ശ്രീനാരായണ പെൻഷനേഴ്‌സ് കൗൺസിൽ സമ്മേളനം : Deepika.com Nattu Visesham

പാരിപ്പള്ളി : നിയന്ത്രണം വിട്ട ഓട്ടോറിക്ഷ മറിഞ്ഞ് വർക്ക്ഷോപ്പ് ഉടമ മരിച്ചു. കല്ലുവാതുക്കൽ നടയ്ക്കൽ ഇടക്കുന്ന് സരസ്വതി വിലാസത്തിൽ സന്തോഷാ (48) ണ് മരിച്ചത്. കഴിഞ്ഞദിവസം പകൽ രണ്ടരയോടെയാണ് അപകടം ഉണ്ടായത്. വർക്ക്ഷോപ്പിൽ നിന്നും ഉച്ചഭക്ഷണം കഴിക്കാൻ വീട്ടിലേയ്ക്ക് പോവുകയായിരുന്നു സന്തോഷ്. കല്ലുവാതുക്കൽ മീനമ്പലത്ത് സമീപം കരുണ സെൻട്രൽ സ്കൂളിന് അടുത്ത് മറ്റൊരു വാഹനത്തിന് സൈഡ് കൊടുക്കവേ സന്തോഷ് ഓടിച്ചിരുന്ന ഓട്ടോനിയന്ത്രണം വിട്ട് കുഴിയിലേയ്ക്ക് വീഴാൻ തുടങ്ങിയപ്പോൾ സന്തോഷ് ഓട്ടോയിൽ നിന്നും പുറത്തേക്ക് ചാടി. വീഴ്ചയിൽ തല പാറക്കല്ലിൽ ഇടിച്ചു. തലയ്ക്ക് ഗുരുതരമായി പരിക്കേറ്റ സന്തോഷിനെ പാരിപ്പള്ളി ഗവ. മെഡിക്കൽ കോജിൽ എത്തിച്ചെങ്കിലും ജീവൻരക്ഷിക്കാനായില്ല. ചാത്തന്നൂർ ശീമാട്ടി ജംഗ്ഷനിൽ ഓട്ടോഇലക്ട്രിക് സ്ഥാപനം നടത്തി വരികയായിരുന്നു. സമീപകാലത്താണ് മീനമ്പലത്ത് വസ്തു വാങ്ങി വീട് വച്ചത്. ഉച്ചയ്ക്ക് മീനമ്പലത്തെ വീട്ടിൽ ആഹാരം കഴിക്കാൻ പോയപ്പോഴാണ് അപകടം സംഭവിച്ചത്. പരേതനായ കുട്ടപ്പക്കുറുപ്പിന്‍റെയും സരസ്വതി അമ്മയുടെയും മകനാണ്. ഭാര്യ: രേഷ്മ. മക്കൾ: കാശി‌നാഥ്, കൈലാസ് നാഥ്. പാരിപ്പള്ളി പോലീസ് കേസെടുത്തു. മൃതദേഹം പാരിപ്പള്ളി ഗവ. മെഡിക്കൽ കോളജ് മോർച്ചറിയിൽ.

റോഡുകൾ ഉദ്ഘാടനം ചെയ്തു

കൊട്ടാരക്കര : രണ്ടു കോടി ചെലവഴിച്ച് ആധുനിക നിലവാരത്തിൽ നവീകരിച്ച മുള്ളിയിൽ - അമ്പലക്കര - പനവേലി റോഡും 1.4 കോടിയിൽ പൂർത്തിയാക്കിയ വാളകം - ഇടയം കോളനി - കപ്യാർമുക്ക് റോഡും മന്ത്രി കെ.എൻ.ബാലഗോപാൽ ഉദ്ഘാടനം ചെയ്തു. സിപിഎം ഏരിയ സെക്രട്ടറി പി.കെ.ജോൺസൺ, വെട്ടിക്കവല ബ്ലോക്ക് പഞ്ചായത്ത് പ്രസിഡന്‍റ് എസ്.രഞ്ജിത്ത്, ജില്ലാ പഞ്ചായത്തംഗം ബ്രിജേഷ് ഏബ്രഹാം, ബ്ലോക്ക് പഞ്ചായത്ത് സ്ഥിരം സമിതി അധ്യക്ഷ ബെൻസി റെജി, ബ്ലോക്ക് പഞ്ചായത്തംഗം കെ. എം. റെജി, പഞ്ചായത്തംഗം കെ.അജിത, സിപിഎം വാളകം ലോക്കൽ സെക്രട്ടറി കെ.പ്രതാപ് കുമാർ, സിപിഐ ജില്ലാ കമ്മിറ്റിയംഗം എ.അധിൻ, ഉമ്മന്നൂർ സഹകരണ ബാങ്ക് പ്രസിഡന്‍റ് എൻ. ദേവരാജൻ, വി ദിലീപ് കുമാർ, ടോം രാജ്, വി.ഹരികുമാർ, കുര്യൻ ജോർജ്, അലക്സ് മാമ്പുഴ, അമ്പു, ജോൺകുട്ടി ജോർജ്, റെജി ആക്കാട്ട് എന്നിവർ പ്രസംഗിച്ചു. ആവശ്യമായ സ്ഥലങ്ങളിൽ ഓട, കലുങ്ക്, സൈഡ് കെട്ട്, ദിശാ സൂചികകൾ, സൈഡ് കോൺക്രീറ്റ് എന്നിവയോടെയാണ് റോഡ് നിർമാണം പൂർത്തീകരിച്ചത്. നവീകരിച്ച പുതിയ റോഡുകളിലൂടെ തുറന്ന വാഹനത്തിൽ സഞ്ചരിച്ച മന്ത്രിക്ക് പട്ടേരി, അമ്പലക്കര, മുള്ളിയിൽ ജംഗ്ഷൻ, ഫെയ്ത്ത് ഹോം ജംഗ്ഷൻ, കപ്യാർമുക്ക് എന്നിവിടങ്ങളിൽ പൗരാവലി സ്വീകരണവും നൽകി. കൊട്ടാരക്കര നിയോജക മ ണ്ഡലം എംഎൽഎ കൂടിയായ മന്ത്രി കെ.എൻ.ബാലഗോപാലാണ് റോഡുകളുടെ നവീകരണത്തിന ്തുക അനുവദിച്ചത്.

ചാത്തന്നൂരിൽ യാത്രക്കാർക്ക് സുരക്ഷ ഒരുക്കാതെ ദേശീയപാത നിർമാണം നടക്കുന്നതായി പരാതി

ചാത്തന്നൂർ: യാത്രക്കാർക്കോ വാഹനങ്ങൾക്കോ യാതൊരു സുരക്ഷിതത്വവും കല്പിക്കാതെയാണ് ദേശീയപാത നിർമാണം നടക്കുന്നതെന്ന പരാതി ഉയരുന്നു. പകൽമേൽപാത നിർമാണത്തിനിടെ സൈഡ് വാളിലെ കോൺക്രീറ്റ് സ്ലാബ് ഇളകി തിരക്കേറിയ സർവീസ് റോഡിൽ പതിച്ചതാണ് അവസാനത്തെ സംഭവം. സ്ലാബ് ഇളകി വീണപ്പോൾ അതുവഴി പോയ ബൈക്ക് യാത്രക്കാരൻ തലനാരിഴയ്ക്കാണ് രക്ഷപ്പെടുന്നത്. തിരക്കേറിയ സമയങ്ങളിലെ ഇത്തരം അപകടം വലിയ ദുരന്തങ്ങൾക്ക് ഇടയാക്കുമെന്ന ആശങ്കയിലാണ് യാത്രക്കാർ. കഴിഞ്ഞ ദിവസം രാവിലെ 10.45ന് ചാത്തന്നൂർ ജംഗ്ഷനിൽ ഫെഡറൽ ബാങ്കിനു മുന്നിലാണ് അപകടം ഉണ്ടായത്. മേൽപാതയുടെ വശത്തു സംരക്ഷണ ഭിത്തിയ്ക്കായി സ്ഥാപിച്ച കോൺക്രീറ്റ് സ്ലാബുകളിൽ ഒന്നാണ് മുകളിൽ നിന്നും ഇളകി തിരുവനന്തപുരം ഭാഗത്തേക്കുള്ള സർവീസ് റോഡിൽ വീഴുന്നത്. മേൽപാതയിൽ മണ്ണ് ഉറപ്പിക്കൽ പ്രവൃത്തികൾ നടക്കുന്നതിനിടെയാണ് സംഭവം. തിരക്കേറിയ ജംഗ്ഷൻ ആയതിനാൽ ഇടതടവില്ലാതെ വാഹനങ്ങൾ കടന്നു പോകുന്ന ഭാഗമാണിത്. എന്നാൽ ബൈക്ക് കടന്നു പോയി ഏതാനും സെക്കന്‍റ് ഇടവേളയിൽമറ്റ് വാഹനങ്ങൾ കടന്നു വരാത്തതിനാൽ വലിയ ദുരന്തം ഒഴിവായി.ദേശീയപാതയിൽ തിരുമുക്ക് ജംഗ്ഷനിലും അപകടം സ്ഥിരമായിരിക്കയാണ്. കഴിഞ്ഞ ദിവസങ്ങളിൽ തുടർച്ചയായി വലിയ വാഹനങ്ങൾ മണ്ണിൽ താഴുന്നതും കുഴിയിൽപെടുന്നതും പതിവായിരിക്കയാണ്. മംഗളുരുവിൽ പാരിപ്പള്ളി ഐഒസി പ്ലാന്‍റ ിലേയ്ക്ക് ഗ്യാസുമായി പോയ ബുള്ളറ്റ് ടാങ്കർ കുഴിയിൽപ്പെട്ടത് രാത്രി ഒന്നരയോടെയാണ്. അതിന് തൊട്ടടുത്ത രണ്ടുദിവസങ്ങളിൽ രാത്രി വലിയ കണ്ടെയ്നറുകൾ ഇവിടെ മണ്ണിൽ പുതഞ്ഞു.ഏതാനും ദിവസം മുൻപ് പാരിപ്പള്ളിയിൽ മേൽപാതയുടെ മുകളിൽ നിന്നു തടി പലക ഇളകി മിനി ബസിെ ന്‍റ വശത്ത് പതിച്ചിരുന്നു. ബസിനു കേടുപാട് സംഭവിച്ചെങ്കിലും യാത്രക്കാർ പരിക്കേൽക്കാതെ രക്ഷപ്പെട്ടു. കുറച്ചുനാൾ മുന്പ് ഉമയനല്ലൂർ മേൽപാതയുടെ മുകളിൽ നിന്നു മെറ്റൽ ചീളു പതിച്ചു കുമ്മല്ലൂർ സ്വദേശിയുടെ പുതിയ കാറി െ ന്‍റ ചില്ലുകൾക്കു കേടുപാടു സംഭവിച്ചിരുന്നു.നിർമാണ സ്ഥലങ്ങളിൽ അപകടമുന്നറിയിപ്പു സംവിധാനങ്ങൾ ഒരുക്കാതെയാണ് ഇവിടങ്ങളിൽ നിർമാണം നടത്തുന്നതെന്ന പരാതി വ്യാപകമാണ്. അനാവശ്യമായി സർവീസ് റോഡുകൾ ആഴ്ചകളോളം അടച്ചിട്ടും ബസ് യാത്രക്കാരെ വലയ്ക്കുന്നുണ്ട്. ചാത്തന്നൂർ കെഎസ്ആർടിസി ഡിപ്പോ ജംഗ്ഷനിൽ നിന്നും ശീമാട്ടിയിലേയ്ക്കുള്ള സർവീസ് റോഡ് ഓട നിർമിക്കാനെന്ന പേരിൽ അടച്ചിട്ടിരിക്കുകയാണ്. ആവശ്യമായ സുരക്ഷ മുൻകരുതലുകൾ സ്വീകരിക്കുന്നതിനു അധികൃതർ കർശന നടപടി എടുത്തില്ലെങ്കിൽ വലിയ ദുരന്തങ്ങൾ ഉണ്ടാകുമെന്നു നാട്ടുകാർ പറയുന്നു.

പെൻഷൻ പ്രായവർധനവിനായി സർക്കാർ പിൻവാതിൽ ശ്രമം നടത്തുന്നുവെന്ന്

കൊല്ലം: പെൻഷൻ പ്രായവർധനവിനായി പിണറായി സർക്കാർ പിൻവാതിൽ ശ്രമം നടത്തുന്നുവെന്ന് ആർവൈഎഫ് സംസ്ഥാന പ്രസിഡന്‍റ് ഉല്ലാസ് കോവൂർ. കേരളത്തിലെ പൊതുമേഖലാ സ്ഥാപനങ്ങളിൽ ഒഴിവുകൾ റിപ്പോർട്ട് ചെയ്യാതെയും പുതിയ നിയമനങ്ങൾ നടത്താതെയും പെൻഷൻ പറ്റിയവരെ കരാർ പുനർനിയമനം നടത്തി പെൻഷൻ പ്രായവർധനവ് പിൻവാതിൽവഴി നടപ്പിലാക്കുകയാണ് സർക്കാർ. ആർവൈഎഫ് കൊല്ലം ജില്ലാ കൺവൻഷൻ കൊല്ലം പബ്ലിക്ക് ലൈബ്രറി ഹാളിൽ ഉല്ലാസ് കോവൂർ ഉദ്ഘാടനം ചെയ്തു. ജില്ലാ പ്രസിഡന്‍റ് ഫെബി സ്റ്റാലിൻ അധ്യക്ഷതവഹിച്ചു.ജില്ലാ സെക്രട്ടറി എ.സുഭാഷ്,എ.എ.അസീസ്, ആർഎസ്പി ജില്ലാ സെക്രട്ടറി കെ.എസ്.വേണുഗോപാൽ, ടി.സി.വിജയൻ, ഇടവനശേരി സുരേന്ദ്രൻ, പുലത്തറ നൗഷാദ്, എം. ദീപാ മണി, പ്രദീപ് കണ്ണനല്ലൂർ, പ്ലാക്കാട് ടിങ്കു, ഷമീനാ ഷംസുദ്ധീൻ, ആർ. വൈശാഖ്, എസ്.ഷാനവാസ്, രഞ്ജിത്ത് ദാസ്, നവീൻ നീണ്ടകര, സജീവ് ദാമോദരൻ, ബ്രിജേഷ് നാഥ് എന്നിവർ പ്രസംഗിച്ചു. ജില്ലാ ഭാരവാഹികളായി എഫ് സ്റ്റാലിൻ (പ്രസിഡന്‍റ്), സുഭാഷ് എസ്. കല്ലട(സെക്രട്ടറി) ബ്രിജേഷ് നാഥ് (ട്രഷറർ) എന്നിവരെ തെരഞ്ഞെടുത്തു.

ഇടതുമുന്നണി ദുർഭരണം; പൂതക്കുളം പഞ്ചായത്ത് ഓഫീസിന് മുന്നിൽ ബിജെപി ധർണ നടത്തി

പരവൂർ : ബിജെപി പൂതക്കുളം പഞ്ചായത്ത്‌ സമിതിയുടെ നേതൃത്വത്തിൽ പുതക്കുളം പഞ്ചായത്ത്‌ കാര്യാലയത്തിന് മുന്നിൽ ധർണ നടത്തി. ഇടതുമുന്നണി ദുർഭരണം നടത്തുന്നുവെന്ന് ആരോപിച്ചായിരുന്നു സമരം. ബിജെപി സംസ്ഥാന കൗൺസിൽ അംഗം ബി.ബി. ഗോപകുമാർ ഉദ്‌ഘാടനം ചെയ്തു. ബിജെപി നോർത്ത് പഞ്ചായത്ത് സമിതി പ്രസിഡന്‍റ് ബിജു കോട്ടുമൺകോണം അധ്യക്ഷത വഹിച്ചു. ജില്ലാവൈസ് പ്രസിഡന്‍റ് പരവൂർ സുനിൽ, മണ്ഡലം ജനറൽ സെക്രട്ടറി ബൈജു ലക്ഷ്മണൻ, ബിജെപി പഞ്ചായത്ത് പാർലമെന്‍ററി പാർട്ടി ലീഡർ സജീഷ് മാങ്കൂട്ടം, ചിപ്പി ചന്ദ്രൻ, വേക്കുളം രാമൻ, വി. കെ.സുനിൽകുമാർ പഞ്ചായത്ത് മെമ്പർമാരായ ഗീതാ ഉണ്ണി, മഞ്ജുഷന്‍, സത്യശീലൻ എന്നിവർ പ്രസംഗിച്ചു.

ഓപ്പറേഷൻ പി - ഹണ്ട് : കുട്ടികളുടെ നഗ്നചിത്രം സൂക്ഷിച്ച് മൊബൈൽ ഫോണുകൾ കണ്ടെത്തി

കൊട്ടാരക്കര : സംസ്ഥാന വ്യാപകമായി നടന്ന ഓപ്പറേഷൻ പി - ഹണ്ടി െ ന്‍റ ഭാഗമായി കൊല്ലം റൂറൽ ജില്ലയിൽ നടത്തിയ പോലീസ് റെയ്ഡിൽ വിവിധ സ്ഥലങ്ങളിൽ നിന്നായി കുട്ടികളുടെ അശ്ലീല ചിത്രങ്ങളും വീഡിയോകളും സൂക്ഷിച്ചുവയ്ക്കുന്നതിനും പ്രചരിപ്പിക്കുന്നതിനുമായി ഉപയോഗിച്ച മൂന്നു മൊബൈൽ ഫോണുകൾ പിടിച്ചെടുത്തു. കഴിഞ്ഞ ദിവസം രാവിലെ ആറു മുതൽ ജില്ലയുടെ വിവിധ ഭാഗങ്ങളിലായി ഒരേസമയം നടത്തിയ റെയ്ഡുകളിലായാണ് കുട്ടികളുടെ അശ്ലീല വീഡിയോകളും ഇത് പ്രചരിപ്പിച്ചു വന്നതായി കണ്ടെത്തുന്നത്. കുട്ടികളുടെ അശ്ലീല ചിത്രങ്ങളും വീഡിയോകളും പ്രചരിപ്പിക്കുന്നതായും ഡൗൺ ൺലോഡ് ചെയ്തു സൂക്ഷിക്കുന്നതായുള്ള വിവരത്തിന്‍റെ അടിസ്ഥാനത്തിൽ കൊല്ലം ജില്ലാ പോലീസ് മേധാവി സാബു മാത്യുവിന്റെ നിർദേശാനുസരണമാ ണ് റെയ്ഡ് നടത്തിയത്. കൊല്ലം റൂറൽ ജില്ലയിലെ സൈബർ ക്രൈം പോലീസ് സ്റ്റേഷനിലെയും വിവിധ ലോക്കല്‍ പോലീസ് സ്റ്റേഷനുകളിലെയും എസ്എച്ച്ഒ മാർ ഉൾപ്പെടെയുള്ള ഉദ്യോഗസ്ഥർ റെയ്‌ഡിൽ പങ്കെടുത്തു. ശാസ്താംകോട്ട, ഏരൂര്‍, പൂയപ്പള്ളി എന്നീ പോലീസ് സ്റ്റേഷൻ പരിധികളിൽ നിന്നാണ് മൊബൈൽ ഫോണുകൾ പിടിച്ചെടുത്തത്. പിടിച്ചെടുത്ത മൊബൈൽ ഫോണുകൾ ഫോറൻസിക് പരിശോധനയ്ക്കായി തിരുവനന്തപുരം ഫോറൻസിക് സയൻസ് ലാബിലേക്ക് അയക്കുന്നുണ്ട്. കുട്ടികൾക്ക് നേരെയുള്ള ലൈഗിംകാതിക്രമങ്ങൾ തടയുന്നതിന്‍റെ ഭാഗമായാണ് പോലീസ് ഇത്തരം റെയ്ഡുകൾ സംഘടിപ്പിക്കുന്നത്. കുട്ടികളുടെ അശ്ലീല ചിത്രങ്ങളും വീഡിയോകളും പ്രചരിപ്പിക്കുകയും സൂക്ഷിക്കുകയും ചെയ്യുന്നവർക്കെതിരേ കൊല്ലം റൂറൽ പോലീസ് നടപടികൾ ഊർജിതമായി തുടരുമെന്നു ജില്ലാ പോലീസ് മേധാവി സാബു മാത്യു പറഞ്ഞു.

പനയ്ക്കറ്റോടില്‍ ദേവീക്ഷേത്രത്തിൽ തിരുവാഭരണ ഘോഷയാത്ര നടന്നു

അനധികൃതമായി കടത്താൻ ശ്രമിച്ച 34 ലക്ഷവുമായി രണ്ടുപേർ പിടിയിൽ

പുനലൂർ : ചെന്നൈ എഗ്‌മോർ - കൊല്ലം എക്സ്പ്രസ് ട്രെയിനിൽ കടത്താൻ ശ്രമിച്ച 34,62, 850 രൂപയുമായി രണ്ടുപേർ പുനലൂർ റെയിൽവേ പോലീസിന്‍റെ പിടിയിലായി. തമിഴ്നാട് കടയനല്ലൂർ സ്വദേശി അബ്ദുൾ അജീസ് (46) കൊല്ലത്ത് സ്ഥിര താമസമാക്കിയ വിരുദുനഗർ സ്വദേശി ബാലാജി (46 ) എന്നിവരാണ് പിടിയിലായത്. കഴിഞ്ഞ രണ്ടുമാസത്തിനിടെ പുനലൂർ വഴി ഏകദേശം രണ്ടു കോടിയോളം രൂപയാണ് രേഖകൾ ഇല്ലാതെ പിടികൂടിയത്. കടത്തിക്കൊണ്ടുവന്ന പണത്തിനു ഉറവിടമോ മറ്റ്‌ രേഖകളോ ഹാജരാക്കാൻ ഇവർക്ക് സാധിച്ചിട്ടില്ല. ട്രെയിൻ മാർഗം വൻതോതിൽ ലഹരി സാധനങ്ങളും കുഴൽപണവും എത്തുന്നതായുള്ള വിവരത്തിന്‍റെ അടിസ്ഥാനത്തിൽ നടന്ന പരിശോധനയിലായാണ് പണം പിടികൂടിയത്. പുനലൂർ റെയിൽവേ പോലീസ് എസ്എച്ച്ഒ ശ്രീകുമാറിന്‍റെ നേതൃത്വത്തിലുള്ള സംഘമാണ് ട്രെയിനിൽ പരിശോധന നടത്തിയത്.

മാരാമൺ മാളിയേക്കൽ കുടുംബയോഗം വാർഷിക സമ്മേളനം

പുനലൂർ: മാരാമൺ മാളിയേക്കൽ കുടുംബയോഗം 48-ാം വാർഷിക സമ്മേളനം 2025 മേയ് ഒന്നിന് രാവിലെ 9.30 മുതൽ കാരായ്മ സെന്‍റ്മേരീസ് ഓർത്തഡോക്സ് ചർച്ച് പാരിഷ് ഹാളിൽ നടക്കും. പ്രസിഡന്‍റ് തോമസ് കുരുവിളയുടെ അധ്യക്ഷതയിൽ കൂടുന്ന കുടുംബ യോഗം ഓർത്തഡോക്സ് സഭ നിലയ്ക്കൽ ഭദ്രാസന അധ്യക്ഷൻ ഡോ. ജോഷ്വാ മാർ നിക്കോദിമോസ് മെത്രാപ്പോലീത്ത ഉദ്‌ഘാടനം ചെയ്ത് അനുഗ്രഹപ്രഭാഷണം നടത്തും. കുടുംബയോഗത്തിൽ സംബന്ധിക്കുന്ന 80 വയസിനു മുകളിൽ പ്രായമുള്ള കുടുംബാംഗങ്ങളെയും 2024- 25 വർഷത്തിൽ മികച്ച നേട്ടങ്ങൾ കൈവരിച്ച കുടുംബാംഗങ്ങളെയും മെത്രാപ്പോലീത്ത ആദരിക്കും. സമ്മേളനത്തിൽ സുനിൽ ഡി. കുരുവിള മുഖ്യപ്രഭാഷണം നടത്തും. ഫാ.അലക്സാണ്ടർ എസ്. വട്ടയ്ക്കാട്, ബിന്ദു പ്രദീപ്, ഫാ. എം.കെ .ഇമ്മാനുവേൽ, ഫാ. മാത്യൂ ചിറത്താൺ, ഫാ. ജെസ്റ്റിൻ അനിയൻ എന്നിവർ പ്രസംഗിക്കും.

ലോക മനസുകൾ കീഴടക്കിയ ജീവിതവിശുദ്ധിയുടെ മാതൃകയാണ് മാര്‍പാപ്പ : മന്ത്രി കെ.ബി.ഗണേഷ്‌കുമാര്‍

വാളകം: ലാളിത്യവും കാരുണ്യവുംകൊണ്ട് ലോക മനസുകൾ കീഴടക്കിയ ജീവിതവിശുദ്ധിയുടെ മാതൃകയാണ് മാര്‍പാപ്പയെന്ന് മന്ത്രി കെ.ബി. ഗണേഷ്‌കുമാര്‍. വാളകം ഗാന്ധിഭവന്‍ മേഴ്‌സി ഹോമില്‍ നടന്ന ഫ്രാന്‍സിസ് മാര്‍പാപ്പയുടെ അനുസ്മരണ സമ്മേളനം ഉദ്ഘാടനം ചെയ്ത് പ്രസംഗിക്കുകയായിരുന്നു ഗണേഷ് കുമാർ. അനുസ്മരണ സമ്മേളനത്തില്‍ മാര്‍ത്തോമാ സഭ കൊട്ടാരക്കര-പുനലൂര്‍ ഭദ്രാസനാധ്യക്ഷൻ ഡോ. തോമസ് മാര്‍ തീത്തോസ് എപ്പിസ്‌കോപ്പ അധ്യക്ഷത വഹിച്ചു . ഗാന്ധിഭവന്‍ മേഴ്‌സിഹോം ഡയറക്‌ടര്‍ ഡോ. വിന്‍സെന്‍റ് ഡാനിയേല്‍, മുഹ്‌സിന്‍ അഹമ്മദ് ബാക്കവി, ഗാന്ധിഭവന്‍ മാനേജിംഗ് ഡയറക്ടറും മുന്‍ ആര്‍ഡി ഒയുമായ ബി. ശശികുമാര്‍, ഭാഗവതാചാര്യന്‍ സി.ബി.ശ്രീശുകന്‍ , ഉമ്മന്നൂര്‍ പഞ്ചായത്തംഗം കെ. അജിത തുടങ്ങിയവര്‍ പ്രസംഗിച്ചു. ചടങ്ങില്‍ വാളകം ഗാന്ധിഭവന്‍ മേഴ്‌സിഹോം സമര്‍ത്ഥരായ നിര്‍ധന വിദ്യാര്‍ഥികള്‍ക്ക് എല്ലാ മാസവും ഒരു നിശ്ചിതതുക പഠനസഹായം നല്‍കുന്ന ഗാന്ധിഭവന്‍-പോപ്പ് ഫ്രാന്‍സിസ് എന്‍ഡോവ്മെന്‍റ് പ്രഖ്യാപനവും നടന്നു. പ്രസാദ് കോടിയാട്ട്, സാം കെ.ഏബ്രഹാം, അനിൽകുമാർ, അലക്‌സ് മാമ്പുഴ, ബീന മന്ന, ഷിബു നെല്ലിക്കുന്നം, കെ.ജി. വര്‍ഗീസ്, ഒ.ജോണ്‍, അരുണ്‍ലാല്‍, വിഷ്ണു മലമേൽ, അലക്സ്‌, ജയശ്രീ,ബിന്ദു എന്നിവര്‍ ചടങ്ങിന് നേതൃത്വം നല്‍കി.

ഐടി പാർക്കുകളിൽ ബാർ തുടങ്ങാനുള്ള സർക്കാർ നീക്കം ഉപേക്ഷിക്കണമെന്ന്

കൊട്ടാരക്കര : പൊതുമേഖലയിലും സ്വകാര്യ മേഖലയിലുമുള്ള ഐടി പാർക്കുകളിൽ മദ്യശാലകൾ ആക്കാനുള്ള സർക്കാരി െ ന്‍റ നീക്കം ഉപേക്ഷിക്കണമെന്ന് ആശ്രയ അനാഥരില്ലാത്ത ഭാരതം ദക്ഷിണ മേഖല കമ്മിറ്റി ആവശ്യപ്പെട്ടു. ലഹരിയെ പ്രോത്സാഹിപ്പിക്കുന്ന തരത്തിലുള്ള സർക്കാർ തീരുമാനങ്ങൾ അപലപനീയം ആണന്നു ദക്ഷിണ മേഖല സമ്മേളനം അഭിപ്രായപ്പെട്ടു. സംസ്ഥാന വൈസ് പ്രസിഡന്‍റ് പട്ടാഴി മുരളീ മാസ്റ്ററുടെ അധ്യക്ഷതയിൽ ചേർന്ന യോഗത്തിൽ പെരുങ്കുളം രാജീവ്, അഡ്വ.വി.ജി.സുരേഷ് ബാബു, ജി.വിദ്യാസാഗർ, എം.എസ്.ബിജു കുളത്തൂപ്പുഴ, അലക്സ് മാമ്പുഴ, ഇ.പി.രാഘവൻ പിള്ള, ബാബുക്കുട്ടൻചിറ, കുളക്കട രാധാകൃഷ്ണൻ, ഇരിങ്ങൂർ യോഹന്നാൻ, അനിൽ ആഴാവീട് എന്നിവർ പ്രസംഗിച്ചു.

ചികിത്സാസഹായം വിതരണം ചെയ്തു

കരുനാഗപ്പള്ളി : റിയാദ് കേന്ദ്രമായി പ്രവർത്തിച്ചുവരുന്ന മൈത്രി കരുനാഗപ്പള്ളി കൂട്ടായ്മയുടെ 20-ാം വാർഷികത്തിെ ന്‍റ ഭാഗമായി കാരുണ്യഹസ്തം പദ്ധതിയിലൂടെ 20 ലക്ഷം രൂപയുടെ സാമ്പത്തിക സഹായം അർബുദ രോഗബാധിതർക്ക് വിതരണം ചെയ്തു. 200 കാൻസർ രോഗികൾക്കായി 10 രൂപ വീതമാണ് നൽകിയത്. ശ്രീധരീയം കൺവൻഷൻ സെന്‍ററിൽ നടന്ന പരിപാടിയിൽ പ്രമുഖ കാൻസർ രോഗ വിദഗ്ധൻ ഡോ.വി.പി.ഗംഗാധരൻ കാൻസർ ബോധവത്കരണ ക്ലാസ് നയിച്ചു. തുടർന്നു നടന്ന സാംസ്കാരിക പരിപാടി മന്ത്രി ജെ. ചിഞ്ചുറാണി ഉദ്ഘാടനം ചെയ്തു. എംഎൽഎമാരായ ഡോ.സുജിത്ത് വിജയൻപിള്ള, സി.ആർ.മഹേഷ് എന്നിവർ ചേർന്ന് സഹായവിതരണം നടത്തി. റഹ്മാൻ മുനമ്പത്ത് അധ്യക്ഷനായി. നഗരസഭ ചെയർമാൻ പടിപ്പുര ലത്തീഫ്, മുൻ എംപി അഡ്വ.എ.എം.ആരിഫ്, ഗാന്ധിഭവൻ സെക്രട്ടറി പുനലൂർ സോമരാജൻ, ഷിഹാബ് കൊട്ടുകാട്, നസീർ വെളിയിൽ,ഷംനാദ് കരുനാഗപ്പള്ളി, ബാലുകുട്ടൻ, സാദിഖ്, നാസർ ലെയ്സ്, നൗഷാദ് ഫിദ എന്നിവർ പങ്കെടുത്തു. ഫിറോസ് നല്ലാന്തറയിൽ, മദനൻപിള്ള എന്നിവരെ ചടങ്ങിൽ ആദരിച്ചു. 2005 മുതൽ റിയാദിലെ കരുനാഗപ്പള്ളി താലൂക്കുകാരുടെ കൂട്ടായ്മ രൂപവത്കരിച്ച് പ്രവർത്തിച്ചുവരികയാണ് മൈത്രി ജീവകാരുണ്യ സംഘടന.

ജീവിത ശൈലി രോഗനിർണയ ക്യാമ്പ് "അരികിലുണ്ട്' തുടങ്ങി

കുളത്തൂപ്പുഴ:സംസ്ഥാന ആരോഗ്യ വകുപ്പ് സംഘടിപ്പിക്കുന്ന ജീവിത ശൈലി രോഗനിർണയ ക്യാമ്പ് "അരികിലുണ്ട്' പരിപാടിയുടെ ഭാഗമായ സഞ്ചരിക്കുന്ന ജീവിതശൈലി രോഗനിർണയ ക്യാമ്പിന് കുളത്തൂപ്പുഴയിൽ തുടക്കമായി. ജീവിതശൈലി രോഗങ്ങളായ പ്രമേഹം, രക്താദിസമ്മർദം, കാൻസർ, ശ്വാസകോശ സംബന്ധമായ രോഗങ്ങൾ, ക്ഷയരോഗം, എന്നിവയ്ക്കുള്ള രോഗനിർണയവും കൗൺസിലിംഗുമാണ് മൊബൈൽ ക്യാമ്പിലൂടെ ഉദ്ദേശിക്കുന്നത്. ക്യാമ്പുകളിൽ പങ്കെടുക്കാൻ കഴിയാത്ത വ്യാപാരി വ്യവസായികൾ, ഓട്ടോ - ടാക്സി തൊഴിലാളികൾ, സർക്കാർ, അർദ്ധസർക്കാർ സ്ഥാപനത്തിലെ ജീവനക്കാർ, ഇതരദേശ തൊഴിലാളികൾ എന്നിവരുടെ സൗകര്യാർഥമാണ് മൊബൈൽ ക്യാമ്പുകൾ തയാറാക്കിയിട്ടുള്ളത്. വരുംദിവസങ്ങളിൽ കുളത്തൂപ്പുഴ പഞ്ചായത്തി െ ന്‍റ വിവിധ പ്രദേശങ്ങളിൽ മൊബൈൽ യൂണിറ്റ് സഞ്ചരിച്ച് രോഗനിർണയം നടത്തും. കുളത്തൂപ്പുഴ പഞ്ചായത്ത് ഓഡിറ്റോറിയത്തിൽ സംഘടിപ്പിച്ച യോഗത്തിന്‍റെ ഉദ്ഘാടനം പഞ്ചായത്ത് വൈസ് പ്രസിഡന്‍റ് ടി.തുഷാര നിർവഹിച്ചു. ഹെൽത്ത് സൂപ്പർവൈസർ സി.ആർ. അരുൺകുമാർ, ഹെൽത്ത് ഇൻസ്പെക്‌ടർ എസ്. ഷൈജു, വി.എസ്. പ്രദീപ്, അശ്വതി,ഷിജു ലാൽ ആശാവർക്കർമാരായ മായ, ഉഷ, മീന എന്നിവർ നേതൃത്വം നൽകി.

വന്യജീവികള്‍ നാടിന് അപകടമാകാതിരിക്കാൻ ; ചർച്ച നടത്തി

കൊല്ലം: വന്യജീവികള്‍ നാടിന് അപകടമാകാതിരിക്കാനുള്ള മാര്‍ഗങ്ങള്‍ തേടി ലോക വെറ്ററിനറി ദിനത്തോടനുബന്ധിച്ച് മൃഗസംരക്ഷണ വകുപ്പും ഇന്ത്യന്‍ വെറ്ററിനറി അസോസിയേഷനും ശ്രീനാരായണഗുരു സാംസ്‌കാരിക സമുച്ചയത്തില്‍ സംയുക്തമായി നടത്തിയ ചർച്ച മേയര്‍ ഹണി ബഞ്ചമിൻ ഉദ്ഘാടനം ചെയ്തു. മുന്‍മന്ത്രി കെ.രാജു, മൃഗക്ഷേമ പ്രവര്‍ത്തക ചിത്ര അയ്യര്‍, ആര്യങ്കാവ് പഞ്ചായത്ത് പ്രസിഡന്‍റ് സുജ തോമസ്, വനംവകുപ്പ് വെറ്ററിനറി ഓഫീസര്‍മാരായ ഡോ. അനുരാജ്, ഡോ.സിബി, അസിസ്റ്റന്‍റ് കണ്‍സര്‍വേറ്റര്‍ മുഹമ്മദ് അന്‍വര്‍, മേഖല ഡെപ്യൂട്ടി ഡയറക്ടര്‍ പ്രിയന്‍ അലക്‌സ് റൊബെല്ലോ, ശ്രീനാരായണ കോളജ് ബോട്ടണി വിഭാഗം മേധാവി നിഷ, മാധ്യമ പ്രവര്‍ത്തകന്‍ ജയചന്ദ്രന്‍ ഇലങ്കത്ത്, മൃഗസംരക്ഷണവകുപ്പിലെ ഡെപ്യൂട്ടി ഡയറക്‌ടര്‍മാരായ ഡോ.ഡി.ഷൈന്‍കുമാര്‍, ഡോ.ബി.അജിത് ബാബു തുടങ്ങിയവര്‍ പങ്കെടുത്തു.

മഹാഇടയന് പ്രാർഥനാ നിർഭരമായ അനുശോചനം അർപ്പിച്ചു

കുളത്തൂപ്പുഴ : ഏഴംകുളം ഹോളി ഫാമിലി മലങ്കര കത്തോലിക്കാ പള്ളി എംസിഎ ഏഴംകുളം യൂണിറ്റിന്‍റെ ആഭിമുഖ്യത്തിൽ മഹാ ഇടയന് പ്രാർഥനാ നിർഭരമായ അനുശോചനം അർപ്പിച്ചു. മാത്തുണ്ണി പുത്തൻവിള അധ്യക്ഷതവഹിച്ചു. അഭയാർഥികളോടും ദരിദ്രരോടും പാർശ്വവത്കരിക്കപ്പെട്ടവരോടും വേദനിക്കുന്നവരോടും അസാധാരണമായ അനുകമ്പ കാണിച്ച കരുണയുടെ മഹാഇടയനായിരുന്നു ഫ്രാൻസിസ് മാർപാപ്പായെന്ന് ഇടവക വികാരി ഫാ. ജോഷ്വാ കൊച്ചുവിളയിൽ അനുശോചന സന്ദേശന സന്ദേശത്തിൽ പറഞ്ഞു. ഫാ.സിജോ തോമസ് കൊച്ചുവിളയിൽ,എംസിഎംഎഫ് അതിരൂപതാ പ്രസിഡന്‍റ് ലൗലി രാജൻ, എംസിഎ അതിരൂപത സെക്രട്ടറി രാജുമോൻ ഏഴംകുളം,ജോയ് മാക്കുളത്ത്,എംസിഎ വൈദിക ജില്ലാ പ്രസിഡന്‍റ് ഏഴംകുളം രാജൻ എന്നിവർ അനുശോചന പ്രസംഗം നടത്തി.

വേട്ടുതറയിലെ അടിപ്പാത : ഗതാഗത മന്ത്രാലയത്തിന്‍റെ പരിഗണനയിൽ : എൻ.കെ.പ്രേമചന്ദൻ എംപി

കൊല്ലം : ദേശീയപാത 66- ല്‍ വേട്ടുതറ ജോയിന്‍റ് ജംഗ്ഷനില്‍ വാഹന ഗതാഗതത്തിന് അടിപ്പാത നിര്‍മാണത്തിനുള്ള നടപടികള്‍ ഉപരിതല ഗതാഗത മന്ത്രാലയത്തിന്‍റെ പരിഗണനയിലാണെന്ന് എന്‍.കെ.പ്രേമചന്ദ്രന്‍ എംപി അറിയിച്ചു. ദേശീയപാത അഥോറിറ്റി പ്രോജക്‌ട് ഡയറക്ടര്‍, റീജണല്‍ ഓഫീസര്‍, ദേശീയപാത അഥോറിറ്റി മെമ്പര്‍ വെങ്കിട്ടരമണ എന്നിവരുമായി നടന്ന ചർച്ചയ്ക്ക് ശേഷമാണ് ഇക്കാര്യം അറിയിച്ചത്. 12 കോടി രൂപയുടെ അധികചെലവ് അടിപ്പാത മാറ്റി സ്ഥാപിക്കുന്നതിന് ഉണ്ടാകുമെന്നാണ് കണക്കാക്കിയിട്ടുള്ളത്. അധിക ബാധ്യത അനുവദിക്കാന്‍ ദേശീയപാത അഥോറിറ്റിക്ക് അധികാരമില്ലാത്ത സാഹചര്യത്തിലാണ് മന്ത്രാലയത്തിന്‍റെ സാമ്പത്തികാനുമതിക്കായി സമര്‍പ്പിക്കുന്നത്. കരാറുകാരനെക്കൊണ്ട് നിലവിലെ കരാര്‍ പ്രകാരം നിർമാണം നടത്താന്‍ നിയമപരമായി കഴിയാത്ത സാഹചര്യവും നിലവിലുണ്ട്. സാമ്പത്തിക അനുമതി ലഭ്യമായാല്‍ പുതിയ ടെണ്ടര്‍ വിളിക്കേണ്ടിവരുമെന്നും അധികൃതര്‍ അറിയിച്ചിട്ടുണ്ട്. മന്ത്രാലയത്തിന്‍റെ സാമ്പത്തികാനുമതി ലഭിക്കുന്നതിനുള്ള നടപടികള്‍ ഊര്‍ജിതപ്പെടുത്തുമെന്നും സാമ്പത്തികാനുമതിയുടെ അടിസ്ഥാനത്തില്‍ മാത്രമേ തുടര്‍നടപടികള്‍ സ്വീകരിക്കാന്‍ കഴിയൂയെന്നും എന്‍.കെ.പ്രേമചന്ദ്രന്‍ എംപി അറിയിച്ചു.

യുവാക്കളെ കായികമേഖലയിലേക്ക് തിരിച്ചുവിടാൻ വേണ്ട സൗകര്യങ്ങളൊരുക്കണം : സുജിത് വിജയൻപിള്ള എംഎൽഎ

പന്മന: യുവാക്കളെ കായിക മേഖലയിലേക്ക് തിരിച്ചുവിടുന്നതിന് ആവശ്യമായ ഇടങ്ങളും സൗകര്യങ്ങളും കായികമാണ് ലഹരിയെന്ന ആശയത്തെ മുൻനിർത്തി ഒരുക്കണമെന്ന് ഡോ.സുജിത് വിജയൻപിള്ള എംഎൽഎ. പന്മന പൗരാവലിയുടെ നേതൃത്വത്തിൽ കൊല്ലം ജില്ലാ ഫുട്ബോൾ അസോസിയേഷൻ ഭാരവാഹികൾക്ക് നൽകിയ സ്വീകരണ പരിപാടിയും സ്നേഹാദരവും ഉദ്ഘാടനം ചെയ്തു പ്രസംഗിക്കുകയായിരുന്നു അദ്ദേഹം. ജില്ലാ ഫുട്ബോൾ അസോസിയേഷൻ പ്രസിഡന്‍റ് പന്മന മഞ്ചേഷ്, സെക്രട്ടറി എ.ഹിജാസ്, ട്രഷറർ കുരുവിള ജോസഫ് എന്നിവരെ ചടങ്ങിൽ ആദരിച്ചു. പന്മല പൗരാവലി ചെയർമാൻ നിസാർ കന്നയിൽ അധ്യക്ഷത വഹിച്ചു. യോഗത്തിൽ ജില്ലാ പഞ്ചായത്തംഗം അഡ്വ.സി.പി.സുധീഷ് കുമാർ, പഞ്ചായത്ത് അംഗങ്ങളായ അനീസ നിസാർ, ഷംന റാഫി, ഹൻസിയ, ഫിറോസ് നല്ലാന്തറയിൽ, അൻസർ ബെസ്റ്റ് ബിൽഡേഴ്സ്, എം.അജി, എ.കെ.ആനന്ദ് കുമാർ, ഷിഹാബ് മാമൂട്ടിൽ, അബ്ദുൽ സലീം, സി.മനോജ് കുമാർ, ആഷിം, സിദ്ദിഖ്, സൽമാൻ പടപ്പനാൽ, തേവലക്കര നാസർ, മംഗലത്ത് മണികണ്ഠൻ, സിനികുമാർ, എ.മൻസൂർ, അൻവർ സാദത്ത്, ഇർഫാൻ എന്നിവർ പങ്കെടുത്തു.

നെല്ലിപ്പള്ളി സെന്‍റ് ജോർജ് ഓർത്തഡോക്സ് ചാപ്പലിൽ വി. ഗീവർഗീസ് സഹദായുടെ ഓർമപെരുന്നാളിന് കൊടിയേറി

പുനലൂർ: നെല്ലിപ്പള്ളി സെന്‍റ് ജോർജ് ഓർത്തഡോക്സ് ചാപ്പലിൽ വി. ഗീവർഗീസ് സഹദായുടെ ഓർമപെരുന്നാളിന് ഇന്നലെ വി. കുർബാനയ്ക്ക് ശേഷം വികാരി ഹബീബ് ജോസഫ് റമ്പാൻ കൊടിയേറ്റി. 30ന് വൈകുന്നേരം ആറിന് സന്ധ്യാ നമസ്കാരം, 7.30ന് റാസ മുക്കടവ് കുരിശും തൊട്ടിയിൽ നിന്നും തുടങ്ങി നെല്ലിപ്പള്ളി ജംഗ്ഷനിൽ കൂടി പള്ളിയിൽ എത്തി ചേരും. 9.30 ന് ആശിർവാദം മേയ്‌ ഒന്നിന് രാവിലെ 6.30ന് പ്രഭാത നമസ്കാരം തുടർന്ന് 7.30ന് വി. മൂന്നിന്മേൽ കുർബാന സുൽത്താൻ ബത്തേരി ഭദ്രാസനാധിപൻ ഡോ. ഗീവർഗീസ് മാർ ബർണബാസിന്‍റെ മുഖ്യകാർമികത്വത്തിൽ നടക്കും. 9.30ന് റാസ കുരിശും തൊട്ടി വരെ. 10ന് ആശിർവാദം നേർച്ചവിളമ്പ്. പെരുന്നാളിൽ പത്തനാപുരം മൗണ്ട് താബോർ ദയറായിലെ റമ്പാച്ചന്മാരുടെയും വൈദികരുടെയും മറ്റു സമീപ ഇടവകകളിലെ വികാരിമാരുടെയും നേതൃത്വത്തിൽ നടക്കുമെന്ന് വികാരി ഹബീബ് ജോസഫ് റമ്പാൻ അറിയിച്ചു.

ഫ്രാന്‍സിസ് മാര്‍പാപ്പ അനുസ്മരണ റാലി നടത്തി

അഞ്ചല്‍ : കാലം ചെയ്ത ഫ്രാന്‍സിസ് മാര്‍പാപ്പായുടെ അനുസ്മരണാര്‍ഥം അഞ്ചലില്‍ റാലിയും പൊതുസമ്മേളനവും പുഷ്പാര്‍ച്ചനയും നടന്നു. സെന്‍റ് മേരീസ് മലങ്കര കത്തോലിക്കാ പള്ളിയില്‍ രാവിലെ അനുസ്മരണ പ്രാര്‍ഥനകള്‍ നടന്നു. തുടര്‍ന്ന് അഞ്ചല്‍ ആര്‍ഒ ജംഗ്ഷനിലേക്ക് റാലി നടത്തി. നൂറുകണക്കിന് വിശ്വാസികള്‍ റാലിയില്‍ അണിചേര്‍ന്നു. തുടര്‍ന്ന് നടന്ന പൊതുസമ്മേളനത്തില്‍ മുന്‍ മന്ത്രി അഡ്വ.കെ.രാജു, സിപി എം സംസ്ഥാന കമ്മിറ്റി അംഗം എസ്.ജയമോഹന്‍, ഏരൂര്‍ പഞ്ചായത്ത് പ്രസിഡന്‍റ് അജിത്ത്, അലയമണ്‍ പഞ്ചായത്ത് മുന്‍ പ്രസിഡന്‍റ് ഹസീന മനാഫ്, ശബരിഗിരി ഗ്രൂപ്പ് ചെയര്‍മാന്‍ ഡോ.വി.കെ.ജയകുമാര്‍, വിവിധ രാഷ്‌ട്രീയ കക്ഷി നേതാക്കളായ അഡ്വ.സൈമണ്‍ അലക്‌സ്, അഡ്വ.ലിജു ജമാല്‍, അഡ്വ. അഞ്ചല്‍ സോമന്‍, ബാബു പണിക്കര്‍, തോയിത്തല മോഹനന്‍, എം.എം.സാദിഖ്,അഡ്വ.രഞ്ചു സുരേഷ്, ജി.പ്രമോദ്, ബിന്ദു തിലകന്‍, വി.വൈ.വർഗീസ്, ജാസ്മിന്‍ മഞ്ചൂര്‍, ഏരൂര്‍ സുഭാഷ്, സേതുനാഥ്, അഡ്വ.അഞ്ചല്‍ ടി. സജീവന്‍, വ്യാപാരി വ്യവസായി ഏകോപന സമിതി പ്രസിഡന്‍റ് ജി. ദേവരാജന്‍, പ്രദീപ് വിശ്വഭാരതി, അഞ്ചല്‍ ജഗദീശന്‍, ഫസില്‍ അല്‍-അമാന്‍, അനി ശബരി, കെ.വി.ടി.സോണി, അഞ്ചല്‍ ദേവരാജന്‍, ആര്‍ച്ചല്‍ സുഗതന്‍, വികാരി ഫാ. ബോവസ് മാത്യു, ട്രസ്റ്റി ഡോ.കെ.വി.തോമസ് കുട്ടി, സെക്രട്ടറി കോശി ജോണ്‍, ഒ.ജോണ്‍ പുത്തയം എന്നിവര്‍ പ്രസംഗിച്ചു.

ബജറ്റ് ടൂറിസം യാത്രകള്‍ വിജയം കണ്ടു; കൊല്ലത്ത് പുതിയ പാക്കേജുകള്‍ പ്രഖ്യാപിച്ചു

സ്വപ്നം തൊടാൻ വിഷ്ണു സൈക്കിളിൽ യാത്ര തുടങ്ങി

കൊല്ലം: കാഷ്മീരിലേക്കുള്ള യാത്രയ്ക്ക് കോതമംഗലത്തുകാരൻ വിഷ്ണു തങ്കപ്പൻ നടത്തിയത് നാലു വർഷത്തെ തയാറെടുപ്പാണ്. കോവിഡ് കാലത്ത് പാതിവഴിയിൽ അവസാനിപ്പിക്കേണ്ടി വന്ന സ്വപ്നം തൊടാൻ വിഷ്ണു സൈക്കിളിൽ കിലോമീറ്ററുകൾ താണ്ടുമ്പോൾ ഭിന്നശേഷി കുട്ടികൾക്കായി സഹായവും ഒരുങ്ങുകയാണ്. വിഷ്ണു തങ്കപ്പന്‍റെ തിരുവനന്തപുരം - കാഷ്‌മീർ യാത്ര തിരുവനന്തപുരം സെൻട്രൽ റെയിൽവേ സ്റ്റേഷനു മുന്നിൽ നിന്നും മുൻ ഇന്ത്യൻ ഫുട്ബോൾ താരം സിയാദ് ലത്തീഫ് ഫ്ലാഗ് ഓഫ് ചെയ്തത്. ഭിന്നശേഷി കുട്ടികളെ സഹായിക്കാൻ ആളുകളിൽനിന്ന് യാത്രയിൽ ഒരു രൂപ വീതമാണ് ശേഖരിക്കുന്നത്. സ്പോൺസർഷിപ്പായി ലഭിച്ച അറ്റ്ലസ് സൈക്കിളിലാണ് യാത്ര. എവിഎം ഫൗണ്ടേഷൻ കേരളയുടെയും, മറ്റ് നിരവധി സന്നദ്ധ സംഘടനകളും വിഷ്ണു തങ്കപ്പ െ ന്‍റ യാത്രയ്ക്ക് ആശംസകളുമായുണ്ട്. ഫോട്ടോഗ്രാഫർ കൂടിയായ വിഷ്ണു 2021 - ൽ ലഡാക്ക് ലക്ഷ്യമിട്ട് യാത്ര തുടങ്ങിയെങ്കിലും കോവിഡ് മഹാമാരി പൊട്ടിപ്പുറപ്പെട്ടതോടെ തിരിച്ചു പോരേണ്ടി വന്നു. പിന്നീടുള്ള വർഷങ്ങളിൽ അടുത്ത യാത്രയ്ക്കുള്ള തയാറെടുപ്പിലായിരുന്നു. രണ്ടുവർഷംകൊണ്ട് കാഷ്മീരിൽ എത്താനാണ് പദ്ധതി. ഇപ്പോഴത്തെ ഭീകരാക്രമണത്തിൽ വേദനയുണ്ടെങ്കിലും യാത്ര മാറ്റിവയ്ക്കുന്നില്ലെന്ന് വിഷ്ണു പറഞ്ഞു. എഴുതിത്തള്ളിയവർക്ക് മുന്നിൽ ത െന്‍റ ലക്ഷ്യം കാണിച്ചുകൊടുക്കണമെന്ന ആഗ്രഹം കൂടിയുണ്ട് വിഷ്ണുവിന്. അച്ഛൻ തങ്കപ്പ െ ന്‍റയും അമ്മ ഓമനയുടെയും പിന്തുണയുമുണ്ട് യാത്രയ്ക്ക്. തൃശൂർ - പാലക്കാട് വഴി തമിഴ്നാട്ടിലൂടെയാണ് യാത്ര. യാത്രയോടൊപ്പം ജില്ലകളിലെ ഡിഫറെന്‍ന്‍റ ിറി ഏബിൽഡ് കുട്ടികളെ പാർപ്പിച്ചിട്ടുള്ള സെന്‍ററുകൾ സന്ദർശിക്കുമെന്നും വിഷ്ണു പറഞ്ഞു.

ലഹരിവിരുദ്ധ പ്രവര്‍ത്തനങ്ങള്‍ ജില്ലയിൽ ശക്തമാക്കും: കളക്‌ടർ എന്‍.ദേവിദാസ്

കൊല്ലം: ലഹരി ഉപയോഗത്തിനെതിരേ നിരന്തര ബോധവത്കരണവും വ്യാപനം തടയിടുന്നതിന് സുശക്തമായ നടപടികളും സ്വീകരിക്കണമെന്ന് ജില്ലാ വികസന സമിതി. ലഹരി വിരുദ്ധപ്രവര്‍ത്തനങ്ങള്‍ കൂടുതല്‍ സജീവമാക്കുമെന്ന് വികസന സമിതി യോഗത്തിൽ ജില്ലാ കളക്‌ടര്‍ എന്‍.ദേവിദാസ് പറഞ്ഞു.സ്‌കൂളുകളിലും കോളജുകളിലും തദ്ദേശസ്ഥാപനങ്ങളുടെ സഹകരണത്തോടെ ബോധവത്കരണം നടത്തും. ചെറുപ്പക്കാരേയും വിദ്യാര്‍ഥികളേയും രക്ഷിതാക്കളേയും കാമ്പയിനി െ ന്‍റ ഭാഗമാക്കും. ഭക്ഷ്യവസ്തുക്കളില്‍ മായം ചേര്‍ക്കുന്നതിനെതിരേ നടപടി എടുക്കും. പരിശോധനകൾ കര്‍ശന പരിശോധനമാക്കും. ബേക്കറികള്‍, വഴിയോര കടകള്‍, ചിപ്‌സ് ഉത്പാദന യൂണിറ്റ് തുടങ്ങിയവയില്‍ പരിശോധന നടത്തി സാമ്പിളുകള്‍ ശേഖരിക്കും. തദ്ദേശസ്ഥാപനങ്ങളും ആരോഗ്യ വിഭാഗവും സംയുക്തമായി പരിശോധന നടത്തുമെന്നും കളക്‌ടർ വ്യക്തമാക്കി. ജിംനേഷ്യങ്ങളിലും ബ്യൂട്ടിപാര്‍ലറുകളിലും ആരോഗ്യവകുപ്പി െ ന്‍റ നേതൃത്വത്തില്‍ പരിശോധന നടത്താനും യോഗം നിർദേശം നല്‍കി. കച്ചിക്കടവ് പാലം, ഇരവിപുരം മേല്‍പ്പാലം, പള്ളിമുക്ക് മാര്‍ക്കറ്റ് നവീകരണം തുടങ്ങിയ പ്രവര്‍ത്തികളുമായി ബന്ധപ്പെട്ട നടപടിക്രമങ്ങള്‍ ഊര്‍ജിതമാക്കണമെന്ന് എം.നൗഷാദ് എംഎല്‍എ നിര്‍ദേശിച്ചു. ചേനങ്കര മുക്ക്-പട്ടക്കടവ്-കാരാളിമുക്ക് വരെയുള്ള റോഡുകളിലെ അഗാധ ഗര്‍ത്തങ്ങള്‍ നികത്തി ഗതാഗതയോഗ്യമാക്കണമെന്നും ടൂറിസ്റ്റ് ബസുകളിലെ പരിശോധന കാര്യക്ഷമമാക്കണമെന്നും കോവൂര്‍ കുഞ്ഞുമോന്‍ എംഎല്‍എ ആവശ്യപ്പെട്ടു. പുതിയകാവ്-കാട്ടില്‍ക്കടവ് റോഡ്, തൊടിയൂര്‍ പഞ്ചായത്തിലെ ഷാപ്പുമുക്ക്-മാരാരിത്തോട്ടം റോഡ്‌നിര്‍മാണം ഉടനെ പൂര്‍ത്തിയാക്കണമെന്നായിരുന്നു സി.ആര്‍.മഹേഷ് എംഎല്‍എയുടെ ആവശ്യം. ആവണീശ്വരം മേല്‍പ്പാലം നിര്‍മാണത്തിനായുള്ള ഭൂമി ഏറ്റെടുപ്പ് നടപടി വേഗത്തിലാക്കണം, പുനലൂര്‍ മെമു ട്രെയിനിലെ ബോഗികള്‍ വര്‍ധിപ്പിക്കണം, അപകടങ്ങള്‍ സ്ഥിരമാകുന്ന സാഹചര്യത്തില്‍ പത്തനാപുരം-പുനലൂര്‍ റോഡില്‍ ശാസ്ത്രീയപഠനം നടത്തി സുരക്ഷാക്രമീകരണങ്ങള്‍ ഏര്‍പ്പെടുത്തണമെന്ന് മന്ത്രി കെ.ബി.ഗണേഷ് കുമാറിന്‍റെ പ്രതിനിധി സജിമോന്‍ പറഞ്ഞു.കൊട്ടിയം ജംഗ്ഷനിലെ ഗതാഗത തടസം പരിഹരിക്കുന്നത് ആവശ്യമായ നടപടികള്‍ സ്വീകരിക്കണമെന്ന് കൊടിക്കുന്നില്‍ സുരേഷ് എംപിയുടെ പ്രതിനിധി ഏബ്രഹാം സാമുവല്‍ ആവശ്യപ്പെട്ടു. എംസി റോഡിലെ അനധികൃത കൈയേറ്റത്തിനെതിരേ നടപടി സ്വീകരിക്കുക, കൊല്ലം കെഎസ്ആര്‍ടിസി ബസ് സ്റ്റാൻഡ് പ്രവര്‍ത്തനം താല്‍ക്കാലികമായി പുന:സ്ഥാപിക്കുക തുടങ്ങിയ ആവശ്യങ്ങള്‍ എന്‍.കെ.പ്രേമചന്ദ്രന്‍ എംപിയുടെ പ്രതിനിധി ഉന്നയിച്ചു. പരമ്പരാഗത മത്സ്യത്തൊഴിലാളികള്‍ ഉപയോഗിക്കുന്ന പൊന്തുവള്ളം, കട്ടവള്ളം രീതിയിലുള്ള മത്സ്യബന്ധനം നിരോധിക്കാനുള്ള തീരുമാനം പിന്‍വലിക്കണമെന്ന് കെ.സി.വേണുഗോപാല്‍ എംപിയുടെ പ്രതിനിധി തൊടിയൂര്‍ രാമചന്ദ്രന്‍ ആവശ്യപ്പെട്ടു. കുണ്ടറ കെഎസ്ആര്‍ടിസി ബസ് സ്റ്റാൻഡ് നിര്‍മാണവുമായി ബന്ധപ്പെട്ട നടപടിക്രമങ്ങള്‍ കാര്യക്ഷമമാക്കുക, കുണ്ടറ-ചിറ്റുമല- മണ്‍റോതുരുത്ത് റോഡിലെ നവീകരണം പൂര്‍ത്തിയാക്കുക തുടങ്ങിയ ആവശ്യങ്ങള്‍ പി.സി.വിഷ്ണുനാഥ് എംഎല്‍എയുടെപ്രതിനിധി യോഗത്തിൽ ഉന്നയിച്ചു. യോഗത്തിനു മുന്നോടിയായി കാഷ്മീരിലുണ്ടായ ആക്രമണത്തില്‍ കൊല്ലപ്പെട്ടവര്‍ക്കും ഫ്രാന്‍സിസ് മാര്‍പാപ്പയുടെ വേര്‍പാടിലും യോഗം അനുശോചനം രേഖപ്പെടുത്തി. കളക്‌ടറേറ്റ് കോണ്‍ഫറന്‍സ് ഹാളില്‍ ചേര്‍ന്ന യോഗത്തില്‍ എഡിഎം ജി.നിര്‍മല്‍ കുമാര്‍, സബ് കളക്‌ടര്‍ നിഷാന്ത് സിന്‍ഹാര തുടങ്ങിയവര്‍ പങ്കെടുത്തു.

പുറ്റിംഗൽ കേസ്: ഒളിവിലുള്ള പ്രതിയുടെ ജാമ്യക്കാർ മേയ് മൂന്നിന് ഹാജരാകണം

കൊല്ലം: പരവൂർ പുറ്റിംഗൽ ദേവീക്ഷേത്രത്തിലെ വെടിക്കെട്ട് അപകടക്കേസിൽ ഒളിവിൽ പോയ 30-ാം പ്രതിയുടെ ജാമ്യക്കാർ മേയ് മൂന്നിന് ഹാജരാകണമെന്ന് കോടതി നിർദേശം. പിഴത്തുക സംബന്ധിച്ച് ജാമ്യക്കാരിൽ നിന്നു നേരിട്ട് മൊഴിയെടുക്കുന്നതിനാണ് പുറ്റിങ്ങൽ വെടിക്കെട്ട് അപകടക്കേസിന്‍റെ വിചാരണയ്ക്കുള്ള പ്രത്യേക കോടതിയുടെ ചുമതല വഹിക്കുന്ന നാലാം അഡീഷനൽ സെഷൻസ് കോടതി ജഡ്‌ജി എസ്.സുഭാഷ് ഉത്തരവിട്ടത്. ജാമ്യക്കാർ ഹാജരാകാൻ കോടതി നിരവധി തവണ അവസരം നൽകിയിരുന്നതാണ്. വൃക്കരോഗിയായ ജാമ്യക്കാരിൽ ഒരാൾ ഡയാലിസിസിനു വിധേയനാകുന്നതിനാൽ അഭിഭാഷകൻ സാവകാശം ആവശ്യപ്പെടുകയായിരുന്നു. തുടർന്നാണ് മൂന്നിന് ഹാജരാകാൻ കോടതി നിർദേശിച്ചത്. ഒളിവിൽ പോയ പ്രതി അടൂർ ഏറത്ത് രാജ് ഭവനിൽ അനുരാജിനെ (അനു) പിടികിട്ടാപ്പുള്ളിയായി പ്രഖ്യാപിക്കുന്നതിനുള്ള നടപടികൾക്കും മറ്റുമായി കേസ് 29നും കോടതി പരിഗണിക്കും. പ്രോസിക്യൂന് വേണ്ടി സ്പെഷൽ പബ്ലിക് പ്രോസിക്യൂട്ടർ കെ.പി.ജബാർ, അഡ്വ. അമ്പിളി ജബാർ എന്നിവർ കോടതിയിൽ ഹാജരായി. അതേ സമയം ഈ കേസിനായുള്ള പ്രത്യേക കോടതിയിൽ സ്ഥിരം ജഡ് ജിയെ നിയമിക്കുന്നതിനുള്ള നടപടികളും ആരംഭിച്ചിട്ടുണ്ട്. പ്രത്യേക കോടതി പ്രവർത്തനം തുടങ്ങിയിട്ട് അഞ്ചു മാസം പിന്നിട്ടെങ്കിലും സ്‌ഥിരം ജഡ്‌ജിയെ നിയമിക്കാത്തതിനാൽ നാലാം അഡീഷനൽ ജില്ലാ ജഡ്‌ജിക്ക് അധികച്ചുമതല നൽകിയിരിക്കുകയാണ്.

കഴുത്തിൽ കേബിൾ കുരുങ്ങി സ്കൂട്ടർ യാത്രക്കാരിക്ക് ഗുരുതര പരിക്ക്

ചവറ : താഴ്ന്നുകിടന്ന കേബിൾ കഴുത്തിൽ കുരുങ്ങി സ്കൂട്ടർ യാത്രക്കാരിക്ക് ഗുരുതര പരിക്ക്. തേവലക്കര പോസ്റ്റ് ഓഫീസിലെ പോസ്റ്റൽ അസിസ്റ്റന്‍റ് കരുനാഗപ്പള്ളി, പടനായർകുളങ്ങര വടക്ക്, മാധവം വീട്ടിൽ അനുപമയ്ക്കാണ് പരിക്കേറ്റത്. കഴിഞ്ഞദിവസം വൈകുന്നേരമായിരുന്നു സംഭവം. പോസ്റ്റ് ഓഫീസിൽ നിന്നും അനുപമ സ്കൂട്ടറിൽ വീട്ടിലേക്ക് മടങ്ങുന്നതിനിടെ വടക്കുംതല പള്ളിക്ക് സമീപം റോഡിൽ താഴ്ന്നുകിടന്ന കേബിൾ കഴുത്തിൽ കുരുങ്ങുകയായിരുന്നുവെന്ന് ബന്ധുക്കൾ പറഞ്ഞു. കേബിൾ മുറുകി കഴുത്തിൽ ആഴത്തിൽ മുറിവേറ്റതിന് പുറമേ സ്കൂട്ടർ നിയന്ത്രണം വിട്ട് റോഡിൽ വീണ് അനുപമയുടെ തോളെല്ലിന് ഒടിവ് സംഭവിച്ചു. സ്ഥലത്തുണ്ടായിരുന്നവർ ഉടൻ തന്നെ തൊട്ടടുത്തുള്ള സ്വകാര്യ ആശുപത്രിയിൽ പ്രവേശിപ്പിച്ചു. തോളിലെ പൊട്ടിയ എല്ലുകൾ കൂട്ടിയോജിപ്പിക്കാനുള്ള ശസ്ത്രക്രിയയ്ക്ക് ശേഷം അനുപമ അത്യാഹിത വിഭാഗത്തിൽ നിരീക്ഷണത്തിൽ തുടരുകയാണ്. സ്വകാര്യ കേബിൾ ടിവി നെറ്റ് വർക്കിന്‍റെ കേബിളാണ് അനുപമയുടെ കഴുത്തിൽ കുടുങ്ങിയത്. ചവറ പോലീസിൽ പരാതി നൽകി. റോഡ് വക്കുകളിൽ പൊട്ടിക്കിടക്കുന്ന കേബിളുകൾ ഉടൻ തന്നെ നീക്കണമെന്ന് ഹൈക്കോടതി അടക്കം കർശന നിർദേശം നൽകിയിട്ടുള്ളതാണ്.

വന്യജീവികളുടെ ആക്രമണത്തിനിരയാകുന്ന കര്‍ഷകന് നഷ്്‌ടപരിഹാരം നല്‍കണം: ഭാരതീയ കിസാൻ സംഘ്

കൊട്ടാരക്കര : വന്യജീവികളുടെ ആക്രമണത്തിൽ കൊല്ലപ്പെടുന്ന കര്‍ഷര്‍ക്കും കൃഷിനാശം ഉണ്ടാകുന്ന കർഷകർക്കും നഷ്‌ടപരിഹാരം നൽകാൻ സർക്കാരുകൾ തയാറാകണമെന്ന് ഭാരതീയ കിസാന്‍ സംഘ് സംസ്ഥാന അധ്യക്ഷന്‍ ഡോ.അനില്‍ വൈദ്യമംഗലം ആവശ്യപ്പെട്ടു. കിസാന്‍ സംഘ് സംസ്ഥാനത്ത് ഉടനീളം നടത്തുന്ന കാര്‍ഷിക നവോഥാന യാത്രയ്ക്ക് കൊട്ടാരക്കരയിൽ നൽകിയ സ്വീകരണസമ്മേളനം ഉദ്ഘാടനം ചെയ്തു പ്രസംഗിക്കുകയായിരുന്നു അദ്ദേഹം.വന്യജീവി ആക്രമണത്തിൽ മരണപ്പെടുന്ന കർഷകന് 25 ലക്ഷം രൂപ നഷ്‌ടപരിഹാരവും വിളനഷ്‌ടപരിഹാര തുകയും നല്‍കണമെന്ന് ആവശ്യം ഉന്നയിച്ച് സംസ്ഥാന സർക്കാരിന് നിവേദനം നൽകും. സംസ്ഥാന ജനറല്‍ സെക്രട്ടറി അഡ്വ.രതീഷ് ഗോപാല്‍,സംഘടനാ സെക്രട്ടറി പി.മുരളീധരന്‍,സംസ്ഥാന സെക്രട്ടറി പി.സുകുമാരന്‍,സംസ്ഥാന സമിതി അംഗങ്ങളായ ബാബുക്കുട്ടന്‍ പുലുവീടന്‍, ഡോ.കരുണന്‍,വി.ആര്‍.ശിവരാജന്‍ ഉമ്പര്‍നാട് , രവീന്ദ്രന്‍ നായര്‍,രതീഷ് കൂടല്‍ ,വത്സലകുമാരി,സുധാ കൈതാരം, പ്രതിഭ കോഴിക്കോട് സ്വാഗതസംഘം രക്ഷാധികാരി ഏരൂര്‍ മോഹനന്‍ ,ജില്ലാ ജനറല്‍ സെക്രട്ടറി സജീഷ് വടമണ്‍ എന്നിവര്‍ വിവിധ സ്ഥലങ്ങളില്‍ നടന്ന യോഗങ്ങളില്‍ പ്രസംഗിച്ചു.

ദൈവം ഭൂമിയിലേക്ക് അയച്ച സ്നേഹത്തിന്‍റെ കത്താണ് ഫ്രാൻസിസ് പാപ്പ: ഫാ.ജോൺ ബ്രിട്ടോ

കൊല്ലം: ദൈവം ഭൂമിയിലേക്ക് അയച്ച സ്നേഹത്തിന്‍റെ കത്താണ് ഫ്രാൻസിസ് പാപ്പയെന്നും ആ കത്തിലൂടെ സ്നേഹം, കരുണ, കാരുണ്യം എന്നീ പുണ്യങ്ങൾ ഭൂമിയിൽ പെയ്തിറങ്ങിയെന്നും ബിഷപ് ബൻസിഗർ ഹോസ്പിറ്റൽ ഡയറക്‌ടർ ഫാ. ജോൺ ബ്രിട്ടോ. ബിഷപ് ബൻസിഗർ ഹോസ്പിറ്റലിൽ നടന്ന അനുശോചന യോഗം ഉദ്ഘാടനം ചെയ്തു പ്രസംഗിക്കുകയായിരുന്നു അദ്ദേഹം. ആഡംബരങ്ങളും സമ്പത്തുമെല്ലാം ഉപേക്ഷിച്ച് എളിമയിലൂടെ ജീവിത പ്രകാശം പരത്തിയ ഈ കാലയളവിലെ പുണ്യാത്മാവായിരുന്നു ഫ്രാൻസിസ് പാപ്പായെന്നും ഫാ.ജോൺ ബ്രിട്ടോ കൂട്ടിച്ചേർത്തു. മതവിശ്വാസം വ്യക്തികളുടെ സ്വകാര്യമാണെന്നും എന്നാൽ ലോകം സർവരുടേതുമാണെന്ന് ബോധ്യപ്പെടുത്തിയ മഹാ ആചാര്യനായിരുന്നു ഫ്രാൻസിസ് മാർപാപ്പയെന്ന് മെഡിക്കൽ സൂപ്രണ്ട് ഡോ.ജി.മോഹനൻ അധ്യക്ഷ പ്രസംഗിത്തിൽ പറഞ്ഞു. അനുസ്മരണ യോഗത്തിൽ ഹോസ്പിറ്റൽ അഡ്മിനിസ്ട്രേറ്റർ സിസ്റ്റർ. ജീനാ മേരി, ഡോ. പോൾ കന്നിട്ടയിൽ, ഡോ. എസ്.ടി.മൂർത്തി, ഡോ. അലക്സ് ഉമ്മൻ വെദ്യൻ, ഡോ.ബെന്നി ക്ലീറ്റസ്, ഫാ.ഫിൽസൺ ഫ്രാൻസിസ്, ഫാ. ലോറൻസ് എന്നിവർ പ്രസംഗിച്ചു. ചാപ്പലിൽ നടന്ന അനുസ്മരണ ദിവ്യബലിയർപ്പണത്തിന് ഫാ.ജോൺ ബ്രിട്ടോ, ഫാ.ഫിൽസൺ ഫ്രാൻസിസ്, ഫാ.ലോറൻസ് എന്നിവർ മുഖ്യകാർമികത്വം വഹിച്ചു.

വിദ്യാര്‍ഥിനിയെ പീഡിപ്പിച്ച കേസ് : ബൈക്ക് നാസർ അറസ്റ്റിൽ

അഭിഭാഷക കലോത്സവം: കൊല്ലം മുന്നിൽ

കൊല്ലം: അഖില കേരള അഭിഭാഷക കലോത്സവത്തിന്‍റെ രണ്ടാം ദിവസം മത്സരങ്ങൾ സമാപിച്ചപ്പോൾ 41 പോയിന്‍റുകളുമായി കൊല്ലം ബാർ അസാസിയേഷൻ മുന്നിൽ. 14 പോയിന്‍റുകളുമായി ആറ്റിങ്ങൽ ബാർ അസോസിയേഷനാണ് രണ്ടാം സ്ഥാനത്ത്. മൂന്നാം സ്ഥാനത്തുള്ള ചാലക്കുടി ബാർ അസോസിയേഷന് 13 പോയിന്‍റുകളുണ്ട്. തിരുവനന്തപുരം, പരവൂർ ബാർ അസോസിയേഷനുകൾ 12 പോയിന്‍റുകളുമായി നാലാം സ്ഥാനത്താണ്.

പനയ്ക്കറ്റോടില്‍ ദേവീക്ഷേത്ര ഉത്സവത്തിന് തുടക്കമായി

ചവറ : തെക്കുംഭാഗം പനയ്ക്കറ്റോടില്‍ ദേവി ക്ഷേത്രത്തിലെ ഉത്സവത്തിന് തുടക്കമായി. മേയ് എട്ടുവരെ നടക്കും. ഇന്ന് രാവിലെ ഏഴിന് പൊങ്കാല, 7.15ന് ഭക്തിഗാനാഞ്ജലി,രാത്രി എട്ടിന് സംഗീത മാമാങ്കം. നാളെ ഉച്ചകഴിഞ്ഞ് മൂന്നിന് താലപ്പൊലി ക്ഷേത്രത്തില്‍ നിന്നും പുറപ്പെട്ട് കരകളില്‍ ഊരുവലത്ത് നടത്തും. 29ന് രാത്രി 7.30 കഴികെ ക്ഷേത്രം തന്ത്രി ചെറുപൊയ്ക മുടപ്പിലാപ്പിള്ളി മഠത്തില്‍ എന്‍.നീലകണ്ഠരര് ഭട്ടതിരിയുടെ മുഖ്യകാര്‍മികത്വത്തില്‍ കൊടിയേറ്റ്. ഒന്‍പതിന് കുചേല വൃത്തം കഥകളി. 30ന് വൈകുന്നേരം അഞ്ചിന് ലക്ഷ ദീപം,രാത്രി ഏഴിന് തിരുവാതിര, 9.30ന് കുചേല വൃത്തം, കിരാതം കഥകളി. മേയ് ഒന്നിന് മൂന്നിന് വാഹന ഘോഷയാത്ര. വൈകുന്നേരം 6.45ന് ഡാന്‍സ് നൈറ്റ്.രണ്ടിന് രാത്രി ഏഴിന് നൃത്ത അരങ്ങേറ്റം, 9.30ന് നളചരിതം രണ്ടാം ദിവസം കഥകളി.മൂന്നിന് വൈകുന്നേരം 5.30ന് വയലിന്‍ ഫ്യൂഷന്‍.രാത്രി 9.30ന് പ്രഹ്ലാദ ചരിതം കഥകളി. നാലിന് രാവിലെ ഒന്‍പതിന് ഉത്സവബലി.11ന് ഉത്സവബലി ദര്‍ശനം.രാത്രി 12ന് നാടകം.അഞ്ചിന് രാവിലെ ഒന്‍പതിന് ഉത്സവബലി, 11ന് ഉത്സവബലി ദര്‍ശനം. രാത്രി 12.30ന് നാടകം.ആറിന് രാവിലെ ഏഴിന് ഗജ പൂജയും ആനയൂട്ടും.ഒന്‍പതിന് ഉത്സവബലി, 11ന് ഉത്സവബലി ദര്‍ശനം. ഉച്ചകഴിഞ്ഞ് മൂന്നിന് പൂരം എഴുന്നള്ളത്ത്,വൈകുന്നേരം 4.30ന് പൂരവും കുടമാറ്റവും.രാത്രി 12.30ന് നാടകം. ഏഴിന് ഉച്ചകഴിഞ്ഞ് മൂന്നിന് കെട്ടുകാഴ്ച.രാത്രി ഒന്നിന് പള്ളിവേട്ട.എട്ടിന് ഉച്ചകഴിഞ്ഞ് മൂന്നിന് കെട്ടുകാഴ്ച.രാത്രി 7.30ന് ആറാട്ട്.ഒന്നിന് നൃത്ത നാടകം.പുലര്‍ച്ചേ ആറാട്ടെഴുന്നള്ളത്ത്. ഉത്സവ ദിനങ്ങളില്‍ ചമയവിളക്ക് ഘോഷയാത്ര, വിശേഷാല്‍ പൂജകള്‍ എന്നിവ നടക്കുമെന്ന് പ്രസിഡന്‍റ് ടി.രാജേന്ദ്രന്‍പിള്ള, സെക്രട്ടറി ബി.രാജേഷ് എന്നിവര്‍ അറിയിച്ചു.

വികസനമുരടിപ്പിന്‍റെ നാടായി ചവറ നിയോജക മണ്ഡലം മാറി: ആർവൈഎഫ്

ചവറ : വികസനമുരടിപ്പിനെതിരേ ജനങ്ങളെ അണിനിരത്തി ശക്തമായ സമരങ്ങൾക്ക് നേതൃത്വം നൽകുമെന്ന് ആർവൈഎഫ് സംസ്ഥാന സമിതി അംഗം ആർ.വൈശാഖ്. ആർവൈഎഫ് ചവറ മണ്ഡലം കൺവൻഷൻ ഉദ്ഘാടനം ചെയ്ത് പ്രസംഗിക്കുകയായിരുന്നു അദ്ദേഹം. ഒമ്പത് വർഷം വികസനമുരടിപ്പിന്‍റെ പര്യായമായി ചവറ മാറി. മണ്ഡലത്തിന്‍റെ മുഖഛായ മാറ്റേണ്ട വികസന പ്രവർത്തനങ്ങൾ അട്ടിമറിക്കപ്പെട്ടുവെന്നും അദ്ദേഹം പറഞ്ഞു. മണ്ഡലം പ്രസിഡന്‍റ് സിയാദ് കോയിവിള അധ്യക്ഷനായി. ആർവൈഎഫ് സംസ്ഥാന സെക്രട്ടറി വിഷ്ണു മോഹൻ, ആർഎസ്പി ചവറ മണ്ഡലം സെക്രട്ടറി ജസ്റ്റിൻ ജോൺ, പുലത്തറ നൗഷാദ്, സി.പി.സുധീഷ് കുമാർ,കാട്ടൂർ കൃഷ്ണകുമാർ, എസ്. ഷാനവാസ് തുടങ്ങിയവർ പ്രസംഗിച്ചു.

ഐടി പാർക്കുകളിലെ ബാറിനുള്ള അനുമതി പിൻവലിക്കണം : മദ്യവിരുദ്ധ സമിതി

കൊല്ലം: കേരളത്തിലെ ഐടി പാർക്കുകളിൽ ബാർ ആരംഭിക്കാനുളള നടപടി പ്രതിഷേധാർഹമാണെന്നും ഉത്തരവ് പിൻവലിക്കണമെന്നും കെസിബിസി മദ്യവിരുദ്ധ സമിതി കൊല്ലം രൂപതാ കമ്മിറ്റി ആവശ്യപ്പെട്ടു. തൊഴിലിടങ്ങൾ മദ്യവത്കരിച്ച് തൊഴിലാളികളെ മദ്യാസക്തരാക്കാനുളള പരിശ്രമം തൊഴിലാളി സമൂഹത്തോടുള്ള കടുത്ത വഞ്ചനയാണെന്ന് യോഗം ചൂണ്ടിക്കാട്ടി. കൂടുതൽ തൊഴിലിടങ്ങളിലേക്ക് മദ്യശാലകൾ ആരംഭിക്കാനുളള ഗൂഡാലോചനയാണ് ഈ നീക്കത്തിന് പിന്നിലെന്ന് യോഗം ആരോപിച്ചു. തൊഴിലാളിവിരുദ്ധമായ ഈ നയത്തിനെതിരേ തൊഴിലാളി ദിനമായ മേയ് ഒന്നിന് ലഹരിവിമുക്ത തൊഴിലിടം എന്ന പേരിൽ പ്രതിഷേധ ദിനമായി ആചരിക്കാനും യോഗം തീരുമാനിച്ചു. രൂപതാ പ്രസിഡന്‍റ് യോഹന്നാൻ ആന്‍റണി അധ്യക്ഷത വഹിച്ചു. ഡയറക്‌ടർ മിൽട്ടണ്‍ ജോർജ്, ജനറൽ സെക്രട്ടറി എ.ജെ.ഡിക്രൂസ്, അഡ്വ.ഇ.എമേഴ്സണ്‍, എം.എഫ്. ബർഗ്ലീൻ, ഇഗ്നേഷ്യസ് സെറാഫീൻ, മേഴ്സി യേശുദാസ്, ബിനു മൂതാക്കര, ബി.സെബാസ്റ്റ്യൻ എന്നിവർ പ്രസംഗിച്ചു.

ഫ്രാന്‍സിസ് മാര്‍പാപ്പ അനുസ്മരണം ഇന്ന്

അഞ്ചല്‍ : കാലംചെയ്ത ഫ്രാന്‍സിസ് മാര്‍പാപ്പായുടെ അനുസ്മരണാര്‍ഥം ഇന്ന് അഞ്ചലില്‍ പ്രത്യേക പ്രാർഥനയും അനുസ്മരണ ചടങ്ങുകളും നടക്കും. അഞ്ചല്‍ സെന്‍റ്മേരീസ് മലങ്കര കത്തോലിക്കാ പള്ളിയില്‍ രാവിലെ എട്ടിന് മാര്‍പാപ്പായ്ക്കുവേണ്ടി വി.കുര്‍ബാനയും അനുസ്മരണ പ്രാർഥനയും നടക്കും. തുടര്‍ന്ന് ആര്‍ഒ ജംഗ്ഷനിലേക്ക് അനുശോചന റാലി നടക്കും. റാലി തിരികെ ദേവാലയാങ്കണത്തില്‍ സമാപിക്കും. തുടര്‍ന്ന് ഫ്രാന്‍സിസ് മാര്‍പാപ്പായുടെ ചിത്രത്തിന് മുന്പില്‍ അഞ്ചല്‍ പൗരാവലിയുടെ നേതൃത്വത്തില്‍ പുഷ്പാര്‍ച്ചനയും തിരിതെളിയിക്കലും നടക്കും. അഞ്ചല്‍ സെന്‍റ് മേരീസ് മലങ്കര കത്തോലിക്കാ ഇടവകയ്ക്കുവേണ്ടി പുതുതായി നിര്‍മിക്കുന്ന ദേവാലയത്തിന്‍റെ അടിസ്ഥാനശില ആശീര്‍വദിച്ചത് ഫ്രാന്‍സിസ് മാര്‍പാപ്പയാണ്.

മകനെ ഇരുമ്പുകമ്പി പഴുപ്പിച്ച് പൊള്ളിച്ച പിതാവ് അറസ്റ്റിൽ

കൊല്ലം:കൂട്ടുകാരുമൊത്ത് മകൻ കളിക്കാൻ പോയതിൽ പ്രകോപിതനായ പിതാവ് പ്രായപൂർത്തിയാകാത്ത മകന്‍റെ ശരീരത്തിൽ പലയിടത്തായി ഇരുമ്പുകമ്പി പഴുപ്പിച്ചുവച്ച് പൊള്ളിച്ചു. സംഭവവുമായി ബന്ധപ്പെട്ട് പത്തനാപുരം കാരന്മൂട് സ്വദേശി വിൻസുകുമാർ (40)നെ പോലീസ് അറസ്റ്റ്‌ ചെയ്തു. 11കാരനായ മകൻ അമ്മയുമൊത്ത് പത്തനാപുരം പോലീസ് സ്റ്റേഷനിൽ എത്തി പരാതി നൽകുകയായിരുന്നു. വിലക്കിയിട്ടും കുട്ടി വീണ്ടും കളിക്കാൻ പോയതാണ് പ്രകോപനകാരണം. മകൻ തിരികെ വീട്ടിലെത്തിയപ്പോൾ ഗ്യാസ് അടുപ്പിൽവച്ചു പഴുപ്പിച്ച വീതിയുള്ള ഇരുമ്പുകമ്പികൊണ്ട്‌ പൊള്ളലേൽപ്പിക്കുകയായിരുന്നെന്ന് പോലീസ് അറിയിച്ചു. ഇടത് തുടയിലും കാൽമുട്ടിനു താഴെയുമായി പലയിടത്തും സാരമായി പൊള്ളലേറ്റിട്ടുണ്ട്. പത്തനാപുരത്തെ സ്വകാര്യ ആശുപത്രിയിലെത്തി ചികിത്സതേടിയ ശേഷമാണ് ഇരുവരും പരാതി നൽകാൻ പോലീസ് സ്റ്റേഷനിൽ എത്തിയത്. തുടർന്ന് വിൻസുകുമാറിനെ പോലീസ് പിടികൂടുകയായിരുന്നു.

തിരുവനന്തപുരം നോർത്ത് - മംഗളൂരു സ്പെഷൽ ട്രെയിൻ അനുവദിച്ചു: കൊടിക്കുന്നിൽ സുരേഷ് എംപി

കൊല്ലം: വേനൽക്കാലത്തെ യാത്രക്കാരുടെ തിരക്ക് പരിഹരിക്കുന്നതിന് തിരുവനന്തപുരം നോർത്ത് മുതൽ മംഗളൂരു ജംഗ്ഷൻ വരെ കോട്ടയം വഴി 16 ജനറൽ കോച്ചുകളുള്ള വീക്കിലി സ്പെഷൽ ട്രെയിൻ അനുവദിച്ചതായി കൊടിക്കുന്നിൽ സുരേഷ് എംപി അറിയിച്ചു. നിലവിൽ ആലപ്പുഴ വഴി സർവീസ് നടത്തുന്ന അന്ത്യോദയ എക്സ്പ്രസിന്‍റെ കോച്ചുകളാണ് ഒഴിവ് ദിവസങ്ങളിൽ കോട്ടയം വഴി സർവീസിനായി ഉപയോഗിക്കുന്നത്. ട്രെയിനിലെ മുഴുവൻ കോച്ചുകളും ജനറൽ കമ്പാർട്ട്മെന്‍റുകളാണ്. നിലവിലെ ഷെഡ്യൂൾ പ്രകാരം, തിങ്കളാഴ്ചകളിൽ വൈകുന്നേരം 5.30ന് തിരുവനന്തപുരം നോർത്തിൽ നിന്ന് ട്രെയിൻ പുറപ്പെട്ട് ചൊവ്വാഴ്ച പുലർച്ചെ 6.50ന് മംഗളുരു ജംഗ്ഷനിൽ എത്തും. തിരിച്ചുള്ള സർവീസ് ചൊവ്വ വൈകുന്നേരം ആറിന് ആരംഭിച്ച് ബുധൻ പുലർച്ചെ 6.35ന് തിരുവനന്തപുരം നോർത്തിൽ എത്തും. മാവേലിക്കര മണ്ഡലത്തിലെ ശാസ്താംകോട്ട, മാവേലിക്കര, ചെങ്ങന്നൂർ, ചങ്ങനാശേരി റെയിൽവേ സ്റ്റേഷനുകളിൽ ട്രെയിനിന് സ്റ്റോപ്പ് അനുവദിച്ചിട്ടുണ്ട്. ശാസ്താംകോട്ട സ്റ്റേഷനിൽ പ്രത്യേക നിർദേശത്തിന്‍റെ അടിസ്ഥാനത്തിലാണ് സ്റ്റോപ്പ് അനുവദിച്ചിരിക്കുന്നതെന്ന് എംപി പറഞ്ഞു. മേയ്-ജൂൺ മാസങ്ങളിൽ ആകെ ആറു സർവീസുകൾക്കാണ് നിലവിൽ അനുമതി ലഭിച്ചിരിക്കുന്നത്. യാത്രക്കാരുടെ പ്രതികരണങ്ങൾ അടിസ്ഥാനമാക്കി ഈ സർവീസ് ആഴ്ചയിൽ ഒരു ദിവസമെങ്കിലും സ്ഥിരമാക്കുന്നതിനായി ആവശ്യമായ നിർദേശങ്ങൾ എംപി കൈമാറിയിട്ടുണ്ട്. യാത്രക്കാരുടെ സംഘടനയായ ഫ്രണ്ട്സ് ഓൺ റെയിൽസിന്‍റെ ആവശ്യം പരിഗണിച്ചാണ് എംപി വിഷയത്തിൽ ഇടപെട്ടത്. റെയിൽവേ മന്ത്രി, റെയിൽവേ ബോർഡ് ചെയർമാൻ, സതേൺ റെയിൽവേ ജനറൽ മാനേജർ എന്നിവർക്ക് നേരത്തെ ഇത് സംബന്ധിച്ച് നിവേദനം നൽകിയിരുന്നു . 24ന് മധുരയിൽ ചേർന്ന സതേൺ റെയിൽവേ ജനറൽ മാനേജറുമായുള്ള യോഗത്തിൽ ജനറൽ മാനേജർ ആർ.എൻ.സിംഗിനോട്‌ വിഷയത്തിൽ അടിയന്തര ഇടപെടൽ നടത്തണമെന്ന് എംപി ആവശ്യപ്പെട്ടതിന്‍റെ അടിസ്ഥാനത്തിലാണ് വളരെ വേഗത്തിൽ തന്നെ സർവീസ് അനുവദിച്ച് റെയിൽവേ തീരുമാനം കൈക്കൊണ്ടത്.

ലഹരിവിരുദ്ധ സന്ദേശം നൽകി

കൊട്ടാരക്കര: കേരള വ്യാപാരി വ്യവസായി ഏകോപന സമിതി കൊട്ടാരക്കര യൂണിറ്റിന്‍റെയും ജനമൈത്രി പോലീസിന്‍റെയും നേതൃത്വത്തിൽ വ്യാപാരഭവനിൽ ലഹരിവിരുദ്ധ സന്ദേശവും സർവീസിൽ നിന്നും വിരമിക്കുന്ന ജനമൈത്രി സബ് ഇൻസ്‌പെക്്‌ടർ വാസുദേവൻ പിള്ളക്ക് ആദരവും പുതുതായി ജനമൈത്രി പോലീസായി ചാർജെടുത്ത ശ്യം കൃഷ്ണന് സ്വീകരണവും നൽകി. എസ്എച്ച്ഒ ജയകൃഷ്ണൻ ഉദ്ഘാടനം ചെയ്തു. സബ് ഇൻസ്‌പെക്്‌ടർ അനീസ് ലഹരി വിരുദ്ധ സന്ദേശം നൽകി. വ്യാപാരി വ്യവസായി ഏകോപന സമിതി കൊട്ടാരക്കര യൂണിറ്റ് പ്രസിഡന്‍റ് സി.എസ്.മോഹൻദാസ് അധ്യക്ഷത വഹിച്ചു.

പുസ്തക അവലോകനവും കവിയരങ്ങും നടത്തി

കൊല്ലം : നിറവ് സാഹിത്യ-സംഗീത-ചിത്രകലാസംഘടനയുടെ ആഭിമുഖ്യത്തിൽ സ്വരാഞ്ജലി മ്യൂസിക് ഹാളിൽ പുസ്തക അവലോകനവും കവിയരങ്ങും നടത്തി. ചവറ ബെഞ്ചമിന്‍റെ മഹായാനം എന്ന നോവലാണ് അവലോകനം ചെയ്തത്. നോവൽ വിലയിരുത്തി സാഹിത്യകാരൻ എ.റഹിംകുട്ടി മുഖ്യപ്രഭാഷണം നടത്തി. കവി മയ്യനാട് അജയകുമാർ അധ്യക്ഷത വഹിച്ചു. സാഹിത്യരംഗത്തെ 50 വർഷത്തെ സംഭാവന മുൻനിർത്തി സംഘടനയുടെ മൊമന്‍റോയും പൊന്നാടയും ചവറ ബെഞ്ചമിനു സംഘടനാ വൈസ്പ്രസിഡന്‍റ് മധു തട്ടാമല നൽകി ആദരിച്ചു. കവിയരങ്ങ് കുരീപ്പുഴ ബാബു ഉദ്ഘാടനം ചെയ്തു.

ലഹരിക്കെതിരേ ക്രിക്കറ്റ് മത്സരം സംഘടിപ്പിച്ചു

ചവറ : കെപിഎസ്ടിഎ ചവറ ഉപജില്ലാ കമ്മിറ്റിയുടെ നേതൃത്വത്തിൽ ഒരു വർഷം നീളുന്ന ‘കാവൽ’ ലഹരിവിരുദ്ധ കാമ്പയിന്‍റെ ഭാഗമായി അധ്യാപകരുടെ സൗഹ്യദ ക്രിക്കറ്റ് മത്സരം സംഘടിപ്പിച്ചു. യൂത്ത് കോൺഗ്രസ് സംസ്ഥാന വൈസ് പ്രസിഡന്‍റ് അഡ്വ .വിഷ്ണു സുനിൽ പന്തളം മത്സരം ഉദ്ഘാടനം ചെയ്തു . ഉപജില്ലാ പ്രസിഡന്‍റ് ഉണ്ണി ഇലവിനാൽ അധ്യക്ഷത വഹിച്ചു.

കച്ചവടത്തിനായി സൂക്ഷിച്ചിരുന്ന കഞ്ചാവും ഹാഷിഷ് ഓയിലുമായി യുവാവ് പിടിയില്‍

പൂന്തുറ: വീട്ടില്‍ കച്ചവടത്തിനായി സൂക്ഷിച്ചിരുന്ന കാഞ്ചാവും ഹാഷിഷ് ഓയിലുമായി യുവാവിനെ എക്‌സൈസ് സംഘം പിടികൂടി. പരുത്തിക്കുഴി അല്‍ബസ്‌നയില്‍ മുഹമ്മദ് അനസ് (28) ആണ് പിടിയിലായത്. ഇയാളില്‍ നിന്നും 1.2 കിലോ ഗ്രാം കഞ്ചാവും 650 ഗ്രാം ഹാഷിഷ് ഓയിലും പിടിച്ചെടുത്തു. ഇന്നലെ ഉച്ചതിരിഞ്ഞ് മൂന്നോ ടെ എക്‌സൈസ് സംഘം നടത്തിയ പരിശോധനയിലാണു കഞ്ചാവും ഹാഷിഷ് ഓയിലും പിടിച്ചെടുത്തത്. തിരുവനന്തപുരം എക്‌സൈസ് റേഞ്ച് സിഐ റജിലാലിന് ലഭിച്ച വിവരന്‍റെ അടിസ്ഥാനത്തിലാണ് പരിശോധന നടത്തിയത്.

മിച്ചഭൂമി സിപിഐ നേതാവിന് പതിച്ചു നല്‍കാന്‍ നീക്കം; ഏരൂരില്‍ ബിജെപിയുടെ പ്രതിഷേധം

അഞ്ചല്‍ : മിച്ചഭൂമിയെന്ന് സര്‍വേയില്‍ കണ്ടെത്തിയ ഭൂമിക്ക് സിപിഐ നേതാവിന് കൈവശാവകാശ സർട്ടിഫിക്കറ്റ് നൽകിയ റവന്യൂ അധികൃതരുടെ നടപടി വിവാദമാകുന്നു. ഏരൂര്‍ വില്ലേജ് ഓഫീസ് അധികൃതരുടെ നടപടിയില്‍ വലിയ പ്രതിഷേധമാണ് ഉയരുന്നത്. ഏരൂര്‍ പഞ്ചായത്തിലെ നടുക്കുന്നുംപുറത്തെ മൂന്നര സെന്‍റ് മിച്ചഭൂമിയാണ് സിപിഐ നേതാവിന് ഏരൂര്‍ വില്ലേജ് ഓഫീസര്‍ കൈവശ സർട്ടിഫിക്കറ്റ് നല്‍കിയത്. പ്രദേശത്തെ നാട്ടുകാര്‍ നടവഴിയായി ഉപയോഗിച്ചുവന്ന ഭൂമി കൈവശ അവകാശ സര്‍ട്ടിഫിക്കറ്റ് ലഭിച്ചതോടെ സിപിഐ നേതാവ് കെട്ടിയടക്കാന്‍ ശ്രമിച്ചതോടെയാണ് നാട്ടുകാര്‍ വിവരം അറിയുന്നത്. തുടര്‍ന്നു തടയുകയായിരുന്നു. പിന്നീട് നടത്തിയ അന്വേഷണത്തിലാണ് സിപിഐ മണ്ഡലം കമ്മിറ്റി അംഗംകൂടിയായ ദിലീപിന് കൈവശാവകാശ സര്‍ട്ടിഫിക്കറ്റ് നല്‍കിയതായി കണ്ടെത്തിയത്. സംഭവത്തില്‍ പ്രതിഷേധിച്ച് ബിജെപിയുടെ നേതൃത്വത്തില്‍ വില്ലേജ് ഓഫീസിലേക്ക് മാര്‍ച്ചും ധര്‍ണയും സംഘടിപ്പിച്ചു. ഏരൂര്‍ സ്കൂള്‍ പരിസരത്ത് നിന്നും പ്രകടനമായി എത്തിയ ബിജെപി പ്രവര്‍ത്തകരെ മാര്‍ക്കറ്റിന്നുള്ളിലെ വില്ലേജ് ഓഫീസ് പടിക്കല്‍ പോലീസ് തടഞ്ഞു. തുടര്‍ന്നു നടന്ന ധര്‍ണ മണ്ഡലം പ്രസിഡന്‍റ് ഗിരീഷ് അമ്പാടി ഉദ്ഘാടനം ചെയ്തു. മിച്ചഭൂമിക്ക് കൈവശാവകാശ സര്‍ട്ടിഫിക്കറ്റ് നൽകിയ വില്ലേജ് ഓഫീസറുടെ നടപടി ഗുരുതരമായ കൃത്യവിലോപമാണ്. എംഎല്‍എയുടെ പിഎയുടെ ഇടപെടലിനെ തുടര്‍ന്നാണ് വില്ലേജ് ഓഫീസര്‍ നിയമലംഘനം നടത്തിയത്. ഇക്കാര്യത്തില്‍ എംഎല്‍എ മറുപടി പറയണം. വില്ലേജ് ഓഫീസറുടെ നടപടിക്കെതിരേ വിജിലന്‍സ്,ജില്ലാ കളക്‌ടര്‍ ഉള്‍പ്പടെയുള്ളവര്‍ക്ക് പരാതി നല്‍കുമെന്ന് ഗിരീഷ് അമ്പാടി പറഞ്ഞു. പഞ്ചായത് സമിതി പ്രസിഡന്‍റ് അഖിൽ അധ്യക്ഷത വഹിച്ചു. നേതാക്കളായ ബബുല്‍ ദേവ്, സുമന്‍ശ്രീനിവാസന്‍, അലഞ്ചേരി ജയചന്ദ്രന്‍, ബാലചന്ദ്രന്‍ പിള്ള, വൈക്കൽ വിജയൻ, വിഷ്ണു, ചന്ദ്രലേഖ തുടങ്ങിയവര്‍ പ്രസംഗിച്ചു. അതേസമയം രേഖകള്‍ പരിശോധിച്ചായിരുന്നു കൈവശ സര്‍ട്ടിഫിക്കറ്റ് നല്‍കിയതെന്നും പരാതികളുടെ അടിസ്ഥാനത്തില്‍ നടപടി റദ്ദ് ചെയ്തുവെന്നും ഏരൂര്‍ വില്ലേജ് ഓഫീസര്‍ പറഞ്ഞു.

ക്രമക്കേടുകള്‍ക്ക് കൂട്ടുനിന്നവരുടെ പേരിൽ നടപടിയെടുക്കുന്നതുവരെ നിയമപോരാട്ടം തുടരും: ജി.ജയപ്രകാശ്

പുനലൂർ: ഓണം ഫെസ്റ്റിനോട് അനുബന്ധിച്ച് തൂക്കുപാലത്തിൽ ലൈറ്റ് ഇടുന്നതിന് നഗരസഭയുടെ പേരിൽ വ്യാജമായി അക്കൗണ്ട് ആരംഭിച്ച് രണ്ട് ലക്ഷം രൂപ തട്ടിയെടുത്ത വിഷയത്തിൽ പണം തിരിച്ചടയ്ക്കണമെന്ന് ഓംബുഡ്സ്മാന്‍റെ വിധി സ്വാഗതാർഹമാണെങ്കിലും കട്ട മുതൽ തിരിച്ചു നൽകിയാൽ മറ്റു ശിക്ഷകൾ ഒന്നും വേണ്ട എന്ന് തരത്തിൽ വ്യാഖ്യാനിക്കപ്പെടുന്നത് തെറ്റാണെന്ന് യുഡിഎഫ് പാർലമെന്‍ററി പാർട്ടി ലീഡർ ജി.ജയപ്രകാശ് അഭിപ്രായപ്പെട്ടു. ഈ സംഭവത്തിൽ കുറ്റങ്ങൾ പലതാണ്. പണം തട്ടിയെടുത്തു എന്നതിനപ്പുറത്ത് ഇതിനാവശ്യമായി നഗരസഭയിലെ ഉദ്യോഗസ്ഥർ ഒത്താശ ചെയ്തു നൽകിയതും ഗുരുതരമായി കാണേണ്ടതാണ്. ഇല്ലാത്ത തീരുമാനം കൗൺസിൽ മിനിട്ട്സില്‍ എഴുതി ചേർക്കുന്നതിനും കാനറാ ബാങ്ക് നൽകിയ തുക മരാമത്ത് ചെയർമാന്‍റെ അക്കൗണ്ടിൽ നൽകാനായി കത്ത് നല്‍കുകയും ചെയ്ത സെക്രട്ടറിയുടെ നടപടിയും ഗുരുതരമായി കാണേണ്ട കാര്യമാണെന്ന് ജി.ജയപ്രകാശ് പറഞ്ഞു.

ശ്രീരാമവർമപുരം മാർക്കറ്റ് നവീകരണം ; വ്യാപാരികളുടെ പ്രശ്നങ്ങൾക്ക് പരിഹാരം

പുനലൂർ : ശ്രീരാമവർമപുരം മാർക്കറ്റിന്‍റെ നവീകരണ പ്രവർത്തനങ്ങളുമായി ബന്ധപ്പെട്ട് വ്യാപാരികളുടെ ആശങ്കയ്ക്ക് പരിഹാരം കാണാൻ നഗരസഭാ ചെയർപേഴ്സൺ കെ.പുഷ്പലത വ്യാപാരികളുടെ പ്രത്യേക യോഗം വിളിച്ചു ചേർത്തു. വൈസ് ചെയർമാൻ രഞ്ജിത്ത് രാധാകൃഷ്ണൻ, സ്ഥിരം സമിതി അധ്യക്ഷരായ ബിനോയ് രാജൻ, പ്രിയ പിള്ള, അഡ്വ.പി.എ.അനസ്, മുൻ വൈസ് ചെയർമാൻമാരായ വി .പി .ഉണ്ണികൃഷ്ണൻ, ഡി .ദിനേശൻ, സെക്രട്ടറി എസ്.സുമയ്യ ബീവി എന്നിവരും ചർച്ചയിൽ പങ്കാളികളായി. കടമുറികൾ ഉടൻ പൊളിച്ചു നീക്കും. നിർമാണം പൂർത്തിയായ 15 കടമുറികളിലേക്ക് നിലവിലെ വ്യാപാരികളെ മാറ്റും. മാർക്കറ്റിന്‍റെ മുഴുവൻ സ്ഥലവും ചുറ്റുമതിൽ കെട്ടി സംരക്ഷിക്കും. നിർമാണത്തിന് ഉദ്ദേശിക്കുന്ന സ്ഥലത്തിന്‍റെ ബാക്കി വരുന്ന ഭാഗങ്ങളിൽ താത്കാലിക ഷെഡിന് സൗകര്യം നൽകും. നഗരസഭ ,വ്യാപാരികൾക്ക് എതിരാണെന്ന് വരുത്തി തീർക്കാൻ ചിലർ ശ്രമിക്കുകയാണെന്നും അത്തരം ശ്രമങ്ങളെ വ്യാപാരികൾ തള്ളിക്കളയുമെന്നും ചെയർപേഴ്സൺ പറഞ്ഞു. മാർക്കറ്റിലെ വ്യാപാരികൾ സന്തുഷ്‌ടരാണ്. മാർക്കറ്റിന്‍റെ വികസനത്തിന് വ്യാപാരികൾ എല്ലാവിധ പിന്തുണയും അറിയിച്ചിട്ടുണ്ടെന്നും ചെയർപേഴ്സൺ അറിയിച്ചു.

ക്ഷീരകര്‍ഷകരെ സംരക്ഷിക്കുന്നതിനുള്ള പദ്ധതികളാണ് സംസ്ഥാനത്ത് നടപ്പിലാക്കുന്നത്: മന്ത്രി ജെ. ചിഞ്ചുറാണി

കൊല്ലം : ക്ഷീരകര്‍ഷകരെ സംരക്ഷിക്കുന്നതിനുള്ള പദ്ധതികളാണ് സംസ്ഥാനത്ത് നടപ്പിലാക്കുന്നതെന്ന് മന്ത്രി ജെ. ചിഞ്ചുറാണി മൃഗസംരക്ഷണവകുപ്പും ഇന്ത്യന്‍ വെറ്ററിനറി അസോസിയേഷനും സംയുക്തമായി ആചരിക്കുന്ന ലോക വെറ്ററിനറി ദിനാഘോഷം ഉദ്ഘാടനം ചെയ്ത് പ്രസംഗിക്കുകയായിരുന്നു മന്ത്രി. സൈബര്‍ സംവിധാനംവഴി മൃഗചികിത്സ ഏകോപിപ്പിക്കുന്ന ഇ-സമൃദ്ധ പദ്ധതിയിലൂടെ കേരളത്തിലെ എല്ലാ മൃഗാശുപത്രികളും ആധുനികവത്കരിക്കാനാണ് ലക്ഷ്യമിടുന്നതെന്ന് മന്ത്രി കൂട്ടിചേർത്തു. ഡോ.വി.കെ.പി .മോഹനന്‍ കുമാര്‍, ഡോ.എം.കെ .പ്രദീപ്കുമാര്‍, മൃഗസംരക്ഷണ വകുപ്പ് ഡയറക്ടര്‍ എം.സി രെജില്‍, ഡോ. കെ.ആര്‍. ബിനു പ്രസാദ്, പഞ്ചായത്ത് പ്രസിഡന്‍റുമാര്‍, റവന്യൂ, വനം, മൃഗസംരക്ഷണ വകുപ്പുകളിലെ ഉദ്യോഗസ്ഥര്‍ തുടങ്ങിയവര്‍ പങ്കെടുത്തു.

വന്ദനാദാസ് കേസ് : പ്രതി ഭാഗത്തിന്‍റെ വാദങ്ങൾ നിഷേധിച്ച് ഒന്നാം സാക്ഷി

കൊല്ലം: കൊട്ടാരക്കര താലൂക്ക് ആശുപത്രിയില്‍ കൊല്ലപ്പെട്ട ഡോ. വന്ദനാദാസ് കേസിലെ ഒന്നാംസാക്ഷി ഡോ. മുഹമ്മദ് ഷിബിന്‍റെ ക്രോസ് വിസ്താരം ഇന്നലെയും കോടതിയില്‍ തുടര്‍ന്നു. പ്രതി ഡോ.വന്ദനയെ ആക്രമിച്ചത് സ്വയംരക്ഷയ്ക്ക് വേണ്ടിയാണെന്ന് പ്രതിഭാഗം കോടതിയില്‍ വാദിച്ചു. കൂടാതെ ഡോ. വന്ദനയെ കുത്തിയത് കോടതിയില്‍ ഹാജരാക്കിയിട്ടുള്ള കത്രിക ഉപയോഗിച്ചല്ലെന്നും പ്രതിഭാഗം ക്രോസ് വിസ്താരത്തില്‍ വാദമുയര്‍ത്തി. എന്നാല്‍ സംഭവത്തില്‍ താന്‍ ദൃക്‌സാക്ഷിയാണെന്നുള്ള മൊഴിയില്‍ ഉറച്ചുനിന്ന ഒന്നാംസാക്ഷി പ്രതിഭാഗത്തിന്‍റെ വാദങ്ങള്‍ എല്ലാം പൂർണമായും നിഷേധിച്ചു. ഡോ.വന്ദനയെ പ്രതി ക്രൂരമായി ആക്രമിക്കുന്നത് താന്‍ നേരിട്ട് കണ്ടതാണെന്നും പ്രതി ഉപയോഗിച്ചത് കോടതിയില്‍ ഹാജരാക്കപ്പെട്ടിട്ടുള്ള അതേ കത്രിക തന്നെയാണെന്നും ഡോ. മുഹമ്മദ് ഷിബിന്‍ കോടതിയില്‍ ആവര്‍ത്തിച്ചു. പ്രോസിക്യൂഷന് വേണ്ടി സ്പെഷല്‍ പബ്ലിക് പ്രോസിക്യൂട്ടര്‍ പ്രതാപ് ജി. പടിക്കല്‍, അഭിഭാഷകരായ ശ്രീദേവി പ്രതാപ്, ശില്പ ശിവന്‍, ഹരീഷ് കാട്ടൂര്‍ എന്നിവരും പ്രതിഭാഗത്തിനായി അഡ്വ. ബി.എ.ആളൂരും ഹാജരായി. 2023 മേയ് 10ന് രാത്രി കൊട്ടാരക്കര താലൂക്ക് ആശുപത്രി അത്യാഹിത വിഭാഗത്തില്‍ വൈദ്യപരിശോധനയ്ക്കായി പോലീസ് എത്തിച്ചപ്പോഴാണ് പ്രതി സന്ദീപ് ഡ്യൂട്ടി ഡോക്‌ടറായിരുന്ന വന്ദനയെ കുത്തിക്കൊലപ്പെടുത്തിയത്.

കുളത്തൂപ്പുഴയിൽ വൻ തീപിടിത്തം

കുളത്തൂപ്പുഴ : കുളത്തൂപ്പുഴയിൽ വൻ തീപിടിത്തം. കുളത്തൂപ്പുഴ ജംഗ്ഷനിൽ കുന്നുംപുറം ബിൽഡിംഗ് കോംപ്ലക്സിൽ പ്രവർത്തിക്കുന്ന ബിസ്മി ഇലക്‌ട്രോണിക്സ് സ്ഥാപനം, തൊട്ടടുത്തുള്ള തസ്ലീമ ഹോട്ടൽ , ഇൻഷുറൻസ് സ്ഥാപനം എന്നിവ പൂർണമായി കത്തി നശിച്ചു. ഫയർഫോഴ്സ് എത്തുവാൻ വൈകിയത് കാരണം സ്ഥാപനങ്ങൾ പൂർണമായി അഗ്നിക്കിരയായി. തൊട്ടടുത്ത് പ്രവർത്തിക്കുന്ന ഫെഡറൽ ബാങ്കിൽ തീപടരാതിരുന്നത് ദുരന്തം ഒഴിവാക്കി. ഇവിടെ സ്ഥാപിച്ചിരുന്ന എസികൾ പൂർണമായി നശിച്ചു . ലക്ഷങ്ങളുടെ നഷ്‌ടമാണ് ബിസ്മി ഇലക്‌ട്രോണിക്സ് ആൻഡ് ഫർണിച്ചർ സ്ഥാപനത്തിനുണ്ടായത്. സ്ഥാപനത്തിന്‍റെ പിൻവശത്താണ് തീപിടിക്കാൻ തുടങ്ങിയത്. സ്ഥാപനത്തിലെ ജോലിക്കാർ തീഅണയ്ക്കാൻ ശ്രമിച്ചെങ്കിലും നിമിഷം നേരം കൊണ്ട് കടയിൽ പൂർണമായി തീ വ്യാപിക്കുകയായിരുന്നു. പുനലൂർ,കടയ്ക്കൽ എന്നിവിടങ്ങളിൽനിന്നും മൂന്ന് യൂണിറ്റ് ഫയർഫോഴ്സ് എത്തിയാണ് തീ നിയന്ത്രണവിധേയമാക്കിയത്. ഈ പ്രദേശങ്ങളിൽ അനിഷ്ട സംഭവങ്ങൾ ഉണ്ടായാൽ പുനലൂർ, കടയ്ക്കൽ, ചടയമംഗലം, എന്നീ സ്ഥലങ്ങളിൽ നിന്നും ഫയർഫോഴ്സ് എത്തുമ്പോൾ മണിക്കൂറുകൾ എടുക്കുന്നു .ഇത് അപകടത്തിന്‍റെ വ്യാപ്തി കൂട്ടുവാൻ കാരണമാകുന്നു വെന്ന് നാട്ടുകാർ ആരോപിക്കുന്നു.

ആയുഷ്ഗ്രാമ ആരോഗ്യനിറവില്‍ ഇത്തിക്കര ഗ്രാമം

കടലിൽ കുളിക്കാനിറങ്ങിയ വിദ്യാർഥിയെ കാണാതായി

പരവൂർ: കടലിൽ കുളിക്കാനിറങ്ങിയ വിദ്യാർഥി സംഘത്തിൽപ്പെട്ട ഒരാളെ തിരയിൽപ്പെട്ട് കാണാതായി. മയ്യനാട് റെയിൽവേ സ്റ്റേഷന്സമീപം താമസിക്കുന്ന നീരജ് (18) നെയാണ് കാണാതായത്. ഇന്നലെ വൈകുന്നേരം ആറരയോടെ പൊഴിക്കര ബീച്ചിലാണ് സംഭവം. വിദ്യാർഥികളായ ഈ സംഘം സ്പോർട്സ് പ്രാക്‌ടീസ് കഴിഞ്ഞ ശേഷം കടലിൽ കുളിക്കാൻ എത്തിയതാണെന്ന് പറയുന്നു. വൈകുന്നേരം കടപ്പുറത്ത് എത്തിയ സംഘം ആറോടെയാണ് കടലിൽ നീന്താനിറങ്ങിയത്. ആറരയോടെ ഇവർ അപകടത്തിൽപ്പെടുന്നു എന്ന് മനസിലാക്കിയ മത്സ്യത്തൊഴിലാളികൾ രക്ഷാപ്രവർത്തനത്തിറങ്ങി ആറുപേരെ രക്ഷപ്പെടുത്താൻ അവർക്ക് കഴിഞ്ഞു. എന്നാൽ തിരയിൽപ്പെട്ട നീരജിനെ കണ്ടെത്താനോരക്ഷപ്പെടു ത്താനോ കഴിഞ്ഞില്ല. വിവരമറിഞ്ഞ് കോസ്റ്റ് ഗാർഡും സ്ഥലത്തെത്തി തിരച്ചിൽ നടത്തി. കനത്ത മഴയും കടലിലെ സാഹചര്യവും മൂലം രാത്രിയോടെ തിരച്ചിൽ നിർത്തിവച്ചു. ഇവർ കൊല്ലത്തെ ഒരു കോളേജിലെ ബിരുദവിദ്യാർഥികളാണെന്ന് പോലീസ് പറഞ്ഞു പരവൂർ പോലീസ് കേസെടുത്തു.

ആര്യങ്കാവ് എക്സൈസ് ചെക്ക്പോസ്റ്റില്‍ ലഹരിവേട്ട തുടരുന്നു : രണ്ട് ദിവസങ്ങളിലായി പിടികൂടിയത് 20 കിലോയോളം കഞ്ചാവ്

ആര്യങ്കാവ് : എക്സൈസ് ചെക്ക്പോസ്റ്റില്‍ എക്സൈസ് സംഘത്തിന്‍റെ പരിശോധന കര്‍ശനം. രണ്ട് ദിവസങ്ങളിലായി നടത്തിയ വാഹന പരിശോധനയ്ക്കിടെ കെഎസ്ആര്‍ടിസി ബസുകളില്‍ കടത്തിക്കൊണ്ടുവന്ന 19.6 കിലോ കഞ്ചാവ് എക്സൈസ് അധികൃതര്‍ പിടികൂടി. കേസില്‍ മൂന്നുപേരെ അറസ്റ്റ് ചെയ്തു. പാലക്കാട്‌ മണ്ണാർക്കാട് സ്വദേശികളായ മുബഷീർ (25), പ്രാജോദ് (20) എന്നിവരെ വെള്ളിയാഴ്ചയും വര്‍ക്കല കുടവൂര്‍ സ്വദേശി തൗഫീക്കിനെ (25) ശനിയാഴ്ചയുമാണ് പിടികൂടിയത്. തെങ്കാശി കായംകുളം കെഎസ്ആര്‍ടിസി ബസില്‍ പരിശോധന നടത്തവേയാണ് രണ്ട് ബാഗുകളിലായി കണ്ടെത്തിയ 12.5 കിലോ കഞ്ചാവ് പിടികൂടിയത്. ഒറീസയില്‍ നിന്നും പാലക്കാട്ടേക്ക് കൊണ്ടുപോവുകയായിരുന്നു കഞ്ചാവെന്നാണ് പിടിയിലായവര്‍ എക്സൈസ് സംഘത്തോട് പറഞ്ഞത്.മുമ്പും ഇവര്‍ ആര്യങ്കാവ് അതിര്‍ത്തിവഴി കഞ്ചാവ് കടത്തിയിട്ടുള്ളതായി എക്സൈസ് സംഘം സംശയിക്കുന്നുണ്ട്. കഴിഞ്ഞ മാസം അഞ്ചുകിലോ കഞ്ചാവ് കടത്തിയതില്‍ ഇപ്പോള്‍ പിടിയിലായ പ്രതികളില്‍ ഒരാള്‍ ഉണ്ടെന്നാണ് വിവരം. പ്രതികളെ എക്സൈസ് ഇന്‍റലിജന്‍സും ചോദ്യം ചെയ്തിട്ടുണ്ട്. ഒറീസയില്‍ നിന്നും കേരള അതിര്‍ത്തിയില്‍ ആര്യങ്കാവില്‍ എത്തുന്നതുവരെ ഒരുതരത്തിലുള്ള പരിശോധനയും ഉണ്ടായിട്ടില്ലെന്നാണ് ആദ്യം പിടിയിലായവരുടെ മൊഴി. വിശദമായ അന്വേഷണം നടത്താനാണ് എക്സൈസ് സംഘത്തിന്‍റെ തീരുമാനം. ഇന്നലെയും എക്സൈസ് സംഘം പരിശോധന കര്‍ശനമായി തുടര്‍ന്നതോടെയാണ് തെങ്കാശി കൊല്ലം സര്‍വീസ് നടത്തുന്ന കെഎസ്ആര്‍ടിസി ബസില്‍ നിന്നും ഏഴുകിലോയിലധികം കഞ്ചാവുമായി തൗഫീക്കിനെ പിടികൂടുന്നത്. ഇയാളെ ചോദ്യം ചെയ്തു വരികയാണെന്ന് എക്സൈസ് അധികൃതര്‍ പറഞ്ഞു. കഴിഞ്ഞദിവസം പിടികൂടിയ മുബഷീര്‍ ,പ്രജോദ് എന്നിവരെ കോടതിയില്‍ ഹാജരാക്കി റിമാൻഡ് ചെയ്തു. എക്‌സൈസ് സർക്കിൾ ഇൻസ്‌പെക്‌ടർ ജി. ഉദയകുമാറിന്‍റെ നേതൃത്വത്തിലാണ് പരിശോധന നടത്തിയത്.

ശ്രീനാരായണ ധർമ മീമാംസാ പരിഷത്ത് ഇന്നു കുണ്ടറയിൽ

കൊല്ലം: ശ്രീ നാരായണ ധർമ സംഘം ട്രസ്റ്റ് ശിവഗിരിമഠം ഗുരുധർമ പ്രചാരണ സഭ ജില്ലാ കമ്മിറ്റിയുടെ ആഭിമുഖ്യത്തിലുള്ള ശ്രീനാരായണ ധർമ മീമാംസാ പരിഷത്ത് ഇന്ന് കുണ്ടറ ഗുരുദേവ ഓഡിറ്റോറിയത്തിൽ നടക്കും. രാവിലെ 9.30 ന് ദാർശനിക സമ്മേളനം ട്രസ്റ്റ് പ്രസിഡന്‍റ് സച്ചിദാനന്ദ സ്വാമികൾ ഉദ്ഘാടനം ചെയ്യും. ജനറൽ സെക്രട്ടറി ശുഭാംഗാനന്ദ സ്വാമികൾ ആചാര്യ പ്രഭാഷണം നടത്തും. ഡോ. സി.എൻ. സോമരാജൻ, ജി. പദ്മാകരൻ, എം.എച്ച്.റഹിം, നെടുങ്ങോലം രഘു തുടങ്ങിയവരെ ആദരിക്കും. ഉച്ചകഴിഞ്ഞ് 3.30 ന് സംഘടനാ സമ്മേളനം ഗുരുധർമ പ്രചാരണ സഭ കേന്ദ്ര സെക്രട്ടറി അസംഗാനന്ദ ഗിരി സ്വാമികൾ ഉദ്ഘാടനം ചെയ്യും. ധർമവ്രത സ്വാമികൾ അനുഗ്രഹ പ്രഭാഷണം നടത്തും. കെ. ടി. സുകുമാരൻ മുഖ്യപ്രഭാഷണം നിർവഹിക്കും.

ഡോ. .വന്ദനാദാസ് കൊലക്കേസ്: ക്രോസ് വിസ്താരം ഇന്നും തുടരും

കൊല്ലം: കൊട്ടാരക്കര താലൂക്ക് ആശുപത്രിയിലെ അത്യാഹിത വിഭാഗത്തില്‍ വച്ച് ഡോ. വന്ദനദാസിനെ പ്രതി സന്ദീപ് കുത്തുന്നത് നേരിട്ടു കണ്ടതായി പ്രോസിക്യൂഷന്‍ വിഭാഗം ഒന്നാം സാക്ഷി മുഹമ്മദ് ഷിബിന്‍ കോടതിയില്‍ ആവര്‍ത്തിച്ചു. കൊല്ലം അഡീഷണല്‍ സെഷന്‍സ് ജഡ്ജി പി.എന്‍. വിനോദ് മുമ്പാകെ നടന്ന ക്രോസ് വിസ്താരത്തില്‍ പ്രതിഭാഗം വാദങ്ങള്‍ തള്ളിയ ഷിബിന്‍, പ്രോസിക്യൂഷന്‍ സാക്ഷിമൊഴിയില്‍ ഉറച്ചുനിന്നു. ആശുപത്രി അത്യാഹിത വിഭാഗത്തില്‍ പോലീസും പ്രതിയും തമ്മില്‍ നടന്ന പിടിവലിക്കിടയില്‍ വന്ദനയ്ക്ക് അബദ്ധത്തില്‍ കുത്തേറ്റതാണെന്നും കുത്താന്‍ ഉപയോഗിച്ചത് പ്രോസിക്യൂഷന്‍ ഹാജരാക്കിയ കത്രിക അല്ലെന്നുമുള്ള പ്രതിഭാഗം വാദത്തെ, മുഹമ്മദ് ഷിബിന്‍ നിഷേധിച്ചു. കൊട്ടാരക്കര താലൂക്ക് ആശുപത്രിയില്‍ മതിയായ ചികിത്സ നൽകിയിരുന്നെങ്കില്‍ വന്ദനയുടെ ജീവന്‍ രക്ഷിക്കാന്‍ സാധിക്കുമായിരുന്നുവെന്നും പ്രതിഭാഗം വാദം ഉയര്‍ത്തി. ഇതിനെയും ഷിബിന്‍ നിഷേധിച്ചു. അത്യാഹിത വിഭാഗത്തില്‍ പ്രതി സന്ദീപ് ഭീകരാന്തരീക്ഷം സൃഷ്ടിച്ചു കൊണ്ടിരുന്ന സാഹചര്യത്തില്‍ അവിടെ ചികിത്സ നൽകാന്‍ സാധിക്കുമായിരുന്നില്ലെന്നും ഷിബന്‍ പറഞ്ഞു. ക്രോസ് വിസ്താരം ഇന്നും തുടരും. പ്രോസിക്യൂഷന് വേണ്ടി സ്പെഷല്‍ പബ്ലിക് പ്രോസിക്യൂട്ടര്‍ പ്രതാപ് ജി. പടിക്കല്‍, അഭിഭാഷകരായ ശ്രീദേവി പ്രതാപ്, ശില്‍പ ശിവന്‍, ഹരീഷ് കാട്ടൂര്‍ എന്നിവരും പ്രതിഭാഗത്തിനായി അഡ്വ. ബി.എ ആളൂരും ഹാജരായി.

ഇഗ്നോ സബ്സെന്‍റര്‍ പൂട്ടി ജീവനക്കാർ വിവാഹത്തിനുപോയി; വിദ്യാര്‍ഥികള്‍ വലഞ്ഞു

കൊല്ലം: ഇന്ദിരാഗാന്ധി നാഷണല്‍ ഓപ്പണ്‍ യൂണിവേഴ്സിറ്റിയുടെ (ഇഗ്നോ) സബ് സെന്‍റര്‍ പൂട്ടി ജീവനക്കാര്‍ വിവാഹത്തിന് പോയതോടെ വിവിധ ആവശ്യങ്ങൾക്കെത്തിയ വിദ്യാർഥികൾ മണിക്കൂറുകളോളം വലഞ്ഞു. കൊല്ലം എസ്എന്‍ കോളജിന് സമീപമുള്ള സബ് സെന്‍ററിലെ ഉദ്യോഗസ്ഥരാണ് ഓഫീസ് പൂട്ടിയിട്ട ശേഷം വിവാഹത്തിന് പോയത്. എല്ലാ ദിവസവും രാവിലെ 10നാണ് ഓഫീസ് പ്രവര്‍ത്തനം ആരംഭിക്കുന്നത്. ജില്ലയിലെ വിവിധ ഭാഗങ്ങളിൽ നിന്നും സമീപ ജില്ലകളിൽ നിന്നും വളരെ ദൂരത്ത് നിന്നുൾപ്പെടെ നിരവധി വിദ്യാർഥികളാണ് സെന്‍ററിലെത്തിയത്. കോഴ്‌സുമായി ബന്ധപ്പെട്ട പ്രോജക്ടുകളും അസെെൻമെന്റുകളും സബ്മിറ്റ് ചെയ്യാനായെത്തിയ വിദ്യാർഥികളും ഇക്കൂട്ടത്തിലുണ്ട്. 30ന് മുന്‍പ് സബ്മിറ്റ് ചെയ്യാനുള്ളവരായിരുന്നു ഇവരിൽ ഏറെപ്പേരും. സെന്‍റർ അടച്ചിട്ടതിനെത്തുടർന്ന് രാവിലെ എത്തിയ ഒട്ടേറെ വിദ്യാര്‍ഥികളും രക്ഷിതാക്കളുമാണ് വലഞ്ഞത്. എന്നാല്‍ ഓഫീസ് അടച്ചിട്ടതിനെ തുടര്‍ന്ന് രക്ഷിതാക്കളടക്കം കടത്തിണ്ണകളിലും റോഡിലും കാത്തിരിക്കേണ്ട അവസ്ഥയായിരുന്നു. നിരവധി പേര്‍ കാത്തുനിന്ന് മടുത്ത് തിരികെ പോകുകയായിരുന്നു. കഷ്ടപ്പെട്ട് പ്രോജക്ട് ചെയ്തിട്ട് പെരുവഴിയില്‍ നില്‍ക്കേണ്ട അവസ്ഥ വന്നത് വിചിത്രമെന്ന് വിദ്യാര്‍ഥികള്‍ പ്രതികരിച്ചു. ജീവനക്കാര്‍ ഓഫിസ് പൂട്ടി വിവാഹത്തിന് പോയെന്നാണ് വിശദീകരണം. അതേസമയം ഉച്ചയോടെ അധികൃതര്‍ തിരിച്ചെത്തി ഓഫീസ് തുറക്കുകയും ചെയ്തു.

Deepika.com

The Largest Read Malayalam Internet Daily

Quick Links

Rashtra Deepika LTD

Deepika.com

The Largest Read Malayalam Internet Daily

Local News

Quick Links

Rashtra Deepika LTD