നികേഷ് ഐസക്

മൂ​ന്നാ​ർ: കാ​ട്ടാ​ന​യു​ടെ ച​വി​ട്ടേ​റ്റ് ഓ​ട്ടോ​റി​ക്ഷാ ഡ്രൈ​വ​ർ മ​ണി എ​ന്നു വി​ളി​ക്കു​ന്ന സു​രേ​ഷ്കു​മാ​ർ മ​രി​ച്ച സം​ഭ​വം സൃ​ഷ്ടി​ച്ച സ​ങ്ക​ട-​പ്ര​തി​ഷേ​ധ തി​ര​മാ​ല​ക​ളി​ൽ മൂ​ന്നാ​ർ മു​ങ്ങി​ത്താ​ഴ്ന്നു. സം​ഭ​വ​ത്തി​ൽ പ്ര​തി​ഷേ​ധി​ച്ച് എ​ൽ​ഡി​എ​ഫ്, യു​ഡി​എ​ഫ് മു​ന്ന​ണി​ക​ൾ ആ​ഹ്വാ​നം ചെ​യ്ത ഹ​ർ​ത്താ​ലി​ൽ മൂ​ന്നാ​ർ നി​ശ്ച​ല​മാ​യി.

രാ​വി​ലെ മു​ത​ൽ റോ​ഡി​ൽ നി​ല​യു​റ​പ്പി​ച്ച ഹ​ർ​ത്താ​ൽ അ​നു​കൂ​ലി​ക​ൾ ഗ​താ​ഗ​തം ത​ട​ഞ്ഞ​തോ​ടെ നി​ര​ത്തു​ക​ൾ വി​ജ​ന​മാ​യി. റോ​ഡു​ക​ളി​ൽ വാ​ഹ​ന​ങ്ങ​ൾ നി​ർ​ത്തി​യി​ട്ടും നാ​ട്ടു​കാ​ർ റോ​ഡി​ൽ കു​ത്തി​യി​രു​ന്നു​മാ​യി​രു​ന്നു പ്ര​തി​ഷേ​ധം. ഇ​തോ​ടെ മ​ണി​ക്കൂ​റു​ക​ളോ​ളം ഗ​താ​ഗ​തം ത​ട​സ​പ്പെ​ട്ടു.

ക​ണ്ണീ​രു​ണ​ങ്ങാ​തെ മൂ​ന്നാ​ർ

ത​മി​ഴ്നാ​ട്ടി​ൽ​നി​ന്നു വി​വാ​ഹ​ച്ച​ട​ങ്ങി​നെ​ത്തി​യ ത​മി​ഴ്നാ​ട് സ്വ​ദേ​ശി​യെ കാ​ട്ടാ​ന ച​വി​ട്ടി​ക്കൊ​ന്ന​തി​ന്‍റെ ന​ടു​ക്കം മാ​റും മു​ന്പേ കാ​ട്ടാ​നക്ക​ലി​പ്പി​ൽ മൂ​ന്നാ​ർ വീ​ണ്ടും ക​ണ്ണീ​രി​ൽ മു​ങ്ങി. തി​ങ്ക​ളാ​ഴ്ച രാ​ത്രി 9.30 ഓ​ടെ​യാ​ണ് നാ​ടി​നെ ദുഃ​ഖ​ത്തി​ലാ​ഴ്ത്തി​യ ദാ​രു​ണ സം​ഭ​വം ഉ​ണ്ടാ​യ​ത്.

യാ​ത്ര​ക്കാ​രു​മാ​യി വീ​ട്ടി​ലേ​ക്കു​പോ​യ ഓ​ട്ടോ​റി​ക്ഷ കാ​ട്ടാ​ന​യു​ടെ മു​ന്പി​ൽ​പ്പെ​ടു​ക​യാ​യി​രു​ന്നു.​മു​ന്നി​ൽ​പ്പെ​ട്ട ഓ​ട്ടോ​റി​ക്ഷ ആ​ന തു​ന്പി​ക്കൈ​കൊ​ണ്ട് അ​മ​ർ​ത്തി​യ​തോ​ടെ ഓ​ട്ടോ​റി​ക്ഷ ത​ക​ർ​ന്നു​പോ​യി. റോ​ഡി​ൽ വീ​ണു കി​ട​ന്ന ഡ്രൈ​വ​ർ സു​രേ​ഷി​നെ കാ​ട്ടാ​ന തു​ന്പി​ക്കൈകൊ​ണ്ട് ഉ​യ​ർ​ത്തി ചു​ഴ​റ്റി​യെ​റി​യു​ക​യാ​യി​രു​ന്നു.

ഈ ​സ​മ​യ​ത്ത് എ​സ്റ്റേ​റ്റി​ലെ ജീ​പ്പ് അ​വി​യെ​യെ​ത്തി. ജീ​പ്പി​ലെ യാ​ത്ര​ക്കാ​ർ ബ​ഹ​ള​മു​ണ്ടാ​ക്കി കാ​ട്ടാ​ന​യെ മാ​റ്റി​യ​തി​നു​ശേ​ഷം ര​ക്ത​ത്തി​ൽ കു​ളി​ച്ച് കി​ട​ന്ന സു​രേ​ഷി​നെ ആ​ശു​പ​ത്രി​യി​ലെ​ത്തി​ക്കാ​ൻ സാ​ധി​ച്ച​ത്.

യോ​ഗേ​ശ്വ​ര​ന് ര​ണ്ടാം ജ​ന്മം

ക​ന്നി​മ​ല എ​ൽ​പി സ്കൂ​ളി​ലെ നാ​ലാം ക്ലാ​സ് വി​ദ്യാ​ർ​ഥി യോ​ഗേ​ശ്വ​ര​ൻ തി​ങ്ക​ളാ​ഴ്ച​യു​ണ്ടാ​യ ആ​ന ആ​ക്ര​മ​ണ​ത്തി​ൽ നി​ന്നു ര​ക്ഷ​പ്പെ​ട്ട​ത് ഒ​രു നി​മി​ത്തം​ പോ​ലെ​യാ​ണ്. സാ​ധാ​ര​ണ ഓ​ട്ടം ക​ഴി​ഞ്ഞ് ഏ​ഴി​നു​വീ​ട്ടി​ൽ എ​ത്തു​ന്ന സു​രേ​ഷ് ര​ണ്ടു കി​ലോ​മീ​റ്റ​ർ അ​ക​ലെ​യു​ള്ള ഫാ​ക്‌​ട​റി​യി​ലെ ഒ​ന്പ​തി​നു​ള്ള ഷി​ഫ്റ്റ് പൂ​ർ​ത്തി​യാ​ക്കു​ന്ന തൊ​ഴി​ലാ​ളി​ക​ളെ കൊ​ണ്ടു​വ​രു​ന്ന​തി​നാ​യി പ​തി​വാ​യി പോ​കു​ന്പോ​ൾ മ​ക​ൻ യോ​ഗേ​ശ്വ​ര​നെ​യും കൂ​ട്ടി​നാ​യി ഒ​പ്പം കൂ​ട്ടു​മാ​യി​രു​ന്നു.

അ​പ്പ​നോ​ടൊ​പ്പ​മു​ള്ള യാ​ത്ര യോ​ഗേ​ശ്വ​ര​ന് പ്രി​യ​പ്പെ​ട്ട​താ​യി​രു​ന്നു. ഒ​രു ഉ​ൾ​വി​ളി​യെ​ന്നോ​ണം സം​ഭ​വ​ദി​വ​സം സു​രേ​ഷ് മ​ക​നെ ഒ​പ്പം​കൂ​ട്ടി​യി​ല്ല. ഒ​റ്റ​യ്ക്കു​പോ​യ സു​രേ​ഷ് യാ​ത്ര​ക്കാ​രു​മാ​യി മ​ട​ങ്ങു​ന്പോ​ൾ ആ​ന​യു​ടെ മു​ന്പി​ൽ അ​ക​പ്പെ​ടു​ക​യാ​യി​രു​ന്നു.

ന​ടു​ക്ക​ത്തി​ൽ എ​സ​ക്കി​രാ​ജ

മൂ​ന്നാ​റി​ലെ ഇ​റ​ച്ചി​വി​ല്പ​ന വ്യാ​പാ​ര കേ​ന്ദ്ര​ത്തി​ലെ ജീ​വ​ന​ക്കാ​ര​നാ​യ എ​സ​ക്കി​രാ​ജ​യും കു​ടും​ബ​വും ദാ​രു​ണ സം​ഭ​വം നേ​രി​ട്ടു ക​ണ്ട​തി​ന്‍റെ ആ​ഘാ​ത​ത്തി​ൽ​നി​ന്ന് ഇ​നി​യും മു​ക്ത​മാ​യി​ട്ടി​ല്ല. എ​സ​ക്കി​രാ​ജ, ഭാ​ര്യ റെ​ജീ​ന, മ​ക​ൾ പ്രി​യ എ​ന്നി​വ​രും ര​ണ്ട് ഇ​ത​ര സം​സ്ഥാ​ന തൊ​ഴി​ലാ​ളി​ക​ളു​മാ​ണ് യാ​ത്ര​യി​ൽ ഉ​ണ്ടാ​യി​രു​ന്ന​ത്.

ത​ങ്ങ​ളെ എ​ന്നും വീ​ട്ടി​ലെ​ത്തി​ക്കു​ന്ന സു​രേ​ഷി​നെ ആ​ന ആ​ക്ര​മി​ക്കു​ന്ന​തു​ക​ണ്ട് ഒ​ന്നു​റ​ക്കെ നി​ല​വി​ളി​ക്കാ​ൻ​പോ​ലു​മാ​യി​ല്ലെ​ന്ന് ഇ​വ​ർ പ​റ​യു​ന്നു. മൂ​ന്നു​പേ​രും ഇ​തു​വ​രെ ആ​ശു​പ​ത്രി വി​ട്ടി​ട്ടി​ല്ല.

വ​ഴി തെ​ളി​യാ​തെ വ​നം​വ​കു​പ്പ്

ഒ​ന്നി​നു പു​റ​കേ ഒ​ന്നാ​യി വ​ന്യ​ജീ​വി ആ​ക്ര​മ​ണ​ങ്ങ​ൾ പ​തി​വാ​യി​ട്ടും അ​തി​നു പ​രി​ഹാ​രം ക​ണ്ടെ​ത്താ​നാ​വാ​തെ കു​ഴ​ങ്ങു​ന്ന വ​നം​വ​കു​പ്പ് സം​ഭ​വ​ത്തി​ൽ വ​ലി​യ പ്ര​തി​ഷേ​ധ​മാ​ണ് നേ​രി​ടു​ന്ന​ത്. മൂ​ന്നാ​ർ ടൗ​ണി​ൽ​ത​ന്നെ വ​നം​വ​കു​പ്പ് ഓ​ഫീ​സ് ഉ​ണ്ടാ​യി​രു​ന്നി​ട്ടും ഒ​രു ഉ​ദ്യോ​ഗ​സ്ഥ​ൻ​പോ​ലും സം​ഭ​വ​സ്ഥ​ല​ത്തോ ആ​ശു​പ​ത്രി​യി​ലെ എ​ത്താ​തി​രു​ന്ന​തു പ്ര​തി​ഷേ​ധ​ത്തി​ന്‍റെ ഗൗ​ര​വം വ​ർ​ധി​പ്പി​ക്കു​ക​യാ​ണ്.

കൈ​യ​ട​ക്കി കാ​ട്ടാ​ന​ക്കൂ​ട്ടം

ഓ​ട്ടോ​ ഡ്രൈ​വ​റെ കൊ​ല​പ്പെ​ടു​ത്തി​യ ഭാ​ഗ​ത്ത് കാ​ട്ടാ​ന​ക്കൂ​ട്ടം വീ​ണ്ടും നി​ല​യു​റ​പ്പി​ച്ച​തു തൊ​ഴി​ലാ​ളി​ക​ളി​ൽ ഭീ​തി നി​റ​യ്ക്കു​ന്നു​ണ്ട്. കു​ട്ടി​ക്കൊ​പ്പ​മാ​ണ് മൂ​ന്നം​ഗ കാ​ട്ടാ​ന​ക്കൂ​ട്ട​ത്തെ ക​ണ്ടെ​ത്തി​യ​ത്. എ​സ്റ്റേ​റ്റ് ല​യ​ത്തി​ന് 500 മീ​റ്റ​ർ അ​ക​ലെ​മാ​ത്രം നി​ൽ​ക്കു​ന്ന കാ​ട്ടാ​ന​ക​ൾ ക​ഴി​ഞ്ഞ ഒ​രു മാ​സ​ക്കാ​ല​മാ​യി ഈ ​പ്ര​ദേ​ശ​ത്തു ത​ന്നെ​യാ​ണ് തു​ട​രു​ന്ന​ത്.

ഓ​ട്ടോ​ഡ്രൈ​വ​ർ സു​രേ​ഷ് കൊ​ല്ല​പ്പെ​ട്ട സ്ഥ​ല​ത്തി​നും തൊ​ഴി​ലാ​ളി​ക​ൾ താ​മ​സി​ക്കു​ന്ന ല​യ​ത്തി​ന് ഒ​രു കി​ലോ​മീ​റ്റ​ർ അ​ക​ലെ​യാ​ണ് കു​ട്ടി​യാ​ന അ​ട​ക്കം മൂ​ന്നം​ഗ സം​ഘ​ത്തെ ക​ണ്ടെ​ത്തി​യ​ത്.

കൃ​ത്യ​മാ​യ ആ​സൂ​ത്ര​ണം വേ​ണം

ദു​ര​ന്ത​മു​ണ്ടാ​കു​ന്പോ​ൾ സ​ർ​ക്കാ​ർ പ്ര​ഖ്യാ​പി​ക്കു​ന്ന ന​ഷ്ട​പ​രി​ഹാ​ര​ത്തു​ക​യി​ൽ ദു​ര​ന്ത​ങ്ങ​ളു​ടെ ആ​ഘാ​തം ഇ​ല്ലാ​താ​ക്കാ​നാ​കി​ല്ല. ഇ​നി​യും മ​റ്റൊ​രു ജീ​വ​ൻ പൊ​ലി​യാ​തി​രി​ക്കാ​ൻ സ​ർ​ക്കാ​ർ കൃ​ത്യ​മാ​യ ആ​സൂ​ത്ര​ണ​വും പ​ദ്ധ​തി​ക​ളും ന​ട​പ്പി​ലാ​ക്ക​ണ​മെ​ന്നാ​ണ് തൊ​ഴി​ലാ​ളി​ക​ൾ ആ​വ​ശ്യ​പ്പെ​ടു​ന്ന​ത്.

ജോ​ലി ആ​വ​ശ്യ​ങ്ങ​ൾ​ക്കും പ​ഠ​ന ആ​വ​ശ്യ​ങ്ങ​ൾ​ക്കും ദി​വ​സ​വും അ​പ​ക​ട​വ​ഴി​ക​ളി​ൽ​കൂ​ടി സ​ഞ്ച​രി​ക്കാ​ൻ നി​ർ​ബ​ന്ധി​ത​മാ​യ സാ​ഹ​ച​ര്യ​മാ​ണ് തൊ​ഴി​ലാ​ളി​ക​ൾ​ക്കു​ള്ള​ത്. പ​ല​പ്പോ​ഴും യാ​ത്ര​ക​ൾ​ക്കാ​യി ആ​ശ്ര​യി​ക്കു​ന്ന​ത് ഓ​ട്ടോ, ബൈ​ക്ക് പോ​ലു​ള്ള വാ​ഹ​ന​ങ്ങ​ളാ​ണ്. മ​റ്റു വാ​ഹ​ന​ങ്ങ​ളെ അ​പേ​ക്ഷി​ച്ച് താ​ര​ത​മ്യേ​ന വെ​ട്ടം കു​റ​വാ​യ​തി​നാ​ൽ ബൈ​ക്ക്, ഓ​ട്ടോ തു​ട​ങ്ങി​യ വാ​ഹ​ന​ങ്ങ​ളി​ൽ യാ​ത്ര​ചെ​യ്യു​ന്പോ​ൾ അ​പ​ക​ട സാ​ധ്യ​ത ഏ​റെ​യാ​ണ്.

പ്ര​താ​പ​ത്തി​ന് മ​ങ്ങ​ലേ​ൽ​ക്കു​ന്പോ​ൾ

പ​ട​യ​പ്പ, അ​രി​ക്കൊ​ന്പ​ൻ, ചി​ല്ലി​ക്കൊ​ന്പ​ൻ, ഹോ​സു​കൊ​ന്പ​ൻ, ഒ​റ്റ​ക്കൊ​ന്പ​ൻ, ഗ​ണേ​ഷ​ൻ, മ​ണി​ക​ണ്ഠ​ൻ തു​ട​ങ്ങി ഒ​രു കൂ​ട്ടം ആ​ന​ക​ൾ​ക്ക് നാ​ട്ടു​കാ​ർ ഓ​മ​ന​പ്പേ​രി​ട്ടി​ട്ടു​ണ്ടെ​ങ്കി​ലും കാ​ല​മേ​റു​ന്പോ​ൾ ആ ​പ്രി​യം കു​റ​ഞ്ഞു വ​രു​ന്ന​താ​ണ് കാ​ണു​ന്ന​ത്.

പ്രി​യ​പ്പെ​ട്ട​തും സൗ​മ്യ​സ്വ​ഭാ​വ​മു​ള്ള​തു​മാ​യ പ​ല ആ​ന​ക​ളും പിന്നീ​ട് ആ​ക്ര​മ​ണ​കാ​രി​ക​ളാ​യി മാ​റു​ന്ന​ത് സ​മീ​പ​കാ​ല​ത്തെ പ​തി​വു കാ​ഴ്ച​ക​ളാ​ണ്. സൗ​മ്യ​സ്വ​ഭാ​വം​ വി​ട്ട് പ്രാ​യ​മേ​റു​ന്പോ​ൾ ആ​ക്ര​മ​ണ​ത്തി​ലേ​ക്ക് തി​രി​യു​ന്ന വ​ന്യ​മൃ​ഗ​ശീ​ലം തി​രി​ച്ച​ടി​യാ​കു​മെ​ന്ന ആ​ശ​ങ്ക​യാ​ണ് ഇ​പ്പോ​ൾ തൊ​ഴി​ലാ​ളി​ക​ൾ​ക്കു​ള്ള​ത്.