16ന് ബിര്‍മിംഗ്ഹാമില്‍ ഗ്രേറ്റ് ബ്രിട്ടന്‍ രൂപത പുതുതായി വാങ്ങിയ മാര്‍ യൗസേപ്പ് അജപാലന ഭവനത്തിന്‍റെയും രൂപത ആസ്ഥാനത്തിന്‍റെയും വെഞ്ചരിപ്പ് കര്‍മവും അദ്ദേഹം നിര്‍വഹിക്കും. 21ന് ബെഥേല്‍ കണ്‍വന്‍ഷന്‍ സെന്‍ററില്‍ നടക്കുന്ന വിമന്‍സ് ഫോറം വാര്‍ഷിക കണ്‍വന്‍ഷന്‍ മേജര്‍ ആര്‍ച്ച്ബിഷപ് ഉദ്ഘാടനം ചെയ്യും.
വെസ്റ്റ് മിൻസ്റ്റര്‍ ആർച്ച്ബിഷപ് കർദിനാൾ വിന്‍സന്‍റ് നിക്കോള്‍സ്, ഇംഗ്ലണ്ടിലെ വത്തിക്കാന്‍ സ്ഥാനപതി ആര്‍ച്ച്ബിഷപ് മിഗ്വല്‍ മൗറി എന്നിവരുമായും മാര്‍ റാഫേല്‍ തട്ടില്‍ കുടിക്കാഴ്ചകള്‍ നടത്തും.
ബ്രിസ്റ്റോളിലെ പുതിയ ഇടവക ദേവാലയത്തിന്‍റെ കൂദാശാകര്‍മവും രൂപതയിലെ വിവിധ റീജണുകളിലെ 15 പുതിയ മിഷന്‍കേന്ദ്രങ്ങളുടെ പ്രഖ്യാപനവും മാര്‍ തട്ടില്‍ നിര്‍വഹിക്കും. തുടര്‍ന്നുള്ള ദിവസങ്ങളില്‍ ഗ്രേറ്റ് ബ്രിട്ടൻ രൂപതയ്ക്ക് സ്വന്തമായുള്ള അഞ്ച് ഇടവകകള്‍ സന്ദര്‍ശിച്ച് വിശുദ്ധ കുര്‍ബാന അര്‍പ്പിക്കും.