നെ​ന്മാ​റ: ക​രി​മ്പാ​റ പൂ​ഞ്ചേ​രി​യി​ൽ കാ​ട്ടാ​ന​യി​റ​ങ്ങി തെ​ങ്ങി​ൻ​തോ​ട്ട​ത്തി​ൽ വ്യാ​പ​ക​നാ​ശം വ​രു​ത്തി. മ​രു​ത​ഞ്ചേ​രി കു​ന്നു​പ​റ​മ്പ് വീ​ട്ടി​ൽ ഷാ​ജ​ഹാ​ന്‍റെ പൂ​ഞ്ചേ​രി​യി​ലു​ള്ള കൃ​ഷി​യി​ട​ത്തി​ൽ അ​ഞ്ചു​തെ​ങ്ങു​ക​ൾ ന​ശി​പ്പി​ച്ചു.

ഫ​ല​വൃ​ക്ഷ​ങ്ങ​ൾ, ക​മു​കി​ൻ​തൈ​ക​ൾ, ക​മ്പി​വേ​ലി എ​ന്നി​വ​യും ന​ശി​പ്പി​ച്ചി​ട്ടു​ണ്ട്. ഏ​ക​ദേ​ശം 35000 രൂ​പ​യു​ടെ ന​ഷ്ടം വ​രു​ത്തി​യി​ട്ടു​ണ്ട്.

ക​ഴി​ഞ്ഞ പ​ത്തു​മാ​സ​ത്തി​നി​ടെ ഈ ​കൃ​ഷി​യി​ട​ത്തി​ൽ അ​ഞ്ചാം ത​വ​ണ​യാ​ണ് കാ​ട്ടാ​ന​ക​ൾ കൂ​ട്ട​മാ​യും ഒ​റ്റ​യാ​യും തെ​ങ്ങു​ക​ൾ ന​ശി​പ്പി​ക്കു​ന്ന​ത്. ഇ​തു​വ​രെ 35 തെ​ങ്ങു​ക​ൾ ഈ ​ക​ർ​ഷ​ക​ന്‍റെ മാ​ത്രം മേ​ഖ​ല​യി​ൽ ന​ശി​പ്പി​ച്ചി​ട്ടു​ണ്ട്.

ക​ൽ​ച്ചാ​ടി, ച​ള്ള മേ​ഖ​ല​യി​ലെ അ​ഞ്ചോ​ളം ക​ർ​ഷ​ക​രു​ടെ കൃ​ഷി​യി​ട​ങ്ങ​ൾ ക​ട​ന്നാ​ണ് കാ​ട്ടാ​ന ഈ ​കൃ​ഷി​യി​ട​ത്തി​ൽ എ​ത്തി​യ​ത്.

സ​മീ​പ ക​ർ​ഷ​ക​രാ​യ കെ. ​ചെ​ന്താ​മ​രാ​ക്ഷ​ൻ, വീ​പ്പ​നാ​ട​ൻ ജോ​ർ​ജ് എ​ന്നി​വ​രു​ടെ കൃ​ഷി​യി​ട​ങ്ങ​ളി​ലും കാ​ട്ടാ​ന ന​ട​ന്നും ഫ​ല​വൃ​ക്ഷ​ങ്ങ​ൾ ഒ​ടി​ച്ചും​തി​ന്നും ന​ശി​പ്പി​ച്ചി​ട്ടു​ണ്ട്. നെ​ന്മാ​റ വ​നം ഡി​വി​ഷ​നി​ലെ തി​രു​വ​ഴി​യാ​ട് സെ​ക്്ഷ​നു കീ​ഴി​ലു​ള്ള ക​ൽ​ച്ചാ​ടി വ​ന​മേ​ഖ​ല​യി​ൽ​നി​ന്നാ​ണ് ര​ണ്ടു​കി​ലോ​മീ​റ്റ​റോ​ളം അ​ക​ലെ​യു​ള്ള ഷാ​ജ​ഹാ​ന്‍റെ കൃ​ഷി​യി​ട​ത്തി​ൽ കാ​ട്ടാ​ന​യെ​ത്തി​യ​ത്.