തി​​​രു​​​വ​​​ന​​​ന്ത​​​പു​​​രം: മ​​​നു​​​ഷ്യ​​​ജീ​​​വ​​​നും സ്വ​​​ത്തി​​​നും ഭീ​​​ഷ​​​ണി​​​യാ​​​വു​​​ന്ന വ​​​ന്യ​​​ജീ​​​വി​​​ക​​​ളെ, കാ​​​ട്ടു​​​പ​​​ന്നി​​​ക​​​ളെ കൊ​​​ല്ലു​​​ന്ന മാ​​​തൃ​​​ക​​​യി​​​ൽ വ്യ​​​വ​​​സ്ഥ​​​ക​​​ൾ​​​ക്കു വി​​​ധേ​​​യ​​​മാ​​​യി കൊ​​​ല്ലാ​​​ൻ കേ​​​ന്ദ്ര​​​ത്തി​​​ന്‍റെ അ​​​നു​​​മ​​​തി തേ​​​ടുന്നതിന് മ​​​ന്ത്രി​​​സ​​​ഭാ തീ​​​രു​​​മാ​​​നം.

ജീ​​​വ​​​നും സ്വ​​​ത്തി​​​നും നാ​​​ട്ടി​​​ലി​​​റ​​​ങ്ങി ഭീ​​​ഷ​​​ണി സൃ​​​ഷ്ടി​​​ക്കു​​​ന്ന കാ​​​ട്ടു​​​പ​​​ന്നി​​​ക​​​ളെ വെ​​​ടി​​​വച്ചു കൊ​​​ല്ലുന്നതിന് അ​​​നു​​​മ​​​തി ന​​​ൽ​​​കാ​​​ൻ ത​​​ദ്ദേ​​​ശ​​​സ്ഥാ​​​പ​​​ന അ​​​ധ്യ​​​ക്ഷ​​​ന്മാരെ ചു​​​മ​​​ത​​​ല​​​പ്പെ​​​ടു​​​ത്തി​​​യി​​​ട്ടു​​​ണ്ട്. ഇ​​​തി​​​നാ​​​യി ഓ​​​ണ​​​റ​​​റി വൈ​​​ൽ​​​ഡ് ലൈ​​​ഫ് വാ​​​ർ​​​ഡ​​​നു​​​ള്ള അ​​​ധി​​​കാ​​​ര​​​മാ​​​ണ് കേ​​​ന്ദ്ര​​​സ​​​ർ​​​ക്കാ​​​ർ അ​​​ത​​​ത് ത​​​ദ്ദേ​​​ശ​​​സ്ഥാ​​​പ​​​ന അ​​​ധ്യ​​​ക്ഷ​​​ന്മാ​​​ർ​​​ക്കും അംഗീകൃത അ​​​ധി​​​കാ​​​രം സെ​​​ക്ര​​​ട്ട​​​റി​​​മാ​​​ർ​​​ക്കും കൈ​​​മാ​​​റി​​​യി​​​ട്ടു​​​ള്ള​​​ത്.

തോക്കിന് ലൈ​​​സ​​​ൻ​​​സു​​​ള്ളവരുടെ സ​​​ഹാ​​​യ​​​ത്തോ​​​ടെ പ​​​ന്നി​​​ക​​​ളെ കൊന്നാൽ അതു സം​​​ബ​​​ന്ധി​​​ച്ച വി​​​വ​​​രം ത​​​ദ്ദേ​​​ശ​​​ സ്ഥാ​​​പ​​​ന​​​ങ്ങ​​​ൾ സൂ​​​ക്ഷി​​​ക്ക​​ണ​​മെ​​ന്നും വ്യ​​​വ​​​സ്ഥ​​​യു​​​ണ്ട്. ഇ​​​തേ മാ​​​തൃ​​​ക​​​യി​​​ൽ കു​​​ര​​​ങ്ങു​​​ക​​​ൾ, മു​​​ള്ള​​​ൻപ​​​ന്നി തു​​​ട​​​ങ്ങി ഓ​​​രോ പ്ര​​​ദേ​​​ശ​​​ത്തും ഭീ​​​ഷ​​​ണി​​​വി​​​ത​​​യ്ക്കു​​​ന്ന മൃ​​​ഗ​​​ങ്ങ​​​ളെ കൊ​​​ല്ലു​​​ന്ന​​​തി​​​നു​​​ള്ള അ​​​നു​​​മ​​​തി​​​യാ​​​ണ് കേ​​​ന്ദ്ര​​​ത്തോ​​​ടു തേ​​​ടു​​​ക.

കാ​​​ട്ടു​​​പ​​​ന്നി​​​ക​​​ളെ ഉ​​​പാ​​​ധി​​​ക​​​ളോ​​​ടെ കൊ​​​ല്ലു​​​ന്ന​​​തി​​​ന് ത​​​ദ്ദേ​​​ശ​​​സ്ഥാ​​​പ​​​ന അ​​​ധ്യ​​​ക്ഷ​​​ന്മാ​​​ർ​​​ക്കും സെ​​​ക്ര​​​ട്ട​​​റി​​​മാ​​​ർ​​​ക്കും അ​​​ധി​​​കാ​​​രം ന​​​ൽ​​​കു​​​ന്ന ഉ​​​ത്ത​​​ര​​​വി​​​ന്‍റെ കാ​​​ലാ​​​വ​​​ധി ഒ​​​രു​​​വ​​​ർ​​​ഷം കൂ​​​ടി നീ​​​ട്ടാ​​​നും മ​​​ന്ത്രി​​​സ​​​ഭ തീ​​​രു​​​മാ​​​നി​​​ച്ചു.

ഉ​​​പ​​​തെ​​​ര​​​ഞ്ഞെ​​​ടു​​​പ്പു ന​​​ട​​​ക്കാ​​​നി​​​രി​​​ക്കു​​​ന്ന നി​​​ല​​​ന്പൂ​​​രി​​​ൽ വ​​​ന്യ​​​മൃ​​​ഗശ​​​ല്യം സം​​​ബ​​​ന്ധി​​​ച്ച പ​​​രാ​​​തി വ്യാ​​​പ​​​ക​​​മാ​​​യ സാ​​​ഹ​​​ച​​​ര്യ​​​ത്തി​​​ലാ​​​ണ് ഇ​​​ക്കാ​​​ര്യ​​​ത്തി​​​ൽ കേ​​​ന്ദ്ര​​​ത്തി​​​ന്‍റെ അ​​​നു​​​മ​​​തി ഉ​​​ട​​​ന​​​ടി തേ​​​ടാ​​​ൻ മ​​​ന്ത്രി​​​സ​​​ഭ തീ​​​രു​​​മാ​​​നി​​​ച്ച​​​ത്.


ഇ​​​തോ​​​ടൊ​​​പ്പം ശ​​​ല്യ​​​ക്കാ​​​രാ​​​യ മൃ​​​ഗ​​​ങ്ങ​​​ളെ ക്ഷു​​​ദ്ര​​​ജീ​​​വി​​​യാ​​​യി പ്ര​​​ഖ്യാ​​​പി​​​ക്ക​​​ൽ, അ​​​നി​​​യ​​​ന്ത്രി​​​ത​​​മാ​​​യി പെ​​​റ്റു​​​പെ​​​രു​​​കു​​​ന്ന​​​വ​​​യു​​​ടെ ജ​​​ന​​​നനി​​​യ​​​ന്ത്ര​​​ണം തു​​​ട​​​ങ്ങി​​​യ കാ​​​ര്യ​​​ങ്ങ​​​ളി​​​ൽ സം​​​സ്ഥാ​​​ന​​​ത്തി​​​ന് അ​​​ധി​​​കാ​​​രം ല​​​ഭി​​​ക്കുംവി​​​ധം വ​​​ന്യ​​​ജീ​​​വി സം​​​ര​​​ക്ഷ​​​ണ നി​​​യ​​​മം ഭേ​​​ദ​​​ഗ​​​തി ചെ​​​യ്യാ​​​നാ​​​വു​​​മോ എ​​​ന്ന കാ​​​ര്യ​​​വും സ​​​ർ​​​ക്കാ​​​ർ ആ​​​ലോ​​​ചി​​​ക്കു​​​ന്നു​​​ണ്ട്.

നി​​​യ​​​ന്ത്രി​​​ത നാ​​​യാ​​​ട്ടി​​​ന് അ​​​നു​​​മ​​​തി ല​​​ഭി​​​ക്കുംവി​​​ധം കേ​​​ന്ദ്ര​​​നി​​​യ​​​മ​​​ത്തി​​​ൽ മാ​​​റ്റം​​​ വേ​​​ണ​​​മെ​​​ന്ന് നേ​​​ര​​​ത്തേ മു​​​ഖ്യ​​​മ​​​ന്ത്രി​ ആവശ്യപ്പെട്ടിരുന്നു.ഇ​​​ക്കാ​​​ര്യ​​​ത്തി​​​ൽ സം​​​സ്ഥാ​​​ന​​​ത്തി​​​ന് അ​​​ധി​​​കാ​​​ര​​​മി​​​ല്ലെ​​​ന്നാ​​​ണ് നേ​​​ര​​​ത്തെ നി​​​യ​​​മ​​​വ​​​കു​​​പ്പ് ഉ​​​പ​​​ദേ​​​ശം ന​​​ല്കി​​​യി​​​രു​​​ന്ന​​​ത്.

എ​​​ന്നാ​​​ൽ 42-ാം ഭ​​​ര​​​ണ​​​ഘ​​​ട​​​നാ​​​ ഭേ​​​ദ​​​ഗ​​​തി പ്ര​​​കാ​​​രം കേ​​​ന്ദ്ര​​​ത്തി​​​നും സം​​​സ്ഥാ​​​ന​​​ത്തി​​​നും അ​​​ധി​​​കാ​​​ര​​​മു​​​ള്ള സ​​​മാ​​​വ​​​ർ​​​ത്തി​​​ പ​​​ട്ടി​​​ക​​​യി​​​ലു​​​ള്ള വി​​​ഷ​​​യ​​​മാ​​​യ​​​തി​​​നാ​​​ൽ സം​​​സ്ഥാ​​​ന നി​​​യ​​​മ​​​സ​​​ഭ​​​യ്ക്ക് ഭേ​​​ദ​​​ഗ​​​തി ചെ​​​യ്യാ​​​മെ​​​ന്ന നി​​​യ​​​മോ​​​പ​​​ദേ​​​ശ​​​മാ​​​ണ് അ​​​ഡ്വ​​​ക്ക​​​റ്റ് ജ​​​ന​​​റ​​​ൽ ന​​​ല്കി​​​യി​​​ട്ടു​​​ള്ള​​​ത്.

എ​​​ജി​​​യു​​​ടെ നി​​​യ​​​മോ​​​പ​​​ദേ​​​ശ​​​ത്തി​​​ന്‍റെ അ​​​ടി​​​സ്ഥാ​​​ന​​​ത്തി​​​ൽ നി​​​യ​​​മവ​​​കു​​​പ്പ് സെ​​​ക്ര​​​ട്ട​​​റി​​​യു​​​മാ​​​യി കൂ​​​ടി​​​യാ​​​ലോ​​​ചി​​​ച്ച് നി​​​യ​​​മ​​​നി​​​ർ​​​മാ​​​ണ​​​ത്തി​​​നു​​​ള്ള നി​​​ർ​​​ദേ​​​ശം സ​​​മ​​​ർ​​​പ്പി​​​ക്കാ​​​ൻ വ​​​നം അ​​​ഡീ​​​ഷ​​​ണ​​​ൽ ചീ​​​ഫ് സെ​​​ക്ര​​​ട്ട​​​റി​​​യെ മ​​​ന്ത്രി​​​സ​​​ഭ ചു​​​മ​​​ത​​​ല​​​പ്പെ​​​ടു​​​ത്തി.