വാ​ഹ​നം ആ​ക്ര​മി​ച്ച് വീ​ണ്ടും പ​ട​യ​പ്പ
Saturday, March 2, 2024 2:58 AM IST
മൂ​ന്നാ​ര്‍: ര​ണ്ടു ദി​വ​സം മു​മ്പു മൂ​ന്നാ​ര്‍ ഉ​ദുമൽപേ​ട്ട അ​ന്ത​ര്‍ സം​സ്ഥാ​ന പാ​ത​യി​ല്‍ ച​ര​ക്കു ലോ​റി ത​ട​ഞ്ഞ് കേ​ടു​പാ​ടു​ക​ള്‍ വ​രു​ത്തി​യ​തി​നു പി​ന്നാ​ലെ ക​ഴി​ഞ്ഞ ദി​വ​സം ഇ​തേ റോ​ഡി​ല്‍ സ​ഞ്ച​രി​ക്കു​ക​യാ​യി​രു​ന്ന ത​മി​ഴ്‌​നാ​ട് ട്രാ​ന്‍​സ്‌​പോ​ര്‍​ട്ട് കോ​ർ​പ​റേ​ഷ​ന്‍റെ ബ​സ് ത​ട​ഞ്ഞു പ​ട​യ​പ്പ ആ​ക്ര​മ​ണം ന​ട​ത്തി.

മൂ​ന്നാ​റി​ല്‍നി​ന്നു പ​ഴ​നി​ക്കു പോ​കു​ക​യാ​യി​രു​ന്നു ബ​സ് രാ​ത്രി 9.30 ഒാ​ടെ​യാ​ണ് ഒ​മ്പ​താം മൈ​ലി​ല്‍ കാ​ട്ടാ​ന ത​ട​ഞ്ഞ​ത്. വ​ഴി ത​ട​ഞ്ഞു നി​ല​യു​റ​പ്പി​ച്ച പ​ട​യ​പ്പ പ​ല ത​വ​ണ തു​മ്പി​ക്കൈ വാ​ഹ​ന​ത്തു​ള്ളി​ലേ​ക്ക് ഇ​ടാ​ന്‍ ശ്ര​മി​ച്ചു.

വാ​ഹ​ന​ത്തി​ന്‍റെ ചി​ല്ല് ത​ക​ര്‍​ന്നു. ഭ​യ​ച​കി​ത​രാ​യ യാ​ത്ര​ക്കാ​ര്‍ ബ​ഹ​ളം വ​യ്ക്കു​ക​യും ഉ​ച്ച​ത്തി​ല്‍ ഹോ​ണ്‍ മു​ഴ​ക്കി പി​ന്തി​രി​പ്പിക്കു​വാ​ന്‍ ശ്ര​മി​ച്ചെ​ങ്കി​ലും ഏ​റെ സ​മ​യ​ത്തി​നു ശേ​ഷ​മാ​ണ് കാ​ട്ടാ​ന പി​ന്മാ​റി​യ​ത്.

കാ​ട്ടാ​ന​യ്ക്കു മ​ദ​പ്പാ​ട് ഉ​ള്ള​താ​യി സം​ശ​യി​ക്കു​ന്ന​താ​യും പ്ര​ത്യേ​കം നി​രീ​ക്ഷി​ച്ചു വ​രു​ന്ന​താ​യും വ​നംവ​കു​പ്പ് ഉ​ദ്യോ​ഗ​സ്ഥ​ര്‍ അ​റി​യി​ച്ചു. ര​ണ്ടു ദി​വ​സം മു​മ്പു ന​യ​മ​ക്കാ​ട് ഇ​തേ ഭാ​ഗ​ത്തു നി​ല​യു​റ​പ്പി​ച്ചി​രു​ന്ന പ​ട​യ​പ്പ തൊ​ട്ട​ടു​ത്ത ദി​വ​സം കി​ലോ​മീ​റ്റ​റു​ക​ള്‍ സ​ഞ്ച​രി​ച്ച് ത​ല​യാ​റി​ലെ കു​ടകു​മു​ടി​യി​ല്‍ എ​ത്തി​യി​രു​ന്നെ​ങ്കി​ലും വീ​ണ്ടും മ​ട​ങ്ങി​യെ​ത്തി.