ബ​റ്റു​മി (ജോ​ര്‍​ജി​യ): ച​രി​ത്രം കു​റി​ച്ച് 2025 ഫി​ഡെ വ​നി​താ ലോ​ക​ക​പ്പ് ചെ​സി​ല്‍ ഇ​ന്ത്യ​ന്‍ ഫൈ​ന​ല്‍. ഇ​ന്ത്യ​യു​ടെ കൊ​നേ​രു ഹം​പി​യും ദി​വ്യ ദേ​ശ്മു​ഖും ത​മ്മി​ല്‍ ഫൈ​ന​ലി​ല്‍ ഏ​റ്റു​മു​ട്ടും.

ചൈ​ന​യു​ടെ ലോ​ക നാ​ലാം ന​മ്പ​ര്‍ താ​ര​മാ​യ ടാ​ന്‍ സോ​ങ് യി​യെ സെ​മി​യി​ല്‍ അ​ട്ടി​മ​റി​ച്ച് 19കാ​രി​യാ​യ ദി​വ്യ ദേ​ശ്മു​ഖ്, ഡി​ഫെ ലോ​ക​ക​പ്പ് ഫൈ​ന​ലി​ല്‍ പ്ര​വേ​ശി​ക്കു​ന്ന ആ​ദ്യ ഇ​ന്ത്യ​ക്കാ​രി​യാ​യി​രു​ന്നു. 1.5-0.5 എ​ന്ന വ്യ​ത്യാ​സ​ത്തി​ലാ​യി​രു​ന്നു ദി​വ്യ ദേ​ശ്മു​ഖ് ചൈ​നീ​സ് താ​ര​ത്തെ അ​ട്ടി​മ​റി​ച്ച​ത്. എ​ന്നാ​ല്‍, ചൈ​ന​യു​ടെ ലീ ​ടിം​ഗ്ജി​യെ ഇ​ന്ന​ലെ ന​ട​ന്ന ടൈ​ബ്രേ​ക്ക​റി​ല്‍ കീ​ഴ​ട​ക്കി​യാ​ണ് കൊ​നേ​രു ഹം​പി ഫൈ​ന​ല്‍ ടി​ക്ക​റ്റ് ക​ര​സ്ഥ​മാ​ക്കി​യ​ത്.

26, 27 തീ​യ​തി​ക​ളി​ലാ​ണ് ഫൈ​ന​ല്‍. ടൈ​ബ്രേ​ക്ക​ര്‍ ആ​വ​ശ്യ​മെ​ങ്കി​ല്‍ 28നു ​ന​ട​ക്കും. ലോ​ക​ക​പ്പ് ഫൈ​ന​ലി​ല്‍ പ്ര​വേ​ശി​ച്ച​തോ​ടെ ദി​വ്യ​യും ഹം​പി​യും 2026 ലോ​ക ചെ​സ് ചാ​മ്പ്യ​ന്‍​ഷി​പ്പ് പോ​രാ​ട്ട​ത്തി​നു​ള്ള കാ​ന്‍​ഡി​ഡേ​റ്റ് ടൂ​ര്‍​ണ​മെ​ന്‍റി​നും യോ​ഗ്യ​ത സ്വ​ന്ത​മാ​ക്കി.


ജി​എം ദി​വ്യ ലോ​ഡിം​ഗ്

ചെ​സ് ബോ​ര്‍​ഡി​ലെ പ്ര​തി​ഭ​യ്ക്കു​ള്ള ഏ​റ്റ​വും പ​ര​മോ​ന്ന​ത ബ​ഹു​മ​തി​യാ​യ ഗ്രാ​ന്‍​ഡ്മാ​സ്റ്റ​ര്‍ (ജി​എം) പ​ദ​വി​ക്ക​രി​കേ​യാ​ണ് ഇ​ന്ത്യ​യു​ടെ കൗ​മാ​ര വി​സ്മ​യം ദി​വ്യ ദേ​ശ്മു​ഖ്. ​കൊ​നേ​രു ഹം​പി (2002), ഹ​രി​ക ദ്രോ​ണ​വ​ല്ലി (2011), ്‍ ​ആ​ര്‍. വൈ​ശാ​ലി (2023) എ​ന്നി​വ​ര്‍ മാ​ത്ര​മാ​ണ് ഇ​ന്ത്യ​യി​ല്‍​നി​ന്ന് ഇ​തു​വ​രെ ജി​എം പ​ദ​വി​യി​ല്‍ എ​ത്തി​യ​ വനിതകൾ. 2025 ഫി​ഡെ ചെ​സ് വ​നി​താ ലോ​ക​ക​പ്പ് ഫൈ​ന​ലി​ല്‍ പ്ര​വേ​ശി​ച്ച​തോ​ടെ​യാ​ണ് ജി​എം പ​ദ​വി​യി​ലേ​ക്ക് ദി​വ്യ അ​ടു​ത്ത​ത്. 2025 ലോ​ക​ക​പ്പ് ഫൈ​ന​ലി​സ്റ്റാ​യ 38കാ​രി കൊ​നേ​രു ഹം​പി 15-ാം വ​യ​സി​ല്‍ ഗ്രാ​ന്‍​ഡ്മാ​സ്റ്റ​ര്‍ പ​ദ​വി​യി​ല്‍ എ​ത്തി​യ​തി​നും മൂ​ന്നു വ​ര്‍​ഷ​ത്തി​നു​ശേ​ഷ​മാ​യി​രു​ന്നു ദി​വ്യ​യു​ടെ ജ​ന​നം.