രാഷ്‌ട്രപതിയും പ്രധാനമന്ത്രിയും ദുഃഖം രേഖപ്പെടുത്തി : Deepika.com National News |

Click here for detailed news of all items

രാഷ്‌ട്രപതിയും പ്രധാനമന്ത്രിയും ദുഃഖം രേഖപ്പെടുത്തി

Saturday, June 3, 2023 1:52 AM IST

ന്യൂഡൽഹി: ഒഡീഷയിലെ ബാലസോറിലുണ്ടായ ട്രെയിനപകടത്തിൽ രാഷ്‌ട്രപതി ദ്രൗപതി മുർമുവും പ്രധാനമന്ത്രി നരേന്ദ്രമോദിയും ദുഃഖവും നടുക്കവും രേഖപ്പെടുത്തി. അപകടത്തിൽ മരിച്ചവരുടെ ദുഃഖത്തിൽ പങ്കുചേരുന്നതായി രാഷ്‌ട്രപതി പറഞ്ഞു.

ദുഃഖത്തിന്‍റെ ഈ നിമിഷങ്ങളിൽ മരിച്ചവരുടെ കുടുംബാംഗങ്ങൾക്കൊപ്പമാണു താനെന്നും പരിക്കേറ്റവർ എത്രയും വേഗം സുഖംപ്രാപിക്കട്ടേയെന്ന് പ്രാർത്ഥിക്കുന്നതായും പ്രധാനമന്ത്രി ട്വിറ്ററിൽ കുറിച്ചു. റെയിൽവേ മന്ത്രി അശ്വിനി വൈഷ്ണവുമായി സംസാരിച്ചു സ്ഥിതിഗതികൾ വിലയിരുത്തിയെന്നും രക്ഷാപ്രവർത്തനം പുരോഗമിക്കുകയാണെന്നും അപകടത്തിൽപ്പെട്ടവർക്ക് എല്ലാവിധ സഹായവും ലഭ്യമാക്കുമെന്നും പ്രധാനമന്ത്രി വ്യക്തമാക്കി.

ദുരന്തത്തിൽ നടുക്കം രേഖപ്പെടുത്തിയ കേന്ദ്ര ആഭ്യന്തരമന്ത്രി അമിത്‌ ഷാ രക്ഷാപ്രവർത്തനത്തിന് കേന്ദ്രത്തിന്‍റെ എല്ലാ സഹായവും ഉറപ്പുനൽകി.

അതേസമയം, കേന്ദ്ര റെയിൽവേമന്ത്രി അശ്വിനി വൈഷ്ണവ് പുലർച്ചെയോടെ ബാലസോറിലെത്തി. റെയിൽബോർഡ് ചെയർമാൻ അനിൽകുമാർ ലഹോട്ടിയും മന്ത്രിക്കൊപ്പമുണ്ട്. എത്രയുംവേഗം സ്ഥലത്തെത്തി രക്ഷാപ്രവർത്തനത്തിനു മേൽനോട്ടം വഹിക്കാൻ ഉന്നത റെയിൽവേ ഉദ്യോഗസ്ഥർക്കു നേരത്തേ മന്ത്രി നിർദേശം നൽകിയിരുന്നു. രക്ഷാപ്രവർത്തനത്തിൽ പങ്കെടുക്കാൻ വ്യോമസേനയോടും അഭ്യർത്ഥിച്ചതായി മന്ത്രി അറിയിച്ചു.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.