ചെ​ന്നൈ: പ്ര​ശ​സ്ത പി​ന്ന​ണി​ഗാ​യി​ക വാ​ണി ജ​യ​റാം (78) അ​ന്ത​രി​ച്ചു. ചെ​ന്നൈ​യി​ലെ നു​ങ്കം​പാ​ക്ക​ത്ത് ഹാ​ഡോ​സ് റോ​ഡി​ലെ അ​പ്പാ​ർ​ട്ട്മെ​ന്‍റി​ൽ ഇ​ന്ന​ലെ രാ​വി​ലെ പ​തി​നൊ​ന്നു​മ​ണി​യോ​ടെ മ​രി​ച്ച നി​ല​യി​ൽ ക​ണ്ടെ​ത്തു​ക​യാ​യി​രു​ന്നു. നെ​റ്റി​യി​ലും ഇ​ട​ത്തെ തോ​ളി​ലും പ​രി​ക്കു​ക​ൾ ശ്ര​ദ്ധ​യി​ൽ​പ്പെ​ട്ട​തി​നെ​ത്തു​ട​ർ​ന്ന് അ​സ്വാ​ഭാ​വി​ക മ​ര​ണ​ത്തി​നു പോ​ലീ​സ് കേ​സെ​ടു​ത്തു. സം​സ്കാ​രം ഇ​ന്നു​ച്ച​യ്ക്കു ചെ​ന്നൈ​യി​ൽ.

അ​ഞ്ചു ദ​ശ​കം നീ​ണ്ട പി​ന്ന​ണി​ഗാ​നാ​ലാ​പ​ന സ​പ​ര്യ​യി​ൽ ആ​യി​ര​ത്തി​ലേ​റെ ചി​ത്ര​ങ്ങ​ളി​ലാ​യി പ​തി​നാ​യി​ര​ത്തി​ലേ​റെ ഗാ​ന​ങ്ങ​ൾ​ക്കു ശ​ബ്ദ​മാ​യി​ട്ടു​ണ്ടീ വി​ശ്രു​ത ഗാ​യി​ക. മ​ല​യാ​ള​ത്തി​നു പു​റ​മേ ത​മി​ഴ്, തെ​ലു​ങ്ക്, ക​ന്ന​ഡ, ഹി​ന്ദി, ബം​ഗാ​ളി, ആ​സാ​മീ​സ്, ഗു​ജ​റാ​ത്തി, ഒ​ഡി​യ തു​ട​ങ്ങി പ​ത്തൊ​ൻ​പ​ത് ഭാ​ഷ​ക​ളി​ലാ​യി പ്ര​വ​ഹി​ച്ച സ്വ​ര​മാ​ധു​രി​യെ ക​ഴി​ഞ്ഞ റി​പ്പ​ബ്ലി​ക് ദി​ന​ത്തി​ൽ രാ​ജ്യം പ​ദ്മ​ഭൂ​ഷ​ൺ ന​ൽ​കി ആ​ദ​രി​ച്ചി​രു​ന്നു.

ത​മി​ഴ്നാ​ട്ടി​ലെ വെ​ല്ലൂ​രി​ൽ 1945ലാ​ണ് ജ​ന​നം. ക​ലൈ​വാ​ണി എ​ന്നാ​ണ് യ​ഥാ​ർ​ഥ പേ​ര്. അ​ച്ഛ​ൻ ദൊ​രൈ​സ്വാ​മി കോ​ൽ​ക്ക​ത്ത​യി​ലെ ഇ​ൻ​ഡോ-​ജ​പ്പാ​ൻ സ്റ്റീ​ൽ ക​ന്പ​നി ഉ​ദ്യോ​ഗ​സ്ഥ​നാ​യി​രു​ന്നു. സം​ഗീ​ത​ജ്ഞ​യാ​യി​രു​ന്ന അ​മ്മ പ​ദ്മാ​വ​തി​യാ​ണ് വാ​ണി​യു​ടെ ആ​ദ്യ​ഗു​രു. ബി​രു​ദ​പ​ഠ​ന​ത്തി​നു​ശേ​ഷം എ​സ്ബി​ഐ​യി​ൽ ചേ​ർ​ന്നു.

മും​ബൈ സ്വ​ദേ​ശിയായ ജ​യ​റാ​മു​മാ​യു​ള്ള വി​വാ​ഹ​ത്തോ​ടെ​യാ​ണ് വാ​ണി ജ​യ​റാ​മാ​കു​ന്ന​ത്. സി​ത്താ​ർ വി​ദ​ഗ്ധ​ൻ​കൂ​ടി​യാ​യ അ​ദ്ദേ​ഹ​ത്തി​ന്‍റെ പി​ന്തു​ണ​യാ​ണ് ലോ​ക​മ​റി​യു​ന്ന പി​ന്ന​ണി​ഗാ​യി​ക​യി​ലേ​ക്കു​ള്ള വ​ള​ർ​ച്ച​യ്ക്കു പി​ന്നി​ൽ. വാ​ണി-​ജ​യ​റാം ദ​ന്പ​തി​ക​ൾ​ക്കു മ​ക്ക​ളി​ല്ല.


1971ൽ ​പു​റ​ത്തി​റ​ങ്ങി​യ ഗു​ഡ്ഡി എ​ന്ന ഹി​ന്ദി​ചി​ത്ര​ത്തി​ലൂ​ടെ​യാ​ണ് പി​ന്ന​ണി ഗാ​ന​രം​ഗ​ത്തു ചു​വ​ടു​റ​പ്പി​ക്കു​ന്ന​ത്. തു​ട​ർ​ന്ന് തെ​ന്നി​ന്ത്യ​ൻ ഭാ​ഷാ​സി​നി​മ​ക​ളി​ലെ നി​റ​സാ​ന്നി​ധ്യ​മാ​യി മാ​റി. ഏ​ഴു​സ്വ​ര​ങ്ങ​ൾ (1975), ശ​ങ്ക​രാ​ഭ​ര​ണം (1980), സ്വാ​തി​കി​ര​ണം (1991) എ​ന്നീ ചി​ത്ര​ങ്ങ​ളി​ലൂ​ടെ മൂ​ന്നു​ത​വ​ണ മി​ക​ച്ച ഗാ​യി​ക​യ്ക്കു​ള്ള ദേ​ശീ​യ പു​ര​സ്കാ​രം സ്വ​ന്ത​മാ​ക്കി; ഒ​ട്ടേ​റെ സം​സ്ഥാ​ന പു​ര​സ്കാ​ര​ങ്ങ​ളും.

ഭ​ർ​ത്താ​വി​ന്‍റെ മ​ര​ണ​ശേ​ഷം ഏ​താ​നും വ​ർ​ഷ​ങ്ങ​ളാ​യി ചെ​ന്നൈ​യി​ലെ അ​പ്പാ​ർ​ട്ട്മെ​ന്‍റി​ൽ ത​നി​ച്ചാ​യി​രു​ന്നു താ​മ​സം. ഇ​ന്ന​ലെ രാ​വി​ലെ 11 മ​ണി​യോ​ടെ സ​ഹാ​യി​യാ​യ സ്ത്രീ ​വീ​ട്ടി​ലെ​ത്തി​യ​തോ​ടെ​യാ​ണു മ​ര​ണം പു​റം​ലോ​ക​മ​റി​യു​ന്ന​ത്. കോ​ളിം​ഗ് ബെ​ല്ലി​ലും ഫോ​ണി​ലും പ്ര​തി​ക​രി​ക്കാ​ത്ത​തി​നെ​ത്തു​ട​ർ​ന്ന് സ​ഹാ​യി ആ​ൽ​വാ​ർ​പേ​ട്ടി​ൽ താ​മ​സി​ക്കു​ന്ന ബ​ന്ധു​ക്ക​ളെ​യും പോ​ലീ​സി​നെ​യും വി​വ​ര​മ​റി​യി​ച്ചു. തു​ട​ർ​ന്ന് വീ​ടു​തു​റ​ന്ന് പ​രി​ശോ​ധി​ച്ച​പ്പോ​ഴാ​ണ് നി​ല​ത്ത് മൃ​ത​ദേ​ഹം ക​ണ്ടെ​ത്തി​യ​ത്.

കി​ട​ക്ക​യി​ൽ​നി​ന്നു താ​ഴെ വീ​ണ​താ​ണ് പ​രി​ക്കി​നു കാ​ര​ണ​മെ​ന്നു പോ​ലീ​സ് സം​ശ​യി​ക്കു​ന്നു. ഗാ​യി​ക​യ്ക്കു കാ​ര്യ​മാ​യ ആ​രോ​ഗ്യ​പ്ര​ശ്ന​ങ്ങ​ളൊ​ന്നു​മു​ണ്ടാ​യി​രു​ന്നി​ല്ല. പ​ദ്മ​ഭൂ​ഷ​ൻ പു​ര​സ്കാ​രം ല​ഭി​ച്ച​ശേ​ഷം ഫോ​ണി​ൽ അ​ഭി​ന​ന്ദ​ന​പ്ര​വാ​ഹം നി​ല​ച്ചി​രു​ന്നി​ല്ല എ​ന്നും ബ​ന്ധു​ക്ക​ൾ പ​റ​ഞ്ഞു.
ച​ല​ച്ചി​ത്ര, സാ​മൂ​ഹ്യ, രാ​ഷ്‌​ട്രീ​യ രം​ഗ​ങ്ങ​ളി​ലെ പ്ര​മു​ഖ​ർ വാ​ണി ജ​യ​റാ​മി​ന്‍റെ നി​ര്യാ​ണ​ത്തി​ൽ അ​നു​ശോ​ച​നം അ​റി​യി​ച്ചു.