ജോ​ർ​ജ് ക​ള്ളി​വ​യ​ലി​ൽ

ന്യൂ​ഡ​ൽ​ഹി: പ്ര​തി​പ​ക്ഷ എം​പി​മാ​രെ​യും എം​എ​ൽ​എ​മാ​രെ​യും നേ​താ​ക്ക​ളെ​യും കൂ​റു​മാ​റ്റി​ച്ച് തെ​ര​ഞ്ഞെ​ടു​പ്പി​ൽ നേ​ട്ട​മു​ണ്ടാ​ക്കി​യി​രു​ന്ന ബി​ജെ​പി​ക്ക് ക​ഴി​ഞ്ഞ ലോ​ക്സ​ഭാ തെ​ര​ഞ്ഞെ​ടു​പ്പി​ലും നി​യ​മ​സ​ഭാ ഉ​പ​തെ​ര​ഞ്ഞെ​ടു​പ്പു​ക​ളി​ലും തി​രി​ച്ച​ടി.

ലോ​ക്സ​ഭാ തെ​ര​ഞ്ഞെ​ടു​പ്പി​ൽ കൂ​റു​മാ​റി​യെ​ത്തി ബി​ജെ​പി ടി​ക്ക​റ്റി​ൽ മ​ത്സ​രി​ച്ച 63 ശ​ത​മാ​നം പേ​രും തോ​റ്റുതൊ​പ്പി​യി​ട്ടു. ക​ഴി​ഞ്ഞ​യാ​ഴ്ച ഏ​ഴു സം​സ്ഥാ​ന​ങ്ങ​ളി​ലാ​യി ന​ട​ന്ന നി​യ​മ​സ​ഭാ ഉ​പ​തെ​ര​ഞ്ഞെ​ടു​പ്പു​ക​ളി​ലും ബി​ജെ​പി​യു​ടെ കൂ​റു​മാ​റ്റ സ്ഥാ​നാ​ർ​ഥി​ക​ളി​ൽ മ​ഹാ​ഭൂ​രി​പ​ക്ഷം പേ​രും ക​ന​ത്ത തോ​ൽ​വി​യാ​ണു നേ​രി​ട്ട​ത്.

തെ​ര​ഞ്ഞെ​ടു​പ്പു രാ​ഷ്‌​ട്രീ​യ​ത്തി​ൽ കു​തി​ര​ക്ക​ച്ച​വ​ട​വും കൂ​റു​മാ​റ്റ​വും ബൂ​മ​റാം​ഗ് പോ​ലെ തി​രി​ച്ച​ടി​ക്കു​ന്ന​താ​യാ​ണു ബി​ജെ​പി നേ​തൃ​ത്വ​ത്തി​ന്‍റെ വി​ല​യി​രു​ത്ത​ൽ. 2016 മു​ത​ൽ 2023 വ​രെ കൂ​റു​മാ​റ്റ​ക്കാ​രി​ൽ ഭൂ​രി​പ​ക്ഷ​വും വി​ജ​യി​ച്ചി​രു​ന്ന സ്ഥി​തി​വി​ശേ​ഷ​മാ​ണ് 2024ലെ ​ലോ​ക്സ​ഭാ തെ​ര​ഞ്ഞെ​ടു​പ്പ് മു​ത​ൽ ത​കി​ടം മ​റി​ഞ്ഞ​ത്.

ക​ഴി​ഞ്ഞ ലോ​ക്സ​ഭാ തെ​ര​ഞ്ഞെ​ടു​പ്പോ​ടെ കാ​ലു​മാ​റ്റ​ക്കാ​രു​ടെ ഗ​തി വീ​ണ്ടും മോ​ശ​മാ​യി. ചാ​ഞ്ചാ​ട്ട​ക്കാ​രി​ലേ​റെ പേ​രെ​യും ഇ​ത്ത​വ​ണ വോ​ട്ട​ർ​മാ​ർ കൈ​വി​ട്ടു. ക​ഴി​ഞ്ഞ ലോ​ക്സ​ഭാ തെ​ര​ഞ്ഞെ​ടു​പ്പി​ൽ ബി​ജെ​പി ടി​ക്ക​റ്റ് ന​ൽ​കി​യ കൂ​റു​മാ​റി​യെ​ത്തി​വ​രി​ൽ 37 ശ​ത​മാ​നം പേ​ർ മാ​ത്ര​മാ​ണു ജ​യി​ച്ച​ത്. മ​റ്റു പാ​ർ​ട്ടി​ക​ളി​ൽ​നി​ന്ന് കൂ​റു​മാ​റി​യെ​ത്തി​യ 110 പേ​രെ ബി​ജെ​പി സ്ഥാ​നാ​ർ​ഥി​ക​ളാ​ക്കി​യെ​ങ്കി​ലും 69 പേ​രും (63%) തോ​റ്റു.

യു​പി​യി​ൽ ബി​ജെ​പി ടി​ക്ക​റ്റി​ൽ മ​ത്സ​രി​ച്ച 22 കാ​ലു​മാ​റ്റ​ക്കാ​രി​ൽ 12 പേ​രും പ​രാ​ജ​യം രു​ചി​ച്ചു. മ​ഹാ​രാ​ഷ്‌​ട്ര, പ​ഞ്ചാ​ബ്, ത​മി​ഴ്നാ​ട്, കേ​ര​ളം എ​ന്നി​വി​ട​ങ്ങ​ളി​ൽ ബി​ജെ​പി രം​ഗ​ത്തി​റ​ക്കി​യ കൂ​റു​മാ​റ്റ​ക്കാ​രാ​യ എ​ല്ലാ​വ​രെ​യും വോ​ട്ട​ർ​മാ​ർ പ​രാ​ജ​യ​പ്പെ​ടു​ത്തി. കോ​ണ്‍ഗ്ര​സ് അ​ട​ക്ക​മു​ള്ള പ്ര​തി​പ​ക്ഷ പാ​ർ​ട്ടി​ക​ൾ ദു​ർ​ബ​ല​മാ​യ​തും ബി​ജെ​പി​ക്ക് ശ​ക്തി​യു​ള്ള​തു​മാ​യ മ​ണ്ഡ​ല​ങ്ങ​ളി​ൽ മ​ത്സ​രി​ച്ച 41 പേ​ർ മാ​ത്ര​മാ​ണു ലോ​ക്സ​ഭ​യി​ലെ​ത്തി​യ​ത്.

എ​ന്നാ​ൽ, 2016നും 2020​നും ഇ​ട​യി​ൽ കൂ​റു​മാ​റി​യ 433 എം​എ​ൽ​എ​മാ​രി​ൽ പ​കു​തി​യി​ലേ​റെ പേ​രും (52%) സീ​റ്റ് നി​ല​നി​ർ​ത്തി​യി​രു​ന്നു. 2016 മു​ത​ൽ നാ​ലു വ​ർ​ഷ​ക്കാ​ലം 357 പേ​ർ എം​എ​ൽ​എ​മാ​ർ ആ​യി​രി​ക്കെ​യാ​ണ് ബി​ജെ​പി​യി​ലേ​ക്കു കാ​ലു​മാ​റി​യ​ത്. ബി​ജെ​പി​യി​ൽ ചേ​ർ​ന്നു നേ​ട്ട​മു​ണ്ടാ​ക്കാ​ൻ ശ്ര​മി​ച്ച ഈ 357 ​എം​എ​ൽ​എ​മാ​രി​ൽ 170 പേ​ർ (48%) ജ​യി​ച്ചു. ശേ​ഷി​ച്ച 187 എം​എ​ൽ​എ​മാ​രും തോ​റ്റു.


ക​ഴി​ഞ്ഞ​ദി​വ​സം ഫ​ലം പ്ര​ഖ്യാ​പി​ച്ച 13 നി​യ​മ​സ​ഭാ ഉ​പ​തെ​ര​ഞ്ഞെ​ടു​പ്പു​ക​ളി​ൽ ബി​ജെ​പി ടി​ക്ക​റ്റി​ൽ മ​ത്സ​രി​ച്ച ആ​റു കൂ​റു​മാ​റ്റ​ക്കാ​രി​ൽ നാ​ലു​പേ​രും ദ​യ​നീ​യ​മാ​യി പ​രാ​ജ​യ​പ്പെ​ട്ടു. ലോ​ക്സ​ഭാ തെ​ര​ഞ്ഞെ​ടു​പ്പി​ൽ എ​ല്ലാ സീ​റ്റു​ക​ളും ജ​യി​ച്ച് ബി​ജെ​പി തൂ​ത്തു​വാ​രി​യ ഹി​മാ​ച​ൽ പ്ര​ദേ​ശി​ലും ഉ​ത്ത​രാ​ഖ​ണ്ഡി​ലും ബി​ജെ​പി​യു​ടെ കൂ​റു​മാ​റ്റ​ക്കാ​രെ ജ​നം വീ​ട്ടി​ലി​രു​ത്തി. ഉ​ത്ത​രാ​ഖ​ണ്ഡി​ലെ ബി​ജെ​പി കോ​ട്ട​യെ​ന്നു ക​രു​തി​യി​രു​ന്ന ബ​ദ​രീ​നാ​ഥി​ൽ കൂ​റു​മാ​റി​യെ​ത്തി​യ ബി​ജെ​പി സ്ഥാ​നാ​ർ​ഥി രാ​ജേ​ന്ദ്ര ഭ​ണ്ഡാ​രിക്കു ക​ന​ത്ത തോ​ൽ​വി​യാ​ണു നേ​രി​ട്ട​ത്.

ഹി​മാ​ച​ൽ പ്ര​ദേ​ശി​ലും അ​ടു​ത്തി​ടെ ബി​ജെ​പി​യി​ലേ​ക്കു ചേ​രി​മാ​റി​യ ഹോ​ഷി​യാ​ർ സിം​ഗും ക്രി​ഷ​ൻ ലാ​ൽ ഠാ​ക്കൂ​റും കോ​ണ്‍ഗ്ര​സ് സ്ഥാ​നാ​ർ​ഥി​ക​ളോ​ടു ദ​യ​നീ​യ​മാ​യി തോ​റ്റു. ഹാ​മി​ർ​പു​രി​ലെ ബി​ജെ​പി സ്ഥാ​നാ​ർ​ഥി ആ​ശി​ഷ് ശ​ർ​മ മാ​ത്ര​മാ​ണ് കൂ​റു​മാ​റ്റ​ക്കാ​രി​ൽ ക​ഷ്‌​ടി​ച്ചു ജ​യി​ച്ച​ത്. എ​ന്നാ​ൽ പ​ശ്ചി​മ​ബം​ഗാ​ളി​ൽ ബി​ജെ​പി വി​ട്ട് തൃ​ണമൂൽ കോ​ണ്‍ഗ്ര​സി​ലെ​ത്തി മ​ത്സ​രി​ച്ച​വ​രെ​ല്ലാം ജ​യി​ച്ചു. ബം​ഗാ​ളി​ൽ ഉ​പ​തെ​ര​ഞ്ഞെ​ടു​പ്പ് ന​ട​ന്ന നാ​ലി​ൽ നാ​ലു സീ​റ്റു​ക​ളി​ലും ബി​ജെ​പി​യെ ത​ക​ർ​ത്ത് മ​മ​ത ബാ​ന​ർ​ജി​യു​ടെ ടി​എം​സി തൂ​ത്തു​വാ​രി​യ​തും കേ​ന്ദ്ര​ത്തി​ലെ ഭ​ര​ണ​ക​ക്ഷി​ക്കു ക​ന​ത്ത പ്ര​ഹ​ര​മാ​യി.

ഉ​ത്ത​രേ​ന്ത്യ​യി​ൽ കു​പ്ര​സി​ദ്ധി നേ​ടി​യ ആ​യാ​റാം ഗ​യാ​റാം രാ​ഷ്‌​ട്രീ​യം ബി​ജെ​പി​യു​ടെ ശ​ക്തി​കേ​ന്ദ്ര​ങ്ങ​ളാ​യ ഹി​ന്ദി മേ​ഖ​ല​യി​ൽ​പ്പോ​ലും ഇ​നി ചെ​ല​വാ​കി​ല്ലെ​ന്നാ​ണ് പു​തി​യ ജ​ന​വി​ധി​ക​ളു​ടെ സൂ​ച​ന. രാ​ഷ്‌​ട്രീ​യ കു​തി​ര​ക്ക​ച്ച​വ​ടം ജ​നം അം​ഗീ​ക​രി​ക്കി​ല്ലെ​ന്ന​താ​ണു പു​തി​യ ഫ​ല​സൂ​ച​ന. 2014ൽ ​ന​രേ​ന്ദ്ര മോ​ദി സ​ർ​ക്കാ​ർ അ​ധി​കാ​ര​ത്തി​ലെ​ത്തി​യ​തു​മു​ത​ൽ ബി​ജെ​പി​യി​ലേ​ക്കു​ള്ള കാ​ലു​മാ​റ്റം കൂ​ടി​യി​രു​ന്നു.

കേ​ന്ദ്ര അ​ന്വേ​ഷ​ണ ഏ​ജ​ൻ​സി​ക​ളും ആ​ദാ​യ​നി​കു​തി വ​കു​പ്പും മു​ത​ൽ നേ​രി​ട്ടും പ​രോ​ക്ഷ​വു​മാ​യ ഭീ​ഷ​ണി​ക​ളും വ​ൻ​തോ​തി​ലു​ള്ള പ​ണ​വും മ​ന്ത്രി​സ്ഥാ​നം അ​ട​ക്ക​മു​ള്ള പ്ര​ലോ​ഭ​ന​ങ്ങ​ളും ഉ​പ​യോ​ഗി​ച്ചാ​യി​രു​ന്നു കൂ​റു​മാ​റ്റം പ്രോ​ത്സാ​ഹി​പ്പി​ച്ച​തെ​ന്ന് പ്ര​തി​പ​ക്ഷം ആ​രോ​പി​ക്കു​ന്നു.

മ​ഹാ​രാ​ഷ്‌​ട്ര, മ​ധ്യ​പ്ര​ദേ​ശ്, ക​ർ​ണാ​ട​ക, മ​ണി​പ്പു​ർ, ഗോ​വ, അ​രു​ണാ​ച​ൽ​പ്ര​ദേ​ശ് തു​ട​ങ്ങി​യ സം​സ്ഥാ​ന​ങ്ങ​ളി​ലെ പ്ര​തി​പ​ക്ഷ സ​ർ​ക്കാ​രു​ക​ൾ കൂ​റു​മാ​റ്റ​ത്തി​ലൂ​ടെ ത​ക​ർ​ത്താ​ണു ബി​ജെ​പി​യും സ​ഖ്യ​ക​ക്ഷി​ക​ളും അ​ധി​കാ​രം പി​ടി​ച്ച​ത്. പ്ര​തി​പ​ക്ഷ എം​പി​മാ​രി​ൽ പ​ല​രെ​യും റാ​ഞ്ചി​യെ​ടു​ത്താ​ണു രാ​ജ്യ​സ​ഭ​യി​ലും ബി​ജെ​പി അം​ഗ​ബ​ലം കൂ​ട്ടി​യ​ത്.