പ​ത്ത​നം​തി​ട്ട: കൊ​ട്ടി​ഘോ​ഷി​ച്ച് ഉ​ദ്ഘാ​ട​നം ചെ​യ്ത പ​ത്ത​നം​തി​ട്ട വ​നി​താ പോ​ലീ​സ് സ്റ്റേ​ഷ​നി​ൽ ക​യ​റ​ണ​മെ​ങ്കി​ൽ ച​ങ്ങാ​ടം വേ​ണം. മു​ന്പി​ലൂ​ടെ​യു​ള്ള ദേ​ശീ​യ​പാ​ത​യി​ൽ നി​ന്നും വ​നി​താ പോ​ലീ​സ് സ്റ്റേ​ഷ​നി​ലേ​ക്കും തൊ​ട്ട​ടു​ത്ത ക​ൺ​ട്രോ​ൾ റൂ​മി​ലേ​ക്കും ക​യ​റു​ന്ന വ​ഴി​യി​ലാ​ണ് ചെ​ളി​യും വെ​ള്ള​ക്കെ​ട്ടും നി​റ​ഞ്ഞ​ത്.

കൈ​ക്കു​ഞ്ഞു​ങ്ങ​ളു​മാ​യി സ്ത്രീ​ക​ൾ എ​ത്തു​ന്ന സ്ഥ​ലം​കൂ​ടി​യാ​ണ് വ​നി​താ പോ​ലീ​സ് സ്റ്റേ​ഷ​ൻ. വ​യോ​ധി​ക​രു​ൾ​പ്പെ​ടെ​യു​ള്ള ആ​വ​ലാ​തി​ക്കാ​രും നി​ത്യേ​ന ഇ​വി​ടേ​ക്കെ​ത്താ​റു​ണ്ട്. വെ​ള്ള​ക്കെ​ട്ടി​ലൂ​ടെ നീ​ന്തി മാ​ത്ര​മേ ഇ​വ​ർ​ക്കൊ​ക്കെ സ്റ്റേ​ഷ​നി​ലേ​ക്ക് ക​യ​റാ​നാ​കൂ. വ​നി​താ പോ​ലീ​സ് സ്റ്റേ​ഷ​ൻ ഡ്യൂ​ട്ടി​യിലു​ള്ള പോ​ലീ​സു​കാ​ർ വാ​ഹ​ന​ത്തി​ൽ മാ​ത്ര​മാ​ണ് ഇ​തു​വ​ഴി സ​ഞ്ച​രി​ക്കു​ന്ന​ത്.

കെ​ട്ടി​ട​ങ്ങ​ള്‍ നി​ര്‍​മി​ക്കു​ന്ന​തി​നാ​യി നി​ലം നി​ക​ത്തി​യെ​ടു​ത്ത സ്ഥ​ല​മാ​യ​തി​നാ​ല്‍ വെ​ള്ള​ക്കെ​ട്ടു​ണ്ടാ​യ​താ​ണ് നി​ല​വി​ലെ പ്ര​ശ്‌​ന​ങ്ങ​ള്‍​ക്ക് കാ​ര​ണം. ക​ണ്‍​ട്രോ​ള്‍ റൂ​മി​ലെ പോ​ലീ​സ് ഉ​ദ്യോ​ഗ​സ്ഥ​ര്‍ ഓ​ഫി​സി​ലേ​ക്ക് ക​യ​റു​ന്ന​തി​നാ​യി സി​മി​ന്‍റ് ക​ട്ട​യി​ട്ട് പാ​ത നി​ർ​മി​ച്ചു. എ​ന്നാ​ല്‍ വ​നി​താ പൊ​ലീ​സ് സ്റ്റേ​ഷ​നി​ലേ​ക്ക് ന​ട​ന്നു നീ​ങ്ങാ​നാ​കാ​ത്ത സ്ഥി​തി​യു​ണ്ട്.

ജി​ല്ലാ പോ​ലീ​സ് മേ​ധാ​വി​യു​ടെ ആ​സ്ഥാ​ന മ​ന്ദി​ര​ത്തി​ന് എ​തി​ര്‍​വ​ശ​ത്താ​യി സ്ഥി​തി ചെ​യ്യു​ന്ന വ​നി​താ പോ​ലീ​സ് സ്റ്റേ​ഷ​നി​ലെ ദു​ര​വ​സ്ഥ ആ​രും ക​ണ്ട​താ​യി ന​ടി​ക്കു​ന്നു​മി​ല്ല. 2022 മാ​ര്‍​ച്ച് ആ​റി​ന് മു​ഖ്യ​മ​ന്ത്രി ത​റ​ക്ക​ല്ലി​ട്ട് 2025 മാ​ര്‍​ച്ച് ഒ​ന്നി​ന് തു​റ​ന്നു കൊ​ടു​ത്ത​താ​ണ് കെ​ട്ടി​ട​ങ്ങ​ൾ. പ്ര​ധാ​ന​പ്പെ​ട്ട ഓ​ഫീ​സു​ക​ളി​ലേ​ക്കു​ള്ള പാ​ത​യി​ലെ വെ​ള്ള​ക്കെ​ട്ട് ഒ​ഴി​വാ​ക്കാ​ൻ നി​ർ​മാ​ണം ഏ​റ്റെ​ടു​ത്ത​വ​രും ശ്ര​ദ്ധി​ച്ചി​രു​ന്നി​ല്ല.