺ ദുർഗാപുരി മാടൻ കോവിലിലെ പുനപ്രതിഷ്ഠാ ചടങ്ങിന്‍റെ ഭാഗമായുള്ള പൊങ്കാല ഇന്ന് വൈകുന്നേരം ആറിന് നടക്കും. 27ന് ക്ഷേത്രം തന്ത്രി ഇരട്ടക്കുളങ്ങര വടശേരി മനയിൽ സുരേഷ് പോറ്റിയുടെ മുഖ്യകാർമികത്വത്തിൽ പുനപ്രതിഷ്ഠ നടക്കും. പതിവു ചടങ്ങുകൾക്കു പുറമെ മഹാഗണപതി ഹോമം, മഹാ മൃത്യുഞ്ജയ ഹോമം, മുളപൂജ , അനുജ്ഞാ കലശം, മാടൻ തമ്പുരാന് പഞ്ചവിംശതി കലശം, ഭഗവതിസേവ, മഹാസുദർശന ഹോമം, മാടനൂട്ട്, ഭസ്മാഭിഷേകം, കുങ്കുമാഭിഷേകം, പ്രായച്ഛിത്ത ഹോമാദികൾ, അസ്ത്ര കലശപൂജ, സ്തൂപികാ പ്രതിഷ്ഠ, ബിംബ ശുദ്ധി ക്രിയാദികൾ, തുടങ്ങിയവ ഉൾപ്പെടെ വിവിധ പൂജകൾ 27 വരെ ഉണ്ടാകും. 27ന് അഷ്്‌ടബന്ധ ലേപനവും ജീവകലശാഭിഷേകവും നടക്കും.

ADVERTISEMENT

ADVERTISEMENT

ADVERTISEMENT

ADVERTISEMENT

ADVERTISEMENT

ആമസോണ്‍ ഓഫറുകളറിയാന്‍
ലിങ്കില്‍ ക്ലിക്ക് ചെയ്യുക

ADVERTISEMENT

More from other section

ADVERTISEMENT

LATEST NEWS

ADVERTISEMENT

ADVERTISEMENT

Quick Links

About Us Deepika E-Paper E-Shopping Karshakan Rashtradeepika Movies Tech @ Deepika

Business Deepika Viral Tax Letters University News Auto Spot Cartoon Scope

Matrimonial Special News Special Feature Calendar Samskarikam Career Deepika English Edition

Deepika Charity Health Sthreedhanam Responses Daily Quiz Youth Special Court Notice

Kuttikalude Deepika Deepika News Videos Out of Range US News Gulf News Student Reporter Classifieds

Children's Digest Today's Story Religion Book Review Sunday Deepika Send your greetings Online Advertising

Rashtra Deepika LTD

Chairman - Dr. Francis Cleetus MD - Michael Vettickatt Chief Editor - George Kudilil

Tel: +91 481 2566706 ,2566707,2566708

Privacy policy Terms and conditions for online payment

Copyright © 2025 , RDL. All rights reserved To access reprinting rights, please contact [email protected]