റാ​ന്നി: താ​ലൂ​ക്ക് ഓ​ഫീ​സും കോ​ട​തി​യും പ്ര​വ​ർ​ത്തി​ക്കു​ന്ന താ​ലൂ​ക്കാ​സ്ഥാ​ന​ത്തെ മി​നി സി​വി​ൽ സ്റ്റേ​ഷ​നും പ​രി​സ​ര​ങ്ങ​ളും കേ​ന്ദ്രീ​ക​രി​ച്ച് തെ​രു​വു​നാ​യ്ക്ക​ൾ ആ​ക്ര​മ​ണ​കാ​രികളായി മാ​റു​ന്നു. ക​ഴി​ഞ്ഞ​യാ​ഴ്ച ര​ണ്ട് സ​ർ​ക്കാ​ർ ജീ​വ​ന​ക്കാ​ർ​ക്കാ​ണ് സി​വി​ൽ സ്റ്റേ​ഷ​ൻ പ​രി​സ​ര​ത്തു നാ​യ​യു​ടെ ക​ടി​യേ​റ്റ​ത്. വ്യാ​ഴാ​ഴ്ച കോ​ട​തി വി​ട്ടി​റ​ങ്ങി​വ​ന്ന ജൂ​ണി​യ​ർ അ​ഭി​ഭാ​ഷ​ക നാ​യ​ക്കൂ​ട്ട​ത്തി​ന്‍റെ ആ​ക്ര​മ​ണ​ത്തി​ൽ നി​ന്നു ക​ഷ്ടി​ച്ചാ​ണ് ര​ക്ഷ​പ്പെ​ട്ട​ത്.

നാ​യ്ക്ക​ൾ ആ​ക്ര​മി​ക്കാ​നെ​ത്തു​ന്ന​തു ക​ണ്ടു ഭ​യ​ന്ന് നി​ല​ത്തു വീ​ണ അ​ഭി​ഭാ​ഷ​ക തു​ലാ​പ്പ​ള്ളി നി​മ്മി ആ​നി തോ​മ​സി​നു നേരേ ചീ​റി​യ​ടു​ത്ത നാ​യ്ക്ക​ളെ ഓ​ടി​യെ​ത്തി​യ​വ​രാ​ണ് അ​ക​റ്റി​യ​ത്. ബോ​ധ​ക്ഷ​യം ഉ​ണ്ടാ​യ​തി​നേ തു​ട​ർ‌​ന്ന് അ​ഭി​ഭാ​ഷ​ക​യെ ആ​ശു​പ​ത്രി​യി​ൽ പ്ര​വേ​ശി​പ്പി​ക്കു​ക​യും ചെ​യ്തു.

കോ​ട​തി, താ​ലൂ​ക്ക് ഓ​ഫീ​സ്, സി​വി​ൽ സ​പ്ലൈ​സ്, ഫ​യ​ർ ഫോ​ഴ്സ് തു​ട​ങ്ങി നാ​ല്പ​തോ​ളം ഓ​ഫീ​സു​ക​ളാ​ണ് റാ​ന്നി മി​നി സി​വി​ൽ സ്റ്റേ​ഷ​ൻ കേ​ന്ദീ​ക​രി​ച്ചു പ്ര​വ​ർ​ത്തി​ക്കു​ന്ന​ത്. ഒ​രു ഡ​സ​നി​ലേ​റെ നാ​യ്ക്ക​ൾ ഓ​ഫീ​സ് പ​രി​സ​ര​ങ്ങ​ളി​ൽ ത​ങ്ങു​ന്നു​ണ്ട്.

ഏ​റെ​ക്കാ​ല​മാ​യി ഇ​വി​ടെ​യു​ള്ള നാ​യ്ക്ക​ളാ​ണി​വ. ജീ​വ​ന​ക്കാ​ർ പ​തി​വാ​യി ഭ​ക്ഷ​ണം ന​ൽ​കു​ന്ന​തി​നാ​ലാ​ണ് ഇ​വ സി​വി​ൽ സ്റ്റേ​ഷ​ൻ പ​രി​സ​ര​ത്തു ത​ന്നെ ത​ങ്ങു​ന്ന​തെ​ന്ന് പ​റ​യു​ന്നു. ഓ​ഫീ​സ് വ​രാ​ന്ത​ക​ളി​ലാ​ണ് രാ​ത്രി​യി​ലും പ​ക​ലും ഇ​വ ത​ങ്ങു​ന്ന​ത്.

ചി​ല ജീ​വ​ന​ക്കാ​ർ രാ​വി​ലെ​യും ഉ​ച്ച​യ്ക്കും ഇ​വ​യ്ക്കു പ​തി​വാ​യി ഭ​ക്ഷ​ണം ന​ൽ​കാ​റു​ണ്ട്. നാ​യ്ക്ക​ൾ ജീ​വ​ന​ക്കാ​ർ​ക്കും അ​ഭി​ഭാ​ഷ​ക​ർ​ക്കും വി​വി​ധ ആ​വ​ശ്യ​ങ്ങ​ൾ​ക്കാ​യി ഓ​ഫീ​സു​ക​ളി​ലെ​ത്തു​ന്ന​വ​ർ​ക്കും ഭീ​ഷ​ണി​യാ​ണെ​ന്ന പ​രാ​തി​യും ഉ​യ​രു​ന്നു​ണ്ട്. വി​ഷ​യം താ​ലൂ​ക്ക് സ​ഭ​യി​ലും പ​ഞ്ചാ​യ​ത്ത് ത​ല​ത്തി​ലും ഉ​ന്ന​യി​ച്ചി​ട്ടും ഫ​ല​മു​ണ്ടാ​യി​ട്ടി​ല്ല.

റാ​ന്നി ഗ്രാ​മ​പ​ഞ്ചാ​യ​ത്ത് പ​രി​ധി​യി​ലാ​ണ് ഓ​ഫീ​സ് പ​രി​സ​ര​ങ്ങ​ളെ​ങ്കി​ലും നാ​യ പി​ടി​ത്ത​മോ എ​ബി​സി പ്ര​വ​ർ​ത്ത​ന​മോ പ​ഞ്ചാ​യ​ത്ത് ഇ​പ്പോ​ൾ ഏ​റ്റെ​ടു​ത്തു ന​ട​ത്തു​ന്നി​ല്ല.