സം​വ​ര​ണ വി​ഭാ​ഗ​ങ്ങ​ളു​ടെ ഉ​പ​വി​ഭാ​ഗീ​ക​ര​ണ​വു​മാ​യി ബ​ന്ധ​പ്പെ​ട്ട മ​റ്റു കാ​ര്യ​ങ്ങ​ൾ കോ​ണ്‍ഗ്ര​സ് ച​ർ​ച്ച ചെ​യ്യു​ക​യാ​ണെ​ന്നും വി​വി​ധ സം​സ്ഥാ​ന​ങ്ങ​ളി​ലെ ബു​ദ്ധി​ജീ​വി​ക​ളു​മാ​യും നേ​താ​ക്ക​ളു​മാ​യും ച​ർ​ച്ച ചെ​യ്ത​ശേ​ഷം തു​ട​ർ​ന​ട​പ​ടി​ക​ൾ തീ​രു​മാ​നി​ക്കു​മെ​ന്നും ഖാ​ർ​ഗെ പ​റ​ഞ്ഞു. അ​തേ​സ​മ​യം, പ​ട്ടി​ക​ജാ​തി-വ​ർ​ഗ സം​വ​ര​ണ​ത്തി​ൽ ക്രീ​മി​ലെ​യ​റി​നു വ്യ​വ​സ്ഥ​യി​ല്ലെ​ന്ന് പ്ര​ധാ​ന​മ​ന്ത്രി ന​രേ​ന്ദ്ര​ മോ​ദി​യു​ടെ അ​ധ്യ​ക്ഷ​ത​യി​ൽ ന​ട​ന്ന കേ​ന്ദ്ര മ​ന്ത്രി​സ​ഭാ​യോ​ഗം വി​ല​യി​രു​ത്തി.

ഭ​ര​ണ​ഘ​ട​ന​യി​ലെ വ്യ​വ​സ്ഥ​ക​ളോ​ട് എ​ൻ​ഡി​എ സ​ർ​ക്കാ​ർ ഉ​റ​ച്ചു​നി​ൽ​ക്കു​ന്നു​വെ​ന്ന് മ​ന്ത്രി​സ​ഭാ യോ​ഗ​ത്തി​നു​ശേ​ഷം വാ​ർ​ത്താ​വി​ത​ര​ണ മ​ന്ത്രി അ​ശ്വി​നി വൈ​ഷ്ണ​വ് പ​റ​ഞ്ഞു. ഇ​ക്കാ​ര്യ​ത്തി​ൽ നി​യ​മ​നി​ർ​മാ​ണ​ത്തി​ന് ആ​ലോ​ചി​ക്കു​ന്നു​ണ്ടോ​യെ​ന്ന ചോ​ദ്യ​ത്തി​ന്, മ​ന്ത്രി​സ​ഭാ​യോ​ഗ​ത്തി​ൽ ച​ർ​ച്ച ചെ​യ്ത കാ​ര്യ​ങ്ങ​ൾ വി​ശ​ദീ​ക​രി​ച്ചു​വെ​ന്ന മ​റു​പ​ടി​യി​ലൂ​ടെ മ​ന്ത്രി ഒ​ഴി​ഞ്ഞു​മാ​റി. ഇ​തോ​ടെ, നി​യ​മ​നി​ർ​മാ​ണം ഇ​ല്ലാ​തെ ന​ട​പ്പാ​ക്കി​ല്ലെ​ന്ന പ്ര​സ്താ​വ​ന​യി​ൽ അ​വ്യ​ക്ത​ത​യു​ണ്ടെ​ന്ന് പ്ര​തി​പ​ക്ഷ പാ​ർ​ട്ടി​ക​ൾ ക​രു​തു​ന്നു. സു​പ്രീം​കോ​ട​തി ഭ​ര​ണ​ഘ​ട​നാ ബെ​ഞ്ചി​ന്‍റെ ഭൂ​രി​പ​ക്ഷ നി​ർ​ദേ​ശം ന​ട​പ്പാ​ക്കാ​ൻ ഏ​തെ​ങ്കി​ലും സം​സ്ഥാ​നം തീ​രു​മാ​നി​ച്ചാ​ൽ അ​തി​നു ത​ട​സ​മി​ല്ലെ​ന്ന് നി​യ​മ​വി​ദ​ഗ്ധ​രും ചൂ​ണ്ടി​ക്കാ​ട്ടി.

പ​ട്ടി​ക​ജാ​തി-വ​ർ​ഗ വി​ഭാ​ഗ​ങ്ങ​ളി​ലെ മേ​ൽ​ത്ത​ട്ടു​കാ​രെ ക​ണ​ക്കു​ക​ളു​ടെ അ​ടി​സ്ഥാ​ന​ത്തി​ൽ ത​രം​തി​രി​ക്കു​ന്ന​തി​ന് (ഉ​പവ​ർ​ഗീ​ക​ര​ണം) ചീ​ഫ് ജ​സ്റ്റീ​സ് ഡി.​വൈ. ച​ന്ദ്ര​ചൂ​ഡി​ന്‍റെ നേ​തൃ​ത്വ​ത്തി​ലു​ള്ള ഏ​ഴം​ഗ ഭ​ര​ണ​ഘ​ട​നാ ബെ​ഞ്ച് 6: 1 ഭൂ​രി​പ​ക്ഷ വി​ധി​യി​ൽ നി​ർ​ദേ​ശി​ച്ചി​രു​ന്നു. മേ​ൽ​ത്ത​ട്ടു​കാ​ർ​ക്ക് സം​വ​ര​ണ ആ​നു​കൂ​ല്യം ഇ​നി​യാ​വ​ശ്യ​മി​ല്ലെ​ന്ന നി​ല​പാ​ടി​ലാ​ണ് പ​ര​മോ​ന്ന​ത കോ​ട​തി.

പ​ട്ടി​ക​ജാ​തി-​വ​ർ​ഗ വി​ഭാ​ഗ​ങ്ങ​ളി​ലെ മേ​ൽ​ത്ത​ട്ടു​കാ​രെ തി​രി​ച്ച​റി​യാ​നും സം​വ​ര​ണ​ത്തി​ൽ​നി​ന്ന് ഒ​ഴി​വാ​ക്കാ​നും സം​സ്ഥാ​ന​ങ്ങ​ൾ ന​യം രൂ​പീ​ക​രി​ക്ക​ണ​മെ​ന്ന് സു​പ്രീം കോ​ട​തി ജ​ഡ്ജി ജ​സ്റ്റീ​സ് ബി.​ആ​ർ. ഗ​വാ​യ് പ​റ​ഞ്ഞി​രു​ന്നു. ജ​സ്റ്റീ​സു​മാ​രാ​യ വി​ക്രം​നാ​ഥ്, പ​ങ്ക​ജ് മി​ത്ത​ൽ, സ​തീ​ഷ് ച​ന്ദ്ര മി​ശ്ര എ​ന്നി​വ​രും ഈ ​ശി​പാ​ർ​ശ​യോ​ട് യോ​ജി​ച്ചു.

ചീ​ഫ് ജ​സ്റ്റീ​സ് ഇ​തേ​ക്കു​റി​ച്ച് നി​ല​പാ​ട് വ്യ​ക്ത​മാ​ക്കി​യ​തു​മി​ല്ല. കൂ​ടു​ത​ൽ അ​ധഃ​സ്ഥി​ത​രാ​യ ജാ​തി​ക​ളി​ൽ​പ്പെ​ട്ട​വ​രു​ടെ ശ​ക്തീ​ക​ര​ണ​ത്തി​ന് മേ​ൽ​ത്ത​ട്ടു​കാ​രെ ഒ​ഴി​വാ​ക്കേ​ണ്ട​തു​ണ്ടെ​ന്നാ​ണ് ഭൂ​രി​പ​ക്ഷ ജ​ഡ്ജി​മാ​രു​ടെ അ​ഭി​പ്രാ​യം.