എ​സ്. മ​ഞ്ജു​ളാ​ദേ​വി
തി​രു​വ​ന​ന്ത​പു​രം: ഇ​രു​പ​ത്തി​ര​ണ്ട് വ​ർ​ഷ​ങ്ങ​ൾ​ക്ക് മു​ന്പ് അ​താ​യ​ത് ര​ണ്ടാ​യി​ര​ത്തി​ൽ ജി. ​ദേ​വ​രാ​ജ​ൻ മാ​സ്റ്റ​റോ​ട് ചോ​ദി​ച്ചി​രു​ന്നു. "എ​ന്താ​ണ് മ​നോ​ഹ​ര​മാ​യ ഈ ​ഈ​ണ​ങ്ങ​ൾ​ക്കു പി​ന്നി​ൽ?' സ്വ​ത​സി​ദ്ധ​മാ​യി​രു​ന്ന ഒ​രു പ്ര​ത്യേ​ക നോ​ട്ട​ത്തോ​ടെ മാ​സ്റ്റ​ർ മ​റു​പ​ടി പ​റ​ഞ്ഞുപ്ര​യ​ത്നം, അ​തു​ത​ന്നെ എ​ന്‍റെ കൈ​യി​ൽ കി​ട്ടു​ന്ന ഒ​രു ഗാ​ന​ത്തി​നു ഏ​റ്റ​വും ഉ​ചി​ത​മാ​യൊ​രു ഈ​ണം ന​ല്കു​ക, അ​താ​ണ് എ​ന്‍റെ ല​ക്ഷ്യം. അ​തി​നു ത​ന്നെ​യാ​ണ് ശ്ര​മി​ക്കു​ക. ഗാ​ന​ത്തി​നു, വ​രി​ക​ൾ​ക്കു, വാ​ക്കു​ക​ൾ​ക്കു എ​ന്തി​നു അ​ക്ഷ​ര​ത്തി​നു വ​രെ യോ​ജി​ച്ച​താ​യി​രി​ക്ക​ണം ഈ​ണം എ​ന്നെ​നി​ക്കു നി​ർ​ബ​ന്ധ​മു​ണ്ട്.
ര​ണ്ടു പ​തി​റ്റാ​ണ്ടു​ക​ൾ പി​ന്നി​ടു​ന്പോ​ൾ, മാ​സ്റ്റ​ർ ഭൂ​മി വി​ട്ടു​പോ​യി​ട്ട് 16 വ​ർ​ഷ​ങ്ങ​ളും ക​ട​ന്നു പോ​കു​ന്പോ​ൾ ജി. ​ദേ​വ​രാ​ജ​ൻ എ​ന്ന ഇ​ന്ദ്ര​ജാ​ല​ക്കാ​ര​ൻ പ​റ​യാ​തെ പോ​യ ഉ​ത്ത​ര​ങ്ങ​ളും മു​ന്നി​ൽ വ​രു​ന്നു. അ​ല്ലെ​ങ്കി​ൽ കാ​ലം ഓ​രോ ദി​ന​വും ദേ​വ​രാ​ജ സം​ഗീ​ത​ത്തെ​ക്കു​റി​ച്ച് ഓ​രോ​രോ ക​ണ്ടെ​ത്ത​ലു​ക​ൾ ന​ട​ത്തു​ന്നു. സം​ഗീ​ത-​മൃ​ദം​ഗ വി​ദ്വാ​നാ​യി​രു​ന്ന കൊ​ച്ചു ഗോ​വി​ന്ദ​നാ​ശാ​ന്‍റെ​യും പ​ര​ന്പ​രാ​ഗ​ത ഗാ​ന​ങ്ങ​ളൊ​ക്കെ നന്നായി പാ​ടിയിരുന്ന കൊ​ച്ചു​കു​ഞ്ഞി​ന്‍റെ​യും മ​ക​നാ​യി ജ​നി​ച്ച ജി. ​ദേ​വ​രാ​ജ​ന്‍റെ പ്ര​തി​ഭാ​വി​ലാ​സം കൂ​ടി ത​ന്നെ​യാ​ണ് ആ ​ഗാ​ന​ങ്ങ​ളെ ഇ​ത്ര​മേ​ൽ അ​നു​ഭൂ​തി​ദാ​യ​ക​മാ​ക്കു​ന്ന​ത്. മാ​സ്റ്റ​ർ ത​ന്നെ പ​റ​ഞ്ഞ​തു​പോ​ലെ ഏ​റ്റ​വും പൂ​ർ​ണ​ത​യോ​ടെ ഒ​രീ​ണം സൃ​ഷ്ടി​ക്കു​ക എ​ന്ന സം​ഗീ​ത​സം​വി​ധാ​യ​ക​ന്‍റെ ല​ക്ഷ്യ​വും പ്ര​യ​ത്ന​വും മ​റ​ക്കു​ന്നി​ല്ല. എ​ങ്കി​ലും ദൈ​വ​വി​ശ്വാ​സി​യ​ല്ലാ​ത്ത ജി. ​ദേ​വ​രാ​ജ​ന്‍റെ ഈ​ണ​ങ്ങ​ളി​ൽ എ​ങ്ങു​നി​ന്നോ ഒ​ര​നു​ഗ്ര​ഹ സ്പ​ർ​ശം വ​ന്നു വീ​ണി​രു​ന്നു. മാ​സ്റ്റ​റു​ടെ ഗാ​ന​ങ്ങ​ളി​ൽ ഏ​റ്റ​വും പ്രി​യ​പ്പെ​ട്ട ഗാ​ന​മേ​തെ​ന്ന് ഒ​രി​ക്ക​ൽ ചോ​ദി​ച്ചി​രു​ന്നു. ‘പാ​രി​ജാ​തം തി​രു​മി​ഴി തു​റ​ന്നു....’, ‘കാ​റ്റ​ടി​ച്ചു കൊ​ടു​ങ്കാ​റ്റ​ടി​ച്ചു...,’ ‘പ്ര​ള​യ പ​യോ​ധി​യി​ൽ....’, ‘മ​നു​ഷ്യ​ൻ മ​ത​ങ്ങ​ളെ സൃ​ഷ്ടി​ച്ചു...’ അ​ങ്ങ​നെ പ​റ​ഞ്ഞാ​ലും പ​റ​ഞ്ഞാ​ലും തീ​രാ​ത്ത​ത്ര​യും മാ​ധു​ര്യം തു​ളു​ന്പു​ന്ന ഏ​തെ​ങ്കി​ലു​മൊ​രു ഗാ​ന​ത്തി​ലേ​ക്ക് മാ​സ്റ്റ​റു​ടെ മ​ന​സെ​ത്തും എ​ന്ന ചി​ന്ത​യെ മു​റി​ച്ചു​കൊ​ണ്ട് അ​ദ്ദേ​ഹം പ​റ​ഞ്ഞ​ത് - എ​ല്ലാം എ​ന്‍റെ മ​ക്ക​ള​ല്ലേ. ഒ​രു​പോ​ലെ ത​ന്നെ ഇ​ഷ്ട​വും. മൂ​ക്ക് പ​തി​ഞ്ഞ​തെ​ങ്കി​ലും, എ​ല്ലു​ന്തി​യ​തെ​ങ്കി​ലും ആ​രെ​ങ്കി​ലും മ​ക്ക​ളെ വെ​റു​ക്കാ​റു​ണ്ടോ? ഉ​ത്ത​ര​ത്തി​നൊ​പ്പം മാ​സ്റ്റ​ർ ചി​രി​ക്കു​ക​യും ചെ​യ്തു. നേ​ര​ത്തേ പ​റ​ഞ്ഞ​ത് പോ​ലെ ഓ​രോ ദി​വ​സം ക​ഴി​യും​തോ​റും ജി. ​ദേ​വ​രാ​ജ​ന്‍റെ ഗാ​ന​ങ്ങ​ളു​ടെ ആ​സ്വാ​ദ്യ​ത ഏ​റി​യേ​റി വ​രി​ക​യാ​ണ്. സം​ഗീ​ത​ വാ​ട്സ് ആ​പ് ഗ്രൂ​പ്പു​ക​ളി​ൽ ഇ​ന്നു ഏ​റെ പ്ര​ച​രി​ക്കു​ന്ന​തും ച​ർ​ച്ച ചെ​യ്യ​പ്പെ​ടു​ന്ന​തും ദേ​വ​രാ​ജ​ന്‍റെ സം​ഗീ​തം ത​ന്നെ​യാ​ണ്. ഗാ​ന​മേ​ള​ക​ളി​ലും റി​യാ​ലി​റ്റി ഷോ​ക​ളി​ലും, എ​ഴു​ത്തി​ലും ദേ​വ​രാ​ജ​ൻ നി​റ​ഞ്ഞു നി​ല്ക്കു​ന്നു. മ​ല​യാ​ളം ആസ്വാദകർ എ​ന്നെ​ന്നും ആ ​ഗാ​ന​ങ്ങ​ൾ കേ​ട്ട് മ​തി​മ​റ​ക്കു​ന്പോ​ൾ സ്വ​ന്തം ഗാ​ന​ങ്ങ​ൾ കേ​ൾ​ക്കു​ന്ന പ​തി​വ് ദേ​വ​രാ​ജ​ൻ മാ​സ്റ്റ​ർ​ക്കു ഉ​ണ്ടാ​യി​രു​ന്നി​ല്ല. ആ ​പ്ര​തി​ക​ര​ണം കേ​ൾ​ക്കു​ക. ഈ​ണം ന​ൽ​കി ക​ഴി​ഞ്ഞാ​ൽ പാ​ട്ടു​ക​ളൊ​ക്കെ ഞാ​ൻ ആ​സ്വാ​ദ​ക​ർ​ക്കു വി​ട്ടു​കൊ​ടു​ക്കു​ക​യാ​ണ്. ഉ​ൾ​ക്കൊ​ള്ളു​ക​യോ ത​ള്ളു​ക​യോ ചെ​യ്യ​ട്ടെ. അ​ത​വ​രു​ടെ ഇ​ഷ്ടം. ഗൃ​ഹാ​തു​ര​ത്വ​മു​ണ​ർ​ത്തു​ന്ന പ​ഴ​യ ഗാ​ന​ങ്ങ​ൾ കേ​ട്ടു​കേ​ട്ട് ഇ​രി​ക്കു​ന്ന പ​തി​വും മാ​സ്റ്റ​ർ​ക്കു​ണ്ടാ​യി​രു​ന്നി​ല്ല.
സ്ഥി​ര​മാ​യി റേ​ഡി​യോ കേ​ൾ​ക്കു​ന്ന ശീ​ല​മേ​യി​ല്ല. അ​ടി​സ്ഥാ​ന​പ​ര​മാ​യി ഞാ​ൻ ഒ​രു ക​ർ​ണാ​ട​ക സം​ഗീ​ത​ജ്ഞ​നാ​ണ്. ശാ​സ്ത്രീ​യ സം​ഗീ​തം കേ​ൾ​ക്കു​വാ​നാ​ണ് എ​ന്നും ഇ​ഷ്ടം. ന​ല്ല ക​ച്ചേ​രി​ക​ൾ എ​വി​ടെ ഉ​ണ്ടെ​ങ്കി​ലും കേ​ൾ​ക്കു​വാ​ൻ പോ​കാ​റു​ണ്ട്.നി​ർ​മമ​ത എ​ന്നു വി​ശേ​ഷി​പ്പി​ക്ക​പ്പെ​ടു​ന്ന ഈ ​ഒ​രു മാ​റി​നി​ല്ക്ക​ലും ജി. ​ദേ​വ​രാ​ജ​ൻ എ​ന്ന സം​ഗീ​ത സം​വി​ധാ​യ​ക​ന്‍റെ വ​ലി​യ ഈ​ടു​വ​യ്പ്പാ​യി​രു​ന്നു.സം​ഗീ​തം പ​ക​രു​ക എ​ന്ന ത​ന്‍റെ ധ​ർ​മ​ത്തി​ലും ക​ർ​മ​ത്തി​ലു​മാ​യി​രു​ന്നു ജി. ​ദേ​വ​രാ​ജ​ൻ ഉ​റ​ച്ചു നി​ന്നി​രു​ന്ന​ത്. ഹൃ​ദ​യം കൊ​ണ്ട് ഏ​റെ അ​ടു​പ്പു​ള്ള വ​യ​ലാ​റി​ന്‍റെ ഗാ​ന​ത്തി​നു ഈ​ണം പ​ക​രു​ന്പോ​ൾ ഒ​രു വി​കാ​രം, പു​തി​യൊ​രു ഗാ​ന​ര​ച​യി​താ​വി​ന്‍റെ വ​രി​ക​ളെ സ്പ​ർ​ശി​ക്കു​ന്പോ​ൾ മ​റ്റൊ​രു വി​കാ​രം അ​ങ്ങ​നെ​യൊ​ന്നും ദേ​വ​രാ​ജ​നു​ണ്ടാ​യി​രു​ന്നി​ല്ല എ​ന്ന​ർ​ഥം. വൈ​കാ​രി​ക​ത​യെ​ക്കാ​ൾ ഏ​റെ, പ​രി​പൂ​ർ​ണ​ത സൃ​ഷ്ടി​ക്കു​ക എ​ന്ന​തി​നാ​യി​രു​ന്നു പ്രാ​ധാ​ന്യം ന​ല്കി​യി​രു​ന്ന​ത് എ​ന്നും മാ​സ്റ്റ​ർ പ​റ​ഞ്ഞി​രു​ന്നു. ആ ​വാ​ക്കു​ക​ൾ കു​റി​ക്കാം...
ഒ​രു പ്ര​ത്യേ​ക ഗാ​ന​ര​ച​യി​താ​വി​ന്‍റെ പാ​ട്ടു​ക​ൾ എ​ന്നൊ​ന്നും ചി​ന്തി​ച്ചി​ട്ടി​ല്ല. ഈ​ണം ന​ല്കു​ന്പോ​ൾ എ​ല്ലാ ഗാ​ന​ങ്ങ​ളെ​യും സ​മീ​പി​ക്കു​ന്ന​ത് ഒ​രേ ആ​ത്മാ​ർ​ഥ​ത​യോ​ടെ ത​ന്നെ. പ്ര​ശ​സ്ത​രു​ടെ പാ​ട്ടു​ക​ൾ മാ​ത്ര​മേ ചി​ട്ട​പ്പെ​ടു​ത്തൂ എ​ന്ന നി​ബ​ന്ധ​ന​യും വ​ച്ചി​ട്ടി​ല്ല. വ​യ​ലാ​റി​ന്‍റെ ഗാ​ന​മാ​യാ​ലും, എ​ഴു​തി തു​ട​ങ്ങു​ന്ന ഒ​രാ​ളു​ടെ ഗാ​ന​മാ​യാ​ലും ഒ​രു​പോ​ലെ​യാ​ണ് ക​ണ്ടി​രു​ന്ന​ത്.
ക​വി ആ​രെ​ന്നോ, ഏ​തെ​ന്നോ ചി​ക​ഞ്ഞു നോ​ക്കാ​തെ ആ​ത്മാ​ർ​ത്ഥ​മാ​യി സ്വ​ന്തം ദൗ​ത്യം നി​ർ​വ​ഹി​ക്കു​ക മാ​ത്ര​മാ​യി​രു​ന്നു താ​ൻ ചെ​യ്ത​തെ​ന്നാ​ണ് ദേ​വ​രാ​ജ​ൻ മാ​സ്റ്റ​ർ പ​റ​യു​ക. ‘പാ​ട്ടി​ന്‍റെ സ​ന്ദ​ർ​ഭ​ത്തി​നു വ​ള​രെ പ്രാ​ധാ​ന്യം ന​ല്കി​യി​രു​ന്നു’. പി​ന്നെ ക​വി​ത​യു​ടെ അ​ർ​ഥം, ക​വി​യു​ടെ മ​ന​സ്‌​സ് - ഒ​ട്ടും ചോ​ർ​ന്നു പോ​കാ​തി​രി​ക്കാ​ൻ ശ്ര​ദ്ധി​ച്ചി​രു​ന്നു. - ഇ​താ​യി​രു​ന്നു സം​വി​ധാ​ന​ശൈ​ലി​യെ​ക്കു​റി​ച്ചു​ള്ള മ​റു​പ​ടി. എ​ങ്കി​ലും വ​യ​ലാ​റി​ന്‍റെ ക​ര​ളി​നോ​ട് ചേ​ർ​ന്ന് നി​ന്ന് സ​ന്യാ​സി​നി നി​ൻ പു​ണ്യാ​ശ്ര​മ​ത്തി​ൽ എ​ന്ന് പാ​ടു​ന്പോ​ഴും, പി. ​ഭാ​സ്ക്ക​ര​ന്‍റെ ആ​ർ​ദ്ര ഹൃ​ദ​യ​ത്തി​ൽ ഇ​ഴ​ചേ​ർ​ന്ന് ഇ​ത്ര​നാ​ൾ ഇ​ത്ര​നാ​ൾ എ​ങ്ങാ​യി​രു​ന്നു നീ ​എ​ന്നു വി​ങ്ങു​ന്പോ​ഴും ന​മ്മ​ൾ ദേ​വ​രാ​ജ​ന്‍റെ നെ​ഞ്ച് തൊ​ട്ട​റി​യു​ന്നു. ഒ.​എ​ൻ.​വി​യു​ടെ അ​രി​കി​ൽ നീ ​ഉ​ണ്ടാ​യി​രു​ന്നെ​ങ്കി​ൽ... എ​ന്ന സ്വ​പ്നം യേ​ശു​ദാ​സി​ന്‍റെ ഗ​ന്ധ​ർ​വ​സ്വ​ര​ത്തി​ൽ കേ​ൾ​ക്കു​ന്പോ​ഴും ഇ​ല​ഞ്ഞി​പ്പൂ​മ​ണം ഒ​ഴു​കി വ​രു​ന്ന​തി​ന്‍റെ മ​ദ​ഗ​ന്ധം ശ്രീ​കു​മാ​ര​ൻ ത​ന്പി​യു​ടെ വ​രി​ക​ളി​ൽ വി​ര​ൽ​മു​ക്കി ന​മ്മ​ളെ അ​നു​ഭ​വി​പ്പി​ക്കു​ന്പോ​ഴും ജി. ​ദേ​വ​രാ​ജ​ന്‍റെ ഹൃ​ദ​യം ത​ന്നെ​യ​ല്ലേ തുടിക്കുന്നത്?