റെ​ജി ജോ​സ​ഫ്

കോ​ട്ട​യം: പെ​രു​വ​ന്താ​നം മു​ള​ങ്കു​ന്നി​ലെ കു​ടി​യേ​റ്റ പി​താ​വി​ന് വെ​ള്ളി​യാ​ഴ്ച നൂ​റാം പി​റ​ന്നാ​ള്‍. അ​ധ്വാ​നം ആ​രാ​ധ​ന​യാ​ക്കി​യ വാ​ണി​യ​പ്പു​ര​യ്ക്ക​ല്‍ തോ​മ​സ് മ​ത്താ​യി​യെ​ന്ന തൊ​മ്മ​ന്‍​കൊ​ച്ചി​ന് ആ​ശം​സ​ക​ള്‍ നേ​രാ​ന്‍ വീ​ടും നാ​ടും സെ​ന്‍റ് ആ​ന്‍റ​ണീ​സ് പ​ള്ളി​യി​ല്‍ സം​ഗ​മി​ക്കും.

മേ​ജ​ര്‍ ആ​ര്‍​ച്ച്ബി​ഷ​പ് മാ​ര്‍ റാ​ഫേ​ല്‍ ത​ട്ടി​ല്‍, മാ​ര്‍ ജോ​ര്‍​ജ് മ​ഠ​ത്തി​ക്ക​ണ്ട​ത്തി​ല്‍, മാ​ര്‍ ജോ​സ് പു​ളി​ക്ക​ല്‍, മാ​ര്‍ മാ​ത്യു അ​റ​യ്ക്ക​ല്‍, മാ​ര്‍ ജോ​ണ്‍ നെ​ല്ലി​ക്കു​ന്നേ​ല്‍, മാ​ര്‍ തോ​മ​സ് ത​റ​യി​ല്‍ എ​ന്നി​വ​രും വൈ​ദി​ക​ഗ​ണ​വും കൃ​ത​ജ്ഞ​താ​ബ​ലി​യി​ലും അ​നു​മോ​ദ​ന​ത്തി​ലും പ​ങ്കു​ചേ​രും.

സീ​റോ മ​ല​ബാ​ര്‍​സ​ഭ കൂ​രി​യ ബി​ഷ​പ് മാ​ര്‍ സെ​ബാ​സ്റ്റ്യ​ന്‍ വാ​ണി​യ​പ്പു​ര​യ്ക്ക​ലും ഒ​ന്‍​പ​തു സ​ഹോ​ദ​ര​ങ്ങ​ളും ഉ​ള്‍​പ്പെ​ടു​ന്ന കു​ടും​ബ​ത്തി​ന്‍റെ പി​താ​വ് തൊ​മ്മ​ന്‍​കൊ​ച്ച് നൂ​റാ​യു​സി​ന്‍റെ ദൈ​വ​കൃ​പ​യ്ക്ക് ന​ന്ദി പ​റ​യു​ക​യാ​ണ്.

എ​ണ്‍​പ​ത്തി​യ​ഞ്ച് വ​ര്‍​ഷം മു​ന്‍​പ് എ​ലി​ക്കു​ള​ത്തു​നി​ന്നാ​യി​രു​ന്നു മു​ള​ങ്കു​ന്നി​ലേ​ക്കു​ള്ള
ആ കു​ടി​യേ​റ്റം. തൊ​മ്മ​ന്‍​കൊച്ചിനൊ​പ്പം സ​ഹോ​ദ​ര​ങ്ങ​ളാ​യ ജോ​സ​ഫും മാ​ത്യു​വും കുഞ്ഞു​വ​ര്‍​ക്കി​യു​മു​ണ്ടാ​യി​രുന്നു.

മ​ല​നാ​ടി​ന്‍റെ ക​വാ​ട​മാ​യ പെ​രു​വ​ന്താ​നം മ​ല​യോ​ര​ത്തി​ലെ പൊ​ന്നു​വി​ള​യു​ന്ന ക​ന്നി​മ​ണ്ണി​ല്‍ തെ​ങ്ങും കു​രു​മു​ള​കും ക​വു​ങ്ങും ഇ​ഞ്ചി​യു​മാ​യി​രു​ന്നു ആ​ദ്യ​കൃ​ഷി. ഇ​ട​വി​ള​യാ​യി ക​പ്പ​യും ചേ​ന​യും ചേ​മ്പും കാ​ച്ചി​ലും. രാ​വു പ​ക​ലാ​ക്കി വി​യ​ര്‍​പ്പൊ​ഴു​ക്കി​യ കാ​ല​മാ​ണ​ത്. തൊ​മ്മ​ന്‍​കൊ​ച്ചി​നൊ​പ്പം ചോര നീ​രാ​ക്കി ജോ​ലി ചെ​യ്യാ​നു​ള്ള ക​രു​ത​ലി​ന്‍റെ മ​ന​സോ​ടെ ഭാ​ര്യ കു​ഞ്ഞേ​ലി​യു​മു​ണ്ടാ​യി​രു​ന്നു.

പ​ല നാ​ടു​ക​ളി​ല്‍​നി​ന്നും കു​ടി​യേ​റി​യെ​ത്തി​യ അ​യ​ല്‍​ക്കാ​രു​ടെ ഒ​രു​മ​യും സ്‌​നേ​ഹ​വും ക​രു​ത​ലു​മാ​യി​രു​ന്നു അ​ന്ന​ത്തെ പി​ന്‍​ബ​ലം. അ​യ​ല്‍​ക്കൂ​ട്ടം ഒ​ന്നു​ചേ​ര്‍​ന്ന് ഓ​രോ പു​ര​യി​ട​ത്തി​ലും കി​ള​ച്ചു​പ​ണി​തു കൊ​ടു​ക്കു​ന്ന മാ​റ്റാ​ള്‍​പ​ണി​യു​ടെ കാ​ല​മാ​ണ​ത്. നാ​ളി​കേ​ര​വു​മാ​യി പീ​രു​മേ​ട്ടി​ലേ​ക്കും കു​രു​മു​ള​കു​മാ​യി മു​ണ്ട​ക്ക​യ​ത്തേ​ക്കും അ​ട​യ്ക്ക​യു​മാ​യി പൊ​ന്‍​കു​ന്ന​ത്തേ​ക്കു​മൊ​ക്കെ ഭാ​ര​ച്ചാ​ക്കു​ക​ളു​മാ​യു​ള്ള ന​ട​ത്തം. അ​ത​ല്ലെ​ങ്കി​ല്‍ ച​ര​ക്കെ​ത്തി​ക്കാ​ന്‍ കാ​ള​വ​ണ്ടി​യെ ആ​ശ്ര​യി​ക്ക​ണം. മോ​ട്ടോ​ര്‍ വാ​ഹ​ന​ങ്ങ​ള്‍ അ​ക്കാ​ല​ത്ത് കെ​കെ റോ​ഡി​ല്‍ അ​ത്യ​പൂ​ര്‍​വ​മാ​യി​രു​ന്നു.

കു​ടി​യേ​റ്റ​ത്തി​ന്‍റെ ആ​ദ്യ​ദ​ശ​ക​ങ്ങ​ളി​ല്‍ വി​ശു​ദ്ധ കു​ര്‍​ബാ​നയി​ല്‍ പ​ങ്കെ​ടു​ക്കാ​ന്‍ മു​ണ്ട​ക്ക​യ​ത്തും പെ​രു​വ​ന്താ​ന​ത്തു​മൊ​ക്കെ വ​രെ ന​ട​ന്നു പോ​ക​ണം. പി​ന്നീ​ടാ​ണ് നി​ര്‍​മ​ല​ഗി​രി​യി​ല്‍ കു​രി​ശു​പ​ള്ളി​യും ഇ​ട​വ​ക​യു​മൊ​ക്കെ വ​ന്ന​ത്.

കു​ഞ്ഞ്, കു​ഞ്ഞേ​പ്പ്, തോ​മാ​ച്ച​ന്‍, ഫാ. ​ജോ​ര്‍​ജ് വാ​ണി​യ​പ്പു​ര​യ്ക്ക​ല്‍, അ​വി​രാ​ച്ച​ന്‍, മേ​രി, മാ​ര്‍ സെ​ബാ​സ്റ്റ്യ​ന്‍ വാ​ണി​യ​പ്പു​ര​യ്ക്ക​ല്‍, ആ​ന്‍റ​ണി, പ​രേ​ത​രാ​യ മ​ത്താ​യി, അ​ക്ക​മ്മ എ​ന്നി​വ​രാ​ണ് തൊ​മ്മ​ന്‍​കൊ​ച്ചി​ന്‍റെ മക്ക​ള്‍.