ഇ​ടു​ക്കി: ലോ​ക്സ​ഭാ തെ​ര​ഞ്ഞെ​ടു​പ്പു​മാ​യി ബ​ന്ധ​പ്പെ​ട്ട് അ​ത​ത് നി​യ​മ​സ​ഭാ മ​ണ്ഡ​ല​ങ്ങ​ളി​ലേ​ക്കു​ള്ള വോ​ട്ടിം​ഗ് യ​ന്ത്ര​ങ്ങ​ളു​ടെ വി​ത​ര​ണം ആ​രം​ഭി​ച്ചു. ഓ​രോ മ​ണ്ഡ​ല​ത്തി​ലേ​ക്കും പ്ര​ത്യേ​കം സ​ജ്ജീ​ക​രി​ച്ച ക​വ​ചി​ത വാ​ഹ​ന​ങ്ങ​ളി​ലാ​ണ് യ​ന്ത്ര​ങ്ങ​ൾ കൊ​ണ്ടുപോ​കു​ന്ന​ത്. യ​ന്ത്ര​ങ്ങ​ളു​മാ​യി പോ​കു​ന്ന വാ​ഹ​ന​ങ്ങ​ൾ ജി​ല്ലാ ക​ള​ക്ട​ർ ഷീ​ബാ ജോ​ർ​ജ് ഫ്ളാ​ഗ് ഓ​ഫ് ചെ​യ്തു.

ജി​ല്ല​യി​ലെ 1003 പോ​ളിം​ഗ് സ്റ്റേ​ഷ​നു​ക​ളി​ലേ​ക്കാ​യി 1202 ബാ​ല​റ്റ് യൂ​ണി​റ്റ്, 1202 ക​ണ്‍​ട്രോ​ൾ യൂ​ണി​റ്റ്, 1300 വിവി പാ​റ്റ്, എ​ന്നി​വ​യ്ക്ക് ആ​വ​ശ്യ​മാ​യ പേ​പ്പ​ർ റോ​ൾ, വിവി പാ​റ്റ് ബാ​റ്റ​റി, ക​ണ്‍​ട്രോ​ൾ യൂ​ണി​റ്റ് ബാ​റ്റ​റി എ​ന്നി​വ​യാ​ണ് ക​ള​ക്ട​റേ​റ്റി​ലെ ഇ​ല​ക‌്ഷ​ൻ വി​ഭാ​ഗ​ത്തി​ൽ നി​ന്ന് വി​ത​ര​ണം ചെ​യ്യു​ന്ന​ത്.

ബൂ​ത്തു​ക​ളി​ലേ​ക്കാ​വ​ശ്യ​മാ​യ ബാ​ല​റ്റ് യൂ​ണി​റ്റ്, ക​ണ്‍​ട്രോ​ൾ യൂ​ണി​റ്റ് എ​ന്നി​വ​യു​ടെ എ​ണ്ണ​ത്തി​ന്‍റെ 20 ശ​ത​മാ​ന​വും വി​വി പാ​റ്റ് യ​ന്ത്ര​ങ്ങ​ളു​ടെ 30 ശ​ത​മാ​ന​വും അ​ധി​കം യ​ന്ത്ര​ങ്ങ​ളാ​ണ് ഓ​രോ മ​ണ്ഡ​ല​ത്തിലേ​ക്കും അ​യയ്​ക്കു​ന്ന​ത്. അ​ഞ്ചു മ​ണ്ഡ​ല​ങ്ങ​ളി​ൽനി​ന്നു​ള്ള അ​സി​സ്റ്റ​ന്‍റ് റി​ട്ടേ​ണിം​ഗ് ഓ​ഫീ​സ​ർ​മാ​രാ​ണ് ഇ​വി​എം മെ​ഷീ​നു​ക​ൾ ഏ​റ്റു​വാ​ങ്ങി​യ​ത്.

മൂ​ന്നാ​ർ ഗ​വ.​ വി​എ​ച്ച്എ​ച്ച്എ​ച്ച്എ​സ്, നെ​ടു​ങ്ക​ണ്ടം സെ​ന്‍റ് സെ​ബാ​സ്റ്റ്യ​ൻ​സ് എ​ച്ച്എ​സ്എ​സ്, തൊ​ടു​പു​ഴ ന്യൂ​മാ​ൻ കോ​ള​ജ്, പൈ​നാ​വ് ഏ​ക​ല​വ്യ മോ​ഡ​ൽ റ​സി​ഡ​ൻ​ഷ്യ​ൽ സ്കൂ​ൾ, പീ​രു​മേ​ട് മ​രി​യ​ഗി​രി ഇം​ഗ്ലീ​ഷ് മീ​ഡി​യം സ്കൂ​ൾ എ​ന്നി​വി​ട​ങ്ങ​ളി​ലാ​ണ് സ്ട്രോം​ഗ് റൂ​മു​ക​ൾ ത​യാ​റാ​ക്കി​യി​ട്ടു​ള്ള​ത്.

ജി​പി​എ​സ് ഉ​ൾ​പ്പെ​ടെ​യു​ള്ള സു​ര​ക്ഷ ഉ​റ​പ്പാ​ക്കി​യാ​ണ് വോ​ട്ടിം​ഗ് യ​ന്ത്ര​ങ്ങ​ൾ ഓ​രോ നി​യോ​ജ​ക​മ​ണ്ഡ​ല​ത്തി​ലേ​യും സ്ട്രോം​ഗ് റൂ​മി​ലെ​ത്തി​ക്കു​ന്ന​ത്. ഇ​വി​ടെ യ​ന്ത്ര​ങ്ങ​ൾ സൂ​ക്ഷി​ക്കു​കയും 18ന് ​ക​മ്മീ​ഷ​ൻ ചെ​യ്ത​തി​നു ശേ​ഷം 25നു ​പോ​ളിം​ഗ് ബൂ​ത്തു​ക​ളി​ലെ​ത്തി​ക്കും.

വി​ത​ര​ണ​ത്തി​ന് സ​ബ് ക​ള​ക്ട​ർ​മാ​രാ​യ ഡോ.​അ​രു​ണ്‍ എ​സ് നാ​യ​ർ, വി.​എം.​ജ​യ​കൃ​ഷ്ണ​ൻ, ഡെ​പ്യൂ​ട്ടി ക​ള​ക്ട​ർ​മാ​ർ​മാ​രാ​യ ഡോ.​ജെ.​ഒ.​അ​രു​ണ്‍, കെ.​മ​നോ​ജ്, സ്വീ​പ് നോ​ഡ​ൽ ഓ​ഫീ​സ​ർ ലി​പു ലോ​റ​ൻ​സ് തു​ട​ങ്ങി​യ​വ​ർ നേ​തൃ​ത്വം ന​ൽ​കി.