തോ​മ​സ് വ​ര്‍​ഗീ​സ്

കാ​ര്യ​വ​ട്ടം: കേ​ര​ള ക്രി​ക്ക​റ്റ് ലീ​ഗ് സീ​സ​ണ്‍ ര​ണ്ടി​ലെ ക​ന്നി സെ​ഞ്ചു​റി​യു​മാ​യി തൃ​ശൂ​ര്‍ ടൈ​റ്റ​ന്‍​സി​ന്‍റെ അ​ഹ​മ്മ​ദ് ഇ​മ്രാ​ന്‍ സൂ​പ്പ​ര്‍ സ്റ്റാ​റാ​യി. കാ​ലി​ക്ക​ട്ട് ഗ്ലോ​ബ്സ്റ്റാ​ഴ്‌​സി​ന് എ​തി​രാ​യ മ​ത്സ​ര​ത്തി​ല്‍ നേ​രി​ട്ട 54-ാം പ​ന്തി​ലാ​ണ് അ​ഹ​മ്മ​ദ് ഇ​മ്രാ​ന്‍ സെ​ഞ്ചു​റി തി​ക​ച്ച​ത്.

409 റ​ണ്‍​സ് പി​റ​ന്ന ബാ​റ്റിം​ഗ് യു​ദ്ധ​ത്തി​ൽ തൃ​ശൂ​ർ ടൈ​റ്റ​ൻ​സ് 9 റ​ണ്‍​സ് ജ​യം സ്വ​ന്ത​മാ​ക്കി. 210 റ​ണ്‍​സ് എ​ന്ന കൂ​റ്റ​ൻ ല​ക്ഷ്യം എ​ത്തി​പ്പി​ടി​ക്കാ​ൻ ശ്ര​മി​ച്ചെ​ങ്കി​ലും കാ​ലി​ക്ക​ട്ട് ഗ്ലോ​ബ് സ്റ്റാ​ഴ്സി​നു സാ​ധി​ച്ചി​ല്ല. എം. ​അ​ജി​നാ​സ് (40 പ​ന്തി​ൽ 58), സ​ൽ​മാ​ൻ നി​സാ​ർ (44 പ​ന്തി​ൽ 77) എ​ന്നി​വ​രാ​ണ് കാ​ലി​ക്ക​ട്ടി​ന്‍റെ പോ​രാ​ട്ടം ന​യി​ച്ച​ത്. സ്കോ​ർ: തൃ​ശൂ​ർ ടൈ​റ്റ​ൻ​സ് 20 ഓ​വ​റി​ൽ 209/5. കാ​ലി​ക്ക​ട്ട് ഗ്ലോ​ബ് സ്റ്റാ​ഴ്സ് 20 ഓ​വ​റി​ൽ 200/7. തൃ​ശൂ​രി​ന്‍റെ ര​ണ്ടാം ജ​യ​മാ​ണ്.

കൂ​റ്റ​ന്‍ സ്‌​കോ​ര്‍


ടോ​സ് ന​ഷ്ട​പ്പെ​ട്ട തൃ​ശൂ​ര്‍ ടൈ​റ്റ​ന്‍​സി​ന് ആ​ദ്യം ക്രീ​സി​ല്‍ എ​ത്തേ​ണ്ടി​വ​ന്നു. അ​ഹ​മ്മ​ദ് ഇ​മ്രാ​ന്‍ വെ​ടി​ക്കെ​ട്ട് തു​ട​ക്കം കു​റി​ച്ച​പ്പോ​ള്‍ ആ​ദ്യ​വി​ക്ക​റ്റി​ല്‍ 39 റ​ണ്‍​സ് സ്‌​കോ​ര്‍​ബോ​ര്‍​ഡി​ല്‍. ഓ​പ്പ​ണ​ര്‍ ആ​ന​ന്ദ് കൃ​ഷ്ണ​നെ (7) അ​ഖി​ല്‍ ദേ​വ് പു​റ​ത്താ​ക്കി​യ​തോ​ടെ അ​ഹ​മ്മ​ദ് ഇ​മ്രാ​നു കൂ​ട്ടാ​യി ഷോ​ണ്‍ റോ​ജ​ര്‍ എ​ത്തി. ഷോ​ണ്‍ (26 പ​ന്തി​ല്‍ 35) അ​ഹ​മ്മ​ദ് ഇ​മ്രാ​ന്‍ ര​ണ്ടാം വി​ക്ക​റ്റ് കൂ​ട്ടു​കെ​ട്ടി​ല്‍ 75 റ​ണ്‍​സ് പി​റ​ന്നു.

നേ​രി​ട്ട 21-ാം പ​ന്തി​ല്‍ ഇ​മ്രാ​ന്‍ അ​ര്‍​ധ​ശ​ത​കം പി​ന്നി​ട്ടു. 55 പ​ന്തി​ല്‍ 11 ഫോ​റും അ​ഞ്ച് സി​ക്‌​സും അ​ട​ക്കം 100 റ​ണ്‍​സ് നേ​ടി​യ​ശേ​ഷ​മാ​ണ് അ​ഹ​മ്മ​ദ് ഇ​മ്രാ​ന്‍ പു​റ​ത്താ​യ​ത്. അ​ക്ഷ​യ് മ​നോ​ഹ​ര്‍ (15 പ​ന്തി​ല്‍ 22), എ.​കെ. അ​ര്‍​ജു​ന്‍ (12 പ​ന്തി​ല്‍ 24 നോ​ട്ടൗ​ട്ട്) എ​ന്നി​വ​രു​ടെ ക​ട​ന്നാ​ക്ര​മ​ണം​കൂ​ടി ആ​യ​പ്പോ​ള്‍ തൃ​ശൂ​ര്‍ ഗ​ഡീ​സി​ന്‍റെ സ്‌​കോ​ര്‍ 209ല്‍. ​ഈ സീ​സ​ണി​ലെ ആ​ദ്യ 200+ സ്‌​കോ​ര്‍.