കോ​ടി​യേ​രി: കൊ​ട്ടാ​ര​ക്ക​ര​യ്ക്കും ക​രു​ത​ൽ ന​ൽ​കി​യ നേ​താ​വ്
Sunday, October 2, 2022 11:24 PM IST
പി.​ഏ. പ​ത്മ​കു​മാ​ർ
കൊ​ട്ടാ​ര​ക്ക​ര: കോ​ടി​യേ​രി ബാ​ല​കൃ​ഷ്ണ​ൻ, കൊ​ട്ടാ​ര​ക്ക​ര​ക്കും ക​രു​ത​ൽ ന​ൽ​കി​യ വ്യ​ക്തി​യാ​യി​രു​ന്നു. ഭ​ര​ണാ​ധി​കാ​രി, പാ​ർ​ട്ടി നേ​താ​വ് എ​ന്നീ നി​ല​ക​ളി​ൽ കൊ​ട്ടാ​ര​ക്ക​ര​ക്ക് സ്നേ​ഹ സ​മ്മാ​ന​ങ്ങ​ൾ ന​ൽ​കി​യി​ട്ടു​ള്ള അ​ദ്ദേ​ഹം ഈ ​നാ​ടി​നും പ്രീ​യ​പ്പെ​ട്ട​വ​നാ​യി​രു​ന്നു.
കോ​ടി​യേ​രി ആ​ഭ്യ​ന്ത​ര മ​ന്ത്രി​യാ​യി​രി​ക്കെ​യാ​ണ് കൊ​ല്ലം പോ​ലീ​സ് ജി​ല്ല വി​ഭ​ജി​ച്ച് കൊ​ട്ടാ​ര​ക്ക​ര ആ​സ്ഥാ​ന​മാ​ക്കി റൂ​റ​ൽ ജി​ല്ല രൂ​പീ​ക​രി​ക്കു​ന്ന​ത്. വി​വി​ധ ആ​വ​ശ്യ​ങ്ങ​ൾ​ക്ക് ദൂ​ര​ങ്ങ​ൾ താ​ണ്ടി ജി​ല്ലാ ആ​സ്ഥാ​ന​ത്തെ​ത്തേ​ണ്ടു​ന്ന സ്ഥി​തി​വി​ശേ​ഷ​മാ​ണു​ണ്ടാ​യി​രു​ന്ന​ത്. ഇ​തി​ന് മാ​റ്റ​മു​ണ്ടാ​യ​ത് റൂ​റ​ൽ ജി​ല്ല നി​ല​വി​ൽ വ​ന്ന ശേ​ഷ​മാ​ണ്.​ ആ​സ്ഥാ​നം കൊ​ട്ടാ​ര​ക്ക​ര​യാ​ക്കി​യ​ത് നാ​ടി​നുള്ള സ​മ്മാ​ന​വും. റൂ​റ​ൽ ജി​ല്ല​യു​ടെ ഉ​ദ്ഘാ​ട​നം നി​ർ​വ​ഹി​ച്ച​തും കെ​ട്ടി​ടം നി​ർ​മി​ക്കാ​ൻ ഫ​ണ്ട​നു​വ​ദി​ച്ച​തും അ​ദ്ദേ​ഹ​മാ​യി​രു​ന്നു.
ദേ​ശീ​യ​പാ​ത​യും എം​സി റോ​ഡും ക​ട​ന്നു പോ​കു​ന്ന കൊ​ട്ടാ​ര​ക്ക​ര​യു​ടെ വ​ലി​യ പോ​രാ​യ്മ​യാ​യി​രു​ന്നു ഫ​യ​ർ​സ്റ്റേ​ഷ​ൻ ഇ​ല്ല എ​ന്ന​ത്. അ​ത്യാ​വ​ശ്യ സ​ന്ദ​ർ​ഭ​ങ്ങ​ളി​ൽ ഫ​യ​ർ ഫോ​ഴ്സ് സേ​വ​ന​ങ്ങ​ൾ ല​ഭ്യ​മാ​യി​രു​ന്ന​ത് അ​ടൂ​ർ, കു​ണ്ട​റ, പു​ന​ലൂ​ർ എ​ന്നി​വി​ട​ങ്ങ​ളി​ൽ നി​ന്നാ​യി​രു​ന്നു. ദൂ​ര​ക്കൂ​ടു​ത​ൽ കാ​ര​ണം വാ​ഹ​ന​ങ്ങ​ൾ ഓ​ടി​യെ​ത്തു​ന്ന​തി​ന് താ​മ​സം നേ​രി​ടു​ക​യും അ​പ​ക​ട​ത്തി​ന്‍റെ വ്യാ​പ്തി വ​ർ​ധി​ക്കു​ക​യും ചെ​യ്യു​ക പ​തി​വാ​യി​രു​ന്നു.​ ഇ​തി​ന് പ​രി​ഹാ​ര​മെ​ന്ന നി​ല​യി​ൽ കൊ​ട്ടാ​ര​ക്ക​ര കേ​ന്ദ്രീ​ക​രി​ച്ച് ഫ​യ​ർ​സ്റ്റേ​ഷ​ൻ ആ​രം​ഭി​ക്കു​ന്ന​ത് കോ​ടി​യേ​രി മ​ന്ത്രി​യാ​യി​രി​ക്കു​മ്പോ​ഴാ​ണ്. അ​ദ്ദേ​ഹം ഉ​ദ്ഘാ​ട​ന പ്ര​സം​ഗം ന​ട​ത്തി​കൊ​ണ്ടി​രി​ക്കെ, തീ ​പി​ടു​ത്ത​മു​ണ്ടാ​യ സ്ഥ​ല​ത്തു നി​ന്ന് സേ​വ​ന​മാ​വ​ശ്യ​പ്പെ​ട്ട് വി​ളി​യെ​ത്തി​യ​ത് അ​ന്ന് കൗ​തു​ക​മു​ണ​ർ​ത്തി​യി​രു​ന്നു.
ന​ശി​ച്ചു കി​ട​ന്നി​രു​ന്ന ഗ​ണ​പ​തി ക്ഷേ​ത്ര ചി​റ ന​വീ​ക​രി​ക്കാ​ൻ ഫ​ണ്ട​നു​വ​ദി​ച്ച​തും കോ​ടി​യേ​രി​യാ​യി​രു​ന്നു. ടൂ​റി​സം വ​കു​പ്പി​ന്‍റെ ചു​മ​ത​ല​യു​ണ്ടാ​യി​രു​ന്ന അ​ദ്ദേ​ഹം ആ ​വ​കു​പ്പി​ൽ നി​ന്നാ​ണ് ഇ​തി​നാ​യി തു​ക അ​നു​വ​ദി​ച്ച​ത്.
നേ​താ​വെ​ന്ന നി​ല​യി​ൽ നി​ര​വ​ധി ത​വ​ണ അ​ദ്ദേ​ഹം കൊ​ട്ടാ​ര​ക്ക​ര​യി​ൽ ക്യാ​മ്പ് ചെ​യ്തി​ട്ടു​ണ്ട്. കൊ​ട്ടാ​ര​ക്ക​ര​യി​ലെ പാ​ർ​ട്ടി കാ​ര്യ​ങ്ങ​ളി​ൽ നേ​രി​ട്ട് ഇ​ട​പെ​ട്ടി​രു​ന്നു. വി​ഭാ​ഗീ​യ​ത രൂ​ക്ഷ​മാ​യി​രു​ന്ന കൊ​ട്ടാ​ര​ക്ക​ര​യി​ൽ ആ​ദ്യം താ​ക്കീ​തു ന​ൽ​കു​ക​യും ഫ​ലം കാ​ണാ​തെ വ​ന്ന​പ്പോ​ൾ ഏ​രി​യാ ക​മ്മി​റ്റി പി​രി​ച്ചു​വി​ട്ട് അ​ഡ്ഹോ​ക്ക് ക​മ്മി​റ്റി രൂ​പീ​ക​രി​ക്കു​ക​യും ചെ​യ്ത​ത് അ​ദ്ദേ​ഹം നേ​രി​ട്ടാ​യി​രു​ന്നു.
കോ​ടി​യേ​രി അ​വ​സാ​ന​മാ​യി കൊ​ട്ടാ​ര​ക്ക​ര​യി​ലെ​ത്തി​യ​ത് ജി​ല്ലാ സ​മ്മേ​ള​നം വാ​ള​ക​ത്ത് ന​ട​ക്കു​മ്പോ​ഴാ​യി​രു​ന്നു. അ​സു​ഖ​ത്തി​ന്‍റെ കാ​ല​മാ​യി​രു​ന്നി​ട്ടും പൊ​തു​സ​മ്മേ​ള​ന​ത്തി​ൽ അ​ദ്ദേ​ഹം പ​ങ്കെ​ടു​ക്കു​ക​യു​ണ്ടാ​യി. ​അ​ന്ന് താ​മ​സ​സ്ഥ​ല​ത്ത് കൊ​ട്ടാ​ര​ക്ക​ര​യി​ലെ പാ​ർ​ട്ടി പ്ര​വ​ർ​ത്ത​ക​രെ ക​ണ്ട് ആ​ശ​യ വി​നി​മ​യം ന​ട​ത്തി​യി​രു​ന്നു.
Copyright @ 2022 , Rashtra Deepika Ltd.