മ​ല​പ്പു​റം: ഇ​ത്ത​വ​ണ​ത്തെ ഓ​ണം വി​പ​ണി​യി​ലൂ​ടെ കു​ടും​ബ​ശ്രീ നേ​ടി​യ​ത് 3.90 കോ​ടി രൂ​പ. ജി​ല്ലാ​ത​ല ഓ​ണ​ച്ച​ന്ത​യി​ൽ നി​ന്നും, സി​ഡി​എ​സ് ഓ​ണ​ച്ച​ന്ത​ക​ളി​ൽ നി​ന്നു​മാ​യി 3.18 കോ​ടി രൂ​പ. ജി​ല്ലാ​ത​ല ഭ​ക്ഷ്യ​മേ​ള​യി​ൽ നി​ന്ന് 6.50 ല​ക്ഷം രൂ​പ, ജി​ല്ല​യി​ലെ 15 ബ്ലോ​ക്കു​ക​ളി​ൽ നി​ന്ന് തെ​ര​ഞ്ഞെ​ടു​ത്ത 30 ക​ഫെ കാ​റ്റ​റിം​ഗ് യൂ​ണി​റ്റു​ക​ൾ വി​പ​ണ​നം ചെ​യ്ത 5650 ഓ​ണ​സ​ദ്യ​ക​ൾ വ​ഴി ഒ​ന്പ​ത് ല​ക്ഷം രൂ​പ, സി​ഡി​എ​സു​ക​ൾ വ​ഴി വി​പ​ണ​നം ചെ​യ്ത 9000 ഓ​ണ​കി​റ്റു​ക​ൾ വ​ഴി 42 ല​ക്ഷം രൂ​പ, ഓ​ണ്‍​ലൈ​നാ​യി വി​പ​ണ​നം ചെ​യ്ത 430 ഓ​ണ കി​റ്റു​ക​ൾ വ​ഴി 3.60 ല​ക്ഷം രൂ​പ, പൂ​കൃ​ഷി​യി​ലൂ​ടെ 13.19 ല​ക്ഷം രൂ​പ എ​ന്നി​ങ്ങ​നെ​യാ​ണ് കു​ടും​ബ​ശ്രീ 3.90 കോ​ടി രൂ​പ നേ​ടി​യ​ത്.

ഓ​ണം മു​ന്നി​ൽ ക​ണ്ട് ജി​ല്ല​യി​ലെ 111 സി​ഡി​എ​സു​ക​ളി​ലാ​യി തു​ട​ക്കം കു​റി​ച്ച 182 ഓ​ണ​ച്ച​ന്ത​ക​ൾ, വ​ള്ളി​ക്കു​ന്നി​ൽ സം​ഘ​ടി​പ്പി​ച്ച ജി​ല്ലാ​ത​ല ഓ​ണ​ച്ച​ന്ത, ഭ​ക്ഷ്യ​മേ​ള, പോ​ക്ക​റ്റ് മാ​ർ​ക്ക് ആ​പ്പി​ലൂ​ടെ ഓ​ണ്‍​ലൈ​നാ​യും ഓ​ഫ്ലൈ​നാ​യും വി​പ​ണ​നം ചെ​യ്ത ഓ​ണ​ക്കി​റ്റ്, കു​ടും​ബ​ശ്രീ സം​രം​ഭ​ക​ർ ഓ​ർ​ഡ​റു​ക​ൾ​ക്ക​നു​സ​രി​ച്ച് ത​യാ​റാ​ക്കി വി​പ​ണ​നം ചെ​യ്ത ഓ​ണ​സ​ദ്യ, കാ​ർ​ഷി​ക മേ​ഖ​ല​യി​ൽ 77 സി​ഡി​എ​സു​ക​ളി​ലാ​യി 99.9 ഏ​ക്ക​ർ സ്ഥ​ല​ത്ത് കൃ​ഷി ചെ​യ്ത ചെ​ണ്ടു​മ​ല്ലി എ​ന്നി​വ വ​ലി​യ വി​ജ​യ​മാ​യി മാ​റി.