പ്ര​തീ​ക്ഷ​യി​ല്ലാ​തെ തൊ​ഴി​ലാ​ളി​ക​ൾ

ഉ​പ്പു​ത​റ: കാ​ല​വ​ർ​ഷ​മെ​ത്തി​യി​ട്ടും തൊ​ഴി​ലാ​ളി ല​യ​ങ്ങ​ൾ ന​വീ​ക​രി​ക്കാ​നു​ള്ള ന​ട​പ​ടി​ക​ൾ എ​ങ്ങു​മെ​ത്തി​യി​ല്ല. ന​വീ​ക​ര​ണ​ത്തി​ന് അ​നു​വ​ദി​ച്ച 20 കോ​ടി രൂ​പ ചു​വ​പ്പു നാ​ട​യി​ൽ കു​രു​ങ്ങി​ക്കി​ട​ക്കു​ന്പോ​ൾ ചോ​ർ​ന്നൊ​ലി​ക്കു​ന്ന ല​യ​ങ്ങ​ളി​ൽ ഭീ​തി​യോ​ടെ ഓ​രോ ദി​വ​സ​വും ത​ള്ളി​നീ​ക്കു​ക​യാ​ണ് നൂ​റുക​ണ​ക്കി​നു തൊ​ഴി​ലാ​ളി കു​ടും​ബ​ക്ക​ൾ.

ഒ​രു കാ​ല​വ​ർ​ഷം കൂ​ടി അ​തി​ജീ​വി​ക്കാ​നു​ള്ള ശേ​ഷി ത​ങ്ങ​ൾ താ​മ​സി​ക്കു​ന്ന ല​യ​ങ്ങ​ൾ​ക്കു​ണ്ടോ എ​ന്ന ആ​ശ​ങ്ക​യി​ലാ​ണി​വ​ർ. 2000ൽ ​പൂ​ട്ടി​യ പീ​രു​മേ​ട് താ​ലൂ​ക്കി​ലെ നാ​ല് എ​സ്റ്റേ​റ്റു​ക​ളി​ലെ ല​യ​ങ്ങ​ളാ​ണ് ഏ​റ്റ​വു​മ​ധി​കം ത​ക​ർ​ച്ച​യി​ലാ​യ​ത്. മ​റ്റ് എ​സ്റ്റേ​റ്റു​ക​ളി​ലെ ല​യ​ങ്ങ​ളു​ടെ സ്ഥി​തി​യും ദ​യ​നീ​യ​മാ​ണ്.

വ​കു​പ്പു​ക​ൾ ത​മ്മി​ലു​ള്ള ഏ​കോ​പ​നം ഇ​ല്ലാ​ത്ത​തി​നാ​ൽ ഉ​ട​നെ​ങ്ങും ന​വീ​ക​ര​ണം ന​ട​പ്പാ​കു​മെ​ന്ന പ്ര​തീ​ക്ഷ​യും തൊ​ഴി​ലാ​ളി​ക​ൾ​ക്കി​ല്ല. പ്ര​വ​ർ​ത്തി​ക്കു​ന്ന തോ​ട്ട​ങ്ങ​ളി​ലെ തൊ​ഴി​ലാ​ളി ല​യ​ങ്ങ​ളു​ടെ അ​പ​ക​ടാ​വ​സ്ഥ പ​രി​ഹ​രി​ക്കാ​ൻ മാ​നേ​ജ്മെ​ന്‍റു​ക​ൾ​ക്കു തൊ​ഴി​ൽവ​കു​പ്പ് നി​ർ​ദേ​ശം ന​ൽ​കി​യെ​ങ്കി​ലും ന​ട​പ​ടി​യാ​യി​ല്ല.

ന​വീ​ക​ര​ണം വൈ​കു​ന്ന​തി​നാ​ൽ മേ​ൽ​ക്കൂ​ര​യ്ക്കു മു​ക​ളി​ൽ പ​ടു​ത വ​ലി​ച്ചുകെ​ട്ടി ചോ​ർ​ച്ച മാ​റ്റാ​നെ​ങ്കി​ലും ന​ട​പ​ടി വേ​ണ​മെ​ന്നാ​ണ് തൊ​ഴി​ലാ​ളി​ക​ളു​ടെ ആ​വ​ശ്യം. അ​ട​ഞ്ഞുകി​ട​ക്കു​ന്ന തോ​ട്ട​ങ്ങ​ളി​ൽ അ​ടി​യ​ന്തര​മാ​യി അ​റ്റ​കു​റ്റ​പ്പ​ണി ന​ട​ത്തേ​ണ്ട ല​യ​ങ്ങ​ളു​ടെ പ​ട്ടി​ക ത​യാ​റാ​ക്കാ​ൻ ക​ഴി​ഞ്ഞ വ​ർ​ഷം നി​ർ​ദേ​ശം ന​ൽ​കി​യി​രു​ന്നു.

എ​ന്നാ​ൽ, സ​ർ​ക്കാ​ർ ന​ട​പ​ടി​ക​ളി​ൽ ഉ​ണ്ടാ​കാ​റു​ള്ള കാ​ല​താ​മ​സം ഇ​ക്കാ​ര്യ​ത്തി​ലും വ​ന്ന​തി​നാ​ൽ ഈ ​വ​ർ​ഷ​വും ന​ട​പ​ടി​യാ​യി​ല്ല. അ​ട​ഞ്ഞു​കി​ട​ക്കു​ന്ന തോ​ട്ട​ങ്ങ​ളി​ലെ ഒ​രു ല​യ മു​റി പോ​ലും സു​ര​ക്ഷി​ത​മ​ല്ല. കാ​ല​വ​ർ​ഷം ശ​ക്ത​മാ​യാ​ൽ ഇ​വ​രെ ദു​രി​താ​ശ്വാ​സ കേ​ന്ദ്ര​ത്തി​ലേ​ക്ക് മാ​റ്റു​ക​യേ മാ​ർ​ഗ​മു​ള്ളു.

ഫ​ണ്ടു​ണ്ട്, ഏ​കോ​പ​ന​മി​ല്ല

2018 ൽ ​പെ​ട്ടി​മു​ടി ദു​ര​ന്തം ഉ​ണ്ടാ​കു​ക​യും 2021 ൽ ​കോ​ഴി​ക്കാ​ന​ത്ത് ല​യ​മു​റി ത​ക​ർ​ന്നു തൊ​ഴി​ലാ​ളി സ്ത്രീ ​മ​രി​ക്കു​ക​യും ചെ​യ്തു. തു​ട​ർ​ന്നാ​ണ് ല​യ​ങ്ങ​ൾ ന​വീ​ക​രി​ക്കാ​ൻ 2022-23 ലും 2023-24 ലും സം​സ്ഥാ​ന ബ​ജ​റ്റി​ൽ 10 കോ​ടി രൂ​പ വീ​തം സ​ർ​ക്കാ​ർ അ​നു​വ​ദി​ച്ച​ത്.

2022-23ലെ ​ഫ​ണ്ട് വി​നി​യോ​ഗി​ക്കാ​ൻ 2023 ഡി​സം​ബ​റി​ൽ ന​ട​പ​ടി തു​ട​ങ്ങി. ഇ​തി​ന്‍റെ ഭാ​ഗ​മാ​യി ജി​ല്ലാ നി​ർ​മി​തി കേ​ന്ദ്രം ന​വീ​ക​ര​ണ​ത്തി​ന് ആ​വ​ശ്യ​മാ​യ ല​യ​ങ്ങ​ളു​ടെ എ​സ്റ്റി​മേ​റ്റ് ത​യാ​റാ​ക്കി തൊ​ഴി​ൽ വ​കു​പ്പി​നു ന​ൽ​കി. തൊ​ഴി​ൽവ​കു​പ്പ് ഇ​തു സം​ബ​ന്ധി​ച്ച വി​ശ​ദ​മാ​യ റി​പ്പോ​ർ​ട്ട് ധ​ന​മ​ന്ത്രാ​ല​യ​ത്തി​നു ന​ൽ​കു​ക​യും ചെ​യ്തു.

എ​ന്നാ​ൽ വ​കു​പ്പു​ക​ൾ ത​മ്മി​ൽ കൂ​ടു​ത​ൽ വി​ശ​ദീ​ക​ര​ണം കൈ​മാ​റി കാ​ല​താ​മ​സം വ​രു​ത്തു​ക​യാ​ണ് ഇ​തു​വ​രെ ചെ​യ്ത​ത്. തു​ട​ർ ന​ട​പ​ടി​യി​ൽ സ്വീ​ക​രി​ക്കേ​ണ്ട പ്ലാ​ന്‍റേ​ഷ​ൻ ഡ​യ​റ​ക്ട​റേ​റ്റും അ​ന​ങ്ങാ​പ്പാ​റ ന​യം സ്വീ​ക​രി​ച്ച​തോ​ടെ ചു​വ​പ്പു​നാ​ട അ​ഴി​ഞ്ഞി​ല്ല.

ഇ​തോ​ടെ വ​ർ​ഷ​ങ്ങ​ളാ​യി ചോ​ർ​ന്നൊ​ലി​ക്കു​ന്ന മേ​ൽ​ക്കു​ര​യ്ക്കു കീ​ഴി​ൽ ഭ​യ​ന്നു വി​റ​ച്ച് ക​ഴി​ഞ്ഞുകൂ​ടേ​ണ്ട ഗ​തി​കേ​ടി​ലാ​യി തൊ​ഴി​ലാ​ളി​ക​ൾ . അ​നു​വ​ദി​ച്ച ഫ​ണ്ട് സ​മ​യ​ബ​ന്ധി​ത​മാ​യി വി​നി​യോ​ഗി​ക്കാ​ൻ തൊ​ഴി​ൽവ​കു​പ്പ് ഉ​ൾ​പ്പെ​ടെ എ​ല്ലാ സ​ർ​ക്കാ​ർ സം​വി​ധാ​ന​ങ്ങ​ളും തി​ക​ഞ്ഞ അ​നാ​സ്ഥ​യാ​ണ് ഇ​പ്പോ​ഴും കാ​ട്ടു​ന്ന​ത്.