പു​ന​ർ​നി​ർ​മിച്ച അ​പ്രോ​ച്ച് റോ​ഡ് വീ​ണ്ടും ഇ​ടി​ഞ്ഞു താ​ഴ്ന്നു
Sunday, March 19, 2023 10:30 PM IST
എ​ട​ത്വ: പു​ന​ർ​നി​ർ​മിച്ച കേ​ഴി​മു​ക്ക് പാ​ല​ക്ക​ളം പാ​ലം വീ​ണ്ടും ഇ​ടി​ഞ്ഞു താ​ഴ്ന്നു. ഫ​യ​ർ​ഫോ​ഴ്സി​ന്‍റെയും നാ​ട്ടു​കാ​രു​ടേ​യും ഇ​ട​പെ​ട​ൽ വ​ൻ​ദു​ര​ന്ത​ങ്ങ​ൾ ഒ​ഴി​വാ​യി. തി​ര​ക്കേ​റി​യ എ​ട​ത്വ-​ത​ക​ഴി സം​സ്ഥാ​ന​പാ​ത​യി​ല്‍ കോ​ഴി​മു​ക്ക് പാ​ല​ക്ക​ളം പാ​ല​ത്തി​ന്‍റെ അ​പ്രോ​ച്ച് റോ​ഡാ​ണ് വീ​ണ്ടും ഇ​ടി​ഞ്ഞു താ​ഴ്ന്ന​ത്.
പാ​ല​ത്തി​ന്‍റെ പ​ടി​ഞ്ഞാ​റേ​ക്ക​ര​യി​ല്‍ തെ​ക്കെ വ​ശ​ത്തെ അ​പ്രോ​ച്ച് റോ​ഡ് അ​ര​യ​ടി​യോ​ളം താ​ഴ്ന്നി​ട്ടു​ണ്ട്. ഏ​താ​നും മാ​സ​ങ്ങ​ൾ​ക്കു മു​ൻ​പ് യാ​ത്ര​ക്കാ​രു​ടെ പ​രാ​തി​യെതു​ട​ർ​ന്ന് പൊ​തു​മ​രാ​മ​ത്ത് റോ​ഡ് വി​ഭാ​ഗം അ​പ്രോ​ച്ച് റോ​ഡ് ക​ല്ലി​ട്ട് ഉ​യ​ർ​ത്തി ടാ​റിം​ഗ് ചെ​യ്തി​രു​ന്നു.
എ​ന്നാ​ൽ, റോ​ഡ് വീ​ണ്ടും പ​ഴ​യ അ​വ​സ്ഥ​യി​ലായി​ട്ടു​ണ്ട്. എ​സി റോ​ഡി​ല്‍നി​ന്ന് വാ​ഹ​നം തി​രി​ച്ചു​വി​ടാ​ന്‍ തു​ട​ങ്ങി​യ​തോ​ടെ ട്ര​യി​ല​ര്‍ ഉ​ള്‍​പ്പെ​ടെ​യു​ള്ള ഹെ​വി വാ​ഹ​ന​ങ്ങ​ള്‍ സ​ഞ്ച​രി​ച്ച​താ​ണ് അ​പ്രോ​ച്ച് റോ​ഡ് ഇ​ടി​ഞ്ഞു താ​ഴ്ന്ന​ത്. ഇ​രു​ച​ക്രവാ​ഹ​ന​ങ്ങ​ള്‍ പാ​ല​ത്തി​ല്‍​നി​ന്ന് അ​പ്രോ​ച്ച് റോ​ഡി​ലേ​ക്കു​ള്ള ഇ​റ​ക്ക​ത്തി​ല്‍ നി​യ​ന്ത്ര​ണം വി​ട്ട് അ​പ​ക​ട​ത്തി​ല്‍പ്പെ​ടു​ന്ന​ത് പ​തി​വു കാ​ഴ്ച​യാ​ണ്.
ക​ഴി​ഞ്ഞദി​വ​സം രാ​ത്രി​യി​ൽ ഇ​തു​വ​ഴി ക​ട​ന്നു​പോ​യ ലോ​റി പാ​ല​ത്തി​ൽനി​ന്ന് അ​പ്രോ​ച്ച് റോ​ഡി​ലേ​ക്ക് ഇ​റ​ങ്ങ​വേ ഓ​യി​ൽ ടാ​ങ്ക് പൊ​ട്ടി റോ​ഡി​ൽ ഓ​യി​ൽ നി​ര​ന്നി​രു​ന്നു.
അ​തി​നു​ശേ​ഷം വ​ഴി​യി​ലൂ​ടെ ക​ട​ന്നു​പോ​യ നി​ര​വ​ധി ഇ​രു​ച​ക്ര വാ​ഹ​ന​ങ്ങ​ളാ​ണ് റോ​ഡി​ൽ നി​ര​ന്ന ഓ​യി​ലി​ൽ തെ​ന്നി​വീ​ണ് അ​പ​ക​ട​മു​ണ്ടാ​യ​ത്. സ​മീ​പ​വാ​സി​ക​ൾ ത​ക​ഴി ഫ​യ​ർഫോ​ഴ്സി​ൽ വി​വ​രം അ​റി​യി​ച്ച​തി​നെ തു​ട​ർ​ന്ന് ഉ​ദ്യോ​ഗ​സ്ഥ​ർ സ്ഥ​ല​ത്തെ​ത്തി റോ​ഡി​ൽ പ​ര​ന്ന ഓ​യി​ൽ ക​ഴു​കി വൃ​ത്തി​യാ​ക്കി​യ ശേ​ഷ​മാ​ണ് ഗ​താ​ഗ​തം പു​ന​ഃസ്ഥാ​പി​ച്ച​ത്.
മാ​സ​ങ്ങ​ൾ​ക്കു മു​ൻ​പ് ഇ​തേ അ​വ​സ്ഥ സം​ജാ​ത​മാ​യ​പ്പോ​ൾ പൊ​തു​മ​രാ​മ​ത്ത് വ​കു​പ്പ് അ​ധി​കൃ​ത​ര്‍ പാ​ല​ത്തി​ന്‍റെ തെ​ക്കുവ​ശ​ത്തു​കൂ​ടി​യു​ള്ള ഗ​താ​ഗ​തം ബാ​രി​ക്കേ​ഡ് വച്ച് അ​ട​ച്ചി​രു​ന്നു.
എ​ട​ത്വ- ​ത​ക​ഴി സം​സ്ഥാ​ന​പാ​ത​യി​ല്‍ പാ​ല​ക്ക​ളം പാ​ലം ഉ​ള്‍​പ്പെ​ടെ നാ​ലു പാ​ല​ങ്ങ​ളി​ലെ അ​പ്രോ​ച്ച് റോ​ഡി​നും സ​മാ​ന അ​വ​സ്ഥ​യാ​ണു​ള്ള​ത്. ത​ക​ഴി വ​ലി​യ​പാ​ലം, കേ​ള​മം​ഗ​ലം പാ​ലം, ചെ​ക്കി​ടി​ക്കാ​ട് പ​റ​ത്ത​റ​പ്പാ​ലം, പ​ച്ച പാ​ലം എ​ന്നി​വി​ട​ങ്ങ​ളി​ലും റോ​ഡും അ​പ്രോ​ച്ചും ത​മ്മി​ൽ പൊ​ക്ക വ്യ​ത്യാ​സ​മു​ണ്ട്.
ചങ്ങനാശേരി-ആലപ്പുഴ റോ​ഡ് ന​വീ​ക​ര​ണ​ത്തെത്തുട​ർ​ന്ന് അ​മ്പ​ല​പ്പു​ഴ - തി​രു​വ​ല്ല സം​സ്ഥാ​ന പാ​ത​യി​ൽ വ​ൻ​ഗ​താ​ഗ​ത തി​ര​ക്ക് അ​നു​ഭ​വ​പ്പെ​ടു​ന്നു​ണ്ട്. അ​പ്രോ​ച്ച് റോ​ഡ് ഉ​റ​പ്പാ​യ രീ​തി​യി​ൽ പു​ന​ർ നി​ർ​മ്മി​ച്ച് അ​പ​ക​ട​കെ​ണി ഒ​ഴി​വാ​ക്ക​ണ​മെ​ന്ന് യാ​ത്ര​ക്കാ​ർ ആ​വ​ശ്യ​പ്പെ​ടു​ന്നു.
Copyright @ 2022 , Rashtra Deepika Ltd.