ADVERTISEMENT

ADVERTISEMENT

വനിതാ കോൺഗ്രസ് -എം നേതാവിനെ പോലീസ് അപമാനിച്ചതായി പരാതി

തിരുവല്ല: കേരള വനിതാ കോൺഗ്രസ് - എം നേതാവിനെ പോലീസ് അവഹേളിച്ചതായി പരാതി. വനിതാ കോൺഗ്രസ് - എം തിരുവല്ല നിയോജകമണ്ഡലം പ്രസിഡന്‍റ് സൂസമ്മ ബേബിയാണ് തന്നെ കീഴ്‌വായ്പൂര് പോലീസ് സ്റ്റേഷനിലെ സിവിൽ പോലീസ് ഓഫീസർ അപമാനിച്ചതായി തിരുവല്ല ഡിവൈഎസ്പിക്കുപരാതി നൽകിയത്.

ഒരു അടിപിടി കേസ് ഒത്തുതീർക്കുന്നതുമായി ബന്ധപ്പെട്ട് സർക്കിൾ ഇൻസ്പെക്ടറുടെ നിർദേശാനുസരണം കീഴ്‌വായ്പൂര് സ്റ്റേഷനിൽ എത്തിയ തന്നെ സ്റ്റേഷനിലെ സിപിഒ ഒലിവർ അസഭ്യം പറയുകയും സ്ത്രീത്വത്തെ അപമാനിക്കുന്ന തരത്തിൽ സംസാരിക്കുകയും ചെയ്തതായി സൂസമ്മ ബേബി തന്‍റെ പരാതിയിൽ പറയുന്നു.

ADVERTISEMENT

ആറന്മുള വിമാനത്താവള പദ്ധതിപ്രദേശത്ത് ഇ പാർക്ക് പദ്ധതിയുമായി കെജിഎസ് ഗ്രൂപ്പ്

കോഴഞ്ചേരി: ആറന്മുള വിമാനത്താവളത്തിനായി ഏറ്റെടുത്ത സ്ഥലത്തു പുതിയ പദ്ധതികൾ സംബന്ധിച്ച നിർദേശങ്ങളും വിവാദത്തിൽ. വിമാനത്താവളം പദ്ധതി വിവാദങ്ങളിൽ കുടുങ്ങിയതോടെ പാഴായിപ്പോയ പദ്ധതി പ്രദേശത്ത് ഐടി പാർക്ക് അടക്കമുള്ള പദ്ധതികൾ പരിഗണിക്കുകയും സംസ്ഥാന സർക്കാർ ബജറ്റ് നിർദേശമായി അംഗീകരിക്കുകയും ചെയ്തിരുന്നു. പിന്നാലെ ഇതേ സ്ഥലത്ത് ഇലക്ട്രോണിക്‌സ് പാര്‍ക്ക് സിറ്റി ആരംഭിക്കുന്നതിനുള്ള സന്നദ്ധത അറിയിച്ചുകൊണ്ട് വിമാനത്താവള കമ്പനി ഉടകളായ കെജിഎസ് ഗ്രൂപ്പ് സർക്കാരിനെ സമീപിച്ചതോടെയാണ് പുതിയ വിവാദം ഉരുത്തിരിഞ്ഞിരിക്കുന്നത്. ഇതിനായി ഭൂപരിഷ്കരണ ചട്ടങ്ങളിൽ ഇളവ് തേടി ഐടി വകുപ്പിന് കെജിഎസ് അപേക്ഷ നൽകി. കെജിഎസ് ഗ്രൂപ്പിന്‍റെ 344 ഏക്കർ ഭൂമിയിൽ ഇലക്ട്രോണിക്സ് ക്ലസ്റ്റർ പദ്ധതിയാണ് ലക്ഷ്യം. അപേക്ഷ ജില്ലാ കളക്ടർ റവന്യു പ്രിൻസിപ്പൽ സെക്രട്ടറിക്കും കൃഷിവകുപ്പിനും കൈമാറി. പ്രദേശം കൃഷി ചെയ്യുന്ന നിലവുംതണ്ണീർത്തടവുമായതുകൊണ്ട് കൃഷി വകുപ്പിന്‌റെ അനുമതിയില്ലാതെ റവന്യു വകുപ്പിന് നടപടിയെടുക്കാനാവില്ല. കെജിഎസ് പത്തനംതിട്ട ഇൻഫ്ര ലിമിറ്റഡ് എന്ന കമ്പനി ടിഒഎഫ്എൽ എന്ന പേരിലാണ് പുതിയ പദ്ധതിക്ക് അപേക്ഷ നൽകിയത്.തണ്ണീർത്തടവും നിലവും നികത്തി വിമാനത്താവളം നിർമിക്കുന്നതിനെതിരേ പ്രതിഷേധമുയർന്നതിനേ തുടർന്നാണ് പദ്ധതിയിൽ നിന്നു പിൻമാറാൻ കെജിഎസ് നിർബന്ധിതമായത്. 2016ൽ സംസ്ഥാന സർക്കാർ പദ്ധതിക്കുള്ള എല്ലാ അനുമതികളും റദ്ദാക്കിയിരുന്നു. 2018ലെ പ്രളയത്തിൽ പമ്പാ നദി കരകവിഞ്ഞൊഴുകിയപ്പോൾ പ്രധാന ജലസംഭരണിയായത് പദ്ധതി പ്രദേശമായിരുന്നു. ആറൻമുള, കിടങ്ങന്നൂർ, മല്ലപ്പുഴശേരി വില്ലേജുകളിലാണ് സ്ഥലം. വിമാനത്താവളം നിർമിക്കുന്നതിനുവേണ്ടി സംസ്ഥാന സര്‍ക്കാര്‍ ഏറ്റെടുത്തതും നിലവിലുള്ള കമ്പനി ഉടമകളായ കെജിഎസ് ഗ്രൂപ്പിന്‍റെയും മുന്‍ ഉടമകളായ കലമണ്ണിൽ എഡ്യുക്കേഷണൽ ട്രസ്റ്റിന്‍റെയും ഉടമസ്ഥതയിലുള്ള 230 ഏക്കര്‍ സ്ഥലത്തിലെ 49 ഏക്കര്‍ മാത്രമാണ് മണ്ണിട്ട് നികത്തിയിട്ടുള്ളത്. എന്നാല്‍ ഇവര്‍ വാങ്ങിയ സ്ഥലത്ത് മിച്ചഭൂമി ഉണ്ടെന്നുള്ള തിരിച്ചറിവിന്‍റെ അടിസ്ഥാനത്തില്‍ 20 ലധികം കേസുകള്‍ ലാൻഡ് ബോര്‍ഡിന്‍റെ മുമ്പില്‍ നിലനില്‍ക്കുകയാണ്. സംസ്ഥാന സര്‍ക്കാര്‍ ഭൂമിക്കുവേണ്ടി നിശ്ചയിച്ചിട്ടുള്ള അടിസ്ഥാന വിലയില്‍ നിന്നും കുറച്ചാണ് ഉടമകളില്‍ നിന്നും വിമാനത്താവള കമ്പനികള്‍ ഭൂമി വാങ്ങിക്കൂടടിയത്. ഇക്കാരണത്താല്‍ തന്നെ പോക്കുവരവ് നടത്തി കരം ഒടുക്കിയിട്ടില്ലാത്തതിനാല്‍ ഇത്തരം ഭൂമി പാട്ടത്തിനെടുത്തും സ്വന്തമായി കര്‍ഷകര്‍ കൃഷി ചെയ്യുന്നുണ്ട്. പദ്ധതി പ്രദേശത്ത് കരിന്പു കൃഷി വിവാദ വിമാനത്താവളത്തിനുവേണ്ടിയുള്ള ഭൂമിയുടെ സമീപത്തായി വ്യാപിച്ചുകിടക്കുന്ന ആറന്മുള-മല്ലപ്പുഴശേരി വില്ലേജില്‍പ്പെട്ട കുറുന്താര്‍ പ്രദേശമുള്‍പ്പെടെയുള്ള 18 ഏക്കറോളം സ്ഥലത്ത് വിജയകരമായി കരിമ്പ് കൃഷി ഇപ്പോള്‍ നടക്കുന്നുണ്ട്. ഇതിനുവേണ്ടിയുള്ള വിത്തുകള്‍ തമിഴ്‌നാട്ടിൽ നിന്നുമാണ് ശേഖരിച്ചത്. ഇവിടെ കൃഷി ചെയ്യുന്ന കരിമ്പുകള്‍ ഒരടി ഉയരത്തില്‍ നില്‍ക്കുകയാണെന്നും കൃഷി നടത്തുന്ന ജൈവ വൈവിധ്യ ബോര്‍ഡിന്‍റെ അവാര്‍ഡ് ജേതാവുകൂടിയായ എഴുമറ്റൂര്‍ അമൃതധാര ഗോശാല ചെയര്‍മാന്‍ അജയകുമാര്‍ വല്ലൂഴത്തില്‍ പറഞ്ഞു. പ്രകൃതിക്ക് ഏറ്റവും അനുയോജ്യമായ സ്ഥലമാണെന്നും വിവാദമായിട്ടുളള വിമാനത്താവളം ഉള്‍പ്പെടെയുള്ള പ്രദേശങ്ങളില്‍ ജൈവകൃഷി നടത്തി വിജയിപ്പിക്കാമെന്നും ഇതിന് സംസ്ഥാന സര്‍ക്കാരിന്‍റെയും കൃഷി വകുപ്പിന്‍റെയും സഹായമാണ് ഉണ്ടാവേണ്ടതെന്നും അജയകുമാര്‍ പറഞ്ഞു. വെല്ലുവിളികള്‍ ഏറ്റെടുത്തുകൊണ്ടുതന്നെ നെല്‍കൃഷിയുള്‍പ്പെടെയുള്ള കൃഷികള്‍ പരമ്പരാഗതമായ രീതിയില്‍ ചെയ്യാമെന്നും കാര്‍ഷിക ജൈവമായി ബന്ധപ്പെട്ട മോഡല്‍ ഗ്രാമമായി ഇതിനെ മാറ്റാന്‍ കഴിയുമെന്നും അദ്ദേഹം പറഞ്ഞു. 2016 - 21 കാലയളവിൽ പദ്ധതി പ്രദേശത്തെ പാടശേഖരങ്ങൾ ഏറ്റെടുത്ത് കൃഷിവകുപ്പ് തന്നെ നെൽകൃഷി നടത്തിയിരുന്നു. മുഖ്യമന്ത്രി പിണറായി വിജയൻ നേരിട്ടെത്തി ഉദ്ഘാടനം ചെയ്ത പദ്ധതി പിന്നീട് ഉപേക്ഷിച്ചു. ആറന്മുള ബ്രാൻഡിൽ നെല്ലുത്പാദനം നടത്തിയെങ്കിലും ഇത്തരം പ്രവർത്തനങ്ങൾ ഇപ്പോൾ നടക്കുന്നില്ല. പദ്ധതി പ്രദേശത്തു കുടിൽ കെട്ടി താമസം തുടങ്ങിയവരെയും സംരക്ഷിക്കാനാളില്ലാത്ത സ്ഥിതിയാണ്. നീർച്ചാലുകൾ സംരക്ഷിക്കപ്പെടണം ഇലക്ട്രോണിക്സ് സിറ്റി പാര്‍ക്ക് വരുന്നതിന് തങ്ങള്‍ എതിരല്ലെന്നും എന്നാല്‍ ഈ പ്രദേശത്തെ നീര്‍ച്ചാലുകള്‍ സംരക്ഷിക്കുകയും ജലനിര്‍ഗമനം തടസമില്ലാതിരിക്കുകയുംഅതിനോടൊപ്പം പ്രകൃതിക്ക് ദോഷമുണ്ടാകാത്ത രീതിയിലായിരിക്കണമെന്നും ആറന്മുള വിമാനത്താവള വിരുദ്ധ സമിതി ജനറല്‍ കണ്‍വീനര്‍ പി. ആർ. ഷാജി പറഞ്ഞു. മണ്ണിട്ട് ഭൂമി നികത്തിയതിനാല്‍ ഈ പ്രദേശത്തെ നീര്‍ച്ചാലുകൾ ഒഴുക്കു നഷ്ടപ്പെട്ട് തടസപ്പെട്ടിരിക്കുന്ന സ്ഥിതിയാണുള്ളതെന്ന് അദ്ദേഹം ചൂണ്ടിക്കാട്ടി. മിച്ചഭൂമിയുമായി ബന്ധപ്പെട്ട കേസുകള്‍ക്ക് പൂര്‍ണ വിരാമം ഉണ്ടാവുകയും ഇവിടെ താമസിക്കുന്നവര്‍ക്ക് ഭൂമിയടക്കമുള്ള സംരക്ഷണം നല്‍കാനുള്ള ബാധ്യതയും സര്‍ക്കാര്‍ ഏറ്റെടുക്കണമെന്നും പി. ആർ. ഷാജി പറഞ്ഞു. എതിർപ്പുമായി കൃഷി വകുപ്പ് കൃഷി ചെയ്യുന്ന നിലവും തണ്ണീർത്തടവും നികത്തി ഒരു പദ്ധതിക്കും അനുമതി നൽകില്ലെന്ന് കൃഷി വകുപ്പ് വ്യക്തമാക്കി. വയലുകൾ നികത്താൻ അനുവദിക്കില്ല. തൊണ്ണൂറ് ശതമാനവും നിലമായ ഭാഗത്താണ് പദ്ധതി നടപ്പാക്കാൻ നീക്കം. നിലം നികത്തിയാൽ വെള്ളക്കെട്ട് ഉണ്ടാകുമെന്ന് കൃഷി ഓഫീസർ റിപ്പോർട്ട് നൽകിയിട്ടുണ്ട്. ഗുരുതരമായ പരിസ്ഥിതി പ്രശ്നങ്ങൾ ഉയർത്തിക്കാട്ടിയാണ് വിമാനത്താവളത്തിനുള്ള അനുമതികൾ റദ്ദാക്കിയത്. ഇതുമായി ബന്ധപ്പെട്ട് ഹരിത ട്രിബ്യൂണലിന്‍റെ വിധിയും പദ്ധതിക്ക് എതിരായിരുന്നു. നിലം നികത്തി പദ്ധതി നടപ്പാക്കാൻ അനുവദിക്കേണ്ടതില്ലെന്ന നിലപാടിലാണ് കൃഷി മന്ത്രി പി. പ്രസാദ്. വിമാനത്താവളത്തിനെതിരേയുള്ള സമരത്തിൽ മുൻപന്തിയിലായിരുന്നു അദ്ദേഹം.

കാട്ടാന ശല്യം: വനാതിർത്തിയിലെ കൈതക്കൃഷിക്കെതിരേ വനംവകുപ്പ്

പത്തനംതിട്ട: വനാതിർത്തികളിലെ കൈതകൃഷി നിരോധിക്കുകയോ നിയന്ത്രിക്കുകയോ വേണമെന്ന് വനംവകുപ്പ്. വന്യജീവികളെ ആകർഷിക്കുന്ന കൈത കൃഷി ചെയ്യുന്നത് കാട്ടാനകളെ ആകർഷിക്കാൻ കാരണമാകുമെന്നതിനാലാണിത്. കോന്നി, റാന്നി വനം ഡിവിഷനുകളിലെ വിവിധ സ്ഥലങ്ങളിലായി 1100 ഹെക്ടറിൽ കൈതകൃഷി ആരംഭിച്ചിട്ടുണ്ട്. കുളത്തുമൺ, പാടം, വെള്ളംതെറ്റി, കല്ലേലി ഭാഗങ്ങളിൽ സമീപകാലത്ത് കൈത കൃഷിയ്ക്കായി സ്ഥലം പാട്ടത്തിനു നൽകിയിട്ടുണ്ട്. വിവിധ പ്ലാന്‍റേഷൻ കമ്പനികളുടെ ഉടമസ്ഥതയിലുള്ള റബർ തോട്ടങ്ങളിൽ, പുതിയ റബർ കൃഷിക്കൊപ്പം ഇടവിളയായാണ് കൈത കൃഷി ആരംഭിച്ചിരിക്കുന്നത്. അഞ്ച് വർഷത്തേക്ക് വരെ പാട്ടത്തിനെടുത്താണ് കൃഷി. തോട്ടങ്ങൾക്ക് ചുറ്റും ഫെൻസിംഗ് സ്ഥാപിച്ചിട്ടുണ്ട്. ഇതിലേക്ക് ഉയർന്ന തോതിൽ വൈദ്യുതി കടത്തിവിടുന്നതായും വന്യ ജീവികൾക്ക് ജീവഹാനി സംഭവിക്കുന്നതായും റേഞ്ച് ഓഫീസർമാർ ഡിവിഷണൽ ഫോറസ്റ്റ് ഓഫീസർമാർക്ക് റിപ്പോർട്ട് നൽകി. ആനകൾ അടക്കമുള്ള വന്യജീവികൾ കൈതയുടെ മണം പിടിച്ചെത്തുകയും തോട്ടങ്ങൾക്ക് സമീപം തമ്പടിക്കുകയും ചെയ്യുന്നു. കൈതത്തോട്ടങ്ങളിലേക്ക് ഇറങ്ങാൻ ശ്രമിച്ചപ്പോൾ ഷോക്കേറ്റാണ് കുളത്തുമണ്ണിൽ അടുത്തയിടെ കാട്ടാന ചരിഞ്ഞത്. ഷോക്കേറ്റ് പിൻമാറുന്ന കാട്ടാനകൾ ഫെൻസിംഗ് ഇല്ലാത്ത ഭാഗത്തു കൂടി ജനവാസ മേഖലയിലെത്തി കൃഷി നശിപ്പിക്കുന്നുണ്ട്. കൈത കൃഷി ചെയ്യുന്ന സ്ഥലങ്ങളിൽ അവസാന ചെടിയും ഇല്ലാതാകുന്നതുവരെ ആന ഏതുവഴിയും എത്തിയിരിക്കുമെന്ന് വനംവകുപ്പ് പറയുന്നു. സമീപകാലത്ത് കക്കാട്ടാറ് നീന്തിക്കടന്ന് രണ്ട് കാട്ടാനകൾ അള്ളുങ്കൽ ഭാഗത്തെ ജനവാസ മേഖലയിൽ എത്തിയിരുന്നത് ഉദാഹരണമായി ചൂണ്ടിക്കാണിക്കപ്പെടുന്നു. എലിഫന്‍റ് ബാരിക്കേഡ് സ്ഥാപിക്കണം കാട്ടാനകൾ കൃഷി സ്ഥലങ്ങളിലേക്ക് ഇറങ്ങാതിരിക്കാൻ പ്രതിരോധ മാർഗങ്ങളായ കിടങ്ങുകളും സോളാർ ഫെൻസിംഗും ഫലപ്രദമല്ലെന്ന് വനപാലകർ പറയുന്നു. പാറക്കെട്ടുകളുള്ള സ്ഥലങ്ങളിൽ കിടങ്ങുകൾ കുഴിക്കാൻ അനുമതിയില്ല. സോളാർ ഫെൻസിംഗിലേക്ക് വള്ളിപ്പടർപ്പുകൾ കയറി തകരാറുകൾ സംഭവിക്കുന്നു. ഇതിനു പരിഹാരമായി കർണാടക വനപ്രദേശങ്ങളിലെ അതിർത്തികളിൽ സ്ഥാപിച്ചിട്ടുള്ള തരം എലിഫന്‍റ് ബാരിക്കേഡ് സ്ഥാപിക്കണമെന്നാണ് നിർദേശം. റെയിൽവേയുടെ ഉപയോഗശൂന്യമായ പാളങ്ങൾ ലെയറുകളായി ഘടിപ്പിച്ചാണ് അവിടെ ബാരിക്കേഡുകൾ സ്ഥാപിക്കുന്നത്. ചെലവ് കുറവാണ്. ഇവ കാട്ടാനൾക്ക് നശിപ്പിക്കാനാവില്ലെന്ന് തെളിഞ്ഞിട്ടുണ്ട്. സോളാർ വേലികൾ പുനർ നിർമിക്കുകയും ഫെൻസിംഗ് ജോലിൾ നടത്തുകയും ചെയ്തു താത്കാലിക പ്രശ്ന പരിഹാരത്തിനും വനംവകുപ്പ് നിർദേശങ്ങൾ സമർപ്പിച്ചിട്ടുണ്ട്. കല്ലേലിയിൽ കാട്ടാനക്കൂട്ടം കല്ലേലിയിൽ പട്ടാപകലും കാട്ടാനക്കൂട്ടം . കല്ലേലി ഡിപ്പോ ജംഗ്ഷനു സമീപമാണ് കാട്ടാനകൾ ഇറങ്ങിയത്. അഞ്ച് ആനകൾ റോഡ് മുറിച്ചു കടന്ന് പോകുന്ന ദൃശ്യങ്ങൾ സാമൂഹ മാധ്യമങ്ങളിൽ പ്രചരിച്ചിരുന്നു. കല്ലേലി, കുളത്തുമൺ പ്രദേശങ്ങളിൽ കാട്ടാന ശല്യം രൂക്ഷമാകുകയാണ്. കല്ലേലി റോഡിൽ കാട്ടാന ശല്യം വർധിച്ചതിനേ തുടർന്ന് സ്ഥലത്ത് രാത്രികാല പട്രോളിംഗ് ശക്തമാക്കുമെന്ന് വനം വകുപ്പ് അറിയിക്കുകയും ചെയ്തു. നിരവധി വാഹന യാത്രക്കാർക്ക് നേരെയും എസ്റ്റേറ്റ് തൊഴിലാളികൾക്കു നേരെയും കാട്ടാനയുടെ ആക്രണം ഇതിനോടകം ഉണ്ടായിട്ടുണ്ട്. കല്ലേലി - കൊക്കാത്തോട് റോഡിൽ നിരവധി തവണയാണ് കാട്ടാന ഇറങ്ങിയത്. സാധാരണ ഇറങ്ങുന്ന ആനത്താരകൾക്കു പുറന പുതിയ പാതകൾ കണ്ടെത്തിയാണ് കാട്ടാനകൾ ഇറങ്ങുന്നതെന്നാണ് വനം വകുപ്പ് അധികൃതർ പറയുന്നത്.

ശിശു സൗഹൃദ കോര്‍ണറുമായി പ്രമാടം ഗ്രാമപഞ്ചായത്ത്

പ്രമാടം: കുരുന്നുകളുടെ പ്രിയ ഇടമാക്കാന്‍ സ്‌കൂള്‍ ചുമരുകളില്‍ വര്‍ണ വിസ്മയം തീര്‍ക്കുകയാണ് പ്രമാടം ഗ്രാമപഞ്ചായത്ത്. അക്ഷരങ്ങള്‍ക്കും അക്കങ്ങള്‍ക്കുമൊപ്പം ഓരോ ക്ലാസ് മുറിയേയും മനോഹരമാക്കി കുട്ടികളുടെ ഇഷ്ട മൃഗങ്ങളും ഫലങ്ങളും ചുമരുകളില്‍ ഇടം പിടിച്ചിട്ടുണ്ട്. പഞ്ചായത്ത് പരിധിയിലെ അഞ്ചു സ്‌കൂളുകളിലാണ് അറിഞ്ഞും രസിച്ചും പഠിക്കാന്‍ ശിശു സൗഹൃദ കോര്‍ണര്‍ ഒരുക്കുന്നത്. പ്രമാടം ജിഎല്‍പിഎസ്, മല്ലശേരി ജിഎല്‍പിഎസ്, തെങ്ങുംകാവ് ജിഎല്‍പിഎസ്, വി കോട്ടയം ജിഎല്‍പിഎസ്, ളാക്കൂര്‍ ജിഎല്‍പിഎസ് എന്നിവിടങ്ങളിലാണ് ശിശു സൗഹൃദ കോര്‍ണര്‍ തയാറാകുന്നത്. ഓരോ സ്‌കൂളിനും 50,000 രൂപയാണ് പദ്ധതി ചെലവ്. പ്രവേശനോത്സവത്തിന്‍റെ ഭാഗമായി പ്രമാടം സര്‍ക്കാര്‍ എല്‍പി സ്‌കൂളില്‍ ശിശു സൗഹൃദ കോര്‍ണര്‍ പഞ്ചായത്ത് പ്രസിഡന്‍റ് എന്‍. നവനിത്ത് ഉദ്ഘാടനം ചെയ്തിരുന്നു. ചിത്രകാരന്‍ ഉന്മേഷ് പൂങ്കാവാണ് ചുവരുകള്‍ മനോഹരമാക്കിയത്. കുട്ടികള്‍ക്ക് കലാപഠനവും പ്രഭാത ഭക്ഷണം ഒരുക്കി പഞ്ചായത്ത് മുമ്പും ശ്രദ്ധ നേടിയിരുന്നു. ശാസ്ത്രത്തെ അടുത്ത് അറിയാന്‍ സയന്‍സ് കോര്‍ണറുമുണ്ട്. കായിക ഉപകരണങ്ങളും നല്‍കിയിരുന്നു. ക്രിയേറ്റീവ് കോര്‍ണർ, ചികിത്സാ മുറി പദ്ധതികളും ആരംഭിക്കുമെന്ന് നവനിത്ത് പറഞ്ഞു.

മുതിര്‍ന്ന പൗരന്മാരോടുള്ള അതിക്രമം: ബോധവത്കരണ പരിപാടി നടന്നു

പത്തനംതിട്ട: മുതിര്‍ന്ന പൗരന്മാരോടുള്ള അതിക്രമങ്ങള്‍ക്കെതിരേ ബോധവത്കരണ പരിപാടി സാമൂഹികനീതി വകുപ്പിന്‍റെ ആഭിമുഖ്യത്തില്‍ കുമ്പനാട് ധര്‍മഗിരി മന്ദിരത്തില്‍ നടന്നു. ജില്ലാ പഞ്ചായത്ത് പ്രസിഡന്‍റ് ജോര്‍ജ് ഏബ്രഹാം ഉദ്ഘാടനം ചെയ്തു. ക്ഷേമകാര്യ സ്ഥിരം സമിതി ചെയര്‍മാന്‍ ജിജി മാത്യു അധ്യക്ഷത വഹിച്ചു. ജില്ല സാമൂഹികനീതി ഓഫീസര്‍ ജെ.ഷംല ബീഗം, കോയിപ്രം ഗ്രാമപഞ്ചായത്ത് പ്രസിഡന്‍റ് പി. സുജാത, ജില്ല പഞ്ചായത്തംഗം സി. കെ. ലതാകുമാരി, പ്രൊബേഷന്‍ ഓഫീസര്‍ സിജു ബെന്‍, റവ. കെ. എസ്. മാത്യൂസ്, വയോജന കമ്മിറ്റി അംഗങ്ങളായ ബി. ഹരികുമാര്‍, രാമേശ്വരി അമ്മ, വി.ആര്‍. ബാലകൃഷ്ണന്‍, പി. ഇ. ലാലച്ചന്‍, വയോമിത്രം കോഓര്‍ഡിനേറ്റര്‍ എ.എല്‍. പ്രീത, ഓള്‍ഡ്ഏജ് ഹോം സൂപ്രണ്ട് ഒ.എസ്. മീന എന്നിവര്‍ പങ്കെടുത്തു. എന്‍എസ്എസ് ജില്ല കോ-ഓര്‍ഡിനേറ്റര്‍ രാജശ്രീ വയോജന സംരക്ഷണ പ്രതിജ്ഞ ചൊല്ലി. മുതിര്‍ന്ന പൗരന്മാരുടെ മാനസികാരോഗ്യത്തില്‍ കുടുംബത്തിനുള്ള പങ്ക് വിഷയത്തിലും മുതിര്‍ന്ന പൗരന്മാരും നിയമസംരക്ഷണവും വിഷയത്തിലും ക്ലിനിക്കല്‍ സൈക്കോളജിസ്റ്റ് പി.റ്റി. സന്ദീഷ് , പ്രകാശ് പി. തോമസ് എന്നിവര്‍ ബോധവത്കരണ ക്ലാസുകള്‍ നയിച്ചു. ദിനാഘോഷത്തോടനുബന്ധിച്ച് നടത്തിയ സെല്‍ഫി , ഷോര്‍ട്ട് വീഡിയോ മത്സരത്തിലെ വിജയികള്‍ക്ക് ജില്ലാ പഞ്ചായത്ത് പ്രസിഡന്‍റ് ജോര്‍ജ് ഏബ്രഹാം കാഷ് അവാര്‍ഡ് വിതരണം ചെയ്തു. വയോജനങ്ങള്‍ക്കുളള സൗജന്യ ഗ്ലൂക്കോ മീറ്റര്‍ വിതരണവും നടന്നു.

ഓണക്കാലം ലക്ഷ്യമിട്ട് പൂകൃഷിയുമായി ഇരവിപേരൂര്‍

പത്തനംതിട്ട: ഓണക്കാല പൂകൃഷിക്കാവശ്യമായ ബന്ദി തൈകളുടെ വിതരണോദ്ഘാടനം ഇരവിപേരൂര്‍ ഗ്രാമപഞ്ചായത്ത് പ്രസിഡന്‍റ് കെ. ബി. ശ്രീധരന്‍ പിള്ള നിര്‍വഹിച്ചു. കാര്‍ഷിക കര്‍മസേന ഉത്പാദിപ്പിച്ച ഓറഞ്ച്, മഞ്ഞ നിറങ്ങളിലുള്ള 16000 ഹൈബ്രിഡ് ബന്ദിതൈകള്‍ സൗജന്യമായാണ് വിതരണം ചെയ്തത്. ഫ്ളോറി വില്ലേജ് പദ്ധതിയിലൂടെ 80,000 രൂപയാണ് കൃഷിക്കായി വിനിയോഗിക്കുന്നത്. പഞ്ചായത്ത് പരിധിയിലെ 1.6 ഹെക്ടര്‍ സ്ഥലമാണ് ബന്ദിക്കൃഷിക്ക് ഒരുങ്ങുന്നത്. ഓരോ വാര്‍ഡില്‍ നിന്നുള്ള വനിതകളാണ് കൃഷി ചെയ്യുന്നത്. വൈസ് പ്രസിഡന്‍റ് സാലി ജേക്കബ് അധ്യക്ഷത വഹിച്ചു. വികസനകാര്യ സ്ഥിരം സമിതി അധ്യക്ഷ ആര്‍. ജയശ്രീ, അംഗങ്ങളായ അമ്മിണി ചാക്കോ, ത്രേസ്യാമ്മ കുരുവിള, മോഹനൻ, അനില്‍ ബാബു, വിജയമ്മ തുടങ്ങിയവർ പ്രസംഗിച്ചു. ബന്ദി തൈകള്‍ വിതരണം ചെയ്തു വള്ളിക്കോട്: ഗ്രാമപഞ്ചായത്തില്‍ ബന്ദി തൈകളുടെ വിതരണം പ്രസിഡന്‍റ് ആര്‍. മോഹനന്‍ നായര്‍ നിര്‍വഹിച്ചു. ഓണവിപണി ലക്ഷ്യമാക്കിയാണ് പദ്ധതി നടപ്പാക്കുന്നത്. സ്ഥിര സമിതി അധ്യക്ഷരായ എം. പി. ജോസ്, ജി സുഭാഷ്, സെക്രട്ടറി പി. ജെ. രാജേഷ്, സിഡിഎസ് ചെയര്‍പെഴ്‌സണ്‍ സരിതാ മുരളി എന്നിവര്‍ പ്രസംഗിച്ചു.

ശുചിത്വമിഷൻ പ‌ ുരസ്കാരം തുന്പമൺ എംജി എച്ച്എസ്എസിന്

പത്തനംതിട്ട: ജില്ലയിലെ ഏറ്റവും മികച്ച സ്നേഹാരാമം നിർമിക്കുകയും പരിപാലിക്കുകയും ചെയ്യുന്ന തുന്പമൺ എംജി എച്ച്എസ്എസ് എൻഎസ്എസ് യൂണിറ്റിന് പത്തനംതിട്ട ശുചിത്വമിഷൻ നൽകുന്ന പുരസ്കാരം പത്തനംതിട്ട ജില്ലാ പഞ്ചായത്ത് പ്രസിഡന്‍റ് ജോർജ് ഏബ്രഹാം സമ്മാനിച്ചു. പ്രിൻസിപ്പൽ ഡോ. മാത്യു പി.ജോർജ്, തുന്പമൺ ഗ്രാമപഞ്ചായത്ത് പ്രസിഡന്‍റ് റോണി ഏബ്രഹാം, ജില്ലാ പഞ്ചായത്തംഗം റോബിൻ പീറ്റർ, കാതോലിക്കേറ്റ് ആൻഡ് എംഡി സ്കൂൾസ് കോർപറേറ്റ് മാനേജർ ഡോ. ഗബ്രിയേൽ മാർ ഗ്രീഗോറിയോസ് മെത്രാപ്പോലീത്ത, ഹയർ സെക്കൻഡറി വിഭാഗം റീജിയണൽ ഡെപ്യൂട്ടി ഡയറക്ടർ കെ. സുധ, പന്തളം ബ്ലോക്ക് പഞ്ചായത്ത് ക്ഷേമകാര്യ സ്റ്റാൻഡിംഗ് കമ്മിറ്റി ചെയർപേഴ്സൺ ലാലി ജോൺ തുടങ്ങിയവർ പങ്കെടുത്തു.

പെയ്തിറങ്ങിയത് ശക്തമായ മഴ; നാശനഷ്ടങ്ങളും ഏറി

പത്തനംതിട്ട: കഴിഞ്ഞ രണ്ടുദിവസം ജില്ലയിൽ ലഭിച്ചത് കനത്ത മഴ. അധികസമയം നീണ്ടുനിന്നില്ലെങ്കിലും ശക്തമായ മഴയാണ് ഈ ദിവസങ്ങളിൽ പെയ്തിറങ്ങിയത്. ഇന്നലെ രാവിലെ അവസാനിച്ച 24 മണിക്കൂറിൽ ജില്ലയിലെ വിവിധ ഭാഗങ്ങളിലെ മഴമാപിനികളിൽ നിന്നു ലഭിച്ച കണക്കുകളും ഇത് വ്യക്തമാക്കുന്നു. നദികളിലെ ജലനിരപ്പും ഉയർന്നുവെങ്കിലും ഇന്നലെ പകൽ മഴയ്ക്കു ശമനമുണ്ടായതോടെ പ്രളയഭീതി ഒഴിഞ്ഞു. തിരുവല്ല താലൂക്കിന്‍റെ വിവിധ ഭാഗങ്ങളിൽ താഴ്ന്ന പ്രദേശങ്ങളിൽ വെള്ളം കയറിയിരുന്നു. മഴ കുറഞ്ഞതിനാൽ വെള്ളം ഇറങ്ങുകയാണെന്ന് പ്രദേശവാസികൾ പറഞ്ഞു. പത്തനംതിട്ടയിൽ 40, തുന്പമൺ 36.4, കക്കി 129, പന്പ 111, മൂഴിയാർ 65, നിലയ്ക്കൽ 53.2, വടശേരിക്കര 83, പെരുന്തേനരുവി 57, അയിരൂർ 58.4, കല്ലൂപ്പാറ 41.4, തിരുവല്ല 44 മില്ലിമീറ്റർ എന്നിങ്ങനെയാണ് ഞായറാഴ്ച പകലും രാത്രിയിലുമായി ലഭിച്ച മഴയുടെ അളവ്. പന്പാനദിയുടെ അയിരൂർ ഭാഗത്ത് 7.99 മീറ്റർ, മാരാമൺ 6.76, ആറന്മുള 6.36, അച്ചൻകോവിലാറിന്‍റെ കോന്നിയിൽ 19.1, പന്തളം 8.2, തുന്പമൺ 8.85 മീറ്ററും ഇന്നലെ ജലനിരപ്പ് രേഖപ്പെടുത്തി. മണിമലയാറിന്‍റെ വള്ളംകുളം ഭാഗത്ത് 5.17, കല്ലൂപ്പാറയിൽ 6.04 മീറ്ററും ജലനിരപ്പുണ്ടായിരുന്നു. ജലനിരപ്പുയർന്നതിനേ തുടർന്ന് അച്ചൻകോവിൽ, മണിമല നദികളിൽ പ്രളയസാധ്യത മുന്നറിയിപ്പ് പുറപ്പെടുവിച്ചിരുന്നു. മൂഴിയാർ സംഭരണിയുടെ ഷട്ടറുകൾ ജലനിരപ്പ് ക്രമീകരിക്കുന്നതിനായി വെള്ളിയാഴ്ച രാത്രി മുതൽ തുറക്കുന്നുണ്ട്. കക്കിയിൽ 46 ശതമാനം മാത്രമാണ് ഇന്നലെയും ജലനിരപ്പ്. റോഡിന്‍റെ സംരക്ഷണഭിത്തി ഇടിഞ്ഞു താഴ്ന്നു റോഡിന്‍റെ സംരക്ഷണ ഭിത്തി ഇടിഞ്ഞു താഴ്ന്നു. റാന്നി ഗ്രാമപഞ്ചായത്തിന്‍റെ ഉടമസ്ഥതയിലുള്ള മുണ്ടപ്പുഴ - പെരുമ്പുഴ റോഡില്‍ ടെലിഫോണ്‍ ഭവനു മുന്നിലായിട്ടാണ് റോഡിന്‍റെ സംരക്ഷണ ഭിത്തി തകര്‍ന്നു വീണത്. കഴിഞ്ഞ ദിവസം പെയ്ത കനത്ത മഴയിലാണ് കെട്ട് ഇടിഞ്ഞു വീണത്.

കെട്ട് ഇടിഞ്ഞതോടെ ഗതാഗതത്തിന് ഭീഷണിയായി വശം ഇരുത്തി തുടങ്ങിയിട്ടുമുണ്ട്. നാട്ടുകാര്‍ മരച്ചില്ലകള്‍ ഉപയോഗിച്ചാണ് അപകട മുന്നറിയിപ്പു നല്‍കിയിരിക്കുന്നത്. മഴ തുടരുന്ന സാഹചര്യത്തില്‍ കൂടുതല്‍ മണ്ണ് ഒലിച്ചു പോകാന്‍ സാധ്യത ഏറെയാണ്. അങ്ങനെ സംഭവിച്ചാല്‍ വലിയ ദുരന്തം ഉണ്ടാകുമെന്ന് നാട്ടുകാര്‍ ആശങ്കപ്പെടുന്നുണ്ട്. അധികൃതര്‍ സംഭവത്തിന്‍റെ ഗൗരവം മനസിലാക്കി എത്രയുംവേഗം വശം കെട്ടി ബലപ്പെടുത്തണമെന്ന് നാട്ടുകാര്‍ ആവശ്യപ്പെട്ടു. ഏഴ് വീടുകള്‍ ഭാഗികമായി തകര്‍ന്നു ശക്തമായ മഴയില്‍ ജില്ലയിലെ രണ്ട് താലൂക്കുകളിലായി ഏഴ് വീടുകള്‍ ഭാഗികമായി തകര്‍ന്നു. കോന്നി അഞ്ച്, റാന്നി രണ്ട് എന്നിങ്ങനെയാണ് കണക്ക്. കോന്നി താലൂക്കില്‍ മൂന്നും റാന്നിയില്‍ ഒരു വില്ലേജിലുമാണ് മഴക്കെടുതി ബാധിച്ചത്. ജില്ലയില്‍ മൂന്ന് കര്‍ഷകരുടെ 30 വാഴകള്‍ കഴിഞ്ഞ ദിവസത്തെ കാറ്റില്‍ നശിച്ചു. മലയാലപ്പുഴയിൽ വീടിനു മുകളിൽ മരം വീണു; വയോധികനു പരിക്ക് മലയാലപ്പുഴ: കാറ്റിലും മഴയിലും വീടിനു മുകളിൽ മരം വീണ് മലയാലപ്പുഴയിൽ വായോധികന് പരിക്ക്. മലയാലപ്പുഴ താഴം ശ്യാം വിലാസിൽ കൃഷ്ണൻ കുട്ടിക്കാണ് (65) നാണ് പരിക്കേറ്റത്. ഞായറാഴ്ച രാത്രിയുണ്ടായ കാറ്റിലാണ് അപകടമുണ്ടായത്. ശക്തമായ കാറ്റിൽ കൃഷ്ണൻകുട്ടിയുടെ വീടിന് മുകളിലേക്ക് ആഞ്ഞിലി മരം വീഴുകയായിരുന്നു. കൃഷ്ണൻകുട്ടിയും ഭാര്യ ശ്യാമളയുമാണ് വീട്ടിലുണ്ടായിരുന്നത്. മേൽക്കൂരയുടെ ഓട് പൊട്ടിവീണാണ് കൃഷ്ണൻകുട്ടിയുടെ തലയ്ക്കു പരിക്കേറ്റത്. ഭാര്യ ശ്യാമളയ്ക്കും പരിക്കേറ്റു. കൃഷ്ണൻകുട്ടി നായരെ കോഴഞ്ചേരിയിലെ സ്വകാര്യ ആശുപത്രിയിൽ എത്തിച്ച് ചികിത്സ നൽകിയ ശേഷം കോന്നി മെഡിക്കൽ കോളജിൽ പ്രവേശിപ്പിച്ചു. വീടിന്‍റെ മേൽക്കൂര പൂർണമായി തകർന്നു. മലയാലപ്പുഴ പഞ്ചായത്ത് പ്രസിഡന്റ് പ്രീജ പി. നായർ, വില്ലേജ് ഓഫിസർ വിനോദ് തോമസ് തുടങ്ങിയവർ സ്ഥലം സന്ദർശിച്ചു. മലയാലപ്പുഴ താഴം സ്യമന്തകം വീട്ടിൽ രേഷ്മ രമേശിന്‍റെ വീടിനു മുകളിലേക്ക് ആഞ്ഞിലി മരം വീണ് നഷ്ടമുണ്ടായി. മലയാലപ്പുഴ താഴം പനമ്പള്ളി ഇല്ലം ഇന്ദിരാ ദേവി, കിഴക്കുപുറം പനാറയിൽ ആനി, തേക്കിനാൽ പതാലിൽ ബാബു എന്നിവരുടെ വീടുകൾക്ക് മുകളിൽ മരം വീണ് നാശനഷ്ടമുണ്ടായി. ഇളകൊള്ളൂരിൽ വീടിന്‍റെ മുറി ഇടിഞ്ഞുവീണുവെങ്കിലും വീട്ടിനുള്ളിലുണ്ടായിരുന്നവർ പരിക്കേൽക്കാതെ രക്ഷപെട്ടു. അജിതിന്‍റെ വീടാണ് ഇടിഞ്ഞുവീണത്.

അഭിഭാഷകന്‍ ഉൾപ്പെട്ട പോക്‌സോ കേസ് അന്വേഷണം ഇനി ക്രൈംബ്രാഞ്ചിന്

പത്തനംതിട്ട: അഭിഭാഷകന്‍ കുറ്റാരോപിതനായ പോക്സോ കേസിന്‍റെ തുടരന്വേഷണം സംസ്ഥാന ക്രൈംബ്രാഞ്ചിനു കൈമാറി. പതിനാറുകാരിയെ മദ്യം കൊടുത്ത് മയക്കി ലൈംഗിക വൈകൃതങ്ങള്‍ക്കും പ്രകൃതി വിരുദ്ധ പീഡനത്തിനും ഇരയാക്കി ബലാല്‍സംഗം ചെയ്ത കേസാണ് ക്രൈംബ്രാഞ്ചിനെ ഏല്പിച്ചത്. കേസ് അട്ടിമറിക്കാനും കുറ്റാരോപിതനായ അഭിഭാഷകനെ രക്ഷിക്കാനും തുടർ ശ്രമങ്ങൾ നടന്നുവെന്ന ആരോപണങ്ങളുടെ പേരിലാണ് അന്വേഷണം കൈമാറിയത്. കേസിൽ വീഴ്ച വരുത്തിയെന്ന പേരിൽ കോന്നി ഡിവൈഎസ്പി, എസ്എച്ച്ഒ എന്നിവർ സസ്പെൻഷനിലാണ്. കേസിൽ കോന്നി സ്വദേശിയായ ബിൻസിയെ (41) മാത്രമാണ് ഇതേവരെ അറസ്റ്റു ചെയ്തത്. ഇവര്‍ കേസില്‍ രണ്ടാം പ്രതിയാണ്. അഭിഭാഷകനായ ഒന്നാം പ്രതിക്ക്, ബലാല്‍സംഗത്തിനും ലൈംഗിക അതിക്രമങ്ങള്‍ക്കും കുട്ടിയെ വിധേയമാക്കാൻ സഹായിയായി നിന്നുവെന്നതാണ് ബിൻസിക്കെതിരേയുള്ള കുറ്റം. ഒന്നാം പ്രതി നൗഷാദ് (46) ഒളിവിലാണ്. ഹൈക്കോടതിയിൽ ഇയാൾ നൽകിയ മുൻകൂർ ജാമ്യാപേക്ഷ തള്ളിയതിനേ തുടർ്ന് സുപ്രീംകോടതിയെ സമീപിച്ചിരിക്കുകയാണ്. കോഴഞ്ചേരി ഹോട്ടല്‍ പാര്‍ക്ക്, പത്തനംതിട്ട കുമ്പഴയിലെ ഹോട്ടല്‍ ഹില്‍പാര്‍ക്ക് എന്നിവിടങ്ങളിലെത്തിച്ചായിരുന്നു പീഡനം തുടര്‍ന്നത്. പ്ലസ് വണ്‍ വെക്കേഷന്‍ കാലയളവില്‍ എറണാകുളത്ത് കോറല്‍ ഹോട്ടലില്‍ എത്തിച്ചും അഭിഭാഷകന്‍ കുട്ടിയെ ക്രൂര ലൈംഗിക പീഡനങ്ങള്‍ക്ക് ഇരയാക്കിയിരുന്നു. പത്തനംതിട്ട ചൈല്‍ഡ് വെല്‍ഫയര്‍ കമ്മിറ്റിയില്‍ നിന്നും ലഭിച്ച വിവരത്തിന്‍റെ അടിസ്ഥാനത്തില്‍ ആറന്മുള പോലീസ് കേസ് രജിസ്റ്റര്‍ ചെയ്ത് അന്വേഷണം നടത്തിയത്. ആദ്യം പരാതി ലഭിച്ചത് കോന്നി പോലീസ് സ്റ്റേഷനിലായിരുന്നു. ഇതിൽ കേസെടുക്കുന്നതിൽ വീഴ്ച വരുത്തിയെന്ന ആരോപണമാണ് പോലീസിനെതിരേയുള്ളത്. കേസിൽ പത്തനംതിട്ട ജില്ലാ ക്രൈംബ്രാഞ്ച് അന്വേഷണം നടത്തിയെങ്കിലും പോലീസ് ഉദ്യോഗസ്ഥരുടേതടക്കമുള്ള വീഴ്ചകൾ ചൂണ്ടിക്കാട്ടി ഡിഐജി നൽകിയ റിപ്പോർട്ടിന്‍റെ അടിസ്ഥാനത്തിലാണ് അന്വേഷണം ക്രൈംബ്രാഞ്ചിനെ ഏല്പിച്ചത്.

നിയന്ത്രണം വിട്ട റിക്കവറി വാനും കാറും മറിഞ്ഞു

മല്ലപ്പള്ളി: മല്ലപ്പള്ളി - പരിയാരം റോഡിൽ തേരടപ്പുഴ വളവിൽ നിയന്ത്രണംവിട്ട റിക്കവറി വാനും ഒപ്പം വലിച്ചു കൊണ്ടു വന്ന കാറും കുഴിയിലേക്ക് മറിഞ്ഞു. ഇന്നലെ വൈകുന്നേരം ആറോടെയാണ് അപകടം. തേരടപ്പുഴ വളവ് സ്ഥിരം അപകട മേഖലയാണ്. ഏപ്രിലിൽ നിയന്ത്രണം വിട്ട സ്കൂട്ടർ കലുങ്കിൽ ഇടിച്ച് അധ്യാപകനായിരുന്ന കോട്ടയം ചെറുവളവിൽ കാവുംഭാഗം പള്ളിക്കൽ മുറിയിൽ അരവിന്ദ് മധു (25) മരിച്ചിരുന്നു. നിരവധി അപകടങ്ങളാണ് ഇതിനോടകം ഉണ്ടായത്.

സിപിഎമ്മിലെ വിവാദങ്ങൾക്കൊടുവിൽ അടൂർ ചെയർപേഴ്സൺ രാജിവച്ചു

അടൂർ: നഗരസഭ ചെയർപേഴ്സൺ സിപിഎമ്മിലെ ദിവ്യ റെജി മുഹമ്മദ് തൽസ്ഥാനം രാജിവച്ചു. തിങ്കളാഴ്ച ചേർന്ന നഗരസഭാ കൗൺസിലിനു ശേഷമാണ് നഗരസഭ സെകട്ടറിയുടെ ചുമതല വഹിക്കുന്ന സൂപ്രണ്ട് പ്രസാദിന് രാജിക്കത്തു നല്കിയത്. പാർട്ടി തീരുമാനം അനുസരിച്ചാണ് രാജി എന്നാണ് കത്തിൽ സൂചിപ്പിച്ചിരിക്കുന്നത്. സിപിഐയിലെ ഡി.സജി എൽഡിഎഫ് ധാരണ പ്രകാരമുള്ള കാലയളവായ രണ്ട് വർഷം പൂർത്തീകരിച്ചതിനേ തുടർന്ന് ചെയർമാൻ സ്ഥാനം രാജിവച്ചതോടെയാണ് 2023 ഫെബ്രുവരി 16ന് ദിവ്യ റെജി മുഹമ്മദ് ചുമതലയേറ്റത്. തുടർന്ന് രണ്ടരവർഷം പൂർത്തിയാകുകയും തദ്ദേശ തെരഞ്ഞെടുപ്പിന് മാസങ്ങൾ മാത്രം ശേഷിക്കേവേയാണ് ഇവർ രാജിവച്ചൊഴിയുന്നത്. സിപിഎം പാർലമെന്‍ററി പാർട്ടിയിൽ സമീപക‌ാലത്തുണ്ടായ ചില വിവാദങ്ങളാണ് ചെയർപേഴസ്‌ന്‍റെ രാജിയിൽ കലാശിച്ചത്. ദിവ്യ റെജി മുഹമ്മദിനെതിരേ ഒരു സിപിഎം കൗൺസിലർ പരസ്യമായി ആരോപണം ഉന്നയിച്ചതും ഇത് ഏറെ ചർച്ച ചെയ്യപ്പെടുകയുമുണ്ടായി. കൗൺസിലർക്കെതിരേ നിയമനടപടി ഉൾപ്പെടെ സ്വീകരിക്കാൻ ദിവ്യ സന്നദ്ധയായി. തുടർന്ന് പാർട്ടി ഇടപെട്ട് കൗൺസിലർ വിശദീകരണം നൽകുകയും ചെയ്തു. ഡി. സജി രാജിവച്ചപ്പോൾ സിപിഎമ്മിൽ നിന്നും ആരാകും ചെയർമാനാകുക എന്നതു സംബന്ധിച്ച് നീണ്ട ചർച്ചകളും പിന്നീട് ചില തർക്കങ്ങളും ഉണ്ടായെങ്കിലും കഴിഞ്ഞ നഗരസഭ ഭരണസമതിയിലെ വൈസ് ചെയർപെഴ്സണായിരുന്ന ദിവ്യ റെജി മുഹമ്മദിനു നറുക്കു വീഴുകയായിരുന്നു. ഇത് പാർലമെന്‍ററി പാർട്ടിയിലെ മുതിർന്ന നേതാക്കളെ ചൊടിപ്പിച്ചു. ആരോപണ വിധേയരെ ഒഴിവാക്കി ദിവ്യ റെജി മുഹമ്മദിനെ ചെയർപേഴ്സൺ സ്ഥാനത്തെത്തിച്ച അതേ നിലപാടാകും അടുത്ത ഏതാനും മാസത്തേക്കുള്ള അധ്യക്ഷനെ തെരഞ്ഞെടുക്കുന്നതിലും പാർട്ടി സ്വീകരിക്കുക. കെ. മഹേഷ് കുമാറിന്‍റെ പേരാണ് സിപിഎം പരിഗണിക്കുന്നതെന്നാണ് സൂചന.

രഞ്ജിതയുടെ ഡിഎൻഎ ഫലത്തിനായുള്ള കാത്തിരിപ്പ്‌ തുടരുന്നു

കോഴഞ്ചേരി: അഹമ്മദാബാദ് വിമാനാപകടത്തിൽ മരിച്ച പത്തനംതിട്ട പുല്ലാട് കുറുങ്ങഴക്കാവ് കൊഞ്ഞോൺ വീട്ടിൽ ര‍ഞ്ജിത ആർ. നായരുടെ(39) ഡിഎൻഎ പരിശോധനാ ഫലത്തിനായുള്ള കാത്തിരിപ്പ്‌ തുടരുന്നു. ശനിയാഴ്ചയാണ് രഞ്ജിതയുടെ സഹോദരൻ രതീഷിന്‍റെ രക്‌തസാമ്പിൾ ഡിഎൻഎ പരിശോധനക്കായി അഹമ്മദാബാദ് സിവിൽ ആശുപത്രിയിൽ അധികൃതർ ശേഖരിച്ചത്. എന്നാൽ, ഇതേവരെ ഫലമറിയാനായില്ല. ഇന്നലെ ഫലം ലഭിക്കുമെന്ന പ്രതീക്ഷയുണ്ടായിരുന്നെങ്കിലും വൈകുന്നേരം വരെ ലഭിച്ചില്ല. ഫലം ലഭിച്ചശേഷമേ മൃതദേഹം നാട്ടിലെത്തിക്കുന്നതു സംബന്ധിച്ച തീരുമാനമെടുക്കാനാകൂ. മൃതദേഹം പൂർണമായി കത്തിക്കരിഞ്ഞ സാഹചര്യത്തിലാണ് ഡിഎൻഎ പരിശോധന. സഹോദരൻ രതീഷും ബന്ധു ഉണ്ണിക്കൃഷ്‌ണനും അഹമ്മദാബാദിൽ തന്നെ തുടരുകയാണ്. രഞ്ജിതയുടെ കുടുംബാംഗങ്ങളെ ആശ്വസിപ്പിക്കാനായി തിങ്കളാഴ്ചയും നിരവധിപേർ പുല്ലാട്ടെ കുടുംബവീട്ടിലെത്തിയിരുന്നു. മാർത്തോമ്മ സഭയുടെ സഫ്രഗൻ മെത്രാപ്പോലീത്ത ഡോ ജോസഫ് മാർ ബർണബാസ്, അടൂർ ഭദ്രാസനധിപൻ മാത്യൂസ് മാർ സെറാഫിം, പ്രവാസി സംസ്കൃതി അസോസിയേഷൻ സംസ്ഥാന പ്രസിഡന്‍റ് ജനറൽ സെക്രട്ടറി ബിജു ജേക്കബ് കൈതാരം, അസോസിയേഷൻ സംസ്ഥാന പ്രസിഡന്‍റ് സാമുവൽ പ്രക്കാനം , ജില്ല പ്രസിഡന്‍റ് വർഗീസ് മാത്യു, നൗഷാദ് റാവുത്തർ വെണ്ണിക്കുളം എന്നിവർ വീട്ടിലെത്തി. രഞ്ജിതയുടെ കുടുംബത്തിനുവേണ്ട എല്ലാ സഹായവും പിന്തുണയും നല്‍കാന്‍ മാർത്തോമ്മ സഭ സന്നദ്ധമാണെന്ന് ജോസഫ് മാര്‍ ബർണബാസ് പറഞ്ഞു. അല്മായ ട്രസ്റ്റി അന്‍സില്‍ കോമാട്ട്, റവ. ദാനിയേല്‍ വര്‍ഗീസ്, സഭ കൗണ്‍സില്‍ അംഗം റവ. തോമസ് കോശി, മാര്‍ത്തോമ്മ യുവജനസഖ്യം ജനറല്‍ സെക്രട്ടറി റവ. ബിനോയ് ഡാനിയേല്‍, എന്നിവര്‍ക്കൊപ്പമാണ് സഫ്രഗന്‍ മെത്രാപ്പോലീത്താ എത്തിയത്.

ഗ‌വിയിലെ തൊഴിലാളിസമരം ഒത്തുതീർപ്പിലേക്ക്

പത്തനംതിട്ട: മൂന്നു ദിവസമായി ഗവിയിൽ ടൂറിസം മേഖലയിലെ തൊഴിലാളികൾ തുടരുന്ന സമരം ഒത്തുതീർപ്പിലേക്ക്. ആങ്ങമൂഴി പോലീസ് സ്റ്റേഷനിൽ തൊഴിലാളി പ്രതിനിധികളും കെഎഫ്ഡിസി മാനേജ്മെന്‍റും തമ്മിൽ നടത്തിയ ചർച്ചയിലാണ് ധാരണയായത്. ചർച്ചയേ തുടർന്ന് സമരം പിൻവലിക്കുന്നതിന്‍റെ സൂചനയായി ഗവി ഇക്കോ ടൂറിസം കവാടത്തിൽ തൊഴിലാളി യൂണിയനുകൾ കെട്ടിയ കൊടികൾ അഴിച്ചുമാറ്റി. ഇന്ന് പത്തനംതിട്ട ലേബർ ഓഫീസിൽ തൊഴിലാളി യൂണിയൻ നേതാക്കളും മാനേജ്മെന്‍റ് പ്രതിനിധികളുമായി ചർച്ച നടക്കും. ടൂറിസം മേഖലയിൽ നിന്ന് 42 തൊഴിലാളികളെ തൊട്ടം മേഖലയിലേക്ക് മാറ്റാനുള്ള തീരുമാനത്തിനെതിരേയാണ് തൊഴിലാളികൾ പണിമു‌ടക്കിയത്. സമരം ഗവി ടൂറിസത്തെ ബാധിച്ചതിനേ തുടർന്നാണ് അധികൃതർ ചർച്ചയ്ക്കു വിളിച്ചത്. ഇന്ന് ലേബർ ഓഫീസിൽ നടക്കുന്ന ചർച്ചയിൽ അനുകൂല നടപടി പ്രതീക്ഷിക്കുന്നതായി തൊഴിലാളികൾ പറഞ്ഞു. മൺസൂൺ സീസണായതിനാൽ അപകടം ഒഴിവാക്കാൻ ട്രക്കിംഗ് പാതയിലെ മരങ്ങൾ മുറിച്ചു മാറ്റുക, തൊഴിലാളികൾക്ക് പാമ്പുകടിയേൽക്കാതിരിക്കാൻ ഷൂസ് നൽകുക, മഴക്കോട്ട് നൽകുക, അലവൻസ് വർധിപ്പിക്കുക തുടങ്ങിയ ആവശ്യങ്ങളുന്നയിച്ചതിന് മാനേജ്മെന്‍റ് പകപോക്കൽ നടത്തുന്നതിന്‍റെ ഭാഗമാണ് തൊഴിലാളികളെ പെട്ടെന്ന് ടൂറിസം മേഖലയിലേക്ക് മാറ്റാൻ ശ്രമിച്ചതെന്ന് ആരോപണമുണ്ട്.

ദീപിക - ഹിന്ദുസ്ഥാൻ ഗ്രൂപ്പ് ഓഫ് ഇൻസ്റ്റിറ്റ്യൂഷൻസ് ആദരം 2025, 21ന് റാന്നിയിൽ

റാന്നി: ഇക്കഴിഞ്ഞ പത്ത്, 12 ക്ലാസുകളിലെ പൊതുപരീക്ഷകളിൽ എല്ലാ വിഷയങ്ങൾക്ക് എ പ്ലസ്, എ വൺ നേടിയ കുട്ടികളെയും നൂറുശതമാനം വിജയം കൈവരിച്ച സ്കൂളുകളെയും ദീപിക, ഹിന്ദുസ്ഥാൻ ഗ്രൂപ്പ് ഓഫ് ഇൻസ്റ്റിറ്റ്യൂഷൻ ചെന്നൈയുടെ സഹകരണത്തിൽ ആദരിക്കും. 21ന് ഉച്ചകഴിഞ്ഞ് രണ്ടിന് റാന്നി സിറ്റഡൽ റസിഡൻഷൽ സ്കൂളിൽ നടക്കുന്ന ആദരിക്കൽ സമ്മേളനത്തിൽ, കുട്ടികൾക്ക് ഫലകവും സർട്ടിഫിക്കറ്റും സമ്മാനിക്കും. ഹിന്ദുസ്ഥാൻ ഗ്രൂപ്പ് സ്ഥാപക ചെയർമാൻ ഡോ.കെ.സി.ജി. വർഗീസിന്‍റെ 85 -ാം ജന്മദിനത്തോടനുബന്ധിച്ചാണ് ദീപിക - ഹിന്ദുസ്ഥാൻ ഗ്രൂപ്പ് ഓഫ് ഇൻസ്റ്റിറ്റ്യൂഷൻസ് അക്കാഡമിക് എക്സലൻസ് അവാർഡ് (ആദരം 2025) സംഘടിപ്പിച്ചിരിക്കുന്നത്.

ഏനാത്ത് തോട് ഇടിഞ്ഞു, മടവീഴ്ചയിൽ കൃഷിനാശം

അടൂർ: ഏനാത്ത് വീണ്ടും തോട് ഇടിഞ്ഞുണ്ടായ മടവീഴ്ചയിൽ കൃഷിനാശം.കല്ലുപാലം ഏലായ്ക്കു സമീപം പലയിടത്തായാണ് തോടിന്‍റെ വശം ഇടിഞ്ഞത്. തോടിന്‍റെ ഊപ്പുവിളപടി മുതൽ കളമല വരെയുള്ള ഭാഗത്താണ് പലയിടത്തും തീരം ഇടിയുന്നുണ്ട്. ഊപ്പുവിളപടി പ്ലാംതുണ്ടിൽ ബേബിയുടെ പുരയിടത്തിന്‍റെ വശത്തെ കെട്ട് കഴിഞ്ഞദിവസം തോട്ടിലേക്ക് ഇടിഞ്ഞു വീണിരുന്നു. ഇദ്ദേഹം സ്വന്തം ചെലവിൽ നിർമിച്ച സംരക്ഷണ ഭിത്തിയാണ് ഇടിഞ്ഞത്. ഇതേ ഭാഗത്തു തന്നെ പഞ്ചായത്ത് നിർമിച്ച ഭാഗങ്ങളും പൊളിഞ്ഞു തുടങ്ങിയിട്ടുണ്ട്. തോടിന്റെ വശത്തെ കെട്ടുകൾക്ക് ഉയരമില്ലെന്നതാണ് മറ്റൊരു പ്രശ്നം. മഴക്കാലത്ത് കൃഷിയിടങ്ങളിലേക്ക് വേഗത്തിൽ വെള്ളം കയറുന്ന സ്ഥിതിയാണ്. നെല്ല്, വെറ്റില, പച്ചക്കറി കൃഷികൾക്കാണ് ഏറെയും നാശമുണ്ടാകുന്നത്. കഴിഞ്ഞവർഷം ഇതേ തോടിന്‍റെ കളമല ഭാഗത്ത് വെള്ളം കയറി കൊയ്തുവെച്ച നെൽ കറ്റകൾ ഒഴുകിപ്പോയ സംഭവവും ഉണ്ടായിട്ടുണ്ട്.

ശബരിമലയില്‍ മലകയറ്റത്തിനിടെ രണ്ടുപേര്‍ കുഴഞ്ഞുവീണു മരിച്ചു

പത്തനംതിട്ട: പമ്പയില്‍ നിന്ന് സന്നിധാനത്തേക്കുള്ള മല കയറ്റത്തിനിടെ രണ്ടു പേര്‍ കുഴഞ്ഞു വീണു മരിച്ചു. ഒരു തീർഥാടകനും മരക്കൂട്ടത്ത് നിന്ന് ഡ്യൂട്ടി കഴിഞ്ഞ് മടങ്ങിയ താത്കാലിക ദേവസ്വം ഗാര്‍ഡുമാണ് കുഴഞ്ഞു വീണു മരിച്ചത്. തീർഥാടകനായ കർണാടക രാമനഗര്‍ സ്വദേശി പ്രജ്വല്‍ (20) 5-ാം നമ്പര്‍ ഷെഡില്‍ കുഴഞ്ഞു വീഴുകയായിരുന്നു. ഉടന്‍ ആശുപത്രിയില്‍ എത്തിച്ചെങ്കിലും മരണം സംഭവിച്ചു. മരക്കൂട്ടത്ത് താല്‍കാലിക ദേവസ്വം ഗാര്‍ഡായി ജോലിചെയ്യുന്ന കൊല്ലം സ്വദേശി ഗോപകുമാറാണ് (60) മരിച്ച രണ്ടാമത്തേയാൾ. ജോലി കഴിഞ്ഞ് സന്നിധാനത്തേക്ക് മടങ്ങവേ മരക്കൂട്ടത്തിന് സമീപം കുഴഞ്ഞുവീഴുകയായിരുന്നു. ഉടന്‍ പമ്പാ ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല.

ആക്രമണക്കേസിൽ അറസ്റ്റ്

പത്തനംതിട്ട : യുവാവിനെയും സുഹൃത്തിനെയും മാരകായുധങ്ങളുമായി ആക്രമിച്ച കേസിൽ സഹോദരന്മാർ ഉൾപ്പെടെ മൂന്നു പേരെ ചിറ്റാർ പോലീസ് അറസ്റ്റ് ചെയ്തു. ചിറ്റാർ നീലിപിലാവ് കിഴക്കേക്കര സുനിൽ ( 51),നീലിപിലാവ് രോഹിണിപ്പടി നടശേരിൽ രജീഷ് ( 39), സഹോദരൻ രമേശ്‌ ( 40) എന്നിവരാണ് അറസ്റ്റിലായത്. 14 ന് രാത്രി 9.30 ന് പന്നിയാർ വച്ചാണ് ആക്രമണമുണ്ടായത്. ചിറ്റാർ ഡിപ്പോപ്പടി കണ്ടംകുളത്ത് വീട്ടിൽ ഷാനവാസ്‌ (34), ചിറ്റാർ പന്നിയാർ വാഴവിളയിൽ പ്രവീൺ (30) എന്നിവരെ മർദിച്ചതുമായി ബന്ധപ്പെട്ടാണ് അറസ്റ്റ്. പ്രവീണിന്‍റെ മാതാവിനും ദേഹോപദ്രവം ഏറ്റു. ഷാനവാസിന്‍റെ മൊഴിയനുസരിച്ചാണ് ചിറ്റാർ പോലീസ് കേസ് രജിസ്റ്റർ ചെയ്തത്.

കിച്ചണ്‍ ഷെഡ് പദ്ധതി ശിലാസ്ഥാപനം

കുമ്പനാട്: 2024 - 25 സാമ്പത്തിക വര്‍ഷത്തില്‍ ദേശീയ ഗ്രാമീണ തൊഴിലുറപ്പു പദ്ധതിയില്‍ ഉള്‍പ്പെടുത്തി കുമ്പനാട് ഗവ. യുപി സ്‌കൂളിന് 8,43,000 രൂപ ചെലവഴിച്ചു നിർമിക്കുന്ന കിച്ചണ്‍ ഷെഡിന്‍റെ ശിലാസ്ഥാപനം നടന്നു. കോയിപ്രം ഗ്രാമപഞ്ചായത്ത് പ്രസിഡന്‍റ് പി. സുജാത ശിലാസ്ഥാപനം നിർവഹിച്ചു. ആരോഗ്യവിദ്യാഭ്യാസ സ്റ്റാൻഡിംഗ് കമ്മിറ്റി ചെയര്‍പേഴ്‌സണ്‍ പി. എം. റോസ അധ്യക്ഷത വഹിച്ചു. ഗ്രാമപഞ്ചായത്തംഗങ്ങളായ പി. ഉണ്ണികൃഷ്ണൻ, ബിജു വര്‍ക്കി, ബ്ലോക്ക് പഞ്ചായത്തംഗം ജിജി ജോണ്‍ മാത്യു, മുന്‍ പഞ്ചായത്തംഗം ഗോപിക്കുട്ടന്‍ മോളിക്കൽ, പ്രഥമാധ്യാപിക ആര്‍. ജയദേവി, ഓവര്‍സിയര്‍ സംഗീത സുനിൽ, തോമസ് ജേക്കബ്, രാജീവ് എന്നിവര്‍ പ്രസംഗിച്ചു.

പ്ലാസ്റ്റിക് വേസ്റ്റ് മാനേജ്മെന്‍റ് ഫെസിലിറ്റി ഓഡിറ്റിംഗ്: ഒന്നാം സ്ഥാനം കോന്നി എസ്എഎസ് കോളജിന്

പത്തനംതിട്ട: മാലിന്യ മുക്തം നവകേരളം ജനകീയ കാമ്പെയിന്‍റെ ഭാഗമായി മികച്ച രീതിയിൽ പ്ലാസ്റ്റിക് വേസ്റ്റ് മാനേജ്മെന്‍റ് ഫെസിലിറ്റി ഓഡിറ്റിംഗ് പ്രവർത്തനം പൂർത്തിയാക്കിയ കോന്നി സഹോദരൻ അയ്യപ്പൻ സ്മാരക എസ്എൻഡിപി യോഗം കോളജിന് സംസ്ഥാനത്ത് ഒന്നാം സ്ഥാനം. കോളജുകളിലും സ്കൂളുകളിലും സജീവമായി പ്രവർത്തിക്കുന്ന ഭൂമിത്ര സേന ക്ലബുകളിലൂടെയാണ് സംസ്ഥാന പരിസ്ഥിതി കാലാവസ്ഥാ വ്യതിയാന ഡയറക്ടറേറ്റ് ശുചിത്വ മിഷനുമായി ചേർന്ന് പ്ലാസ്റ്റിക് വേസ്റ്റ് മാനേജ്മെന്‍റ് സംവിധാനങ്ങളുടെ ഓഡിറ്റിംഗ് നടത്തിയത്. പരിസ്ഥിതി കാലാവസ്ഥ വ്യതിയാന ഡയറക്ടറേറ്റിനു കീഴിലാണ് വിദ്യാഭ്യാസ സ്ഥാപനങ്ങളിലെ ഭൂമിത്രസേന ക്ലബുകൾ പ്രവർത്തിക്കുന്നത്. കഴിഞ്ഞ ജനുവരിയിലായിരുന്നു സംസ്ഥാന വ്യാപകമായി ഓഡിറ്റിംഗ് പ്രവർത്തനം നടന്നത്. ഇതിലൂടെ വീടുകളിൽ നിന്ന് ഹരിത കർമസേന അംഗങ്ങൾ ശേഖരിക്കുന്ന പ്ലാസ്റ്റിക് മാലിന്യം തരംതിരിക്കുന്നതിനെക്കുറിച്ചും തരംതിരിച്ച പ്ലാസ്റ്റിക് ക്ലീൻ കേരള കമ്പനിക്ക് കൈമാറുന്നതിനു മുമ്പ് നടത്തുന്ന പ്രക്രിയകളെക്കുറിച്ചും വിദ്യാർഥികൾക്ക് അടുത്തറിയാൻ സാധിച്ചു. പ്രധാനമായി ജില്ലയിലെ എംസിഎഫുകളിലായിരുന്നു ഭൂമിത്രസേന അംഗങ്ങളുടെ ഓഡിറ്റിംഗ് നടന്നത്. കോന്നി മേഖലയിലെ എംസിഎഫുകൾ കേന്ദ്രീകരിച്ചായിരുന്നു പ്രധാനമായും സഹോദരൻ അയ്യപ്പൻ സ്മാരക എസ്എൻഡിപി യോഗം കോളജ് ഭൂമിത്രസേന യൂണിറ്റ് പ്രവർത്തിച്ചിരുന്നത്. എറണാകുളം സെന്‍റ് തെരേസാസ് കോളജിനെയും കൊല്ലം ടികെഎം ആർട്സ് ആൻഡ് സയൻസ് കോളജിനെയും യഥാക്രമം രണ്ടും മൂന്നും സ്ഥാനത്തേക്ക് പിന്തള്ളിയാണ് കോന്നി സഹോദരൻ അയ്യപ്പൻ സ്മാരക എസ്എൻഡിപി യോഗം കോളജ് മിന്നും ജ‍യം നേടിയത്. സംസ്ഥാനത്തെ മികച്ച ഭൂമിത്രസേന കോ ഓർഡിനേറ്റർക്കുള്ള പുരസ്കാരം കോന്നി സഹോദരൻ അയ്യപ്പൻ സ്മാരക എസ്എൻഡിപി യോഗം കോളേജിലെ ഭൂമിത്രസേന കോ ഓർഡിനേറ്റർ വി.എസ്. ജിജിത്ത് നേടി. ഫീൽഡ് മോണിറ്ററായി കോന്നി ബ്ലോക്ക് പഞ്ചായത്ത് റിസോഴ്സ് പേഴ്സൺ അശ്വതി വിജയനും പത്തനംതിട്ട ജില്ലയിലെ പ്ലാസ്റ്റിക് വേസ്റ്റ് മാനേജ്മെന്‍റ് ഫെസിലിറ്റി ഓഡിറ്റിംഗിന്‍റെ ജില്ലാ ശുചിത്വ മിഷൻ അസിസ്റ്റന്‍റ് കോഓർഡിനേറ്റർ എസ്. അനൂപും പ്രവർത്തിച്ചു.

പുഷ്പഗിരി റിസർച്ച് സെന്‍റർ ദ്വിദിന ശാസ്ത്രസമ്മേളനം

തിരുവല്ല: ബയോറേഡിയൻസ് പുഷ്പഗിരി റിസർച്ച് സെന്‍റർ (പിആർസി) നടത്തിവരുന്ന വാർഷിക ശാസ്ത്ര കോൺഫറൻസ് ഇന്നും നാളെയും നടത്തും. 2010ൽ നിലവിൽ വന്ന പിആർസിയുടെ 13 ാമത് കോൺഫറൻസാണിത്. പിആർസിയും കേരള അക്കാഡമി ഓഫ് സയൻസും ചേർന്നാണ് കോൺഫറൻസ് നടത്തുന്നത്. ശാസ്ത്രജ്ഞർ, ഡോക്ടർമാർ, ഗവേഷണവിദ്യാർഥികൾ തുടങ്ങിയവർ പങ്കെടുക്കും. നൂറോളം ഗവേഷണ പ്രബന്ധങ്ങൾ ഇതിൽ അവതരിപ്പിക്കപ്പെടും. കോൺഫറൻസിന്‍റെ ഉദ്ഘാടനം ഇന്നു രാവിലെ 9.15 ന് ശ്രീചിത്ര ഇൻസ്റ്റിറ്റ്യൂട്ട് ഡയറക്ടർ ഡോ. സഞ്ജയ് ബിഹാരി നിർവഹിക്കും. തുടർന്ന് രണ്ടുദിവസമായി വിവിധവിഷയങ്ങളിൽ ഇന്ത്യയിലെയും വിദേശത്തെയും പ്രമുഖ ശാസ്ത്രജ്ഞരും മെഡിക്കൽ ഡോക്ടർമാരും പ്രഭാഷണങ്ങൾ നടത്തും. ഡ്രഗ് ഡിസ്കവറി, കാൻസർ തെറാപ്യൂട്ടിക്സ്, ടിഷ്യു എൻജിനിയറിംഗ്, ഫൈറ്റോകെമിസ്ട്രി, ഡെന്‍റിസ്ട്രി, മെഡിസിൻ, സാംക്രമിക രോഗങ്ങൾ, ഫാമിലി റെസിലിയൻസ് എന്നിവയിലും പ്രഭാഷണങ്ങൾ ഉണ്ടാകും. നാളെ 3.30ന് നടക്കുന്ന സമാപന സമ്മേളനത്തോടെ അവസാനിക്കും. സമാപനസമ്മേളനം കെഎസ് സിഎസ്ടിഇ മെംബർ സെക്രട്ടറി ഡോ. എ. സാബു ഉദഘാടനം ചെയ്യും. ഡോ.ആർ.എസ്. സൗമ്യ, ഡോ. ശ്രീജിത്ത് പണിക്കർ എന്നിവർ ഓർഗനൈസിംഗ് സെക്രട്ടറിമാരാണ്. തിരുവല്ല ആർച്ച് ബിഷപ് ഡോ. തോമസ് മാർ കൂറിലോസ് മുഖ്യരക്ഷാധികാരിയും പുഷ്പഗിരി സിഇഒ ഫാ. ഡോ. ബിജു വർഗീസ്, ഡോ. ജി. എം. നായർ, പിആർസി ഡയറക്ടർ ഫാ. ഡോ. മാത്യു മഴുവഞ്ചേരിൽ എന്നിവർ ഭാരവാഹികളുമായ സംഘാടക സമിതി പ്രവർത്തിക്കുന്നു.

സംസ്കാര സാഹിതി 5000 കത്തുകൾ അയയ്ക്കും

തിരുവല്ല: നിലമ്പൂര്‍ ഉപതെരഞ്ഞെടുപ്പില്‍ മല്‍സരിക്കുന്ന യുഡിഎഫ് സ്ഥാനാര്‍ഥി ആര്യാടന്‍ഷൗക്കത്തിന്‍റെ വിജയത്തിനായി 5000 കത്തുകള്‍ നിലമ്പൂരിലെ വീടുകളിലേക്ക് അയച്ച് സംസ്‌കാര സാഹിതി തിരുവല്ല നിയോജകമണ്ഡലം കമ്മിറ്റി. തിരുവല്ലയില്‍ ചേര്‍ന്ന സമ്മേളനം ബ്ലോക്ക് കോണ്‍ഗ്രസ് കമ്മിറ്റി പ്രസിഡന്‍റ് ഈപ്പന്‍ കുര്യന്‍ ഉദ്ഘാടനം ചെയ്തു. നിയോജകമണ്ഡലം ചെയര്‍മാന്‍ തോമസ് കോശിയുടെ അധ്യക്ഷതയില്‍ ചേര്‍ന്ന യോഗത്തില്‍ സംസ്ഥാന ജനറല്‍ സെക്രട്ടറിമാരായ രാജേഷ് ചാത്തങ്കേരി, ഷിജു സ്‌കറിയ, രാജേഷ് മലയിൽ, ജോണ്‍സി ചാലക്കുഴി എന്നിവര്‍ പ്രസംഗിച്ചു.

റേഷന്‍കടകളില്‍ ഇ ത്രാസ്, ഇപോസ് മെഷീന്‍ ബന്ധിപ്പിക്കാന്‍ നീക്കം

പത്തനംതിട്ട: സംസ്ഥാനത്തെ പതിനാലായിരത്തോളം റേഷന്‍ കടകളില്‍ ഇലക്ട്രോണിക് ത്രാസ് സ്ഥാപിച്ച് ഭക്ഷ്യവകുപ്പ്. നിലവിലെ ഇ പോസ് യന്ത്രങ്ങളുമായി ബന്ധിപ്പിക്കാനായാണ് ത്രാസുകള്‍ സ്ഥാപിച്ചത്. ഇതിന്‍റെ ടെന്‍ഡര്‍ നടപടികളും ആരംഭിച്ചു. ഇതിനിടെ വ്യാപാരികളുമായി ആലോചിക്കാതെയാണ് പരിഷ്‌കാരം കൊണ്ടുവന്നതെന്ന് ഓള്‍ കേരള റീട്ടെയില്‍ റേഷന്‍ ഡീലേഴ്‌സ് അസോസിയേഷന്‍ സംസ്ഥാന വൈസ് പ്രസിഡന്‍റ് ജോണ്‍സണ്‍ വിളവിനാല്‍ പറഞ്ഞു. വേണ്ടത്ര പഠനം നടത്താതെ ഇതേപോലെയുള്ള കാര്യങ്ങള്‍ നടപ്പിലാക്കാന്‍ ശ്രമിച്ചാല്‍ റേഷന്‍ വിതരണം സ്തംഭിക്കാന്‍ വരെ സാധ്യതയുണ്ടെന്ന് അദ്ദേഹം കുറ്റപ്പെടുത്തി. അഞ്ചുലക്ഷം റേഷന്‍ കടകള്‍ ഇന്ത്യയിലുള്ളിടത്ത് ഒരു സംസ്ഥാനം പോലും ഈ പദ്ധതി നടപ്പിലാക്കിയിട്ടില്ല. ഒരു മാസത്തില്‍ ഒന്നരലക്ഷം ടണ്‍ അരിയില്‍ കൂടുതല്‍ വിതരണം ചെയ്യുന്നത് പൂര്‍ണമായും മനുഷ്യ അധ്വാനത്തിലാണ്. ഭക്ഷ്യ സുരക്ഷാ നിയമം നടപ്പിലാക്കിയ അന്നു മുതല്‍ സംസ്ഥാനത്തെ വ്യാപാരികള്‍ തൂക്കം സംബന്ധിച്ച് നിരവധി തവണ ഗവണ്‍മെന്‍റിനോടു പരാതി പറഞ്ഞിട്ടും യാതൊരു നടപടിയും എടുക്കാത്ത സര്‍ക്കാര്‍ ഇ ത്രാസുകള്‍ സ്ഥാപിച്ച് ഇ പോസുമായി ബന്ധിപ്പിക്കാന്‍ ഉള്ള നീക്കവുമായി രംഗത്തുവന്നിരിക്കുന്നത്. ഭക്ഷ്യവകുപ്പിന്‍റെ ഈ നീക്കം അംഗീകരിക്കില്ലെന്നു മാത്രമല്ല വേണ്ടിവന്നാല്‍ കടകള്‍ ഉപേക്ഷിക്കാന്‍ പോലും വ്യാപാരികള്‍ തയാറാകുമെന്നും ജോണ്‍സണ്‍ വിളവിനാല്‍ പറഞ്ഞു. ത്രാസുകള്‍ ബന്ധിപ്പിക്കണമെന്ന് സര്‍ക്കാരിന് നിര്‍ബന്ധം ഉണ്ടെങ്കില്‍ ആദ്യം സപ്ലൈകോയില്‍ നിന്ന് കടകളിലേക്ക് തരുന്ന സാധനങ്ങള്‍ റേഷന്‍ കടയിലേക്കുള്ള ത്രാസുമായി ബന്ധിപ്പിക്കുന്ന നടപടിയാണ് ആദ്യം നടപ്പിലാക്കേണ്ടത്. അങ്ങനെ നടപ്പിലാക്കിയാല്‍ മാത്രമേ ഇത് സംബന്ധിച്ച് ഒരു കൂടിയാലോചനയ്ക്ക് പോലും അസോസിയേഷന്‍ തയാറാകുകയുള്ളൂവെന്നും അദ്ദേഹം പറഞ്ഞു.

ബൈക്ക് തോട്ടില്‍ വീണ് കാണാതായ ആളിന്‍റെ മൃതദേഹം കണ്ടെത്തി

കോന്നി: ബൈക്ക് തോട്ടില്‍ വീണ് കാണാതായ മെഡിക്കല്‍ സ്‌റ്റോര്‍ ഉടമയുടെ മൃതദേഹം കണ്ടെത്തി. കോന്നി പരമേശ്വര മെഡിക്കല്‍സ് എന്ന സ്ഥാപനം നടത്തി വന്നിരുന്ന അതിരുങ്കല്‍ അര്‍ച്ചനയില്‍ (മൂക്കന്നൂർ) പ്രവീണിന്‍റെ (47 ) മൃതദേഹമാണ് ഇന്നലെ രാവിലെ അരുവാപ്പുലം കൃഷിഭവനു സമീപം വലിയ തോട്ടില്‍ നിന്നു ഞായറാഴ്ച കണ്ടെടുത്തത്. 13ന് വെള്ളിയാഴ്ച രാത്രി 11 ഓടെയാണ് പ്രവീണിനെ കാണാതായത്. കോന്നിയില്‍ നിന്ന് വീട്ടിലേക്ക് മടങ്ങുന്ന വഴിയില്‍ വകയാറിനും മുറിഞ്ഞകല്ലിനും ഇടയില്‍ മുറിഞ്ഞകല്‍ പുളിഞ്ചാണി തോട്ടിലേക്ക് വീഴുകയായിരുന്നു. ഫോണില്‍ വിളിച്ചിട്ട് പ്രവീണിനെ ബന്ധപ്പെടാന്‍ കഴിഞ്ഞില്ല. തുടര്‍ന്ന് വീട്ടുകാര്‍ സമീപത്തെ വീടിന്‍റെ സിസിറ്റിവി ദൃശ്യങ്ങള്‍ പരിശോധിച്ചപ്പോള്‍ പ്രവീണ്‍ തോട്ടിലേക്ക് വീഴുന്ന ദൃശ്യങ്ങളും ലഭിച്ചു. ശനിയാഴ്ച കോന്നിയില്‍ നിന്ന് അഗ്‌നിരക്ഷാ സേനയും നാട്ടുകാരും എത്തി തോട്ടില്‍ തെരച്ചില്‍ നടത്തിയെങ്കിലും പ്രവീണിനെ കണ്ടെത്താന്‍ കഴിഞ്ഞിരുന്നില്ല. ഇന്നലെ രാവിലെ വീണ്ടും തെരച്ചില്‍ നടത്തിയപ്പോഴാണ് മൃതദേഹം കണ്ടെത്തിയത്. സംസ്‌കാരം ഇന്ന് രണ്ടിന് വീട്ടുവളപ്പിൽ. ഭാര്യ: അനു കോന്നി ബ്ലോക്ക് ഓഫീസ് ഉദ്യോഗസ്ഥയാണ്. മക്കൾ: അദ്വൈത്, ഗൗരി (ഇരുവരും കുമ്പഴ മൗണ്ട് ബഥനി ഇംഗ്ലീഷ് സ്‌കൂള്‍ വിദ്യാര്‍ഥികള്‍)

വൃക്ഷ മുത്തശിയെ ആദരിച്ചു

റാന്നി: റാന്നി എംഎസ് ഹയര്‍സെക്കന്‍ഡറി സ്‌കൂളിന്‍റെ നേതൃത്വത്തില്‍ പരിസ്ഥിതി സംരക്ഷണ സന്ദേശത്തിന്‍റെ ഭാഗമായി റാന്നി പെരുമ്പുഴ സ്റ്റാന്‍ഡിനടുത്തുള്ള വൃക്ഷമുത്തശിയായ ആല്‍മരത്തെ ആദരിച്ചു. വൃക്ഷമുത്തശിത്തണലില്‍ നടന്ന ചടങ്ങ് റാന്നി ഗ്രാമപഞ്ചായത്ത് പ്രസിഡന്‍റ് കെ. ആര്‍. പ്രകാശ് ഉദ്ഘാടനം ചെയ്തു. സ്‌കൂള്‍ പ്രിന്‍സിപ്പല്‍ സ്മിജു ജേക്കബ് അധ്യക്ഷത വഹിച്ചു.സ്‌കൂള്‍ ഹെഡ്മാസ്റ്റര്‍ ബിനോയി കെ. ഏബ്രഹാം പരിസ്ഥിതി സംരക്ഷണ പ്രതിജ്ഞക്ക് നേതൃത്വം നല്‍കി. ഗ്രാമപഞ്ചായത്ത് അംഗം സന്ധ്യാദേവി, സ്‌കൂള്‍ പിടിഎ പ്രസിഡന്‍റ് രജനി പ്രദീപ്, സ‌കൂള്‍ പ്രൊട്ടക്ഷന്‍ ഗ്രൂപ്പ് അംഗം രവി കുന്നക്കാട്ട്, ജിനു സി. ഏബ്രഹാം, സൂസന്‍ തോമസ്, വോളണ്ടിയര്‍മാരായ എച്ച്. പാര്‍വൺ, വി. പൂര്‍ണിമ എന്നിവര്‍ പ്രസംഗിച്ചു. പരിപാടിയോടനുബന്ധിച്ച് റാന്നി ഗ്രാമപഞ്ചായത്തുമായി ചേര്‍ന്ന് 1001 ഫലവൃക്ഷത്തൈകള്‍ വിതരണം ചെയ്തു.

ശ്രേഷ്ഠ കാതോലിക്കാ ബാവയ്ക്ക് സ്വീകരണം നല്‍കി

പത്തനംതിട്ട: യാക്കോബായ സുറിയാനി സഭയുടെ ശ്രേഷ്ഠ കാതോലിക്കാ ജോസഫ് ബാവയ്ക്ക് തുമ്പമണ്‍ ഭദ്രാസനത്തിന്‍റെ ആഭിമുഖ്യത്തില്‍ വള്ളിക്കോട് കോട്ടയം സെന്‍റ് മേരീസ് കത്തീഡ്രലില്‍ സ്വീകരണം നല്‍കി. മഞ്ഞനിക്കരയില്‍ പരിശുദ്ധ ഏലിയാസ് തൃതിയന്‍ പാത്രിയര്‍ക്കീസ് ബാവായുടെ കബറിങ്കലെ ധൂപ പ്രാര്‍ഥനയ്ക്കു ശേഷം ശ്രേഷ്ഠ കാതോലിക്കാ ബാവയെ സ്വീകരിച്ച് ആനയിച്ചു. അനുമോദന യോഗത്തില്‍ ഭദ്രാസനാധിപന്‍ യൂഹാനോന്‍ മാര്‍ മിലിത്തിയോസ അധ്യക്ഷത വഹിച്ചു. സമ്മേളനം ആന്‍റോ ആന്‍റണി എംപി ഉദ്ഘാടനം ചെയ്തു. ഡോ. ജോസഫ് മാര്‍ ബര്‍ണബാസ് സഫ്രഗന്‍ മെത്രാപ്പോലീത്ത, ബിഷപ് യൂഹാനോന്‍ മാര്‍ ക്രിസോസ്റ്റം, മാത്യൂസ് മാര്‍ തേവോദോസിയോസ്, ഡോ. ഗീവര്‍ഗീസ് മാര്‍ കൂറിലോസ്, കെ.യു. ജനീഷ് കുമാര്‍ എംഎല്‍എ, ജില്ലാ പഞ്ചായത്തംഗം റോബിന്‍ പീറ്റർ, ഫാ. റോയ് ജോര്‍ജ് കട്ടച്ചിറ, ഫാ. സാംസണ്‍ വര്‍ഗീസ്, ജനറല്‍ കണ്‍വീനര്‍ ഫാ. ഗീവര്‍ഗീസ് സഖറിയ തുടങ്ങിയവര്‍ പ്രസംഗിച്ചു.

ബിലീവേഴ്‌സ് ആശുപത്രിയില്‍ രക്തദാന ക്യാമ്പും ബോധവത്കരണ പരിപാടികളും നടന്നു

തിരുവല്ല: ബിലീവേഴ്‌സ് ചര്‍ച്ച് മെഡിക്കല്‍ കോളജ് ട്രാന്‍സ്ഫ്യൂഷന്‍ മെഡിസിന്‍ ആന്‍ഡ് ഇമ്യൂണോ ഹെമറ്റോളജി വിഭാഗത്തിന്റെ ആഭിമുഖ്യത്തില്‍ ലോക രക്തദാതാക്കളുടെ ദിനം ആചരിച്ചു. രക്തദാന ക്യാമ്പിന്‍റെയും ബോധവത്കരണ പരിപാടികളുടെയും ഉദ്ഘാടനം ബിലീവേഴ്‌സ് ആശുപത്രി മെഡിക്കല്‍ സൂപ്രണ്ട് ഡോ ജോംസി ജോര്‍ജ് നിര്‍വഹിച്ചു. കോളജ് വൈസ് പ്രിന്‍സിപ്പല്‍ ഡോ. ഏബല്‍ കെ. സാമുവൽ, ബ്ലഡ് സെന്‍റര്‍ മെഡിക്കല്‍ ഓഫീസര്‍ ഡോ. അനുപാ ജേക്കബ്, അസിസ്റ്റന്‍റ് ഡയറക്ടര്‍ ഡോ. റിജു മാത്യു, കമ്യൂണിറ്റി മെഡിസിന്‍ വിഭാഗം ഫാക്കല‍റ്റി ഡോ. പ്രമോദ് തോമസ്, ഫാ. തോമസ് വര്‍ഗീസ് എന്നിവര്‍ പ്രസംഗിച്ചു.

പഞ്ചായത്ത് പ്രവര്‍ത്തനങ്ങള്‍ പഠിക്കാന്‍ എംഎസ് എച്ച്എസ്എസ് സ്‌കൗട്ട് ആന്‍ഡ് ഗൈഡ്‌സ് കുട്ടികള്‍

റാന്നി: ഗ്രാമപഞ്ചായത്തിന്‍റെ പ്രവര്‍ത്തനങ്ങളേയും സേവനങ്ങളെയും മനസിലാക്കി പൊതുജന സേവനമേഖലകളെ തിരിച്ചറിയുവാനും ജനാധിപത്യത്തിന്‍റെയും സാമൂഹ്യബോധത്തിന്‍റെയും പ്രാധാന്യം മനസിലാക്കുവാനും റാന്നി എംഎസ് ഹയര്‍സെക്കന്‍ഡറി സ്‌കൂള്‍ സ്‌കൗട്ട് ആന്‍ഡ് ഗൈഡ്‌സ് യൂണിറ്റിന്‍റെ നേതൃത്വത്തില്‍ വിദ്യാര്‍ഥികള്‍ റാന്നി ഗ്രാമപഞ്ചായത്ത് സന്ദര്‍ശനം നടത്തി. ഗ്രാമപഞ്ചായത്ത് പ്രസിഡന്‍റ് കെ. ആര്‍. പ്രകാശുമായി കുട്ടികള്‍ സംവദിച്ചു. പഞ്ചായത്ത് രാജ് സംവിധാനത്തിന്‍റെ പ്രാധാന്യമാണ് കുട്ടികള്‍ പ്രധാനമായും ആരാഞ്ഞത്. സെക്രട്ടറി അടക്കമുള്ള ജീവനക്കാരില്‍ നിന്നും പഞ്ചായത്ത് നല്‍കുന്ന സേവനങ്ങളെ കുറിച്ചും പ്രവര്‍ത്തനങ്ങളെക്കുറിച്ചും മനസിലാക്കി. സ്‌കൂള്‍ പ്രിന്‍സിപ്പല്‍ സ്മിജു ജേക്കബ്, ഗ്രാമപഞ്ചായത്ത് അംഗം സന്ധ്യാദേവി, സ്‌കൗട്ട് ആന്‍ഡ് ഗൈഡ്‌സ് അധ്യാപകരായ ടോണി ജേക്കബ്, ആർ. ശ്രീകല, ജെബു ജോസഫ്, പ്രീത എസ്. ജോസ് എന്നിവര്‍ നേതൃത്വം നല്‍കി. യൂണിറ്റ് നേതൃത്വത്തില്‍ പ്ലാസ്റ്റിക് വിമുക്ത കാമ്പസ് എന്ന ലക്ഷ്യത്തോടുകൂടി ഉപയോഗ രഹിതമായ പേനകള്‍ വലിച്ചെറിയുന്ന സംസ്‌കാരം ഉപേക്ഷിക്കുവാന്‍ പെന്‍ ബോക്‌സുകള്‍ ക്ലാസുകളില്‍ സ്ഥാപിച്ചു. പെന്‍ കളക്ഷന്‍ ബോക്‌സുകളുടെ വിതരണോദ്ഘാടനം സ്‌കൂള്‍ പ്രിന്‍സിപ്പല്‍ സ്മിജു ജേക്കബ് നിര്‍വഹിച്ചു.

പുതുതലമുറയെ ശാക്തീകരിക്കേണ്ടത് സഭയുടെ ദൗത്യം: തിരുവല്ല അതിരൂപത പാസ്റ്ററല്‍ കൗണ്‍സില്‍

തിരുവല്ല: പുതുതലമുറയെ ശാക്തീകരിക്കേണ്ടത് സഭയുടെ ദൗത്യമെന്ന് മലങ്കര കത്തോലിക്കാ സഭ തിരുവല്ല അതിരൂപത പാസ്റ്ററല്‍ കൗണ്‍സിൽ. ആധുനിക ലോകത്തെ വെല്ലുവിളികളെ നേരിടാനും ശാക്തീകരിക്കാനും സഭാ സംവിധാനങ്ങള്‍ സജ്ജമാകേണ്ടതുണ്ടെന്ന് പാസ്റ്ററല്‍ കൗണ്‍സില്‍ യോഗം ഉദ്ഘാടനം ചെയ്ത് അതിരൂപതാധ്യക്ഷന്‍ ആര്‍ച്ച് ബിഷപ് ഡോ.തോമസ് മാര്‍ കൂറിലോസ് പറഞ്ഞു. പുതുതലമുറയെ ഏതൊക്കെ മാര്‍ഗങ്ങളില്‍ ശാക്തീകരിക്കാം എന്ന വിഷയത്തെ അധികരിച്ച് ഡോ. സാം സ്‌കറിയ ക്ലാസ് നയിച്ചു. അതിരൂപതയുടെ അജപാലന സംവിധാനങ്ങള്‍ ഈ പ്രക്രിയയില്‍ എങ്ങനെ പങ്കാളികളാകണം എന്ന വിഷയം നാല് ഗ്രൂപ്പുകളില്‍ ചര്‍ച്ച ചെയ്തു. ചര്‍ച്ചകള്‍ക്ക് മുഖ്യ വികാരി ജനറാള്‍ റവ.ഡോ. ഐസക് പറപ്പള്ളില്‍ മോഡറേറ്ററായിരുന്നു. കാലം ചെയ്ത ഫ്രാന്‍സിസ് മാര്‍പാപ്പയെ അനുസ്മരിച്ച് പ്രത്യേകം പ്രാര്‍ഥന നടത്തി. വികാരി ജനറാള്‍ ഫാ. വര്‍ഗീസ് മരുതൂർ, സെക്രട്ടറി ഡോ. വര്‍ഗീസ് കെ. ചെറിയാൻ, ചാന്‍സിലര്‍ ഫാ. ജോസ് മണ്ണൂര്‍ കിഴക്കെതില്‍ എന്നിവര്‍ പ്രസംഗിച്ചു.അതിരൂപതയിലെ ഒമ്പത് വൈദിക മേഖലയിലെ മേഖല വികാരിമാരും സന്യസ്തരും വിവിധ ഭക്ത സംഘടനകളുടെ ഡയറക്ടേഴ്‌സും പ്രതിനിധികളും പാസ്റ്ററല്‍ കൗണ്‍സില്‍ അംഗങ്ങളും ശാന്തിനിലയത്തില്‍ നടന്ന സമ്മേളനത്തില്‍ പങ്കെടുത്തു. തിരുവല്ല അതിരൂപത 18-ാമത് പാസ്റ്ററല്‍ കൗണ്‍സിലിന്‍റെ അഞ്ചാമത് സമ്മേളനമാണ് നടന്നത്.

കൊക്കാത്തോട് കാട്ടാത്തിപ്പാറ: പ്രകൃതിയുടെ ത്രിവേണി സംഗമം

‌കോന്നി: വനമേഖലയുടെ ഹൃദയഭാഗത്ത്, മനുഷ്യന്‍റെ കാല്‍പ്പാടുകള്‍ അധികം പതിയാത്ത കൊക്കാത്തോട് ഗ്രാമത്തില്‍, പ്രകൃതിയുടെ വിസ്മയ കാഴ്ചകളുമായി കാട്ടാത്തിപ്പാറ. കാനന ഭംഗിയുടെ സൗന്ദര്യം ഇരട്ടിപ്പിക്കുന്ന കാട്ടിത്താപ്പാറ സഞ്ചാരികളുടെ മനംകവരും. ട്രിപ്പിള്‍ എക്കോ ശബ്ദം. കേള്‍ക്കുന്ന മലമുകളിലെ കാഴ്ചകള്‍ വേറിട്ടതാണ്. പ്രകൃതിയുടെ സമ്പത്തും ആദിവാസി സമൂഹത്തിന്‍റെ ജീവിതവും ജൈവവൈവിധ്യവും സംഗമിക്കുന്ന ഇടമാണ് കാട്ടാത്തിപ്പാറ.പച്ചപുതച്ച കുന്നുകളും തെളിഞ്ഞൊഴുകുന്ന അരുവികളും കിളികളുടെ കളകളാരവവും ചേരുമ്പോള്‍ ഒരു മാന്ത്രിക ലോകം തന്നെ കാട്ടാത്തിപ്പാറയില്‍ സൃഷ്ടിക്കപ്പെടുന്നു. പാറയുടെ മുകള്‍ത്തട്ടില്‍ നിന്ന് താഴേക്ക് കൂടുവച്ച് താമസിക്കുന്ന കാട്ടുതേനീച്ചകള്‍ മറ്റൊരു ആകര്‍ഷണമാണ്. താഴേക്ക് നോക്കുമ്പോള്‍ കറുത്ത പുള്ളികള്‍ പോലെ കാണുന്ന തേനീച്ചക്കൂടുകൾ, പ്രകൃതിയുടെ സ്വാഭാവികമായ വാസ്തുവിദ്യയുടെ ഉത്തമ ഉദാഹരണമാണ്. കൊക്കാത്തോട് മേഖലയിലെ കാടിന്‍റെ മക്കളായ ആദിവാസികളുടെ ജീവിതം കാട്ടാത്തിപ്പാറയുമായി അഭേദ്യമായി ബന്ധപ്പെട്ടിരിക്കുകയാണ്. തലമുറകളായി കാടിനെ ആശ്രയിച്ചു ജീവിക്കുന്ന ഇവർ, പ്രകൃതിയെ ആരാധിക്കുകയും സംരക്ഷിക്കുകയും ചെയ്യുന്നവരാണ്. തേന്‍ ശേഖരണവും വനവിഭവങ്ങള്‍ സംഭരിക്കലും ഇവരുടെ ജീവിതത്തിന്‍റെ ഭാഗമാണ്. ആദിവാസി സമൂഹത്തിന്‍റെ തനതായ ജീവിതരീതികളും സംസ്‌കാരവും പരമ്പരാഗത അറിവുകളും ഈ പ്രദേശത്തിന്‍റെ പ്രത്യേകതയാണ്. ഇവര്‍ കാടിന്‍റെ കാവല്‍ക്കാരാണ്, അവരുടെ അറിവ് പ്രദേശത്തിന്‍റെ സംരക്ഷണത്തിന് അത്യന്താപേക്ഷിതമാണ്. ടൂറിസം പദ്ധതികളോടു വനംവകുപ്പ് പുറംതിരിഞ്ഞു കാട്ടാത്തിപ്പാറ കേന്ദ്രീകരിച്ചുള്ള ടൂറിസം പദ്ധതികളോടു വനംവകുപ്പ് പുറംതിരിഞ്ഞു. പാറയുടെ സംരക്ഷണം ഉറപ്പാക്കിയുള്ള പദ്ധതികള്‍ തയാറാക്കാമെങ്കിലും വനത്തിനുള്ളിലെ പ്രദേശമെന്ന നിലയില്‍ നിര്‍മാണ പ്രവര്‍ത്തനങ്ങളോടു വകുപ്പിനു താത്പര്യമില്ല. കൊക്കാത്തോട് കാട്ടാത്തിപ്പാറയുടെ ജൈവവൈവിധ്യം സംരക്ഷിക്കാനും ആദിവാസി സമൂഹത്തിന്‍റെ ജീവിതനിലവാരം ഉയര്‍ത്താനും, വിനോദസഞ്ചാര സാധ്യതകള്‍ പ്രോത്സാഹിപ്പിക്കാനും വേണ്ട നടപടികള്‍ അധികൃതരുടെ ഭാഗത്തുനിന്നുണ്ടാകണമെന്ന് വര്‍ഷങ്ങളായി ഉള്ള ആവശ്യമാണ്.മുകള്‍ തട്ട് ഏക്കറുകണക്കിനു വിസ്തൃതിയിലുള്ള കാട്ടാത്തിപാറയ്ക്കു പറയാനും കഥകള്‍ ഏറെയാണ്. പ്രണയത്തിന്‍റെയും ചതിയുടെയും കഥകള്‍ ഈ മല നമുക്കു പറഞ്ഞുതരും. പ്രദേശത്തിന്‍റെ അടിസ്ഥാന സൗകയവികസനം അടക്കമുള്ള പദ്ധതികളാണ് ഉണ്ടാകേണ്ടത്. എന്നാല്‍ വന്യമൃഗങ്ങളുടേതടക്കമുള്ള സഞ്ചാരപഥം കൂടിയായതിനാല്‍ വികസന പദ്ധതികളെ വനംവകുപ്പ് പ്രോത്സാഹിപ്പിക്കുന്നില്ല.

പതിനാലുകാരിയുടെ നഗ്നചിത്രങ്ങള്‍ കൈക്കലാക്കിയ യുവാവ് പിടിയിൽ

പത്തനംതിട്ട: സമൂഹമാധ്യമങ്ങളിലൂടെ പരിചയപ്പെട്ടശേഷം നഗ്നചിത്രങ്ങള്‍ കൈക്കലാക്കിയ യുവാവിനെ പോലീസ് അറസ്റ്റ് ചെയ്തു. ഓമല്ലൂര്‍ പുത്തന്‍പീടിക പനച്ചിക്കുഴിയില്‍ വീട്ടില്‍ വിനീഷ് രവീന്ദ്രനാണ് (23) അറസ്റ്റിലായത്. കഴിഞ്ഞ ഫെബ്രുവരി 27 നും മാര്‍ച്ച് 25 നുമിടയിലുള്ള കാലയളവിലാണ് കുട്ടിയുടെ അമ്മയും സഹോദരിയും ഉപയോഗിക്കുന്ന മൊബൈല്‍ നമ്പറുകളില്‍ നിന്നും ഇയാളുടെ ഫോണിലേക്ക് നഗ്നചിത്രങ്ങള്‍ അയച്ചുവാങ്ങിയത്. വാട്സ്ആപ്പ് ഇന്‍സ്റ്റഗ്രാം ട്രൂകോളര്‍ എന്നിവയിലൂടെ പരിചയപ്പെട്ട ശേഷം നിരന്തരം സന്ദേശങ്ങള്‍ അയക്കുകയായിരുന്നു യുവാവ്. ചിത്രങ്ങള്‍ വാങ്ങിയശേഷം കുട്ടിയെ ഭീഷണിപ്പെടുത്തിവന്നു. കഴിഞ്ഞ 11ന് സ്‌കൂള്‍ കൗണ്‍സിലറുടെ റിപ്പോര്‍ട്ടിന്‍റെ അടിസ്ഥാനത്തിലായിരുന്നു പോലീസ് നടപടി. വിനീഷിന്‍റെ മൊബൈല്‍ ഫോണ്‍ കസ്റ്റഡിയിലെടുത്തു. തുടര്‍ന്ന് കോടതിയില്‍ ഹാജരാക്കി റിമാന്‍ഡ് ചെയ്തു. ചിറ്റാര്‍ പോലീസ് ഇന്‍സ്പെക്ടര്‍ ബി. രാജഗോപാല്‍, എഎസ്ഐ സുഷമ കൊച്ചുമ്മ അന്വേഷണ സംഘത്തിലുണ്ട്.

അറസ്റ്റു ചെയ്തു

റാന്നി: പിഞ്ചുബാലികയ്ക്കു നേരെ അതിക്രമം കാട്ടിയ ഓട്ടോറിക്ഷ ഡ്രൈവര്‍ അറസ്റ്റിൽ. അത്തിക്കയം കണ്ണമ്പള്ളി ചോവൂര്‍ പുത്തന്‍പുരയ്ക്കല്‍ വീട്ടില്‍ ലിബിന്‍ സി ജോണ്‍സണാണ് (23) പോലീസ് പിടിയിലായത്. 12ന് വൈകുന്നേരം ഓട്ടോ ഓടിക്കുന്നതിനിടെ മടിയിലിരുത്തി ദേഹത്തു കടന്നുപിടിച്ച് അതിക്രമത്തിന് ഇരയാക്കുകയായിരുന്നു. വീട്ടിലെത്തിയ കുട്ടി ശാരീരിക ബുദ്ധിമുട്ടുകള്‍ കാട്ടിയത് ശ്രദ്ധയില്‍ പെട്ടതിന്‍റെ അടിസ്ഥാനത്തില്‍ രക്ഷിതാക്കള്‍ ആശുപത്രിയില്‍ എത്തിച്ചു. കുട്ടിയെ പത്തനംതിട്ട ജനറല്‍ ആശുപത്രിയില്‍ ചികിത്സക്കെത്തിച്ച വിവരമറിഞ്ഞ പെരുനാട് പോലീസ്, അവിടെയെത്തി അമ്മയുടെ മൊഴി രേഖപ്പെടുത്തി കേസെടുത്തു. ഓട്ടോറിക്ഷയും ശാസ്ത്രീയ പരിശോധനയ്ക്കു വിധേയമാക്കി.

അസംപ്ഷന്‍ കോളജില്‍ ബിരുദദാന ചടങ്ങ് ഇന്ന്

ചങ്ങനാശേരി: അസംപ്ഷന്‍ ഓട്ടോണമസ് കോളജില്‍ വിവിധ യുജി, പിജി കോഴ്‌സുകള്‍ പാസായ വിദ്യാര്‍ഥിനികള്‍ക്ക് ബിരുദദാന ചടങ്ങ് ഇന്നു രാവിലെ പത്തിനു നടക്കും. കോളജ് ഇന്‍ഡോര്‍ സ്റ്റേഡിയത്തില്‍ നടക്കുന്ന സമ്മേളനത്തില്‍ കോളജ് മാനേജര്‍ മോണ്‍. ആന്‍റണി എത്തയ്ക്കാട്ട് അധ്യക്ഷത വഹിക്കും. ഹയര്‍ എഡ്യൂക്കേഷന്‍ പ്രിന്‍സിപ്പല്‍ സെക്രട്ടറി ഡോ. ശര്‍മിള മേരി ജോസഫ് ഉദ്ഘാടനം ചെയ്യും. കോളജിലെ പൂര്‍വ വിദ്യാര്‍ഥിനിയും 2024ലെ സിവില്‍ സര്‍വീസ് 569-ാം റാങ്ക് ജേതാവുമായ വി. ഹേമയെ സമ്മേളനത്തില്‍ ആദരിക്കും. ജോബ് മൈക്കിള്‍ എംഎല്‍എ മുഖ്യാതിഥി ആയിരിക്കും. പ്രിന്‍സിപ്പല്‍ ഡോ. റാണി മരിയ തോമസ്, വൈസ് പ്രിന്‍സിപ്പല്‍ ഡോ. ജിസി മാത്യു, വിദ്യാര്‍ഥി പ്രതിനിധി ഷൈന്‍ മരിയ ഷാജി എന്നിവര്‍ പ്രസംഗിക്കും.

കഞ്ചാവുമായി അറസ്റ്റില്‍

മല്ലപ്പള്ളി: കഞ്ചാവ് സൂക്ഷിച്ചതിന് രണ്ട് ഇതരസംസ്ഥാന തൊഴിലാളികളെ എക്‌സൈസ് സംഘം അറസ്റ്റ് ചെയ്തു. ബീഹാര്‍ സ്വദേശി താജാവുല്‍ മിയ (32), ബംഗാള്‍ സ്വദേശി ഹാജിദുല്‍ ഷേക്ക് (28) എന്നിവരാണ് അറസ്റ്റിലായത്. ഇവരില്‍ നിന്നു യഥാക്രമം 20, 16 ഗ്രാം കഞ്ചാവ് കണ്ടെടുത്തു. എക്‌സൈസ് സര്‍ക്കിള്‍ സ്‌ക്വാഡ് ഇന്‍സ്‌പെക്ടര്‍ അജികുമാര്‍, ഇന്‍സ്‌പെക്ടർ ലീനാ ലാല്‍ എന്നിവരുടെ നേതൃത്വത്തിലാണ് പരിശോധന നടത്തിയത്.

ചാരായവും കോടയും പിടിച്ചെടുത്തു

അടൂർ: എക്‌സൈസ് റേഞ്ചില്‍ ഏനാദിമംഗലം ഇളമണ്ണൂരില്‍ നടത്തിയ പരിശോധനയില്‍ ചാരായവും കോടയും കണ്ടെടുത്തു. ഒരാള്‍ അറസ്റ്റിൽ. ഇളമണ്ണൂര്‍ സഹദേവാലയത്തില്‍ താമരാക്ഷനെ (അജു)യാണ് ചാരായവും കോടയും സൂക്ഷിച്ചതിന് അറസ്റ്റ് ചെയ്തത്. പരിശോധനയില്‍ 12 ലിറ്റര്‍ ചാരായവും 225 ലിറ്റര്‍ കോടയും വാറ്റുപകരണങ്ങളും താമരാക്ഷന്‍റെ പക്കല്‍ നിന്നു കണ്ടെടുത്തു. അസിസ്റ്റന്‍റ് എക്‌സൈസ് ഇന്‍സ്‌പെക്ടര്‍ ഹുസൈന്‍ അഹമ്മദും സംഘവുമാണ് പരിശോധന നടത്തിയത്.

കെ. നാരായണക്കുറുപ്പ് ലളിതജീവിതത്താൽ മഹത്തായ സന്ദേശം പകർന്ന വ്യക്തി: മന്ത്രി റോഷി അഗസ്റ്റിൻ

കാഞ്ഞിരപ്പള്ളി: ലളിത ജീവിതംകൊണ്ടു മഹത്തായ സന്ദേശം പകർന്ന വ്യക്തിയായിരുന്നു മന്ത്രിയും ഡെപ്യൂട്ടി സ്പീക്കറുമായിരുന്ന പ്രഫ. കെ. നാരായണക്കുറുപ്പെന്ന് ജലവിഭവമന്ത്രി റോഷി അഗസ്റ്റിൻ. കുന്നുംഭാഗം സെന്‍റ് ജോസഫ്സ് പബ്ലിക് സ്കൂളിൽ നടത്തിയ പ്രഫ. കെ. നാരായണക്കുറുപ്പ് അനുസ്മരണവും എംഎൽഎ എക്സലൻസ് അവാർഡ് ദാനവും ഉദ്ഘാടനം ചെയ്ത് പ്രസംഗിക്കുകയായിരുന്നു മന്ത്രി. നിയോജകമണ്ഡലത്തിലെ സാമൂഹിക, സാംസ്കാരിക മേഖലകളിൽ മികച്ച സേവനങ്ങൾ ചെയ്യുന്നവരെ മന്ത്രി ആദരിച്ചു. എസ്എസ്എൽസി, പ്ലസ് ടു പരീക്ഷകളിൽ ഉന്നത വിജയം നേടിയ വിദ്യാർഥികൾക്ക് അവാർഡ് സമർപ്പിച്ചു. ലഹരിക്ക് ഒരു ചെക്ക് എന്ന പേരിൽ എല്ലാ സ്കൂളുകളിലും ചെസ് പരിശീലന പരിപാടികൾ ആരംഭിക്കുമെന്ന് ചടങ്ങിൽ അധ്യക്ഷത വഹിച്ച ചീഫ് വിപ്പ് ഡോ. എൻ. ജയരാജ് പറഞ്ഞു. വിവിധ മേഖലകളിൽ മികവു തെളിയിച്ച മേരിക്വീൻസ് ആശുപത്രി അഡ്മിനിസ്ട്രേറ്റർ ഫാ. മാർട്ടിൻ മണ്ണനാൽ സിഎംഐ, മെന്‍റലിസ്റ്റ് ഡോ. സജീവ് പള്ളത്ത്, സ്വരുമ ചാരിറ്റബിൾ സൊസൈറ്റി ഭാരവാഹികൾ, ഈരാറ്റുപേട്ട നന്മക്കൂട്ടം ടീം, അധ്യാപിക ജെ. ഷേർലി, ക്രൈംബ്രാഞ്ച് ഉദ്യോഗസ്ഥൻ എം. പ്രദീപ്, കാർ വെള്ളത്തിൽ വീണുണ്ടായ അപകടത്തിൽ രക്ഷാപ്രവർത്തനം നടത്തിയ ആസം സ്വദേശി ദീപക്, സിബിഎസ്ഇ പ്ലസ് ടു പരീക്ഷയിൽ 500ൽ 499 മാർക്ക് നേടിയ ട്രീസ ആന്‍റണി എന്നിവരെ അനുമോദിച്ചു. ജില്ലാ പഞ്ചായത്ത് പ്രസിഡന്‍റ് ഹേമലത പ്രേംസാഗർ, ജില്ലാ പഞ്ചായത്തംഗം ടി.എൻ. ഗിരീഷ് കുമാർ, ബ്ലോക്ക് പഞ്ചായത്ത് പ്രസിഡന്‍റ് മുകേഷ് കെ. മണി, ചിറക്കടവ് പഞ്ചായത്ത് പ്രസിഡന്‍റ് സി.ആർ. ശ്രീകുമാർ, സെന്‍റ് ജോസഫ് പബ്ലിക് സ്കൂൾ പ്രിൻസിപ്പൽ സിസ്റ്റർ ലിറ്റിൽ റോസ് എസ്എബിഎസ്, പഞ്ചായത്ത് വൈസ് പ്രസിഡന്‍റ് സതി സുരേന്ദ്രൻ, ഷാജി പാമ്പൂരി, ആന്‍റണി മാർട്ടിൻ, സുമേഷ് ആൻഡ്രൂസ്, ജോളി മടുക്കക്കുഴി, മുണ്ടക്കയം സോമൻ, ഷാജി നല്ലേപറമ്പിൽ, കെ.എ. ഏബ്രഹാം, സതി സുരേന്ദ്രൻ, അമ്പിളി ശിവദാസ്, ഷാക്കി സജീവ് എന്നിവർ പ്രസംഗിച്ചു.

ലഹരിക്കെതിരേ കേരള യാത്രയുമായി ഓര്‍ത്തഡോക്സ് യുവജനപ്രസ്ഥാനം

കോട്ടയം: സമൂഹത്തിലും യുവാക്കളിലും വര്‍ധിച്ചു വരുന്ന ലഹരി ഉപയോഗത്തിനെതിരേ ബോധവത്കരണ യാത്രയുമായി ഓര്‍ത്തഡോക്‌സ് ക്രൈസ്തവ യുവജനപ്രസ്ഥാനം. ജൂലൈ നാലിന് കാസര്‍ഗോഡ് നിന്നാരംഭിക്കുന്ന സന്ദേശയാത്ര 12ന് തിരുവനന്തപുരത്ത് സമാപിക്കും. ലഹരി വിരുദ്ധ പ്രചാരണ പ്രവര്‍ത്തനങ്ങളുടെ കേന്ദ്രതല ഉദ്ഘാടനം സഭാധ്യക്ഷന്‍ ബസേലിയോസ് മാര്‍ത്തോമ്മ മാത്യൂസ് തൃതീയന്‍ കാതോലിക്കാ ബാവ കോട്ടയം ദേവലോകത്ത് നിര്‍വഹിച്ചു. ദേവലോകം കാതോലിക്കേറ്റ് അരമനയില്‍ സംഘടിപ്പിച്ച ഡ്രക്‌സിറ്റ് ഉച്ചകോടിയിലാണ് യുവജനപ്രസ്ഥാനം ലഹരിവിരുദ്ധ സന്ദേശയാത്ര പ്രഖ്യാപിച്ചത്. വിവിധ ഭദ്രാസനങ്ങളുടെയും യൂണിറ്റുകളുടെയും നേതൃത്വത്തില്‍ ഇടവക തലത്തിലും പൊതുസമൂഹത്തിന് വേണ്ടിയും വ്യാപക ലഹരി വിരുദ്ധ കാമ്പെയിന്‍ സംഘടിപ്പിക്കുമെന്ന് യുവജനപ്രസ്ഥാനം പ്രസിഡന്‍റ് ഡോ. ഗീവര്‍ഗീസ് മാര്‍ യൂലിയോസ് മെത്രാപ്പോലീത്ത പറഞ്ഞു. സംവിധായകന്‍ ബ്ലെസി, വിഴിഞ്ഞം പോര്‍ട്ട് എംഡി ഡോ. ദിവ്യ എസ് അയ്യർ, എപ്പിസ്‌ക്കോപ്പല്‍ സുന്നഹദോസ് സെക്രട്ടറി ഡോ. യൂഹാനോന്‍ മാര്‍ ക്രിസോസ്റ്റമോസ്, ഗീവര്‍ഗീസ് മാര്‍ കൂറിലോസ് മെത്രാപ്പോലീത്ത,വൈദിക ട്രസ്റ്റി ഫാ.ഡോ. തോമസ് വര്‍ഗീസ് അമയിൽ, അല്‍മായ ട്രസ്റ്റി റോണി വര്‍ഗീസ് ഏബ്രഹാം, മലങ്കര അസോസിയേഷന്‍ സെക്രട്ടറി ബിജു ഉമ്മൻ, യുവജനപ്രസ്ഥാനം കേന്ദ്ര വൈസ് പ്രസിഡന്‍റ് ഫാ. ജെയിന്‍ സി. മാത്യു, ജനറല്‍ സെക്രട്ടറി ഫാ. വിജു ഏലിയാസ്, ട്രഷറര്‍ രെഞ്ചു എം. ജോയ്, പോള്‍ കണ്ണേത്ത്, അബു വീരപ്പള്ളി, എല്‍ദോസ് പ്രിന്‍സ്,ഡാനി രാജു, ജിജോ ജോര്‍ജ്, നിഖില്‍ കെ. ജോയ്, എല്‍ദോസ് ജോര്‍ജ്, നിബിന്‍ നല്ല വീട്ടിൽ, രോഹിത് ജോണ്‍,അനീഷ് ജേക്കബ്, അബി ബ്രഹാം കോശി, ഗീവിസ് മാര്‍ക്കോസ്, അശ്വിന്‍ വടക്കേടത്ത്, റോബിന്‍ ജോ വര്‍ഗീസ്, ജോസ്ലി മറിയം, ബിബിന്‍ കരുവാറ്റ എന്നിവര്‍ പ്രസംഗിച്ചു.

കോഴഞ്ചേരിയിലെ ഗ്രാമീണ റോഡുകളില്‍ വെള്ളം തെറ്റുപാറയിലെ വീടുകള്‍ക്ക് പ്രളയഭീഷണി

കോഴഞ്ചേരി: മഴ വീണ്ടും ശക്തമായതോടെ പമ്പാനദിയിലെ ജലനിരപ്പ് ഉയര്‍ന്നു. നദിയുടെ സമീപത്തുള്ള താഴ്ന്ന പ്രദേശങ്ങളിലെ ഗ്രാമീണ റോഡുകളില്‍ വെള്ളക്കെട്ട് രൂപപ്പെട്ടിരിക്കുകയാണ്. തിരുവല്ല - കുമ്പഴ സംസ്ഥാന പാതയിലും മാവേലിക്കര - കോഴഞ്ചേരി റോഡിലും വിവിധ ഭാഗങ്ങളിലും റോഡില്‍ വെള്ളക്കെട്ടുകളുണ്ട്. റോഡിനു സമീപത്തു തോടുകള്‍ ഇല്ലാത്തതും ഉള്ളവ ജലനിര്‍ഗമനത്തിനായി നവീകരിക്കാത്തതുമാണ് റോഡില്‍ വെള്ളം കയറാന്‍ കാരണമാകുന്നത്. കോയിപ്രം ഗ്രാമപഞ്ചായത്തിലെ ഏഴാം വാര്‍ഡിലെ തെറ്റുപാറ നഗറിനു സമീപമുള്ള പ്രദേശങ്ങളിലെ ഇരുപത്തഞ്ചോളം വീടുകളിലും കൃഷി സ്ഥലങ്ങളിലും ഞായറാഴ്ച പുലര്‍ച്ചെ വെള്ളം കയറി. കുറച്ചു ദിവസങ്ങള്‍ക്കുമുമ്പ് ഈ പ്രദേശത്ത് വെള്ളം കയറുകയും കൃഷി പൂര്‍ണമായി നശിക്കുകയും ചെയ്തിരുന്നു. ആളുകളെ ക്യാമ്പുകളിലേക്കു മാറ്റിയിരുന്നു. പ്രദേശവാസികളുടെ ദുരവസ്ഥ നേരില്‍ കാണാന്‍ കളക്ടര്‍ എത്തുകയും ചെയ്തിരുന്നു. യുദ്ധകാലാടിസ്ഥാനത്തില്‍ വെള്ളക്കെട്ടുകള്‍ ഒഴിവാക്കാനുള്ള നടപടികള്‍ സ്വീകരിക്കുമെന്ന് ഉറപ്പ് നല്‍കുകയും ചെയ്തിരുന്നതാണ്. ഇന്നലെ വീടുകളില്‍ വെള്ളം കയറിത്തുടങ്ങിയതോടെ പ്രദേശവാസികള്‍ ക്യാമ്പുകളിലേക്കും മറ്റുമായി മാറുകയാണ്. സമീപ സ്ഥലത്തെ തോടുകളിലെ വെള്ളവും പിഐപി കനാലില്‍ കൂടി ഒഴുകുന്നതിനാല്‍ നിറഞ്ഞു കവിഞ്ഞിരിക്കുകയാണ്. ജെസിബിയും മറ്റും ഉപയോഗിച്ചാണ് വെള്ളക്കെട്ടും മാലിന്യങ്ങളും പ്രദേശവാസികള്‍ മാറ്റുന്നത്. അമൃതധാര ഗോശാല ചെയര്‍മാന്‍ അജയകുമാര്‍ വല്ലൂഴത്തിലാണ് ജെസിബി സൗജന്യമായി നല്‍കിയത്.

പ്രീമിയം തുക വര്‍ധിപ്പിക്കും

മല്ലപ്പള്ളി: കേരള സഹകരണ വികസന ക്ഷേമനിധി ബോര്‍ഡിന്‍റെ പുതുക്കിയ നിയമാവലി പ്രകാരം സഹകരണ ബാങ്കില്‍ നിന്നുള്ള വായ്പകള്‍ക്ക് മൂന്നു ലക്ഷംരൂപ വരെ പരമാവധി ധനസഹായം അനുവദിക്കുന്നതിന് തീരുമാനമുള്ളതിനാല്‍ മല്ലപ്പള്ളി പ്രാഥമിക സഹകരണ കാര്‍ഷിക ഗ്രാമവികസന ബാങ്കില്‍ നിന്നും വായ്പയെടുത്ത മെംബര്‍മാര്‍ക്ക് നേരത്തെ അടച്ച പ്രീമിയം തുകയില്‍ നിന്നും വര്‍ധിപ്പിച്ച നിരക്കിലുള്ള വിഹിതം അടയ്ക്കാനാകുമെന്ന് സെക്രട്ടറി അറിയിച്ചു. നേരത്തെ രണ്ടു ലക്ഷം രൂപ മരണാനന്തര ആനുകൂല്യത്തിന് പ്രീമിയം അടച്ചവര്‍ക്ക് വര്‍ധിപ്പിച്ച മൂന്നു ലക്ഷത്തിന്‍റെ ആനുകൂല്യം ലഭിക്കണമെങ്കില്‍ പുതിയ നിരക്കിലുള്ള പ്രീമിയം അടവാക്കേണ്ടതുണ്ട്. അതുപോലെ ഇതുവരെ റിസ്‌ക് ഫണ്ട് പദ്ധതിയില്‍ ചേരാത്തവര്‍ക്കും പ്രീമിയം അടച്ച് പദ്ധതിയില്‍ ചേരാനാകുമെന്നും പദ്ധതി കാലാവധി 19നു പൂര്‍ത്തിയാകുമെന്നും സെക്രട്ടറി അറിയിച്ചു. കൂടുതല്‍ വിവരങ്ങള്‍ക്ക് ഫോണ്‍ 0469 2680604, 8078814125

കാണാതായ പെണ്‍കുട്ടിയെ കണ്ടെത്തി

പന്തളം: കാണാതായ പെണ്‍കുട്ടിയെ ആണ്‍സുഹൃത്തിനൊപ്പം പോലീസ് കണ്ടെത്തി. വെള്ളിയാഴ്ച ഉച്ചയ്ക്ക് ഒന്നരയോടെയാണ് പെണ്‍കുട്ടിയെ വീട്ടില്‍ നിന്നും കാണാതായത്. പ്ലസ്ടുവിന് പഠിക്കുന്ന കുട്ടിയെ കാണാതായെന്ന പരാതിയുമായി ബന്ധുക്കള്‍ പന്തളം പോലീസ് സ്റ്റേഷനെ സമീപിച്ചിരുന്നു. ആണ്‍കുട്ടിയെ കാണാനില്ലെന്ന പരാതിയില്‍ അടൂര്‍ പോലീസും കേസെടുത്തിരുന്നു. പന്തളം എസ്‌ഐ അനീഷ് ഏബ്രഹാം കേസ് രജിസ്റ്റര്‍ ചെയ്ത് നടത്തിയ തെരച്ചിലില്‍ ഇരുവരെയും ഞായറാഴ്ച ഉച്ചയോടെ കണ്ടെത്തുകയായിരുന്നു. ഇന്‍സ്റ്റാഗ്രാമിലൂടെയാണ് പരിചയത്തിലായ സൗഹൃദം സ്ഥാപിച്ച ഇരുവരും നാടുവിടുകയായിരുന്നു. കുട്ടികള്‍ ട്രെയിന്‍ യാത്ര നടത്തുന്നുണ്ടെന്നു മനസിലാക്കിയ പോലീസ് സംഘം പരശുറാം എക്‌സ്പ്രസില്‍ ഇരുവരെയും കണ്ടെത്തുകയും ചെങ്ങന്നൂരില്‍ നിന്ന് കൂട്ടിക്കൊണ്ടുവരികയുമായിരുന്നു.

ഓടിക്കൊണ്ടിരിക്കുന്ന ബൈക്കിനു മുകളിലേക്ക് മരം കടപുഴകി വീണു

അടൂർ: പഴകുളം കനാല്‍ റോഡില്‍ മരം ബൈക്കിന് മുകളിലേക്ക് കടപുഴകി വീണു. ബൈക്ക് യാത്രികന്‍ നിസാര പരിക്കുകളോടെ രക്ഷപ്പെട്ടു. പഴകുളം പൂവണ്ണാന്‍ തടത്തില്‍ അന്‍സാരിയാണ് പരിക്കുകളോടെ രക്ഷപെട്ടത്. ഇദ്ദേഹത്തിന്‍റെ കൈയ്ക്കാണ് പരിക്ക്. ഇന്നലെ വൈകുന്നേരം 5.15ന് പഴകുളം പൗദാസന്‍മുക്കിന് സമീപം ആദിക്കാട്ടുകുളങ്ങയ്ക്ക് പോകുന്ന കനാല്‍ റോഡിലാണ് മരം കടപുഴകി വീണത്. പരിക്കേറ്റ അന്‍സാരിയെ ഉടന്‍ തന്നെ അടൂര്‍ ജനറല്‍ ആശുപത്രിയില്‍ പ്രവേശിപ്പിച്ചു.

രഞ്ജിതയുടെ വീട്ടില്‍ ആശ്വാസവാക്കുകളുമായി നേതാക്കള്‍

കോഴഞ്ചേരി: അഹമ്മദാബാദ് വിമാനാപകടത്തില്‍ മരിച്ച പുല്ലാട് സ്വദേശിനി രഞ്ജിത ജി. നായരുടെ വീട്ടില്‍ മതമേലധ്യക്ഷന്‍മാരും സമുദായിക രാഷ്ട്രീയ സംഘടന നേതാക്കളും ആശ്വാസവാക്കുകളുമായി എത്തി. തിരുവല്ല അതിരൂപതാധ്യക്ഷന്‍ ഡോ. തോമസ് മാര്‍ കൂറിലോസ് മെത്രാപ്പോലീത്ത രഞ്ജിതയുടെ വീട്ടിലെത്തി അമ്മ തുളസിയെയും രഞ്ജിതയുടെ മക്കളെയും ആശ്വസിപ്പിച്ചു. കേരള കോണ്‍ഗ്രസ് ചെയര്‍മാന്‍ ജോസ് കെ. മാണി എംപി, പ്രമോദ് നാരായണ്‍ എംഎല്‍എ, വനിത കമ്മീഷന്‍ അംഗം എലിസബത്ത് മാമ്മന്‍ മത്തായി, ജില്ലാ പഞ്ചായത്ത് പ്രസിഡന്‍റ് ജോര്‍ജ് ഏബ്രഹാം, ജില്ലാ പ്രസിഡന്‍റ് സജി അലക്‌സ് തുടങ്ങിയവര്‍ ഇന്നലെ രഞ്ജിതയുടെ വീട്ടിലെത്തി. കുടുംബത്തിനുവേണ്ട എല്ലാ സഹായങ്ങളും സംസ്ഥാന സര്‍ക്കാരിന്‍റെ ഭാഗത്തുനിന്നും ഉണ്ടാവുമെന്നും കേന്ദ്ര വ്യോമയാന മന്ത്രാലയവുമായി ബന്ധപ്പെട്ട് തുടര്‍ നടപടികള്‍ സ്വീകരിക്കുമെന്നും ജോസ് കെ. മാണി കുടുംബത്തിന് ഉറപ്പു നല്‍കി. കേരള കോണ്‍ഗ്രസ് -എം ആറന്മുള നിയോജക മണ്ഡലം പ്രസിഡന്‍റ് കുര്യന്‍ മടയ്ക്കല്‍, ഷിബു കുന്നപ്പുഴ എന്നിവരും സന്നിഹിതരായിരുന്നു. സിപിഎം ജില്ലാ സെക്രട്ടറി രാജു ഏബ്രഹാം, ജില്ലാ സെക്രട്ടേറിയറ്റംഗം ആർ. സനല്‍കുമാര്‍ എന്നിവരും കുടുംബത്തെ ആശ്വസിപ്പിക്കാന്‍ എത്തിയിരുന്നു. മല്ലപ്പള്ളി കോപ്പറേറ്റീവ് എംപ്ലോയീസ് യൂണിന്‍ പ്രസിഡന്‍റ് കെ. ജി. രാജേന്ദ്രന്‍ നായരും ഒപ്പമുണ്ടായിരുന്നു. എന്‍എസ്എസ് സെക്രട്ടറി ഹരികുമാര്‍ കോയിക്കലും പുല്ലാട്ട് രഞ്ജിതയും വീട്ടിലെത്തി. കുടുംബത്തെ ചേര്‍ത്തു നിര്‍ത്തുമെന്നും എന്‍എസ്എസിന്‍റെ എല്ലാ സഹായവും ഉണ്ടാകുമെന്നും ഹരികുമാര്‍ പറഞ്ഞു. തിരുവല്ല താലൂക്ക് യൂണിയന്‍ പ്രസിഡന്‍റ് ആര്‍. മോഹന്‍കുമാര്‍, വൈസ് പ്രസിഡന്‍റ് ഡോ. സുരേഷ് , കരയോഗം പ്രസിഡന്‍റ് എം. പി. പ്രതാപന്‍ എന്നിവരും ഒപ്പമുണ്ടായിരുന്നു. പ്രതികൂല കാലാവസ്ഥയിലും സമൂഹത്തിന്‍റെ വിവിധ മേഖലയില്‍ നിന്നുമുള്ള നിരവധി ആളുകളാണ് ആശ്വാസവാക്കുകളുമായി എത്തിക്കൊണ്ടിരിക്കുന്നത്

വിദ്യാഭ്യാസ സ്ഥാപനങ്ങള്‍ക്ക് അവധി

പത്തനംതിട്ട: കനത്ത മഴ തുടരുന്ന സാഹചര്യത്തില്‍ ജില്ലയിലെ അങ്കണവാടികള്‍ മുതല്‍ പ്രഫഷണല്‍കോളജുകള്‍വരെ മുഴുവന്‍ വിദ്യാഭ്യാസ സ്ഥാപനങ്ങള്‍ക്ക് ഇന്ന് അവധിയായിരിക്കുമെന്ന് ജില്ലാ കളക്ടര്‍ അറിയിച്ചു. ട്യൂഷന്‍ സെന്‍ററുകളും പ്രവര്‍ത്തിപ്പിക്കരുതെന്ന് കളക്ടറുടെ അറിയിപ്പില്‍ പറയുന്നു.

മഴ കനത്തു ; താഴ്ന്ന പ്രദേശങ്ങളില്‍ വെള്ളം കയറി

പത്തനംതിട്ട: മഴ കനത്തതോടെ താഴ്ന്ന പ്രദേശങ്ങളില്‍ വീണ്ടും വെള്ളം കയറി. ശനിയാഴ്ച രാത്രിയും ഇന്നലെ പകലുമായി പെയ്ത കനത്ത മഴയില്‍ നദികളിലും ജലനിരപ്പുയര്‍ന്നു. മൂഴിയാര്‍ സംഭരണിയില്‍ ജലനിരപ്പുയര്‍ന്നതിനേ തുടര്‍ന്ന് ഷട്ടറുകളും തുറന്നു. അച്ചന്‍കോവിലാറ്റില്‍ ജലനിരപ്പുയരുന്ന സാഹചര്യത്തില്‍ പ്രളയമുന്നറിയിപ്പും നല്‍കി. മണിമലയാറ്റിലും വെള്ളം ഉയര്‍ന്നു കൊണ്ടേയിരിക്കുകയാണ്. കിഴക്കന്‍ മേഖലയിലെ കോസ് വേ കളില്‍ വീണ്ടും വെള്ളം കയറി. പമ്പാനദിയില്‍ അയിരൂരില്‍ ഇന്നലെ രാവിലെ 7.4 മീറ്ററും മാരാമണ്ണില്‍ 6.15 മീറ്ററും ആറന്മുളയില്‍ 5.5 മീറ്ററുമാണ് ജലനിരപ്പ്. അച്ചന്‍കോവിലാറ്റിലെ തുമ്പമണ്‍ ഭാഗത്ത് 8.28 മീറ്ററില്‍ ജലനിരപ്പെത്തി. മണിമലയാറ്റില്‍ വള്ളംകുളത്ത് 4.1 മീറ്ററും കല്ലൂപ്പാറയില്‍ 4.61 മീറ്ററും ജലനിരപ്പുണ്ട്. പത്തനംതിട്ടയില്‍ 37.4, കോന്നി എസ്‌റ്റേറ്റില്‍ 44.7, തുമ്പമണ്‍ 50.2 പമ്പ 84, കക്കി 83, മൂഴിയാര്‍ 38.4 മില്ലിമീറ്റര്‍ എന്നിങ്ങനെയാണ് ഇന്നലെ രാവിലെ വരെ മഴ ലഭിച്ചത്. വടശേരിക്കര 53, പെരുന്തേനരുവി 58.4 അയിരൂര്‍ 52.8 കല്ലൂപ്പാറ 58.4 തിരുവല്ല 65.6 മില്ലിമീറ്റര്‍ എന്നിങ്ങനെയാണ് ഇന്നലെ രാവിലെ രേഖപ്പെടുത്തിയ 24 മണിക്കൂറിലെ മഴയുടെ അളവ്. എന്നാല്‍ ഇന്നലെ പകല്‍ മഴ പലയിടത്തും അതിശക്തമായിരുന്നു. കുറഞ്ഞ സമയത്തിനുള്ള അധിക മഴ ലഭിച്ച സാഹചര്യമാണ് നിലവിലുള്ളത്. പമ്പാ സ്‌നാനത്തിന് നിയന്ത്രണം ശബരിമല: മഴ ശക്തമാകുകയും പമ്പാനദിയില്‍ ഒഴുക്ക് വര്‍ധിക്കുകയും ചെയ്തതോടെ ശബരിമല തീര്‍ഥാടകരുടെ പമ്പാ സ്‌നാനത്തിന് ഇന്നലെ രാവിലെ മുതല്‍ താത്കാലിക നിയന്ത്രണം ഏര്‍പ്പെടുത്തി. മിഥുനമാസ പൂജയ്ക്കായി നട തുറന്നിരിക്കുന്നതില്‍ അയ്യപ്പഭക്തരുടെ തിരക്ക് പമ്പയിലുണ്ട്. ഇന്നലെ പുലര്‍ച്ചെ മുതല്‍ സന്നിധാനത്തും പമ്പയിലും അതിശക്തമായ മഴയാണ് ലഭിക്കുന്നത്. പമ്പാനദിയിലെ ജലനിരപ്പ് ഉയര്‍ന്നതിനേ തുടര്‍ന്ന് ഭക്തര്‍ പമ്പാ ത്രിവേണിയില്‍ കുളിക്കുന്നതിനും നദിയില്‍ ഇറങ്ങുന്നതിനും ജില്ലാ കളക്ടര്‍ താത്കാലിക നിരോധനം ഏര്‍പ്പെടുത്തി. പമ്പ ത്രിവേണിയിലെ വാഹന പാര്‍ക്കിംഗിനും താത്കാലിക നിയന്ത്രണമുണ്ട്. പമ്പാ - സന്നിധാനം പാതയില്‍ ശക്തമായ മഴ പെയ്യുന്നതിനാല്‍ മലകയറുമ്പോള്‍ ഭക്തര്‍ ജാഗ്രത പുലര്‍ത്തണമെന്ന് തിരുവിതാംകൂര്‍ ദേവസ്വം ബോര്‍ഡ് അറിയിച്ചു.

വൈഎംസിഎ - ബി പോസിറ്റീവ് വിദ്യാഭ്യാസ ശക്തീകരണ പരിശീലനം

തിരുവല്ല: വൈഎംസിഎ സബ് - റീജന്‍റെ നേതൃത്വത്തിൽ വിദ്യാഭ്യാസ ശക്തീകരണ പരിശീലന പദ്ധതിയായ ബി പോസിറ്റീവ് തുകലശേരി യോഗക്ഷേമം സ്കൂളിൽ തുടക്കമായി. നഗരസഭാ വൈസ് ചെയർമാൻ ജിജി വട്ടശേരി പദ്ധതി ഉദ്ഘാടനം ചെയ്തു. ചെയർമാൻ ജോജി പി. തോമസ് അധ്യക്ഷത വഹിച്ചു. ജോസഫ് നെല്ലാനിക്കൽ ക്ലാസ് നയിച്ചു. കൗൺസിലർ റീനാ വിശാൽ, സബ് - റീജൺ ജനറൽ കൺവീനർ സുനിൽ മറ്റത്ത്, ഹെഡ്മിസ്ട്രസ് ഇ.എൻ. ചന്ദ്രലേഖ , വൈഎംസിഎ മുൻ സബ് - റീജൺ ചെയർമാന്മാരായ വർഗീസ് ടി. മങ്ങാട്, ജൂബിൻ ജോൺ, ജോ ഇലഞ്ഞിമൂട്ടിൽ, കെ.സി. മാത്യു, അരുൺ വി. നായർ, എസ്. ഷീബ എന്നിവർ പ്രസംഗിച്ചു.

ബാലസുരക്ഷിത കേരളം കര്‍മപദ്ധതി ഉദ്ഘാടനം

പത്തനംതിട്ട: ജില്ലാ ചൈല്‍ഡ് പ്രൊട്ടക്ഷന്‍ യൂണിറ്റിന്‍റെ ആഭിമുഖ്യത്തില്‍ ബാലസുരക്ഷിതകേരളം ഉദ്ഘാടനം പത്തനംതിട്ട മാര്‍ യൗസേബിയോസ് ട്രെയിനിംഗ് സെന്‍ററില്‍ ജില്ലാ കളക്ടര്‍ എസ്. പ്രേംകൃഷ്ണന്‍ നിര്‍വഹിച്ചു. ജില്ലാ ചൈല്‍ഡ് പ്രൊട്ടക്ഷന്‍ ഓഫീസര്‍ ടി.ആർ. ലതാകുമാരി അധ്യക്ഷത വഹിച്ചു. സ്‌കൂള്‍ കൗണ്‍സിലര്‍മാര്‍ക്ക് ബോധവത്കരണ ക്ലാസ് സംഘടിപ്പിച്ചു. ജില്ലാ വിമുക്തി കോ-ഓര്‍ഡിനേറ്റര്‍ ജോസ് കളീക്കൽ, പന്തളം ഐസിഡിഎസ് സൂപ്പര്‍വൈസര്‍ നിഷ, മാനസികാരോഗ്യ പദ്ധതി നോഡല്‍ ഓഫീസര്‍ ടി. സാഗർ, സൈക്യാട്രിക് സോഷ്യല്‍ വര്‍ക്കര്‍ അനീഷ് എന്നിവര്‍ പ്രസംഗിച്ചു.

വനം വകുപ്പ് പ്രായോഗിക സമീപനം സ്വീകരിക്കണം: ഏബ്രഹാം വാഴയിൽ

കോന്നി: വന്യമൃഗ ഉപദ്രവത്തിൽ നിന്ന് മനുഷ്യരെ സംരക്ഷിക്കാൻ വനം വകുപ്പ് പ്രായോഗിക സമീപനം സ്വീകരിക്കണമെന്ന് കേരള കോൺഗ്രസ് -എം ജില്ലാ സംഘടനാകാര്യ ജനറൽ സെക്രട്ടറി ഏബ്രഹാം വാഴയിൽ. തെരഞ്ഞെടുപ്പ് ഒരുക്കത്തിന്‍റെ ഭാഗമായുള്ള നിയോജകമണ്ഡലം നേതൃത്വ ക്യാമ്പ് കോന്നിയിൽ ഉദ്ഘാടനം ചെയ്തു പ്രസംഗിക്കുകയായിരുന്നു അദ്ദേഹം. ചട്ടങ്ങളും വകുപ്പുകളും തലനാരിഴ കീറി എങ്ങനെ മനുഷ്യരെ രക്ഷിക്കാൻ കഴിയും എന്നാണ് വനം വകുപ്പ് നോക്കേണ്ടത്.അല്ലാതെ ജനത്തെ ഉപദ്രവിക്കുവാൻ വനം വകുപ്പ് ശ്രമിക്കരുത്. പഞ്ചായത്ത് തെരഞ്ഞെടുപ്പിൽ കഴിഞ്ഞ തവണത്തെക്കാൾ കൂടുതൽ സ്ഥാനാർഥികളെ മത്സരിപ്പിക്കുവാൻ തീരുമാനിച്ചു. ജൂലൈയിൽ വാർഡ് മണ്ഡലം കൺവൻഷനുകൾ നടത്തും. പി. സി.ജോസ് അധ്യക്ഷത വഹിച്ചു. റഷീദ് മുളന്തറ, വി. കെ.സന്തോഷ് കുമാർ, രാജീസ് കൊട്ടാരം,ജെയിംസ് തോമസ്, പി. എസ്. സാം കുട്ടി, ഇ. എം. ജോൺ, യൂസഫ്, രാജൻ ഉതുപ്പാൻ,റെജി തോമസ്, ജോൺസൺ മൈലപ്ര, വർഗീസ് എം എസ്, ലിനു കുളങ്ങര,ബാബു കാവടശ്ശേരിൽ,സണ്ണി ജോർജ്, അനിയൻ പത്തിയത്ത്, പി. സി.രാജു, കെ. ജെ. ബിജുമോൻ, ഷിബു കോയിക്കലേത്ത്എന്നിവർ പ്രസംഗിച്ചു.

ആര്യ ഭാരതി സ്കൂളിൽ അനുമോദന സമ്മേളനം നടത്തി

ഓമല്ലൂർ: ആര്യഭാരതി ഹൈസ്കൂളിൽ എസ്എസ്എൽസി പരീക്ഷയിൽ എല്ലാ വിഷയത്തിലും എ പ്ലസ് നേടിയവരേയും, യുഎസ്എസ് സ്കോളർഷിപ്പ് കിട്ടിയവരേയും അനുമോദിച്ചു. അനുമോദന സമ്മേളനം പത്തനംതിട്ട രൂപതാധ്യക്ഷൻ ഡോ. സാമുവേൽ മാർ ഐറേനിയോസ് ഉദ്ഘാടനം ചെയ്തു. പിറ്റിഎ പ്രസിഡന്‍റ് കെ. ജി. അനിതയുടെ അധ്യക്ഷതയിൽ പ്രധാനാധ്യാപകൻ ലിജു ജോർജ്, ജില്ലാ പഞ്ചായത്ത്‌ മെംബർ റോബിൻ പീറ്റർ, ലോക്കൽ മാനേജർ റവ. ഡോ. ആന്‍റോ കണ്ണംകുളം, ഗ്രാമ പഞ്ചായത്ത്‌ മെംബർ അമ്പിളി കെ, സ്റ്റാഫ്‌ സെക്രട്ടറി ഫിബി അഗസ്റ്റസ് മാത്യു എന്നിവർ പ്രസംഗിച്ചു.

തിരുവനന്തപുരം ഫാസ്റ്റ് ഉൾപ്പെടെ ഏഴു ബസുകൾ ഓടിയില്ല

പൊൻകുന്നം: പൊൻകുന്നം കെഎസ്ആർടിസി ഡിപ്പോയിൽനിന്ന് തിരുവനന്തപുരം ഫാസ്റ്റ് ഉൾപ്പെടെ ഏഴു സർവീസുകൾ ഇന്നലെ മുടങ്ങി. രണ്ട് ബസ് ശബരിമല സ്‌പെഷൽ സർവീസിനായി കൊണ്ടുപോകുകയും ചെയ്തു. മഴയും രണ്ടാംശനിയും മൂലം യാത്രക്കാർ കുറവാകുമെന്ന കാരണത്താലാണ് ഏതാനും സർവീസുകൾ കുറച്ചതെന്നാണ് സൂചന. തിരുവനന്തപുരം ഫാസ്റ്റ് പാസഞ്ചർ, അഴങ്ങാട്, പാലപ്ര, പാലാ-മുണ്ടക്കയം ചെയിൻ സർവീസുകൾ എന്നിവയാണ് ഓടാതിരുന്നത്.

പ്രേഷിതപ്രവര്‍ത്തനത്തിന് ഊര്‍ജം തീക്ഷ്ണമായ പ്രാര്‍ഥന: മാര്‍ പെരുന്തോട്ടം

ചങ്ങനാശേരി: തീക്ഷ്ണമായ പ്രാര്‍ഥനയിലൂടെയാണ് പ്രേഷിതപ്രവര്‍ത്തനത്തിനുള്ള ഊര്‍ജം ആര്‍ജിക്കുന്നതെന്ന് ആര്‍ച്ച്ബിഷപ് മാര്‍ ജോസഫ് പെരുന്തോട്ടം. അതിരൂപത ചെറുപുഷ്പ മിഷന്‍ലീഗ് 2025-26 പ്രവര്‍ത്തനവര്‍ഷം എസ്ബി കോളജ് കാവുകാട്ട് ഹാളില്‍ ഉദ്ഘാടനം ചെയ്തു പ്രസംഗിക്കുകയായിരുന്നു ആര്‍ച്ച്ബിഷപ്. അതിരൂപത പ്രസിഡന്‍റ് ഫെബിന്‍ അഗസ്റ്റിന്‍ മാത്യു അധ്യക്ഷത വഹിച്ചു. അതിരൂപതാ വികാരി ജനറാള്‍ മോണ്‍. സ്‌കറിയ കന്യാകോണില്‍ മാര്‍ഗരേഖയും പഠനഗ്രന്ഥ പ്രകാശനവും നടത്തി. ചെറുപുഷ്പ മിഷന്‍ ലീഗ് അതിരൂപത ഡയറക്ടര്‍ റവ.ഡോ. വര്‍ഗീസ് പുത്തന്‍പുരയ്ക്കല്‍, അസിസ്റ്റന്‍റ് ഡയറക്ടര്‍ ഫാ. സെബാസ്റ്റ്യന്‍ മാമ്പ്ര, ഓര്‍ഗനൈസിംഗ് പ്രസിഡന്‍റ് ടിന്‍റോ സെബാസ്റ്റ്യന്‍, ജോയിന്‍റ് ഡയറക്ടര്‍ സിസ്റ്റര്‍ ജെസ്‌ലിന്‍ ജെഎസ്, ജനറല്‍ സെക്രട്ടറി എബിന്‍ ജോസഫ്, ഓഫീസ് സെക്രട്ടറി സിസ്റ്റര്‍ മേരി റോസ്, ജോണ്‍സണ്‍ കാഞ്ഞിരക്കാട്, ലൂക്ക് അലക്‌സ്, ആനിമേറ്റര്‍ ബോബി തോമസ്, റോഹന്‍ ബെന്നി, ജോയല്‍ ജോണ്‍, സാലിച്ചന്‍ തുമ്പേക്കളം എന്നിവര്‍ പ്രസംഗിച്ചു. കഴിഞ്ഞ പ്രവര്‍ത്തനവര്‍ഷ കാലയളവില്‍ നടത്തപ്പെട്ട വിവിധ മത്സരങ്ങളില്‍ മികച്ച പ്രകടനം കാഴ്ചവച്ച കുഞ്ഞുമിഷനറിമാരെ സമ്മാനങ്ങള്‍ നല്കി ആദരിച്ചു. കുഞ്ഞേട്ടന്‍ പുരസ്‌കാര ജേതാവ് ജോണ്‍സണ്‍ കാഞ്ഞിരങ്ങാട്ടിനെ ആദരിച്ചു. തുടര്‍ന്ന് നടന്ന സെമിനാർ‍ റവ.ഡോ. മാണി പുതിയിടം നയിച്ചു.‌

ഭീതി പരത്തി തെരുവുനായ്ക്കൾ, എബിസിയും നിലച്ചു

പത്തനംതിട്ട: ജില്ലയില്‍ തെരുവുനായ ശല്യം രൂക്ഷമാകുന്നു. കഴിഞ്ഞ ആഴ്ചയില്‍ തിരുവല്ല, ഇരവിപേരൂര്‍, മൈലപ്ര, മല്ലപ്പള്ളി എന്നിവിടങ്ങളില്‍ നായ ഭീതി പടര്‍ത്തി. നിരവധിയാളുകള്‍ക്കും വളര്‍ത്തു മൃഗങ്ങള്‍ക്കും കടിയേറ്റു. തിരുവല്ലയില്‍ ഭരണസിരാകേന്ദ്രമായ റവന്യുടവര്‍ പരിസരത്താണ് നായ ആളുകളെ കടിച്ചത്. ഇരവിപേരൂരില്‍ ആളുകളെ ഉള്‍്‌പ്പെടെ ആക്രമിച്ച നായയ്ക്ക് പേ വിഷബാധ സ്ഥിരീകരിക്കുകയും ചെയ്തു. മൈലപ്ര ടൗണില്‍ പേ വിഷബാധ സംശയിക്കുന്ന നായ നിരവധി നായ്ക്കളെ കടിച്ചതോടെ നാട്ടുകാര്‍ ഭീതിയിലാണിപ്പോൾ. കടിച്ച നായ പിന്നീട് ചാവുകയും ചെയ്തു. തെരുവുനായ ആക്രമണങ്ങളില്‍ പരിക്കേറ്റ് നിരവധി പേരാണ് ദിനംപ്രതി ആശുപത്രികളില്‍ ചികിത്സ തേടുന്നത്. സ്‌കൂള്‍ തുറന്നതോടെ തങ്ങളുടെ മക്കളെ ഒറ്റയ്ക്ക് സ്‌കൂളുകളിലേക്ക് അയയ്ക്കാന്‍ രക്ഷിതാക്കള്‍ ഭയപ്പെടുകയാണ്. പ്രഭാത സവാരിപോലും നടത്താന്‍ കഴിയാത്ത അവസ്ഥയാണ് ജില്ലയിലാകെ. ജനവാസ കേന്ദ്രങ്ങളിലും പ്രത്യേകിച്ച് സ്‌കൂള്‍ പരിസരങ്ങളിലും തെരുവുനായ്ക്കളുടെ ആക്രമണം വര്‍ധിച്ചുവരുന്ന സാഹചര്യത്തില്‍ പൊതുജനങ്ങള്‍ക്ക് വലിയ ആശങ്കയാണ്. പലയിടങ്ങളിലും കുട്ടികള്‍ക്ക് മുറ്റത്തു കളിക്കാനോ റോഡില്‍ക്കൂടി സൈക്കിള്‍ ഓടിക്കാനോ പോലും സാധിക്കാത്ത അവസ്ഥയാണുള്ളത്. കൊച്ചുകുട്ടികള്‍ മുതിര്‍ന്നവരുടെ കൂടെയാണ് പുറത്തിറങ്ങുന്നത്. തെരുവു നായ്ക്കള്‍ ഇരുചക്ര വാഹന യാത്രക്കാര്‍ക്ക് വലിയ ഭീഷണിയായി മാറിയിട്ടുണ്ട്. റോഡിനു കുറുകെ പെട്ടെന്ന് ഓടിയെത്തുന്ന നായ്ക്കളെ തട്ടി അപകടങ്ങള്‍ ഉണ്ടാകുന്നത് പതിവായിട്ടുണ്ട്. ചില പ്രദേശങ്ങളില്‍ നായ്ക്കള്‍ കൂട്ടമായി തമ്പടിച്ചിരിക്കുന്നത് ഭീതി വര്‍ധിപ്പിക്കുന്നു. ആശുപത്രികളിലും പൊതുസ്ഥലങ്ങളിലും പോലും നായ്ക്കളുടെ ശല്യം വര്‍ധിച്ചിട്ടുണ്ട്.ജില്ലാ ആസ്ഥാനത്ത് തെരുവുനായ്ക്കളുടെ വലിയ ശല്യമാണ്. പത്തനംതിട്ട നഗരസഭ ബസ് സ്റ്റാന്‍ഡ് പരിസരങ്ങള്‍ തെരുവുനായ്ക്കള്‍ കൈയടക്കിയിരിക്കുകയാണ്. നായ്ക്കളെ ഭയന്നാണ് യാത്രക്കാര്‍ സ്റ്റാന്‍ഡിലെത്തുന്നത്. മഴക്കാലമായതോടെ നായ്ക്കള്‍ സ്റ്റാന്‍ഡിനുള്ളില്‍ തന്നെയാണ് താവളമാക്കിയിരിക്കുന്നത്. സ്വകാര്യ സ്റ്റാന്‍ഡില്‍ യാത്രക്കാര്‍ക്ക് ഇരിക്കാനുള്ള ബഞ്ചുകളുടെയും പാര്‍ക്കു ചെയ്ത ബസുകളുടെയും അടിയില്‍ ഇവ കയറിക്കിടക്കും. ബസില്‍ കയറാനായി എത്തുന്ന യാത്രക്കാര്‍ക്കു നേരേയും കുരച്ചു കൊണ്ട് ചാടി വരും. പത്തനംതിട്ട മാര്‍ക്കറ്റിലും തെരുവുനായ്ക്കള്‍ തമ്പടിച്ചിട്ടുണ്ട്. ഭയത്തോടെ അല്ലാതെ നഗരത്തില്‍ കാല്‍നടയാത്ര നടത്താന്‍ കഴിയാത്ത സ്ഥിതിയാണ്. അബാന്‍ ജംഗ്ഷൻ, കെഎസ്ആര്‍ടിസി സ്റ്റാന്‍ഡ്, സെന്‍ട്രല്‍ ജംഗ്ഷന്‍ , പഴയ സ്റ്റാന്‍ഡ്, ജനറല്‍ ആശുപത്രി, സ്റ്റേഡിയം, അഴൂര്‍ റോഡ്, റിംഗ് റോഡ് തുടങ്ങി തിരക്കുള്ള എല്ലാ സ്ഥലത്തും തെരുവുനായ്ക്കളുടെ ശല്യം രൂക്ഷമാണ്. ജില്ലയില്‍ അനിമല്‍ ബര്‍ത്ത് കണ്‍ട്രോള്‍ (എബിസി) പ്രവര്‍ത്തനങ്ങള്‍ മുടങ്ങിക്കിടക്കുകയാണ്. ഇതോടെ ജില്ലയില്‍ തെരുവു നായ്ക്കളുടെ വന്ധ്യംകരണ പ്രവര്‍ത്തനങ്ങള്‍ നടക്കുന്നില്ല. പുളിക്കീഴില്‍ കാലങ്ങളായി നിര്‍മാണത്തിനുള്ള എബിസി കേന്ദ്രം തുറന്നെങ്കിലേ ഇനി എബിസി പുനരാരംഭിക്കാനാകൂ. നായ്ക്കളെ നിയന്ത്രിക്കുന്നതിനും പേവിഷബാധ തടയുന്നതിനും പഞ്ചായത്തുകളും നഗരസഭകളും അടിയന്തരമായി ഇടപെടണമെന്ന് നാട്ടുകാര്‍ ആവശ്യപ്പെട്ടു.

വേസ്റ്റ്ബിൻ കൈമാറി

കോന്നി: ലോകപരിസ്ഥിതി വരാചരണത്തിന്‍റെ ഭാഗമായികോന്നി സീനിയർ ചേംബർ പ്രസിഡന്‍റ് ജയിംസ് വർഗീസ് ആർഎംഒ ഡോ. സബീറിന് വേസ്റ്റ്ബിൻ കൈമാറി. ബ്ലോക്ക് പഞ്ചായത്ത് മെംബർ തുളസീമണിയമ്മ യോഗം ഉദ്ഘാടനം ചെയ്തു. രാജീസ് കൊട്ടാരം, ഹെൽത്ത് സൂപ്പർവൈസർ ബി. അനിൽകുമാർ ബി., ഹെൽത്ത് ഇൻസ്പെക്ടർ ബാബു എൻ., മനോഹരൻ, ജേക്കബ് തോമസ്, മാത്യു കെ. ചെറിയാൻ, ഏബ്രഹാം സാമുവൽ, വേണു ജി., രാജേഷ്കുമാർ തുടങ്ങിയവർ പ്രസംഗിച്ചു.

ADVERTISEMENT

ADVERTISEMENT

ADVERTISEMENT

ADVERTISEMENT

ADVERTISEMENT

ആമസോണ്‍ ഓഫറുകളറിയാന്‍
ലിങ്കില്‍ ക്ലിക്ക് ചെയ്യുക

ADVERTISEMENT

More from other section

ADVERTISEMENT

LATEST NEWS

ADVERTISEMENT

ADVERTISEMENT

Quick Links

About Us Deepika E-Paper E-Shopping Karshakan Rashtradeepika Movies Tech @ Deepika

Business Deepika Viral Tax Letters University News Auto Spot Cartoon Scope

Matrimonial Special News Special Feature Calendar Samskarikam Career Deepika English Edition

Deepika Charity Health Sthreedhanam Responses Daily Quiz Youth Special Court Notice

Kuttikalude Deepika Deepika News Videos Out of Range US News Gulf News Student Reporter Classifieds

Children's Digest Today's Story Religion Book Review Sunday Deepika Send your greetings Online Advertising

Rashtra Deepika LTD

Chairman - Dr. Francis Cleetus MD - Michael Vettickatt Chief Editor - George Kudilil

Tel: +91 481 2566706 ,2566707,2566708

Privacy policy Terms and conditions for online payment

Copyright © 2025 , RDL. All rights reserved To access reprinting rights, please contact [email protected]