ന്യൂ​ഡ​ൽ​ഹി: ചൂ​ട് അ​നു​ദി​നം ക​ഠി​ന​മാ​കു​ന്ന​തും വേ​ന​ൽ​മ​ഴ​യി​ൽ ഗ​ണ്യ​മാ​യ കു​റ​വ് അ​നു​ഭ​വ​പ്പെ​ടു​ന്നതും ആ​ശ​ങ്ക​യ്ക്കി​ട​യാ​ക്കു​ന്ന​തി​നി​ടെ ആ​ശ്വാ​സ നി​രീ​ക്ഷ​ണ​വു​മാ​യി കേ​ന്ദ്ര കാ​ലാ​വ​സ്ഥാ വ​കു​പ്പും സ്വ​കാ​ര്യ കാ​ലാ​വ​സ്ഥാ മു​ന്ന​റി​യി​പ്പ് ഏ​ജ​ൻ​സി​സാ​യ സ്കൈ​മെ​റ്റും.

ഇ​ക്കു​റി രാ​ജ്യ​ത്തു കാ​ല​വ​ർ​ഷം പ​തി​വി​ലും നേ​ര​ത്തേ എ​ത്താ​നാ​ണു സാ​ധ്യ​ത​യെ​ന്നും ക​ഴി​ഞ്ഞ വ​ർ​ഷ​ത്തേ​ക്കാ​ളും മെ​ച്ച​പ്പെ​ട്ട കാ​ല​വ​ർ​ഷം ഇ​ക്കു​റി ല​ഭി​ക്കു​മെ​ന്നു​മാ​ണ് ഇ​വ​രു​ടെ പ്ര​വ​ച​നം. മേ​യ് പ​കു​തി വ​രെ നി​ല​വി​ലെ ചൂ​ട് തു​ട​രും. തു​ട​ർ​ന്ന് ഏ​തു​സ​മ​യ​ത്തും കാ​ല​വ​ർ​ഷ​മെ​ത്താം.


ആ​ഗോ​ള കാ​ലാ​വ​സ്ഥ​യെ പ്ര​തി​കൂ​ല​മാ​യി ബാ​ധി​ക്കു​ന്ന, സ​മു​ദ്രോ​പ​രി​ത​ല​ത്തി​ൽ അ​സാ​ധാ​ര​ണ​മാ​യ ചൂ​ട് അ​നു​ഭ​വ​പ്പെ​ടു​ന്ന പ്ര​തി​ഭാ​സ​മാ​യ എ​ൽ​നി​നോ ദു​ർ​ബ​ല​മാ​യ​താ​ണു കാ​ല​വ​ർ​ഷം നേ​ര​ത്തെ​യെ​ത്താ​ൻ കാ​ര​ണ​മാ​യി വി​ദ​ഗ്ധ​ർ ചൂ​ണ്ടി​ക്കാ​ട്ടു​ന്ന​ത്.

എ​ൽ​നി​നോ ദു​ർ​ബ​ല​മാ​യാ​ൽ എ​തി​ർ പ്ര​തി​ഭാ​സ​മാ​യ ലാ ​നി​നോ രൂ​പ​പ്പെ​ടാ​മെ​ന്നും ഇ​ത് അ​ധി​കം മ​ഴ ല​ഭി​ക്കാ​നി​ട​യാ​ക്കു​മെ​ന്നും നി​ഗ​മ​ന​മു​ണ്ട്.