ADVERTISEMENT

ADVERTISEMENT

പരവൂർ നഗരസഭ ഇനി അതിദാരിദ്ര്യമുക്തം

പരവൂർ: പരവൂർ നഗരസഭയെ അതിദാരിദ്ര്യമുക്ത നഗരസഭയായി പ്രഖ്യാപിച്ചു. മുനിസിപ്പൽ ചെയർപേഴ്സൺ പി. ശ്രീജ പ്രഖ്യാപനം നടത്തി.

വൈസ് ചെയർമാൻ എ. സഫർഖയാലിന്‍റെ അധ്യക്ഷതയിൽ കൂടിയ യോഗത്തിൽ ക്ഷേമകാര്യ സ്റ്റാന്‍ഡിംഗ് കമ്മിറ്റി ചെയർമാൻ എസ്.ശ്രീലാൽ, കൗൺസിലർമാരായ ജെ. ഫെരീഫ്, വി. അംബിക, എസ്. അശോക് കുമാർ തുടങ്ങിയവർ പ്രസംഗിച്ചു.

ADVERTISEMENT

വെള്ളാപ്പള്ളി നടേശന് സ്വീകരണം നാളെ

കൊല്ലം : എസ്എൻഡിപി യോഗം ജനറൽ സെക്രട്ടറി സ്ഥാനത്തു മുന്നു പതിറ്റാണ്ട് പൂർത്തിയാക്കുന്ന വെള്ളാപ്പള്ളി നടേശന് നാളെ കൊല്ലം യൂണിയന്‍റെ സ്നേഹാദരവ്. യൂണിയന്‍റെ പരിധിയിലുള്ള 77 ശാഖകളിൽ നിന്നായിആളുകൾ പങ്കെടുക്കുമെന്നു ഭാരവാഹികൾ പത്രസമ്മേളനത്തിൽഅറിയിച്ചു. നാളെ വൈകുന്നേരം 4.30 ന് കൊല്ലം കന്‍റോൺമെന്‍റ് മൈതാനത്ത് ചേരുന്ന സമ്മേളനം മന്ത്രി കെ.എൻ. ബാലഗോപാൽ ഉദ്ഘാടനം ചെയ്യും. എസ്എൻ ട്രസ്റ്റ് ബോർഡ് മെമ്പർ പ്രീതി നടേശൻ ഭദ്രദീപം തെളിയിക്കും. കൊല്ലം യൂണിയൻ പ്രസിഡന്‍റ് മോഹൻശങ്കർ അധ്യക്ഷത വഹിക്കും. മന്ത്രിമാരായ വി.എൻ.വാസവൻ, സജി ചെറിയാൻ, രാമചന്ദ്രൻ കടന്നപ്പളളി, ജെ.ചിഞ്ചുറാണി, മുൻ ആഭ്യന്തരമന്ത്രി രമേശ് ചെന്നിത്തല, എൻ.കെ. പ്രേമചന്ദ്രൻഎംപി, ബിജെപി സംസ്ഥാന പ്രസിഡന്‍റ് രാജീവ് ചന്ദ്രശേഖർ, യോഗം വൈസ്പ്രസിഡന്‍റ് തുഷാർ വെള്ളാപ്പളളി, മേയർ ഹണി ബെഞ്ചമിൻ തുടങ്ങിയവർ പ്രസംഗിക്കും. വെള്ളാപ്പള്ളി നടേശൻ മറുപടി പ്രസംഗം നടത്തും. യൂണിയൻ സെക്രട്ടറി എൻ.രാജേന്ദ്രൻ സ്വാഗതവും വൈസ്പ്രസിഡന്‍റ് അഡ്വ. രാജീവ് കുഞ്ഞുകൃഷ്‌ണൻ നന്ദിയും പറയും. പത്രസമ്മേളനത്തിൽ പ്രസിഡന്‍റ് മോഹൻ ശങ്കർ, സെക്രട്ടറി എൻ.രാജേന്ദ്രൻ, വൈസ് പ്രസിഡന്‍റ് അഡ്വ. രാജീവ് കുഞ്ഞുകൃഷ്ണൻ, യോഗം കൗൺസിലർ പി.സുന്ദരൻ, നേതാജി ബി. രാജേന്ദ്രൻ, ജി. രാജ്മോഹൻ എന്നിവർ പങ്കെടുത്തു.

ജെഇഇ പരീക്ഷ: അപേക്ഷയോടൊപ്പം അമ്മയുടെ പേരുളള ആധാര്‍ കാർഡ് മതിയാകും

കൊല്ലം: കേന്ദ്ര സര്‍ക്കാരിന്‍റെ നാഷണല്‍ ടെസ്റ്റിംഗ് ഏജന്‍സി നടത്തുന്ന ജെഇഇ (ജോയിന്‍റ് എന്‍ട്രന്‍സ് എക്സാമിനേഷന്‍) മെയിനിന് അപേക്ഷയോടൊപ്പം പരീക്ഷാർഥിയുടെ അമ്മയുടെ പേരുളള ആധാര്‍ കാർഡ് മതിയാകുമെന്നു എൻ.കെ. പ്രേമചന്ദ്രൻ എംപി. 2025 സെപ്റ്റംബര്‍ 29ന് നാഷണല്‍ ടെസ്റ്റിംഗ് ഏജന്‍സി പ്രസിദ്ധീകരിച്ച നോട്ടീസ് പ്രകാരം പരീക്ഷാർഥിയുടെ അച്ഛന്‍റെ പേര് ഉള്‍പ്പെട്ട ആധാര്‍ കാര്‍ഡ് അപേക്ഷയോടൊപ്പം അയക്കണമെന്നാണ് വ്യവസ്ഥ ചെയ്തിരുന്നത്. പരീക്ഷയ്ക്കായി തയാറെടുക്കുന്ന നിരവധി വിദ്യാർഥികൾക്കും രക്ഷകര്‍ത്താക്കള്‍ക്കും ആശങ്കയും ആശയകുഴപ്പവും ഉണ്ടായി. യുണീക് ഐഡന്‍റിഫിക്കേഷന്‍ അഥോറിറ്റി ഓഫ് ഇന്ത്യയുടെ വ്യവസ്ഥകള്‍ പ്രകാരം ആധാര്‍ കാര്‍ഡില്‍ അച്ഛന്‍റെ പേര് ഉള്‍പ്പെടുത്തുവാനുളള പ്രത്യേകമായ വ്യവസ്ഥയില്ല. ആധാറില്‍ അച്ഛന്‍റെയോ അമ്മയുടെയോ രക്ഷകര്‍ത്താവിന്‍റെയോ ഭര്‍ത്താവിന്‍റെയോ ഭാര്യയുടെയോ പേര് കെയര്‍ ഓഫായി രേഖപ്പെടുത്താനാണ് വ്യവസ്ഥ.

ഇത്തിക്കരയിലെ സഞ്ചാര സ്വാതന്ത്ര്യ സമരത്തിൽ മലയാളം ഐക്യവേദിയും

കൊട്ടിയം:ഇത്തിക്കരയിൽ സഞ്ചാരസ്വാതന്ത്ര്യത്തിന് വേണ്ടി നടത്തുന്ന ജനകീയ പ്രതിഷേധ സത്യഗ്രഹത്തിന്‍റെ പതിനാറാം ദിവസം മലയാള ഐക്യവേദി ജില്ലാ സെക്രട്ടറി പ്ലക്കാട് ശ്രീകുമാർ സത്യഗ്രഹം അനുഷ്ടിച്ചു. ആദിച്ചനല്ലൂർ ഫാർമേഴ്സ് സർവീസ് സഹകരണ ബാങ്ക് പ്രസിഡന്‍റ് കെ. അജിത് കുമാർ ഉദ്ഘാടനം ചെയ്തു. ഇത്തിക്കര ജനകീയ പ്രതിഷേധ സമിതി കൺവീനർ ജി. രാജു അധ്യക്ഷത വഹിച്ചു. സമര സമിതിക്ക് ഐക്യദാർഢ്യം പ്രഖ്യാപിച്ച് എസ്‌യുസിഐ ജില്ലാ സെക്രട്ടറി ഷൈല കെ. ജോൺ, രാജു ഡി. മംഗലത്ത്, എൻഎസ്എസ് താലൂക്ക് യൂണിയൻ പ്രസിഡന്‍റ് ശ്രീനാഗേഷ്, രാജൻ തട്ടാമല, തട്ടാമല മധു, അബ്ദുൾ വഹാബ്, സന്തോഷ്‌, കവി മൈലക്കാട് സുധീർ കുമാർ,അനിൽകുമാർ, അബ്ദുൾ വഹാബ്, കവി ആദിച്ചനല്ലൂർ മനോഹരൻ എന്നിവർ പ്രസംഗിച്ചു. വൈകുന്നേരം നടന്ന സമാപന യോഗത്തിൽ വയമ്പ് സാംസ്‌കാരിക വേദി ചെയർമാൻ വി.പി. രാജീവൻ നാരങ്ങാനീര് നൽകി സത്യഗ്രഹം അവസാനിപ്പിച്ചു.എക്സിക്യൂട്ടീവ് കമ്മിറ്റി അംഗങ്ങൾ ചടങ്ങിന് നേതൃത്വം നൽകി.

വാട്ടർ മെട്രോ: കൊല്ലത്ത് സാധ്യതാ പഠനം ഉടൻ

കൊല്ലം: കൊച്ചിയുടെ മാതൃകയിൽ രാജ്യത്ത് 21 സ്ഥലങ്ങളിൽ കൂടി വാട്ടർ മെട്രോ സർവീസ് നടപ്പിലാക്കാൻ നീക്കം. ഈ 21 ഇടങ്ങളിൽ കേരളത്തിൽ പരിഗണിക്കുന്നത് കൊല്ലവും ആലപ്പുഴയുമാണ്.അതിൽ തന്നെ 17 സ്ഥലങ്ങളിൽ സാധ്യതാ പഠനം ഇതിനകം പൂർത്തിയായി കഴിഞ്ഞു. ഇനി സാധ്യതാ പഠനം നടത്താനുള്ളത് കൊല്ലം, ആലപ്പുഴ, കൊൽക്കത്ത, ലക്ഷദ്വീപ് എന്നിവിടങ്ങളിലാണ്. കൊല്ലത്തും ആലപ്പുഴയിലും സാധ്യതാ പഠനം ഉടൻ നടത്തി രണ്ട് മാസത്തിനകം റിപ്പോർട്ട് സമർപ്പിക്കാനാണ് അധികൃതരുടെ ശ്രമം. മുംബൈ, ശ്രീനഗർ, പറ്റ്ന, വാരാണസി എണിവിടങ്ങളിൽ പദ്ധതിയുടെ സാധ്യതാ പഠനം പൂർത്തിയാക്കി റിപ്പോർട്ട് നൽകിയിട്ടുണ്ട്. ഇതിൽ മുംബൈയിലെ വാട്ടർ മെട്രോ പദ്ധതിക്ക് വിശദമായ രൂപരേഖ ( ഡിപിആർ) തയാറാക്കുന്നതിനുള്ള ചുമതല കൊച്ചി മെട്രോ റെയിൽ ലിമിറ്റഡലിന് (കെഎംആർഎൽ) തന്നെയാണ് ലഭിച്ചിട്ടുള്ളത്. 2023 ഏപ്രിൽ 25 നാണ് കൊച്ചിയിൽ വാട്ടർ മെട്രോ സർവീസ് ആരംഭിച്ചത്. കൊച്ചിയിൽ ഇതിന് ലഭിച്ച വൻ സ്വീകാര്യതയാണ് രാജ്യത്ത് മറ്റ് സ്ഥലങ്ങളിലേക്ക് കൂടി വാട്ടർ മെട്രോ വ്യാപിപ്പിക്കാൻ അധികൃതർ തീരുമാനിച്ചത്. കൊച്ചി വാട്ടർ മെട്രോയിൽ യാത്രക്കാരുടെ എണ്ണം അടുത്തിടെ 50 ലക്ഷം പിന്നിട്ടിരുന്നു. കൊച്ചിയിൽ നിന്ന് നെടുമ്പാശേരിയിലേക്ക് വാട്ടർ മെട്രോ നീട്ടുന്നതും പരിഗണനയിലാണ്. ഇതിൻ്റെ പ്രാരംഭ പഠനത്തിനുള്ള നടപടികൾ ഇതിനകം ആരംഭിച്ച് കഴിഞ്ഞു. കൊല്ലത്തും ആലപ്പുഴയിലും വാട്ടർ മെട്രോ സർവീസ് തുടങ്ങാൻ കഴിഞ്ഞാൽ കേരളത്തിന്‍റെടൂറിസം മേഖലയ്ക്ക് അത് കൂടുതൽ കരുത്തുപകരുമെന്നാണ് പ്രതീക്ഷ.

തിരുമുക്ക് അടിപ്പാത സമരം: റിലേ സത്യഗ്രഹം ഒരു മാസം പിന്നിട്ടു

ചാത്തന്നൂർ: തിരുമുക്കിൽ വലിയ വാഹനങ്ങൾക്ക് കടന്നുപോകുവാൻ കഴിയുന്ന തരത്തിൽ അടിപ്പാത ശാസ്ത്രീയമായി പുതുക്കിപ്പണിയണമെന്ന് ആവശ്യപ്പെട്ട് തിരുമുക്ക് അടിപ്പാത സമരസമിതിയുടെ നേതൃത്വത്തിൽ നടത്തിവരുന്ന റിലേ സത്യഗ്രഹ സമരത്തിന്‍റെ മുപ്പതാം ദിവസം ചാത്തന്നൂർ വികസന സമിതി കൺവീനർ ജി.പി.രാജേഷ്, പരവൂർ പ്രൊട്ടക്ഷൻ ഫോറം പ്രതിനിധി പി.കെ. സുഭാഷ്, പരവൂർക്കാർ കൂട്ടായ്മ കൺവീനർ വി.എസ്. ഗോപൻ, പരവൂർ യുവജന കൂട്ടായ്മ പ്രതിനിധി അഭിജിത്ത് എന്നിവർ സത്യഗ്രഹം അനുഷ്ടിച്ചു. ഇത്തിക്കര ബ്ലോക്ക് പഞ്ചായത്ത് പ്രസിഡന്‍റ് എം.കെ. ശ്രീകുമാർ സത്യഗ്രഹം ഉദ്ഘാടനം ചെയ്തു.ചാത്തന്നൂർ വികസന സമിതി ചെയർമാൻ ജി.രാജശേഖരൻ അധ്യക്ഷത വഹിച്ചു.പരവൂർ പ്രൊട്ടക്ഷൻ ഫോറം ജോയിന്‍റ് കൺവീനർ പി.കെ.മുരളി, പരവൂർ യുവജന കൂട്ടായ്മ കൺവീനർ ഷൈൻ എസ്.കുറുപ്പ്, സമരസമിതി ജനറൽ കൺവീനർ കെ.കെ.നിസാർ, ഗിരികുമാർ, സജി തട്ടത്തുവിള, സമരസമിതി കൺവീനർ സന്തോഷ് പാറയിൽക്കാവ്, പി.ദിനകരൻ തുടങ്ങിയവർ പ്രസംഗിച്ചു. അടിപ്പാത സമരത്തിന്‍റെ 31-ാം ദിവസമായ ഇന്ന് വൈകുന്നേരം അഞ്ചുമുതൽ ചാത്തന്നൂർ വികസന സമിതിയും ചാത്തന്നൂർ വൈഎംസിഎ പ്രവർത്തകരും സായാഹ്ന സത്യഗ്രഹസമരമനുഷ്ടിക്കും. സമരവേദിയിൽ തയാറാക്കിയ പ്രതിഷേധ ജ്വാല തെളിച്ച് കൊണ്ട് ചിറക്കര പഞ്ചായത്ത് പ്രസിഡന്‍റ് ടി.ആർ. സജില സമരം ഉദ്ഘാടനം ചെയ്യും.

കോഴിക്കൂട് തകർത്ത് തെരുവുനായ്ക്കൾ കോഴികളെ കൊന്നു

കുളത്തൂപ്പുഴ : കോഴിക്കൂട് തകർത്ത് തെരുവുനായ്്ക്കൂട്ടം ഇരുപതോളം കോഴികളെ കടിച്ചു കൊന്നു. കുളത്തൂപ്പുഴ പഞ്ചായത്തിൽ നിന്നും മുട്ടക്കോഴി പദ്ധതി പ്രകാരം കിട്ടിയ കോഴികൾ ഉൾപ്പെടെ 20 കോഴികളെയാണ് കോഴിക്കൂട് തകർത്ത് നായക്കൂട്ടം കൊന്നത്. കല്ലുവെട്ടാംകുഴി തുണ്ടത്തിൽ വീട്ടിൽ ജെസി മാത്യുവിന്‍റെ കോഴികളെയാണ് തെരുവുനായ്ക്കൾ കടിച്ചു കൊന്നത്. കോഴികളുടെ നിർത്താതെയുള്ള ബഹളം കേട്ട് വീട്ടുകാർ ഉണർന്ന് എത്തിയപ്പോൾ അവർക്ക് നേരെയും ആക്രമണം ഉണ്ടായി. ഇവർ പേടിച്ചു കതകടച്ച ശേഷം സമീപത്തെ വാർഡ്‌ മെമ്പറെ വിവരം അറിയിക്കുകയായിരുന്നു. മെമ്പർ നാട്ടുകാരെ വിളിച്ചു നായ്ക്കളെ തുരത്തി ഓടിക്കുന്നതിനുള്ളിൽ കോഴികളിൽ പകുതിയിലേറെയും നായ്ക്കൾ കൊന്നിരുന്നു. ഈ മേഖലയിൽ തെരുവുനായ്ക്കളുടെ ശല്യം വൻ തോതിൽ വർധിച്ചു വരികയാണ്. കുളത്തൂപ്പുഴ പഞ്ചായത്ത് അധികൃതർ മാലിന്യ ബോക്സുകൾ എല്ലായിടത്തും സ്ഥാപിച്ചത് മൂലമാണ് തെരുവ് നായകൾക്ക് ഭക്ഷണം ലഭിക്കാതെയായത്. വളർത്തുമൃഗങ്ങളെ നായ്‌ക്കൾ കൂട്ടമായി എത്തി ആക്രമിക്കുന്ന വിഷയത്തിൽ അടിയന്തരമായി പഞ്ചായത്ത്‌ അധികൃതർ നടപടികൾ എടുക്കണമെന്നാണ് നാട്ടുകാരുടെ ആവശ്യം.

അഞ്ചല്‍ ഈസ്റ്റ് സര്‍ക്കാര്‍ ഹയര്‍ സെക്കൻഡറി സ്കൂളിലെ കളിസ്ഥല നവീകരണം വൈകുന്നു

അഞ്ചല്‍ : അഞ്ചല്‍ ഈസ്റ്റ് സര്‍ക്കാര്‍ ഹയര്‍ സെക്കൻഡറി സ്കൂളിലെ കളിസ്ഥലം നവീകരിക്കുന്നതിനായി തുക അനുവദിച്ചു വര്‍ഷങ്ങള്‍ പിന്നിടുമ്പോഴും നവീകരണ പ്രവര്‍ത്തികൾക്കു തുടക്കം കുറിക്കാന്‍ പോലും കഴിയാത്ത അധികൃത നിലപാടില്‍ വിമര്‍ശനവും പ്രതിഷേധവും ഉയരുന്നു. 2019 -20 സാമ്പത്തിക വര്‍ഷത്തില്‍ അന്നത്തെ വനംമന്ത്രിയും പുനലൂര്‍ എംഎല്‍എയുമായിരുന്ന കെ. രാജുവിന്‍റെ ആസ്തി വികസന ഫണ്ടില്‍നിന്നുമാണ് 1.3 കോടി രൂപ അനുവദിച്ചത്. 2021 ല്‍ പദ്ധതിക്കു പ്രവര്‍ത്തനാനുമതിയും ലഭിച്ചു. കിഴക്കന്‍ മലയോര മേഖലയില്‍ മികച്ച കളിസ്ഥലമുള്ള ഏക സ്കൂളാണ് അഞ്ചല്‍ ഈസ്റ്റ് സര്‍ക്കാര്‍ ഹയര്‍സെക്കൻഡറി സ്കൂള്‍. ജില്ലാ, ഉപജില്ലാ വിദ്യാഭ്യാസ കായിക മേളകളും ബ്ലോക്ക് പഞ്ചായത്ത്, പഞ്ചായത്ത് കേരളോത്സവം ഉള്‍പ്പെടെ നടക്കുന്നതും ഇവിടെയാണ്. നിരവധി തവണ ജില്ലാ സ്കൂള്‍ കലോത്സവവും ഇവിടെ നടന്നിട്ടുണ്ട്. ഇതെല്ലാം മുന്നില്‍ കണ്ടുകൊണ്ടാണ് ആധുനിക രീതിയില്‍ കളിസ്ഥലം നവീകരിക്കാന്‍ അധികൃതര്‍ തീരുമാനിച്ചത്. എസ്. ജയമോഹന്‍ ജില്ലാ പഞ്ചായത്ത് പ്രസിഡന്‍റായിരിക്കേ കളിസ്ഥലം നവീകരിക്കുന്നതിനായി ജില്ലാ പഞ്ചായത്തില്‍നിന്നും ഫണ്ട് അനുവദിച്ചിരുന്നു. ഈ ഫണ്ട് ഉപയോഗിച്ചുകൊണ്ടു പില്ലറുകള്‍ ഉള്‍പ്പെടെ നിര്‍മിച്ചുവെങ്കിലും ഫണ്ടിന്‍റെ അപര്യാപ്തതയെ തുടര്‍ന്നു നിര്‍മാണം നിലച്ചു. ഇതോടെയാണ് കെ. രാജു ഫണ്ട് അനുവദിച്ചത്. വര്‍ഷങ്ങള്‍ക്കുമുമ്പ് ജില്ലാ പഞ്ചായത്ത് നിര്‍മിച്ച പില്ലറുകൾ ഉള്‍പ്പെടെ പൊളിച്ചുനീക്കി മാത്രമേ പുതിയ പ്രവർത്തികൾ ആരംഭിക്കാന്‍ കഴിയൂവെന്നാണ് സൂചന. അതേസമയം ഫണ്ട് അനുവദിച്ച് അഞ്ചു വര്‍ഷം കഴിയുമ്പോഴും നിര്‍മാണം ആരംഭിക്കാത്തതിലുള്ള അതൃപ്തി കെ. രാജു പ്രകടിപ്പിച്ചു. ഇനിയും പ്രവര്‍ത്തികള്‍ ആരംഭിച്ചില്ലെങ്കില്‍ ഉത്തരവാദിത്തപ്പെട്ടവര്‍ക്കെതിരെ നടപടി സ്വീകരിക്കണമെന്ന് ജില്ലാ കളക്ടറോട് ആവശ്യപ്പെടുമെന്നും കെ. രാജു ദീപികയോട് പറഞ്ഞു. എന്നാല്‍ കളിസ്ഥല നവീകരണം ഉടന്‍ ആരംഭിക്കുമെന്നും സംസ്ഥാന സ്പോര്‍ട്സ് കൗണ്‍സിലിന്‍റെ കീഴിലെ ഏജന്‍സിയാണ് പ്രവര്‍ത്തികള്‍ ഏറ്റെടുത്തിരിക്കുന്നതെന്നും സ്കൂള്‍ പിടിഎ അറിയിച്ചു.

ക്ഷേത്രത്തില്‍ മോഷണം നടത്തിയവരെ നാട്ടുകാര്‍ പൊക്കി

ചവറ : ക്ഷേത്രത്തില്‍ മോഷണം നടത്തിയവരെ കൈയോടെ പൊക്കി നാട്ടുകാര്‍. ചവറ തോട്ടിനു വടക്ക് സ്വദേശികളായ ആമച്ചല്‍ രാജേഷ് (42) ,ഗോപൂനാഥ് (സോനു-47) എന്നിവരെയാണ് നാട്ടുകാര്‍ കൈയോടെ പിടികൂടിയത്. കഴിഞ്ഞദിവസം രാത്രി 11ഓടെയായിരുന്നു സംഭവം. പോലിസ് പറയുന്നത് - ചെറുശേരി ഭാഗം രാമേഴ്ത്ത് മൂര്‍ത്തി ക്ഷേത്രത്തില്‍ ശ്രീകോവില്‍ പൊളിച്ച് അകത്ത് കയറി വിലപിടിപ്പുള്ള വിളക്കും പുറത്ത് വെച്ചിരുന്ന വഞ്ചിയും കുത്തി തുറന്ന് പണവും മോഷ്ടിക്കുന്നതിനിടയില്‍ ഇതുവഴി പോയവര്‍ ക്ഷേത്രത്തിനകത്ത് രണ്ടുപേര്‍ നില്‍ക്കുന്നത് കണ്ടു. തുടര്‍ന്ന് നാട്ടുകാര്‍ സംഘടിച്ച് ഇവരെ തടഞ്ഞ് വെച്ചതിന് ശേഷം ചവറ പോലിസ് സ്റ്റേഷനില്‍ വിവരം അറിക്കുകയും പോലിസെത്തി ഇവരെ പിടികൂടുകയുമായിരുന്നു. രണ്ട് പേരും സമാനമായ കേസിലുള്‍പ്പെട്ട് ജയിലില്‍ കിടന്നതിന് ശേഷം ഒരു മാസം മുമ്പാണ് പുറത്തിറങ്ങിയത്.

ചാത്തന്നൂർ സിവിൽ സ്റ്റേഷൻ അനക്സ് കെട്ടിട നിർമാണത്തിന് അഞ്ച് കോടി അനുവദിച്ചു

ചാത്തന്നൂർ: ചാത്തന്നൂർ മിനി സിവിൽ സ്റ്റേഷൻ അനക്സ് കെട്ടിട നിർമാണത്തിന് അഞ്ച് കോടി രൂപയുടെ ഭരണാനുമതി ലഭിച്ചതായി ജി.എസ്.ജയലാൽ എംഎൽഎ അറിയിച്ചു. നവകേരള സദസിൽ സമർപ്പിച്ച ആവശ്യങ്ങളിൽ മുൻഗണന നൽകിയിരുന്ന ആവശ്യങ്ങളിലൊന്നായിരുന്നു ചാത്തന്നൂർസിവിൽ സ്റ്റേഷൻ അനക്സ് കെട്ടിട നിർമ്മാണം. ആയത് പരിഗണിച്ചാണ് കെട്ടിടനിർമാണത്തിന് അഞ്ച് കോടി രൂപയുടെ ഭരണാനുമതി ലഭിച്ചിട്ടുള്ളത്. സർക്കാർ ഓഫീസുകൾ പ്രവർത്തിക്കുന്നതിന് വാടക കെട്ടിടങ്ങളൊഴിവാക്കി മതിയായ സ്ഥലസൗകര്യങ്ങൾ ചാത്തന്നൂർ മിനിസിവിൽ സ്റ്റേഷനിൽ ഇനിനൽകാൻ കഴിയും. ചാത്തന്നൂർ മിനി സിവിൽ സ്റ്റേഷനിൽ മൂന്നാം നില നിർമാണം പൂർത്തിയാക്കി പ്രവർത്തനോദ്ഘാടനം നിലവിൽ കഴിഞ്ഞിട്ടുണ്ട്. സിവിൽ സ്റ്റേഷന് പുതിയ അനക്സ് കെട്ടിടം കൂടി വരുന്നതോടെ കൂടുതൽ സർക്കാർ ഓഫീസുകൾ പ്രവർത്തിക്കുന്നതിന് സ്ഥലം നൽകാൻ കഴിയുമെന്നും എംഎൽഎ പറഞ്ഞു.

ഫാത്തിമ മാതാ നാഷണൽ കോളജിൽ ദ്വിദിന ശില്പശാല

കൊല്ലം: ഫാത്തിമ മാതാ നാഷണൽ കോളജിൽ മലയാളവിഭാഗത്തിന്‍റെ ആഭിമുഖ്യത്തിൽ തിരക്കഥാനിർമിതിയും സിനിമയും എന്ന വിഷയത്തിൽ ദ്വിദിന ശില്പശാല ആരംഭിച്ചു. കോളജ് മാനേജർ റവ. ഡോ. അഭിലാഷ് ഗ്രിഗറി ഉദ്ഘാടനം ചെയ്തു. സിനിമ നടനും അധ്യാപകനും ഡബിങ് ആർട്ടിസ്റ്റുമായ പ്രഫ.അലിയാർ കുഞ്ഞ് ക്ലാസ് നയിച്ചു. വകുപ്പ് മേധാവി ഇൻ ചാർജ് ഡോ.പെട്രീഷ്യ ജോൺ, ഡോ. ജെ. ജി. അരുൺ, ഡോ. എസ്. വി. സുധീഷ് സാം, ബ്രിജുല, പി.ഗംഗ എന്നിവർ പ്രസംഗിച്ചു. 21ന് ഡോ. ജെ. വർഗീസ് നയിക്കുന്ന ക്ലാസ് ഉണ്ടായിരിക്കും.

റെയിൽവേയിൽ ജോലി വാഗ്ദാനം ചെയ്ത് തട്ടിപ്പ്: ജാഗ്രത പാലിക്കണമെന്ന് അധികൃതർ

കൊല്ലം: റെയിൽവേയിൽ ജോലി വാഗ്ദാനം ചെയ്ത് തട്ടിപ്പ് വ്യാപകം. ഇതിന്‍റെ അടിസ്ഥാനത്തിൽ ഉദ്യോഗാർഥികൾക്ക് മുന്നറിയിപ്പുമായി അധികൃതർ രംഗത്ത് എത്തി.വഞ്ചനാപരമായ റിക്രൂട്ട്മെന്‍റ് ഓഫറുകൾ വന്നാൽ സൂക്ഷിക്കണം എന്നാണ് തിരുവനന്തപുരം ഡിവിഷൻ അധികൃതർ നൽകുന്ന നിർദേശം. മുതിർന്ന റെയിൽവേ ഉദ്യോഗസ്ഥരുമായി ബന്ധമുണ്ടെന്ന് അവകാശപ്പെട്ടാണ് ചിലർ ജോലി വാഗ്ദാനം ചെയ്ത് ഉദ്യോഗാർഥികളെ സമീപിച്ചത്. ജോലി ലഭിക്കാൻ ഇവർ വൻതുകകൾ ആവശ്യപ്പെട്ട വിവരവും അധികൃതർ സ്ഥിരീകരിച്ചിട്ടുണ്ട്. റെയിൽവേ റിക്രൂട്ട്മെന്‍റ് ബോർഡുകളും റെയിൽവേ റിക്രൂട്ട്മെന്‍റ് സെല്ലുകളുമാണ് നിലവിൽ റിക്രൂട്ട്മെന്‍റുകൾ നടത്തുന്നത്.റെയിൽവേയിൽ ജോലി ഉറപ്പാക്കുന്നതിന് കുറുക്കുവഴികളോ ഇടനിലക്കാരോ ഇല്ലെന്നും നിർദേശത്തിൽ പറയുന്നു. മാത്രമല്ല റിക്രൂട്ട്മെന്‍റ്ബോർഡും റിക്രൂട്ട്മെന്‍റ് സെല്ലും അവരുടെ പേരിൽ പ്രവർത്തിക്കാൻ വ്യക്തികളെയോ ഏജൻസികളെയോ കോച്ചിംഗ് സെന്‍ററുകളെയോ അധികാരപ്പെടുത്തിയിട്ടുമില്ല. റിക്രൂട്ട്മെന്‍റ് സംബന്ധിച്ച അറിയിപ്പുകളും അപ്ഡേറ്റുകളും ആർആർബിയുടെയും ആർആർസിയുടെയും വെബ്സൈറ്റുകളിൽ പ്രസിദ്ധീകരിക്കാറുണ്ട്. മാത്രമല്ല ഇവ മാധ്യമങ്ങൾ വഴിയും ഇത് ഉദ്യോഗാർഥികളെ അറിയിക്കാറുണ്ട്. റിക്രൂട്ട്മെന്‍റുകൾ സംബന്ധിച്ച വ്യക്തതക്കായി ആർആർബി, തിരുവനന്തപുരം - 0471- 2323357, ആർആർബി, ചെന്നൈ -044-2827532, ചെന്നൈ ആർആർസി - 9500 481087 എന്നീ നമ്പരുകളിൽ ബന്ധപ്പെടാം. നിയമവിരുദ്ധമായ ഓഫറുകളുമായി ആരെങ്കിലും സമീപിച്ചാൽ ഉടൻ പോലീസിൽ റിപ്പോർട്ട് ചെയ്യണമെന്നും നിർദേശത്തിൽ പറയുന്നു. തിരുവനന്തപുരത്ത് അന്വേഷണം ആരംഭിച്ചു കൊല്ലം: റെയിൽവേയിൽ തൊഴിൽ വാഗ്ദാനം ചെയ്ത് തട്ടിപ്പ് നടത്താൻ ശ്രമിച്ചതുമായി ബന്ധപ്പെട്ട് തിരുവനന്തപുരത്ത് അന്വേഷണം ആരംഭിച്ചു. റെയിൽവേ സംരക്ഷണ സേനയും ( ആർപിഎഫ്) , റെയിൽവേ പോലീസും (ജിആർപി) ആണ് വിശദമായ അന്വേഷണം ആരംഭിച്ചിട്ടുള്ളത്. തിരുവനന്തപുരം റെയിൽവേ ഡിവിഷൻ ആസ്ഥാനത്ത് ലഭിച്ച കത്തിലാണ് ജോലി തട്ടിപ്പ് സംബന്ധിച്ച സൂചനകൾ അധികൃതർക്ക് ലഭിച്ചത്. കത്ത് പിന്നീട് അന്വേഷണ ഉദ്യോഗസ്ഥർക്ക് കൈമാറുകയായിരുന്നു. തിരുവനന്തപുരം റെയിൽവേ ഡിവിഷനിലെ ഒരു ഉദ്യോഗസ്ഥനുമായി അടുത്ത ബന്ധം ഉണ്ടെന്ന് പറഞ്ഞാണ് ചിലർ ജോലി വാഗ്ദാനം നൽകി ഉദ്യോഗാർഥികളെ സമീപിച്ചത്. ഇതെല്ലാം വിശദമായി കത്തിൽ പ്രതിപാദിച്ചിട്ടുണ്ട്. കത്തിൽ പരാമർശമുള്ള ഉദ്യോഗസ്ഥന് തട്ടിപ്പുമായി ബന്ധമുണ്ടോ എന്ന കാര്യം വ്യക്തമല്ല. ഇതടക്കമള്ള കാര്യങ്ങൾ അന്വേഷണ പരിധിയിലുണ്ടെന്നും പ്രാരംഭ ഘട്ടത്തിൽ കൂടുതൽ വിവരങ്ങൾ വെളിപ്പെടുത്താനാകില്ലെന്നും അന്വേഷണ ഉദ്യോഗസ്ഥർ വ്യക്തമാക്കി.

ട്രാക്കിലെ മധുര പ്രതികാരത്തിന്‍റെ കഥ...

കൊട്ടാരക്കര: ട്രാക്കിൽ സഹോദര സ്നേഹം പാടേ മറന്ന് ഇരട്ട കായിക താരങ്ങൾ. ഇതേ മൈതാനത്ത് കഴിഞ്ഞ വർഷം നടന്ന 200മീറ്റർ ജൂനിയർ ഓട്ട മത്സരത്തിൽ തന്നെ തോൽപ്പിച്ച സഹോദരിയോട് അതേ മത്സരത്തിൽ തന്നെ സ്വർണമെഡൽ നേടി ഇത്തവണത്തെ കായിക മേളയിൽ മധുര പ്രതികാരം വീട്ടിയിരിക്കുകയാണ് അഞ്ചൽ ഈസ്റ്റ് ജിഎച്ച്എസ്എസിലെ എട്ടാം ക്ലാസ് വിദ്യാർഥിനിയും ഇരട്ട സഹോദരിമാരിൽ ഒരാളുമായ അനന്യ. കഴിഞ്ഞ വർഷം നടന്ന 200മീറ്റർ ഓട്ടമത്സരത്തിൽ ഇവർ രണ്ട്പേരും പങ്കെടുത്തിരുന്നു ഇഞ്ചോടിഞ്ചു നടന്ന മത്സരത്തിൽ അനശ്വര ഒന്നാം സ്ഥാനത്തും അനന്യ മൂന്നാം സ്ഥാനത്തെയ്ക്കും പിൻതള്ളപ്പെട്ടു. മത്സരത്തിൽ ഒന്നാം സ്ഥാനം ലഭിക്കാത്തതിന്‍റെ സങ്കടം അനന്യയ്ക്ക് ഉണ്ടായിരുന്നു. ഇതേ ട്രാക്കിൽ തന്നെ അന്നത്തെ മത്സരത്തിന്‍റെ കയ്പ്പേറിയ ഓർമ്മകൾ മായും മുൻപേ സഹോദരിയേ തോൽപ്പിച്ചു സ്വർണ്ണം നേടിയതിന്‍റെ ആഹ്ലാദം അനന്യ മറച്ചു വയ്ക്കുന്നില്ല. അന്ന് അനന്യയ്ക്ക് മൂന്നാം സ്ഥാനം കിട്ടിയപ്പോൾ ഇപ്പോൾ രണ്ടാമത് എത്തിയ അനശ്വരയ്ക്ക് വലിയ സങ്കടം ഒന്നും തന്നെ ഇല്ല. ഇരട്ടകുട്ടികൾ 4സ്വർണ്ണവും, 2വെള്ളിയുമടക്കം. 6മെഡലുകൾ വീട്ടിൽ എത്തുന്നതിന്‍റെ സന്തോഷം ഇവരുടെ പിതാവ് അനിൽകുമാർ മറച്ചു വയ്ക്കുന്നില്ല. മക്കൾ രണ്ട് പേരും ഒരുമിച്ച് മത്സരത്തിനിറങ്ങിയത് 200മീറ്റർ ഓട്ടത്തിൽ മാത്രമായിരുന്നു. മത്സരത്തിൽ അനന്യയ്ക്ക് സ്വർണവും അനശ്വരയ്ക്ക് വെള്ളിയും ലഭിച്ചു.അനന്യ 200മീറ്റർ ഓട്ടത്തിൽ സ്വർണ്ണവും, ലോങ്ങ്‌ ജമ്പിൽ 4.57മീറ്റർ ദൂരം കടന്ന് സ്വർണ്ണവും, 100മീറ്റർ ഓട്ടത്തിൽ വെള്ളിയും ലഭിച്ചു. അനശ്വര 400മീറ്റർ ഓട്ടത്തിലും ട്രിപ്പിൾ ജമ്പിൽ സ്വർണ്ണവും, 200മീറ്ററിൽ വെള്ളിയും കരസ്ഥമാക്കി. ഇവരുടെ പിതാവ് അഞ്ചൽ ടൗണിലെ ഡ്രൈവറായ അനിൽകുമാർ നേരത്തെ സംസ്ഥാന കായിക മേളയിൽ ജാവലിൻ ത്രോ ഇനത്തിൽ പങ്കെടുത്തിട്ടുണ്ട്. മാതാവ് പ്രീത അഞ്ചലിലെ സ്വകാര്യ ആശുപത്രിയിൽ നഴ്സായി ജോലി നോക്കുന്നു.

റവന്യു ജില്ല കായികമേള : അഞ്ചല്‍ ‘തൂക്കി’

കൊട്ടാരക്കര: കൊല്ലം റവന്യുജില്ല കായികമേളയില്‍ അഞ്ചല്‍ഉപജില്ല 185 പോയിന്‍റു നേടി കിരീടം ചൂടി. ചാത്തന്നൂര്‍ ഉപജില്ല109 പോയിന്‍റോടെ രണ്ടാം സ്ഥാനത്തും പുനലൂര്‍ ഉപജില്ല78 പോയിന്‍റോടെ മൂന്നാം സ്ഥാനത്തും എത്തി. അഞ്ചല്‍ വെസ്റ്റ് ഗവ. എച്ച്എസ്എസിന്‍റെയും അഞ്ചല്‍ ഈസ്റ്റ് ഗവ. എച്ച്എസ്എസിന്‍റെയും കുളത്തൂപ്പുഴ ഗവ. എംആര്‍എസിന്‍റെയും മികവിലാണ് അഞ്ചല്‍ ഉപജില്ല ചാമ്പ്യന്‍ഷിപ്പ് നേടിയത്. സ്‌കൂള്‍കിരീടത്തില്‍ അഞ്ചല്‍ ഗവണ്‍മെന്‍റ് എച്ച്എസ്എസ് 83 പോയിന്‍റോടെ മുത്തമിട്ടു. പൂതക്കുളം ഗവണ്‍മെന്‍റ് എച്ച്എസ്എസ് 68 പോയിന്‍റോടെ രണ്ടാം സ്ഥാനത്തും പുനലൂര്‍ സെന്‍റ് ഗൊരെത്തി എച്ച്എസ്എസ് 44 പോയിന്‍റെടെ മൂന്നാം സ്ഥാനത്തും എത്തി. വ്യക്തിഗത ചാമ്പ്യന്‍പട്ടം സബ്ജൂണിയര്‍ ബോയ്‌സില്‍ പൂതക്കുളം എച്ച്എസ്എസിലെ ശ്രീഹരി സതീഷ്‌കുമാര്‍ 15 പോയിന്‍റോടെ കരസ്ഥമാക്കി. സബ് ജൂണിയര്‍ ഗേള്‍സില്‍ അഞ്ചല്‍ ഈസ്റ്റ് ഗവ.എച്ച്എസ്എസിലെ ലിയോണ സാജു 11 പോയിന്‍റോടെ കിരീടം നേടി. ജൂണിയര്‍ ബോയ്‌സില്‍ കൊല്ലം സെന്‍റ് അലോഷ്യസിലെ ട്രോയി.എം. ഹെന്‍സണ്‍ 15 പോയിന്‍റോടെ വ്യക്തിഗതചാമ്പ്യനായി. ജൂണിയര്‍ ഗേള്‍സില്‍ പൂതക്കുളം ഗവ. എച്ച്എസ്എസിലെ അപര്‍ണ പ്രകാശ് 15 പോയിന്‍റോടെ ചാമ്പ്യനായി. സീനിയര്‍ ബോയ്‌സില്‍ കുളത്തുപ്പുഴ ഗവ. എംആര്‍എസിലെ എസ്. അദര്‍ശ് 13 പോയിന്‍റുമായി ചാമ്പ്യനായി. സീനിയര്‍ ഗേള്‍സില്‍ പുനലൂര്‍ സെന്‍റ് ഗൊരെത്തി എച്ച്എസ്എസില്‍ ജിവിയ ജോസ് 11 പോയിന്‍റോടെ വ്യക്തിഗത ചാമ്പ്യനായി.സമാപന സമ്മേളനത്തിൽ കൊല്ലം ജില്ലാ പഞ്ചായത്ത് പ്രസിഡന്‍റ് ഡോ. പി കെ ഗോപൻ സമ്മാനങ്ങൾ വിതരണം ചെയ്തു. ഉപജില്ല - പോയിന്‍റ് നില 1.അഞ്ചല്‍ -185 2. ചാത്തന്നൂര്‍-109 3. പുനലൂര്‍ - 78 4.കൊട്ടാരക്കര-67 5.ചവറ-60 6.കുണ്ടറ-39 7.ചടയമംഗലം-30 8.കൊല്ലം-29 9.കുളക്കട-27 10.കരുനാഗപ്പള്ളി-21 11.വെളിയം-13 12 ശാസ്താംകോട്ട-10 സ്‌കൂള്‍തല പോയിന്‍റ് 1. അഞ്ചല്‍ വെസ്റ്റ് ഗവ. എച്ച്എസ്എസ് - 83 2.പൂതക്കുളം ഗവ. എച്ച്എസ്എസ് - 68 3.പുനലൂര്‍ സെന്‍റ് ഗോരെത്തി എച്ച് എസ്എസ് -44 4.അഞ്ചല്‍ ഈസ്റ്റ് ഗവ. എച്ച്എസ്എസ് -40 5.അയ്യന്‍കോയിക്കല്‍ ജിഎച്ച് എസ്എസ് -29 6. കുളത്തുപ്പുഴ ഗവ. എംആര്‍എസ് -27 7.ചിറക്കര ഗവ.എച്ച്എസ്-21 8.കൊല്ലം സെന്‍റ് അലോഷ്യസ് -15 9. എളമ്പല്ലൂര്‍ എസ്എന്‍എം എച്ച്എസ് -15 10.കുറ്റിക്കാട് സിപി എച്ച്എസ്എസ് -14

മരുതിമലയിൽനിന്ന് വീണ് വിദ്യാർഥിനി മരിച്ചു

കൊല്ലം: മുട്ടറ മരുതിമലയിൽ നിന്ന് താഴെ വീണ് ഒൻപതാം ക്ലാസ് വിദ്യാർഥിനി മരിച്ചു. മറ്റൊരു വിദ്യാർഥിനിക്ക് ഗുരുതരമായ പരിക്കേറ്റു. അടൂർ പെരിങ്ങനാട് ചെറു പുഞ്ചയിൽ സ്വദേശിനിയായ മീനു (14 )ആണ് മരിച്ചത്. ഗുരുതരമായി പരിക്കേറ്റ മന്ദപ്പള്ളി ശിവർണ (14) കൊല്ലത്തെ സ്വകാര്യ മെഡിക്കൽ കോളജിൽ ചികിത്സയിലാണ്. ഇക്കോ ടൂറിസം കേന്ദ്രമായ മരുതിമല സന്ദർശിക്കാൻ പോയ ഇരുവരും അപകടത്തിൽ പെടുകയായിരുന്നു. വൈകുന്നേരം ആറരയോടെയാണ് നാടിനെ നടുക്കിയ സംഭവം ഉണ്ടാവുന്നത്. അടൂർ പെരിങ്ങനാട് സ്വദേശിനികളായ മീനുവും ശിവർണയും ഒൻപതാം ക്ലാസ് വിദ്യാർഥിനികളാണ്. സംഭവ സ്ഥലത്ത് പോലീസെത്തി മേൽ നടപടികൾ സ്വീകരിച്ചു വരുന്നു.

വിശ്വാസ സംരക്ഷണ ജാഥയ്ക്ക് സ്വീകരണം നൽകി

പാരിപ്പള്ളി: അടൂർ പ്രകാശ് എംപി നയിക്കുന്ന വിശ്വാസ സംരക്ഷണ തെക്കൻ മേഖല ജാഥയ്ക്ക് പാരിപ്പള്ളിയിൽ സ്വീകരണം നൽകി. പാരിപ്പള്ളി ജംഗ്ഷനിൽ നടന്ന സ്വീകരണ പരിപാടി ബിജു പാരിപ്പള്ളി ഉദ്ഘാടനം ചെയ്തു. പാരിപ്പള്ളി മണ്ഡലം പ്രസിഡന്‍റ് ആർ.ഡി. ലാൽ അധ്യക്ഷനായി. ബ്ലോക്ക് കമ്മിറ്റി ഭാരവാഹികളായ അനിൽ മണലുവിള, രവീന്ദ്രക്കുറുപ്പ്, ദൃശ്യ സജീവ്, രാജീവ്, വിഷ്ണു, ഷൈജു തുടങ്ങിയവർ നേതൃത്വം നൽകി.

തൊഴിൽമേള സംഘടിപ്പിച്ചു

പാരിപ്പള്ളി : കല്ലുവാതുക്കൽ പഞ്ചായത്തും കുടുംബശ്രീയും സംയുക്തമായി കുളമട രേവതി എക്‌സാര തിയറ്റർ ഹാളിൽ നടത്തിയ തൊഴിൽ മേളയുടെ ഉദ്ഘാടനം കല്ലുവാതുക്കൽ പഞ്ചായത്ത് പ്രസിഡന്‍റ് എൻ. ശാന്തിനി നിർവഹിച്ചു. പഞ്ചായത്ത് വൈസ് പ്രസിഡന്‍റ് പി. പ്രദീഷ്കുമാർ അധ്യക്ഷനായി. പഞ്ചായത്ത് അസിസ്റ്റന്‍റ് ് സെക്രട്ടറി എം. എൽ.രാജി, ക്ഷേമകാര്യ സ്റ്റാന്‍ഡിംഗ് കമ്മിറ്റി ചെയർപേഴ്സൺ ഡി. സുഭദ്രമ്മ,ആരോഗ്യ സ്റ്റാൻഡിംഗ് കമ്മിറ്റി ചെയർമാൻ ബൈജു ലക്ഷ്മണൻ, വാർഡ് മെമ്പർമാരായ എസ്. വിജയൻ, ഉഷാകുമാരി,രജനിരാജൻ, പഞ്ചായത്ത് സെക്രട്ടറി അജിത്ത്, സിഡിഎസ് വൈസ് ചെയർപേഴ്സൺ രേണുക, കമ്യൂണിറ്റി അംബാസിഡർ നിമ്മി, സിഡിഎസ് ചെയർ പേഴ്സൺ ബിന്ദു തുടങ്ങിയവർ പ്രസംഗിച്ചു. മേളയിലൂടെ 56 ഉദ്യോഗാർഥികൾക്ക് തൊഴിൽ ലഭ്യമായി.

ശബരിമല സ്വർണക്കൊള്ള ഉന്നതതലത്തിൽ അന്വേഷണം നടത്തണം: എ.എ. അസീസ്

കൊല്ലം: ശബരിമലയിലെ സ്വർണക്കൊള്ള ചില ഉദ്യോഗസ്ഥന്മാരിൽ ഒതുക്കി വകുപ്പ് മന്ത്രിയും ദേവസ്വം ബോർഡും നല്ലപിള്ള ചമയാൻ ശ്രമിക്കുകയാണെന്നും ഉണ്ണികൃഷ്ണൻ പോറ്റിയുടെ പിന്നിലുള്ള വൻകിടക്കാരെ കണ്ടെത്താൻ ഉന്നത തലത്തിൽ അന്വേഷണം നടത്തണമെന്നും യുടിയുസി ദേശീയ പ്രസിഡന്‍റ് എ.എ. അസീസ്. യുടിയുസി നേതൃത്വത്തിൽ കൊല്ലം അസിസ്റ്റന്‍റ് ദേവസ്വം കമ്മീഷണർ ഓഫീസ് പ‌ടിക്കൽ നടന്ന ധർണ ഉദ്ഘാടനം ചെയ്തു പ്രസംഗിക്കുകയായിരുന്നു അദ്ദേഹം. യോഗത്തിൽ ജില്ലാ പ്രസിഡന്‍റ് ഇടവനശേരി സുരേന്ദ്രൻ അധ്യക്ഷത വഹിച്ചു. ആർഎസ്പി ജില്ലാ സെക്രട്ടറി കെ.എസ്. വേണുഗോപാൽ, പി.പ്രകാശ് ബാബു, സജി ഡി.ആനന്ദ്, ടി.കെ സുൽഫി തുടങ്ങിയവർ പ്രസംഗിച്ചു. ആർഎസ്പി കൊല്ലം ജില്ലാ കമ്മിറ്റി ഓഫീസിൽനിന്നും പ്രകടനമായിട്ടാണ് ദേവസ്വം അസിസ്റ്റന്‍റ് കമ്മീഷണർ ഓഫീസിലേക്കു മാർച്ചും ധർണയ ും നടത്തിയത്.

അപ്പുക്കുട്ടന് കാവലായി പത്തനാപുരം ഗാന്ധിഭവന്‍

പത്തനാപുരം: വാര്‍ധക്യസഹജമായ അവശതകളാല്‍ കഴിഞ്ഞിരുന്ന അപ്പുക്കുട്ടന് പൊതുപ്രവര്‍ത്തകരുടെ ഇടപെടലില്‍ ഗാന്ധിഭവനില്‍ അഭയം.ജോലി അന്വേഷിച്ചു വളരെ ചെറുപ്പത്തിലാണ് അപ്പുക്കുട്ടന്‍ കൊല്ലം തെന്മലയിലെ ആര്യങ്കാവില്‍ എത്തുന്നത്. ഏത് ജോലി ചെയ്യാനും യാതൊരു മടിയും കാട്ടാതിരുന്ന അപ്പുക്കുട്ടന്‍ പൊതുവേ ശാന്ത പ്രകൃതക്കാരനാണ്. ആര്യങ്കാവ് കൃഷിസ്ഥലങ്ങള്‍ നിറഞ്ഞ ഇടമായതിനാല്‍ കൃഷി സാധനങ്ങള്‍ സൂക്ഷിക്കുന്ന ഷെഡുകളുടെ തിണ്ണകളിലായിരുന്നു അപ്പുക്കുട്ടന്‍ ഇന്നലെ വരെ അന്തിയുറങ്ങിയിരുന്നത്.കാലങ്ങള്‍ മുന്നോട്ടു നീങ്ങവേ ജോലി ചെയ്യാന്‍ കഴിയാത്ത അവസ്ഥയിലേക്ക് അപ്പുക്കുട്ടന്‍ എത്തി. സുമനസുകളുടെ കാരുണ്യത്താല്‍ ആഹാരം കഴിച്ച് പോരുന്ന അപ്പുക്കുട്ട െന്‍റ ദയനീയാവസ്ഥ ആര്യങ്കാവിലെ പൊതുപ്രവര്‍ത്തകരാണ് ഗാന്ധിഭവന്‍ സെക്രട്ടറി പുനലൂര്‍ സോമരാജനെ അറിയിക്കുന്നത്. തുടര്‍ന്ന് പുനലൂര്‍ സിപിഎം ഏരിയ കമ്മിറ്റിയംഗം വി.എസ്. മണി, യൂണിയന്‍ സെക്രട്ടറി രാധാകൃഷ്ണന്‍ നായര്‍, പാര്‍ട്ടി പ്രവര്‍ത്തകരായ രാജേന്ദ്രപ്രസാദ്, രാധാകൃഷ്ണപിള്ള എന്നിവര്‍ക്കൊപ്പം എത്തിയ അപ്പുക്കുട്ടനെ ഗാന്ധിഭവന്‍ ഏറ്റെടുക്കുകയായിരുന്നു.

ചിക്കന്‍ പോക്‌സ് - ജാഗ്രത വേണമെന്ന് ആരോഗ്യ വകുപ്പ്

കൊല്ലം: ചിക്കന്‍പോക്‌സ് ബാധയ്‌ക്കെതിരെ ജാഗ്രതവേണമെന്ന് ആരോഗ്യവകുപ്പി െ ന്‍റ മുന്നറിയിപ്പ്. പനി, ക്ഷീണം, ശരീരവേദന, ശരീരത്തില്‍ കുമിളകള്‍ പൊങ്ങുക, വിശപ്പില്ലായ്മ, തലവേദന എന്നീ ലക്ഷണങ്ങളോടെയുള്ള ചിക്കന്‍പോക്‌സ് ആണ് കണ്ടെത്തിയിട്ടുള്ളത്. ശിശുക്കള്‍, കൗമാരക്കാര്‍, മുതിര്‍ന്നവര്‍, ഗര്‍ഭിണികള്‍, രോഗപ്രതിരോധശേഷി കുറഞ്ഞവര്‍ എന്നിവരില്‍ സങ്കീര്‍ണ ആരോഗ്യപ്രശ്‌നങ്ങള്‍ക്ക് ഇടയാക്കിയേക്കാം. രോഗ ലക്ഷണങ്ങള്‍ നാലു മുതല്‍ ഏഴ് ദിവസം വരെ നീണ്ട് നില്‍ക്കും. പ്രധാന ലക്ഷണങ്ങളില്‍ ശരീരത്തില്‍ അവിടവിടെയായി കാണപ്പെടുന്ന ദ്രാവകം നിറഞ്ഞ കുമിളകള്‍ ഉള്‍പ്പെടും. ആദ്യം നെഞ്ചിലും പുറത്തും മുഖത്തും പ്രത്യക്ഷപ്പെടും. വായയുടെ ഉള്ളിലോ കണ്‍പോളകളിലോ ജനനേന്ദ്രിയത്തിലോ ഉള്‍പ്പെടെ ശരീരം മുഴുവന്‍ സാധ്യതയുണ്ട്. കുമിളകള്‍ പൊങ്ങുന്നതിന് ഒന്ന് രണ്ട് ദിവസം മുന്‍പും ഉണങ്ങുന്നത് വരെയും രോഗംപകരാം. കുമിളകള്‍ പൊറ്റകളായിമാറാന്‍ ഒരാഴ്ചയാകും. രോഗം ഗുരുതരമായാല്‍ ശ്വാസകോശത്തില്‍ അണുബാധ, തലച്ചോറില്‍ അണുബാധ, രക്തത്തില്‍ അണുബാധ എന്നിവ ഉണ്ടാകാം. ഇത്തരത്തില്‍ അണുബാധസാധ്യത ഉള്ളതിനാല്‍ എല്ലാകേസുകളും അടുത്തുള്ള ആരോഗ്യപ്രവര്‍ത്തകരെ അറിയിക്കണം. ശാസ്ത്രീയ ചികിത്സ ഉറപ്പാക്കണം. നേരത്തെ രോഗംവന്ന രോഗപ്രതിരോധശേഷി കുറഞ്ഞവരില്‍ ശരീരത്തി െ ന്‍റ ചില ഭാഗങ്ങളില്‍ മാത്രമായി ഹെര്‍പ്പിസ് സോസ്റ്റര്‍ എന്ന രോഗാവസ്ഥയായും പ്രത്യക്ഷപ്പെടാമെന്ന് ഡി എംഒ അറിയിച്ചു.

വീടിന് സംരക്ഷണഭിത്തി നിർമിച്ച് നൽകണം: മനുഷ്യാവകാശ കമ്മീഷൻ

കൊല്ലം: കാലവർഷത്തിൽ വീട് തകരാൻ സാധ്യതയുള്ള സാഹചര്യത്തിൽ ഭൂമിക്കും വീടിനും സംരക്ഷണഭിത്തി നിർമിച്ചു നൽകണമെന്ന് മനുഷ്യാവകാശ കമ്മീഷന്‍റെ ഉത്തരവ്. വീടിന്‍റെ പ്രവേശനകവാടവും മതിലും നിർമിക്കാൻ തനിക്ക് നിവൃത്തിയില്ലെന്ന് കാണിച്ച് പുനലൂർ വാളക്കോട് സ്വദേശിനി സംസമ അബ്ദുൾ ലൈല സമർപ്പിച്ച പരാതിയിലാണ് മനുഷ്യാവകാശ കമ്മീഷൻ അംഗം വി. ഗീതയുടെ ഉത്തരവ്. പൊതുമരാമത്ത് അസിസ്റ്റന്‍റ് എക്സിക്യൂട്ടീവ് എൻജിനിയർക്ക് കമ്മീഷൻ ഇത് സംബന്ധിച്ച നിർദേശം നൽകി.റോഡ് ഉയർന്നു നിൽക്കുന്ന സ്ഥലങ്ങളിൽ റോഡി െ ന്‍റ അതിര് ഇടിയാതെ സംരക്ഷണഭിത്തി നിർമിക്കുന്നതിന് മാത്രമാണ് പൊതുമരാമത്ത് വകുപ്പിന് അധികാരമുള്ളതെന്ന് അസിസ്റ്റന്‍റ് എക്സിക്യൂട്ടീവ് എൻജിനിയർ കമ്മീഷനെ അറിയിച്ചു. പരാതിക്കാരിയുടെ വീടിന് സംരക്ഷണഭിത്തി നിർമിക്കുന്നതിന് ഫണ്ട് വകയിരുത്താൻ എസ്റ്റിമേറ്റ് സമർപ്പിക്കുന്നതാണെന്നും എസ്റ്റിമേറ്റിന് പ്രത്യേക അനുമതി ആവശ്യമാണെന്നും എൻജിനിയർ കമ്മീഷനെ അറിയിച്ചിരുന്നു. ഇതോടെയാണ് സംരക്ഷണഭിത്തി നിർമിക്കാൻ കമ്മീഷൻ നിർദേശം നൽകുന്നത്.

ഫാത്തിമ മാതാ നാഷണൽ കോളജിൽ ടിഷ്യൂകൾച്ചർ തൈ വിതരണം

കൊല്ലം: ഫാത്തിമ മാതാ നാഷണൽ കോളജിലെ ബോട്ടണി വിഭാഗത്തി െ ന്‍റ സ്റ്റാർട്ട്‌ അപ്പ് പ്രോഗ്രാമായ ബയോമെർക്കാറ്റസ് വഴി ഉത്പാദിപ്പിച്ച ടിഷ്യൂകൾച്ചർ തൈകളുടെ വിതരണോദ്ഘാടനം കൊല്ലം ബിഷപ് ഡോ.പോൾ ആന്‍റണി മുല്ലശേരി നിർവഹിച്ചു. കോളജ് മാനേജർ റവ.ഡോ. അഭിലാഷ് ഗ്രഗറി, പ്രിൻസിപ്പൽ ഡോ. സിന്ത്യാ കാതറിൻ മൈക്കൽ, ബോട്ടണി വിഭാഗം മേധാവി ഡോ.പി.എൻ.ഷൈജു എന്നിവർ പങ്കെടുത്തു. വിദ്യാർഥികൾ ഉത്പാദിപ്പിക്കുന്ന ടിഷ്യൂകൾച്ചർ തൈകൾ ഒരു മാസത്തിനകം പൊതുജനങ്ങൾക്ക് ലഭ്യമാകും.

തിരുമുക്കിലെ അടിപ്പാത സമരം 30-ാം ദിവസത്തിലേക്ക്

ചാത്തന്നൂർ: തിരുമുക്കിൽ വലിയ വാഹനങ്ങൾക്ക് കടന്നുപോകുവാൻ കഴിയുന്ന തരത്തിൽ അടിപ്പാത ശാസ്ത്രീയമായി പുതുക്കിപ്പണിയണമെന്ന് ആവശ്യപ്പെട്ട് തിരുമുക്ക് അടിപ്പാത സമരസമിതി നേതൃത്വത്തിൽ നടത്തിവരുന്ന റിലേ സത്യഗ്രഹ സമരത്തി െന്‍റ ഇരുപത്തി ഒൻപതാം ദിവസം കുടുംബശ്രീ കൂട്ടായ്മയാണ് റിലേസത്യഗ്രഹം നടത്തിയത്.കുടുംബശ്രീ ചിറക്കര സിഡിഎസ് ചെയർപേഴ്സൺ റീജാ ബാലചന്ദ്രൻ സത്യഗ്രഹം അനുഷ്ടിച്ചു. സിപിഎം ചാത്തന്നൂർ ഏരിയാ സെക്രട്ടറി പി.വി.സത്യൻ സത്യഗ്രഹം ഉദ്ഘാടനം ചെയ്തു. തിരുമുക്കിലെ അശാസ്ത്രീയ അടിപ്പാത പുതുക്കി നിർമിക്കുക എന്നത് ഒരു ജനകീയ ആവശ്യമാണെന്ന് ഉദ്ഘാട പ്രസംഗത്തിൽ പി.വി. സത്യൻ പറഞ്ഞു. ജനജീവിതത്തെ സാരമായി ബാധിക്കുന്ന വിഷയത്തിൽ പരിഹാരം ഉണ്ടാകണമെന്നാവശ്യപ്പെട്ട് സിപിഎം ചാത്തന്നൂർ ഏരിയാ കമ്മിറ്റിയുടെ നേതൃത്വത്തിൽ മുഖ്യമന്ത്രിയെ കണ്ട് നിവേദനം സമർപ്പിച്ചതായും ജനകീയ സമരത്തിന് പിന്തുണ അറിയിക്കുന്നതായും അദ്ദേഹം പറഞ്ഞു. ചാത്തന്നൂർ വികസന സമിതി ചെയർമാൻ ജി.രാജശേഖരൻ അധ്യക്ഷം വഹിച്ചു. സിപിഎം ചിറക്കര ലോക്കൽ സെക്രട്ടറി ദീപു,ജനാധിപത്യ മഹിളാ അസോസിയേഷൻ ചാത്തന്നൂർ ഏരിയാ സെക്രട്ടറി അജിതകുമാരി, രാജൻ തട്ടാമല, ഗുരുധർമ പ്രചരണ സഭ ജില്ലാ കമ്മിറ്റിയംഗം മഹേശ്വരൻ, ചാത്തന്നൂർ വികസന സമിതി കൺവീനർ ജി.പി.രാജേഷ്, മോഹൻലാൽ, സമരസമിതി ജനറൽ കൺവീനർ കെ.കെ.നിസാർ,അനിൽകുമാർ തുടങ്ങിയവർ പ്രസംഗിച്ചു. സത്യഗ്രഹ സമരത്തി െ ന്‍റ മുപ്പതാം ദിവസമായ ഇന്ന് തിരുമുക്ക് അടിപ്പാത സമരസമിതിക്ക് വേണ്ടി ചാത്തന്നൂർ വികസന സമിതി കൺവീനർ ജി.പി.രാജേഷ്, പരവൂർ പ്രൊട്ടക്ഷൻ ഫോറം പ്രതിനിധി പി. കെ.സുഭാഷ്, പരവൂർക്കാർ കൂട്ടായ്മ കൺവീനർ വി.എസ്. ഗോപൻ, പരവൂർ യുവജന കൂട്ടായ്മ പ്രതിനിധി എ. എസ്. അഭിജിത്ത് എന്നിവർ സത്യഗ്രഹമനുഷ്ടിക്കും. രാവിലെ ഇത്തിക്കര ബ്ലോക്ക് പഞ്ചായത്ത് പ്രസിഡന്‍റ് എം.കെ.ശ്രീകുമാർ സത്യഗ്രഹം ഉദ്ഘാടനം ചെയ്യും.

കനത്ത മഴയിലും ആവേശം ചോരാതെ ഇത്തിക്കരയിലെ സഞ്ചാര സ്വാതന്ത്ര്യസമരം

കൊട്ടിയം: കനത്ത മഴയിലും ആവേശം ചോരാതെ സ്ത്രീകൾ ഉൾപ്പെടെ അണിനിരന്ന ഇത്തിക്കരയിലെ സഞ്ചാര സ്വാത്രന്ത്യ സമരം 15 ദിവസം പിന്നിട്ടു. ഇത്തിക്കര ജനകീയ സമര സമിതിയാണ് സമരത്തിന് നേതൃത്വം നൽകുന്നത്. ദേശീയപാതയ്ക്ക് ഇരുവശവുമുള്ളവരുടെ സഞ്ചാര സ്വാതന്ത്ര്യം കെട്ടിയടച്ചു നടത്തുന്ന ദേശീയപാത വികസനത്തിനെതിരെയാണ് സമരം. ഇവിടെ അടിപ്പാത നിർമിക്കണമെന്നതാണ് പ്രധാന ആവശ്യമായി സമര സമിതി മുന്നോട്ടു വെയ്ക്കുന്നത്. നിലവിലെ നിർമാണം അനുസരിച്ച് ഇത്തിക്കരയിൽ നിന്നും മൂന്നു കിലോമീറ്റർ സഞ്ചരിച്ച് ചാത്തന്നൂരിലെത്തി റോഡി െ ന്‍റ മറുഭാഗത്ത് കടന്ന് വീണ്ടും മൂന്നു കിലോമീറ്റർ സഞ്ചരിച്ചു വേണം ഇത്തിക്കരയിൽ ദേശീയപാതയുടെ മറുവശത്ത് എത്താൻ. അടിപ്പാത നിർമിച്ച് പ്രശ്നം പരിഹരിക്കണമെന്നാണ് ജനകീയ സമരസമിതിയുടെ ആവശ്യം. കനത്ത മഴയിലും വൻ ജനാവലിയുടെ സാന്നിധ്യത്തിൽ ആദിച്ചനല്ലൂർ റസിഡന്‍റ്സ് അസോസിയേഷൻ വൈസ്പ്രസിഡന്‍റ് രാജീവ്‌ ഖാൻ നിരാഹാരം അനുഷ്ഠിച്ചു. ആദിച്ചനല്ലൂർ റസിഡന്‍റ്സ് അസോസിയേഷൻ പ്രസിഡന്‍റ് ടി. പാപ്പച്ചൻ ഉദ്ഘാടനം നിർവഹിച്ചു. ജനകീയ സമരസമിതി കൺവീനർ ജി. രാജു അധ്യക്ഷനായിരുന്നു. റസിഡന്‍റ്സ് അസോസിയേഷൻ സെക്രട്ടറി വിദ്യാസാഗർ, ആർഎസ്പി ചാത്തന്നൂർ മണ്ഡലം സെക്രട്ടറി ഷാലു വി. ദാസ്, പി. തങ്കപ്പൻ പിള്ള, ടി. പാപ്പച്ചൻ, ബിജെപി ആദിച്ചനല്ലൂർ ഏരിയ പ്രസിഡന്‍റ് മൈലക്കാട് സന്തോഷ്‌, ചാത്തന്നൂർ മുൻ പഞ്ചായത്ത്‌ പ്രസിഡന്‍റ് എ. സുരേഷ്, എസ്. പി. രാജേന്ദ്രൻ, സിപിഐ കൊട്ടിയം ലോക്കൽ കമ്മിറ്റി അംഗം മൈലക്കാട് ഫൈസൽ, മുൻ ആദിച്ചനല്ലൂർ ഫാർമേഴ്‌സ് ബാങ്ക് പ്രസിഡന്‍റ് ശശിധരൻ പിള്ള, വഹാബ്, ശിവശങ്കരൻ നായർ, അജിത്കുമാർ, ഹരികുമാർ, സുഗതൻ പറമ്പിൽ എന്നിവർ പ്രസംഗിച്ചു. ഗായകരായ പ്ലാക്കാട് ശ്രീകുമാർ, അജി, ഷിബു റാവുത്തർ, ഹരി ചന്ദ്രൻ, അനിത എന്നിവർ ഗാനങ്ങൾ ആലപിച്ചു. ആദിച്ചനല്ലൂർ റസിഡന്‍റ്സ് അസോസിയേഷൻ സെക്രട്ടറി വിദ്യാസാഗർ നാരങ്ങാനീര് നൽകി സത്യഗ്രഹം അവസാനിപ്പിച്ചു. പ്രതിഷേധ സമിതി എക്സിക്യൂട്ടീവ് അംഗങ്ങളായ സിജു മനോഹരൻ, മംഗലശേരി രവീന്ദ്രൻ പിള്ള, സുനിൽ കുമാർ, രാധാകൃഷ്ണൻ, അനസ്, അമ്മിണി, താര, വിജയ, അംബിക ബീന, വനജ, സരള എന്നിവർ നേതൃത്വം നൽകി.

പട്ടയം ലഭിക്കുന്നതിനുള്ള വരുമാനപരിധി രണ്ടരലക്ഷം രൂപയായി വര്‍ധിപ്പിക്കും: മന്ത്രി കെ. രാജന്‍

അഞ്ചല്‍ : പട്ടയം ലഭിക്കുന്നതിനുള്ള വരുമാന പരിധി ഒരു ലക്ഷം രൂപയില്‍ നിന്നും രണ്ടര ലക്ഷം രൂപയായി വര്‍ധിപ്പിക്കുമെന്ന് മന്ത്രി കെ. രാജന്‍. നിർമാണം പൂര്‍ത്തീകരിച്ച സ്മാര്‍ട്ട് വില്ലേജ് ഓഫീസ് ഉദ്ഘാടനം ചെയ്തു പ്രസംഗിക്കുകയായിരുന്നു മന്ത്രി. സാധാരണക്കാരായ പതിനായിരകണക്കിന് ആളുകള്‍ക്ക് ഇതിന്‍റെ പ്രയോജനം ലഭിക്കും. മന്ത്രിസഭ അംഗീകാരം നല്‍കിയ ഉത്തരവ് വരും ദിവസങ്ങളില്‍ തന്നെ ഉണ്ടാവും. ഡിജിറ്റൽ റീ സർവെ, വില്ലേജ് ഓഫീസുകളുടെ ആധുനികവൽക്കരണം, എെ ന്‍റ ഭൂമി പോർട്ടൽ എന്നിവയിലൂടെ തർക്കരഹിത ഭൂരേഖകൾ ഉള്ള നാടായി സംസ്ഥാനത്തെ മാറ്റുകയാണ് ലക്ഷ്യം. പുനലൂർ പേപ്പർ മില്ലിലെ പട്ടയ പ്രശ്നമാണ് സർക്കാരിെ ന്‍റ പട്ടയ മിഷൻ പദ്ധതിയിൽ ആദ്യം പരിഗണിച്ചത്. ഭൂരഹിതരില്ലാത്ത പുനലൂർ പദ്ധതിയും പ്രദേശത്തെ ഭൂമി പ്രശ്നങ്ങൾക്ക് പരിഹാരം കണ്ടെത്തുകയാണ്. ഭൂരഹിതരില്ലാത്ത കേരളം എന്ന സ്വപ്നം ഉടൻ യാഥാർഥ്യമാകുമെന്നും മന്ത്രി ഏരൂരില്‍ പറഞ്ഞു. പി.എസ്. സുപാല്‍ എംഎല്‍എ അധ്യക്ഷത വഹിച്ചു. ബ്ലോക്ക് പഞ്ചായത്ത് പ്രസിഡന്‍റ് ഓമനമുരളി, ഗ്രാമപഞ്ചായത്ത് പ്രസിഡന്‍റ് ജി. അജിത്ത്, വൈസ് പ്രസിഡന്‍റ് വി.രാജി, എഡിഎം നിര്‍മ്മല്‍ കുമാര്‍ തുടങ്ങി രാഷ്ട്രീയ സാമൂഹിക, പൊതുപ്രവര്‍ത്തക മേഖലയില്‍ നിന്നുള്ളവരും വകുപ്പുതല ഉദ്യോഗസ്ഥരും ചടങ്ങില്‍ പങ്കെടുത്തു. 50 ലക്ഷം ചെലവഴിച്ച് നിർമിച്ച ഏരൂരിലെ സ്മാര്‍ട്ട് വില്ലേജ് ഓഫീസ് ഭിന്നശേഷി സൗഹൃദമാണ്. ഒരു വര്‍ഷം കൊണ്ടാണ് നിർമാണം പൂര്‍ത്തീകരിച്ചത്.

പുറ്റിംഗൽ വെടിക്കെട്ട് ദുരന്തം: വിടുതൽ ഹർജിയിന്മേൽ നാളെ വാദം കേൾക്കും

കൊല്ലം : പുറ്റിംഗൽ ക്ഷേത്രത്തിലെ വെടിക്കെട്ട് ദുരന്തവുമായി ബന്ധപ്പെട്ട കേസിൽ ചില പ്രതികൾ സമർപ്പിച്ച വിടുതൽ ഹർജിയിന്മേൽ വിശദമായ വാദം കേൾക്കൽ നാളെ നടക്കും. 56 മുതൽ 59 വരെയുള്ള പ്രതികൾ സമർപ്പിച്ച ഹർജിയിലാണ് നിലവിൽ പ്രത്യേക കോടതിയുടെ ചാർജുള്ള ജഡ്ജി എം.സി. ആന്‍റണി മുമ്പാകെ വാദം കേൾക്കൽ നടന്നു വരുന്നത്. പ്രതികൾക്ക് എതിരേ ഗൂഢാലോചന, സ്ഫോടക വസ്തു നിയമപ്രകാരമുള്ള വകുപ്പുകൾ എന്നിവ ചുമത്തിയാണ് ക്രൈംബ്രാഞ്ച് കുറ്റപത്രം നൽകിയിട്ടുള്ളത്. പ്രസ്തുത വകുപ്പുകൾ ഒഴിവാക്കണമെന്ന് ആവശ്യപ്പെട്ടാണ് വിടുതൽ ഹർജി പ്രതികൾ നൽകിയിട്ടുള്ളത്. ഇതുമായി ബന്ധപ്പെട്ട് കഴിഞ്ഞ രണ്ട് തവണ വാദം നടന്നപ്പോഴും പ്രതികളുടെ ആവശ്യത്തെ പ്രോസിക്യൂഷൻ ശക്തമായി എതിർത്തു. തുടർ വാദത്തിനായാണ് കേസ് നാളെ പരിഗണിക്കുന്നത്. പ്രോസിക്യൂഷന് വേണ്ടി സ്പെഷൽ പബ്ലിക് പ്രോസിക്യൂട്ടർ കെ.പി. ജബ്ബാർ, അഡ്വ. അമ്പിളി ജബ്ബാർ എന്നിവർ കോടതിയിൽ ഹാജരാകും. 2016 ഏപ്രിൽ പത്തിന് പുലർച്ചെ രണ്ടിന് ഉണ്ടായ വെടിക്കെട്ട് അപകടത്തിൽ 110 പേരാണ് മരിച്ചത്. 656 പേർക്ക് ഗുരുതരമായി പരിക്കേറ്റു. കേസി െ ന്‍റ വിചാരണയ്ക്കായി പ്രത്യേക കോടതി കെട്ടിടവും മറ്റ് അനുബന്ധ സൗകര്യങ്ങളും ഏർപ്പെടുത്തിയെങ്കിലും സ്ഥിരം ജഡ്ജിയെ ഇതുവരെ നിയമിച്ചിട്ടില്ല. ഇക്കാര്യത്തിൽ ഹൈക്കോടതിയുടെ തീരുമാനം ഉടൻ ഉണ്ടാകുമെന്നാണ് വിവരം.

പന്മന ബ്ലോക്ക് കോൺഗ്രസ് വിശ്വാസ സംഗമം നടത്തി

ചവറ : പന്മന ബ്ലോക്ക് കോൺഗ്രസ് കമ്മിറ്റിയുടെ നേതൃത്വത്തിൽ വിശ്വാസ സംഗമം നടത്തി. ദേവസ്വം മന്ത്രിയും ദേവസ്വം പ്രസിഡന്‍റും രാജിവെക്കുക എന്നാവശ്യപ്പെട്ടുകൊണ്ട് തേവലക്കര ചേനങ്കര ജംഗ്ഷനിൽ കോൺഗ്രസ് നടത്തിയ വിശ്വാസ സംഗമം കെപിസിസി വക്താവ് രാജു പി. നായർ ഉദ്ഘാടനം ചെയ്തു. പന്മന ബ്ലോക്ക് കോൺഗ്രസ് കമ്മിറ്റി പ്രസിഡന്‍റ് ആർ. ജയകുമാർ അധ്യക്ഷനായി. കോലത്ത് വേണുഗോപാൽ,ബ്ലോക്ക് പഞ്ചായത്ത് പ്രസിഡന്‍റ് സന്തോഷ് തുപ്പാശേരി, ഡിസിസി ജനറൽ സെക്രട്ടറി വിഷ്ണു വിജയൻ, നിഷ സുനീഷ്, കോണിൽ രാജേഷ്, അൻവർ കാട്ടിൽ, ശിവപ്രസാദ്, ബിജു കുമാർ, പാലയ്‌ക്കൽ ഗോപൻ, ഷമീർ പൂതക്കുളം, ഷംല നൗഷാദ് തുടങ്ങിയവർ പ്രസംഗിച്ചു.

കണ്ടച്ചിറ സെന്‍റ് ആന്‍റണീസ് കുരിശടി തിരുനാൾ

കൊല്ലം: കണ്ടച്ചിറ സെന്‍റ് തോമസ് പള്ളിയിലെ സെന്‍റ് ആന്‍റണി കുരിശടി തിരുനാൾ ഇന്ന് ആരംഭിക്കും. വൈകുന്നേരം അഞ്ചിനു ജപമാല , ലിറ്റിനി, നൊവേന ,കൊടിയേറ്റ്, വിശുദ്ധ അന്തോണീസിന്‍റെ തിരുശേഷിപ്പ് വരവേൽപ്പും പ്രതിഷ്ഠയും തുടങ്ങിയവ നടക്കും. നാളെ വൈകുന്നേരം അഞ്ചിനു ജപമാല ,ലിറ്റിനി, ദിവ്യബലി ,പ്രദക്ഷിണം. ഞായറാഴ്ച രാവിലെ ഒന്പതിനു തിരുനാൾ സമൂഹ ബലി കൊടിയിറക്ക് എന്നിവ നടക്കും.

റവന്യൂ ജില്ലാ കായിക മേള : അഞ്ചൽ കുതിക്കുന്നു

കൊട്ടാരക്കര: കൊല്ലം റവന്യൂ ജില്ലാ കായിക മേള രണ്ടാം ദിനം പൂർത്തിയാകുമ്പോൾ 132പോയിന്‍റുമായി അഞ്ചൽ ഉപജില്ല അജയ്യമായ തേരോട്ടം തുടരുന്നു. 72പോയിന്‍റുമായി ചാത്തന്നൂർ ഉപജില്ല രണ്ടാം സ്ഥാനവും 62പോയിന്‍റുമായി പുനലൂർ ഉപജില്ല മൂന്നാം സ്ഥാനത്തും തുടരുന്നു. കഴിഞ്ഞ ദിവസം പെയ്ത പേമാരിയെ തുടർന്നു മാറ്റി വച്ചിരുന്ന ഇനങ്ങൾ ഉൾപ്പെടെ 55ഇനങ്ങളും പൂർത്തിയായി. 4x100 മീറ്റർ റിലെ മത്സരങ്ങളും ലോംഗ് ജമ്പ് മത്സരങ്ങളുമാണ് പൂർത്തിയാവാനുള്ളത്. സ്കൂൾതലത്തിൽ അഞ്ചൽ വെസ്റ്റ് ഗവ. എച്ച്എസ്എസ് 71പോയിന്‍റോടെ ഒന്നാം സ്ഥാനത്ത് നിൽക്കുന്നു. 46പോയിന്‍റുമായി പൂതക്കുളം ഗവ. എച്ച്എസ്എസ് രണ്ടാം സ്ഥാനത്താണ്. കനത്ത മഴയിലും തളരാതെ താരങ്ങൾ കൊട്ടാരക്കര: ഇടയ്ക്കിടെ പെയ്തു മടങ്ങുന്ന പേമാരിക്കും കൗമാരതാരങ്ങളുടെ പോരാട്ട വീര്യത്തെ തടയാനായില്ല. കോരിച്ചൊരിയുന്ന മഴയെ അവഗണിച്ചുകൊണ്ടാണ് അയ്യായിരം മീറ്റർ നടത്തം രാവിലെ ആരംഭിച്ചത്. ധനകാര്യമന്ത്രി ബാലഗോപാൽ മൈതാനവേദിയിൽ കായിക മേള ഉദ്ഘാടനം ചെയ്തു കൊണ്ടിരിക്കുമ്പോഴാണ് കൗമാരതാരങ്ങൾ മഴയെ അവഗണിച്ചു നടത്തമത്സരം പൂർത്തീകരിച്ചത്. ബോയ്സ് ഹൈസ്കൂൾ മൈതാനം, എസ്കെവിഎച്ച്എസ്എസ് ഗ്രൗണ്ട് എന്നിവിടങ്ങളിൽ ഓടിയും ചാടിയും എറിഞ്ഞും താരങ്ങൾ മെഡലുകൾ വാരിക്കൂട്ടി. ചെളി പുതഞ്ഞു കിടന്നിരുന്ന ട്രാക്കുകളിൽ ബാലൻസ് തെറ്റാതെയുള്ള ഓട്ട മത്സരം കാണികളിൽ ഭയപ്പാട് ഉളവാക്കിയിരുന്നു. കായിക താരങ്ങൾക്ക് ആശ്വാസമായി ആയുർവേദ മെഡിക്കൽ സംഘം കൊട്ടാരക്കര: ജില്ലാ കായിക മേളയിൽ പങ്കെടുക്കുന്ന കായിക താരങ്ങൾക്കു വൈദ്യസഹായം എത്തിക്കുവാൻ ആയുർവേദ മെഡിക്കൽ സംഘവും ബോയ്സ് ഹൈസ്കൂൾ മൈതാനിയിൽ പൂർണസജ്ജരായുണ്ട്. പേശി വലിവ് അടക്കമുള്ള പരിക്കുകൾക്ക് ഉടനെ തന്നെ ഫലപ്രദമായ മരുന്നുകൾ നൽകുന്നു. ഭാരതീയ ചികിത്സാ വകുപ്പിനു കീഴിലുള്ള സ്പോർട്സ് ആയുർവേദിക് റിസർച്ച് സെല്ലിന്‍റെ ഒരു യൂണിറ്റാണ് എത്തിയിട്ടുള്ളത്. അഞ്ചുപേർ അടങ്ങുന്ന മെഡിക്കൽ സംഘമാണുള്ളത്. ഡോ. വിഷ്ണു ബി ചന്ദ്രൻ, ഡോ. വിനീത, അൻഷാമോൾ, തെറാപ്പിസ്റ്റുകളായ എൽ.എൽ.വിമൽ ലാൽ, നവീൻ സാജ് എന്നിവരാണ് എത്തിയിട്ടുള്ളത്.

നായ കുറുകെ ചാടി; നിയന്ത്രണംവിട്ട ബൈക്ക് മതിലിലിടിച്ച് യുവാവ് മരിച്ചു

ചവറ : നായ കുറുകെ ചാടിയതിനെ തുടര്‍ന്ന് നിയന്ത്രണം വിട്ട ബൈക്ക് മതിലിലിടിച്ച് മറിഞ്ഞു യുവാവ് മരിച്ചു. കൂടെ സഞ്ചരിച്ച സുഹൃത്തിന് പരിക്കേറ്റു. തേവലക്കര കോയിവിള പുത്തന്‍ സങ്കേതം കല്ലുവിളയില്‍ ദേവരാജന്‍റെയും രാജിയുടെയും മകന്‍ ആദിത്യനാണ് (19) മരിച്ചത്. സുഹൃത്ത് പുത്തന്‍ സങ്കേതം സ്വദേശി അമലിനാണ് പരിക്കേറ്റത്. ബുധനാഴ്ച രാത്രി 10.15 ഓടെയായിരുന്നു സംഭവം. കരുനാഗപ്പള്ളിയില്‍ നിന്നും സിനിമ കണ്ട ശേഷം ബൈക്കില്‍ അമലുമായി വീട്ടിലേക്ക് വരുന്നതിനിടിയില്‍ പന്മന കൊല്ലക പട്ടാളം മുക്കില്‍ വച്ചായിരുന്നു അപകടം . ബൈക്കിന് മുന്നിലേക്ക് പെട്ടെന്ന് നായ കുറുകെ ചാടുകയും നായയെ ഇടിച്ച ശേഷം നിയന്ത്രണം വിട്ട ബൈക്ക് സമീപത്തെ മതിലില്‍ ഇടിക്കുകയായിരുന്നു. ഐടിഐ പഠനം കഴിഞ്ഞ് ജോലിക്കായി കാത്തിരിക്കുകയായിരുന്നു ആദിത്യന്‍. സഹോദരന്‍ : അഭിജിത്ത്.

ഒമ്പതാം ക്ലാസുകാരി പ്രസവിച്ചു: അമ്മയുടെ ആൺ സുഹൃത്ത് പിടിയിൽ

കടയ്ക്കല്‍: കടയ്ക്കലില്‍ ഒന്‍പതാം ക്ലാസുകാരി പ്രസവിച്ച സംഭവത്തില്‍ അമ്മയുടെ ആണ്‍ സുഹൃത്ത് പിടിയില്‍. വാഗമണ്ണിലെ ഹോട്ടലില്‍ നിന്നുമാണ് പ്രതിയെ പിടികൂടിയത്. കണ്ണൂര്‍ സ്വദേശിയാണ് ഇയാള്‍. 2022 മുതല്‍ ഇയാള്‍ കുട്ടിയുടെ അമ്മയ്ക്കൊപ്പമായിരുന്നു താമസം. കഴിഞ്ഞ ദിവസം കുട്ടിക്ക് കടുത്ത വയറുവേദന അനുഭവപ്പെട്ടതിനെ തുടര്‍ന്ന് ആശുപത്രിയില്‍ ചികിത്സ തേടിയിരുന്നു. ഇവിടെ നടത്തിയ പരിശോധനയിലാണ് ഗര്‍ഭിണിയാണെന്ന കാര്യം അറിഞ്ഞത്. ഒരു പെണ്‍കുഞ്ഞിനാണ് ഒന്‍പതാം ക്ലാസുകാരി ജന്മം നല്‍കിയത്. ആശുപത്രി അധികൃതരാണ് പോലീസിനെ വിവരം അറിയിച്ചത്. അമ്മയുടെ ആദ്യ ഭര്‍ത്താവ് മരിച്ചതിനെ തുടര്‍ന്ന് രണ്ടാമത് വിവാഹം കഴിച്ചിരുന്നു. ആ ബന്ധത്തിലാണ് ഈ പെണ്‍കുട്ടി ജനിക്കുന്നത്. രണ്ടാം ഭര്‍ത്താവും മരിച്ചതോടെ രണ്ട് വര്‍ഷമായി പ്രതിക്കൊപ്പമാണ് പെണ്‍കുട്ടിയും മാതാവും താമസിച്ചിരുന്നത്.

പാതകളുടെ ശോച്യാവസ്ഥ: പഞ്ചായത്ത് ഓഫീസിന്‍റെ ഗേറ്റ് പൂട്ടി ബിജെപി പ്രതിഷേധിച്ചു

ചവറ : ബിജെപി തെക്കുംഭാഗം പഞ്ചായത്ത് സമിതി ചവറ തെക്കുംഭാഗം പഞ്ചായത്ത് കാര്യാലയത്തി ന്‍റെ ഗേറ്റ് പൂട്ടി ഉപരോധിച്ചു. പഞ്ചായത്തിലെ നാലാം വാര്‍ഡിലെ വിളയില്‍ക്കിഴക്കതില്‍ മുകലുവിള ഇറക്കം പാത ഉള്‍പ്പെടെ വിവിധ പാതകളുടെ ശോച്യാവസ്ഥ പരിഹരിക്കണം എന്നാവശ്യപ്പെട്ടായിരുന്നു പ്രതിഷേധം. മണ്ണെടുപ്പ് മുതല്‍ ചന്ത നവീകരണം വരെയുള്ള വിഷയങ്ങളില്‍ അഴിമതിയില്‍ മുങ്ങിയ കോണ്‍ഗ്രസ് ഭരണസമതിക്ക് ഒത്താശ ചെയ്യുന്നത് ഇടതുപക്ഷമാണന്ന് പ്രതിഷേധം ഉദ്ഘാടനം ചെയ്ത ബിജെപി ജില്ലാ വൈസ് പ്രസിഡന്‍റ് വെറ്റമുക്ക് സോമന്‍ പറഞ്ഞു. സമതി പ്രസിഡന്‍റ്എം. കൃഷ്ണപ്രിയ അധ്യക്ഷയായി .ജനറല്‍ സെക്രട്ടറി എച്ച്. ഹരിലാല്‍, ജില്ലാ കമ്മിറ്റിയംഗം ശശിധരന്‍പിള്ള, മണ്ഡലം ഖജാന്‍ജി ശിവകുമാര്‍, നേതാക്കളായ സുഭാഷ്, രതീഷ്, ഗോപാലകൃഷ്ണന്‍, ശിവമോഹന്‍ദാസ്, രാധാകൃഷ്ണന്‍,വേലപ്പന്‍ തുടങ്ങിയവര്‍ പ്രസംഗിച്ചു.

ഒല്ലാൽ ബൈപാസ് റോഡ് നവീകരണം: വീടുകളിൽ വെള്ളം കയറി

പരവൂർ: ഒല്ലാൽബൈപാസ് പുനരുദ്ധരിക്കുന്നതിന്‍റെ ഭാഗമായി കോൺക്രീറ്റിംഗിനായി മെറ്റലും പാറപ്പൊടിയും ഇറക്കിയതു മൂലം ദുരിതത്തിലായി പ്രദേശവാസികൾ. ശക്തമായ മഴയിൽ റോഡിന്‍റെ വശങ്ങളിലെ ഏഴ് വീടുകളിൽ വെള്ളം കയറി. വെള്ളം ഒഴുകിപ്പോകാൻ മാർഗമില്ലാത്തതാണ് വീടുകളിൽ വെള്ളം കയറാൻ ഇടയാക്കിയത്. കഴിഞ്ഞ ദിവസം ഉച്ചയോടേ മഴ ശക്തമായതാണ് പ്രധാനമായും ദുരിതത്തിനു കാരണമായത്. പൊട്ടിപ്പൊളിഞ്ഞു കിടക്കുന്ന റോഡ് നവീകരിക്കുന്നതുമായി ബന്ധപ്പെട്ടാണ് കഴിഞ്ഞ ദിവസം ഇവിടെ ഗതാഗതം തടസപ്പെടുത്തിക്കൊണ്ട് മെറ്റലും പാറപ്പൊടിയും റോഡിനു കുറുകേ ഇറക്കിയിട്ടത്. അന്നേ ദിവസം തന്നെ രാത്രിയിൽ ഇതറിയാതെ എത്തിയ ഇരുചക്ര വാഹന യാത്രക്കാരൻ മെറ്റലിൽ ഇടിച്ചു കയറി ഗുരുതരമായി പരിക്കേറ്റ് തിരുവനന്തപുരം മെഡിക്കൽ കോളജ് ആശുപത്രിയിൽ ചികിത്സയിലാണ്. കിണറുകളിൽ പോലും റോഡിൽ നിന്നും ഒലിച്ചിറങ്ങിയ മലിന ജലം ഇറങ്ങുന്ന സ്ഥിതിയായിരിക്കുകയാണ്. കോൺക്രീറ്റിംഗ് ആരംഭിച്ചപ്പോൾ തന്നെ ഓരോ വശങ്ങളിൽ വീതം നിർമാണം നടത്തണമെന്നും പ്രദേശവാസികൾ ആവശ്യപ്പെട്ടിരുന്നതാണ്. കൂടാതെ വശങ്ങളിൽ ഉയരം കൂട്ടി മധ്യഭാഗത്തുകൂടി വെള്ളം ഒഴുകി സമീപത്തെ തോട്ടിലേക്ക് ഒഴുകത്തക്ക രീതിയിൽ നിർമാണം നടത്താൻ പ്രദേശവാസികൾ ആവശ്യപ്പെട്ടെങ്കിലും കരാറുകാരൻ വഴങ്ങിയില്ലായെന്ന് നാട്ടുകാർ പറയുന്നു. നിലവിൽ കോൺക്രീറ്റ് ചെയ്ത ഭാഗങ്ങൾ ശക്തമായ മഴയിൽ ഒലിച്ചു പോയ അവസ്ഥയിലാണ്. ഇതിനും ശാശ്വത പരിഹാരം കാണണമെന്നുള്ളതാണ് പ്രദേശവാസികളുടെ ആവശ്യം.

കാട്ടുപന്നികള്‍ തകർത്തെറിഞ്ഞത് പ്രതീക്ഷകള്‍

അഞ്ചല്‍ : കാട്ടുപന്നികൾ ചവിട്ടി മെതിച്ചത് മധുസൂദനൻ പിള്ളയുടെ അധ്വാനവും പ്രതീക്ഷകളും. അയല്‍വാസിയിൽ നിന്നും പലിശയ്ക്ക് വാങ്ങിയ അരലക്ഷം രൂപ, സുഹൃത്തിന്‍റെ മോതിരം വാങ്ങി പണയം വച്ചത് 30,000, ചെറുതും വലുതുമായി മറ്റ് പലരോടും വാങ്ങിയ പതിനായിരങ്ങള്‍. ഒരു ലക്ഷത്തിലധികം രൂപ ചെലവഴിച്ചാണ് ഇളവൂര്‍ ക്ഷേത്രത്തിന് സമീപത്തെ ഒരേക്കറോളം ഭൂമി പാട്ടത്തിനെടുത്ത്ചണ്ണപ്പേട്ട സ്വദേശി മധുസൂദനന്‍ പിള്ള മരച്ചീനി ഉള്‍പ്പടെയുള്ള കൃഷി ആരംഭിച്ചത്. എന്നാല്‍ പ്രതീക്ഷകള്‍ എല്ലാം തകിടം മറിച്ചുകൊണ്ടു കഴിഞ്ഞ ദിവസം ഇറങ്ങിയ കാട്ടുപന്നി കൂട്ടം കൃഷി വ്യാപകമായ് നശിപ്പിച്ചു. ഇരുനൂറിൽ അധികം മൂട് മരച്ചീനിയാണ് പന്നിക്കൂട്ടം കുത്തിയിളക്കി നശിപ്പിച്ചത്. രണ്ടുമാസം മുമ്പും സമാനമായി കാട്ടുപന്നി അതിക്രമം ഉണ്ടായിരുന്നു. അന്നും വ്യാപകമായി കൃഷി നശിപ്പിച്ചു. പിന്നീട് കൂലിക്കു ആളെ നിര്‍ത്തി ഇവിടത്തന്നെ വീണ്ടും കൃഷിയിറക്കി. പക്ഷേ കാട്ടുപന്നി മധുസൂദനനെ വിടാതെ പിന്തുടരുകയാണ്. തുടര്‍ച്ചയായി കൃഷി നാശം വന്നതോടെ ഇനി എന്തു ചെയ്യുമെന്ന ആശങ്കയിലാണ് ഹൃദ്രോഗിയായ മധുസൂദനന്‍ പിള്ള. കടം വാങ്ങിയതും പണയം വച്ചതുമുള്‍പ്പടെയുള്ള പണവും ആഭരണവും തിരികെ നല്‍കണം. ഒപ്പം കുടുംബം പോറ്റുകയും വേണം. ഇവയൊക്കെ എങ്ങനെ പരിഹരിക്കും എന്നോര്‍ത്ത് കാട്ടുപന്നിക്കൂട്ടം കുത്തി ഇളക്കിയ കൃഷിയിടത്തില്‍ നിസഹായതയോടെ നില്‍ക്കുകയാണ് ഈ കര്‍ഷകന്‍. അതേസമയം വന്യമൃഗ ശല്യം ചെറുക്കാന്‍ അടിയന്തിര നടപടി സ്വീകരിക്കണം എന്നും കാട്ടുപന്നികളെ വെടിവച്ചു കൊല്ലാന്‍ കൂടുതല്‍ ആളുകള്‍ക്ക് ലൈസന്‍സ് നല്‍കണം എന്നും കേരള കര്‍ഷക ഫെഡറേഷന്‍ സംസ്ഥാന വര്‍ക്കിംഗ് പ്രസിഡന്‍റും മീന്‍കുളം റെസിഡന്‍സ് അസോസിയേഷന്‍ സെക്രട്ടറിയുമായ മാക്സ്മിലന്‍ പള്ളിപ്പുറം ആവശ്യപ്പെട്ടു. അലയമണ്‍ പഞ്ചായത്തില്‍ ഒരാള്‍ക്ക് പോലും പന്നിയെ വെടിവച്ചു കൊല്ലാനുള്ള ലൈസന്‍സ് ലഭിച്ചിട്ടില്ല എന്നും ഉദ്യോഗസ്ഥരുടെ വീഴ്ചയും അലംഭാവവുമാണ് കര്‍ഷകരെ ദുരിതത്തിലാക്കിയിരിക്കുന്നതെന്നും മാക്സ്മിലന്‍ കൂട്ടിച്ചേര്‍ത്തു. മീന്‍കുളം റെസിഡന്‍സ് അസോസിയേഷന്‍ പ്രസിഡന്‍റ് സജീവ് പാങ്ങാലംകാട്ടില്‍, പൊതുപ്രവര്‍ത്തകൻ ജോസ് മണ്ണില്‍ ഉള്‍പ്പടെയുള്ളവരും സ്ഥലത്തെത്തിയിരുന്നു.

മുക്കുപണ്ടം പകരം വച്ച് സ്വർണാഭരണം മോഷ്ടിച്ചയാൾ പിടിയിൽ

പാരിപ്പള്ളി : ജ്വല്ലറിയിൽ മുക്കുപണ്ടം വച്ചിട്ട് സ്വർണാഭരണം തട്ടിയെടുത്തയാളെ പാരിപ്പള്ളി പോലീസ് അറസ്റ്റ് ചെയ്തു. കഴിഞ്ഞ ദിവസം പാരിപ്പള്ളിയിലെ ഒരു ജ്വല്ലറിയിൽ നിന്നു 2.05 ഗ്രാമിന്‍റെ സ്വർണ മോതിരത്തിന് പകരം മുക്കുപണ്ടം വച്ച് ആഭരണം തട്ടിയെടുത്ത സംഭവത്തിലാണ് അറസ്റ്റ്. തിരുവനന്തപുരം അരുവിക്കര സ്വദേശി സുലൈമാൻ (49) ആണ് പിടിയിലായത്. സമാന രീതിയിൽ വിവിധ പോലീസ് സ്റ്റേഷൻ പരിധികളിലായി പതിനാറോളം കേസുകൾ ഇയാളുടെ പേരിലുണ്ട്. ആഭരണം വാങ്ങാനെന്ന വ്യാജേന ആഭരണം നോക്കുന്നതിനിടക്ക് കൈയിൽ കരുതിയിരിക്കുന്ന മുക്കുപണ്ടം പകരം വച്ചതിന് ശേഷം യഥാർഥ സ്വർണവുമായി കടന്ന് കളയുകയാണ് രീതി. പാരിപ്പള്ളിയിൽ രണ്ട് ദിവസമായി ലോഡ്ജിൽ മുറിയെടുത്ത് താമസിക്കുകയായിരുന്നു ഇയാൾ. ജ്വല്ലറിയിൽ നിന്നും ആഭരണം എടുത്തതിന്‍റെ അടുത്ത ദിവസം പാരിപ്പള്ളിയിലെ മറ്റൊരു ജ്വല്ലറിയിൽ സമാനരീതിയിൽ തട്ടിപ്പ് നടത്താൻ ശ്രമിക്കുമ്പോഴാണ് പോലീസ് പിടിയിലായത്. ഇയാളുടെ ദൃശ്യങ്ങൾ സമൂഹമാധ്യമങ്ങളിൽ പ്രചരിച്ചിരുന്നു.

ഉരുൾപൊട്ടൽ: അടിവാരത്തെ കുടുംബങ്ങൾ സുരക്ഷിതരല്ലെന്ന് റിപ്പോർട്ട്

പുനലൂർ: ഉരുൾപൊട്ടലുണ്ടായ കരവാളൂർ വെഞ്ചേമ്പ് പച്ചയിൽകുന്നിന്‍റെ അടിവാരത്ത് താമസിക്കുന്ന അഞ്ചോളം കുടുംബങ്ങൾ സുരക്ഷിതരല്ലെന്ന് റിപ്പോർട്ട്. സ്ഥലത്ത് പരിശോധന നടത്തിയ ജിയോളജി വകുപ്പ് അധികൃതർ കളക്ടർക്ക് നൽകിയ റിപ്പോർട്ടിലാണ് ഇക്കാര്യം ചൂണ്ടിക്കാട്ടിയിട്ടുള്ളത്. ഇവരെ മാറ്റിപ്പാർപ്പിക്കുന്നത് ഉചിതമായിരിക്കുമെന്നും റിപ്പോർട്ടിൽ പറഞ്ഞിട്ടുണ്ട്. അടിവാരത്തുനിന്ന്‌ അഞ്ഞൂറോളം അടി ഉയരത്തിൽ ഉരുൾപൊട്ടിയ ഭാഗത്ത് ഇപ്പോഴും മണ്ണിടിഞ്ഞനിലയിലാണെന്നും മുകളിലെ മണ്ണ് വേണ്ടത്ര ഉറപ്പില്ലാത്തതാണെന്നും പരിശോധനയ്ക്കുശേഷം ജിയോളജി വകുപ്പ് അധികൃതർ ചൂണ്ടിക്കാട്ടിയിരുന്നു. ഈ പശ്ചാത്തലത്തിലാണ് അടിവാരത്തെ താമസക്കാരെ താത്‌കാലികമായെങ്കിലും മാറ്റിപ്പാർപ്പിക്കുന്നത് ഉചിതമായിരിക്കുമെന്ന് റിപ്പോർട്ടിൽ ചൂണ്ടിക്കാട്ടിയത്. പച്ചയിൽകുന്നിന്‍റെ മുകളിൽ സ്വകാര്യ റബർതോട്ടത്തിലാണ് ഉരുൾപൊട്ടലുണ്ടായത്. കൃഷിജോലികൾ ചെയ്തുവരുന്ന അതിഥിത്തൊഴിലാളികൾ താമസിക്കുന്ന വീടിനോടുതൊട്ടുചേർന്നും സമീപത്തെ വീടുകളിൽനിന്ന്‌ 50 മീറ്റർ മാറിയുമായിരുന്നു വെള്ളപ്പാച്ചിൽ. തലനാരിഴയ്ക്കാണ് കുടുംബങ്ങൾ രക്ഷപ്പെട്ടത്. എന്നാൽ വെള്ളപ്പാച്ചിലിൽ തൊട്ടടുത്തുള്ള അനന്തുഭവനിൽ ഓമനയുടെയും കുഴിവിള പുളിമൂട്ടിൽ ചന്ദ്രയുടെയും വീട്ടിൽ വെള്ളം കയറിരുന്നു. ഓമനയുടെ വീടിനുമുന്നിലെ തൊഴുത്ത് നശിക്കുകയും ചെയ്തു. മഴ കനത്താൽ ഇത്തരത്തിൽ വീണ്ടും മണ്ണിടിയുന്നതിനും വെള്ളപ്പാച്ചിലിനുമുള്ള സാധ്യതയാണ് അധികൃതർ ചൂണ്ടിക്കാട്ടുന്നത്.ഉരുൾപൊട്ടിയതിനെ തുടർന്നുണ്ടായ വെള്ളപ്പാച്ചിലിൽ മലയിലും അടിവാരത്തുമായി ഒരു കിലോമീറ്ററോളം ദൈർഘ്യത്തിലാണ് കൃഷി നശിച്ചത്. എത്രയധികം വിള നശിച്ചിട്ടുണ്ടെന്നുള്ള കൃത്യമായ കണക്ക് ഇനിയുമായിട്ടില്ല. കർഷകർ പരാതി നൽകുന്ന മുറയ്ക്കേ ഏകദേശം കൃത്യമായ കണക്ക് അറിയാനാകൂ. ജിയോളജിക്കു പുറമേ റവന്യൂ, കൃഷി വകുപ്പുകളിൽനിന്നുള്ള റിപ്പോർട്ടും കളക്ടർക്ക് സമർപ്പിച്ചിട്ടുണ്ട്. ഈ റിപ്പോർട്ടുകൾ പരിശോധിച്ചശേഷമേ തുടർനടപടികളുണ്ടാകൂ.

ഇത്തിക്കരയിലെ സഞ്ചാര സ്വതന്ത്ര്യ സമരം പതിനാലാം ദിവസത്തിലേയ്ക്ക്

കൊട്ടിയം: സഞ്ചാര സ്വാതന്ത്ര്യത്തിന് വേണ്ടി ഇത്തിക്കരയിലെ ജനകീയ പ്രതിഷേധ സമരം പതിനാലാം ദിവസത്തിലേക്ക് കടന്നു. മോഹനൻ പിള്ള സത്യഗ്രഹം അനുഷ്ടിച്ചു. ജനകീയ പ്രതിഷേധ സമിതി കൺവീനർ ജി. രാജുവിന്‍റെ അധ്യക്ഷതയിൽ ചേർന്ന യോഗത്തിൽ കൊട്ടിയം പുല്ലിച്ചിറ പള്ളി ഇടവക വികാരി ഫാ. അമൽരാജ് ഫ്രാൻസിസ് സത്യഗ്രഹം ഉദ്ഘാടനം ചെയ്തു. അനിൽ കുമാർ, ഷാനവാസ്‌ കുളത്തുപ്പുഴ, പത്തനാപുരം ഷൈജു, റിൻഷാദ് കണ്ണനല്ലൂർ, സി പി ഐ കൊട്ടിയം ലോക്കൽ കമ്മിറ്റി അംഗം മൈലക്കാട് ഫൈസൽ, മുൻ ചാത്തന്നൂർ പഞ്ചായത്ത്‌ പ്രസിഡന്‍റ് എ. സുരേഷ്, മുൻ ആദിച്ചനല്ലൂർ ഫാർമേഴ്‌സ് ബാങ്ക് പ്രസിഡന്‍റ് ശശിധരൻ പിള്ള, എൻഎസ്എസ് ചാത്തന്നൂർ താലൂക്ക് യൂണിയൻ പ്രസിഡന്‍റ് ശ്രീനാഗേഷ്, ആർഎസ്പി ചാത്തന്നൂർ മണ്ഡലം പ്രസിഡന്‍റ്‌ ഷാലു വി ദാസ്, പൗരവേദി അംഗങ്ങളായ സാജൻ, നൗഷാദ്, കൊട്ടിയം നൂറുദീൻ, ക്ലമെന്‍റ്, തുടങ്ങിയവർ പ്രസംഗിച്ചു. ജയചന്ദ്രൻ, അനിത, അജി എന്നിവർ ഗാനങ്ങൾ ആലപിച്ചു. വൈകുന്നേരം നടന്ന സമാപന സമ്മേളനത്തിൽ കൊട്ടിയം പൗരവേദി പ്രസിഡന്‍റ് അഡ്വ. അജിത് കുമാർ നാരങ്ങാനീര് നൽകി സത്യഗ്രഹം അവസാനിപ്പിച്ചു. എക്സിക്യൂട്ടീവ് അംഗങ്ങൾ ചടങ്ങിന് നേതൃത്വം നൽകി.

തിരുമുക്ക് അടിപ്പാത സമരം ശക്തമാക്കാൻ തീരുമാനം

സമരം ഒരു മാസം പിന്നിടുന്നു ചാത്തന്നൂർ: തിരുമുക്കിൽ നിർമിച്ചു വരുന്ന സ്മാൾ വെഹിക്കിൾ അണ്ടർ പാസേജ് വേണ്ടത്ര പഠനം നടത്താതെയും ഓരോ ദിവസവും ഇതുവഴി കടന്ന് പോകുന്ന വാഹനങ്ങളുടെ വ്യാപ്തി കണക്കാക്കാതെയുമാണ് രൂപകൽപ്പന ചെയ്തത് എന്ന് തിരുമുക്ക് അടിപ്പാത സമരസമിതി. വലിയ വാഹനങ്ങൾ കടന്നുപോകുന്ന അടിപ്പാത നിർമിച്ച് അതിവേഗ പാതയുടെ നിർമാണത്തിനൊപ്പം പ്രാദേശികവികസനവും കൂടി നടപ്പിലാക്കണമെന്നാണ് സമരസമിതി ആവശ്യപ്പെടുന്നത്. സമരസമിതി നേതൃത്വത്തിൽ തിരുമുക്കിൽ നടന്നു വരുന്ന റിലേ സത്യഗ്രഹ സമരം നാളെ 30 ദിവസം പൂർത്തിയാക്കുകയാണ്. 30-ാം ദിവസം ജനഹിതം കാണാത്ത അധികാരികൾക്കെതിരെ കരിദിനമാചരിക്കും. എല്ലാ വ്യാപാര സ്ഥാപനങ്ങളിലും കരിങ്കൊടി ഉയർത്തി വ്യാപാര സംഘടനകൾ പ്രതിഷേധിക്കും. വൈകുന്നേരം അഞ്ചിന് എല്ലാ വിഭാഗം ജനങ്ങളും കറുത്ത പ്ലക്കാർഡുകൾ ധരിച്ച്പങ്കെടുക്കുന്ന പ്രതിഷേധ പ്രകടനം നടക്കും. ചാത്തന്നൂർ പെട്രോൾ പമ്പിന് സമീപത്ത് നിന്നാരംഭിക്കുന്ന പ്രകടനം തിരുമുക്കിൽ അവസാനിക്കും. വൈകുന്നേരം ആറിന് തിരുമുക്കിൽ നടക്കുന്ന പൊതുയോഗം ശിവഗിരി മഠം പ്രതിനിധി ഉദ്ഘാടനം ചെയ്യും. സമരസമിതി മുന്നണി ഭാരവാഹികളും വിവിധ രാഷ്ട്രീയപ്പാർട്ടി നേതാക്കളും പങ്കെടുക്കും. തുടർന്നുള്ള ദിവസങ്ങളിൽ സമരവേദിയിൽ എല്ലാ ദിവസവും വൈകുന്നേരം വിശിഷ്ട വ്യക്തികൾ ദീപശിഖ കത്തിച്ച് രാത്രി ഏഴുവരെ കറുത്ത ബാഡ്ജും കറുത്ത തൊപ്പിയും ധരിച്ച് പ്രതീകാത്മക സമരം നടത്തും. ഓരോ ദിവസവും ഓരോ സംഘടനകൾ വൈവിധ്യങ്ങളായ സമരങ്ങൾ സംഘടിപ്പിക്കും. സമരം കൂടുതൽ ശക്തമാക്കുന്നതിന്‍റെ ഭാഗമായി തിരുവനന്തപുരത്ത് പ്രവർത്തിക്കുന്ന ദേശിയപാതാ അഥോറിറ്റി റീജിയണൽ ഓഫീസ് മുൻപാകെ ജനകീയ ധർണ സംഘടിപ്പിക്കാനും സമരസമിതി തീരുമാനിച്ചതായി ഭാരവാഹികൾ അറിയിച്ചു. സത്യഗ്രഹ സമരരംഗത്തേക്ക് ബിജെപിയും ചാത്തന്നൂർ: തിരുമുക്ക് അടിപ്പാത സമര സമിതി നടത്തുന്ന റിലേ സത്യഗ്രഹ സമരത്തിൽ ബിജെപിയും സജീവപങ്കാളികളായി. രാഷ്ട്രീയ പാർട്ടികളുടെ യുവജന സംഘടനകളും മഹിളാ സംഘടനകളും കുടുംബശ്രീ കൂട്ടായ്മയും വ്യാപാരി വ്യവസായി സമിതിയും സത്യഗ്രഹ സമരത്തിൽ അണിചേർന്നിരുന്നു. മുസ്‌ലിം ലീഗും സത്യഗ്രഹ സമരമനുഷ്ടിച്ചതിന് പിന്നാലെയാണ് ബി ജെ പിയുടെ സമരരംഗത്തേക്കുള്ള പ്രവേശനം . ബിജെപി സഹകരണ സെൽ ജില്ലാ കൺവീനർ എസ്.വി.അനിത്ത് കുമാർ, പഞ്ചായത്തംഗം മീരാ ഉണ്ണി, ബിജെപി ജില്ലാ കമ്മിറ്റിയംഗം ശ്രീകുമാർ എന്നിവർ സത്യഗ്രഹം അനുഷ്ടിച്ചു. ബിജെപി നേതാക്കളുടെ റിലേ സത്യഗ്രഹം വെസ്റ്റ് ജില്ലാ പ്രസിഡന്‍റ് എസ്. പ്രശാന്ത് ഉദ്ഘാടനം ചെയ്തു. ചാത്തന്നൂർ വികസന സമിതി എക്സിക്യൂട്ടീവ് കമ്മിറ്റിയംഗം എൻ.അനിൽകുമാർഅധ്യക്ഷത വഹിച്ചു.ബിജെപി സംസ്ഥാന കൗൺസിൽ അംഗം മൈലക്കാട് ഗോപാലകൃഷ്ണപിളള, പഞ്ചായത്തംഗം ആർ.സന്തോഷ്, ചാത്തന്നൂർ വികസന സമിതി ചെയർമാൻ ജി.രാജശേഖരൻ, ബിജെപി ജില്ലാ ട്രഷറർ രാജൻ പിള്ള, തുടങ്ങിയവർ പ്രസംഗിച്ചു. സമാപന യോഗം ബിജെപി തിരുവനന്തപുരം മേഖലാ പ്രസിഡന്‍റ് .ബി.ഗോപകുമാർ ഉദ്ഘാടനം ചെയ്തു.സത്യഗ്രഹ സമരത്തിന്‍റെ ഇരുപത്തി ഒൻപതാം ദിവസമായ ഇന്ന് കുടുംബശ്രീ ചിറക്കര സിഡിഎസ് ചെയർപേഴ്സൺ റീജാ ബാലചന്ദ്രൻ സത്യഗ്രഹമനുഷ്ടിക്കും. രാവിലെ സിപിഎം ചാത്തന്നൂർ ഏരിയാ സെക്രട്ടറി പി.വി.സത്യൻസത്യഗ്രഹം ഉദ്ഘാടനം ചെയ്യും. കുടുംബശ്രീ കൂട്ടായ്മയാണ്റിലേസത്യഗ്രഹം നടത്തുന്നത്.

അക്ഷരനിറവ് : ജില്ലാതലഉദ്ഘാടനത്തിന് വേദിയായി ബ്രൂക്ക് ഇന്‍റർനാഷണൽ

ശാസ്താംകോട്ട: കുട്ടികളിൽ വായനശീലം വർധിപ്പിക്കുന്നതിനും മലയാളത്തിന്‍റെ മഹത്വവും പ്രാധാന്യവും വിദ്യാർഥികൾക്കിടയിൽ എത്തിക്കുന്നതിനുമായി കേരള സംസ്ഥാന ബാലസാഹിത്യ ഇൻസ്റ്റിട്യൂട്ടിന്‍റെ നേതൃത്വത്തിൽ ആരംഭിച്ച അക്ഷരനിറവ് പുസ്തകമേളയുടെ ജില്ലാതല ഉദ്ഘാടനം ബ്രൂക്ക് ഡയറക്ടർ റവ. ഫാ. ഡോ. ജി .എബ്രഹാം തലോത്തിൽ നിർവഹിച്ചു. കേരള സംസ്ഥാന ബാല സാഹിത്യഇൻസ്റ്റിറ്റ്യൂട്ട് ഫിനാൻസ് ഓഫീസർ സൂര്യനാരായണൻ അധ്യക്ഷത വഹിച്ച യോഗത്തിൽ വിദ്യാഭ്യാസ വിചക്ഷണൻ വിൻഫ്രിഡ് റോത്ത് കവയിത്രിയും ബ്രൂക്ക് അധ്യാപികയുമായ ദീപിക രഘുനാഥിനെ ആദരിച്ചു. ഒക്ടോബർ 17 വരെയാണ് പുസ്തകപ്രദർശനം .

പഞ്ചായത്ത് സെക്രട്ടറിമാരിലെ ബേബിയായി ഗൗരി

പരവൂർ: കേരളത്തിലെ പഞ്ചായത്ത് സെക്രട്ടറിമാരിൽ "ലിറ്റിൽ സ്റ്റാർ' ആയി പരവൂർ സ്വദേശിനി ഗൗരി ആർ. ലാൽജി. 23കാരിയായ ഗൗരി സംസ്ഥാനത്തെ ഏറ്റവും പ്രായം കുറഞ്ഞ പഞ്ചായത്ത് സെക്രട്ടറിയായി ചുമതലയേറ്റത് കഴിഞ്ഞ ദിവസമാണ്. മലപ്പുറം ജില്ലയിലെ അരീക്കോട് പഞ്ചായത്തിലാണ് ഗൗരി സ്ഥാനമേറ്റത്. പരവൂർ റെയിൽവേ സ്റ്റേഷൻ റോഡിലെ റോഷ്ന ബുക്ക്സ് ഉടമ കുറുമണ്ടൽ ചെമ്പന്‍റഴികം വീട്ടിൽ സി.എൽ. ലാൽജിയുടെയും ഒ. ആർ. റോഷ്നിയുടെയും മകളാണ്. എറണാകുളത്ത് ഹൈക്കോടതി അസിസ്റ്റന്‍റായി ജോലി ചെയ്ത് വരികയായിരുന്നു ഗൗരി. മൂന്ന് മാസം മുമ്പാണ് പഞ്ചായത്ത് സെക്രട്ടറിയായി ജോലി ലഭിച്ചത്. ഹൈക്കോടതി അസിസ്റ്റന്‍റ് തസ്തികയിലേക്കുള്ള പരീക്ഷയിൽ ഒന്നാം റാങ്കുകാരിയായിരുന്നു. പഞ്ചായത്ത് സെക്രട്ടറി തസ്തികയിലേക്കുള്ള പരീക്ഷയിൽ 63 -ാം റാങ്കായിരുന്നു. നിയമനം ലഭിച്ചപ്പോൾ ഹൈക്കോടതിയിലെ ജോലി രാജിവച്ചു. ഒന്നുമുതൽ പത്താം ക്ലാസു വരെ ചിറക്കര ലോഡ് കൃഷ്ണ സ്കൂളിലായിരുന്നു പഠനം. അവിടെ പ്രസംഗ മത്സരങ്ങളിലെല്ലാം ഒന്നാം സ്ഥാനം ഗൗരിക്കായിരുന്നു. 10 മുതൽ 12 വരെ പഠിച്ചത് കൊല്ലം കാവനാട് ലേക്ഫോർഡ് സ്കൂളിലാണ്. സിബിഎസ്ഇ 12-ാം ക്ലാസ് പരീക്ഷയിൽ ജില്ലയിൽ ഒന്നാം റാങ്കും ഗൗരിക്കായിരുന്നു. തുടർന്ന് കൊല്ലം ശ്രീനാരായണ വനിതാ കോളജിൽ സാമ്പത്തിക ശാസ്ത്രത്തിൽ ബിരുദ പഠനത്തിന് ചേർന്ന് കേരള യൂണിവേഴ്സിറ്റിയിൽ മൂന്നാം റാങ്കോടെ പാസായി. പിന്നീടാണ് മത്സര പരീക്ഷകളിൽ ശ്രദ്ധ കേന്ദ്രീകരിച്ചത്. വായനയാണ് ഗൗരിക്ക് ഏറെയിഷ്ടം. മുന്തിയ പരിഗണന പത്രവായനക്കാണ്. അതു കഴിഞ്ഞാൽ പാഠപുസ്തകങ്ങൾ. പിന്നെ നോവലുകൾ. വായനയിൽ നിന്ന് കിട്ടിയ അറിവുകളാണ് മത്സര പരീക്ഷകളിലെ റാങ്ക് ലിസ്റ്റുകളിൽ മുന്നിൽ എത്താൻ സഹായകമായത്. ഐഎഎസ് കരസ്ഥമാകണമെന്നതാണ് ഗൗരിയുടെ ഏറ്റവും വലിയ മോഹം. അതിനുള്ള തയാറെടുപ്പുകൾ നേരത്തേ തന്നെ തുടങ്ങിയിരുന്നു. പുതിയ ദൗത്യനിർവഹണത്തിനിടയിലും ആഗ്രഹം പൂർത്തീകരിക്കണമെന്ന ദൃഡനിശ്ചയത്തിലാണ് ഈ മിടുക്കി. സഹോദരൻ ദേവദത്ത് ഒമ്പതാം ക്ലാസിൽ പഠിക്കുന്നു.

തദ്ദേശ തെരഞ്ഞെടുപ്പ്: നറുക്കെടുപ്പ് നടത്തി

കൊല്ലം: ജില്ലയിലെ തദ്ദേശസ്വയംഭരണ സ്ഥാപനങ്ങളിലേക്കുള്ള തെരഞ്ഞെടുപ്പിന്‍റെ ഭാഗമായി കൊട്ടാരക്കര, ചിറ്റുമല, ചവറ ബ്ലോക്ക് പഞ്ചായത്തുകളുടെ പരിധിയിലെ പഞ്ചായത്തുകളിലെ സംവരണ മണ്ഡലങ്ങളുടെ നറുക്കെടുപ്പ് ജില്ലാ തെരഞ്ഞെടുപ്പ് ഉദ്യോഗസ്ഥനായ ജില്ലാകളക്ടർ എൻ.ദേവിദാസിന്‍റെ നേതൃത്വത്തിൽ കളക്ട്രേറ്റ് കോണ്‍ഫറൻസ് ഹാളിൽ നടത്തി. പഞ്ചായത്ത്തല വിവരങ്ങൾ ചുവടെ: 1.വെളിയം ഗ്രാമ പഞ്ചായത്ത് സംവരണ നിയോജക മണ്ഡലത്തിന്‍റെ നന്പരും പേരും- പട്ടികജാതി സ്ത്രീ സംവരണം 7-കളപ്പില പട്ടികജാതി സ്ത്രീ സംവരണം 12- ആരൂർക്കോണം പട്ടികജാതി സംവരണം 17-കട്ടയിൽ സ്ത്രീ സംവരണം 2-മണികണ്ഠേശ്വരം സ്ത്രീ സംവരണം 3-കട്ടയിൽ നോർത്ത് സ്ത്രീ സംവരണം 5-വാപ്പാല സ്ത്രീ സംവരണം 8-മാലയിൽ സ്ത്രീ സംവരണം 9-കായില സ്ത്രീ സംവരണം 11-വെളിയം നോർത്ത് സ്ത്രീ സംവരണം 13-കൊട്ടറ സ്ത്രീ സംവരണം 18-അന്പലത്തുംകാല 2. പൂയപ്പള്ളി ഗ്രാമ പഞ്ചായത്ത് പട്ടികജാതി സ്ത്രീ സംവരണം 14-ചെങ്കുളം പട്ടികജാതി സംവരണം 6-കാഞ്ഞിരംപാറ സ്ത്രീ സംവരണം 2-കുന്നുംവാരം സ്ത്രീ സംവരണം 4-തച്ചക്കോട് സ്ത്രീ സംവരണം 5-പൂയപ്പള്ളി സ്ത്രീ സംവരണം 7-മൈലോട് സ്ത്രീ സംവരണം 8-നെല്ലിപ്പറന്പ് സ്ത്രീ സംവരണം 9-വേങ്കോട് സ്ത്രീ സംവരണം 10- കോഴിക്കോട് സ്ത്രീ സംവരണം 17- ചിറയ്ക്കൽകോണം 3. കരീപ്ര ഗ്രാമ പഞ്ചായത്ത് പട്ടികജാതി സ്ത്രീ സംവരണം13- ഏറ്റുവായ്ക്കോട് പട്ടികജാതി സംവരണം 19-കുഴിമതിക്കാട് സ്ത്രീ സംവരണം 1-തൃപ്പിലഴികം സ്ത്രീ സംവരണം 3-ഇടയ്ക്കിടം സ്ത്രീ സംവരണം 7-പ്ലാക്കോട് സ്ത്രീ സംവരണം 8-കരീപ്ര സ്ത്രീ സംവരണം 9-മുളവൂർകോണം സ്ത്രീ സംവരണം 11- ഉളകോട് സ്ത്രീ സംവരണം 15-മടന്തകോട് സ്ത്രീ സംവരണം 17- ഭരണിക്കാവ് സ്ത്രീ സംവരണം 18-ചൂരപൊയ്ക 4. എഴുകോണ്‍ ഗ്രാമ പഞ്ചായത്ത് പട്ടികജാതി സ്ത്രീ സംവരണം 4- ഇരുന്പനങ്ങാട് പട്ടികജാതി സ്ത്രീ സംവരണം 6- കാക്കക്കോട്ടൂർ പട്ടികജാതി സംവരണം 12- ഇ എസ് ഐ വാർഡ് സ്ത്രീ സംവരണം 1-കാരുവേലിൽ സ്ത്രീ സംവരണം 2-പുത്തൻനട സ്ത്രീ സംവരണം 5-അന്പലത്തുംകാല സ്ത്രീ സംവരണം 7-വാളായിക്കോട് സ്ത്രീ സംവരണം 8-പോച്ചംകോണം സ്ത്രീ സംവരണം 9-കൊച്ചാഞ്ഞിലിമൂട് സ്ത്രീ സംവരണം 13- പഞ്ചായത്ത് ഓഫീസ് വാർഡ് 5. നെടുവത്തൂർ ഗ്രാമ പഞ്ചായത്ത് പട്ടികജാതി സ്ത്രീ സംവരണം 3-തേവലപ്പുറം പട്ടികജാതി സ്ത്രീ സംവരണം 9-പ്ലാമൂട് പട്ടികജാതി സംവരണം 8-ചാലൂക്കോണം സ്ത്രീ സംവരണം 4-കോട്ടാത്തല സ്ത്രീ സംവരണം 5-അവണൂർ സ്ത്രീ സംവരണം 7-കുറുന്പാലൂർ സ്ത്രീ സംവരണം 10-നീലേശ്വരം സ്ത്രീ സംവരണം 13-വെണ്‍മണ്ണൂർ സ്ത്രീ സംവരണം 14-നെടുവത്തൂർ സ്ത്രീ സംവരണം 15-ആനക്കോട്ടൂർ സ്ത്രീ സംവരണം 18-കുഴയ്ക്കാട് 6. തൃക്കരുവ ഗ്രാമ പഞ്ചായത്ത് പട്ടികജാതി സ്ത്രീ സംവരണം 1-അഷ്ടമുടി പട്ടികജാതി സ്ത്രീ സംവരണം 18- ഹൈസ്കൂൾ പട്ടികജാതി സംവരണം 7-കാഞ്ഞിരംകുഴി സ്ത്രീ സംവരണം 5-സ്റ്റേഡിയം സ്ത്രീ സംവരണം 6-പള്ളിമുക്ക് സ്ത്രീ സംവരണം 8-ഞാറയ്ക്കൽ സ്ത്രീ സംവരണം 11-കാഞ്ഞാവെളി സ്ത്രീ സംവരണം 15-പ്രാക്കുളം സ്ത്രീ സംവരണം 16-തെക്കേച്ചേരി സ്ത്രീ സംവരണം 17-മണലിക്കട 7. പനയം ഗ്രാമ പഞ്ചായത്ത് പട്ടികജാതി സ്ത്രീ സംവരണം 4- റെയിൽവേ സ്റ്റേഷൻ പട്ടികജാതി സ്ത്രീ സംവരണം 9- ബി.എസ്.എൻ.എൽ. പട്ടികജാതി സംവരണം 16-കോവിൽമുക്ക് സ്ത്രീ സംവരണം 2-പെരുമണ്‍ കിഴക്ക് സ്ത്രീ സംവരണം 6-ചാറുകാട് സ്ത്രീ സംവരണം 12-താന്നിക്കമുക്ക് സ്ത്രീ സംവരണം 13-ചോനംചിറ സ്ത്രീ സംവരണം 14-അന്പഴവയൽ സ്ത്രീ സംവരണം 15-പനയം സ്ത്രീ സംവരണം 18-എൽ.പി. സ്കൂൾ 8. പെരിനാട് ഗ്രാമ പഞ്ചായത്ത് പട്ടികജാതി സ്ത്രീ സംവരണം 1- വെള്ളിമണ്‍ വെസ്റ്റ് പട്ടികജാതി സ്ത്രീ സംവരണം 13-വരട്ടുചിറ പട്ടികജാതി സംവരണം 21-ബ്ലാവേത്ത് സ്ത്രീ സംവരണം 3-വെള്ളിമണ്‍ ഈസ്റ്റ് സ്ത്രീസംവരണം 4-സ്റ്റാർച്ച് സ്ത്രീ സംവരണം 7-ചിറക്കോണം സ്ത്രീസംവരണം 8-കേരളപുരം സ്ത്രീസംവരണം 9-നാട്ടുവാതുക്കൽ സ്ത്രീ സംവരണം 12-ഇടവട്ടം സ്ത്രീ സംവരണം 14-ചുഴുവൻചിറ സ്ത്രീ സംവരണം 16-ചന്ദനത്തോപ്പ് സ്ത്രീസംവരണം 18-പെരിനാട് എച്ച് എസ് 9. കുണ്ടറ ഗ്രാമ പഞ്ചായത്ത് പട്ടികജാതി സ്ത്രീ സംവരണം 1-മുളവന പട്ടികജാതി സ്ത്രീ സംവരണം 4-പാലനിരപ്പ് പട്ടികജാതി സംവരണം 5-പുലിപ്ര സ്ത്രീ സംവരണം 3-മുക്കൂട് സ്ത്രീ സംവരണം 8-തെറ്റിക്കുന്ന് സ്ത്രീ സംവരണം 11-കാഞ്ഞിരകോട് സ്ത്രീ സംവരണം 13-കട്ടകശ്ശേരി സ്ത്രീ സംവരണം 14-പളളിക്കമുക്ക് 10. മണ്‍ട്രോതുരുത്ത് ഗ്രാമപഞ്ചായത്ത് പട്ടികജാതി സ്ത്രീ സംവരണം 10- കണ്ട്രാംകാണി തെക്ക് പട്ടികജാതി സംവരണം 4-നെന്മേനി വടക്ക് സ്ത്രീ സംവരണം 1-കിടപ്രം വടക്ക് സ്ത്രീ സംവരണം 2-കിടപ്രം തെക്ക് സ്ത്രീ സംവരണം 3-കണ്ട്രാംകാണി സ്ത്രീ സംവരണം 11-പട്ടംതുരുത്ത് കിഴക്ക് സ്ത്രീ സംവരണം 13-പട്ടംതുരുത്ത് പടിഞ്ഞാറ് സ്ത്രീ സംവരണം 14-പെരുങ്ങാലം 11. കിഴക്കേ കല്ലട ഗ്രാമ പഞ്ചായത്ത് പട്ടികജാതി സ്ത്രീ സംവരണം 8-ഓണന്പലം പട്ടികജാതി സ്ത്രീ സംവരണം 9-തെക്കേമുറി പട്ടികജാതി സംവരണം 11-കൊച്ചുപ്ലാമൂട് സ്ത്രീ സംവരണം 2-പഴയാർ സ്ത്രീ സംവരണം 4-ഉപ്പൂട് സ്ത്രീ സംവരണം 5-മതിലകം സ്ത്രീ സംവരണം 6-നിലമേൽ സ്ത്രീ സംവരണം 10-കല്ലട ഠൗണ്‍ സ്ത്രീ സംവരണം 12-മുട്ടം 12. പേരയം ഗ്രാമ പഞ്ചായത്ത് പട്ടികജാതി സംവരണം 7-കോട്ടപ്പുറം എ സ്ത്രീ സംവരണം 2-പടപ്പക്കര സ്ത്രീ സംവരണം 3- ഗവ.എൽ പി എസ് വാർഡ് സ്ത്രീ സംവരണം 5-കുന്പളം സ്ത്രീ സംവരണം 6-കുന്പളം പി എച്ച് സി വാർഡ് സ്ത്രീ സംവരണം 8-കോട്ടപ്പുറം സ്ത്രീ സംവരണം 9-മുളവന സ്ത്രീ സംവരണം 14-കരിക്കുഴി സ്ത്രീ സംവരണം 15-ഹോമിയോ ഡിസ്പെൻസറി വാർഡ് 13 തെക്കുംഭാഗം ഗ്രാമ പഞ്ചായത്ത് പട്ടികജാതി സംവരണം 11-ഗുഹാനന്ദപുരം സ്ത്രീ സംവരണം 1-മുട്ടത്ത് സ്ത്രീ സംവരണം 2-അമ്മയാർനട സ്ത്രീ സംവരണം 5-തെക്കുംവിള സ്ത്രീ സംവരണം 7-പനവിള സ്ത്രീ സംവരണം 8-ഞാറമൂട് സ്ത്രീ സംവരണം 12-കുടവൂർ സ്ത്രീ സംവരണം 14-നടയ്ക്കാവ് 14. ചവറ ഗ്രാമ പഞ്ചായത്ത് പട്ടികജാതി സ്ത്രീ സംവരണം 23 - പുത്തൻകോവിൽ പട്ടികജാതി സംവരണം 2-ചെറുശ്ശേരിഭാഗം സ്ത്രീ സംവരണം 3-തോട്ടിനുവടക്ക് സ്ത്രീ സംവരണം 4-പഴഞ്ഞിക്കാവ് സ്ത്രീ സംവരണം 6-വട്ടത്തറ സ്ത്രീ സംവരണം 8-മുകുന്ദപുരം സ്ത്രീ സംവരണം 9-കൊട്ടുകാട് സ്ത്രീ സംവരണം 10-പട്ടത്താനം സ്ത്രീ സംവരണം 12- ഭരണിക്കാവ് വടക്ക് സ്ത്രീ സംവരണം 13- ഭരണിക്കാവ് തെക്ക് സ്ത്രീ സംവരണം 18- കൊറ്റംകുളങ്ങര സ്ത്രീ സംവരണം 20- ചവറ സ്ത്രീ സംവരണം 24 തട്ടാശ്ശേരി 15. തേവലക്കര ഗ്രാമ പഞ്ചായത്ത് പട്ടികജാതി സ്ത്രീ സംവരണം - 9 പടപ്പനാൽ പട്ടികജാതി സംവരണം 17- കോയിവിള വടക്ക് സ്ത്രീ സംവരണം 1- പടിഞ്ഞാറ്റക്കര വടക്ക് സ്ത്രീ സംവരണം 2- പടിഞ്ഞാറ്റക്കര കിഴക്ക് സ്ത്രീ സംവരണം 3- നടുവിലക്കര സ്ത്രീ സംവരണം 4- മുള്ളിക്കാല സ്ത്രീ സംവരണം 7- അരിനല്ലൂർ സ്ത്രീ സംവരണം 8- അരിനല്ലൂർ തെക്ക് സ്ത്രീ സംവരണം 16- പുത്തൻസങ്കേതം വടക്ക് സ്ത്രീ സംവരണം 18- പാലയ്ക്കൽ സ്ത്രീ സംവരണം 21- നടുവിലക്കര തെക്ക് സ്ത്രീ സംവരണം 23 -എസ്.എം.വി സ്കൂൾ വാർഡ് സ്ത്രീ സംവരണം 24- പടിഞ്ഞാറ്റക്കര തെക്ക് 16. പന്മന ഗ്രാമ പഞ്ചായത്ത് പട്ടികജാതി സ്ത്രീ സംവരണം 4- ചാന്പക്കടവ് പട്ടികജാതി സ്ത്രീ സംവരണം 10-മിടാപ്പള്ളി പട്ടികജാതി സംവരണം 8- മനയിൽ സ്ത്രീ സംവരണം 1- കൊല്ലക സ്ത്രീ സംവരണം 3-പനയന്നാർക്കാവ് സ്ത്രീ സംവരണം 5-പറന്പിമുക്ക് സ്ത്രീ സംവരണം 9- മാവേലി സ്ത്രീ സംവരണം 11- കണ്ണൻക്കുളങ്ങര സ്ത്രീ സംവരണം 13- ആറുമുറിക്കട സ്ത്രീ സംവരണം 15- വടുതല സ്ത്രീ സംവരണം 21 പ·ന്മന സ്ത്രീ സംവരണം 23 - വടക്കുംതല മേക്ക് സ്ത്രീ സംവരണം 24- കുറ്റിവട്ടം 17. നീണ്ടകര ഗ്രാമപഞ്ചായത്ത് പട്ടികജാതി സംവരണം 4-പന്നയ്ക്കൽത്തുരുത്ത് സ്ത്രീ സംവരണം 1-എ എം സി സ്ത്രീ സംവരണം 3-ഫിഷർമെൻകോളനി സ്ത്രീ സംവരണം 5-വെളിത്തുരുത്ത് സ്ത്രീ സംവരണം 6-ടാഗോർനഗർ സ്ത്രീ സംവരണം 9-പോർട്ട്വാർഡ് സ്ത്രീ സംവരണം 13-ഫൗണ്ടേഷൻ സ്ത്രീ സംവരണം 14-ആൽത്തറബിച്ച്

എംഡിഎംഎയുമായി യുവാവ് പിടിയിൽ

കൊട്ടാരക്കര: ഇരുപത്തിരണ്ട് ഗ്രാം എംഡിഎംഎയും ആയി അഞ്ചൽ സ്വദേശിയായ യുവാവ് പിടിയിൽ. ഇന്നലെ ഉച്ചയ്ക്ക് കൊട്ടാരക്കര മൈലത്ത് പെട്രോൾ പമ്പിന് സമീപത്ത് നിന്നുമാണ് അഞ്ചൽ പുത്തൻവിള വീട്ടിൽ അഭയി (25)നെ പോലീസ് പിടികൂടിയത്. ഇന്നലെ ഉച്ചക്ക് സ്വകാര്യ ബസിൽ കൊട്ടാരക്കര മൈലം കുന്നക്കരയിലുള്ള പമ്പിന് സമീപം ഇറങ്ങിയപ്പോൾ ഡാൻഡാഫ് സംഘം പിടികൂടുകയായിരുന്നു. ബാഗിലും മറ്റും പരിശോധന നടത്തിയെങ്കിലും ഒന്നും കണ്ടെത്താനായില്ല. പിന്നീട് കൊട്ടാരക്കര താലുക്ക് ആശുപത്രിയിൽ ദേഹ പരിശോധന നടത്തിയപ്പോൾ മലദ്വാരത്തിൽ ഒളിപ്പിച്ച നിലയിൽ ഇരുപത്തിരണ്ട് ഗ്രാം എംഡിഎംഎ പോലീസ് കണ്ടെടുക്കുകയായിരുന്നു. കൊല്ലം റൂറൽ ഡാൻസാഫ് ടീം എസ് ഐ മാരായ ജ്യോതിഷ് ചിറവൂർ, ബാലാജി. എസ്. കുറുപ്പ്, എന്നിവർ അടങ്ങുന്ന സംഘമാണ് പ്രതിയെ പിടികൂടിയത്.

ശ്രീനാരായണഗുരു ഓപ്പൺ യൂണിവേഴ്സിറ്റി : യു ജി/പി ജി പ്രോഗ്രാമുകളുടെ ഇൻഡക്‌ഷൻ പ്രോഗ്രാം 19 ന്

കൊല്ലം: ശ്രീനാരായണഗുരു ഓപ്പൺ യൂണിവേഴ്സിറ്റിയുടെ 2025 ജൂലൈ- ഓഗസ്റ്റ് സെഷൻ യു ജി/ പി ജി പ്രോഗ്രാമുകൾക്ക് അഡ്മിഷൻ ലഭിച്ചവർക്കുള്ള ഇൻഡക്‌ഷൻ പ്രോഗ്രാം 19 ന് നടക്കും. പഠിതാക്കൾ അവർ തെരഞ്ഞെടുത്ത പഠന കേന്ദ്രത്തിൽ അഡ്മിറ്റ്‌ കാർഡും ഒരു അംഗീകൃത തിരിച്ചറിയൽ രേഖയുമായി എത്തിച്ചേരണം. അഡ്മിറ്റ് കാർഡ് സ്റ്റുഡന്‍റ് പ്രൊഫൈലിൽ നിന്നും നേരിട്ട് ഡൗൺലോഡ് ചെയ്യാവുന്നതാണ്.ഹാജരാകേണ്ട സമയം, മറ്റു ക്രമീകരണങ്ങൾ എന്നിവ സംബന്ധിച്ച ഇമെയിൽ യൂണിവേഴ്സിറ്റിയിൽ നിന്നും പഠിതാക്കൾക്കും നൽകിയിട്ടുണ്ട്. കൂടാതെ യൂണിവേഴ്സിറ്റി വെബ്സൈറ്റായ www.sgou.ac.in ൽകൂടുതൽ വിവരങ്ങൾ ലഭ്യമാണ്.അഡ്മിഷൻ ലഭിച്ചവർ യൂണിവേഴ്സിറ്റി വെബ്സൈറ്റിൽ നൽകിയിട്ടുള്ള ലേണേർ രജിസ്ട്രേഷൻ ഗൂഗിൾ ഫോം ഒക്ടോബർ 17ന് ഉച്ചകഴിഞ്ഞ് മൂന്നിന് മുൻപായി പൂരിപ്പിക്കേണ്ടതാണ്. പഠനകേന്ദ്രം തിരഞ്ഞെടുക്കാത്ത പഠിതാക്കൾ ഏറ്റവും അടുത്ത പഠന കേന്ദ്രത്തിൽ ഹാജരാകേണ്ടതാണ്. കേരളത്തിലെ 40 പഠന കേന്ദ്രങ്ങളിലായി നടക്കുന്ന ഇൻഡക്ഷൻ പ്രോഗ്രാമിൽ യൂണിവേഴ്സിറ്റി വൈസ് ചാൻസിലർ പ്രഫ. ഡോ.വി.പി. ജഗതി രാജ് , സിൻഡിക്കേറ്റ് അംഗങ്ങൾ, രജിസ്ട്രാർ, വിവിധ പഠന സ്കൂൾ മേധാവികൾ, അസിസ്റ്റന്‍റ് പ്രഫസർമാർ എന്നിവർ വിവിധ പഠനകേന്ദ്രങ്ങളിൽ പഠിതാക്കളെ അഭിസംബോധന ചെയ്ത് സംസാരിക്കും. യൂണിവേഴ്സിറ്റിയുടെ ബോധന രീതി, പരീക്ഷാ നടത്തിപ്പ്, പഠന ക്രമം എന്നിവ ഉൾപ്പടെ യൂണിവേഴ്സിറ്റിയെ പരിചയപ്പെടുത്തുന്ന എല്ലാ വിവരങ്ങളും ഇൻഡക്ഷൻ പ്രോഗ്രാമിൽ വിശദീകരിക്കും. പഠിതാക്കൾക്ക് സംശയനിവാരണത്തിനും അവസരമുണ്ടാകും. കൂടുതൽ വിവരങ്ങൾക്ക് 0474-2966841,9188909901,9188909902

ലോക വിദ്യാർഥി ദിനം ആചരിച്ചു

ആയൂർ : ചെറുപുഷ്പ സെൻട്രൽ സ്കൂളിൽ വിദ്യാർഥിദിനം ആചരിച്ചു. മുൻ രാഷ്ട്രപതി എ പി ജെ അബ്ദുൽ കലാമിന്‍റെ ജന്മ വാർഷിക ദിനമായ ഒക്ടോബർ 15 ന് അദ്ദേഹത്തെ ആദരിച്ചുകൊണ്ട് സ്കൂളിൽ പ്രത്യേക അസംബ്ലി സംഘടിപ്പിച്ചു. എപിജെ അബ്ദുൽ കലാം തന്‍റെ ജീവിതത്തിലൂടെ പകർന്നു നൽകിയ മഹത്തായ സന്ദേശങ്ങൾ അനുസ്മരിച്ചു സ്കൂൾ പ്രിൻസിപ്പൽ ഫാ.അരുൺ ഏറത്ത് പ്രസംഗിച്ചു. ദിനാചരണവുമായി ബന്ധപ്പെട്ട് കുട്ടികൾ തയാറാക്കിയ പോസ്റ്ററുകളുടെ പ്രദർശനവും നടന്നു.

തെരുവ് നായ ശല്യം: പഞ്ചായത്ത് ഓഫീസ് പ്രവർത്തനം മുടങ്ങി

കൊട്ടിയം: നെടുമ്പന പഞ്ചായത്ത് ഓഫീസ് കോമ്പൗണ്ടിൽ തെരുവ് നായകൾ വിഹരിച്ചു. പഞ്ചായത്തിലെത്തിയ സെക്രട്ടറിയും പ്രസിഡന്‍റും ജീവനക്കാരും ഉൾപ്പെടെയുള്ളവർ കോമ്പൗണ്ടിന് പുറത്തിറങ്ങി ഗേറ്റ് പൂട്ടിയിട്ടു. പഞ്ചായത്ത് ഓഫീസിനുള്ളിൽ കയറിയ നായകൾ കുരച്ച് കൊണ്ട് ചാടി അടുത്തതോടെ ഭയന്ന പഞ്ചായത്ത് ജീവനക്കാർ വെളിയിലേക്ക് ഓടുകയായിരുന്നു. ഗേറ്റ് അടച്ചതിനാൽ കടിയേൽക്കാതെ രക്ഷപ്പെട്ടു. തുടർന്ന് നായകൾ അകത്തും പഞ്ചായത്ത് ജീവനക്കാർ വെളിയിലും നിലകൊണ്ടു. മണിക്കൂറുകളോളം പഞ്ചായത്ത് പ്രസിഡന്‍റിനും സെക്രട്ടറി ഉൾപ്പെടെയുള്ള ജീവനക്കാർക്കും ഓഫീസിൽ കയറാൻ കഴിഞ്ഞില്ല. നായ പിടുത്തക്കാർ വന്ന് നായ്ക്കളെ പിടിച്ച ശേഷമാണ് ജീവനക്കാർ അകത്തു കയറിയത്. കഴിഞ്ഞദിവസം നെടുമ്പന പഞ്ചായത്തിലെ 17, 18 വാർഡുകളിലെ തൈക്കാവ് ജംഗ്ഷൻ, പഞ്ചായത്ത് ജംഗ്ഷൻ, മുളങ്കുഴി, കൃഷിഭവൻ, എന്നീ ഭാഗങ്ങളിൽ നായ ഓടിനടന്ന് കുട്ടികൾ അടക്കമുള്ള 11 പേരെ കടിച്ച് പരിക്കേൽപ്പിച്ചിരുന്നു. ബ്ലോക്ക് പഞ്ചായത്ത് അംഗം ഫൈസൽ കുളപ്പാടത്തിന്‍റെ നേതൃത്വത്തിൽ ജനപ്രതിനിധികളും, നാട്ടുകാരും സംഘടിച്ച് കടിച്ച നായയെ പിടിക്കുവാൻ ശ്രമിക്കുകയും ഒടുവിൽ നായ ചത്തു പോവുകയും ചെയ്തു. ആളുകളെ തെരുവുനായ കടിച്ചിട്ടും നെടുമ്പന പഞ്ചായത്തിൽ നിന്നോ നെടുമ്പന പഞ്ചായത്ത് മൃഗാശുപത്രിയിൽ നിന്നോ യാതൊരു നടപടിയും ഉണ്ടായില്ല. പേവിഷബാധ ഉണ്ടോ എന്നറിയുവാനുള്ള പരിശോധനയ്ക്കായി ചത്ത നായയെ കൊല്ലത്ത് കൊണ്ടുപോകുവാൻ പോലും നെടുമ്പന മൃഗാശുപത്രിയിൽ നിന്നോ പഞ്ചായത്തിൽ നിന്നോ ആരും വരാത്തതിനെ തുടർന്ന് ബ്ലോക്ക് പഞ്ചായത്ത് അംഗം ഫൈസൽ കുളപ്പാടം മന്ത്രി ജെ .ചിഞ്ചു റാണിയെ ഫോണിൽ വിളിച്ചു. തുടർന്ന് നെടുമ്പന വെറ്റിനറി ഹോസ്പിറ്റലിൽ നിന്നും ഡോക്ടറും സഹായികളും വന്നെങ്കിലും അവർ പട്ടിയെ കൊണ്ടുപോകുവാനോ എടുക്കുവാനോ തയാറായില്ല. വീണ്ടും ജനങ്ങൾ പ്രതിഷേധിച്ചതിനെ തുടർന്ന് നെടുമ്പന പഞ്ചായത്ത് സെക്രട്ടറി സ്ഥലത്തെത്തുകയും തുടർന്ന് അവിടെ കൂടിയ രണ്ടുപേർ നായയെ ബക്കറ്റിലാക്കിസീൽ ചെയ്തു ജില്ല വെറ്റിനറി ഹോസ്പിറ്റലിൽ കൊണ്ടുപോയി. പരിശോധനയിൽ പട്ടിക്ക്പേ വിഷബാധ ഉണ്ടെന്ന് സ്ഥിരീകരിച്ചിരുന്നു.

ജില്ലാകായികമേളയ്ക്കിടെ കായിക അധ്യാപക കൂട്ടായ്മ പ്രതിഷേധം

കൊട്ടാരക്കര: ജില്ലാകായികമേളയ്ക്കിടെ കായിക അധ്യാപക കൂട്ടായ്മ പ്രതിഷേധം നടത്തി. കായിക അധ്യാപകഅശാസ്ത്രീയ അനുപാതം മാറ്റുക, തുല്യ ജോലിക്ക് തുല്യ വേതനം നൽകുക, യോഗ്യതയ്ക്ക് അനുസരിച്ച് കായിക അധ്യാപക തസ്തിക സൃഷ്ടിക്കുക, ജോലിനഷ്ടപ്പെട്ട പുറത്തുപോയ കായിക അധ്യാപകർക്ക് താൽക്കാലിക വർഷാവർഷ സംരക്ഷണത്തിനു പകരം സ്ഥിരസംരക്ഷണ കൊണ്ടുവരിക ,കായികാധ്യാപക തസ്തിക പുനസ്ഥാപിക്കുക തുടങ്ങിയ കാര്യങ്ങൾ ആവശ്യപ്പെട്ടാണ് ജില്ലാ കായികമേള നടന്ന സ്ഥലത്ത് കായിക അധ്യാപക കൂട്ടായ്മയുടെ ആഭിമുഖ്യത്തിൽ പ്രതിഷേധം സംഘടിപ്പിച്ചത്.

കൊല്ലം റവന്യൂ ജില്ലാ സ്കൂൾ കായികമേളയ്ക്ക് കൊട്ടാരക്കരയിൽ കൊടിയേറ്റം

കൊട്ടാരക്കര: മൂന്നു ദിവസങ്ങളിലായി നടക്കുന്ന കൊല്ലം റവന്യൂ ജില്ല സ്കൂൾ കായികമേളയ്ക്ക് കൊട്ടാരക്കരയിൽ തുടക്കം കുറിച്ചു. കൊല്ലം വിദ്യാഭ്യാസ ഉപ ഡയറക്ടർ കെ.ഐ. ലാൽ പതാക ഉയർത്തി, കുണ്ടറ എഇഒ ശശിധരൻ പിള്ള, പ്രിൻസിപ്പൽ ആർ. പ്രദീപ്, റവന്യൂ ജില്ലാ സെക്രട്ടറി എസ്. പ്രദീപ്കുമാർ ,പരവൂർ സജീബ്, പബ്ലിസിറ്റി കൺവീനർ സാംസൻ വാളകം, ജി.ബാലചന്ദ്രൻ, സക്കറിയ മാത്യു,ഉഖൈയൽ, എന്നിവർ പങ്കെടുത്തു. ഇന്നു രാവിലെ 9.30ന് കായികമേളയുടെ ഉദ്ഘാടനം മന്ത്രി കെ.എൻ ബാലഗോപാൽ ഉദ്ഘാടനം ചെയ്യും. പെരുമഴ: മത്സരങ്ങൾ മാറ്റി കൊട്ടാരക്കര: റവന്യൂ ജില്ല കായിക മേള നടക്കുന്ന കൊട്ടാരക്കര ബോയ്സ് ഹൈസ്കൂൾ മൈതാനിയിലേയ്ക്ക് മത്സരത്തിനിടെ പെയ്തിറങ്ങിയ പെരുമഴ കായിക താരങ്ങളെയും, സംഘാടകരെയും ഒരു പോലെ ദുരിതത്തിലാഴ്ത്തി. മഴ പെയ്ത സമയത്ത് ജൂനിയർ പെൺകുട്ടികളുടെ മൂവായിരം മീറ്റർ നടത്ത മത്സരം നടക്കുകയായിരുന്നു. പതിനഞ്ച് റൗണ്ടുകളുള്ള നടത്ത മത്സരം എട്ടാം റൗണ്ട് തുടങ്ങിയപ്പോൾ തന്നെ മഴ ഇരച്ചുപാഞ്ഞെത്തി. പെരുമഴയെ അവഗണിച്ച് നടത്തമത്സരം തുടരുകയായിരുന്നു. മത്സരത്തിനിടെ കാൽ വഴുതി വീണ് ഒരു മത്സരാർഥിക്ക് പരിക്കേൽക്കുകയും ചെയ്തു. ഇന്നലെ നടക്കേണ്ടിയിരുന്ന സീനിയർ ബോയ്സിന്‍റെ 5000മീറ്റർ നടത്തം, ജൂനിയർ ബോയ്സിന്‍റെ 3000മീറ്റർ നടത്തം, സീനിയർ ഗേൾസിന്‍റെ 3000മീറ്റർ നടത്തം, ജൂനിയർ ബോയ്സിന്‍റെ ഹൈജംപ് എന്നീ മത്സരഇനങ്ങൾ മാറ്റി വച്ചു. കായികമേള: 38 ഇനങ്ങൾ പൂർത്തിയാക്കി കൊട്ടാരക്കര: റവന്യൂജില്ലാകായികമേളയിൽ അഞ്ചൽ ഉപജില്ല മുന്നിൽ. അഞ്ചൽ ഉപജില്ല 48 പോയിന്‍റുമായാണ് ഒന്നാം സ്ഥാനത്ത്. പുനലൂർ ഉപജില്ല 23 പോയിന്‍റുമായി രണ്ടാം സ്ഥാനവും, കൊട്ടാരക്കര ഉപജില്ല 22 പോയിന്‍റുമായി മൂന്നാം സ്ഥാനവുംനേടി. ജൂനിയർ ബോയ് അഞ്ച് കിലോമീറ്റർ റേസ് വാക്ക്, സീനിയർ ബോയ് സീനിയർ ഗേൾസ് വിഭാഗത്തിൽ അഞ്ച് കിലോമീറ്റർ മൂന്ന് കിലോമീറ്റർ റേസ് വാക്ക് ട്രാക്ക് ഇനത്തിലും ത്രോ ഇനത്തിൽ ഹാമർ ത്രോ ജൂനിയർ ബോയ് ജൂനിയർ ഗേൾസ്, സീനിയർ ബോയ് സീനിയർ ഗേൾസ് എന്നീ ഇനങ്ങളാണ് നടക്കാൻ ഉള്ളത്. നാളെ രാവിലെ എട്ടുമുതൽ ഈ മത്സരങ്ങൾ നടത്തും.

അടച്ചിട്ടിരുന്ന കള്ള് ഷാപ്പില്‍ 52കാരനെ തലക്കടിച്ചു കൊലപ്പെടുത്തി; പ്രതി കീഴടങ്ങി

അഞ്ചല്‍: അടച്ചിട്ടിരുന്ന കള്ള് ഷാപ്പില്‍ 52 കാരനെ തലക്കടിച്ചു കൊലപ്പെടുത്തിയ സംഭവത്തിൽ പ്രതി പോലീസിൽ കീഴടങ്ങി. ചാടയമംഗലത്താണ് അടച്ചിട്ടിരുന്ന കള്ള് ഷാപ്പില്‍ ക്രൂരമായ കൊലപാതകം നടന്നത്. ചടയമംഗലം മാടന്‍നട സ്വദേശിയായ നൗഷാദാണ് (52) കൊല്ലപ്പെട്ടത്. പ്രതിയായ തിരുവനന്തപുരം കരകുളം ചേരുവോളികോണത്ത് ദിജേഷി (44) നേ പോലീസ് അറസ്റ്റ് ചെയ്തു. ഇന്നലെ രാവിലെയോടെയാണ് സംഭവം. കൊലപാതകത്തെ കുറിച്ച് പോലീസ് പറയുന്നതിങ്ങനെ. ചടയമംഗലം സര്‍ക്കാര്‍ മദ്യ വില്പന ശാലയില്‍ നിന്നും പ്രതിയായ ദിജേഷ് മദ്യം വാങ്ങുകയും കൊല്ലപ്പെട്ട നൗഷാദും ചേര്‍ന്ന് ബിവറേജസ് കോര്‍പ്പറേഷന്‍ മദ്യവില്‍പന ശാലയ്ക്ക് സമീപം അടച്ചിട്ടിരുന്ന കള്ള് ഷാപ്പില്‍ എത്തി മദ്യപിച്ചു. ഇതിനിടയില്‍ ദിജേഷിന്‍റെ പോക്കറ്റില്‍ ഉണ്ടായിരുന്ന പണം നൗഷാദ് എടുക്കുകയും ഇത് ചോദ്യം ചെയ്തതിനെ തുടര്‍ന്നു ഇരുവരും തര്‍ക്കവും കൈയാങ്കളിയുമായി. ഇതിനിടയിൽ സമീപത്തുണ്ടായിരുന്ന കട്ട ഉപയോഗിച്ച് ദിജേഷ് നൗഷാദിനെ തലക്കടിക്കുകയായുയിരുന്നു. ബോധം പോയതോടെ ദിജേഷ് ചടയമംഗലം പോലീസ് സ്റ്റേഷനില്‍ എത്തി വിവരം പറയുകയും കീഴടങ്ങുകയുമായിരുന്നു. ഉടന്‍ പോലീസ് സ്ഥലത്തെത്തെത്തി നൗഷാദിനെ പാരിപ്പള്ളി മെഡിക്കല്‍ കോളജ് ആശുപത്രിയില്‍ എത്തിച്ചുവെങ്കിലും ജീവന്‍ രക്ഷിക്കാനായില്ല. കസ്റ്റഡിയില്‍ എടുത്ത ദിജേഷിനെ പിന്നീട് അറസ്റ്റ് ചെയ്യുകയായിരുന്നു. കൊലപാതകത്തിന് പിന്നില്‍ മറ്റെന്തെങ്കിലും കരണങ്ങളുണ്ടോ എന്നത് അന്വേഷിച്ചു വരികയാണെന്ന് എസ്എച്ച്ഒ സുനീഷ് പറഞ്ഞു. അറസ്റ്റ് രേഖപ്പെടുത്തിയ പ്രതിയെ തെളിവെടുപ്പും വൈദ്യ പരിശോധനയും പൂര്‍ത്തിയാക്കി കോടതിയില്‍ ഹാജരാക്കി റിമാൻഡ് ചെയ്തു. പാരിപ്പള്ളി മെഡിക്കല്‍ കോളജില്‍ പോസ്റ്റ്മോര്‍ട്ടം നടപടികള്‍ പൂര്‍ത്തീകരിച്ച മൃതദേഹം ബന്ധുക്കള്‍ക്കു വിട്ടുനല്‍കി.

അരിപ്പ സമരഭൂമിയിൽ സർവേ നടപടികൾ ആരംഭിച്ചു

കുളത്തൂപ്പുഴ:വർഷങ്ങളായി സ്വന്തമായി ഭൂമിക്ക് വേണ്ടി സമരക്കാർ അരിപ്പ പ്രദേശത്ത് കുടിൽകെട്ടി നടത്തിവന്നിരുന്ന സമരം സർക്കാർതലത്തിൽ ചർച്ചചെയ്ത് ഒത്തുതീർപ്പായ സാഹചര്യ ത്തിൽ ഭൂമിപതിച്ചുനൽകുന്നതിനുള്ള നടപടികൾ റവന്യൂവകുപ്പ് ആരംഭിച്ചു. സമരം അവസാനിപ്പിക്കുന്നതിനായുള്ള ചർച്ചകൾനേരത്തെആരംഭിച്ചപ്പോൾ തന്നെ ഭൂമി സർവേ ചെയ്യുന്നതിനുള്ള നടപടികൾ നടത്തിയിരുന്നു. അവശേഷിച്ച പ്രദേശത്തുള്ള സർവേനടപടികളാണ് ഇപ്പോൾതുടങ്ങിയത്. തിങ്കൾകരിക്കം വില്ലേജിൽ സർവേ നമ്പർ 745/1 ൽപ്പെട്ടസർക്കാർ ഭൂമി കുത്തക പാട്ടവ്യവസ്ഥ ലംഘിച്ച് സ്വകാര്യ വ്യക്തി കൈവശം വെച്ചിരുന്ന ഭൂമി സർക്കാർപിടിച്ചെടുത്തു വിവിധ ആവശ്യങ്ങൾക്ക് വിനിയോഗിച്ച് ബാക്കി വന്ന 39.99 ഏക്കർ ഭൂമിയാണ് ഒത്തുതീർപ്പ് വ്യവസ്ഥ പ്രകാരം അരിപ്പ സമരഭൂമിയിലെഅർഹരായകൈവശക്കാർക്ക് സർക്കാർ നൽകുന്നത് . പുനലൂർ ആർഡിഒ സുരേഷ് കുമാർ, തഹസിൽദാർ അജിത് ജോയ്, സമരസമിതി നേതാവ് ശ്രീരാമൻ കൊയ്യോൻ എന്നിവർ സംഘത്തിൽ ഉണ്ടായിരുന്നു.

മൃതദേഹം നായ്ക്കൾ ഭക്ഷിച്ച സംഭവം : മൃതദേഹത്തിന് രണ്ടുമാസം പഴക്കമെന്ന് പോലീസ്

കൊല്ലം:ശാസ്താംകോട്ട മൈനാഗപ്പള്ളിയിൽ മൃതദേഹം തെരുവ് നായ്ക്കൾ ഭക്ഷിച്ച സംഭവം മൃതദേഹത്തിന് രണ്ട് മാസത്തിനടുത്ത് പഴക്കമെന്ന് പോലീസ്.ആന്തരിക അവയവങ്ങൾ ഉൾപ്പെടെ എല്ലാം നായ്ക്കൾ ഭക്ഷിച്ചു.മരണ കാരണം കണ്ടെത്തുന്നതിന് കൂടുതൽ പരിശോധനയ്ക്ക് ഒരുങ്ങി പോലീസ്. അഞ്ച് ദിവസം മുൻപാണ് വടക്കൻ മൈനാഗപ്പള്ളി സോമവിലാസം ചന്തയ്ക്ക് സമീപം അഞ്ചുവിള കിഴക്കേതിൽ രാധാകൃഷ്ണപിള്ളയെ മരിച്ച നിലയിൽ കണ്ടെത്തിയത്. മൃതദേഹം തെരുവുനായ്ക്കൾ പൂർണമായും ഭക്ഷിച്ച നിലയിലായിരുന്നു.മരണ ശേഷം രാധാകൃഷ്ണപിള്ളയുടെ മൃതദേഹം തെരുവ് നായ്ക്കൾ ഭക്ഷിച്ചുവെന്നാണ് പോലീസിന്‍റെ പ്രാഥമിക നിഗമനം. മൃതദേഹവും ആന്തരിക അവയവങ്ങളും ഉൾപ്പെടെ എല്ലാം നായ്ക്കൾ ഭക്ഷിച്ചു. അസ്ഥിയും, ശരീരത്തിലെ ത്വക്കുകളും മാത്രമായിരുന്നു അവശേഷിച്ചത്. ഇത് പിന്നീട് സംസ്കരിച്ചു. വർഷങ്ങളായി ഒറ്റയ്ക്ക് താമസിക്കുന്ന രാധാകൃഷ്ണ പിള്ള ക്ഷയരോഗബാധിതനായതിനാൽ ഒറ്റയ്ക്ക് കിടത്തി ചികിത്സ തേടി ആശുപത്രിയിൽ പോകുമായിരുന്നു. ഇങ്ങനെ പോയിരിക്കുകയായിരുന്നുവെന്ന് പ്രദേശവാസികളും ബന്ധുക്കളും കരുതിയതാണ് ഇത്തരത്തിൽ മരണം സംഭവിക്കാൻ ഇടയാക്കിയത്.

17 കാരിയെ പീഡിപ്പിച്ച കേസ്: പ്രതിക്ക് 51 വർഷം കഠിന തടവ്

കൊല്ലം: 17 കാരിയെ പീഡിപ്പിച്ച കേസിൽ പ്രതിക്ക് പോക്സോ അടക്കമുള്ള വകുപ്പുകളിൽ 51 വർഷം കഠിന തടവും രണ്ട് ലക്ഷത്തി എഴുപതിനായിരം രൂപ പിഴയും. ഉളിയകോവിൽ ജാനകി നിവാസിൽ നിന്നും കിളികൊല്ലൂർ കന്നിമേൽ ചേരിയിൽ താമസിച്ചിരുന്ന മബിനു (38 )വിനെയാണ് ശിക്ഷിച്ചത്. കൊല്ലം ഫാസ്റ്റ് ട്രാക്ക് സ്പെഷൽ കോടതി ജഡ്ജി എ.സമീർ ആണ് വിധിച്ചത്. പിഴ ഒടുക്കിയില്ലെങ്കിൽ 17 മാസം കൂടി അധിക കഠിന തടവ് അനുഭവിക്കണം. ശിക്ഷ ഒരുമിച്ചു അനുഭവിച്ചാൽ മതിയാകും. പിഴ ഒടുക്കിയാൽ തുക അതിജീവിതയ്ക്ക് നൽകണമെന്നും ഈ തുകയ്ക്ക് പുറമേ വിക്ടിം കോമ്പൻസേഷൻ സ്കീമിൽ നിന്നും അതിജീവതയ്ക്ക് നഷ്ടപരിഹാരം നൽകുന്നതിനും വിധിയിൽ ജില്ലാ ലീഗൽ സർവീസ് അഥോറിറ്റിയോട് ശുപാർശ ചെയ്തിട്ടുണ്ട്. 2022 ലാണ് കേസിനാസ്പദമായ സംഭവം. കിളികൊല്ലൂർ ഐഎസ്എച്ച്ഒ ആയിരുന്ന എൻ.ഗിരീഷാണ് കേസ് അന്വേഷിച്ച് കുറ്റപത്രം സമർപ്പിച്ചത്.

ADVERTISEMENT

ADVERTISEMENT

ADVERTISEMENT

ADVERTISEMENT

ADVERTISEMENT

ആമസോണ്‍ ഓഫറുകളറിയാന്‍
ലിങ്കില്‍ ക്ലിക്ക് ചെയ്യുക

ADVERTISEMENT

More from other section

ADVERTISEMENT

LATEST NEWS

ADVERTISEMENT

ADVERTISEMENT

Quick Links

About Us Deepika E-Paper E-Shopping Karshakan Rashtradeepika Movies Tech @ Deepika

Business Deepika Viral Tax Letters University News Auto Spot Cartoon Scope

Matrimonial Special News Special Feature Calendar Samskarikam Career Deepika English Edition

Deepika Charity Health Sthreedhanam Responses Daily Quiz Youth Special Court Notice

Kuttikalude Deepika Deepika News Videos Out of Range US News Gulf News Student Reporter Classifieds

Children's Digest Today's Story Religion Book Review Sunday Deepika Send your greetings Online Advertising

Rashtra Deepika LTD

Chairman - Dr. Francis Cleetus MD - Michael Vettickatt Chief Editor - George Kudilil

Tel: +91 481 2566706 ,2566707,2566708

Privacy policy Terms and conditions for online payment

Copyright © 2025 , RDL. All rights reserved To access reprinting rights, please contact [email protected]