18 വയസ് പിന്നിട്ടപ്പോള്‍, ചിരട്ടയിലും മരത്തിലും ശില്പങ്ങള്‍ നിര്‍മിക്കാനുള്ള മെഷീനുകള്‍ ഉള്‍പ്പെടെയുള്ള സൗകര്യങ്ങളും സജ്ജമാക്കി.
കളിപ്പാട്ടങ്ങള്‍, പാത്രങ്ങള്‍, കീചെയിനുകള്‍, ബോട്ടുകളുടെ മാതൃകകള്‍, അടുക്കള ഉപകരണങ്ങള്‍, കുടുക്ക, മൊബൈല്‍ ഹോള്‍ഡര്‍ എന്നിവയെല്ലാം മുഹമ്മദിന്‍റെ കരവിരുതില്‍ പിറന്നു.കേട്ടറിഞ്ഞവര്‍ അവന്‍റെ നിര്‍മിതികള്‍ സ്വന്തമാക്കാനെത്തി.
നിര്‍മിതികള്‍ക്കുള്ള രൂപകല്പനകള്‍ക്ക് ഇന്‍റര്‍നെറ്റിന്‍റെ സഹായം തേടും. ഷെല്‍ട്ടര്‍ ഹോമിലെ മറ്റു കുട്ടികള്‍ക്ക് കലയിലും യോഗയിലുമെല്ലാം പരിശീലനം നല്‍കാനും മുഹമ്മദ് താത്പര്യമെടുക്കുന്നുണ്ടെന്ന് ബോസ്‌കോനിലയം ഡയറക്ടര്‍ ഫാ. അഭിലാഷ് പാലക്കുടിയില്‍ പറയുന്നു.
മുഹമ്മദിന്‍റെ കലാനിര്‍മിതികള്‍ പ്രദര്‍ശിപ്പിക്കാനും ആവശ്യക്കാര്‍ക്ക് ലഭ്യമാക്കാനും പ്രത്യേക സെന്‍റര്‍ സജ്ജമാക്കാനുള്ള തയാറെടുപ്പിലാണു സലേഷ്യന്‍ വൈദികര്‍.